جديد:

نعي [ #عوذة_القاسم ]
في كتابة الإمام #الحسن_المجتبى لعوذة القاسم بكربلاء (ع) قبل احتضاره ولسان الحال، ١٤٤٥ هـ

▪️▪️▪️▪️▪️▪️▪️

يحسين ناولني قلم .. بكتب وصيَّه في كتاب
يحسين خويه بالعجل .. چبدي ترى تقطَّع وذاب

انطاه اخوه اشمايريد .. وصار الحسن يذرف دمع
خلَّص كتابة عوذته .. ولفها عجيبه بالشمع!

لـ ابنه رفع راسه وندا .. إدنى إلي يا قاسمي
هالعوذه هذي ابني لك .. احفظها عن لا تنرمي

لو ضاقت اعليك ابنهار .. لو ضايقك يبني أمر
أفتحها و اقرا يالولد .. تلقاها أُمنيْة العمُر

غارت عيونه بوعلي ..شنهو كتب بيها فهم
صَد الخليله ابدمعته .. وصَد له خليله وابتسم

واثنينهم صاحو سوه .. وباثنينهم زاد الألم
ماقصَّرِت قلَّه الحُسين .. نِعم ابشبابك يالشهم.

▪️▪️▪️▪️▪️▪️▪️

بِـ قلم /خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

بـ طور / السَّم سرى في دمي للسيد مجاهد الخباز
https://youtu.be/PWco52U1Kms

▪️▪️▪️▪️▪️▪️▪️

نعي [ #إلي_وصية ]
لسان حال الإمام #الحسن_المجتبى (ع) ووصاياه لإخوته قبل إحتضاره ، ١٤٤٢ هـ .

▪️▪️▪️▪️▪️▪️▪️

لأخيه الحسين:

إسمعني يا ضِوانه
رايح يَخويه آنه
الجاسم إلك أمانه
وهذي إلي وصيَّه 

لا تبچي ليَّه اعيونك
واعلى العُمر خيعونك
لا يوم مثله يومك
وبس وحده غاضريَّه

يَحسين ياحبيبي
لا تعتب الـ مغيبي
ابعاشر تِهز نحيبي
ومَقدر أنا اعلى الجيَّه


لأخته العقيلة:

زينبنا يا عزيزه
بيچ الصبر غريزه
ولو للبلا ركيزه
صرتين يا زچيَّه

وقفي ابوجه الظالم
وقفات أمچ فاطم
ولو هانچ اشكم خادم
ونادوچ خارجيَّه

سمَّوا أنا چَبدتي
وماجرحي إلا أنتي
چم نايبه نِظرتي
وچم دار مختليَّه


لأخيه العبَّاس:

عبَّاس إخِذها أختك
هسَّه بدت مُهِمْتك
محتاجه زينب حِنتك
ورايح أنا المسيَّه

إمسح دمعها النازل
ياخويه أنته الكافل
بليل القُمر لو شايل
انته الـ سِماها ضيَّه.

▪️▪️▪️▪️▪️▪️▪️

بِـ قلم / خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

ثلاث أمانات.. ثلاث أيدي أستُودعت بثلاث مثلاهن، كل منهن في زمنٍ مختلف. شهدتهم عينٌ واحده، وضاعت مثل البقية..!

🗒️ | نعي [ #ثلث_ضيعات ]
وقفة في ضيعة #السيدة_زينب و#السيدة_رقية والسيدة #فاطمة_الزهراء (ع) ١٤٤٢ هـ .

▪️▪️▪️▪️▪️▪️▪️

ايد ابـ اِيد هالموقف .. ثلَث مرَّات
صار اُو شهدت الكل عين
ثلَّث بضعات مكفوله
اُو فرد ضيعه كتبها البين:

أول بضعه الزهراء ، تِسلَمت بيد أبو الحسنين
أمانه من النبي الحيدر، أمانه انردَّت ابكسرين
الكِفلها بالحبل مچتوف، اُو دمع البضعه عالخدين

ثاني بضعه بأرض الطف ، إلزينب سلِّمنها احسين
رقية امدلَّلـة قلبه ، إلبدري حاوطنها البين
ماتت والمتن مِزرَق ، وبيد الكِفلت التچفين

ثالث بضعه منهي تكون؟، إلدارت عليها اسنين
إلتِسلمت بيد أبوفاضل ، اُو لاقت قطعة الإيدين
المكفوله اُو بعد صارت، كفيله اُو جِمعت الأمرين

زينب آه على زينب ، شافت كسرة الضلعين
شافت مصرعه لحسين ، شافت قطعة الچفين
مو ضيعه! ثلَث ضيعات، زينب شاهدت بالعين.

▪️▪️▪️▪️▪️▪️▪️

بِـ قلم /خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

أبيات [ #دخيلك_يالرضا ]
توسل بـ الإمام #علي_الرضا (ع)، ١٤٤٤ هـ.
▪️▪️▪️▪️▪️▪️▪️

دخيلك يالرضا ساعدني مولاي
طُفى مصباح نوري وشِعل بلواي
هاي المره چم بيك التجي جاي؟
يمك قلبي ايبوح انكساره

حاولت اشكثر لك چلمه ارتب
بيها حاجتي يا سيدي اطلب
بس عاجز اسولف! حتى اكتب!
همي الـ بالقلب زايد غزاره

آنه ومشهدك قصة زماني
آنه يا علي الصابر واتاني
آنه الشايل اجموع الأماني
وأنا المل قلبي من قد اصطباره

سلطان اُو رؤوف اُو ضامن انته
حمام الدوح مل من ونْتي! شفته؟
حِن وأضمن إلي الحل النطرته
لمُشكلتي الصُفت مصدر خساره

هيچ آنه امن أحب اتعلق اهواي
(حبيبي الرضا) مشتاقك اهواي
محتاجك (نفس) خانقني اهواي
وحق أهلك لحالي انطيني چاره .

▪️▪️▪️▪️▪️▪️▪️

بِـ قلم /خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

بِطور / يا أم الحسن، للملا محمد بوجبارة
https://youtu.be/jOGwKRSODNg?si=YqDpq-J5WX6efWJb

▪️▪️▪️▪️▪️▪️▪️

جديد:

📜 | قصيدة [ #صوت_الوالده ]
لسان حال السيدة #فاطمة_الزهراء في استشهاد الإمام #علي_الرضا (ع)، ١٤٤٥ هـ

▪️▪️▪️▪️▪️▪️▪️

المستهل /

آه .. صوت الوالده

١/

صوت الزچيه معتلي .. آه اعلى اولادي
كل ليله اجنازه إلي .. آه اعلى اولادي
كل ليله افقدلي ولي .. آه اعلى اولادي
والليله مفقودي علي .. آه اعلى اولادي

حيل .. ماظلَّي اُو جَلد
حيل .. وكل ساعه ولد
حيل .. آنه فاقده
آه .. صوت الوالده

٢/

لا تحسبوني للرضا .. ماجيته أتعنى
منهو من اولادي قضى .. ماجيته أتعنى؟
حسره اعلى مذبوح القفى .. ماجيته أتعنى
كلمن حضوري بيه حظى .. وماجيته أتعنى

مات .. يصرخ بالعطش
مات .. ما عنده نعش
مات .. وحزني أبَّده
آه .. صوت الوالده

٣/

جيت الأبو محمد أنا .. مشَّايه مشَّايه
ولو آنه لحسين السنه .. مشَّايه مشَّايه
هالليله أهجر -للضنا- .. مشَّايه مشَّايه
وأقصد خراسان ابعنا .. مشَّايه مشَّايه

ليل .. أهجر بيه وأرد
ليل .. لن عندي فقد
ليل .. مشهد قاصده
آه .. صوت الوالده

٤/

منهو الذي سمَّم ابن .. دلَّالي دلَّالي ؟
يوجعني والله امن الحزن .. دلَّالي دلَّالي
هَم وآنه ميته هَم يون .. دلَّالي دلَّالي!
لرأفة ابن موسى يحن .. دلَّالي دلَّالي

راح .. ضامن شيعتي
راح .. ذوَّب مُهجتي
راح .. ونِّي ماهِده
آه .. صوت الوالده

٥/

محمَّد صغير اعلى اليتم .. يوليدي يوليدي
بدري امن أبيَّه ينحرم .. يوليدي يوليدي
من زينب أحزانه يلم .. يوليدي يوليدي
ابقلبه تلاقي كم ثِلم .. يوليدي يوليدي ؟

مال .. حيله والظهر
مال .. يَبني وانكسر
مال .. وشلون اسنده؟!
آه .. صوت الوالده.

▪️▪️▪️▪️▪️▪️▪️

بِـ قلم /خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

بِـ طور / أومت بديها للملا عبد الحي آل قمبر
https://youtu.be/btxEoLzSAto

▪️▪️▪️▪️▪️▪️▪️

نعي [ #دفنوني_يمكم ]
وقفة بلسان الحال للسيدة ليلى - أم علي الأكبر - ( ع ) في #الأربعين ، ١٤٤٢ هـ

▪️▪️▪️▪️▪️▪️▪️
                          
ها يَبني آنه أمك أجيتك بأربعينك
لسَّه تِون يا عمري لو هوَّد وِنينك؟
تعبانه يا يُمَّه عن أمك انته وينك
فزلي يَمقصور العُمر أنظر جبينك

دفنوك قالولي تحت رجلين لحسين
قلِّي يَغالي دفنتي اِنويتوا في وين؟
دفنوني يمكم خل تنام ابراحه هالعين
وقولولي يُمه هالشمل ما فرَّقه البين.

▪️▪️▪️▪️▪️▪️▪️

بِـ قلم /خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

بـ طور / تعبانه يحسين ، للملا محمد بوجبارة
https://youtu.be/VcyW8Fb1JT8

▪️▪️▪️▪️▪️▪️▪️

يروى عن أول أذان صدح به بلال بعد شهادة النبي (ص)، أن حينما قال " أشهد أن محمداً رسول الله .. " سمعتهُ الزهراء (ع) فأُغشي عليها ..

▪️▪️▪️▪️▪️▪️▪️

📜 | قصيدة [ #أشهد_محمد ]
لسان حال #الإمام_الحسن للمؤذن بلال ، وفي ما رأى من حال أمه  #فاطمة_الزهراء (ع) عند سماع أول أذان بعد شهادة #النبي_الأكرم (ص) ، ١٤٤١ هـ .

▪️▪️▪️▪️▪️▪️▪️

المستهل /

لا ترفع الصوت .. بآذانك اتموت
ابـ "اشهد مُحمد" .. لا ترفع الصوت


١ /

"اشهدُ أنْ لا إله .. إلا الله" لا سِواه
"اشهدُ أنَّ مُحمد " عبده اُو رسوله

لا تِكمل يا بِلال .. مابُقى للزهرا حال
ناظِر إلها وارحم ابحال البتوله

طاحت انطر عالأرض! .. شو وِقف منها النبض؟
لا فُقدناها عسن أمنا الحنونه!

الحسن واترجاك انه .. لا تِأذي فاطِمه
كافي حرق الدار ياناس ارحمونه


من صِحت بأسمه .. اعليها اُغمى
ابـ "اشهد مُحمد" .. لا ترفع الصوت


٢ /

ابقيت حاير باللي صار .. اُو هم اخويه اويايه حار
أمنا تبچي اتصيح وينك يا ابويه

اتقول ياعزي تعال .. بويه واحشني الدلال
منهو بعدك ليّه آه يا بويه عونه

حُب البنيّه الأبو .. اُو غيره حُب لا ما اكو
اتضيّع الدرب اُو تِدلّه حاشا دونه

وآنه ماصدق رحت .. زهرِتك بويه عِفت!
ماتريد اتجلِّس ابـ حضن الحنونه؟!

محلاها جَيتك .. بويه فُقدتك
ابـ "اشهد مُحمد" .. لا ترفع الصوت


٣ /

وين بويه طلعتك .. للصلاة اُو بسمِتك
هذا اسمك بالأذان چا وينك انته؟

المدينه اتزلزلت .. من "مُحمد" اسمَعت
صياح صار ابهالأذان بويه سمِعته؟

آنه بـ امكاني طِحت .. والله يابويه انهرِت
وهناك حيدر بالزوايا يخفي ونته

قبالي مايقدر يصيح .. يدري بيّه اْعثر واطيح
آه يا بويه حبيبك ليش عفته

دمعات اِلثقيل .. اتهده الحيل
ابـ " اشهد مُحمد " .. لا ترفع الصوت


٤ /

حسين يبچي ابلا حِضن .. رايدك بويه اظِن
آنه هسّه باحضنه وما بيدي باچر

ابحضني لا مايستراح .. صدري تدميه الجِراح
راح يبقى بالأخير يابويه حاير

"وين أمي اُو وين ابوي ..  وين جدّي اُو وين اخوي"
ليش عاوليدي الزمن يابويه جاير؟!

ريت اخذتنه معاك .. خايفه اشيجري بلاك
واخبرتني ليّه بعدك الموت داير

يا بويه بعدك .. تتذبّح اهلك
ابـ " اشهد مُحمد " .. لا ترفع الصوت


٥ /

كافي والله يا بِلال .. اتهدمت حتى الجِبال
دمعة الزهراء ما نحملها يكفي

حامل آنه يالرسول .. رِد اُو داريني تقول
فاقدك محسن تِناغي ليه ابني

ايرَفِّس ابطني غِده! .. بويه صوتك فاقِده
ايون يَبويه اُو ونِّته اتزيدنّه ونِّي

اقطعه هذا الآذان .. شِبه قتلى ابهالمكان
آنه خايف يا بلال اتموت أمي 

خفّف هالونين .. ولأم الحسين
ابـ "اشهد مُحمد" .. لاترفع الصوت


٦ /

اقطعه عمِّي بِلال! .. لا يجوها هالرِّجال
" ما انّام ابليل اُولا بنهار نهده "!

والله يهضم هالحچي .. حسبي الله واشتچي
اشكثر اذَّوا أمي ماهي چنها بنته!

عمي مَيخالف سماح .. اقطعه هذا الصباح
كلها عِلمت بالأذان خل أمي تِهده

ياحسافه اعلى اليصير .. انكسِر وآنه زغير
أم أبوها عذِّبوها بعد فقده

أمي يتيمه .. ماعدها خيمه
ابـ " اشهد مُحمد " .. لا ترفع الصوت .

▪️▪️▪️▪️▪️▪️▪️

بِـ قلم / خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

بـ طور / هنياله الينام الليل، سيد فاقد الموسوي
https://youtu.be/UY6KqKh_9A8?si=PrW5bQq3qagUvlu4

▪️▪️▪️▪️▪️▪️▪️

📜 | قصيدة [ #دونك_بويه ]
لسان حال السيدة #فاطمة_الزهراء في استشهاد #النبي_الأعظم محمد (ص) ، ١٤٤٤ هـ

▪️▪️▪️▪️▪️▪️▪️

المستهل /

دونك بويه ظلمه بعيني الكون ( ٢ )
مو انته الـ ادفنك كون العيون
دونك بويه ظلمه بعيني الكون

١ /

رايح ما ترد بويه ومخلِّف لك ابنيَّه
لو هوَّد عليها الليل اتفقدك ها يَحنيَّه
رايح روحة الأحباب الماليهم بعد جيَّه
القبلك أمي راحتها ولسه ما اِجت ليَّه

باچر من انادي و اطلب العون
دونك بويه ظلمه بعيني الكون

٢ /

عندي من صور لفراق خبره ومعرفه ابجيته
من يقرب أبو موته يبچي ويحضن ابنيته
تفارقني يَبويه اليوم اُو تبچي لكن ابسكته
مدري لن تفارقني أو بعدك لأن ميته؟!

بعدك كل مصيبه والله اتهون
دونك بويه ظلمه بعيني الكون

٣ /

بويه من قبل متروح منك كلمه ردت اسمع
باچر لو اجوني الدار وعصروني إلي تفزع؟
يسيل ادماي مو دمعي! يالماترضى بالمدمع
وكل خوفي على طفلي لا منِّي الطفل يوقع

برحمة الله لا محسن يسقطون
دونك بويه ظلمه بعيني الكون

٤ /

ليلي آنه من بعدك مو مثلاته كل فاقد
من يخلص دمع عينه تلاقيه بالحزن راقد
اشلون الليل والنومه وبسمار الصدر قاعد؟
دم وآلام هالبيني وملطومه اعلى چف حاقد

مايبرد ألم و ابداري يلفون
بعدك بويه ظلمه ابعيني الكون .

▪️▪️▪️▪️▪️▪️▪️

بِـ قلم /خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

بـ طور / بويه أنا عطشان للملا جعفر الدرازي
https://youtu.be/YTcSkA1OSlk

▪️▪️▪️▪️▪️▪️▪️

📜 | قصيدة [ #آخر_أمل ]
توسل بـ #النبي_الأعظم محمد ( ص ) ، ١٤٤٢ هـ .

▪️▪️▪️▪️▪️▪️▪️

١ /

ايدك .. له ارفعها ..

يهالبالحزن حاير ، الرسول الله سافر
ولو بالقلب شديت المسيره
أبو الرحمه مُحمَّد ، يجبر لك الخاطر
اُو روحك ماتظل حاشى كسيره

ها يالبالمدينه
بالزهرا نخيتك
ومَترد نخوه بيها
شقد معروف صيتك

٢ /

ايدك .. له ارفعها ..

سلام الله اُو رحِمته ، على الضاعت زهِرته
على مَن بنته كسروها ابرحيله
اجيتك قلبي مخنوق ، يَمولاي ابحسرته
أريد اتزول أيامي الثقيله

ها يالبالمدينه
بالزهرا نخيتك
ومَترد نخوه بيها
شقد معروف صيتك

٣ /

ايدك .. له ارفعها ..

حوائج عندي كثره ، نخيتك يَبو الزهره
أريد امنَّك اليوم انفِراجه
ارفعِت وي چفي خاطر ، فقط انته التِجبره
ارفعِت قلبي اِليندبك يا سِراجه

ها يالبالمدينه
بالزهرا نخيتك
ومَترد نخوه بيها
شقد معروف صيتك

٤ /

ايدك .. له ارفعها ..

يقيني بالنبي اليوم ، يفك كل أسر مظلوم
اُو يداوي بالدعاء الطال سَقمه
وحق الزهرا بنته ، مَيبقى اليوم مهموم
نخاه ابدمعِته إلا اُو زال هَمَّه

ها يالبالمدينه
بالزهرا نخيتك
ومَترد نخوه بيها
شقد معروف صيتك

٥ /

ايدك .. له ارفعها ..

حبيبي يا مُحمَّد ، الصبر منِّي تِفرهد
واشوف آخر أمل عندك يَغاتي
البلاء اعليَّه أكبر ، ونبض اقليبي يشهد
رحِمتك يالنبي اِنقذ حياتي

ها يالبالمدينه
بالزهرا نخيتك
ومَترد نخوه بيها
شقد معروف صيتك .

▪️▪️▪️▪️▪️▪️▪️

بِـ قلم /خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة