#نعي
عزاء الفواطم ومولاتي أم البنين
صلوات الله عليهن

ياهي الجايه ومنتظره عالباب
اظن هاي الوفيه وام الاطياب
تعالي ياشـريجـتـنه بالامصاب
الج حگ البجي ولازم تنـوحين


تعالي وجابـليـني وخـل نـون حيل
انمـنعـت امن البواجي اهناك بالليل
وشيسكت لاخـوها داسـته الــخـيل
گلبي امن الهظم مجسوم نصين


و اجت ام البنين وحــسها مبحــوح
و خدها امن اللطم عالوالي مـجروح
صاحـت صـدگ عود احسين مذبوح
وضل مطروح جسمه بالميادين


ولـدي اهناك خوما قـصرو اوياج
انه مــربـيـتهـم يـمـوتون جــواج
من رحتي اعله هزله ياهو ماشاج
ومحد صاح زينب وين ماوين

زينـب گالت الها . اهناك عــبــاس
وگف وگفه لخواته تــرفع الـراس
بس من طاح هدت عالخيم ناس
واخيالي انلمح يايمه بالعين

اجروح اتگابلن يبجن عله الصار
ثكله بثكله لطــمن واللـطم حـار
مــافـتّــر لطـمــهن بــالــگلب نار
لطم الفاجدات الفگدن ابنين

وام عــباس شـگهت رادت اتمـــوت
ولاجـت من وجعها وصاحت بصوت
صدگ جسمه بحصيره وماكو تابوت
صدگ مسلوب ضل بالهيمه لحسين

ابو حميدة الشويلي

#اللهم_عجل_لوليك_الفرج
https://www.tgoop.com/AL_Nay_and_Alrthaa

#نعي

دخول ام البنين على السيدة زينب(عليهما السلام)
بعد رجوعها الى المدينه

كلولهه ام عباس عالباب
التنحب شما طاريج ينجاب
ثكل الوجع يرادله احباب
لمتنه ذيجه منين تنجاب

احچيلي يمه شصار ماصار
مبين بوجهج ضيم الغيار
شصاير بذيح الروس الكبار
طالو عليج الجانو اكصار

يمه الحسين انسلب هدمه
وضل عاري فوك الرمل جسمه
ضل الهوى لو مره يلجمه
وانه انثلم كلساع ثلمه

التمينه كلنه بخيمه وحده
وضكنه ذبحهم شده شده
ذباحهم يدنه عمده
حتى اسمع وحيلي يرگده

كمنه نون ون المجاريح
وضل ينكل بحسراتنه الريح
من ننضرب بالسوط ونصيح
يضل الحسين يكوم ويطيح


مصطفى حرب
يقرأ بثواب والدي

#اللهم_عجل_لوليك_الفرج
https://www.tgoop.com/AL_Nay_and_Alrthaa

#نعي
مجموعة مقاطع نعي

يا طارشي بالليل بالليل
بدموعي اخذ هاي المراسيل
روح لهلي الكلهم بهاليل
جدامهم سولف بتفصيل
گلهم حرمكم شافت الويل
نسوان ولياها مچاتيل
سوط الشمر ما خله كل حيل
وحسين ابنكم سحگته الخيل
...
وين الطارش الانخاه وينغر
ويگطع فيافي الهيمه والبر
ويِلكد مُهُرته ولَهْلي ينحر
وايصيح صوته اللهُ اكبر
يا آل طالب يا الـ جعفر
بتكم ابين الزلم تعثر
وكلسا تطيح اگبال منحر
وحسين فوگ العطش والحر
ما ظل عظم بي ما تكسر
...
يطارش هاك اخذ وياك مكتوب
واوصل اهلي واوگف عله البوب
وترس بصوتك كل الدروب
يامن ناركم تنوج بالغروب
بالطف خدركم بات منهوب
وحسينكم عالوجه مگلوب
سلّبو تاجه وسِلبو الثوب
ما شفنه ميت گبله مسلوب
...
يا طارشي لو نامت الناس
روح لهلي البالعرش تنقاس
البيبانهم كل يوم تنباس
حيهم تصيح لگطع الانفاس
زينب ولوها وادم ارجاس
وطگو متنها خلاف عباس
وحسين ظل جثه بلا راس
وعفت الصدر بالخيل ينداس
...
يا طارش اگصد للمدينه
تلگه مره ثگله وحزينه
ام البنين امي الحنينه
گلها ابو فاضل ذابحينه
بالسهم لمن طفت عينه
اگبال الزلم عثرت سكينه
ومن طاحن يساره ويمينه
شفنه الشمر چتف ادينه
من وگع حماي الضعينه
للشام يا يُمه انسبينه
...
يا طارشي لا تركب النوگ
إلكد الما بالخيل مسبوگ
وهناك صيح بگلب محروگ
لزينب حچاية سبي متلوگ
الشيّب گلبها طبت السوگ
يشوفون چفها بحبل مشبوگ
شفت الحسين بخيل مسحوگ
وصدره اعله ظهره عفته مطبوگ
...
يا طارشي والمسه امسه
اوصل لگبر الحسن هسه
وگله الولد ما شاف عرسه
وإلحگ عالاكبر طفت شمسه
وعباس لخته ضحه نفسه
وحسين يا رابع الخمسه
مذبوح والحافر يرفسه
وخدر الحرم ياهو اليحرسه
...
يا طارشي هالساع هالساع
روح لهلي الگروم الاسباع
وخل الخبر بالكون ينذاع
خدر الهاشميه بكربله ضاع
وحسين عاري يريد فزاع
طشرو كل جسمه عله الگاع
گطعو ركبته بسيف گطاع
وفوگ الهزيله صار الوداع
...
خادم الحسين ( عليه السلام )
كرار حسين الكربلائي
( ابو كميل )

#اللهم_عجل_لوليك_الفرج

#نعي
الى الامام مسلم ابن عقيل عليه السلام اليوم الخامس
***
كاللها يطوعه السيف جيبيه
مسلم ما يهاب الموت تدريه
بمراجل عمه حيدر كومي ذكريه
اهل الكوفه كلها نكلبت عليه

مسلم للقصر مجتوف جابوه
حزو راسه ومن القصر شمروه
ومن الماي مسلم ليش حرموه
والاصعب بالحبل بالسوگ جروه

محتاره وتون ضلت حميده
وصاحت وين ابوي الليله اريده
سافر عني والسفره بعيده
ابوي اشلون خلاني وحيده


اخذها الحسين في حجره
تكول

تمسح عله راسي وتهمل العين
احس جني يتيمه عمي يحسين
مسلم والدي عني رحل وين
دلالي انصدع من كثر الونين

فاركونه ليش اهل المحنه فاركونه
ما يجونه نامو بالمكابر ما يجونه
الضيعونه جبير اصوابنه اعله الضيعونه
يتفكدونه جانو كل وكت يتفكدونه

واشلون حيره حيرني زماني اشلون حيره
كسره جبيره. يفراگ الابو كسره جبيره

الدللاني اريد ابجي اعله ابوي الدلاني
راح ونساني واليسوه العتب راح ونساني

لو شال يضل البيت وحشه الابو لو شال
وفراكه جتال ضيعت الابو وفراكه جتال
****
الشاعر
تحسين الخفاجي

#اللهم_عجل_لوليك_الفرج
https://www.tgoop.com/AL_Nay_and_Alrthaa

#نعي
الى مولاي مسلم بن عقيل عليه السلام


تمنيت عمي حسين وياك
وأيد ابو فاضل تكض يمناك
ردناك ويه الضعن ردناك
تمشي ويرفرف بالهوه وياك

بنتك حميده بطرك الدموع
وضلت تنوح بكلب موجوع
فركة الوالد تحني الضلوع
مشلوع كلبي عليك مشلوع

بويه غربتك روحت العين
دارت الكوفه عليك صوبين
ضدك صفت حتى الحياطين
بغربه وردت عباس وحسين

يابويه طولك مو للسيوف
محتاجه حضنك هاي الجفوف
يابو المحنه البيهه معروف
مجتوف جفك ليش مجتوف

دمع البنيه يصير غالي
وهديتلك دمعي يوالي
ناشدت ودموعي تلالي
من طول ابوي الضعن خالي

ياجبل ليش بحبل جتفوك
ومن فوك قصر الغدر دفعوك
بخنجر الكوفه بويه طعنوك
ومن خوة اهل البيت حرموك

مصطفى حرب
يقرأ بثواب والدي

#اللهم_عجل_لوليك_الفرج
https://www.tgoop.com/AL_Nay_and_Alrthaa

#ابوذيات

الدهر نيران بضلوعه ......... يجرها
احسين او حسرته المسلم .. يجرها
صريع   او جثته الضالم .... يجرها
ابسوگ اهل الحقد والناصبيه ....

دليله احسين ضل منگطع .. بتاه
وليله بل دمع والنوح .......  بتاه
ونينه ايزود كلما شاف ...... بتاه
تبچي او يبچي وياها سويه ...

يامن للسبط وفّه ......... وكفّه
وحگ عباس والرايه ...... وكفه
حزني اعليك ما گطعه ... واكفُه
لحد ما اندفن حدر الوطيه ....

ابو فاطمة الطائي

#اللهم_عجل_لوليك_الفرج

#نعي
محاورة بين حميدة ومسلم بن عقيل عليهما السلام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

حميده :
ها بويه خلصت وانتهينه
وللكوفه ناوي يا ولينه
بس گول راح ترد علينه ؟
تدري الگلب زايد ونينه

شو چنه هذا وداع للموت
لاچمني گلبي ودمعي بسكوت
ما ظل يبويه بهاي البيوت
الما بيهه انته النوح اجاهه

غير انته ابوي وحگي اعليك
اتمنى اشوفك وابتشر بيك
من المنيه وين اوديك
لو تنفدي بالروح لافديك

مسلم :

يا بويه شدي حزام للجاي
يبنيتي دارت بعد دنياي
يلچنتي روح بروح وياي
خلصت يبويه وهاي هيه

يا بويه رايح وانه اوصيچ
لو اموت ابوچ حسين يحميج
لو بيدي والله ما اخليج
بس هذا امر الله يبويه

راح امشي وانتي الله اليعينچ
ما اريد بويه اسمع ونينچ

خلي الدموع بظهري بهداي
گدامي لا تبچين دنياي
يبنيتي باچر يخنگ الجاي
انه الغريب ومحد وياي

حميده :

چا بويه اخذني وياك اخذني
وياك نسمه بريه شدني
الزمني بيدك لا تهدني
ولمن ترد وياك ردني


چلمة يتيمه اتعذب الروح
وياك اروحن وين متروح
ما بيه حيل لكثر الجروح
تابوت حالي بصحره مطروح

بعيونك أمبين وداعك
يتمت بنتك عفت گاعك

تمسح على راسي بيمينك
يا بويه بعيونك ونينك
بويه ارد اوافي رباك وينك


مسلم :

اوداعت الله بنيتي رايح
ظلت الچ دمعه ونوايح
يا گلبچ المن هسه طايح
گبل اللطم گبل الصوايح

انتي ورقية وسكنه باچر
نفس المصير الموت حاضر

بويه وراكم كربله وخاف
جسم الحسين هناك ينعاف
والشاف ريته يصيح ما شاف
فوگ الرماح امعلكه الروس


باچر حميده نار وسياط
ميظل عدل حتى البلگماط

حميده :

تدريني مالي حيل الفراگ
ما اريد غفله العمر ينباگ
وياك اريد اتشابگ اشباگ
لحد ما اموت ويدفنوني

خليلي هدمك خلي اشمه
بالليل احظن واغفه يمه
يا داري صيري الليله ظلمه
من راح ابوي ويتماني

شنساك بويه شلون شنساك
طرواك عاش بدليلي الوالي طرواك
بويه الله وياك خلصت بعد بويه الله وياك


كلمات الخادم
رعد الفريجي

#اللهم_عجل_لوليك_الفرج
https://www.tgoop.com/AL_Nay_and_Alrthaa

#نعي

فرفـــح گلبـــها وناشــدوها
ونــت حميــده تريد ابــوها
وبچتـــل مسلــم صـــوبوها
ونار المصـــايب شـبــــبوها

طب الحسين وعثر چا طاح
ينشد عليها وماهو مــــرتاح
يمسح عليها وصارت اصياح
وگلها حميده والــــدچ راح

محتامه والكوفــــــه بعــيده
ومسلم تـــــون ليـه وتــريده
تـــــريد اللي تشكيلــه بهيده
ومــا هاد مبچـــاها حمـــيده


شمبعدها الدروب
عن الولي شمبعــدها الدروب

لو چـــل الغروب
يضيگ النفس لو چل الغروب

لا تسكن اگلوب
لا ينشف دمع لا تسكن اگلوب


شيصير بيها
الفگـــــدت ابو شيصــير بيها

تصفج بديها
تحني الضهر تصـــــفج بديها

يبچي لنعيها
حته الصخر يبچــــــي لنعيها


        عبد العليلـه
✍حيدر ابو كيان الفاطمي

#اللهم_عجل_لوليك_الفرج
https://www.tgoop.com/AL_Nay_and_Alrthaa

#نعي

المالة اخوان وكت الضيج حيره
اشلون البالغريب وابغير ديره
لالة اخوان بيها ولا وعشيره
مسلم وحده وضايع نصيره
طاح ابين ناس ابلاية غيره
من فوكَ القصر شوفه يديره
صوب حسين وبحسره چبيره
سلام اعليك وبنيتي الزغيره

رائد الأسدي

#اللهم_عجل_لوليك_الفرج
https://www.tgoop.com/AL_Nay_and_Alrthaa

نعي فصيح ١٤٤٧ /مسلم
💧💧💧💧💧💧💧💧

هل سمعتم  عن أميرٍ حاكمٍ دون رعيّة
في الصلاةِ والمسيرِ  وحدَه ُ أين البقية

أين يمضي ليس يدري دون أهلٍ أو قريب
يا غريباً يا حبيباً وابنَ عمٍُ للحبيب

قد أضأنا العينَ شمعة لكَ في عَتمِ المسير
كلُّ قلبٍ لكَ طوعة أنت َ للعشقِ سفير

هل سمعتم عن أميرٍ من ذُرى القصرِ رموهُ
وبحبلٍ بعد قتلٍ  جسمُهُ قد سحبوهُ

في الرسالة قال أقدِم عجّلِ السيرَ إلينا
حين خانوا صاحَ مسلم  واحسيناً واحسينا

لا تقولوا  إن مسلم مات في الأرضِ البعيدة
فالفراق ُ لا يُطاق ُ إرحموا قلبَ حميدة

محمد طالب العامليhttps://www.tgoop.com/AL_Nay_and_Alrthaa

#شهادة_مُسلم_بِن_عقيل🏴

#غريبُ_الكوفة

ما لِلغريبِ بِدارِ طوعةَ مُكرِمُ!
بل ظامِئًا نالَ الشّهادةَ مُسلِمُ

جودي أيا عينَ السّماءِ بعَبرةٍ
نوحي لمن في كوفةٍ لا يُرحَمُ

قد جرَّعوهُ دمًا يفيضُ بِكأسِهِ
قدَحُ الطُّغاةِ بهِ شَرابٌ علقَمُ

فرَماهُ مُسلمُ، لِلظّما لم يكترِث
وشَرابُهُ في جَنّةٍ ذا زَمزمُ

فكَذا سيُجزى الصّابرونَ جزاءَهُم
طوبى لِمَن في رَوضهِ فَسيَنعَمُ

لهفي على الرّمضاءِ يُرمى من عُلًى
والرّأسُ مَقطوعٌ يَسيلُ بهِ الدّمُ

نادى الحُسينَ بِلَوعةٍ وتصبُّرٍ
فعَليكَ منّي ذا سَلامٌ أعظَمُ

وإذا بمولانا يفيضُ بدمعِهِ
رَدَّ السّلامَ ولِاْبنِ عمٍّ يألَمُ

ولِزينبَ الأشجانَ راحَ يَبثُّها
مَن لِليتيمةِ يا حبيبةُ بَلسَمُ!

فلَكِ العَزاءُ بمسلمٍ قُضِيَ القَضا
لِحميدةٍ أغدو أبًا.. بَل أكرمُ

#أعظم_اللّٰه_أجوركم◼️

زينب الموسوي
#بنت_الزهراء
https://www.tgoop.com/AL_Nay_and_Alrthaa

نعي لسادتي الانصار روحي فداهم 👇

#نعي
الى الأنصار عليهم السلام
*
صاحت خويه هم جربت ربعك
وميزت اليعوفك واليتبعك
وياهو ايريد من عدهم يودعك
سولف خويه خل اختك تسمعك

كاللها يزينب جربتهم
ومنتظرين موتتهم شفتهم
ماعافوني لحضه ولا عفتهم
وللكلفات صحباني ردتهم

ابن ظاهر طلع من الصواوين
وسلم عالعقيله وتهمل العين
كاللها يزينب لا تخافين
لو لاخر نفس ما نترك حسين

كالتله وكفو منكم يالاطياب
وبوكت النفاها اتبين الأصحاب
بعد ساعه وتنامو اعله التراب
وراح الوكت يفجعني بالاحباب

هذا الجيش متجمع اشعنده
ومن يهجم صحت ياهو اليرده
الكلب ردتك يبن ظاهر تبرده
وباجر ما تعوف حسين وحده

كاللها الوسن مامر بالعيون
ويطر الفجر ربعي يتانون
باجر كلهم اكبالج يطيحون
ويه حسين اخيج ما يقصرون
****
الشاعر
تحسين الخفاجي

#اللهم_عجل_لوليك_الفرج
https://www.tgoop.com/AL_Nay_and_Alrthaa