رسالة الى الأهالي ❤️

كن قوياً

أ.الكيمياء

طالب العِلم 🤎✨ .

عليكم بتقوى الله
ولاتُلهِيكم حياة الدُنيا فأن الدنيا دار زوال
أعلموا جيداً ياأصدقائي و متابعيني
إن التفوق ليسَ فقط بالدراسة و المثابرة حتى تحقق أهدافكم لا بل التفوق من الله و إن أردة التفوق عليك بتقوى الله :

﴿ وَتَزَوَّدُوا فَإِنَّ خَيْرَ الزَّادِ التَّقْوَى ﴾

{ ذَٰلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ } .

عندما تتقي الله سوف تفتح لك ابواب النجاح و ابواب النجاح ألف لا يمكنها الدخول لها إلا من باب الالتزام و لا يمكنك الاتزام إلا بإلتزام اوقات الصلاة تمسكوا بالله فأنهُ يحبكُم و يبشركم بعد صبركم :

{ وَمَا جَعَلَهُ اللَّهُ إِلَّا بُشْرَىٰ وَلِتَطْمَئِنَّ بِهِ قُلُوبُكُمْ ۚ وَمَا النَّصْرُ إِلَّا مِنْ عِنْدِ اللَّهِ ۚ إِنَّ اللَّهَ عَزِيزٌ حَكِيمٌ }

نصيحتي لكم بتقوى الله ياأبنائي و أصدقائي

✍️عباس فاضل المنصوري
@Abbas_20bot

نلحك لو منلحك ؟ هسه بدينا ندرس ...
راحت علية العطلة و عندي نقوصات ...

#جوابي بطريقه عمليه .....

فرضا انت انجرحت بايدك 😢 .. اول شي تفكر بيه شنو ؟؟؟

راح تفكر بالنتيجه النهائيه وهي لازم تكون بالمستشفى حتى تعالج الجرح ويروح الاثر 😔

مافكرت بالطريق شوكت توصل
ولا فكرت شكد متبقي وقت للجرح خاف يتلوث
ولا فكرت بشنو راح تعالجه خياط او غيره

كل تفكيرك منصب هو انه لازم تتواجد بالمستشفى ... وهناك النتيجه مهما تكون فانت سويت الصح ومشيت بنفسك وتواجدت.....

نفس الجرح هذا موجود بكلبك 💔

وكلبك هذا لازم يتواجد بالقاعه حتى يتعالج ...

لازم تفكر بالنتيجه النهائيه وهي وجودك بالمكان اللي المفروض تكون موجود بيه

اكو قصه تكول غزاله ع وشك الولاده في الغابه واثناء ولادتها

احترقت الغابه ورأت قناص يحاول اصطيادها برصاصه واسد يقترب منها ليفترسها

تسلم نفسها لصيادها ؟
ام لفريسها ؟
ام للنار لتلتهم جسمها ؟

او تركز على هدفها الاهم ؟ وهو انجاب صغيرها ؟؟؟؟؟؟؟؟؟

ركزت على هدفها الاهم وهو انجاب صغيرها
وليحدث مايحدث

فحدثت المعجزه وهي حدثت الصاعقه فضربت القناص فانطلقت رصاصته فاصابت الاسد فامطرت الدنيا وانطفأ حريق الغابه

كل هذه الامور سيرها الله لها .. فانجبت صغيرها ونجت

انت هم ركز ع هدفك الاهم .. هدفك النهائي .. هدفك اللي لازم تخلي عيونك بس عليه ..

فالوقت وحده سيمضي والكتب تخلص والصعوبات تسهل والميه تجي 😌

جا هو غير الله موجود ويهتم بيك ؟؟

زين تعرف شلون راح تقاوم كلشي ؟

صير مثل الجندي
تعرف الجندي شنو اهم شي عنده ؟؟؟؟

هسه تكلي حماية بلده ..
لا..

لان الدفاع عن الوطن هذه غريزه تسري في عروقه لا في قلبه

مايسري في قلبه هو #ترقيته

اكثر ما يلبي طموحه هو ترقيته تعرف ليش ؟؟

لان بترقيته لرتبه اعلى يشعر انه اقوى وماشي صح ويرضى ع نفسه اكثر وينسى كل صعوباته ووحدته وحرارة الجو وبرودته ووجوده بوسط الموت

هو يحيى بالترقيه ...

وانت هم من تبحث عن ترقيه لنفسك راح تنسى كل صعوباتك

حان الوقت انه ترقي نفسك رتبه اعلى من طالب اعداديه لطالب جامعه

من تقرر ترقي نفسك مراح يوكف شي بطريقك

https://www.tgoop.com/Abbas_35

قد لا تكون مسؤلا عن سقوطك 😔

لكن قرار النهوض حتما بيديك 😌

كل انسان يتعرض لظروف قاهره ويتعرض لازمات ويتعرض لعثرات .. ماكو انسان يحب الفشل لكن هالامور تحصل لا اراديا .
لكن الواجب ع الانسان ان يعامل هالصعوبات وفق كل مشكله وحجمهه .. 😳

انطيك مثاااال بسيط ..
#اسنانك .. حتى تنموا وتكون قويه تحتاج للحليب فقط لا اكثر وتحتاج للكالسيوم ..

لكن ما ان تدخلهه بصعوبات تعرضهه للضغوط . وتدخللهه
#الخضروات #واللحوم ماراح تتوقف ولا راح تكون ضعيفه بل راح تكون #قواطع تدمر #وتطحن كل شيئ تتعرض له ...

هذا ابسط الادله اللي الله وضعهه بجسم الانسان فضلا عن الكبد والبنكرياس وو...و....و....الخ

مابالك بالمتحكم الرئيسي بهذه الادله وهو العقل ؟ 😒 اللي انته تمتلكه

تكدر تتعامل وي كل صعوبه وكل ضغط من خلاله ..
هو مجرد يحتاج للايعاز منك . بس ارسله الايعاز وهو راح يتكفل بالباقي .

بالسادس راح نواجه عدة امووور

1) الوضع النفسي
2) الصداع
3) الواهس
4) الاجهاد
5) قلة التركيز
6) التايهات وذني يوميه سالفه شكل
7) قلة الوقت
8) المشاكل

محد كلك راح تدخل بشهر عسل السادس معركه ويتطلب انتصار.. وحتى تنتصر تحتاج ان تكون #قوي
لا مكان للخوف
لا مكان للصداع
لا مكان للفشل
لا مساحه للتعب
لا فراغ للمشاكل

لازم تكون كالاسنان #تطحن كل ما يمر امامك ..
كلشي يحاول هالفتره يبعدك عن حلمك
لتسلم نفسك بيدك للفشل .. اوك اخسر لكن اخسر وانته تقاتل اخسر وانته ملفلف جروحك حتى تثأر لخسارتك والنصر سيكون قاب قوسين او ادنى
اما اذا تخسر بدون قتال ستبقى طوال حياتك فاشل

https://www.tgoop.com/Abbas_35

هسه ساعة ب ١٠ ونص بليل . وانته وتقرأ وتسأل نفسك . ليش ادرس ؟ وليش اسهر ؟ وليش لحد الان اقاوم وفاتح كتابي ؟

ليش هالتعب ياربي ؟

ليش اني بالذات ؟ ☹️

وانته تفكر راح تترك قلمك وتصفن وتروح لغير عالم .
لكن سرعان ما راح تصحى يجيك أشعار داخلي وكأنه صفعه تعيدك لرشدك وتلزم قلمك وتستمر ✍

من تشوف كل الابواب مسدوده والباب الوحيد اللي يبقه مفتوح هو باب نجاحك

الباب اللي يعادل الف باب بباقي حياتك

هم فد يوم سئلت نفسك هالسؤال 🤔 شنو اللي خلاك تستمر ؟

اكيد الجواب راح يكون
دموع امي . تعب ابويه . تتويج لنفسي. حفاظا ع مستقبلي .. اوك 👍 اتفق معك لكن

اكو سبب رئيسي .. انتبه وهو انه هاي الفرصه سنحت #لك_فقط 😒

هالفرصه ما اتيحت لغيرك . هالفرصه نعمه مجهوله . وهي فرصة #أسعاد_نفسك بيديك ..

هواي نااااس هووواي يتمنون يكونون بالسادس . هوواي ناس يتمنون يداومون بمدرسه . هوواي ناس ينامون ودموعهم ع خدودهم لان ماوصلوا هالمرحله وما كدروا يلبسون الزي المدرسي . وما حصلوا فرصة انه يكون عدهم اصدقاء مدرسة ..

هواي ناس يتمنون انه عدهم هالمشكله مشكلة السادس يتمنون الله يبتليهم هيج ابتلاء

هذا هو اللي يخليك ترجع تلزم قلمك ✍ وتكتب وتكتب وتكتب لحد اخر حرف واخر نفس بيك ..

لازم تعرف انته الان تحمل مسؤولية . مسؤولية كل شخص ثق بيك . كل شخص سندك كل شخص يحبك كل شخص خلاك الأمل اله ..

بايام الامتحانات من ال 1 لل 6 الصبح صح هي 6 ساعات .. لكن تعادل 6 قرون من الاجتهاد والنتيجه المرجوة ..

بهيج ساعات راح تدرس المعاجم كامله وتاريخ الاغريق وتفاعلات الكون وعلم ما وراء الفضاء
لان الامر يتعلق بمن ستكون غدا في قاعة الامتحان ؟؟؟؟

مستحييييل ان تنحني
مستحيل ان ترضخ
ومستحيل ان سؤال يستفزك او يخرب خططك

الاسود في كل 10 محاولات تتمكن مره واحده من صيد الفريسه مره واحده فقط ..
لكن لا احد يشك بقدراتها . تبقى أسودا رغم ال 9 محاولات الفاشله .

والسبب؟ هو انه لا احد يعرف في اي محاوله ستنجح ..

لذلك هي تمتلك عنصر المفاجأة ..

هذا هو معنى الفرصه . ان تنجح في وقت يضنك الجميع ستفشل .. 👍


https://www.tgoop.com/Abbas_35

اذا تريد تنجح وتحقق هدفك صدك بس احب اوصيك إنه لازم تتغلب على أسس الفقر الستة :

(( النوم ، التراخي، الخوف، الغضب، الكسل والمماطلة ))

ابتعد عنهن والتزم بوقت الصلاة

وراح تصبح إنسان ناجح

الرسالة : اني بالعطلة ماقريت ولحد الان مافاتح الكتب و إذا ابدي هسة اكدر احقق هدفي . 🥹

الجواب : https://www.tgoop.com/Abbas_35/10686

من هسه تبدي ....
تبدي من الصفر .. من النصف .. من قبل النهايه

ابدي منين ما شئت .. ووقت ما شئت وكيف ما شئت

لكن الشي الوحيد المضمون هو .. اذا قررت الذهاب وركبت وسيلة النقل راح توصل

هسه الطريق مسدود تروح من طريق ثاني
السياره تعطل تركب سياره ثانيه

االمهم.انه انت مقرر راح توصل ..

هاي الايام نفس الشي تجي ساعات ضايج.ايام مريض ساعات عندك.شغل

لكن اذا انت مقرر تروح للقاعه وتمتحن راح تستمر بالدراسه

#الاستمرار هو الجواب الحقيقي لقدراتك.

يصير اكلك = ٤ ؟؟؟؟؟؟

هسه تكلي اوكف شنو هو اللي يساوي ٤ ؟؟؟

غير اكو شي سابق ال ٤ ؟

راح اكلك.ال ٢ + ٢ = ٤

يصير من هسه اكلك راح تنجح ؟ راح تطلع معدل ؟ راح ترسب ؟ ماراح تلحك ؟

لو لازم تستمر وتمشي بموادك وكتبك وهناك تبين

اقسم بقوة الله لو كان عندي ١٠ ساعات قبل الامتحان ماتراجعت قيد ذرة عن الدراسه والذهاب للامتحان حتى لو مافاتح الكتاب ابد......

قرر تبدي ... بس لتسويلي مثل قوم موسى ساعه يتوبون وساعه يبطلون

انت قرر تنجح قرر انه تحصل ال ١٠٠ وقرر انه توصل

قسم بالله ماراح يوكفك شي ولا راح يثنيك شي

يا اخي ماكو شي اسمه الحك.لو لا !!

اكو شي اسمه اني اريد هالشي

اكسر واحطم واذبح لاجله 😡

شخصيتك اذا متظهر بهيج وقت صعب شوكت تظهر ؟؟؟؟؟؟؟؟؟؟؟

امكانيتك اذا متظهر بهيج ازمه شوكت تظهر ؟؟

يا اخي الظروف الصعبه تسويك جبل يتسلقه كل واحد خايف من القاع

تسويك نجم ينظرله كلمن مر يومه بحزن وخوف ..ويظل يباوع عليك حتى تردله روحه

الظروف الصعبه استغلهه ...
حتى تنتفض وتغير واقعك

مو بس تغير ملابسك ولا تغير جهازك ولا تغير اكلك
الاكله من تاكلهه نفسها يومين تمل وتجزع

مامليت وانت بنفس هالمكان من زمان ؟

غير عقلك وغير مكانك

واذا يأست من جنتك فقد حان وقت جحيمك 👍

https://www.tgoop.com/Abbas_35

شخصيتك اذا متظهر بهيج وقت صعب شوكت تظهر ؟؟؟؟؟؟؟؟
@Abbas_20bot

اني جنت تابعك من جنت بسادس أدبي وحاليا مرحلة ثالثة انكليزي والله كلامك فد الهام دايما يخليني افكر من جديد انت سند طلاب والله لازم يتابعوك من اول ما يدخل الاعدادية حتى ما يخطأ واذا خطأ يعالجة ويتعلم من غلطة حظرتك انت وسالم منصور افضل اثنين عرفتهم بسادس ولحد الان نصائح مالتكم ذهب

محد مصبرني بهل دنيا غير كلامك استاذ

استاذ ادريي شكد وضحت وتعبت بس والقرءان محد يهدئنه ويصبرنه غيرك وغير كلامك

مدري شكول والله وشلون اشكرك بس اتطمن من اسمع كلامك 🥺❤

- نجاحك الك ، دراستك الك ، فشلك عليك

#دير_بـــــــالك

اي سؤال عدكم بالخدمة
@Abbas_20bot