#في_الخدمة_المقدسة
#شهادة_الإمام_الكاظم (ع)

(لحن اسمع عتابي)


١)لابس سوادي
ودموعي زادي
لمولايَ موسى
ذايب فؤادي

٢)گاصد مقامه
رايد كرامه
راجي الشفاعه
بيوم القيامه

٣)أوگف ببابه
أبكي لمصابه
بسجن الأعادي
أذكر عذابه

٤)صاحبِ الأمجاد
مگيّد بلأصفاد
بطاموره ظلمه
سمّوه بلأحقاد

٥)بجسرِ الرصافه
نايم حسافه
غريبُ وْعن اْهله
بعيده المسافه


#منال_بجيجي

السلامُ على المعذّبِ في قعر السجون
أعظم الله أجوركم 🥀
لا تنسونا من صالح دعائكم
https://www.tgoop.com/AL_Nay_and_Alrthaa

🏴السَّلامُ عَلَيْكَ أَيُّهَا الْإِمامُ الْعابِدُ

🏴السَّلامُ عَلَيْكَ أَيُّهَا الْإِمامُ الزَّاهِدُ

🏴السَّلامُ عَلَيْكَ أَيُّهَا الْإِمامُ الصَّالِحُ

🏴السَّلامُ عَلَيْكَ أَيُّهَا الْمَقْتُولُ الشَّهِيدُ

🏴السَّلامُ عَلَيْكَ أَيُّهَا الْإِمامُ السَيِّدُ الرَّشِيدُ

🏴السَّلامُ عَلَيْكَ يَابْنَ رَسُولِ اللِه وَابْنَ وَصِيِّهِ

🏴السَّلامُ عَلَيْكَ يَا مَوْلايَ مُوسَى بْنَ جَعْفَرٍ

🏴أعظم الله تعالى أجورنا وأجوركم

🏴بذكرى أستشهاد الإمام موسى الكاظم

🏴🏴🏴🏴🏴🏴🏴🏴🏴🏴

🏴

صباح المواساة على الإمام السابع


▪اعطفْ على الكَرخِ من بَغدادَ وابكِ بها كَـــــنزاً لِعـــلمِ رســــولِ اللهِ مَخـــزونا

مـــوسى بـــنِ جعفرَ سرّ اللهِ وَالعلمِ الــمبينِ فـــــي الـدينِ مفروضاً ومسنونا

بـــابُ الحــــوائجِ عــندَ اللهِ والسببُ الــموصـــولُ بــــاللهِ غـــوثُ المستغيثينا

لهفـــي لِمــــــوسى بِهـــم طــالَت بليتُه وَقــــــدْ أقــــــامَ بــهم خمساً وخمسينا

فــــي كـــــلّ يومٍ يـُـــقاسي منهم حزناً حتى قضى في سبيلِ اللهِ محـــــــــزونا


▪ أعظّمَ اللهُ تعالى اجورناو أجورَكُم بِشهادَةِ راهِب بَني هاشِم الإمام مُوسى بن جَعفَر عَليهِ السّلام ُ

🌿🏴

🔴لَهفِي لِمَن مُلقىً عَلَى جِسرِ الرّصافَةِ نَعشهُ

اَلسَّلامُ عَلَيْكَ يا مَوْلايَ يا مُوسَى بْنَ جَعْفَر وَرَحْمَةُ اللهِ وَبَرَكاتُهُ
اَشْهَدُ اَنَّكَ الاِْمامُ الْهادِي وَالْوَلِيُّ الْمُرْشِدُ وَاَنَّكَ مَعْدِنُ التَّنْزيلِ وَصاحِبُ التَّأويلِ.
عظم الله لكم ولنا الاجر

#ياموسى_بن_جعفر⁩ 🏴

هضيمة ويا مصاب انگوله وانذكره
عله الرضوا إجدامه ، بكل جدم كسرة

بطامورة الإمام و نفســه بيها ايضيگ
والسندي ايتعمــد يشتـــم الزهرة


شما چـاله يشتم فاطمــة ... ويذكره كسر اضلوعها
••••••••••••••••••••
آه اعله الغريب الما له اهل تفزع
ابيوم الظل يويلي ابسجنه يتلوع

انمرد جبده يناس وجسمه كله اگيود
من ثگـل السلاسل جفــه ما يرفع

ثگل السلاســل تعبــه .....ما بـي يشيل اجفوفه
••••••••••••••••••••••
دنت من المنيـة وبدت چم شهگــة
شهگات الينازع وأهل ما يلگـــه

تمنـه اوليــده يـمه واه بويه يصيح
هونك ليش مستعجل عله الفرگة

كسرة ظهر فگــد الأبـو ...والفاگد الله ايعــينه
•••••••••••••••••••
عله المات ابسجن بي خلصن أيامه
واحد لا يظل ما يلطم الهامة

السلاسل هشمن جفينه وجدامه
وأحمر صار من دم نزفه هندامه

يهل البخت شيـخ البخت ... بگيوده محّــد شاله
•••••••••••••••••••
المصيبة الهاضمتنه اهواي يا وادم
الثالث يوم ظلت جثــة الكاظم

هاشـم وين ؟ ما يدرون ابنهم مات
مثل احسين ظل ، بگيوده ظل نايم

بس اليطيـح ابكربله .... اتصير الحوافر فوگه


اللّهم بمن ظل على حر الرمضاء عاريًا مرملا عجّل لوليكَ الفَرج..

قاسم المالكي

يا ليل السجـن يا ليـل ..بدرك ضايعـة اخباره
ولا صـوت المُناجاتــه...وعلـت ونة بوســط داره

•••••••••••••••
يليل البارحة الي چان .. يناچـي الله بدمع عينه
عَسـه ماشر عليه يا ليل ...گلــي اشماله والــينه
ظلامـك جَنه يخفي اجواب .. أخاف اخباره مو زينـة؟
گبل ساعات ون بهداي .... امنيـن الكاظم اونينه ؟

وبس البي ألـم بالروح .... يون وروحــه محتـارة

•••••••••••••••••
معـدوم البخـت بالنّـاس ... وعله نهر الله صـاروا سد
اشلون ابن الزجيـة ايبات ...بسجون العِــده مگيـــد
يليـل اجروح بينه اهواي.....وجمرة حِـزن ما تبــرد
بگلب الرضا الطف والشّام.. ..ارحم گلب أبو محمد

لا تكسر ظهر مكســـور .....بيش ايلاگـي خِطـاره ؟
•••••••••••••••
صَدگ يا ليـل هَذا الصّار .....غرّب موسى بن جعفر
ميِّـت بالسِّجــن مسمـوم .....وبي شوغات المَحيّـر
اشگـد لاع وشهـگ يا ليل ...المـا عنده أهل تحضــر
شمسويـة السلاســل بــي .... دمه اجفوفه ابعصرهن خَر

طريح أشرف بشـر عالگــاع .... محـد ينحب اكتــاره
••••••••••••••••••••
من ثگل السلاسل بي ..... شالوا نعشــه بالگــوّة
وعله ذاك الجســـر خلــوه .....طريــح وبي عطش خوة
إمام الرافضـة اعله الگــاع ....يصيـح الما إله مروة
تُـمـر بيه الخلگ وتــروح .... وشمّـوا ريحتـه الحلوة

اليسأل هالغريب امنيـن .... تظل ادمومه تجّـاره
••••••••••••••••••••••
من سـد الولـي عينــه .....فزت تبچي معصومـــة
تصيـح ابلوعة يا بويـه .... وگلبـها انترس بهمومه
البنية حنينة اهــواي .......تـحن للما درت يومـــة
منتظــرة يــرد الراح ....... من افراگــه مآلومــة

ما تدري الأبــو مسمـوم ...وبچبـده اعتـلت ناره
••••••••••••••••••
ما تدري الأبـو اعله الگاع ... طريح ومحد ايحضـره
وبگيوده الولـي اموسّـد ..... ظل بعمامتـه الخضـرة
اشعطل هاشم وما جوه ..... وين اهله تجي تحضره
ابيا عين وگلب يا ناس ...... تشوف اوليدها الزهرة

وامس شاغت عله المذبوح ...وعله اوليداته وانصاره


اللّٰهم بغُربة آل محمد عجل لوليكَ الفَرجَ..

قاسم المالكي

#نعي

يا طارش اكصد ربعة العز
ووصل خبر بالخاطر ايحز
وحشم وخلي النايم ايفز
وخل بني هاشم دمهم ينز
كلهم الكاظم نعشه معوز
وياهو اليغسله ومن يجهز
مطروح ماله جتف يبرز
بعازة اخو اعلى الرمح يركز
ويصيح بهضم وابيرغه ايهز
وجفه اعلى صدره يضل يخبز


ياريح وصل الخبر ياريح
مر بالسلف وتوسط وصيح
وخلي البيوت العاليه تطيح
كلهم ابنكم كاضي تجريح
ويختلف عن كل المجاريح
حنطه وذرت بيهه المراويح
بعيني حجي ويريد توضيح
محد يفهمه بليه تلميح
ياهو العليه بدمعته يطيح
نعش الهله كلهم مذابيح


الوحده ودنت ساعات موته
توكف اكبال عيونه اخوته
ينتخي ومن يسمع نخوته
تخنكه عبرته وتخفي صوته

مصطفى حرب

#اللهم_عجل_لوليك_الفرج
https://www.tgoop.com/AL_Nay_and_Alrthaa

تشييع النعش الرمزي بذكرى استشهاد الامام موسى بن جعفر (عليهما السلام)

#السلام_على_حليف_السجدة_الطويلة

🍁 قال الامام الرضا (عليه السلام):

"من زار قبر أبي ببغداد كان كمن زار قبر رسول الله (صلى الله عليه وآله) وقبر أمير المؤمنين (عليه السلام). إلا أن لرسول الله (صلى الله واله) ولأمير المؤمنين (عليه السلام) فضلهما ".

📚 تهذيب الأحكام - الشيخ الطوسي - ج ٦ - الصفحة ٨٢

🔗 مسجونٌ قد توضّأ بدموعه، مُرتديًا أغلالًا، يحترقُ بآهاتهِ الموسويّة، يُتمتمُ بأمّن يُجيبُ: "يا مُخلّص ... خلّصني!" 💔 .

هذا الغريب اوليدي اني امه الزجية
مثل الحسين احضر اله بالكاظمية
ــــــــــــــــــ
اني الزجية الوالدة والقلب لهفان
والطم بحسرة فاگدة بدموع الاحزان
وحضر عزاء اولادي يمتى وين ماجان
احضر مثل ما احضر ابني المات عطشان

احضر الة مثل الوگع بالغاضرية
مثل الحسين احضر اله بالكاظمية
ــــــــــــــــــ
اربعطعش عام بالم بالسجن مظلوم
صايم وساجد بالسجن واتحمل هموم
لا ضوه ولا حتى هوه ولا ماي لا نوم
واتفطر بفردة تمر والتمر مسموم

صايم ومات من الالم سم المنية
مثل الحسين احضر اله بالكاظمية
ــــــــــــــــــ
من الحديد من الثكل مترضرض الحيل
بگيودة عظمه المنكسر جن داسته الخيل
يحسب ليالي اعله الفرج بدموعه التسيل
يدري الفرج موت ونعش اربع حماميل

غربة النعش ما عندة اهل والله رزية
مثل الحسين احضر اله بالكاظمية
ــــــــــــــــــ
من ضلعي ما اشتم هوى لكن تعنيت
لوليدي موسى ومحنتة من قلبي حنيت
دمعه وره دمعه الة من حزني ونيت
بي عطر من عطر النبي ولحزنة هميت

عطر النبي وحيدر علي حامي الحمية
مثل الحسين احضر اله بالكاظمية
ــــــــــــــــــ
هذا الجسر يشبه ألم تل الغريبات
غربتهن تشيب القلب من الوطن مات
لو تمطر ادموم السمة من گد الاهات
جنة النعش راس برمح ويرتل آيات

جن كربلة وعاشر رجع من هالقضية
مثل الحسين احضر اله بالكاظمية
ــــــــــــــــــ
هاي السلاسل على النعش جن حبل الاشراع
درب السجن درب السبي بس يفرق اوداع
مو بس رجب هذا الألم بجروحي كلساع
مطروح ظل فوگ الجسر راهب على الكاع


نفس ابو الاكبر من بقى فوگ الوطية
مثل الحسين احضر اله بالكاظمية
ــــــــــــــــــ
الشاعر زين العابدين الشمري

تمت ببركة مولاي الكاظم عليه السلام
لاتنسوني من خالص دعائكم

قصائد مقدمة المجلس
#رقم_67

شهادة #الإمام_موسى_الكاظم عليه السلام
الشيخ محمد الملا الحلي (ت ١٣٢٢ هـ)

1_ خَسَرتْ لَعَمرُكَ صَفقةُ الدَّهرِ الذي
فِيه السَّفيهُ غَدَى يُعدُّ حَليماً

2_ أترومُ بَردَ نَسيمهِ وَأبى عَلَى الـ
أحرارِ إلا أنْ يَهُبَّ سَمُوما

3_ فأقِم لِرُزءِ بَني النبوة مأتَماً
واسجِم دُموعَكَ كالغَمامِ سَجُوما

4_ فَمَنِ الذي يَهدي المُظِلَّ إلى الهُدى
مِن بَعدِهِم أو يُنصِفُ المَظلُوما

5_ وبَسيبِهِ يُغني الوَرى وبِسَيفِهِ
يَجلُو عَنِ الدينِ الحَنيفِ هُمُوما

6_ هَذا قَضى قتلاً وذاكَ مُغيبٌ
خَوفَ العَدوِّ وذَا قضى مَسموما

7_ من مُبلغُ الإسلامِ أنَّ زَعيمه
قد ماتَ في سجنِ الرَّشيدِ سَميما

8_ فالغيُّ باتَ بموتِهِ طربَ الحَشا
وغَدَى لمأتمهِ الرَّشادُ مُقِيما

9_ ملقىً عَلى جِسرِ الرصافةِ نَعشُهُ
فِيهِ المَلائِكُ أحدَقَت تَعظيما

****

تنوح أملاكها والكون مرجون
على الي مات اويلي ابحبس هارون

امن البصرة السجن بغداد جابه
ابحديد او ﮔيد وايدور ذهابه
حطه ابسجن مظلم غلگ بابه
او نهه السجان يمه الناس يصلون

ابسجن والسندي ابن شاهك السجان
عليه ابكل وكت مغلج البيبان
تم اسنين للوادم فلا بان
ما يدرون ميت ولَّه مسجون

عـﮔب ﮔيده او حديده او ذيچ الأغلال
دسله ابرطب سم ﮔـاطع او ﭽتال
اكل بعضه او منّه نال ما نال
حسبكم ﮔـال نلتوا الي تريدون


مراثي الاطهار عليهم السلام

ابوذية ونعي للامام الكاظم( ع)

صلى الله عليك يارسول الله ،صلى الله عليك ياابا عبدالله ،السلام على المعذب في قعر السجون وظلم المطامير، السلام على ذي الساق المرضوض بحلق القيود،ياليتنا كنا معكم سادتي فنفوز فوزاً عظيما…

أبوذية:
لطمنه بألم يامولاي هامات
مسموم وعليك الروح هامات
امام الرافضيه الصاح هامات
ذبك عالجسر يابو الحمية

النعي:
صايم بذاك السجن الاظلم
وفاطر الف ويلاه بالسم
مرضوض ساگه ويجري بالدم

غربه وسجن ويلوج وحده
والسم اله بالروح مرده
ريت الرضا هالساع عنده

ذوب چبدته اليوم هارون
مسموم وحده ودار العيون
يريد الولد والبت يجون

ياريت معصومه اجته
من راد الميه نطته
ومن دار عينه گابلته

حضرت يريت الساعه يمه
تنطيه اميه وبرد سمه
حنينه تباريه وتشمه


حنينه تجي يم راسه تگعد
تداويه بلكن روحه وترد
مسموم حاله اليوم يمرد

…… تمت……………………

بقلم ام زهراء العامري