#ندبة 😭💔

أَيْنَ وَجْهُ اللهِ فِي شَهْرِ الصِّيَامْ؟
كَيْفَ يَقْضِي لَيْلَهُ خَيْرُ الْأَنَامْ؟
أَتُرَاهُ نَادِبَاً بَيْنَ الْخِيَامْ؟
أَمْ يَصُبُّ الدَّمْعَ لِلنَّحْرِ الْقَطِيعْ؟

كَيْفَ يَهْنَى بِطَعَامٍ وَشَرَابْ؟
وَلَهُ فِي الطَّفِّ قَدْ حُزَّتْ رِقَابْ
مَا كَفَاهُمْ ذَبَحُوا خَيْرَ شَبَابْ
وَيْلَهُمْ قَدْ نَحَرُوا حَتَّى الرَّضِيعْ

صَاحِبُ الْأَمْرِ لَهُ سِيقَتْ نِسَاءْ
حَرَّ قَلْبِي كَعَبِيدٍ وَإِمَاءْ
حُسَّرَاً بَيْنَ الْأَعَادِي فِي الْعَرَاءْ
مُذْ هَوَى الْعَبَّاسُ وَيْلَاهُ صَرِيعْ

شَأْنُهُ النَّوْحُ عَلَى ظَعْنٍ غَرِيبْ
وَلِأُمِّ الْخِدْرِ كَمْ يُبْدِي النَّحِيبْ
كَابَدَتْ مُرَّ السِّبَا بَعْدَ الْحَبِيبْ
شَبَّتِ الْأَحْزَانُ فِي الْقَلْبِ الْوَجِيعْ

أَنْتَ وِرْدٌ فِي دُعَاءِ الصَّائِمِينْ
مَا انْتِظَارُ الثَّأْرِ يَا بْنَ الطَّاهِرِينْ؟
قُمْ دَعَاكَ الصَّوْتُ مِنْ نَحْرِ الْحُسِينْ
يَا مُغِيثَ الدٍّينِ وَالْحِصْنَ الْمَنِيعْ


حسن خنافر العاملي

#اللهم_عجل_لوليك_الفرج

#فصيح

يا خيرَ شهرٍ في الشهورِ تَصدَّرا
كم فيكَ جَفنٌ بالدُّموعِ تَفَجَّرا

فيكَ الوَصيُّ هَوَى بِفَرضِ صَلاتهِ
وَفُؤادُ أمِّ الحُزنِ فيكَ تَفطَّرا

لهفي لِزينبَ قد رأت رُزءاً وقد
أبدَت لها صُمُّ الصُّخورِ تَأَثُّرا

فعلى فِراشِ المَوتِ تنظرُ والِدًا
قد كانَ للإسلامِ حقًا مَفخَرا

وَتَراهُ يَنظرُ في الوُجوهِ مُودِّعًا
والسُّمُّ في رأسِ الهدايةِ قد سَرَى

قد عايَنَت وَجهَ الإمامِ المُرتضى
مِن سُمِّ أشقى الأشقياءِ تَغَيَّرا

يا زينبٌ يا بنَتَ ساداتِ الورى
نُجري عليكِ مَدى الدُّهورِ تَحَسُّرا

نَبكي مصائبَكِ العظيمةَ حَسرةً
يومًا إذا ذِكرُ المَصائبِ قد جَرَى

ويلاهُ يا أمَّ المصائبِ كم جَرت
من أجلكِ الأجفانُ دمعاً أَحمرا

أبكيتِ خـيرَ الأوصــياءِ بِعَـبرةٍ
والقلـبُ منهُ من الشُّجونِ تَفطَّرا

لهفي لهُ وبَصدرهِ جَمرُ الغَضا
لمَّا غدا عن يومِ سَبيكِ مُخبِرا

حقًا إذا سالت مَحاجِرُهُ دمًا
فلقد رأى جُرحَـاً بِسبـيكِ أكـبرا

السيد عدنان الموسوي

#اللهم_عجل_لوليك_الفرج
https://www.tgoop.com/AL_Nay_and_Alrthaa

#نعي

طلع مايوس من حيدر طبيبه
وطلع بعده الحسن يشكي المصيبه
يشكي الفاجعه لله وحبيبه
اثاري ام الخدر جانت جريبه
ولمن شافها زيّد نحيبه
يگلها جرح ابونه ماله طيبه
گامت للولي تشكي الغريبه
تودي الليل بالدمعه وتجيبه
صاحت يبويه اشهل مصيبه      
مـطبور والـهامه خضيبه
راح الأبـو وامـنين اجيبه

هـالليلة  ابـونه امسى ابشده      
او جرحه الذي ابراسه مضهده
والـسم  لـعد جـسمه تـعده      
وابـروحه اشوفه ايلوج وحده

ابهيده  لا تلچمه الجرح شدّه      
تدري اشسال منه ادموم شدّه
مثلها  ما جرت بالكون شدّه      
انطبر  ويلاه حماي الحميه

لأحد خدام امير المؤمنين عليه السلام

#اللهم_عجل_لوليك_الفرج

شلونه رمضانك يبعد امي وابوي
شلون يمضي يابو صالح يومك
وين تفطر وين تقرا الإفتتاح 😭
وين تبچي حسينك ومظلومك 💔

الهي بالمضطرة بين الحائط والباب
عجل لوليك الفرج يالله 💔

#اللهم_عجل_لوليك_الفرج

#ندبة

وشماله گلبي منشغل عن جرحك ودمعك
امحزم بكلشي وبالچذب ماناشد لوضعك
وچانون حزنك سيدي واج بحدر ضلعك
چا يمته نفزعلك صدگ من ضيمك انطلعك

ياهو يسوه وننشغل عن ضيمك ابضيمه
ياهو شيخه اعله الرمل عريان بالهيمه
ياهو حرگو خيمته وعماته بالخيمه
خليني افهم غربتك ادخيلك يبو الشيمه

نخاطب حسين بليتنا وياك وانصرك
هذا انت معتاز الفزع يالذكر ماذكرك
وكسر الحسين بكربله مولاي اهو كسرك
لا طاب عيشي ولا هنه وانت بوسط عسرك

#اللهم_عجل_لوليك_الفرج

#نعي
مولاتي العقيلة حين اغمض
مولاي عينيه روحي فداهما

الله وياك يل كلك محنه
يبونه ويمنه ياطيبة اهلنه
عكبك راح يتطشر شملنه
وعكبك راح نتنطر ذبحنه

من دون البنات العيد ما مرني
ولا جاني ابوي بعيد عايدني
بس مطبور اجاني وحيل عذبني
وبشوغات كلبه حيل مرمرني

بعد محد يبو الحمله يجينه
ولا واحد بعد ينشد علينه
شبعد بيها الحياة بلا ولينه
ولا نشفت مدامعنه وبجينه

الليلة تروح وامچانك يضل خالي
اصابحمن بعد ياروح دلالي
الله وياك اكلك روح يالغالي
بس بكربله مجبور تبرالي

اريدك تحضر امن حسين يوميلي
وتتچي وياي لو كلي تچيلي
اريد تشيلي حملي لو بطر حيلي
اريدك تحضر من السوط تحميلي

اريد تشوف كلبي الضيم جاسه
وتدافع للضعن لو راح حَراسه
وتشوف ام الطفل تتحسر انفاسه
تلوليله واهو مگطوع راسه

حيدر الحميداوي

#اللهم_عجل_لوليك_الفرج
https://www.tgoop.com/AL_Nay_and_Alrthaa

#نعي

موش على طوله وشايلينه
وردالي والدم ساد عينه
خيم علينه امصاب ابو حسين
من شفنه راسه الطابرينه

البيت ظل يعلى نشيجه
من شفنه يبلع گوه ريجه
وينچ ييمه الزهره هليوم
طبرت علي كلش غميجه

ياريت عميه كون هلعين
ولا شفت طب مشيول ابوحسين
اصوابه يمه وطبرت الراس
بگلوبنه خلفن نياشين

امنيلي حيل وجلاده
وانظراله مايل على اولاده
گلبي وصل متگطع اعليه
من أسمعت صوت المناده

كلما نصه صوت المحاچي
بينه عله صوت البواچي
كل اخوتي يم جرحه يبچون
بدموع متروسه الخواچي

يلزهره وينچ عن مصابه
هد حيلنه ويظهد اصوابه
انطبر راس الدين نصين
وعمامته دم من خظابه

عن علي وينچ يلحبيبه
أبدمه نگعت شيبه شيبه
شافه الطبيب وگال ودعوه
ومن طبرته أيس طبيبه

داير ابونه تجمعينه
وانصيح من يعلى ونينه
كل لحظه لمن يگرب الموت
يمه نحس اتغربينه

علي الحميداوي الكربلائي

#اللهم_عجل_لوليك_الفرج
https://www.tgoop.com/AL_Nay_and_Alrthaa

#نعي

مصاب ولي الله الأعظم

ماينكضي الليل
تمنيته عمر ماينكضي الليل
يتفرهد الحيل
باجر من علي يتفرهد الحيل
دم هامته يسيل
بمحرابه يظل دم هامته يسيل
والينعه جبريل
كًلبي ينخمش وينعه جبريل

لاتنكًضي بساع
يالليل الهجرلاتنكًضي بساع
مو مالت وداع
زينب وي علي مومالت وداع
من كونه ينباع
انه شريه الصبر من كونه ينباع
كلشي بعد ضاع
بويه بطبرتك كلشي بعد ضاع

كًبل المنيه
والتمو صحت كًبل المنيه
عينك عليه
تحاجي حسين بس عينك عليه
وتوصي بيه
اسمع بالكمر وتوصي بيه
والغاظريه
بطاري كربله والغاظريه
جلمت سبيه
الجمت بالكًلب جلمت سبيه


يكًلبي ابجي ودمع عيناك فجره
ودمعك سيل عالخدين فجره
عسه لايطر هذا لليل فجره
بيه فراك ياحيدر اليه

فلاح طالب الماجدي

#اللهم_عجل_لوليك_الفرج
https://www.tgoop.com/AL_Nay_and_Alrthaa

#أبوذيات

ونين بروحي ياحيدر دوالك
وجانون بوسط گلبـي دوالك
اخــــذ عمري اذا ينفع دوالك
واذا يندار  دير الجرح بيه

اعله ابوي انعه اعله كيفي منتفي الطور
ولا ينلام گلبــــــــــــــي من تفطر
نعه اسمعته اعله روحه من تفطر
مشه بطوله ورجع مشيول اليّه

علي محسن الزيادي

#اللهم_عجل_لوليك_الفرج

#ابوذيات
لشهادة أمير المؤمنين عليه السلام

المصايب بويه مني اضلوع ... لاون
يل احنين عفتني اتريد ....... لا وين ؟
ساكت _ لا ترد اجواب _ .... لا. ون
أول تالي هيچ اتسوي بيه

ييو الما توصل الوادم ... عفتها
زينب ليش يا حيدر ..... عفتها
نحيله او غدت مو زينه ...عفتها عافيتها
كتلها النوح يا حامي الحميه

علينه اتشابچت عگبك. ... مِحنه
علي يل شابع اعيالك ....... مَحنه
تدري ادموعي فص عيني ... محنه
اوبعد ماشوف دربي اشلون بيه ...

ابو فاطمة الطائي

#اللهم_عجل_لوليك_الفرج

#نعي
السيدة زينب عند رأس ابيها
روحي فداهما في لحظاته الاخيرة


ها نام ها غمض عيونه
يحسين ابوي انخطف لونه
خلوه لا لا تغطونه
الله واكبر هذا ابونه

حاچيني هم بصدره انفاس
شو تبچي جاوبني يعباس

خلوني عندي عتاب اگوله
ارد ارجع لعمر الطفوله
واغفى على صدره واشتكيله
شالو اهلنه شلون شيله

بويه علي حاچيني بويه
يحسين راح الزين خويه

المن بعد وجهي اديره
حيره اللفتني شلون حيره
كسرتنه يا وادم چبيره

ها نايم وگدامك انحب
گلولي ميت والدمع صب
وانا جبتلك ماي تشرب

منك ردت بس چلمه وحده
بس گلي بويه وعمري رده
آه يا علي الراح شيرده

خلوني يم البيه محنه
يم التخاف الزلم منه
يا موت ابعد لتدنه
شو خلصتهم كل اهلنه

ارد ابچي يم راسه واحاجيه
وبدموع عيني ابچي واغطيه
گلبي اليريدك وين اوديه

چا هيچ تخلص هاي هيه
جوه التراب اهل الحميه
ها يا علي شمسوي بيه
رايح بعد ما بيك جيه

البارحه امي وانته هاليوم
عايف دليلي بحرگه ملچوم


بويه لفانه العيد وانته
وجهك علينه ليش درته
ماظل صبر الا وصبرته
بس بويه موتك موش وكته

يا بيت يسوه بدون الاحباب
عافونه راحو جوه التراب
ياهو انتلگه بدگة الباب
وياهو البعد يسأل علينه


على حزني احاچيمن عليراح
ابد ما صدگ الگالو عليه راح
لحد جبريل ما نادى  علي راح
انهدم گلب السمه بهاي المسيه

بينه يعيش ما ظن راح ألمنه
مثل ما چان ماخذ راحه لمنه
أبونه اليوم غرب راح لأمنه
الضلع والهامه يتلاگن سويه

كلمات الخادم  / رعد الفريجي

#اللهم_عجل_لوليك_الفرج
https://www.tgoop.com/AL_Nay_and_Alrthaa

اقتربت الساعة ونشق القمر 🌒
😭