#فصيح

لهفي لحال إمامنا الغائب
(روحي فداه)
زائراً عمتَهُ الغريبة زينب
(عليه السلام):

١/وااغريباً تسمعُ الدنيا نَحيبَهْ
للتَّي في الشَّامِ قدْ مَاتتْ غَريبَهْ
عَظمُهُ قدْ ذابَ مِنْ هولِ المُصيبَهْ
وأتاها باكِياً عند الضريحِ

٢/ليسَ ينسى ساعةَ العُمْرِ الأخيرهْ
زينباً نامتْ على رمْلِ الظَّهيرهْ
تذكرُ العريانَ مِنْ دُونِ عشيرهْ
وتنادي : أَلْفُ آهٍ للطريحِ

٣/عمتي أبكيكِ صبحاً وعشيَّةْ
كَيْفَ قادوكِ إلى الشامِ سبيَّهْ؟!
كَيْفَ نادتْكِ العِدى يَا خارجيَّهْ؟!
ضاقَ بي في لوعتي كلُّ فسيحِ

جوابُ العقيلة:
٤/ما كفاهُمْ يَا أبَا الثَّاراتِ جَلْدي
في السِّبا شدّوا بِحبلِ الأسرِ زَنْدي
نهرُ دمعي لَمْ يزَلْ يحفرُ خدِّي
وأنا أبكي على الرّأْسِ الذبيحِ

٥/ليتهُمْ قُرْبَ كفيلي دفَنُوني
بعْدَ عيْنَيْهِ فما نامتْ عيوني
ضربوني..شتموني..سلبوني
فإذا جاء الرَّدى قال:"استريحي"


علي عسيلي العاملي

#اللهم_عجل_لوليك_الفرج

https://www.tgoop.com/AL_Nay_and_Alrthaa

#نعي مفجع 😭💔

لشهادة مولاتي زينب
(عليها السلام)


وين اهل العلوم الثجيله
الما تمر بيهم يوم عيله
طارشنه خل يسرع بخيله
ويكصد سلف ذيج الجبيله
ويصيح حدما يخوه حيله
بعازة چتف نعش العقيله
مطروح ضل محد يشيله
بنت اليعرفه نجم ليله
مامش اخو يحطهه بشليله
وينحب لما ينطر دليله


ياطارش اكصد كربله وهب
واطرك الصحره بفرس تهذب
ووصل لخوتي بوكت مغرب
ووكف وبين اكبورهم نب
يهل السيوف الكبل ترهب
كلهم علي بس موش تعتب
وسولف لخوتي بعين تسچب
وخل يدري بيه المات مترب
الكطعة انفاسي كاعده احسب
وصيح بنشاف الريج واندب
ياهو اعلى تابوتي يحدب


عمه علي للحي من اترد
وجاك ابن ابوي الحيد ينشد
توسط بنص الدار واكعد
وكله بكيت هناك مفرد
وبچلاي ضل الهضم يمرد
ومامش اهل للضهر تسند
وبيبان اهالي الشام تطرد
وحي بني هاشم علي مبعد
وعمتي بدت بعيونهه تسد
وتريد اخو ليهه يوسد

مصطفى حرب
يقرأ بثواب والدي

#اللهم_عجل_لوليك_الفرج

https://www.tgoop.com/AL_Nay_and_Alrthaa

#نعي

تعالي الليله يم الحسن وحسين
وجيبي وياج كل ادموع العيون
وكصدي الشام شوفي ابنيتج هناك
وحيده وبالغرب مخطوفت اللون
وعلى حسين بطريقج مري حاجي
جا يمه لختكم يمته تمشون
زينب ناطرتهم همه الثنين
وبگلب العقيله وطيبه يدرون
شكد سهرت الليل وشافت الويل
ولهسه السوط ضل لونه اعله المتون
وتتحمل اذيه الزمن دوار
بس فكد الخوان اعليهه ميهون
اجاهه الموت رادت يمها عباس
وحسين بدمعته من يحضرون
الميت بالغرب يتمنه ويريد
يحضرونه هله ونعشه يشيعون


ماينحمل هل دنيه يمرها
بگلب زينب بقه يسعر يمرها
وين اخوتها شو محد يمرها
وماتت هضم لحسين واخيه

محمد هادي العقابي

#اللهم_عجل_لوليك_الفرج
https://www.tgoop.com/AL_Nay_and_Alrthaa

#نعي
_
عباس اريده يشيل اجنازتي عباس اريده
يدفني بيده يرد حـك الربه ويدفني بيده
••

عازتها عازه ترى جفوف الاخو عازتها عازه
شيل الجنازه يريد امتون ياشيل الجنازه
••

شيخ العشيرة ايحضرني الزوم ياشيخ العشيره
كلش جبيره يسوي الفاتحه كلش جبيره
••

محتاجه رايه اريدن كافلي ومحتاجه رايه
فوك العبايه يلفني برايته فوگ العبايه
••

مامش كرايب انه بديرة غرب مامش كرايب
وين الحبايب يسون فاتحه ويـن الحبايب
••

تنعه عليه اريــد مـعدله وتنعه عليه
ماتت خطيه تكول بلا اهل ماتت خطيه
••

لحگ يعباس ترى باخر نفس لحگ يعباس
عصابة الراس مالت ياكمر عصابة الراس
••

ياروح موتي شكثر شفتي حزن ياروح موتي
لو يم اخوتي ردت وصلة كبر لو يم اخوتي
••

نعي العجايز وينه الينعه الي نعي العجايز
فوگ الجنايز اذا حنن طبگ فوگ الجنايز
••

من يمته ماتت يهل تنشد عليّ من يمته ماتت
والناكه طاحت من اهد جر الشمر والناكه طاحت

الشيخ حيدر الحميداوي

#اللهم_عجل_لوليك_الفرج

https://www.tgoop.com/AL_Nay_and_Alrthaa

مرتاحين مابينة التغير وي تعب لونك
ولا بيــنه اليعـيشك ويــن وشلونك

ولا بينـه اليفكر انــته شنـهي اتريد
ويخفف أحـمول الهدلت امتـونك

النفس والدنيه ادنى اثنين يامولاي
نســتنا نشتـاگ الـدورت عــيونك

الما عدهم ارادة اتواجه اليعصون
بلة شلون من تفزع يلحگونك

المــاشافـوك هـمه
بنص سراب المار

ما استبعد ابجيتك يضيعونك
وعلى اهواء النفس شغل اليحبونك

بية الحچي هواي وللظروره احكام
وهل الشأن مافرغو يعينونك


علي الحميداوي الكربلائي

#اللهم_عجل_لوليك_الفرج

#نعي

لمولاي موسى بن جعفر
روحي فداه

يبوابراهيم شو مالك عشيره
وين الصيت والهيبه الچبيره
السلاسل موالك والذله مولاي
ليش اجنازتك مثل الاسيره
احماميل اربعه اعله الجسر خلوك
ماشالوك للدفنه ابحصيره
كل هذا ونگول اتهون الاحزان
مثل احسين مامذبوح عطشان
ولا بالشام عندك مشن نسوان
وتصگع روسهن حر الجزيره
يبوابراهيم شو مالك عشيره

محمد الجماسي

#اللهم_عجل_لوليك_الفرج
https://www.tgoop.com/AL_Nay_and_Alrthaa

#نعي
لسيدي ومولاي موسى بن جعفر
روحي فداه

چبير البيت لو حانت وفاته
يدير العين لولادة وبناته
شلون البالسجن يصبح مماته
محد نكَطالة الماي بالموت

المريض ايريدله واحد يباريه
ويصبر اعليه من سكَمه ويداويه
وعزيز ايصير تحظر كل اهاليه
والكاظم وحيد ايموت بسكوت

اليموت بساع كل اهله يحظرون
ويغسلونه ويچفونه ويشيعون
وعلى التابوت احبابه يـنحبون
وكل واحد عزيز ايروح زاتوت

غدار الدهر وي خيرة الناس
الكاظم غريب اتشيله حراس
وحيد وبالسجن مكَطوعة الانفاس
شيعوا جنازته وشيلوه التابوت

هذا الطيب ابن جواد طيبين
نشيعه وعالجنازه تهمل العين
وننصبله المجالس للمُعزين
وننوح اعليه كون ابعالي الصوت

أسالكم الدعاء رائد الاسدي

#اللهم_عجل_لوليك_الفرج
https://www.tgoop.com/AL_Nay_and_Alrthaa

#أبوذيات

السلام عليكم يا مولاي يا موسى بن جعفر

بسبب حزني اعتنه واكصد ليداي
وسلاسل ظالم الشدت ليداي
جدار الكعبه طر روحه ليداي
وانه حايط سجن يلتف عليه

رغم سجنه بسجن مظلم علمجان
بعقله وللمجد رافع علمجان
اليوم تعنت الزهره علمجان
النعش وتصيح ضلعي نلجم ليه

وحك الماله والد صار بسم
انه سني بفرح ما يوم بسم
حزن بيه على الي مات بسم
مثل حزن السده بالغاضريه

جفي من القيود انعاب ونشال
وكلبي من السجون شكثر ونشال
اسف بجفوف غربه انحمل ونشال
ولا نحبة اخو نسمعت عليه

مصطفى حرب

#اللهم_عجل_لوليك_الفرج

#نعي
للامام الكاظم روحي فداه

1-الامام في السجن

بالسجن واتذكرت الحسين
لا مو ألي للطف الونين
مسجون بس ما داسني الخيل
ولا شفت كل اهلي مطاعين

الله يعين حسين عطشان
من ظل وحيد بدون خوان
حيل العطش اذاه والخيام
باله اعله زينب بالحرب چان


2- اقتياد الامام للسجن


مجتوف امام الناس مجتوف
هدت عليه ارماح وسيوف
موسى ابن جعفر ينسجن ليش
بلا ذمه ناس بدون معروف

نور الامامه بظلمه ينعاف
وممنوع من احبابه ينشاف
يمشي اعله طوله الظالم شلون
بطاموره ابن الناس الاشراف

3- سم الامام الكاظم عليه السلام

ظل يسري سمهم ياخذ الروح
بالسجن وحدي هناك مطروح
لا من اهل يمي ولا اخوان
مذبوح وحدي الليله مذبوح


ما يمي شيعه اتهون المصاب
باخر نفس مريوده الاحباب
خلصت روحي لوحدي يا ناس
من السجن لاحضان التراب

4-
جنازة الامام على الجسر في بغداد


هاي الجنازه المالهه احد
محد حضرهه الله ولحد
موسى ابن جعفر هذا مطروح
فوك الجسر والناس محد


هذا الامام الراهب المات
هذا النعش فوگ الجسر فات

اربع حماميل اليشيلون
صاحو غريب الوحده شلون
وين الاهل وين اليشيعون
خلهم على الكاظم يونون


تمت ،،، رعد الفريجي

#اللهم_عجل_لوليك_الفرج
https://www.tgoop.com/AL_Nay_and_Alrthaa

#أبوذيات

مثل مري ولامــوجــود يأمر
عليه العبد صار اليــوم يأمر
وصل الخبر لهلي وياك يامر

وكلهم عالحديد شسوه بيه

الحِكم والدين انه وأصله لهلي
خبر موتي يطارش وصله لهلي
أخذلك من قميصي وصله لهلي

عسه يلحكون ويفزعون اليه


خادم اهل البيت
فلاح طالب الماجدي

#اللهم_عجل_لوليك_الفرج

#أبوذية

امــگـيــد والـجــدم گـوه .. تجاره
ودمـع الـجـفـن لمصابـك  .. تجاره
المناحه اعليك يالكاظـم  .. تجاره

وتبيّض الـوجـه گـدام الـزچـيـه

✍الشاعر رعد الجريخي

#اللهم_عجل_لوليك_الفرج

#تراث گعدية

لسيدي ومولاي باب الحوائج
الإمام موسى بن جعفر روحي فداه

مسجون إو غريب إو ما له چاره
إو ساقه المنجرح دم إيتجاره
(وإمكبّـل الساگين...ياباب الحوائج)
ــــــــــــــــــــــــــــــــــــــ
عادة ما بين الحمايل كل غريب إبدار غربه
إيطيح بشراك النوايب والنوايب تملي گلبه
لا بد إمن الناس عين إتعينه بيها إيشوف دربه

إو باب الحوائج غربته
سيف إو تگص إبچبدته
إو ماله معين إبشدته
غير صبره إو لطف ربه

حتى دمعة الكـاظم غريبه
تتفايض إمن إعيون المصيبه
إو تصرخ دمعة العين...ياباب الحوائج
ــــــــــــــــــــــــــــــــــــــ
لو گلت غربة الكاظم بالگلب يسعر جمرها
هاك إخذ يالمحب سجنه إو غربته إيهوّن أمرها
مو سجن طاموره حدر ألأرض يا مصعب عسرها

ما ينسمع بيها اليون
(المسجون بيها ممتحن)
ألله الله السجن
چبدة الكاظم فطرها

سجن المظلم إبليله إو نهاره
والمسجون ما يـاخذ قراره
وإمرضرض الجنبين...يا باب الحوائج
ــــــــــــــــــــــــــــــــــــــ
هذا وصف السجن كافي إو دمعتك لمصابه هلها
خاف إبينلك مصيبه والمصيبه متحملها
بالسجن يندب الكاظم للسلاسل من يحلها

مسجون وإمفارج هله
والضرب حيله نحله
والجمر جمر السلسله
مهجة الكاظم شعلها

إو روحه إمگطعه إبشفرة إهمومه
إو جرح الساگ تتفايض إدمومه
وإمكبل المتنين...ياباب الحوائج
ــــــــــــــــــــــــــــــــــــــ
غربة الكاظم إو سجنه هانت إبشدة حديده
إنحب إنحب يالموالي إو زيد ون الچبد زيده
وأرد أبينلك مصيبه إو خايف الگلبك تچيده

بالكـاظم إشسوه الدهر
والسندي ما تدري إشسطر
وإبيا وجه خله ألأثر
إبوجه ناموس العقيده

إو ظلت سطرة السندي علامـه
جمره إو تسعر اليوم القيامه
بگلوب الموالين...يا باب الحوائج
ــــــــــــــــــــــــــــــــــــــ
إشلون إربو طعش عام إگضيتها إبشده إو نوايب
بالسجون إتلوج روحك والگلب مجمور ذايب
وحدك إتجود إو تعالج لا عمام ولا گرايب

صبرك إبحلمـك متصل
من النوايب ما تمل
تاليـها بالسم تنچتل
إو هاي أمضه إمن المصايب

مسجون إو غريب إو يسمونك
إو من سجنك عبيد إيشيعونك
إو فگدك يتم الديـن...يا باب الحوائج
ــــــــــــــــــــــــــــــــــــــ
بالغرب مطروح نعشك والفلك دونك مداره
والملك صاعد إو نازل عالجسر نعشك مزاره
إو سل البگلبك إبگلبي إو جمر يتطاير شاره

والغـدر بالسم چتلتك
وإمحيرين إجنازتك
هزت العالم غربتك
بچّت إعيون النصاره

جسمك ظل ثلث تيام مرمي
إو ساگك من نزيف إدماك مدمي
إو يومك يـوم الحسين...يا باب الحوائج
ــــــــــــــــــــــــــــــــــــــ
شيعو نعشه عبيد ألأربعه إبظاهر الحاله
إو باطن التشييع آيه إو نصّت من رب الجلاله
إو نزلت إصفوف ألأملاك إتشيعك بإسم الرساله

وجبريل وأشراف الملك
بإسم الشهاده شاهدك
إو علم ألإمامه إو مسندك
للرضا صار إنتقاله

وإضلوع الرضا إلفگدك حناهه
والديـن إو هله معلن ب آهه
إو تتصارخ الكونين ... يا باب الحوائج

كاظم المنظور الكربلائي

(336)

#اللهم_عجل_لوليك_الفرج
https://www.tgoop.com/AL_Nay_and_Alrthaa