.


سيّدتي نحن خجِلاتٌ منكِ … تقبّلينا ونحن نتململُ من الحر تحت الاكمام الطويلة والحجابات ذات الاقمشة الخفيفة ..

سيّدتي نحن لم نذق حرّ الطريق مشياً على الاقدام من الكوفة الى الشام .! 💔
ولا تحمّلنا يوماً إهانة السبيّ ! 💔
ولا تجرّعنا النظر الى رؤوس أحبّتنا وهي مرفوعة أمامنا وتُهان 💔
سيّدتي ألا تقبّلتي إعتذارنا ونحن لم نفكّر بكِ 💔

انه الغريبه .. انه الغريبه

✳✳✳

اكبر جرح بالدنيا شفته بعيني
مذبوح الحسين وذبحلي اسنيني
وذباحه بيده الراس ويراويني
ويسحك بصدر حسين ويبجيني

ويكلي شوفي احسينج .. ظل يراويني
زينب اذبحج فوكه .. بس تحاجيني

اكبر مصيبه .. انه الغريبه

✳✳✳

ماطاحت الهيبه ارتفع عنواني
والثوره صرت انه علمها الثاني
بس الكسر كلبي وكسر وجداني
الهوسو برماح روس اخواني

الضعن يمشي وتمشي .. الروس جدامي
والشال روس اخواني .. حارگ اخيامي

والله عجيبه .. انه الغريبه

✳✳✳

اكطعهن دروب السبي بلجماتي
ومابينت يم النذل حسراتي
صورة علي وهيبة علي بوكفاتي
واسهام بعيون الظلم كلماتي

وبدولة الحق رايه .. بوجه كل ظالم
ويبقى امتداد الثوره .. مني للقائم

والثار يجيبه .. انه الغريبه

❇❇❇

جان بخيمنه الكمر ومضوينه
تفيض المواقف من كرم جفينه
ترف رايته بكد غيرته على سكينه
عمري انكضه من السهم نام بعينه

نهر الفرات جفوفه .. يفيض حنيه
مضوي الخيم بوجوده .. بكل معانيه

صرت بمغيبه .. انه الغريبه

❇❇❇

بريح الظلم مادار وجه شراعي
اتلكيت كل صعبه الاجت بذراعي
اخت الكمر ومن الكفيل اطباعي
يكسرني بس من يقره صوت الناعي

بدرب السبي واهاته .. عالي ظل راسي
بس طاري ذبح اخواني .. يذبح احساسي

احساسي بلهيبه .. انه الغريبه

❇❇❇

علي حسين المنصوري

بخرابه وخوف مانهده ونأمن
ولا يغمض جفن عيني ونامن
يشتموني ويعرفوني و انا من
بت حيدر علي و امي الزجيه
••••••••••••••••

محتاره المن افزع المن اركض
ورقيه من الخوف برداني تكض

نار الخيم وصلت لحد السجاد
وعله التعب مايكدر المتمرض

محاتجته وشيرده جف العباس
يسطر هذاك الكاض دربه ويفرض

يركض ورانه واحنه بس النسوان
وبظلوع ابو السجاد خياله ترض

الزين والموزين ظل بينه يعيل
مو زين گلبي من المصايب ينبض

طاح العلم وويه العلم حيلي انهد
وبدر الهواشم عله الماي امدد

بعينه السهم واتبده عالكاع الجود
صار النهار بعيني ليل اسود

عطشان ظل بخيامي جم طير بطير
يسئلوني ياعمه الكمر شو ما رد

واكبال عيني الاكبر الكله جروح
حار بدليلي صوابه ابد مايبرد

ومذبوح شفته واه يجرح العريس
شيضمده وجرح الورد ماينشد

بيديه حرز من الحسن ظل تذكار
دستور ظل وللشباب اتخلد

وست اشهر وجابوه شهيد وعطشان
عبدالله عمره ويه السهم يعني شكد

عمره انه اظن لجمات كد جسم حسين
ولجمات البكلبي اكثر وماتنعد

من الضمه لحد الظهر حد الآه
ويه التراجي بسكته عمري اتفرهد


ومحتاره شحجيلك بعد يمحمد

يخويه جفوفنه للظالم سبلنه
بحبل جتفنه عالناكه سبه النه
بينه تشمت وشتم سب النه
ويتعمد يجي يبجّي برقيه

••••••••••••••••

علي حسين المنصوري

اطمئن وحجابي شعره مالخينه
افا وبــــــــــرمح كلبك مالخينه
الخــــــذ محبسك كتله مالخينه
مالايك ابجـــــــــــــفك رده ليه


الدمع مـــــو مال اضمه مال ابينه
على اخوي المشه ولسه مال ابينه
الارض بذن الله صارت مال ابينه
وصرت بيها غريبه انه وسبيه


اهنا يالمـــــــــذبحك خويه شلمك
الرمـــــح طشر خرز ضهرك شلمك
ركضــــــــتي عثرتي دمعي شلمك
على يــــــــــاهي المنهن اتألم ليه


مره الخيـــــــــــــمتي انضر مرلكم
ذبايح والضــــــــــعن عمده مرلكم
يهل هاشم مشت وســــــفه مرلكم
على ناكه ويالغرب راحت سبيه


سواد العين بـــــــــــويض منيراهه
بوجودك جــــــــــان زينب منيراهه
رقيه منيدي خــــــــــــولي منيراهه
ويجرته التفت راس حسين ليه


حمل كلبي مــــــصايب هاي ويهاي
ويجن العــــرف ضيم العلي ويهاي
عكـــــب عباس شاف الشمر ويهاي
ونزل عرش الله صار احجاب ليه


دمعتي بجفني اضمها موش اهلها
المحنه  الشام خويه  موش اهلها
انا  من سرب ضعني موش اهلها
عزيــــــــــــــزت روح عمتها رقيه



حسين عبد الزهرة الدراجي

⬛️◾️القصيدة-3-◾️⬛️

أنا السجآدُ زينٌ للعباد ِ
                أسيرُ  مكتفاً  بين َ الأعادي
وبعدَ الطفِ ساقونا سبايا
               إلى شام ِ  الطليق ِ وباقتياد ِ
تمر ُبخاطري صورُ المآسي
        وتحرمُني الشرابَ وطَعم َزادي
وتفجعُ مُهجتي فيسيلُ دمعي
           وتسلبُني  السرور َ مع   الرقاد ِ
رأيتُ السبطَ مقتولاً صريعاً
            غريباً قد قضى والقلبُ صادِ
ونسوتُنا ركبنَ على عجاف ٍ
            لتُؤسَر َ  من لدُن  أهلِ العناد ِ
ولفُوا الحبلّ في عُنُقي وصولاً
              لزينبَ   كي  تُشدَّ   لها  أياد ِ
وهذا رأسُ شيخي فوقَ رُمحٍ
                به ِ  طافوا   بأرجآء ِ  البلآد ِ
فوآويلآه ُ من جَورِ وهَضم ٍ
                  وآه ٍ  من   رزياتي الشِداد ِ
سأبقىٰ بينَ نوحٍ أو عزآء ٍ
             وبين َالحزن ِأو لبس ِالسوآد ِ
أنا الباكي علىٰ المحزوزِ نحراً                          
                له ُ عمري  كوقفٌٍ  للحداد ِ

#سمير_الصالحي
#البصرة_الفيحآء


⬛️◾️القصيدة-4-◾️⬛️

أنا السجادُ مغلولُ اليمين ِ
                  بجامعةٍ حديد ٍ قيدوني
أنا السجادُ في المحرابِ دوماً
             أنا البكّاء ُ للسبط ِ الحسين ِ
أعيشُ الدهرَ في حزنٍ طويل ٍ
          وعمريَ قد قضىٰ بينَ الأنين ِ
رأيتُم كيف َقادوني بقيدٍ
            وجامعة ٍ وحبل ٍ في اليدين ِ
أسيراً بين أبنآء ِ البغايا
          وإن أبطأتُ سوطاً يضربوني
أُحامي عن نسآءٍ ثاكلاتٍ
           وأيتام  ٍ تُساقُ   إلىٰ  اللعين ِ
عليلاً قد فُجِعتُ بقتل ِأهلي
       وحيداً في الطفوفِ بلا مُـعين ِ
وفوقَ مصآئبي أُسقىٰ ذعافاً
             بأيدِ الحقدِ عمداً يَقتلوني
سأرحلُ تاركاً ألماً وشجواً
              وآهات ٍ ودمعاً في عيوني
به ِشَيَّدتُ للباكينَ نهجاً
             حُسينياً قضَيتُ بهِ  سنيني

#سمير_الصالحي
#البصرة_الموالية


⚫️أبوذيات لشهادة إمامنا
زين العابدين وسيد الساجدين ع

🏴
يون وياه  كل  الكون لو ون
ضلوعه من رزايا حسين لوون
الباقر يوم مات  يصيح لو ون
عفتني ورحت وآنه اصفج بديه
🏴
عليل   وزيدتله  الضيم   علتاه
ويحامي عن حرم  وايتام علتاه
يعمه يصيح دوري بساع علتاه
إنتي  الكافله  وعندچ   وصيه
🏴
عسى ماي الفرات يگول لومار
ومثل   مصابنا   لا دار   لو مار
بكل مچان طاري حسين لو مر
تهيج  احزانه  من   يذكر   أبيّه

#سمير_الصالحي
#البصرة_الموالية

لطمية : حنان أب
اجيز في اللطميات استخدامها للمنبر فقط فبعضها كتب لبعض الإخوة الرواديد
———————
حنانُ أبٍ ... فؤادُ أبٍ
وخوفُ أبٍ ... على الأطفال
**
الليلُ ألقى ســــــــــــترهُ
وحسينُ جال على الفلاةْ
يمشي يزيلُ الشوكَ من
دربٍ ستســـــلكهُ البنات
ســـــــــتفرُّ من غدرِ اللئامِ رقيتي
ستخافُ من سوطِ المهاجمِ طفلتي
أخشى عليها من أذى شوكٍ غداً
ســــــــــتفرُّ حافيةً لحرقِ الخيمةِ
حنانُ أبٍ ...
*
بينَ الخيـــــــــامِ بدمعه
محنيَّ ظهرٍ مشــــــــــيهُ
وكأنَّ يبحثُ في الثرى
عجـــــــــبٌ هنالكَ أمرهُ
سأزيلُ هاتيكَ الحصى بينَ الخيامْ
فغداً ســـــكينةُ ركضها بين اللئامْ
أخشـــــــى عليها حينها أن تعثرَ
تهوي على خوفٍ على حر الثرى
حنانُ أبٍ
فوقَ الثرى ضامٍ تريب
والرأسُ ينظرُ من قناهْ
ويـــــــرى بعينيهِ التي
ضربتْ وتصرخُ يا أباهْ
بينَ الحــــــوافرِ طفلةٌ بصراخها
وهناكَ من ســـرقوا بلؤمٍ قِرطها
وســـــــــكينةٌ قامَ اللئيمُ بضربها
ورقيةٌ في الطشـــــتِ أهدوهُ لها
حنانُ أبٍ


(الشهيد السعيد السيد محمد يحيى حجازي)

ياسبي اجروحي
قصتي  ونوحي
امشي مابين الأجانب
كربله  ابروحي
*****
خويه  طرينه  الزلم والحيره بيه
اسمع   يگولون   هاي   الهاشميه
خويه آنه  اول  مره امشي سبيه
انه  شفت  النار  من  چوت رقيه

خيمه   محروگه
المهجه مخنوگه
آه  يافگد الاحبايب
كربله  ابروحي
***
حسين   ياخويه  بناتك تدري  بيها
اطشرن كل وحده آنه اسمع بچيها
صعبه يا ناس التجي  وتفگد وليها
حيرتي ألمن  اروح  وياهي  اجيها

حسرة اضعوني
دمعة   اعيوني
تذبح آهاتي النوايب
كربله  ابروحي
*****
هاي ما چانت ابد حسبه عله بالي
راح من  عندي العزيز ابلايه والي
انه اصد للراس  فوك الرمح عالي
صدك معقوله الدهر يذبحني تالي

عشرة  ادموعي
احني ابظلوعي
آنه شاهدت المصايب
كربله  ابروحي
***
چنهه روحي ابكربله  صارت عليله
والحمل  لو طاح چا منهو  اليشيله
آنه يهضمني  السبي ودمعي اسيله
وين  ذاك  العمر  والعشره  الطويله

اخيامي مهجوره
امشي   مجبوره
انه بطفوفي العجايب
كربله  ابروحي
***
صار اسمي ياخو زينب بس مدامع
اگبالي راسك بالضعن خله المواجع
والدهر بعد  الاحبهم  امسى  ضايع
عفت  ولياني اشكثر فوك المصارع

ماتت  اسنيني
دمعتي ابعيني
بالسبي دلالي ذايب
كربله  ابروحي
***
هاك شوف  الكوفه لوتسمع حچيها
عدها   عيد  الناس  من مرينه  بيها
الناس تضحك خويه لو نجبل عليها
خويه  گالو  چن  خوارج من نجيها

محنتي  محنه
ياعلي  صحنه
بويه ياراعي الكتايب
كربله  ابروحي
***
تمت بعون الله تعالى
الشاعر__يوسف_الفتلاوي

"

اللّهُمَّ أَذِقْنا حَلاوَةَ حُبِّ الحُسين عليه السّلام.َ ..

اَلسَّلامُ عَلَى الْحُسَيْنِ
وَعَلى عَلِيِّ بْنِ الْحُسَيْنِ
وَعَلى اَوْلادِ الْحُسَيْنِ
وَعَلى اَصْحابِ الْحُسَيْن ِ ..🕊

اللّهُمَّ اجعَلني عِندَكَ وَجيهًا بِالحُسَينِ"عليه السلام"

🍃✨

زينبكم سبوهه... يا بني هاشم 

ــــــــــ

سبوهه بت علي ولشـــام ودوهه
مجتوفه بحبل علهزل صعدوهه
شتموهه وبسوط الزجر ضربوهه
وكافلهه ذبيح اعله النهر نايم 

ــــــــــــ

مسبيه وغريبه وحيــــل ما بيهه 
تمشي وتسحك علجروح رجليهه
بعد ذاك الدلال بجــال راعـــيهه 
مابين الزلم والخيل تترادم 

ـــــــــــ

من قصر لقصر تدخل العــــــلويه 
مسبيه تلـــــــــــوذ بضهر مسبيه 
صلفه عيونهم وتعاين علــــــيه 
كتلتني وعلي بنضراتهه الوادم 

ــــــــــــــ

رايتكم الخضره انكسرت وطاحت
واميرتكم اسيره ويه اشمر راحت
شكد حشمت زينب هاشم وصاحت
ولا واحد سمعهه من بني هاشم

ـــــــــــــــ

الشاعر 
مصطفى الحسني 

ما اكثر المحافظات العراقية التي تود ان تسكن فيها او تزورها بأستمرار، اختر واحدة 👇🏻👇🏻

ما هو تحصيلك الدراسي؟؟

كلام خطيررر منقول عن الامام الصادق عليه السلام

اسمعه👇 واحكم بنفسك👇

https://www.tgoop.com/Tdper/13068