الوسواس القهري مثل شخص كاعد يستفزك بكلامه حتى يقهرك ويضوجك .. مثال كاعد انت وجماعتك وتحس اكو واحد وراكم يهمس علمود يسمعك كلام او يضوجك ويستفزك وبالتالي يقهرك , انت في حال تجاوبت مع هذا الشخص
وحاولت تمنعه يحجي راح يزيد عليك اكثر ويضوجك ويقهرك اكثر بينما اذا انت
ظليت متجاهل هلشخص والا عبالك كاعد تسمعه فهو من نفسه شوية شوية ويسكت
وينلصم كذلك الوسواس القهري من تجيك فكرة وانت كاعد تقرا اذا تفاعلت وياهة فراح تزيد الامور تعقيد وتجي افكار مزعجة أكثر أما اذا استمريت بالدرس وشغلت بالك بالدرس وظليت تتجاهل هاي الافكار فهو الوسواس يقل الى ان تختفي هاي الفكار المزعجة وترجع بدون ماتحس تندمج بالدرس فهذا هو العلاج الوحيد لأفكار الوسواس القهري. و بالنهاية اكلك عليك بتلاوة القرآن الكريم .

@Abbas_20bot

لازم تكتب ولازم تتعلم الحروف هذا اسمه درس

تكبر وتصير ناضج.. دروسك متصير بكتابه ولا حفظ حروف ولا حفظ أرقام

درسك راح يكون بطريقه غير مباشرة

بظرف مفاجئ
بيوم صعب
بحب فاشل
بصداقه خادعه
بأشخاص مزيفون
بواقع مرير

دروسك يقدمها الك الزمن وليس الأستاذ

ومثل ما الأستاذ ينطيك 2 + 2 = 4
وبالامتحان يجيبلك 2 + 2 × 2 _ 2 = ؟

الزمن يقدملك شخص انت تشوفه طيب والحقيقه العكس
او يخليك بمرحلة جامعيه أو سادس
الزمن ممكن بوقت امتحانك يمرضك
الزمن ممكن باخر سنه دراسيه الك ياخذ منك اعز شخص ع كلبك

هذه يسموها امتحانات الكون

اما تنجح أو تفشل..


جواب هالامتحانات مو بالورقه والقلم

جوابها بالثبات والصبر والاستمرار والوعي وزيادة الجهد والانتقام بالافضل

اما تكدر تقاوم ( جوابك صح )
او تستسلم ( جوابك خطأ )

مجرد النظر لكوب الماء وسحبه لشربه
يتطلب منك تشغيل اعظم اله بالكون وهي #العقل مع تحريك عشرات العضلات ومعظم العظام وتحفيز الاف الخلايا..

أنه مجرد كوب ماء !!!!

فكيف بتحقيق حلم ؟ ينافسك عليه 500٫000 الف طالب ؟

كم سيتطلب ؟
@Abbas_20bot

عن امنيتك المستحيله 🥺
✋ مهلا 👇
🌃 صلاة الليل 🧎📿
قد كسرت المستحيل 😍
وقلبت الموازين 🙂
من اجل دعوة 😉
دعوتها في 👇
اخر الليل 🌃
من صلاة الليل 📿🤲🧎‍♀️

صلاة الليل بأبسط صورة اضغط هنا


وتصبحون على خير

ما الفرق بين الجهد والذكاء ؟
@Abbas_20bot

الجهد: بإختصار عبارة عن لاعب عداء (اللاعب الي يركض بمسابقات الركض) اول ما تبدي المسابقة يركض بكل قوته وبكل سرعته وبكل طاقته وعندة بقانون اللعبة ان لازم يركض بحلقة يفتر بيها سبع مرات وهو من يبدأ بكل قوتة واقصى سرعة عنده ويضغط على نفسه هواااي حتى يوصل ويسبق الوياه بس يكمل ٣ الى ٤ فرات وبعدها يتعب وما يكدر يكمل ويضل يجر بروحه جر ولا يكدر يكمل منا لمتر بعد يهلك وتنتهي طاقته و سرعته وقوته ويريد بس يكعد لان عضلاته تعبت وابد ابد ابد مراح يكدر يكمل لنهاية المسابقة ويخسر الاول والتالي

اما الذكاء: هو لاعب عداء ثاني بنفس المسابقة يبدي باللعب بقوة متوسطة ومعقولة وسرعة هم متوسطة وضغط متوسط وهذا يكم ال٧ مثل الورد ويفوز وياخذ المركز الاول بالمسابقة ولا عضلاته تتعب ولا هو يتعب ولا الامة تدمر ولا يخسر الاول والتالي مثل اللاعب الاول يفوز وينتهي كل شيء..
نفس الشيء بالنسبة لاي موضوع بالدنيا سواء كانت بالدراسة بالعمل بالوضيفة بمشروع معين بس تبدي بي بكل حماسك وطاقتك وقوتك وما تبدي بقوة معقولة ولا حماس معقول حسب حساب انك انت خسران الاول والتالي مثل اللاعب الاول ماشي
وهاي هي
وعاشوا عيشة سعيدة وجيت وخليتهم

مشاركة من ✍️الطالبة كوثر

الاجتهاد هو ان تكون قويا بمايكفي لسرقة بنك ما

اما الذكاء هو ان لاتتعب بحساب المبلغ بل تعرف مقدار ماسرقت من نشرة الاخبار 🤷‍♂️

والعبرة لمن اعتبر 😉

قال #رسول_الله صلى الله عليه وآله وسلم #فاطمة بضعة مني فمن آذاها فقد آذاني .

عظم الله لكم الاجر باستشهاد ام ابيها وسيدة نساء العالمين السيدة فاطمة الزهراء (عليها السلام)

٨ ربيع الاخر

اكو تجربة باليوتيوب
زجاجتين بيهم رز " تمن " الاولى يسمعوه كلام حلو مثل شكرا احبك انتِ حلوه وكلام حلو
والزجاجة الثانية يسمعوه كلام سيّء انتِ غبية ما احبك والكثير من الكلام السيء


بعد شهر صار
الزجاجة صاحبة الكلام الحلو بقت محافظة على شكلة

الزجاجة صاحبة الكلام السيء ذبل التمن وصار على سواد

بامكانكم الاطلاع

حافظوا على سماع الكلام الطيب وابتعدوا عن الكلام السيء

الراحة الجسدية والعقلية مهمة وعلاجه يرى بالعين المجردة
الراحة النفسية مهمة كلش واهم ولا ترى بالعين المجردة وتتغذى على الكلام التحفيزي وإلملهم

اتمنى لجميع المتابعين راحة مابعدها راحة وان تكونوا كما تتمنون ان تكونوا

@Abbas_20bot

هذا طائر النعاب
نبي الله داوود عليه السلام كان يدعي الله ويقول :
(اللهم يامن يرزق النعاب فى عشه ارزقني)
النعاب هو فرخ (الغراب) عندما يفقس بيض الغراب ويخرج الفرخ
الأب والأم يستغربوا من شكله وينكروه لأنه يخرج من البيضة لونه أبيض وريشه الإسود لا يظهر عليه في وقته ويتركوه يواجه مصيره لوحده في العش ويطيروا
وهو ضعيف جدا لايستطيع إن يأكل ولا يستطيع الطيران وممكن يؤدي هذا إلى الهلاك
الله سبحانه وتعالى يرسل اليه نوع من الدود.
الدود هذا يشم رائحة منقار النعّاب ويحب هذه الرائحه ويقف على منقاره
والنعاب يبداء ياكل من الدود ويتغذى
وبعدها ينبت الريش الإسود للنعاب والأب والأم يعرفوا إن هذا فرخهم ويبدوا العناية به ويطعمونه
وبعدها يستطيع الطيران.
(اللهم يا من يرزق النعاب فى عشه ارزقني)
بعد هذه القصه هل يوجد اشخاص يخاف من تأخر الرزق أو أن الرزق بيد احد غير الله.
{وفي السماءِ رزقكم وما توعدونَ فورب السمَاءِ وَاْلأَرض إِنه لحق مثل مَا أَنكمْ تنطقُون}
@Abbas_20bot

https://www.tgoop.com/Abbas_35

ليس المهم في السادس ان تتخلص من المادة في اقرب وقت ولكن المهم تفهم المادة فهماً حتى تتمكن من السيطرة عليها في الامتحان الوزاري فكم من طالباً انتهى من المادة في اقرب وقت و هو لم يضبطها بالشكل المضبوط وكم من طالباً تأخر في المادة و هو ضبطها وفهمها بالشكل الصحيح و نال ما أراد الوصول إليه ، فكُن مصممً بارع في الاختيار ....

أ.عباس فاضل المنصوري
https://www.tgoop.com/Abbas_35

انا اعلم جيداً في هذا الوقت إن الكلام الناس حولك كيفَ يتكلمون عليك فقط أُريد منكَ تنظر الى هذا الفيديو الذي سوف تعرف معنى كلام الناس حول الذي يكون وقتهُ يأخذ منك فقط دقيقة واحدة لا اكثر من ذلك :

أنا عظيم :
https://youtube.com/shorts/aiJTmFHt-r8?feature=share

السلام عليكم :

موضوع الكثير من الطلاب يعانون منه و اليوم سوف اوضحه لكم بالتفصيل

🔸عدم الحفظ و النسيان 🔸

هناك عاملين يسبب عدم الحفظ و النسيان لكل ما درسته مسبقاً .... :

💠العامل الاول 1️⃣ الدراسية 👨‍🏫
1️⃣ عدم الحفظ والفهم بتركيز ( اضغط هنا )
2️⃣ عدم اختبار نفسك بالمادة ( اضغط هنا )
3️⃣ عدم مراجعة المادة ( اضغط هنا )


💠العامل الثاني 2️⃣ الدينية
1️⃣ عدم الصلاة في اوقاتها ( اضغط هنا )
2️⃣ كثرة الكذب بالله ، الغش ، عدم طاعة الوالدين.. ( اضغط هنا )
3️⃣ العادة السرية : هي اكبر مصيبة ❌📛 ( اضغط هنا )

🖇 📥 @Abbas_20bot

🖇 📤 @Forgetting2022

#فكرة💡

دائما من ناخذ درجات مو زينة نضوج!!
عااا درجة مو زينة شلون راح اطلع معدل اذا درجاتي هيج


#ررركز وياية شوية راح اسولف قصة صغيرة واربطها بحديثنا

• اكو قندس من نوع عايش بالغابة
اجة الصياد نصب كومة فخاخ بالغابة علمود يصيدة فالقندس مرة من المرات مشة بسرعة بلا مينتبه على الطريق ووكع بالفخ بس كدر يطلع منة سلامات

• المرة الثانية كال اني حافظ الغابة شبر شبر والفخ عرفت مكانة خل امشي واني مغمض المشكلة ميدري اكو اكثر من فخ جان يوكع بالفخ الثاني وكوة طلع منة

• بعدها كام يتقصد يدور على الفخاخ علمود ميوكع بيها منا لمن لكاهن كلهن وخرب شغلهن

• ورجع يمشي بالغابة براحتة مثل الاول واحسن وفشلت خطط الصياد



#هنا انت بكل وكعة بالشهري استفاد منها كل خطأ هو فخ تستفاد منة بالوزاري لتستهين بالمادة وتمشي سريع مثل القندس!

• انطي للمادة حقها بالدراسة
#سويلك_دفتررررر للفخاخ
اقصد للاخطاء، علمود من توكع بخطأ تعرف انت ضعيف بهل مكان وتشتغل علية وتقوي

منا لمن توصل للوازي كل اخطائك مضبطها


#فالاخطاء_هي_كنوز استثمروها صح ولتخلوها تحبطكم بالعكس خلوها نقاط قوة الكم✊😉

https://www.tgoop.com/Abbas_35

عظيم جدا  ... من تكون بالمكان يلي طمحت وحلمت بي وضحيت من اجله .

شكد شعور .... حلو من اهلك يملون الك استمارة التقديم ع الجامعة الي تتمنى تدرس بيها .

شايفين حجم القشعرية ‼️
شايفين شكد حلو ذاك الشعور ‼️
شايفين لذت الانتصار بذيج اللحظه ‼️

قمت النشوه ب الفرح🤍•°
و من تفتح عينك وانت تشوف نفسك بوسط حلمك والمكان يلي قاتلت من اجله ...
ساعتها تحس ب الأمان  ... ب الامان ع احلامك الي كنت خايف تخسرها ... ب الأمان ع مستقبلك

شايفين فرحة الاهل شكد عظيمة ‼️

شايفين شكد عظيم ‼️

من تحقق الفرحة الابدية لشخص فقدته وعزيز عليك ويبقى فخور بيك وهو بين القبر  ...

كل هذا شي يلي كلته فوك
تكدرون تحققونا ويصير واقع خلال ايام ما بقى شي افتح عين وغمض عين تشوف نفسك وسط حلمك

حلمك يستحق ان تقاتل من اجله لاخر نفس
قاتلوا لاخر لحظة قاتلوا لاخر ثانية قبل الامتحان ولا تستلمون مهما كان الامر صعب❤️‍🩹✌️

كلشي تكدر تعوضه ويتعوض
بس وقتك حاليا ما يتعوض أبدا
كل ثانية يلي تضيع ثمنها غالي راح يكون عليك
اترك كلشي يلي يضيع وقتك وركز على حلمك وروحله بكفاحك ماكو شي يتحقق بالسوالف ولا احلام الوردية اكو شي يتحقق بالمثابرة والصبر..

حلمك ينتظرك و لازم تروحله برجلك ..

ماكو شي اسمه راح احصل هاي كلية وانا كاعد وصافن

وانت يلي ضيعت وقتك وبعدك ما بادي
كدامك وقت حتى لو باقي نصف ثانية  تكدر تعوض بس لا تكول ما اكدر وخلي ثقتك برب العالمين العالية وراح توصل
ما دام اكو نفس يصعد وينزل يعني كدامك الف فرصة وفرصة...
فلا تضيع فرص قادمة بسبب فرصة ضاعت
كوم وقاتل من اجل حلمك فهو يستحق القتال من اجله....

هذا الكلام فوك ابدا مو تحفيز لان ما احب التحفيز كوم اقرا واجعص الظروف وخلص☺️

انه الياخذ ارواح اسمي كرار
ياخذ فاطـمـة من عــنـــدي بسمار
انه إلي إيتسمه حامي الجار
بيتي؟ ما حميته ويشتعل نار

ساعد الله قلبك ياسيدي و مولاي ياامير المؤمنين 💔

🏴 نعزي مولانا صاحب العصر والزمان "عج"
ومراجعنا العظام وعلمائنا الأعلام
والمؤمنين والمؤمنات
في مشارق الأرض ومغاربها
بذكرى استشهاد
مولاتنا الصديقة المظلومة
فاطمة الزهراء "ع"

*مع حسن الظن به ...*

*حين تطلب منه ريشة 🪶*
*سينزل الطير كله بين يديك 🕊️*


*🖋️: سماحة الشيخ د.علي المياحي

تمر علينا أيام وساعات وثواني ماكو شي يحفز ع الاستمرار
ماكو شغف وماكو حيل وماكو أي نبرة امل 💔

كل شيئ بده ينهار . كل شيئ رايح للاسوء . كل شيئ قريبا يكون محطم ..

اوك .. خل انام احسن حتى ارتاح هو اساسا كل شيئ انتهى

وانت تريد تغمض .. يجي سؤال ابالك معقوله بهالسهوله كل شيئ انتهى ؟

تعرفون هذا السؤال شسمه ؟

تعرفون الامل شنو هو ؟
الامل :- هو آخر نفس تثق به للبقاء معك...

هذا السؤال هو القنبله التي ستنفجر من شدة الثقه بكونك لن تنغمر باليأس

هذا السؤال هو اليقين وسط الظن
هذا السؤال ما اجه من فراغ ولا دخل نفسه بوسط معركه شرسه بينك وبين نفسك دون نتيجه ؟

اكو ثوره بداخلك . ثوره ترفض نسيانك ترفض أن ينمحي شخصك

قلبك ينبض ❤️
وعقلك سليم
ويداك متحركتان 🏃🏃‍♀
وعينيك ترى 🙎‍♂🙎‍♀

افكارك مشلوله لكن طريقك مبلط 🛣

اوهموك بانك الكتروني ولا فائده من اقلامك
وانت مضجر ولا استفاده من افكارك
وانت محطم ولا منفعه من تركيزك

لكنهم لا يعلمون أنك تستطيع أن تبني نفسك من رماد حطامك

تنهض في وقت استسلامك
وتثور في أوقات هدنتك
وتصنع المجد في وقت استراحتك

ما بالهم لو استيقضت من ركودك ؟

#منو_گدكم_ابطال؟

https://www.tgoop.com/Abbas_35

عظم الله اجورنا واجوركم بوفاة الامام القاسم ابن الامام موسى الكاظم "عليه السلام" ونعزي صاحب العصر و الزمان و الأمة الاسلامية بهذا المصاب .

- القاسم بن موسى بن جعفر من أولاد الإمام الكاظم (ع)، وأخو كل من الإمام الرضا (ع) وفاطمة المعصومة وأمه تُكتَم وورد في الروايات أنه كان ذا فضل ومنقبة، وقد أحبه أبوه الإمام الكاظم (ع) كثيرا وكان يعطف عليه، هاجر من المدينة إلى العراق هاربا من بطش هارون، فبعد ما استقر به الأمر في ضواحي محافظة بابل العراق، مرض هناك وتوفي على أثره في (( ٢٢ جماد الاول١٩٢ هجرية)) فدفن هناك وسميت تلك المدينة بـ«القاسم»، ويقصده محبي أهل البيت (ع) للزيارة .

و ماجاء في ما أُشتُهِر على الألسن عن غريب أرض طوس والمدفون بأرض الإمام الرضا(ع) (من لم يستطع زياتي فليزر أخي القاسم)

#قاسم_الايمان_العطاء
#اخا_الرضا_وعم_الجواد
#ابا_فاطمة
#٢٢جماد_الاول١٩٢_هجرية