الي بنت الحسن ع
العلوية شريفة س
ادخيل بختچ یا شریفه انصیح من کثر المحن
الیله کلمن عنده حاجه ایجیبهه البت الحسن
مثل ابوها بلکرامة و جودهه ايروّي الزمن
هليله اندك باب الحاجه

من تمر بيك المشاكل من تحير ابشدتك
انخه علويه شريفه و هيه تكضي حاجتك
مر عله الشباج و ابجي اهناك تلكه جارتك

لو علة موت اتداويهه

قال الإمام المهدي عجل الله تعالى فرجه الشريف ، اذا أردتم التّوجه بنا الى الله تعالى والينا فقولوا كما قال الله تعالى : سَلامٌ عَلى آلِ يس…
عْلى آل ياسين السلام
بيها افتتح خير الكلام
أبدي بتحيه والختام
وبالمهدي اختم نخوتي
〰〰〰〰〰
بطه النبي ارجو القرب
يغفر ربي كل ذنب
تيسره امري وكل صعب
وثمن المراد بدمعتي
〰〰〰〰〰
بالزهره وبضلع انهشم
باب الفرج من الالم
دگيته باب ام الكرم
ورافع كفوفي بحاجتي
〰〰〰〰〰
وبحيدر الهم ينجلي
من اهتف باسمك يا علي
الحاجة ببابك يالولي
اطلبها رافع يمنتي
〰〰〰〰〰
بريحانة الزهره الحسن
اجيته ودمعي بالجفن
يكشف كربتي والحزن
ويسمع اليّ شكوتي
〰〰〰〰〰
بالمنذبح فوق الترب
يفرج همومي وكل صعب
عندي على بابه طلب
يحضرني زاير حفرتي
〰〰〰〰〰
بالتسعة ولاة الأمر
يا رب فرج كل عُسر
لو يشفعولي بالگبر
وبحبهم اطلب جنتي
〰〰〰〰〰
بالمهدي خاتم ٱلأولياء
نلبي باسمه كل نداء
ويّمه نروح لكربلاء
نطلب بثارات الحسين
خادمة آل محمد ✍

قصيده للامام علي عليه السلام
كأني بالسان حال مولاتي زينب عليها السلام تخاطب ابيها



عميانه العيون   عميانه العيون
      من بعد فگدك يالأبو
          عميانه   العيون
جانصبر شلون   جا نصير اشلون
          لوطول افراگك بعد
             جا نصبر اشلون

┈•┈┈★•$  ✿ $••★┈┈•

البيت مظلم يالابو  مثل الخرابه
كل گلب عگبك محترگ والله بمصابه
انصيحك وصوتك سكت ردنه جوابه
لحزان ويانه اجت عدهن طلابه

بترابه مدفون    بترابه مدفون  
       طولك يبويه ياوسف
         بترابه مدفون
┈•┈┈★•$  ✿ $••★┈┈•

خالي النزل من شوفتك يل دللتنه
نامت عيونك بالگبر وسفه وعفتنه
الاحزان بعدك يالابو جتاله اجتنه
بالگلب تطحن فرگتك بويه وتفتنه

اولادك ينحون     اولادك ينحون
        لفراگ شخصك يالابو
            اولادك ينحون
┈•┈┈★•$  ✿ $••★┈┈•

وبنيتك تنوح بقهر اسمع  حچيها
ياجلمة البويه تظل حسرات بيها
بالدنيه  أبنيتك بعد جا ياهو  ليها
لعيون ماتبطل ابد فايض  بچيها

    واصل للمتون   واصل للمتون
       الحزن بويه من رحت
             واصل للمتون
┈•┈┈★•$  ✿ $••★┈┈•

بويه الحيات بغيبتك ماتسوه كلشي
يوم الغبت عني ورحت شيعو نعشي
من دمعتي الظلت تهل مانشف رمشي
اتعوفني لهذا القهر   وبعيد تمشي

     الفرگه متهون    الفرگه متهون
           اشلون تگضي بغيتك
                الفرگه متهون
┈•┈┈★•$  ✿ $••★┈┈•


تمت بعون الله تعالى*
#الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

موشح للحسين عليه السلام ( بيمن يطلبونه )


الله واكبر ... بيمن يطلبونه
حسين ميت والعده يسحگونه


الله واكبر يامصيبه امصيبته
شلون جوه الخيل زينب شافته
لاوريد ولاضلع بجنازته
والحوافر بالصدر ومتونه
الله واكبر ... بيمن يطلبونه


الحوافر يوجعنه والسهام
مثلوا بجنازته ولد الحرام
هالمصيبه المايوصفهه الكلام
نعمة الله وخيرته يذبحونه
الله واكبر ... بيمن يطلبونه


نعمة الله اشلون نعمه تنسحگ
هالمصيبه الفجعت اگلوب الخلگ
ضهر ابو اليمه عله افاده انطبگ
ليش نحره من وره يحزونه
الله واكبر ... بيمن يطلبونه


حزوا العدوان نحره من وره
الله واكبر هاي ابد ماصايره
طرت الحومه واجته الطاهره
رايده اتودعه وتحب عيونه
الله واكبر ... بيمن يطلبونه


رايده اتودعه وتحبه بعينه
مالگت منحر عزيز سكينه
اتصيح وين العسكر امودينه
بس اشمنه واشوفه اشلونه
الله واكبر ... بيمن يطلبونه


بس اشمنه واشده بمعصبي
كله غيره حسين مايرضه انسبي
هذا ميزان العدل وابن النبي
جده طاها المصطفى يعرفونه
الله واكبر ... بيمن يطلبونه


جده طاها المصطفى وخير البشر
ليش طبرتوا جبينه بالحجر
ويلكم ياويلكم يوم الحشر
اهناك بيمن ربكم تلاگونه
الله واكبر ... بيمن يطلبونه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

نعي   بحق العقيلة زينب عليها السلام

على يامنهن أم الخدر تنحب
رزايا اهواي منها الگلب شَيَّب
على الماشاف گطرة ماي يشرب
وجسمه على الثرى طاح وتسلب
لوحامي الضعن علجيش من طب
گطيع ازنود  وبعينه تصوب
لو  عريس بدمومه تخضب
لو الاكبر هوه على الگاع  كوكب
لوطفل الرضيع ابحال الأصعب
لولضعون بيها الگوم تنهب
لولخيام بيها النار تلهب
لونسوان فوگ الهزل تركب
ها گد مايله  الدنيا وي زينب

الشاعر حسن لعيبي الحريشاوي

الى شهر الرحمه والغفران شهر رمضان المبارك

بيدك الجنه شفت جايبها اليه
ياشهر غفران من رب البريه
جيت ياشهر الكريم
ارسلك ربي الرحيم
ياشهر غفران من رب البرية
★★★★★
جيت تغفر زلتي     وتمحي الذنوب
تايه   ونورك       يدليني   الدروب
تريد مايبقه ذنب      عندي واتوب
علمتني المستحب     طعم الوجوب

جيت ياشهر الحبيب
بعد مااشعر  غريب
ياهديه من الله     يااجمل هديه
ياشهر غفران من رب البرية
★★★★★
أتميزت ياشهر    من دون الشهور
انته رحمه وطيب    خاطرو انته نور
خلصتني من    التعالي  والغرور
وقربتني شكثر   من ربي الغفور

انته من فضل الكريم
جيتني ابخير ونعيم
تريد ايام  العمر      تگضي هنيه
ياشهر غفران من رب البرية
★★★★★
جيت ياشهر الكرم   جيتك حزين
وين عنك چنت آنا وهسه وين
إلك حبي زادني شوگ و يقين
رحمه يلوداك  رب العالمين

شهر بالرحمه اجيت
اهواي إليه قدميت
وبيك ادعي چفوفي ماترجع خليه
ياشهر غفران من رب البرية
★★★★★
جيت بالطاف   الخفيه   يلحبيب
ياشهر غفران. والباري مجيب
يلردتني دوم من ربي قريب
ياطبيب العلل مامثلك طبيب

ياشهر ضيفك يصير
بدولتك مثل الامير
ياشهر رمضان   يلچفك سخيه
ياشهر غفران من رب البرية
★★★★★
ربي جيتك تنظر  دموعي تسيل
مالي يارحمان  غيرك مستحيل
ذنوبي ماتنعد  عمل روحي قليل
ياعزيز الذات   ارحم   بالذليل

بشهرك الشهر الفضيل
علبشر خيره جزيل
ياشهر ماينوصف فضلك عليه
ياشهر غفران من رب البرية

الشاعر حسن لعيبي الحريشاوي

https://www.tgoop.com/AL_Nay_and_Alrthaa

ياصايم شهر رمضان

ياصايم شهر رمضان احييك
بشهر الغانمة والخير اهنيك
نعمة وخير واحسان
هل اعلينه رمضان
بشهر الغانمة والخير اهنيك
★★★★★
ينطي ولايبالي صاحب الجود
عطايا الخالق الما إلهن احدود
بهذا الشهر كل الخير معقود
باب المغفرة  مالحظه مسدود
هاي ايام الصيام    أكرم وأعظم ايام
بشهر الغانمة والخير اهنييك
★★★★★
اهنيك بشهر مومثل الشهور
تمر ايامه نور ايسابگ النور
عطايا بلايه حد وذنب مغفور
من فضله ترد مرتاح مسرور
علل عن گلبك يزيح    انفاسك بيه تسبيح
بشهر الغانمة والخير اهنيك
★★★★★
شهر الله ورسوله وشهر الكتاب
للجنة طريق وللفرج باب
الگاصدله  ينال الجود ماخاب
ولاعنه الاجر هيهات ماغاب
قبل ربنا صيامك    بأيامه وقيامك
بشهر الغانمة والخير اهنيك
★★★★★
اهنيك ابشهر للخير عنوان
شهر الغانمات وشهر الإيمان
هديه للبشر ارسله الرحمن
للجنة فتح بيبانه رمضان
بكل عزم واراده   اغتنم بيه العباده
بشهر الغانمة والخير اهنيك
★★★★★
اباركلك بشهر يفيض خيرات
ابقبول الطاعه منه والعبادات
عليك الله يعيده بالمسرات
ساعاته تضل افضل الساعات
ايامه افضل الايام    تفوح بعطره الانسام
بشهر الغانمة والخير اهنيك

الشاعر حسن لعيبي الحريشاوي

✅أعلنَ مكتبُ سماحة آية الله العظمى السيد علي الحسيني السيستانـي (دام ظلُّهُ) فــي النجفِ الأشرفِ أنَّ يومَ الاحد الموافق (2 / 3 / 2025م) هو الأول من شهر رمضان المبارك لعام 1446 ه‍ـ
#مكتب_السيد_السيستاني
#شهر_رمضان
#فليكن_صيامك_حسينيا

#ندبة

حتّى متى يُتلى دعاءُ النُدبةِ 😞
يابن النبي وانتَ رهنُ الغيبةِ😭

يا ليت شعري اينَ قرَّ بك النوى
في ذي طوى ام غيرِه مِن بُقعةِ

يابنَ القمَاقِمةِ الكِرام متى نراك
وقد نشرَتَ لواءَ نصرِ المِلةِ

مولاي أُترتُم وانت مُهادنٌ
او لم يإن وقتُ انقضاءِ الهُدنَةِ

فلقد أُبيحت في الطفوفِ دمائُكم
وقضى الحسين مُضحيِّاً للشِرعَةِ

قتلوه عدواناً وظلماً ظامياً
عند الفرات وما سقَوه بِشُربةِ

وعدَوا على ايتامِهِ وحريمِه
متهجِّمينَ بلا رعايةِ حُرمَةِ

ضرباً بأسياطٍ وسلب حوائِجٍ
وسرَوا بهن اسرى لآلِ أُميّةِ

لأحد خدام صاحب الزمان روحي فداه

#اللهم_عجل_لوليك_الفرج

#ندبة 💔😭
____1
الشيخ حيدر الحميداوي
•
إلك شايل محنه ماكله ضلوعي
إلك سويت - يم - بجاري دموعي
إلك عايش وقف بالدنيه يامولاي
حرام بدون ذكرك يخلص اسبوعي
____2
عمار هليل الواسطي
•
إلك شايل محنّه وشوگ يالغايب
منهن دمعي وشّــل والگلب ذايب
بحسرة وينك إنته الحيره وسط الروح
ولا أدري الزمن بفراگك اشجايب
____3
ابو محسن المشكوري
•
الك شايل محنه مغركه الدلال
وهيه الربح عندي وهيه راس المال
غالي وبس الك جلمة الغالي تلوك
والغيرك نشاز اتصير من تنكال
____4
مهدي التقي
•
إلك شايل مَحَنّه بگد حنان أمي
ويَمْ سرداب بيتك أنْسَه حتّه إسمي
من آخر سفير لهسّه أدوْر إعليك
يمته أتعود ؟ آنه أستاهْدَك يمي
____5
علي هادي الخزعلي
•
الك شايل محنة اتصفن ام النوگ
و ايام الاسبوع احبال عالمخنوگ
يبوصالح خنگتي اعليك تشبه حيل
طفل توه حلى والهسه ما مشبوگ
____6
علي الشملاوي
•
الك شايل محنه هدلت حيلي
ابجي عليك ناس البجي تبجيلي
تعال بداعت العصروها خلف الباب
اكولن هسه يرجع مانمت ليلي
___7
كريم الدراجي
•
الك شايل حزن بس حزنك شكبرة
وداعت شامتك وعيونك الخضرة
اعله گد جروح گلبك ثوبينة دموع
بكد بيت الاحزان و شوغة الزهرة
____8
المرحوم الشيخ احمد الشامي
•
الك شايل محنه وشوگ يالغايب
يالعمرك چبير وشاب مو شايب
من تظهر واكحل بشوفتك عيناي
گلبي ينتعش لبفرگتك ذايب

#اللهم_عجل_لوليك_الفرج
https://www.tgoop.com/AL_Nay_and_Alrthaa

من أدعية المولى الحبيب
الإمام المهدي روحي فداه
لطلب الحاجات المتعسرة

يا من إذا تضايقت الأمور فتح لنا بابا لم تذهب إليه الأوهام، فصل على محمد وال محمد وافتح لأموري المتضايقة بابا لم يذهب إليه وهم، يا ارحم الراحمين.

نعي    عن لسان العقيله  زينب
تخاطب ابيها امير المؤمنين عليه السلام

بياحال زينب تغفه وتنام
صاحت صدگ ياراعي الايتام
صدگ مطبور يابويه على الهام
يطيبة خاطري وراحات الايام
يرجواي الرحت يافرح مادام
عجيد الگوم بويه انهض يضرغام
عليه الدنيا بعدك شدة  احزام
يمن كملّت دين الله والاسلام
رحت ماكملّت ياحيف إلاصيام

الشاعر حسن لعيبي الحريشاوي


#قناة_خاصة_للنعي

قصائد مقدمة المجلس
#رقم_321

الليلة الأولى من شهر رمضان
الخطيب الشيخ سمير الصالحي

1- وقد حَلَّ شهرُ اللهِ بالبركاتِ
لِأَكسِبَ فيهِ الأجرَ والحَسناتِ

2- أصومُ لوجهِ اللهِ عن كُلِِّ لذةٍ
أُواسي جِياعاً لم تَذُقْ لَذَّاتِ

3- وأَصبرُ عمّا حلَّلَ الشرعُ أكلَهُ
وأَترُكُ بعضَ الوقتِ شُربَ فراتِ

4- وإني إذا أفطرتُ سالَت مَدامعي
وتَخنُقُني مُذ أرتوي عَبَراتي

5- صيَامٌ يُذكِّرُني فجآئعَ كربلا
وما بارَحَت قلبي طِوالَ حياتي

6- يُذَكِّـرُني أنَّ الحسينَ وأهلَهُ
عُطاشىٰ قَضَوا صرعىٰ وفي الفلواتِ

7- وقد صاحَ إسقوني من الماءِ شَربةً
أما عِندَكُمُ شيءٌ من الرَّحَماتِ !

8- ولكنْ سَقَوهُ الموتَ بالسيفِ والقنا
خَضيبًا يُعاني كثرةَ الطَّعَناتِ

*

اعليهم صرخ يا گوم عطشان
وچبدي يعالم والله خلصان
وسفه وحيد ابين عدوان
والشمر واگف يمه وسنان
چاوين أخوته اولاد عدنان
وليه ولوه ولا له خوّان

حر العطش مرّد چبدته
ومجرّحه يا ويلي شفته
ومن سمعته المفجوعه اخته
زينب الحره بساع اجته
وتگول شفته وماعرفته
معقوله گتله حسين إنته !
يحسين دلالي فُطرته

وللسيد سجاد الحسيني :

يخويه شسوه بيه الدهر شفتك
عمت عيني ولا عالترب شفتك
طريح ويابسه من العطش شفتك
وعلى صدرك تدوس الأعوجيه

مراثي الأطهار عليهم السلام

#قناة_خاصة_للنعي
https://www.tgoop.com/AL_Nay_and_Alrthaa

اللهم بلغنا رمضان ونحن تائبين
راجين راجعين إليك يا الله..
ﺍﻟﻠﻬﻢ ﺍﺟﻌﻞ ﺭﻣﻀﺎﻥ ﺷﻬﺮاً ﺗﺘﺒﺪﻝ ﻓﻴﻪ ﺫﻧﻮﺑﻨﺎ ﺇﻟﻰ ﺣﺴﻨﺎﺕ.. ﻭﻫﻤﻮﻣﻨﺎ ﺇﻟﻰ ﺃﻓﺮﺍﺡ..ﻭﺃحلاﻣﻨﺎ ﺇﻟﻰ ﻭﺍﻗﻊ ﻳﺎﺭﺏ

لا تُقبل الصلاة إلاَّ بذكر محمد و آل محمد 🤍

عن أبا عبد الله عليه السّلام ، قال :

إذا صلّى أحدكم فَنسي أن يذكر مُحمدًا و آله في صلاته سلك بصلاته غير سبيل الجنة ،

ولا تُقبل صلاة إلاَّ أن يذكر فيها محمد و آل محمد .

📚 : بحار الأنوار ج 82 ص 283

لكل قفل مفتاح ومفتاح كل الأقفال " ذكر محمد وآل محمد اللهــــم صــــل علـــــئ محـــــمد وآل محــــــمدوعجُلّ فُرجُهًمٌ يا الله.