اگلكم شي ؟

لو افتح إلكم الخاص راسكم يشيب ، وحق الله احس گلبي يريد ينفجر من كثر الي دا اشوفه منين اتلگاها ؟

من البنات المنحرفات الي مخليات صور اغراء وتحت الصورة كاتبة : اعمال ليلة العباس ؟
و المشكلة 97 الف مشاركة وياريت اعمال واردة عن اهل البيت عليهم السلام ! هذا الي يكتلك

لو البدع الي كل شوي وحدة تگلي اگص شعري ولازم اخليه جوة ( الگدر مال الطعام ) مدري شنو ؟ بليلة عاشوراء ؟

وحق الله وهاي دا احلف واني مسؤولة عن هذا حلفاني
_ مولانا صاحب الزمان هسة گلبه ينزف نزف من الجروح الي بيه

منين يتلگاها ؟ من مصاب جدّه وعينه الي تبچي صبح وليل بدل الدموع دم ؟ لو على جـ،ـهل الناس ؟ لو على البدع ؟

ياربي فهموني منين يجيب له أنصار ؟ همه وينهم انصاره ؟
علم ؟ فهم ؟ إلا كم نفر بيكم الي ديتفّقهون وماشين صح

ادري وإمامك من يطلع عليمن يعتمد غير عليك ؟ من تجي تگله : اني خادمك وأمرني بشنو انصرك مولاي ؟

غير كون انت صاحب علم ومتفّقه بدينك ؟
ادري شلون يعتمد عليك ويوكلك بفد مهمة ؟
وانتي شلون يعتمد عليج ؟ إذا مخلية وجهج فرّجة للشباب بعبايتج ونقابج ؟ و وين ماكو بدعة ناشرتها !

شحچي هسة ؟ عمي لاتلومونا من ناخذ استراحة حتى گلبنا تعب من القهر .

نجمة مهدوية

سجل اسمك للزيارة بالانابة عنك في
(ليلة ويوم عاشوراء💔💔)
الامام الحسين عليه السلام
واخيه ابا الفضل العباس عليه السلام

ارسل اسمك على البوت ادناه
👇👇👇👇👇
@Hrssop_bot

الي ينشرها له اجر خدمة الحسين في يوم عاشوراء

_

• لَمَّا بَرِز عَلِي الأكبَّر عَلَيّه السَّلام لِلقِتَال.

- فَدَمِعَت عَيْن الحُسَيْن ، فَقَال : اللَّهُم كُن أنتَ الشَهِيْد عَلَيهُم ، فَقَد بَرِز إليْهُم إبنِ رَسُّولَك ، وأشبَهُ النَاسْ وَجّهًا وسِمَتًا بِه ،

فَقَتَل مِنهُم عَشرَّة ثُم رَجِع إلىٰ أبيْه ، فَقالَ : يا أبَه العَطَش ، فَقالَ الحُسَيْن : صَبْرًا يا بُنَي ، يَسْقيَّك جَدِكَ بِالكَأسِ الأوفىٰ ، فَرَجِع فَقاتَلْ حَتىٰ قَتَل مِنهُم أرّبَعة وأرّبَعيْن رَجُّلًا ، ثُم قُتِل عَلَيّه السَّلام.

المَصدر : بِحَار الأنوَار ج٤٤ ، ص٣٢١

عِلي الاكبر تقَدم يِريد بسِاحة الِدم.
يِخُط بِِجروحة التسيِل نهِج ديِنة وِشعارة.

زِيارة عَاشوراء ❤️‍🩹.

"السَّلامُ عَلَيكَ يا أَوَّلَ قَتيلٍ مِن نَسلِ خَيرِ سَليلٍ مِن سُلالَةِ إبراهيمَ الخَليلِ صَلَّى الله عَلَيكَ وَعَلى أَبيكَ… حَتّى قَضَيتَ نَحبَكَ، وَلَقتَ رَبَّكَ، أَشهَدُ أَنَّكَ أَوَّلُ بَدْءٍ بَدَأَ اللهُ بِهِ مِن حُجَّتِهِ وَبَنيهِ، حَكَمَ اللهُ لَكَ عَلى قاتِليكَ، فَجَعَلَ النّارَالثُّمنَ الثّمينَ لِمَن نَفَذَ فيكَ وَفي أَهلِ بَيتِكَ أَمرُهُ،وَكانَ عَلى عَدُوِّهِ ظَهيراً، أَصلاَهُمُ اللهُ جَحيمًا وَسَاءَت مَصيرًا،وَجَعَلَنا اللهُ مِن خُلاَّصِكَ وَمُرافِقيكَ وَمُرافِقي أَبيكَ وَعَمِّكَ وَأَخيكَ وَأُمِّكَ المَظلُومَةِ، وَأَدرَأَ إِلَى اللهِ مِن قَتَلَتِك وَأَسأَلُ اللهَ مُرافَقَتَك في دارِ الخُلُودِ، وَأَدرَأُ إِلَى اللهِ مِن أَعدائِكَ أُولي الجَحُود".

#عَلي_الأكبَر

اعمال ليلة عاشوراء لقضاء الحوائج

..
‏ليلةُ عاشوراء تحتاجُ مَدَداً خاصّاً لإحيائها ،
ولا يُنالُ ذلكَ إلّا من المُعزّى صاحبِ الأمر
(عجّل الله تعالى فرجه الشريف).
- هَبْ لنا سيّدي يامهدي طاقاتٍ للصّراخِ
والتفجّع و الجزع ، لنڪونَ معيناً تُطيلُ معهُ
العويلَ والبڪاء في ليلةِ المُصابِ الأعظم ،
والساعات الحُسينيّة الزينبيّة❤

‏🥀 عبد الله الرضيع، صفحة الطف البيضاء، وصوت البراءة في ميدان الدم ...

🥀 لم يكن يحمل سيفًا، ولم يطلق سهمًا، لكنه كان أصدق شاهد على وحشية بني أمية، حين رُفع رضيعٌ بين يدي أبيه، يطلب له جرعة ماء، فجاءه سهم مثلث مزّق عنقه الطاهر ...

🥀 أي قلبٍ لم ينكسر حين سمع بكاء الرضيع؟ وأي دمعة لم تسقط حين رآه أبوه يضطرب بين يديه؟ 💔 ...

🍂 قال الإمام الحسين (عليه السلام) عندما تلقى ولده مذبوحًا:
"هونَ ما نزل بي أنه بعين الله".

#عظماللهلكمالأجر 🍁
#وفاءللحسين 🏴

الليلة ليلة العاشر ..


المتعارف علية .. (بالحُّجة) عند النساء والرجال بغض النظر عن المكان .. بالعاشر تكثر الحسرة والدمعة ، واللطمة تكون ع الراس مو ع الجسم !! لا تضحك بعزاء الحُسين مهما صار هالليلة مو لليلة عادية ولا يوم علشوراء يوم عادي بالعڪس يذڪر في الروايات انڪلبت الدنيا وما بقى شيء الا بڪى لما جرى بالحُسين .. عزاء الحسين الي تكون فاطمة الزهراء حاضرة استحي تضحك بي!

والي ميطلعون لمڪان ويفضلون يڪون الهم جلسة خاصة بالبيت حضر الأعمال المتعارفة .. شغل التلفزيون .. خلي يمك مفاتيح الجنان والقرآن وسجادتي .. واسمع لنعي اشوف واقعة كربلاء ومواقع التواصل ما مقصرة تعيشك أجواء كـــأنو حاضر بكربلاء انت .. تستشعر بالدمعة .. تنسى الضحكة ، بهاليوم اني حتى انقطع عن وسائل التواصل الاجتماعي.. الحسين موذر مقطوع النحر زينب تضرب الخيل تجول في خيام بنات رسول الله 💔
مصيبـة عاشوراء تجعلنا مذهولين العقل ..


بهيج يوم .. الي يضحك عاتبة ، الي همة اكل عوفة ، عيش أجوائك انت ، سافر ل طف الحسين بدمعتك ، ودعائك ، وخشوعك ، منو مثلك والزهراء حاضرة وياك بهيج دمعة خالصة .. سيدتي مولاتي تكول انا احضر عزاء ولدي الحُسين اينما وجد !! يعني الزهراء تشوفنـا ڪلنا 🥹💔

لا تفوت هاليلة بـدون دمعة على ابـاعبد الله
لا تفوت الليلة وانتَ وانتِ ما مفجوعين ويـة صاحب المصـاب على جدهِ المرمل بالدمـاء،.

الشغلة الثانية ..

الي يطلعون مواكب او يكون ببيتهم الحجة .. تحملوا امـانة النصح والأمر بالمعروف
الي يضحك، او ما جاي يعزي .. بكل
احترام اطلبوا منهم انو يابة احنة بعزاء
ابا عبد الله واليوم هو يوم المصيبة فعذراً
لا تخلون المجلس ولا تذهبون بأجركم سدى
انتَ وانتِ متعنين وجايين لا تضيعـون
اجركم بالعكس واسو وابجو كد متكدرون
انفجعو لانفجاع صاحب الزمان حاجـو
كلولـة مولاي نريد نعينك على هالفجيعة
ونكون ويـاك كأنك ترانـا ونراك ..💔
منعو اي شي يخل بالمجلس ويفقد
الشخص حزنه ودمعته .


والشغلـة الثالثة ..

ابحثـو بأي موقع عن مـاذا جرى يوم عاشوراء .. اعرفو كيف ثبت الحسين شنو صار كيف استشهدو من شهداء كربلاء من النساء الي كانن موجودات من ذبح نحر الحسين
ماذا جرى على علي الاكبر مَن من الاطفال ماتو في ارض كربلاء كيف هجمو على المخيم
ماذا قالت زينب عند رأيتها لجسد ابا عبد الله مقطع وكثير من الشغلات ...

اعمال ليلة عاشوراء لقضاء الحوائج

ثواب إحياء هذه الليلة 👇

من أحياها فكأنما عبد الله عبادة جميع الملائكة وأجر العامل فيها يعدل سبعين سنة

العمل الأول : قراءة زيارة عاشوراء

رح نقرأ الزيارة مدة أربعين يوم
نبدأ من ليلة العاشر وتنتهي عند الاربعين بنية قضاء اي حاجة صعبة عندك والي يحب يشترك ويانا يكتب تم

العمل الثاني : المبيت عند قبر الحسين ( عليه السلام )

عن أبي عبد الله ( عليه السلام ) قال : من بات عند قبر الحسين عليه السلام ليلة عاشوراء لقي الله يوم القيامة ملطّخا بدمه وكأنما قُتل معه في عرصة كربلاء

وسائل الشيعة (آل البيت) - الحر العاملي - ج ١٤ - الصفحة ٤٧٧

العمل الثالث : صلاة مائة ركعة

من صلاها ملأ الله تعالى قبره إذا مات مسك وعنبر ويدخل إلى قبره كل يوم نور إلى أن يُنفخ في الصور

تقرأ بكل ركعة 👇
الحمد + التوحيد ( ٣ ) مرات
فإذا فرغت من الصلاة تقول 70 مرة :

سُبْحانَ اللهِ وَ الْحَمْدُ للهِ وَ لا اِلـهَ اِلاَّ اللهُ وَ اللهُ اَكْبَرُ وَ لا حَوْلَ وَ لا قُوَّةَ اِلاّ بِاللهِ الْعَلىِّ الْعَظيمِ

إقبال الأعمال - السيد ابن طاووس - ج ٣ - الصفحة ٤٦

العمل الرابع : صلاة اربع ركعات

من صلاها بنى الله تعالى له في الجنة مائة ألف ألف مدينة من نور وبكل مدينة ألف ألف قصر وبكل قصر ألف ألف بيت وبكل بيت ألف ألف سرير وبكل سرير ألف ألف فراش وبكل فراش زوجة من الحور العين

تقرأ بكل ركعة 👇
الفاتحة + آية الكرسي 10 مرات +
التوحيد 10 مرات + الفلق 10 مرات + الناس 10 مرات
لما تنتهي من الصلاة تقرأ سورة التوحيد 100 مرة

ملاحظة : وقت الصلاة آخر الليل

بحار الأنوار - العلامة المجلسي - ج ٩٥ - الصفحة ٣٣٦


العمل الخامس : صلاة أربع ركعات

تقرأ في كل ركعة الحمد مرة + التوحيد 50 مرة

فإذا سلمت من الرابعة فأكثر من ذكر الله تعالى ، والصلاة على رسوله، و اللعن لأعدائهم ما استطعت

بحار الأنوار - العلامة المجلسي - ج ٩٥ - الصفحة ٣٣٨

م .مفاتيح الجنان

ملاحظة : يُستحب إحياء هذه الليلة بذكر الله تعالى والصلاة على محمد وآل محمد ولعن اعدائهم والصلاة على محمد وآل محمد والدعاء والذكر شگد ماتگدر

نجمة مهدوية