#أبوذية

مرّه الحيـدر اعيوني  ..    مرلكـم
يهلي ما وصل طارش  ..  مرلكم
ويگلكم بالسبي راحت  مرلكم

ونه چـان المثل مضروب بيه

✍خـادم الـعـقـيلـه ع
الشاعر رعد الجريخي

#اللهم_عجل_لوليك_الفرج

#أبوذية

الزمان ابكربله وِليَه وِلَه حسين
جَرِح والكل جَرِح لابد وِله حسين
الكبش گبل الذبح يروه والحسين
انذبح عطشان برض الغاظريه

سيد علي الموسوي

#اللهم_عجل_لوليك_الفرج

#نعي

ون البقه اوحيد
يونن عالاخو ون البقه اوحيد

متوذر الحيد
مو بس منذبح متوذر الحيد

وحدتهن تريد
تشمه بالنحر وحدتهن تريد

مگطوع الوريد
إِحزام الظهر مگطوع الوريد

لو صحله تضميد
نضمده بالگلب لو صحله تضميد

شيسكته ويهيد
گلب الفاكده شيسكته ويهيد

مچتوفة الإيد
اختك باليسر مچتوفة الإيد

غيرك فلا اريد
صاحت يالكمر غيرك فلا اريد

مايرحم الگيد
ياكل باللحم مايرحم الگيد

صارلها تعويد
تلطم عالوجه صارلها تعويد

نيرانها تزيد
لو شتموا علي نيرانها تزيد

وين الاجاويد
واطفي الحزن وين الاجاويد

ماعدهن اعضيد
بس زين الدمع ماعدهن اعضيد

ممشاهن ابعيد
نسوان البخت ممشاهن ابعيد

المجلس ايزيد
يحديهن شمر المجلس ايزيد

لأحد خدام الحسين عليه السلام

#اللهم_عجل_لوليك_الفرج

#أبوذية

مولاتي العقيلة زينب روحي فداها

هلي الحته طفلهم٠٠٠ ماتم الهم
على الهزل نصبنه ٠٠٠ ماتم الهم
الچانت گبل روحي٠٠٠ ماتملهم

طحن طحنتهم أخيول آل اميه

ملا علي

#اللهم_عجل_لوليك_الفرج

#‏نعي
‏سابع الإمام الحسين عليه السلام
‏
‏صارن سبع تيام يحسين
‏وآنه اعله ناگه و انتو ميتين
‏تدري الگلب مجسوم نصين
‏عگب الولي ما نايمه العين
‏
‏مو زينه عگبك صارلي سبوع
‏من القهر محنيه الضلوع
‏دم و دمع أبچيلك دموع
‏علناگه و أختك يلولي تلوع
‏
‏مسبيه صارن سبع تيام
‏محروگ كلبي حرگت خيام
‏شوفي عليك هواي محتام
‏تدري رحت يلحيد لشام ؟
‏
‏انته و هلي ياريت تلفون
‏من الدمع متشوف لعيون
‏صارن سبع تيام لضعون
‏بيد الغرب و بليل يمشون
‏

حسين علي الخفاجي

#اللهم_عجل_لوليك_الفرج

#أبوذية

مولاتي العقيلة روحي فداها

يفز گلبي بتوالي الليل .. ويريد
هلي .. وابيش اسكته انوب .. ويرد
هَيج ويرجع العباس .. ويرد
وحريج السبي يطفه الواج بيه

#اللهم_عجل_لوليك_الفرج

نعي لسان حال مولاتي زينب عليها السلام

خويه وينك. يالطحت بين آل اميه
خويه وينك. انهض وجاوب عليه
خويه وينك. ياحُسين شهالرزيه
خويه وينك. ياشبل حامي الحميه

خويه وينك. عدل لو ميت يغالي
خويه وينك. يالطحت ما عدنه والي
خويه وينك. ريتك تباوع لحالي
خويه وينك. محد يجاوب سؤالي

خويه وينك. من رحت هجوا علينه
خويه وينك. حركوا خيامك علينه
خويه وينك. تدري لوما تدري بينه
خويه وينك. ولية ياخويه انولينه


ها يزينب. مو عدل كطعوا وريدي
ها يزينب. ما كدرت ارفعلج ايدي
ها يزينب. وعالنهر طايح عضيدي
ها يزينب. لو گدرتي شويه هيدي


يالعقيله. مگطع ومگطوع نحري
يالعقيله. داست الخيل عله صدري
يالعقيله. ادري بيج الصار ادري
يالعقيله. صبري يامظلومه صبري


تدري بينه. هجمو وحركو خيمنه
تدري بينه. لا اخو لا والي يمنه
تدري بينه. حسين ياخويه انهضمنه
تدري بينه. والشمر بعدك شتمنه

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

نعي / لسان حال زينب عليها السلام مع اخيها وكفيلها

يابو فاضل. نايم واختك سبوها
يابو فاضل. عالهزل زينب خذوها
يابو فاضل. وبحبلهم چتفوها
يابو فاضل. هواي بعدك عذبوها


يابو فاضل. تدري لو ما تدري بية
يابو فاضل. عالهزل زينب سبية
يابو فاضل. من عكب خدر الزجية
يابو فاضل. يباوع الشامت علية


يختي زينب. اعنذرلج سامحيني
يختي زينب كطعوا يساري ويميني
يختي زينب. وبالسهم مطفية عيني
يختي زينب. عتابج يزوّد ونيني


سامحيتك. يالطحت يم الشريعه
سامحيتك. دامي وچفوفك كطيعه
سامحيتك. يالرضيت امي الوديعه
سامحيتك. يا عُظم هاي الفجيعه

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

من اين تتابع قناتي.، من افضلك اضعط هنا للاجابة 👇🏻👇🏻

‏إلهي، وطَلِبَـتي أن تختم عمري بخدمة الحسيـــــن صلواتٌ الله عليـه..

السَّلامُ عَلَيكِ يا فاطِمَةُ البَتُولُ
السَّلامُ عَلَيْكِ يا زَيْنَ نِساءِ العالَمِينَ
السَّلامُ عَلَيْكِ يا بِنْتَ رَسُولِ رَبِّ العالَمِينَ
"صَلّى الله عَلَيْكِ وَعَلَيْهِ"،
السَّلامُ عَلَيْكِ يا أُمَّ الحَسَنِ وَالحُسَيْنِ
لَعَنَ الله أُمَّةً غَصَبَتْكِ حَقَّكِ وَمَنَعَتْكِ
ما جَعَلَهُ الله لَكِ حَلالاً أَنا بَرِيءٌ إِلَيْكِ
مِنْهُمْ وَمِنْ شِيعَتِهِمْ،.
-

كلام خطيررر منقول عن الامام الصادق عليه السلام

اسمعه👇 واحكم بنفسك👇

https://www.tgoop.com/Tdper/13068

.
لَبَّيك دَاعِي الله اِنْ كانَ لَمْ يُجِبْكَ بَدَني عِنْدَ اسْتِغاثَتِكَ وَلِساني عِنْدَ اسْتِنْصارِكَ، فَقَدْ اَجابَكَ قَلْبي وَسَمْعي وَبَصَرَي
لبيك ياحسين 😭💔