አብዶ ጃሮ አስቂኙ ግለሰብ

አብዶ ጃሮ ከአንድ ፖድካስት ጋር የነበረውን ቆይታ አንድ ወንድም ላከልኝና አየሁት። ክርስትናን እንዲቀበል ያደረገው እስልምና መሆኑን ለዚህ ሚስኪን ምዕመን ሊያስረዳው ይሞክራል። የክርስትና ትምህርቶችን እስልምና ውስጥ ከዚያም ከዚህም እየቀደደ በመስፋት "አያችሁ እስልምና ስለ እናንተ ምን እንደሚናገር?" እያለ ለክርስትናው ከእስልምና አፕሩቫል ማግኘቱን ይጠቅሳል። በዚህ ውስጥ የፈጸማቸውን አያሌ የሎጂክ መፋለሶች ግን እሱም አብሮ ተቀምጦ ጭንቅላቱን የሚወዘውዘው ግለሰብም ከነአካቴው አያውቁትም። የሰውየውን የአስተሳሰብ ደረጃ ለመረዳት ከቪዲዮው የተወሰኑትን ከዚህ በታች ልጻፍላችሁ፦

▣ የሰለመው በህልሙ አንድ ድንጋይ ኢየሱስን ተቀበል ብሎት ነው። ይህ ድንጋይም እንደ እሱ አገላለጽ ከሆነ ኢየሱስ እራሱ ነው። በህልሙ በምን ቋንቋ እንዳወራው እንደማያውቅ መጀመሪያ ላይ ቢገልጽም ኃላ ግን "ሀል ተዓረፍተል ቁርዓን" ብሎ ጠይቆኛል ሲል "አረብኛ" መሆኑን ተናግሯል። ከድሮ የግሪክ ፈላስፋዎች ንግግር ውስጥ አንድ የሚጠቀስ ንግግር አለ "ጎበዝ አስታዋሽ ካልሆንክ ውሸትን አትሞክረው" የሚል ነው።

▣ ኢየሱስን በህልም አይተን ነው ጴንጤ የሆነው የሚሉ ሰዎችን በተመለከተ ታዋቂው የክርስቲያን አፖሎጂስት ጄምስ ዋይት (ዶ/ር) "የሚታመኑ ሰዎች አይደሉም" ሲል ይገልጻቸዋል። እያንዳንዳቸው ኢየሱስን አየን የሚሉ ሰዎች "ኢየሱስን ግለጽልን" ብትሏቸው አብዛኛዎቹ የሚጠቅሱት የሜል ጊብሰን ፊልም ያለው ያለውን ተዋናይ መልክ ነው። አንዳንዶቹም ፈጽሞ የሚያስቅና እርስበርሱ የተደበላለቀ ምስል ይሰጧችኃል። እንዲህ አይነት ማታለያ ህዝበ ክርስቲያኑን ለማታለል ይመጥናል ብለው ስለሚያስቡ ያለሰቀቀን በአደባባይ ይነግሩታል።

▣ "ቸርች ላቃጥል ስል ነው ኢየሱስ የተገለጠልኝ" ሲልም በ1970ዎቹ የቀረ ትረካ ይዞ መጥቷል። እንደሱ አይነት ጮሌ ሰዎች "ሙስሊም ነበርን" ከሚሉ ይልቅ "አክራሪ ሙስሊም ነበርን" ቢሉ የድራማው ድምቀት ከፍ እንደሚል ያቃሉ። ምዕመኑ አብሮት እንደተቀመጠው ሰው አንገቱን እየነቀነቀ "አየኸው ተራ ምዕመን አልነበረም፣ ቸርች ሊያቃጥል የነበረ "ዋና ሙስሊም" ነው ኢየሱስ ያመጣልን" እያለ በግርምት እንደሚሸወድለት ያውቃል። ዲያቆን ዳንኤል ክብረት በቀደመ ህይወቱ ለተረጎመው አንድ መጽሀፍ የሰጠው ስምም "ከአክራሪ እስልምና ወደ ክርስትና" የሚልን ነው። መጽሀፉን ስታነቡ ግን የድርሰቷ ዋና ገጸ ባህሪ ናህድ ማሕሙድ ሙተዋሊ በፍጹም ከሳሉት ስዕል ጋር የማይሄድ ስብዕና ኑሯት ታያላችሁ። እናም አክራሪ የምትለዋ አሁን ላይ የቀረች ብትሆንም አብዶ ጃሮ ግን ብዙ ነገሩ የሆነ ዘመን ላይ የተቸነከረ ከመሆኑ ጋር ካርዷን መዟት አሁንም ሊጠቀማት ሞክሯል።

▣ "ሙስሊም እያለሁ ከኦሮምኛ ውጭ አማርኛ ቋንቋ ጆሮየን ብትቆርጡት አልሰማም ነበር" አለን። ታዲያ ጴንጤ ሲሆን ግን ቋንቋውን በቀላሉ እንደቻለውና ኢየሱስ እንደገለጠለት አድርጎ አቀረበው። ሌሎችንም የሀገራችንም ቋንቋዎች ኢየሱስ ለምን እንዳላስለመደው ግን አልነገረንም፤ ኢየሱስን በዚህ መልኩ በፍጥነት ወስዶ ብሔርተኛ ማድረጉን ግን ስክሪፕቱን በጭንቅላቱ ሲተይብ የረሳው ይመስለኛል።

▣ በተገኘበት መድረክ ሁሉ አረብኛ መናገሩን እንደ ትልቅ የአዋቂነት ጉልበት አድርጎ ለማሳየት ፍዳውን ሲበላ እናስተውላለን። ከጉሮሮ የሚወጡ ቃላትን ያለቅጥ በመጫን ይህንኑ ለማያቁ ሰዎች ፕሩፍ ለማድረግ ይደክማል። በቅርብ ርቀት የሚገኙት የግብጽ ኦርቶዶክሶች ቅዳሴያቸው ሁሉ አረብኛ መሆኑን የዘነጋው ይመስላል። አረብኛ መቻል እስልምናን ለማወቅ ይጠቅማል እንጅ አረብኛ ማወቅ ብቻውን የእስልምና አዋቂ ያደርጋል ማለት አይደለም። በዚያ ላይ ቲክቶክ ከወንድሞች ጋር በነበረው ክርክር መሠረታዊ የአረብኛ ህግጋት የሆኑትን ሙአነስና ሙዘከርን እንኳን በቅጡ መለየት ያልቻለ ሰው እንደነበር አስተውለናል።

▣ ሌላው አስገራሚው ነገር "ሼይኽ ነበርኩ፣ ልጆችን ቁርአን በማስቀራቴ የማገኘው የገንዘብ ጥቅም ክርስቲያን በመሆኔ አጥቸው ተቸግሬያለሁ" ይለናል። ሰው በዚህ ደረጃ ኮሜዲ ይሆናል?ይህንን የሚለው እጅግ ዘመናዊ ታብ በእጁ ይዞ ነው። ሌላው ቢቀር እራሱ እንተደተናገረው ለተወሰኑ አመታት ውጭ ሀገር ልከው ያስተማሩትን ከበርቴ ወንጌላውያን እጅ መንከስም ጭምር ነው። ይህችን ኮፍያና አማይማ ለብሰህ ለምን እንደምትመጣ ሁሉም ሰው ያቀዋል። ጥሩ ሽቀላ ስለሚገኝባት ነው። ይህንን ለማለባበስ የቁርአን አቅሪ ደሞዝን ማጋነን አስገራሚም አስተዛዛቢም ነው። ቁርአን አቅሪዎች የሚከፈላቸው ክፍያ እንኳን ሊጋነን ለቤተሰብ እንኳን በመከራ እንደሚብቃቃ ሁሉም ያውቀዋል፣ ያውም ገጠር የሚገኙት ደግሞ ከዚህም የከፋ ነው።

◾️ በጥቅሉ አብዶ ጃሮ ያነሳቸው ነጥቦች ፕሮግራም ተይዞ በቁምነገር ምላሽ ሊሰጥባቸው የሚገቡ ሁነው አላገኘኃቸውም። አብዛኛው ሰው እያራገበው ከመሆኑ አንጻር ግን እንደ አስፈላጊነቱ በአሏህ ፍቃድ በቪዲዮ መልስ እንሰጥበታለን።

© የሕያ ኢብኑ ኑህ

በነገራችን ላይ

1) ዲያቆን ዳንኤል ከ .... በፊት የፃፈው " ከኣክራሪ እስልምና ወደ ክርስትና " ላይ የተገለፀችው ናህድ ሙተዋሊ ክርስትናን ለቃ ወደ እስልምና በቅርብ ግዜ ተመልሳለች።ከዘካሪያ ቡትሮስ ጋር ፕሮግራም አቅራቢ ነበረች።

2) ሰውየው እያንዳንዱ የግል ህይወቱን እንዴት አድርጎ ከክረስትናው ጋር ማያያዝ እንዳለበት እና አድማጭን መያዝ እንደሚቻል በደንብ ገብቶታል። ሰለዚህ ይሸቅልበት 😊

ጉድ ተሰምቶ መስከረም ጠብቶ
.....

ሚዲያው ላይ ከተቃራኒ ጾታ ጋር የወደቁ የክርስቲያን ዐቃቤያንን ስታይ ኢስላም ዝሙትን እንዳትቀርቡ ብሎ ከመንደርደሪያው ጀምሮ የዘጋው በር ምንኛ ሰላማዊ እንደኾነ ትረዳለኽ።

በኢየሱስ ስም ወንድምና እህት ነን ያሉ ስጋ አሸናፊ መኾኑን ዘንግተው እንዳልኾነ ዕሙን ነው። ግን ደግሞ አጋጣሚዎችን ለፍቃደ- ስጋና ለጉልሙትና መጠቀሙ የተሻለና ወረቃማ ዕድልም  ስለኾነላቸው ነው።

ለዛ ሰፈር ዐቃቤያን "በኢየሱስ ደም" ኹሉም ዕዳ ከተከፈለ፣ደጋግሞ ዝሙት -ወ-ምርዐት( ምርዐት= የድብቅ ድሪያና ንክኪ) ውስጥ መገኘት  በ"ንስሐ" የሚሰረይ ከንቱ ነገር ነው።

ከካቶሊክ እስከ ጴንጤ እስከ አስጠማቂ የነፍስ አባት ኦርቶዎች በስጋው ረክሶ ተቋሙን ያላሰደበ አንድስ እንኳ የለም።

ዛሬ ላይ ደግሞ ሚዲያ ላይ የምናውቃቸው ትናንሽ አጋንንቶች በፍትወተ ስጋ -ወ-ነፍስ ጎጆአቸው ሲፈርስ አጓጉል የደመቁ ስሞቻቸው እንዳልኾነ ሲደበዝዙና ሲጠፉ እየታዘብን ነው።

ወዳጄ ልብ ይበሉ! በኢስላም ላይ ጦሩን የሰበቀ ኹሉ ይዘገያል እንጂ በገዛ ጦሩ መወጋቱ አይቀርም።

እኛ ባልጠበቅነው መንገድ ኢስላምን ለምን ያሉ ኹሉ መጨረሻቸዉ መቀመቅ ነው።

إنا لننصر رسلنا والذين آمنوا في الحيات الدنيا ويوم يقوم الآشهاد

አላህ እርዳታውን እንዴትና በነማን በኩል እንደሚያደርገው አናቅም። ከኾነ በኋላ ግን እንዳስሰዋለን።

وما يعلم جنود ربك إلا هو

© ኢልያህ ማህሙድ

የቁርኣን አሰባሰብና ጥበቃ /Qur'an preservation and compilation/ በተደጋጋሚ ከሌላ እምነት ተከታዮች ጥያቄ የሚነሳበት ሲሆን ይህጠቃሚ ትምህርቶችን ያካተተ አዲስ ኮርስ በኡስታዝ ኢልያህ ማሕሙድ አማካኝነት ይሰጣል።

በአጀንዳው ዙሪያ ጥልቅ እውቀቶችን መቅሰም የምትፈልጉ ኮርሱን በመመዝገብ መውሰድ ትችላላችሁ።

ለመመዝገብ በቴሌግራም
www.tgoop.com/ZHARA_MUSTEFA

ታዋቂው የአሜሪካን ጋዜጣ New York Times ከዛሬ 135 በፊት በ 1889  ማለትም እስራኤል የምትባል ሀገር ከመፈጠሯ በፊት አሜሪካ ውስጥ የሚገኙ ፅንፈኛ አይሁዶች ፍልስጤምን ለመውረር እና ያቀደቡት ዜና።

Conference of Zionists
Elect Delegates at their meeting in baltimore
Will colonize Palestine.

https://archive.org/details/NYTimes-Jun-Jul-1899/page/n401/mode/2up

ዛሬ በምንም ጉዳይ ላይ ላወጋ አይደለም፤ ግን አንድ ወንድም ድንገት ችግር አገኘችውና ምናልባት እዚሁ ላላችኹ ጥቂት ሰዎች ጉዳዩን ባካፍላቹኹና የምንዳው ተቋዳሽ ብንኾን ብዬ አሰብኹ፡፡

ግልሰቡ የአላህ ፍላጎት ኾነና እናቱንና ኹለት ሴት ልጆቹን በተከታታይ በሞት አጣ፡፡ ቀጠለና ከገጠር የነበረው የአባቱ መሬት በቅርብ ዘመዱ ተነጠቀ፡፡ ለጠቀና እሱም በተለያዩ የጤና እንከኖች ተጎዳ፡፡ አኹን ላይ ደግሞ ችግሩን ለራሱ ብቻ ደብቆ ከሕይወት ጋር ግብግብ ላይ ነው፡፡ መንገድ ላይ ብቻውን እያወራ በምሽት አገኘኹት፡፡  ከዚያ በኋላ ያለውን አላውራው...

ኹላችንም የዚህ ምስኪን ልጅ ሕይወት ይመለከተናል ብዬ አስባለኹ፡፡ ቢቻልና ምስሉን በሚዲያ ለቀን ዕርዳታ ብናሰባስብለት በወደድኹ፤ ግን እሱ እምቢኝ አለ፡፡ በዚህ ልክ እንኳ ተጨኜው እንጂ ፈቃደኛ አልነበረም፡፡ ለማንኛውም የምንችለውን ብናደርግና አንድን ሰው ወደ ሕይወት ብንመልስ ከአላህ ዘንድ እናገኘዋለን፡፡

وَمَا تُقَدِّمُوا لأنْفُسِكُمْ مِنْ خَيْرٍ تَجِدُوهُ عِنْدَ اللَّهِ هُوَ خَيْرًا وَأَعْظَمَ أَجْرًا

የንግድ ባንክ ኣካውንት
1000370662553
ዓብዲ ሰዒድ

© Eliyah Mahmud

ከሰሞኑ የታተሙት አራቱ ፓምፍሌቶች በተለያዩ የሀገሪቱ ክፍሎች ተበትነዋል። በተለይም በሀድያ አካባቢ የነበረው እንቅስቃሴ የቅርብ ጊዜ ጥሩ ስኬት ነበር፣ አልሐምዱሊላህ። ቀሪ ፓምፍሌቶችም በሌሎች የሀገሪቱ ክፍሎች ተልከው ሙስሊም ላልሆኑ ወገኖች እየተሰራጩ ይገኛሉ። ዛሬ ደግሞ ፓምፍሌቱ ያልደረሳችሁና ማንበብ ለምትፈልጉ፣ ፕሪንት አድርጋችሁ ለአካባቢያችሁ ሰዎች ማዳረስ ለምትፈልጉ ፋይሉን ድረ ገጻችን ላይ ጭነንላችኃል። ገብተው ዳውንሎድ በማድረግ መጠቀም ይችላሉ።

https://hidayacomparative.org/?p=1148

© ሒዳያ ኢስላማዊ ማዕከል

የሒዳያ ኢስላማዊ ማዕከል አባል እና የዳዕዋው አካል ለመሆን፦

https://bit.ly/4aGr93u

በቴሌግራም በኩል ሊያገኙን ከፈለጉ፦
@Hidayaislamiccenter

1000499318212
Hidaya Islamic Center
አጭር የንግድ ባንክ ቁጥር - 8212

ብዙ ግዜ ክረስቲያኖች ይህን አንቀፅ በመጥቀስ ቁርኣን ዒሳ አልተሰቀለም አልሞተም አይልም ብለው ይሞግታሉ።

ቁርዓን 4:157

وَقَوْلِهِمْ إِنَّا قَتَلْنَا ٱلْمَسِيحَ عِيسَى ٱبْنَ مَرْيَمَ رَسُولَ ٱللَّهِ وَمَا قَتَلُوهُ وَمَا صَلَبُوهُ وَلَٰكِن شُبِّهَ لَهُمْۚ وَإِنَّ ٱلَّذِينَ ٱخْتَلَفُوا۟ فِيهِ لَفِى شَكٍّ مِّنْهُۚ مَا لَهُم بِهِۦ مِنْ عِلْمٍ إِلَّا ٱتِّبَاعَ ٱلظَّنِّۚ وَمَا قَتَلُوهُ يَقِينًۢا


«እኛ የአላህን መልክተኛ የመርየምን ልጅ አልመሲሕ ዒሳን ገደልን» በማለታቸውም (ረገምናቸው)፡፡ አልገደሉትም አልሰቀሉትምም፡፡ ግን ለእነሱ (የተገደለው ሰው በዒሳ) ተመሰለ፡፡ እነዚያም በእርሱ ነገር የተለያዩት ከእርሱ (መገደል) በመጠራጠር ውስጥ ናቸው፡፡ ጥርጣሬን ከመከተል በስተቀር በእርሱ ነገር ምንም ዕውቀት የላቸውም፡፡ በእርግጥም አልገደሉትም፡፡


እነሱ እንደሚሉት ይህ አንቀፅ ዒሳ ተሰቅሏል ወይንም ሞቷል የሚል መልእክት ካለው።  ሶስታችንም( አይሁድ/ክርስቲያን/ሙስሊም)  በመሰቀሉና በመሞቱ ተስማማን ማለት ነው።

ታዲያ ክርስትያን ፣አይሁድ እንዲሁም ሙስሊሞች በዒሳ መሰቀል እና  መሞት ከተስማማን አንቀፁ ላይ በመጠራጠር ውስጥ ያሉትና ጥርጣሬን ከመከተል እውቀት የላቸውም ተብለው የተወቀሱት እነማን ናቸው?

በቅርቡ አንድ ክርስቲያን የቲክቶክ "ሰባኪ" በእጮኛው ላይ መማገጡን ተከትሎ ማኅበራዊ ሚዲያው ላይ ሰፊ መነጋገሪያ መሆን ችሎ ነበር። ግለሰቡ "አቃቢ እምነት ነኝ" ይል ስለነበርና በጻድቅ መታበይ ሁሉኑም በምላሱ ይጎነትል ስለነበር ጉዳዩ ቢገንበት አይገርምም። እዚህ ጋር ስለልጁ ድካም ማውራት ባልፈልግም በዚያች ወቅት የሰራት "ብልሀት" ግን የቲክቶክ ዘመዶቹን ባህሪ የገለጠ ስለነበርና እንደ ሙስሊምም ስለሚጠቅመን ትንሽ ነገር ልበላችሁ፦

ይህ ተግባሩ በእጮኛው አማካኝነት በተወራበት ቀን አካባቢ ከአንድ ሙስሊም ጋር ክርክር አለኝ ብሎ አወጀ። በወቅቱ ከጀርባው በፋይናንስ የሚደግፉት (የራሱ ቸርች እንደመሰከረችው) እንዲሁም አብረውም የሚሰሩት ሁሉ የተደናገጡበት ጊዜ ስለነበር "አታስቡ፣ እንደምታዩት ወንጌልን እየሰራሁ ነው" የሚል ማደናገሪያ ለመልቀቅ የተጠቀመባት ስልት ነበረች። ውይይቱን ሲያደርግም በየዋህነት የተወሰኑት ከጎኑ ሆኑለት፤ ግን የፈጸመው ጥፋት በቀላል ሽወዳ የሚስተባበል አልነበረምና እንዳሰበው ሊዳፈንለት ባለመቻሉ እቅዱ ከሸፈ። በስተመጨረሻም ተግባሩን መፈጸሙን አምኖና ይቅርታ ጠይቆ ከማኅበራዊ ሚዲያው ገለል አለ።

ይህ ልጅ ከቲክቶክ በፊት በተለይ በፌስቡክ ከእኔም ከሌሎችም ወንድሞች ጋር በተደጋጋሚ ውይይት ያደረገና ከመነሻው ጀምሮ የምንተዋወቅ ሁነን ሳለ በተደጋጋሚ ቲክቶክ ላይ እንደ እንግዳ "Debate Challenge" እያለ ሲለፍፍና ሰዎች ሲልኩልኝ ሳይ ይገርመኝ ነበር። በሌላ ሰፈር እንደ አንበሳ ለመምሰል ከመሞከር የዘለለ ምን እንደሚፈይድለት አይገባኝም ነበር። ካልኩሌሽኑ የገባኝ ቲክቶክን ከተቀላቀልኩ በኃላ ነበር። ቲክቶክ በጀመርኩበት ሰአት ይህንን ሲል ሰምቸው ስለነበር አንድ ቀን ላይቭ ሲመጣልኝ ጆይን ላደርግ ላይቩ ውስጥ ብገባ አብረውት ካሉ ሰዎች ጋር የሚያወራው እጅግ የሚቀፍ ስድብ ክርፋቱ አራቀኝ። ጭራሽ ኸዲጃና አዒሻ ሲምታቱበት ስመለከት ከእውቀትም ከምግባርም የተጣላ በመሆኑ በማልቆጣጠረው መድረክ ረሱልን "ﷺ" ማሰደብ ተገቢ ባለመሆኑ ተውኩት።

ታዲያ አሁን ላይ እነዚህ ሰዎች ውይይት ከፈለጉ ላይቭ የሚገባው ሰው በሚገባበት ወቅት ጠብቀው አልያም በግል አናግረው ለምን በስርአቱ አይወያዩም?የሚል ጤነኛ ጥያቄ ካለዎት መልሱ የሚከተለው ነው።

ሰዎቹ የሚፈልጉት ውይይት አይደለም፣ የሚፈልጉት ትኩረት ነው። ይህ ትኩረት ደግሞ እንደገጠማቸው ሁኔታ ይለያያል። አንዳንዱ በግሉ ለሰራው ቅሌት አንድ ሙስሊምን ጠርቶ ውይይት በማድረግ ለርሱ ጥፋት ያንን ሰው የመስዋዕት በግ በማድረግ ጥፋቱን ሊያዳፍን ይፈልጋል። አንዳንዱ ደግሞ ለገጠመው የተመልካች እጥረት መፍትሄ ከሆነልኝ በሚል ሊጠቀምብህ ይፈልጋል። በዚህ ሁሉ ሒደት ውስጥ መልካም ውይይት ፈልገው የሚመስለው ሙስሊም ካለ የዋህ ነው። የነሱ አላማ ፈጽሞ ከዚህ የሚዘል አይደለም።

▣ ሙስሊም ወንድምና እህቶች በማኅበራዊ ሚዲያው ላይ ውይይት ስትፈልጉ ማጯጯህ አይጠበቅባችሁም። ስርአት ያለው ውይይት ከሆነ ጆይን አድርጋችሁ፣ ካልሆነ ደግሞ በራሳችሁ ሜዳ ላይቭ ስትገቡ ገስት ተቀብላችሁ መወያየት ትችላላችሁ። እናንተ የምትወያዩት በተግባራችሁ ሰበብ አሏህ ሰዎችን ከመራላችሁ በመጨነቅ እንጅ ጉልበታችሁን በማሳየት ሙገሳን ሽታችሁ አይደለም። በዚህ መሀል የሚሰጧችሁ "ሸሸ፣ ፈራ ወዘተ" የሚሉ ግላዊ ውረፋዎችን ሁሉ ፕሩፍ ለማድረግ አትጋጋጡ፣ እንደዛ አለመሆኑ ለማሳየትም የነፍስያችሁን ንዴት ለማብሸቅ ወጥመዳቸው ውስጥ አትውደቁ።

ሙስሊም የመርኅ ሰው ነው። መርኅ/Principle/ ደግሞ በሰዎች ጉትጎታ ውስጥ የሚናወጥ መሆን የለበትም። የመርኅ ሰው ለቆመበት አላማ ግልጽና የማያወላዳ ነው። የፈለግነውን ትምህርትም ሆነ ውይይት በራሳችን መንገድ ማድረግ አስፈላጊ ነው። የማንም ትኩረት ፈላጊ መጠቀሚያ መሆን ግን ልክ አይደለም።

አንዳንዶች ዘመን መለወጫ እንዴት አታከብሩም ? ሃይማኖታዊ እኮ አይደለም እያሉን መልሰው ዛሬ ግን ቀኑን በፆም ነው ያሳለፉት 😁

ከሒዳያ ኢስላማዊ ማዕከል የቀረበ የትምህርት እድል

ሒዳያ ኢስላማዊ ማዕከል በተለያዩ አካባቢዎች ከሚሰጣቸው የንጽጽራዊ ሀይማኖት ስልጠናዎች በተጨማሪ፣ በአዲስ አበባ እና በሸገር ሲቲ ለሚገኙ የተለያዩ መርከዞችና ኢስላማዊ የትምህርት ተቋማትን አወዳድሮ ከፊል የትምህርት እድል ለመስጠት ዝግጅቱን አጠናቋል። 

የንጽጽር ትምህርት ስልጠናው ከትምህርታቸው ጎን ለጎን ለአንድ አመት ጊዜ የሚሰጥ ሲሆን ማዕከሉ ባዘጋጀው ስርአተ ትምህርት/Curriculum/ መሠረት በዘርፉ ልምድ ባላቸው ኡስታዞች አማካኝነት ይሰጣል።

በዚህ የትምህርት እድል ለመስጠት የታቀደው የመርከዞችና የትምህርት ተቋማት ብዛት 6 ሲሆን በዚህ ዘርፍ ተማሪዎቻቸውን ማብቃት ለሚፈልጉ ተቋማት ባስቀመጥነው መስፈርት መሠረት አወዳድረን እድሉን እንሰጣለን።

በዚህም መሠረት በተቋማችሁ ውስጥ የኃላፊነት ወይንም የውሳኔ ሰጭነት ሚና ያላችሁ ወንድምና እህቶች ብቻ ከዚህ በታች የተቀመጠውን ፎርም በመሙላት መመዝገብ የምትችሉ መሆኑን እናሳውቃለን፦

https://bit.ly/4dvInRv

© ሒዳያ ኢስላማዊ ማዕከል

We'll never surrender, we'll win or die you've to fight the next generation and the next ..... and I'll live more than my hanger. Omar mukhtar.

በሀድያ ዞን ሆሳዕናን ጨምሮ በርካታ የሚሽነሪ ት/ቤቶች አሉ። በዞኑ ያለው የሙስሊም ት/ቤት ግን አንድ ብቻ ነው። እሱም በሻሾጎወረዳ ቦኖሻ ከተማ የሚገኘው ኑር ት/ቤት ነው። በዚህ ት/ቤት በሚሽነሪ ት/ቤቶች ሊማሩ የነበሩ በርካታ ሙስሊም ልጆች ይማሩበታል።

ይህ ት/ቤት ግን በርካታ ወጭዎች ገጥመውት እየተንገዳገደ ይገኛል። ሁሉኑም ወጭዎች መሸፈን እንኳን ቢከብድ አሁን ላይ አንገብጋቢ ማነቆ የሆነባቸውን የመምህራን ደሞዝ ተባብረን እንድንሸፍንላቸው ለመማጸን ወደ እናንተ መጣሁ። የአንድ አመት የመምህራን ደሞዝ 600ሺ ብር ነው። ይህ በእርግጥ በአንድ ሰው ሊሸፈን ይገባው የነበረ ቢሆንም በአቅማችን ልክ ሁላችንም አኽለል ኸይር በመሆን እንድንሸፍነው እጠይቃችኃለው።

ከዚህ በታች የተቋሙን አካውንት አስቀምጣለሁ፣ ከ100 ብር ጀምሮ የአቅማችሁን በመነያት የኸይር ስራው ተጋሪ ይሁኑ።

CBE: 1000655472006

ቦኖሻ ከተማ አስተዳደር እ/ጉ የግንባታ ማንቀሳቀሻ አካውንት

ዛሬ ኢንሻአላህ ለ2 ሰኣት ገደማ የሚቆይ ፕሮግራም በቲክቶክ ይኖረናል። በአጀንዳው ዙሪያ ምላሽ ወይንም ማብራሪያ መስጠት የምትፈልጉ ክርስቲያኖች በፕሮግራሙ ላይ ትገኙ ዘንድ ተጋብዛችኃል።

መሳሳት የማይደክማቸው ሰዎች!


ቁርዓን 3:44

ይኸ ወደ አንተ የምናወርደው የኾነ ከሩቅ ወሬዎች ነው፡፡ መርየምንም ማን እንደሚያሳድግ ብርኦቻቸውን (ለዕጣ) በጣሉ ጊዜ እነሱ ዘንድ አልነበርክም፡፡ በሚከራከሩም ጊዜ እነሱ ዘንድ አልነበርክም፡፡


ذَٰلِكَ مِنْ أَنۢبَآءِ ٱلْغَيْبِ نُوحِيهِ إِلَيْكَۚ وَمَا كُنتَ لَدَيْهِمْ إِذْ يُلْقُونَ أَقْلَٰمَهُمْ أَيُّهُمْ يَكْفُلُ مَرْيَمَ وَمَا كُنتَ لَدَيْهِمْ إِذْ يَخْتَصِمُونَ

የኢየሱስ እናት መርየም (ዐ.ሰ) በቁርኣን ውስጥ በስሟ የተሰየመ ምእራፍ መኖሩን አስመልክቶ "ይሄ ምን ያስገርማል ታዲያ? ቁርኣን እኮ ብዙ አስገራሚ እና አስቂኝ የምእራፍ ስሞች የያዘ መፅሀፍ ነው" በማለት አንዳንድ ክርስቲያኖች ሲሳለቁ ከርመዋል።

ከዚህ በፊት የኢየሱስ (ዐ.ሰ) ስም   ከነብዩ ሙሐመድ (ዐ.ሰ.ወ) ስም ይበልጥ በቁርኣናችሁ ተጠቅሷል፣ ነብያችሁ ግን በስም ከ 4 ግዜ በላይ አልተጠቀሰም እያሉ ሲያደርቁን የነበሩ ሰዎች ዛሬ ተገልብጠው የማርያምን ስም መጠቀስ ለማንቋሸሽ የሄዱበት ርቀት ይገርማል።

የኢየሱስ እናት ስሟ መጠቀሱ እንዲሁ ትርጉም አልባ ገለጻም አልነበረም። ከዚህ ጋ ተያይዞ ለየት የሚያደርገውን ሁለት ምክንያቶችን ልጥቀስ።

① በአረቦች  እና በእስራኤላያውያን  መካከል ያለው አለመግባባት ዘመናትን የዘለቀ እንደሆነ ሁላችንም እናውቃለን። ነብዩ (አሰወ) በነበሩበት ዘመን ጥላቻውም በግልፅ ይንፀባረቅ ነበር። ታዲያ በዚሁ ነባራዊ ሁኔታ ውስጥ ነብዩ (ዐ.ሰ.ወ) በዚያ ዘመን ከምዕተ አመታት በፊት የነበረችውንና አይሁዳዊቷን ማርያምን እንዴት ሊያሞግሷት ቻሉ?


② ነብዩ (ዐ.ሰ.ወ) በአጠገባቸው ሚስቶቻቸው ወይንም ሴት ልጆቻቸው እያሉ እንዴት ቢያንስ አንድ ምእራፍ እንኳን በነሱ ስም አልሰየሙም? ከዚያም በተጨማሪ በቁርኣኑ ውስጥ ስማቸውን እንኳን ገልጸው ለማሞገስ እንዴት አልሞከሩም?

ዋናው ነጥብ በምእራፍ ስም መሰየሙ አለመሰየሙ አይደለም፣ መሠረታዊ መልዕክቱ ቁርኣን የሰጣት ክብር ነው። ይህ ደግሞ ከመለኮታዊ መልዕክት የወጣና የግል ዝንባሌ የተጨመረበት ቢሆን ፈጽሞ ሊደረግ የሚችል አልነበረም።

https://www.tgoop.com/Abuyusra3