#في_الخدمة_المقدسة
#محرم_١٤٤٦
#مجلس_الشام
#مصائب_العقيلة

(نعي شعبي)

مْصاب العقيله ثگيل وما مثله مُصاب
فگد الأهل والعزوه ومُداراة الحجاب

عادة الحُرمه عدْنا عزيزه مدلله
تگعد بْدارها مخدره بين العايله
بس زينب وضعها مختلف في كربلا
هذي بت حيدر وحيده مابين لغراب

كل حُرمه بعيالها ولخوه تلاگي العمد
يسعوا إليها بالخدمه وما تحتاج أحد
بس زينب تسعى مابين حسين وعباس السند
ومن بعدهم غريبه تنضرب وتلاگي العذاب

عادة الحُرمه مهيوبه وإلها كفيل
يحمي خدرها من الغُرب ويبگى المعيل
بس زينب فَگْدِته على النهر والله قتيل
وصارت سبيه بين الأعادي بلا نقاب


#منال_بجيجي

نعي السيده زينب

وين انه چنت هس انه شنهو الحال
         چـنـت امــدلله مابـيـنـهــا اخـــوانـي

دارانــي زمــانــــي والـــــزمـن دوار
         مـسـبـيـه بغـــرب مــن دار خــلانـي

المن اشتـكـي من يسـمـع الشـكـواي
         خـيـامــي تفرهــدن والحـبل گاداني

طــريـنـه الـعــساكر حـرم والاطفال
         والشـامــت ســبيـه اعـلــيه نادانـي

ماكو حـســين يمي وطايـح العباس
         چتلوهم هلي وحــــرگوهن خيامي

++++++++++++++++++++
✍️عباس مالك العفريت
#محرم_الحرام١٤٤٦هـ
نسألكم الدعاء

السَّلامُ على الحُسَين الـشَهيد 💔

نعي مفجع حسچه
ويَلي على بنات رسول لله



            ويـن الـيـروح ويـرچَـب اسبــوگ

            ومـحـد يـمـنـعـه ومـحـد أيـعـوگ

            ويوصل لـهـلـهـن گـبـل ألـشـروگ

            وحيهـم يصيح بـگـلـب مـحـروگ

            يـهـل الـمـراجـل ألـكــم احـگـوگ

            بالچي النشامه اتـلـحـگ الـحـوگ

            فـزّعَـت زلــم لـلـغـانـمــه اتـلـوگ

            حـادي الضعينه مـهـتـم ايـسـوگ

            وكـلهـه عـجـاف وتـضلـع الـنـوگ

            اشحـال الـحـرم لوطَبن الـسـوگ

                            *---------------*---------------*

       خادم الحسين ع
✍الشاعر رعد الجريخي

مجلس السيدة زينب في قصر الكوفة
💧💧💧💧💧💧💧💧💧

هذا عليُّ المرتضى ام زينبُ
بشجاعةٍ في القصر قامت تخطبُ

والصوتُ كالإعصارِ يهدر ُصاخِباً
ويهزّ ُ قصرَ الظالمين ويَضرِبُ

ولسانُها سيفُ الحسين ِ وحَدُّه ُ
يُدمي قلوبَ المجرمين ويُرعِبُ

هاذي البلاغةُ من بلاغةِ نحرهِ
ما زال بالدم ِ والفصاحةِ يَشخَبُ

تدرونَ أيَّ دم ٍ سفكتم يا ترى
دمَ مَن عليه ِ الوحي ُ دمعاً يَسكبُ

كبدَ النبيِّ فَريتم ُ يا ويحَكم
والشيبُ منهُ بالدماء ِ مُخَضبً

تدرونَ  أن حسينَه ُ هو نفسُهُ
في كربلاء معفَّر ٌ ومُتَرّبُ !

"انا من حسينٍ " بالرماح ِ مقطعٌ
"مني حسينٌ " في العراء ِ مُسَلّبُ!

ظمآنَ يقضي والفرات ُبقُربِهِ
من مائِهِ أقسمتُ لا لا أشربُ

تبت أيادٍ أشعلت بخيامِنا
ناراً بحقدِ الجاهليةِ تلهَب ُ

ومن الخيامِ بنات ُ أحمدَ للعرا
واأحمداه ُ ..حافياتٍ نهرب ُ!!

في السبي نستر ُ باليدينِ وجوهَنا
بالسوطِ نُجلَد ُ ..بالعيونِ نُعَذَّب ُ !

تبكونَ   كالورقاءِ دمعاً ساجِماً
والكل ُّ في غدرِ الخيانةِ ثعلب ُ!

يُستَعتَبُ الأحياءُ لكن أنتم ُ
موتى الضمائرِ ما عليكم مَعتَب ُ !!!

محمد طالب العاملي

*#جديد محرم ١٤٤٧*

من الكوفه طلعنه البلدة الشام
اوروس اخوتي اعلى ارماح جدام
اوطول الدرب مانگدر انام
وصلنه البلد ماهم بالاسلام
تلگونه ابفرح وابنشر الاعلام
اونسوانهم تضرب ابدمام
.............................
على ايزيد لمن طببونه
يخويه اوبالخوارج يسمونه
وامر بالحديد اوگيدونه
عدوان گاموا يشتمونه
اوبالعود راسك يضربونه
وليه يبوا اليمه ولونه

*#السيد محمد زاهر الخطيب*
    #كربلاء المقدس

⬛️🔳القصيدة-3-🔳⬛️

وأعظمُ من كلِّ الرزايا رَزيتي
           وزَيَّدَت البلوىٰ مع َالكربِ علتي
رأيتُ حُسيناً في العرآء ِ مُبَضّعاً
           ومقتَلُهُ يوم َالطفوفِ ... مصيبتي
وإني أنا زينُ العبادِ وهذهِ-
          بحبلٍ  إلىٰ الأعناق  ِتُكتَف ُ-عمتي
وجامعةٌ ويلآه ُفي الجيدِ أثّـرَت
           وظالعةٌ عرجآءُ في الظعنِ ناقـتي
فكُنتُ أنادي أينَ قوميَ قد مَضَوا     
            وأينَ   نِزار ٌ   من  لؤي ٍ  عشيرتي
{فيا ليتَ أمي لم تلدني ولم أكُن}
            يرآني  يزيدٌ  ليتَ  حانَت  مَنيتي
فجآئِعُنا والله ِوتـرٌ  ولم تزل ْ
              كشاهدة ٍ  في كل ِِّ آن ٍ ظُلامتي
ولن ينقضي حُزني علىٰ قتل ِوالدي
              وتجري  دمآءً للسبيّات ِ مُقلتي

#سمير_الصالحي
#البصرة_الموالية


⚫️ياويلي عله السجاد
                       گضّه العمر  بالاحزان 
⚫️من عگب  اليسر والهم
                           سار بولية العدوان 

شسولف عن  ابو الباقر
                    وآلآمه  الغدت كثره 
عليل وجسمه ظل منحول
                    ولجله نسچب العبره
عله مصاب الولي ننحب
                  نجر حسره باثر حسره 
آه اعله  الگضه  مسموم 
بدال الدمع نجري دموم   
حزنانه  السمه   هليوم   
يانار    القهر   والضيم
                    من عدها الچبد خلصان  

يوسفه راح ابو محمد
                لاچن شاف هضم وجور 
يصيح حسين خليته 
                 عطشان  الگلب مفطور 
من بعد الچتل داسوه
             وصدره مرضض ومكسور 
محزوز النحر دامي 
نايم  عالترب ظامي 
وراسه يلوح  جدامي 
من فوگ الرمح  ياناس 
                        وشفاهه  ترتل  القران 

ياشيعه  لون  تدرون
                   يوم  النوگ  جابوهن
عماتي  وخواتي  شلون
                      من رادو يركبوهن 
حراير والخدر عنوان
                     تالي بيسر يسبوهن 
صحت ياعمي ياعباس 
ياهيبه  ويرفعة   راس 
لحگ شوف هاالارجاس 
ما عدهم   رحم  ويلاه
                     عل الاطفال والرضعان 

أذكر  من  سروا  بينه
                  ومرونه عله  الأحباب 
حسين اعله الوجه مطروح
                 ياوسفه وسليب ثياب 
وزينب تنظر الهلحال
            ومن عدهه الدمع سچاب 
تصيح شلون ياعمه 
آآ  ياهضمة الهضمه 
خليني   أظل   يمه
گلتلها   لون   تبقين 
                     منهو  يباري  النسوان 

يوم اثلثطعش من جيت
              گاصد دفن ابوي حسين 
جسمه مگطع  بلاراس 
             حضنته وبس تهل العين 
لاچن خنصره  مگطوع 
                    وايدينه  بلا  چفين 
لن صوت النحر مسموع
گلبي   ياعلي   مفجوع 
عبد الله   تراهو   يلوع 
عله صدري دوسده بساع
                 تراني اعله الطفل لهفان

بعد شحچي اعله ذاك الگيد
            ورگبتي تسيل منها دموم 
آنه وعمتي  مچتوفين 
                  بحبال  الكفر والشوم 
آآ يا عملة اهل الشام
                 ماتنوصف هاي الگوم 
لاغيره البگت عدها
ويزيد الي يحشدها 
وبگصره   يواعدها 
وآنه لوحدي  ظليت 
                        لا وليان  لا   خوان 

أعيش بلوعه من اتمر
                      صورة كربله ابالي
لا اگدر اضوگ الماي
                   اويلوم اللايم بحالي 
ولا أنسه الفجايع ذيچ
                       تبقه وياي للتالي 
ما بطل البچي والنوح 
يظل مني الدمع مسفوح 
وبگلبي  چثيره  جروح 
وآنه من الالم موجوع
                   أعيش بمحنتي حيران

#سمير_الصالحي
#النجف_الاشرف

قصيدة ( الوضوء ) كل ما غسل الامام علي بن الحسين عضوا للوضوء أو مسحه يتذكر عطش أبيه



تـرد عليه نـايبـاتي     بالـوضوء لكل صلاتي
ينرســم طف كــربلاء        
وتنزل أدمـوع العـزاء
بالــوضوء لكل صلاتي

**

أبكل وضـوء الطـف جمــر يصعد لهيبه
ومـن جديــد تــرد علـيّ  ذيـچ المصيبه
أبدمعـه اذكــر والـــدي وجثتـه السليبه
هــذا مـــاي وشيبتــه ظلــت  خضـيبـه

بالرزيه     الماي لــو أشوف بوضوئي بالرزيه
والعزيه    تردلي كل فرض أبصلاتي  والعزيه
بالوضوء يمرني ذكره      
اشعر أبدلاله جمــره
تلتهب صبح ومساء      تنزل أدموع العزاء


** 


مـن أشيــل المـاي انــه أبيــن أديـه
بكــل وضوء أتشـب خيام الهاشميه
وجهي  لو اغسله تهل  دمعـه جـريه
عالبقه خده تــريب  أعلى الـــوطيه

دامي خـده    بالوضوء اذكـر أبويه دامي خده
ضامي بعده   من أشوف الماي اذكر ضامي بعده
بالوضوء يمر مصابه    
اذكر أهمومه وعذابه
حگي أموت من البكاء    تنزل أدموع العزاء


**

مــن اغسل اچــفوفي تمــر بيـه الفجيعه
اذكــر العبــاس وچــفــوفــه الــگطيعــه
مــاي يجــري ومــا شرب من الشريعـه
ضامي يـدري حسين بالخيمه ورضيعه

ظل ينطره     يدري گلب حسين حاير ظل ينطره
گلبه جمره      من گصد صوب الشريعه گلبه جمره
عمي اذكره ودمعي يجري      
بس طفوف حسين عمري
اذكـر اچفوف ولـواء      تنزل أدموع العزاء


**

امسح أبراسي وتموت أبصدري عبـره
وتهمل أدمــوع النوظر گطــره گطـــره
اذكــر حسين الغــريب الــدامي نحــره
عالرمح راسه وخضيبه  الشيبه حمـره

شيبه دامي    من نَزِف دمه حسافه شيبه دامي
بعده ضامي   من أشوف اشفافه ادري بعده ضامي
ظامي ظل ابن  الزچيه        
بكل وضوء انصب عـزيه
عالخذو منـه الـرداء     تنزل أدموع العزاء


**

امسح اجدامي الدمـع من عيني ساچب
تجـري بفكاري وتـمر ذيــچ  المصايــب
عمتــي اذكــر حايـــره أبيـن الأجــانـب
كل وضوئي يصير بس لوعه ونــوايب

يا مصابي.    ابكل فرض تجري المدامع يا مصابي
يا عذابي.   عمري بالـدمعات ضايع يا عذابي
بكل فرض عمتي سبيه  
بالوضوء انصب عزيه
وسفه بت خير النساء     تنزل أدموع العزاء

*
الشاعر 
موسى البديري

*قصائد مقدمة المجلس*
رقم (287)

في رثاء الإمام السجاد عليه السلام
الدكتور السيد عبد الهادي الحكيم

1- رَحَلْتَ فَضَجَّ النَّاسُ حُزْناً وَلَوْعةً
عَلَيكَ وَسَالَ الدَّمْعُ وَانْذَهَلَ الفِكْرُ 

2-وَأَجْهَشَ"مِحْرابُ النَّبي" و"قبرُه"
وأَنَّ بِجَنْبِ "القَبْر" مُنْتَحِبَاً "قَبْرُ".

3-وَنَاحَ بِشَجْوٍ في "الغَرِيَيْنِ" نَائِحٌ 
فَرَدَّدَ شَجْوَ النَّوْحِ مِنْ "كَرْبَلا نَحْرُ"

4-  يُسائِلُ"بَيْتُ الله" عَنْكَ "مَقَامَه"
وَيَسْألُ مُشْتَاقاً لَكَ "الحَجَرَ" "الحِجْرُ".

5- رَحَلْتَ وَآثارُ "الجِرَابِ"  جديدةٌ
"بِظَهْرِك"تُخْفِيها كَمَا يَخْتَفِيْ السِّرُّ 

6- فَأَعْوَلَ أَيْتامٌ وَساءَلَ أُمَّهُ
(بَطِيْبةَ)طِفْلٌ شَاحِبُ الوَجْهِ مُصْفَرُّ

7-  أَأُمَّاهُ هَذا اللَّيلُ جَاءَ وَلَمْ يَجِيءْ
كَعَادَتِهِ بِالبُرِّ ذَاكَ الفَتَى البَرُّ.

8- رَحَلْتَ وَ"عَضَّاتُ الحَدِيد" وَ"حَزُّهُ
بِجيدِكَ" لا تَبْلى وَإِنْ بَلِيَ الدَّهْر

9-سَتَبْقَى بِقَلْبِي النَّارُ يُذْكِي لَهِيبَهَا
وَيُشْعِلُهُ مِنْ "نَارِ خَيْمَتِكَ" الجَمْرُ

****

الشعر الدارج لأحد الشعراء :

الباقر شال ابوه وگلبه مالوم
ويصيح بصوت يابويه يمظلوم
يا رحمة الباري وباب العلوم
يا وسفه عليك اتروح مسموم
لجن شلناك فوگ الروس هاليوم
مو مثل البگه عاري بلا اهدوم
آيا كربله الابجيلهه ادموم

وللسيد عدنان الحمامي :

الك جم سوط بمتونك وسمّاك
وبجت حتى الأرض لأجلك وسمّاك
شنو ذنبك يبو الباقر وسمّاك
عدوك عگب ظيم الغاضريه

مراثي الأطهار عليهم السلام

ابدأ يومك بالسلام على الحُسين

السَّلامُ عَلَيْكَ يا أَبا عَبْدِ الله وَعَلى الأَرواحِ الَّتِي حَلَّتْ بِفِنائِكَ، عَلَيْكَ مِنِّي سَلامُ اللهِ أَبَداً مابَقِيتُ وَبَقِيَ اللَيْلُ وَالنَّهارُ وَلا جَعَلَهُ الله آخِرَ العَهْدِ مِنِّي لِزِيارَتِكُمْ. السَّلامُ عَلى الحُسَيْنِ وَعَلى عَلِيِّ بْنِ الحُسَيْنِ وَ عَلى العَبّاس أَخَ الحُسَيْنِ وَعَلى أَوْلادِ الحُسَيْنِ وَعَلى أَصْحابِ الحُسَيْنِ.

واجعل يومكِ بدايةُ بذكر الحُسين

من لطيف ما فُسرت به هذه الآية الكريمة :
﴿ يَا أَيُّهَا الَّذِينَ آَمَنُوا اجْتَنِبُوا كَثِيرًا مِنَ الظَّنِّ )
الأصل فى المؤمن ألا يظن فى أخيه سوءًا ..
فإن حصل وظن به سوءًا جاء بعد النهي عن الظن ﴿ وَلَا تَجَسَّسُوا ) أي لا تتجسسوا على الذى ظننتم به السوء من أجل التثبت من ظنكم ..

فإن حصل وظننتم وتجسستم جاء بعد ذلك قوله تعالى:
﴿وَلَا يَغْتَبْ بَعْضُكُمْ بَعْضًا ) ..

يعني ظننت وتجسست وثبت الأمر لديك فاستر ولا تفضح ولا تغتب ولا تنشر سر أخيك واستر عورته عسى الله أن يستر عورتك يوم تكشف العورات.

سِيَدِي ابَا عَبدُلله الحُسِيَنْ :
هٰذهٍ أنَا كَطِفلًا دَائِم التَمَسِكَ
بَأطرَافُكَ ، دَائِم اللذُوَذ إِليّكَ ،
بدَمِي يَتزَاحَمُ حُبّكَ النَابِع مِن
قُلْبِيّ امَلكُ عَقلًا لا يُجِيَدُ سُوَىٰ
التَفِكَيرُ والإِنشغَالُ بكَ ، وَقَلبٌ
لا يَتَقِنُ سُوَىٰ الوَدِ والإِشتِيَاقُ لَك .

✦ مَا رَّأيْتُ لَها شَخصًّا ولَا سَّمِعتُ لَها صَوْتًا.

- عَن يَحّيْىٰ المَازَّانِي قَال : كُنِت جِوَار أمِيْرُ المُؤمِنيْن مُدَة مَدِيْدَة وبِالقُرُّبِ مِن البَيْت ألَذِي تُسْكِنَهُ زَيَّنَبْ إبْنَّتَهُ ، فَلا واللَّهُ مَا رَّأيْتُ لَها شَخصًّا ولَا سَّمِعتُ لَها صَوْتًا ، وَكانَت إذا أرَّادَت الخُرُّوجِ لِزِيَّارَة جَدُّهَا تَخرُّجُ لَيْلًا والحَسَّن عَن يَّمِينُهَا والحُسَّيْن عَن شِمَالُهَا وأمِيْرُ المُؤمِنيْن أمامُهَا ، فَإذا قَرَبَت مِن القَبُرِ الشَرِيْف سَبَقَها أمِيْرُ المُؤمِنيْن وأخمَد ضَوّءِ القَنَادِيْل ..
فَسَّألَهُ الحَسَّن مَرةٍ عَن ذٰلِك! فَقَال : أَخشّىٰ أنّ يُنظِرُ أحَدٍ إلىٰ شَخِصِ إختُكَ زَيَّنَبْ.

❖ المَصدر : العَوالِم ج١١ ، ص٩٥٥

#نعي 😭

يا حادي ارگ السبوگ بليل هندس
واسبگ الهاب الي يرسرس
واوصل هلي والوجه معبس
واصرخ وسافه بعالي الحس
گلهم يهالنظرات تخلس
كل حيد بيكم أسد يفرس
ولو شافكم عفريت يخنس
عفت الشمر بحسين يرفس
وزينبكم بمجلس لمجلس

(منقول)

#اللهم_عجل_لوليك_الفرج

#نعي مفجع

بهداي  يا شمس  الظهيره
منين  اجيب الفي  وديره
لحسين    ولبدر   العشيره

حر الشمس يحرگ بالمتون
والرمل  تارس ذيج العيون
اصيحن  عليكم ما  تكعدون

محتاره اشدن يا جرح بيك
يبن امي دكعد من احاجيك
باجر  شلون  امشي وخليك

عطشان   خال الولد   شفته
ومن    الذبح    لا     معرفته

يفداه   عمري  انه  وخواتي
لكعد        وفييله     بعباتي
انه   رايحه  موش  برضاتي

لأحد خدام الحسين عليه السلام

#اللهم_عجل_لوليك_الفرج

يا أبو فاضل    امشي من بعدك سبيه
يا أبو فاضل    وآنــه خويه الهاشميه
ضعني بس انته كفيله
صعبه مسبيه العقيله
يا أبــو فاضـــل       يا أبــو فاضـــل 

*---------------*---------------* 

خويه صعبه كافلي
        تمشي مسبيه الوديعه
يا ذخــر حيدر علي
         وانته طايح عالشريعه

يالكــافــل  أهاتـــي   
من بعدك شوغاتي     بــدت
عطشانات أعيوني    
وتــّدور بضعونـي     عمـت

عنها غايب    وعينــي تتنطـر قدومك
عنها غايب    خويه لا مو هذا يومـك
ريت  ضعنك تعتنيله     
صعبه مسبيه العقيله     
يا أبــو فاضـــل      يا أبــو فاضـــل 
 
*---------------*---------------* 

خويه يا درب السبي
          ناره تسعر يا كفيلي
يبره ضعني الاجنبي
            بلا گمر مرالي ليلي

يالكـافــل نـاديتــك     
يــا خــويه أتمنيتك        تمــر
وتشــاهــد بعيـونك    
ياهو اليحدي ضعونك     شمر

يا هضيمه    من بعد عينك أسيـره
يا هضيمه     وانه بوجودك أميـره
يحگلي دمعي لو أسيله    
صعبــه مسبيــه العقيله
يا أبــو فاضـــل       يا أبــو فاضـــل

*---------------*---------------* 

عالهزل امشـي أسف
      وانه أختك يا ابو فاضل
وانه قبله من الشرف
       أبيتي بس جبـريل نازل 

هسه أختك مچتوفه      
للشــام مــن الكــوفه    أسف
ذبــاحــك  يبـــرالي      
يضرب راس الغـالي     نزف

خويه ريتك     تگصد لضعني وتجيني
خويه ريتك     ادري مــا تحمل ونيني
ونتّــي بعـدك طويله        
صعبه مسبيه العقيله
يا أبــو فاضـــل       يا أبــو فاضـــل 

*---------------*---------------* 

خويــه اكبر كــل هضم
              ما سده بالغاضريه  
السوگ اسمعه وانلچم
             ناده هاي الخارجيه

تمنيت أيرد شوفك   
من تگصد بچفوك     ألي
يـــا كفّــال الخــدّر   
ها يا وارث حيــدر   علي

مر عليه      وشوف حالي اشلون بعدك
مر عليه      يــا كفيلــي وخـل انشـــدك
حملي مايل من يشيله       
صعبه مسبيه العقيله
يا أبــو فاضـــل         يا أبــو فاضـــل


*---------------*---------------* 
 
أرد اســولفلك جــرح
             خويه راونــي المنيه
يصعب امنين الشرح
           واگافـه أبديوان أميه

وتتشمت عــدوانــك    
يـا خويــه أبنسوانك     قهــر
يا ليلي ولـوعاته     
لو مــرت ســاعاتـه       سهر

يا حسافه   الشامت أبعيني نظرته
يا حسافه   شتم وتعــدّت شتمتـه
وبالخرابه شلون ليله       
صعبه مسبيه العقيله
يا أبــو فاضـــل       يا أبــو فاضـــل

*---------------*---------------* 
    
الشاعر 
موسى البديري

قصيدة ( قائده ) الى بطلة كربلاء وقائدة الركب السماوي


قائده ونعم القياده   نادت بهمه وأراده
      كـدْ بكيّدك           وأسعه سعيك
             تبقه لحسين السياده

*---------------*---------------*

كلمـــه گالتهه العقيلـــــــه     
لهل الوكت يدوي صداهه
واجب نحللـــهه خاطـــــر     
نوصل أحنـه لمحتواههــه
أبنظرة أصحاب السياسـه      
ننظـــــر لواســـع مــداهـه
مـن حچتـهه لهسه تــدوي      
شمس مـا تحجب ضواهه

كلمه سر الباري بيهه     
آيه يترتــل حچيهـه
بت محمد   ....   ألهه يشهد     
يا قصـــــــــر هدّت عماده
تبقــه لــحسين السيــــاده

*---------------*---------------*

قـادة الثـــوره بوعيهــــه       
بت علـــــي وبت الزچيه
يا مــره الصــارت مثلهـه       
واصلت أعظـــم قضيـــه
أبــد ما ذلــــــــت عزيـزه       
عــــزه مـن خير البريــــه
لــو يمــر عالقـاده أسمهـه        
واجـــــب أتأدي التحيـــه

منهه ضباط ومـــراتب        
تاخذ أدروس المحارب
من صبرهه.  ....   ومن نصرهه  
تفهــــــم أدروس الاراده
تبقــه لحسين السيـــاده

*---------------*---------------*

فجــرت ثــــوره عظيمــه     
أعلن الجـــور أنتكاســـــه
هايـــه زيــنب يالتناشـــد     
راضعــــه بثدي القداســه
قـــادة الثــــوره أبسالــــه     
ومن علي ثوب الفراســـه
ذلــــت أيــزيــد وأميــــــه     
أوضحت بعــد السياســـه

هـــزت أعروش آل أميه   
هايه بت حـامي الحميه
للفراســـــه   ....    وللسياسه      
زينب أطروحه وشهـــاده
تبقـــه لــحسين السيــاده

*---------------*---------------*

صــــوت دوّهَ من العقيلـــه       
حـاصـر الشـــام وحكمهـــه
صوت نهضه أعلى الضلاله       
وللنصــر رفعَـــت علمـهــــه
كد بكيدك وأسعــه سعيــك       
أنخرست وسكتــت زلمهــه
هـــزت أعـــــروش الضلاله        
ثــــــوره زينــب للفهـمــهـه

كمّلـت دور الامامــه      
بعزه وبهمّه وشهامه
آيـــه بالطـــف....بأرقـه مصحـف      
وضّحتْ معنى العبـــــاده
تبقـــه لـحسين السيـــاده

*---------------*---------------*

كل محرم يدوي صوتـــچ         
يفجر أعلى الباغي ثـــوره
چـن محمد طـــــه يُبعــث        
والله للــــــــدين وينشـره
نهَضتّــچ نهضّـــت محمد        
وثورتچ من منهـج أمــره
عالظلم لمــــــــن خطبتي        
حسين أعلـن ثوره نحــره

خطبتچ أول شـراره       
أعلــن الدم أنتصـاره
عالميــــه    ....   للبريــــــــه         
أسست مبدء  جهـــــــاده
تبقــه لحــسين السيـــاده

*---------------*---------------*

الشاعر
موسى البديري

⬛️🔳القصيدة-3-🔳⬛️

وأعظمُ من كلِّ الرزايا رَزيتي
           وزَيَّدَت البلوىٰ مع َالكربِ علتي
رأيتُ حُسيناً في العرآء ِ مُبَضّعاً
           ومقتَلُهُ يوم َالطفوفِ ... مصيبتي
وإني أنا زينُ العبادِ وهذهِ-
          بحبلٍ  إلىٰ الأعناق  ِتُكتَف ُ-عمتي
وجامعةٌ ويلآه ُفي الجيدِ أثّـرَت
           وظالعةٌ عرجآءُ في الظعنِ ناقـتي
فكُنتُ أنادي أينَ قوميَ قد مَضَوا     
            وأينَ   نِزار ٌ   من  لؤي ٍ  عشيرتي
{فيا ليتَ أمي لم تلدني ولم أكُن}
            يرآني  يزيدٌ  ليتَ  حانَت  مَنيتي
فجآئِعُنا والله ِوتـرٌ  ولم تزل ْ
              كشاهدة ٍ  في كل ِِّ آن ٍ ظُلامتي
ولن ينقضي حُزني علىٰ قتل ِوالدي
              وتجري  دمآءً للسبيّات ِ مُقلتي

#سمير_الصالحي
#البصرة_الموالية


⚫️ياويلي عله السجاد
                       گضّه العمر  بالاحزان 
⚫️من عگب  اليسر والهم
                           سار بولية العدوان 

شسولف عن  ابو الباقر
                    وآلآمه  الغدت كثره 
عليل وجسمه ظل منحول
                    ولجله نسچب العبره
عله مصاب الولي ننحب
                  نجر حسره باثر حسره 
آه اعله  الگضه  مسموم 
بدال الدمع نجري دموم   
حزنانه  السمه   هليوم   
يانار    القهر   والضيم
                    من عدها الچبد خلصان  

يوسفه راح ابو محمد
                لاچن شاف هضم وجور 
يصيح حسين خليته 
                 عطشان  الگلب مفطور 
من بعد الچتل داسوه
             وصدره مرضض ومكسور 
محزوز النحر دامي 
نايم  عالترب ظامي 
وراسه يلوح  جدامي 
من فوگ الرمح  ياناس 
                        وشفاهه  ترتل  القران 

ياشيعه  لون  تدرون
                   يوم  النوگ  جابوهن
عماتي  وخواتي  شلون
                      من رادو يركبوهن 
حراير والخدر عنوان
                     تالي بيسر يسبوهن 
صحت ياعمي ياعباس 
ياهيبه  ويرفعة   راس 
لحگ شوف هاالارجاس 
ما عدهم   رحم  ويلاه
                     عل الاطفال والرضعان 

أذكر  من  سروا  بينه
                  ومرونه عله  الأحباب 
حسين اعله الوجه مطروح
                 ياوسفه وسليب ثياب 
وزينب تنظر الهلحال
            ومن عدهه الدمع سچاب 
تصيح شلون ياعمه 
آآ  ياهضمة الهضمه 
خليني   أظل   يمه
گلتلها   لون   تبقين 
                     منهو  يباري  النسوان 

يوم اثلثطعش من جيت
              گاصد دفن ابوي حسين 
جسمه مگطع  بلاراس 
             حضنته وبس تهل العين 
لاچن خنصره  مگطوع 
                    وايدينه  بلا  چفين 
لن صوت النحر مسموع
گلبي   ياعلي   مفجوع 
عبد الله   تراهو   يلوع 
عله صدري دوسده بساع
                 تراني اعله الطفل لهفان

بعد شحچي اعله ذاك الگيد
            ورگبتي تسيل منها دموم 
آنه وعمتي  مچتوفين 
                  بحبال  الكفر والشوم 
آآ يا عملة اهل الشام
                 ماتنوصف هاي الگوم 
لاغيره البگت عدها
ويزيد الي يحشدها 
وبگصره   يواعدها 
وآنه لوحدي  ظليت 
                        لا وليان  لا   خوان 

أعيش بلوعه من اتمر
                      صورة كربله ابالي
لا اگدر اضوگ الماي
                   اويلوم اللايم بحالي 
ولا أنسه الفجايع ذيچ
                       تبقه وياي للتالي 
ما بطل البچي والنوح 
يظل مني الدمع مسفوح 
وبگلبي  چثيره  جروح 
وآنه من الالم موجوع
                   أعيش بمحنتي حيران

#سمير_الصالحي
#النجف_الاشرف