Nama Jaalladhu malee hin Amanin

#Sister
Ana akka filannootti Yaadarta taanan
Dhiisi Kun Abjuu hiika hin qabne waan
ta'eef Nan Abdatin.

An fakkeessuun beeku
Dhugaan sitti hima
Si godhachuuf ture
Michuu kiyya cimaa

Kabajaan siif qabu
Ija biroon laaltee
Gaarii An siif godhe
Gowwummaa koo seete

Gaafan An siif yaadu
Ati natti qooste
Gaafan sitti siqu
Ati narraa fagaatte

Wanta dhugaan taane
Soba fafakkaattee
Irra keessa Kolfaa
Miira kootiin xabatte

Ati addaan hin beektu
Kabajaa fi sodaa
Nattin siqin gonkumaa
Ati Arra booda

'Qoraanin deema' jedhii
Gowwoomsii jara manaa
Kottu si eegaan jiraa
Bakka beellamaa sana!

Ijjikoo karaa laalti
Si arguudhaaf dharraatee
Furtuun jireenya kiyyaa
Si qofatti rarraate!

Sabboontittii baadiyyaa
Tiksituu aadaaf safuu
Dhugaan si jaaladheera
Abadan sirraa-n hafuu..!

Shurrubaan kee dheeraa
Dugda keessa ciisa
Seequun kee tokkichi
Gadda meeqa kiisa!

Wal'aansa kee barbaada
Onneen koo dhiiga cobsa
Ogeettii jaalalaa koo
Akkamiinan si obsa?

Dhangaa jaalala dhugaa
Sumarraan dhandhamadha
Ijaan gaafan si arge
Dhibeerraan dandamadha!

Giiftii guddisa tolte
Gameettii haadha danuu
Bir'annaa kana biraa
Waan si waliin badanu!

Akka dheengadda dhufte
Baattee 'qodaa' bishaanii
Har'as funyoo fudhadhuu
Gowwoomsadhu isaani!

Tokkittii waan ofiikoo
Miidhagduu haadha surraa
Hin mul'atu, hin sodaatin
Homaa hin beekamu nurraa!

Hawwiin si eegaan jira
Mi'ooftuu akka dammaa
Qalbii koo nan raasinii
Dafii naaf kottu amma!

✍️...
@A4mulaa_jireenyaa 🌷

Kanneen keessaa mee nama beektu maqaa abbaa waliin kaa'i.

Gootummaadhaan Jiraachuun; Gootummaadhaan Du'uu Caala Ulfaataadha!

☝️☝️☝️☝️☝️

"Rakkinni Keenya Dhaba Osoo Hin Taane: Waan Qabnu Itti Fayyadamuu Wallaaluudha!"

Bishaanii fi Ibiddi wantoota faallaa walii ta'an lamaanidha. Garuu lamaanuu faayidaa fi miidhaa mataa jaraa qabu.

➨Bishaan: dhugiitiif, dhiqannaaf, humna ibsaatiif, geejjibaa fi faayidaalee hedduu argamsiisuu akkuma danda'u fe'umsaan kan nama ajjeesu, lolaa ta'ee kan qabeenyaa fi lubbuu namaas barbadeessu isuma.
➨Ibidda: inni kunis akkuma isa duraati. Kan qabeenyaa gubee barbadeessus isuma. Akkasumas nyaata ittiin bilcheeffannee kan nyaannuu fi qorra qaama keenya irratti dhiibbaa geessisu ittiin qolachuuf kan ittiin how'a argannuu fi faayidaalee biroos kan ittiin argannu isuma.

Walumaa galatti an akka natti fakkaatutti "Rakkinni Keenya Dhaba Osoo Hin Taane: Waan Qabnu Itti Fayyadamuu Wallaaluudha!"