#قصائد__عيد_الغدير_الاغر

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

كل شيعي هالليله افتخر
صار الوصي شيخ البشر
مولانه مولانه🌿🌿🌿🌿🌿

ــــــــــــــــــــــــــــــــــــــــــــــــــــــــ



هاليوم هالــــــيوم تنصيب الولي
للــــــدوم للــــدوم والينه علــــي
*
بحـــج الوداع ينـادي هاليوم هاليوم تنصيب الولي
أبحر الهجير الهـادي هاليوم هاليوم تنصيب الولي
خسران مــن يعادي هاليوم هاليوم تنصيب الولي
وربحان مـــن ينادي هاليوم هاليوم تنصيب الولي
للناس أمره أصبح جلي
**
نعلنهه هـــــــاي البيعه هاليوم هاليوم تنصيب الوالي
للموت شخصه انطيعه هاليوم هاليوم تنصيب الولي
حبه أبـــــــــــد منبيعه هاليوم قاليوم تنصيب الولي
بحبه أنتسمه الشيعـه هاليوم هاليوم تنصيب الولي
عالعالم أفخر بالولي
***
الباري ربنـه أختاره هاليوم هاليوم تنصيب الوالي
للدين تزهي أنــواره هاليوم هاليوم تنصيب الوالي
هــــــــز الكفر بتاره هاليوم هاليوم تنصيب الوالي
للوالي نبقه أنصاره هاليوم هاليوم تنصيب الوالي
غذوني بمحبته هلي
**
بارينـــه نصب حيدر هاليوم هاليوم تنصيب الوالي
والهادي كــال وحذر هاليوم هاليوم تنصيب الوالي
العاداك حيدر يخسر هاليوم هاليوم تنصيب الوالي
الوالاك باجر يفخــر هاليوم هاليوم تنصيب الوالي
من ينظر لوجهك علي
*
أنواره عالامه تشـــــع هاليوم هاليوم تنصيب الوالي
أختاره ربنه من الجمع هاليوم هاليوم تنصيب الوالي
نعلگ لهل فرحه شمـع هاليوم هاليوم تنصيب الوالي
خل النواصب تستمـــع هاليوم هاليوم تنصيب الوالي
حيدر شمس ما تنجلي
*****
الشاعر موسى البديري
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__عيد_الغدير_الاغر

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

كل شيعي هالليله افتخر
صار الوصي شيخ البشر
مولانه مولانه🌿🌿🌿🌿🌿

ــــــــــــــــــــــــــــــــــــــــــــــــــــــــ


عيدك .. عيدك فرح أفرح يشيعي بعيدك

بايع .. بايع علي وللمرتضى مد ايدك
واليـنه ..  واليـنه علـي
÷×÷×÷×÷×÷

بس علينه .. بايعينه
واحنه بالذر ياعلي بسمك هتفته

عالولايه .. للنهايه
ما نعوفك ياعلي وداعت شرفنه

يالغديرك احلى عيد يمـر علينه
بايعـــيناك برگــبنه مــــو بديـنه
كلشي بعنه ياعلي وحبك شرينه
انت اكــبر مـن خـلافـه ياعلـينه

انت .. انت علي وهـذا الفخر كافي
كلها .. كلها ترب وانت ذهب صافي

والـينه .. والـينه علي

×÷××÷×÷×

شنهي خـيبر .. انت أكبر
انت بس الله ومحمد يعرفونك

معجزاتك .. منجزاتك
حيرت اهل الوصف شيوصفونك

حبك الباري وجعل ذكرك عباده
طر جدار الكعبه الك يوم  الولاده
ياعـلي يالشـرفت تـاج السـياده
الولايه لحضرتك ثالث شهاده

اشهد .. اشهد يشيعي وللوصي بايع
والله .. والله ترى انت بلا علي ضايع
والـينه .. والـينه علي

×÷÷××÷÷×÷×

لو دقيقه .. بالحقيقه
ياعلي يرد الزمن بينه لغديرك

كلنه نحضر .. نترس البر
ياحبيب الله ونبيه شعدنه غيرك

ياعلي نشوف النـبي ونسمع كلامه 
يلبـسك يابـو الحـسن تـاج ألأمامه
بالوصي يتمسك الراد السلامه
ربي اجمعـنه بعلي يـوم القيامه 

باچر .. باچراذا كلـمن مشــه لگـــبره
محد .. محد ألـه بـس حـيدر يحضره
والـينه .. والـينه علي
×÷××÷×÷×

ياضخرنه .. كل عمرنه
سيدي ماصافحينه الي يضدك

شلنه بيها .. وبحچيها
ياعلي لوادم اذا رابع تعدك

خـل يموتـون بزعلـهم شلـنه بيهم
انت بمداسـك چنت ما تشــتريهم
ياعلي دومــك عشـت عالي عليهم
ما رضوك واحنه هم ما نرتضـيهم 

تبـقى .. تبقى علي المرتضى حيدر
عدنه .. عدنه جـواز ولايـتك معبر
والـينه .. والـينه علي
×÷××÷×÷×
علـي عگـاب العـمري

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_تتويج الامام الحجه_(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .      باقـت اورود وشـمع جبناله
ومحـفل ابتتويجه سويناله🌹🌹
ــــــــــــــــــــــــــــــــــــــــــــــــــــــــ

قصيده لتتويج الامام الحجه عج…


اليوم افراح وأماني …… للولي انقدم تهاني
ابيوم تتويجه فرحنه
ازهـر ونـور صبـــحنه
للولي انقدم تهاني
"""""""""""'

اليوم عيــد وفرحه مرت بيــنه
اليوم يوسف فاطمه امتوجينه
انبـارك الحــــيدر علي وهادينه
وكلنه نفرح وي فرح مهــــدينه

انشارك الفرحه سويه …… وي علي اوي الزچيه
نفرح وننسه جرحنه
ازهر ونـور صبــحنه
للولي انقدم تهاني
"""""""""""""

باقـت اورود وشـمع جبناله
ومحـفل ابتتويجه سويناله
غالــي وبيات الشعر تحلاله
ابكل مقام وكل وزن نقراله

اليوم نشفنه المدامع …… وزينه علگنه الجوامع
يحله للمهدي شعرنه
ازهـر ونــور صبحنه
للولي انقدم تهاني
""""""""''''''''"

المهدي محبوبي وصرت مجنونه
دايــخ ابحسنه وجمـــال اعيـونه
بأســـمه اذوبن لمن ايذكــــــرونه
الشيعه دكتــــــور الهوه ايسمونه

بالگلب ثابت مكانه …… هوه حبنه ومبتغانه
نفخر بهذا عشگنه
ازهر ونور صبحنه
للولي انقدم تهاني
""""""""""""""

بينه عايش ما نحس بغيابه
وبوجه خطـاره ما سـد بابه
المهدي مايتخله عن احبابه
اسمه بلسم للشديد اصوابه

ابكل وكت مهدينه حاظر …… لچن متشوقه النواظر
بالگلب شفناه احنه
ازهر ونور صبـحنه
للولي انقدم تهاني
"""""""""""""""

نضحــــك انريد ونعلگ زيــنه
انريد ننسه اجروحنه التاذينه
كافي مـــن ثوب الحزن ملينه
هل فرح صــار اشكثر ناسينه

اليوم حاطتنه السعاده …… وكل محب بدل سواده
حب ابوصالح جمعنه
ازهر ونور صبــــحنه
للولي انقدم تهاني
""""""'''''''"''

        الخادم
    كامل السعيدي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://www.tgoop.com/+EYMpn6BKE-IxYmZi

#قصائد_فرحة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

‏وهـــــــذا يـــــــــــوسُفكِ قـــــــــــد تـــــــــــــوِّج ،أيـــــا زهـــــــــراءُ تبسمّي
🕊🔖🕊🔖🕊🔖🕊🔖🕊
ــــــــــــــــــــــــــــــــــــــــــــــــــــــــ


ميلاد الحجه
.
.
.

امبارك امبارك .. ياسيدي امبارك
كل عام وانته ابألف خير
يامهدي
___

گــالــولي لاتفــرح تــره هالفــرحه متفـيدك
مــارايــديــني احــتفل ياســـيدي ابعيـــدك
وجــهك العـيد وگلـبي المـفارگ تره ايريدك
وعيديتي يالمهدي الصدگ لمن ابوس ايدك

لمن تجي اخبارك .. ياسيدي امبارك
كل عام وانته ابألف خير
يامهدي

___

كـل مـا اهنيـك انـه احـس بالتهنـئه امقصر
والســاني يالمهــدي تــره محـــتار شيـــعبر
عــودي اذا باچــر يبــس لمن تجـي ايخضر
ودلالــي بســمك ســيدي لــو شافـك ايكبر

شغلتني اسرارك .. ياسيدي امبارك
كل عام وانته ابألف خير
يامهدي

___

وجــهــك الخــير وغــيــره ياســيدي ماعنــدي
اقـرب شخـص انتـه الــي وتعرف شنو العندي
امعيشـتني نظراتك ملك وبهاي احس وحدي
اشتــملك يگــلولي البــشر گـــلتلــهم المـهدي

اتـونس ابـنارك .. ياسيدي امبارك
كل عام وانته ابألف خير
يامهدي

___

اشـما تكـثر اهمـومي وتـزيد ابفگدك الامي
ماشــوف غيـرك سـيدي يالمــهدي گــدامي
روينــي فـدوه ابشوفتك گلـبي الك ضامي
ايــامي من غيــرك عدم وشتــنــفع ايـامي

غامـرني بنــوارك .. ياسيدي امبارك
كل عام وانته ابألف خير
يامهدي

___

يمــته تــردلي ســيــدي وبحــظرتـك اركــع
مشــتاگه اذنـي النبـرتك يالمنـتظـر تـســمع
عندي قناعه ابكلشي بـس ابجــيتك اطــمع
ايدك على راسي يـغالي ابيــا وكـت تطــبع

واتحسس اثارك .. ياسيدي امبارك
كل عام وانته ابألف خير
يامهدي

___

ويــاك عــيد الله صـدگ يتــســمه عـيد الله
اعلــيــك الــذي ماصــله لامــاينحسب صله
الشايف ضـوه وجهـك عـجــيبه عنه يتخله
ابســمة شفاهــك ســيدي جـبــريل يتــسله

وبشراقة انظارك .. ياسيدي امبارك
كل عام وانته ابألف خير
يامهدي
___
حيدر تركي الكربلائي

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://www.tgoop.com/joinchat-Dw92Dj9pmspR5uHfACGjlA
▪️كروب الالحان رقم 2
https://www.tgoop.com/joinchat-Dw92DkJZ4tvb4YIzJWBWrg

#مواليد_فرحة_الزهراء_9_ربيع_الاول

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

👑تتــــويــج المهـــ ؏ـج ـدي👑




فرحة الزهراء
ـــــــــــــــــــــــــــــــــ
یاسامع الأصوات هلیله عیدک
عیدالزهره اللیله..یاشیعه فرحوا
أبعینک الکحله و الحنه بیدک
عیدالزهره اللیله..یاشیعه فرحوا
خت هوّس الشبان
و أتهـلهل النسوان
أبعینک الکحله والحنه بیدک
عیدالزهره اللیله..یاشیعه فرحوا
ـــــــــــــــــــــــــــــــ
خل گلبک الفرحان یطرب نشیده
عیدالزهره اللیله..یاشیعه فرحوا
نلعن أساس الضیم هوّه و عبیده
عیدالزهره اللیله..یاشیعه فرحوا
خل یعله صوت الناس
یا شیـعه رفعوا الراس

أبعینک الکحله والحنه بیدک
عیدالزهره اللیله..یاشیعه فرحوا
ــــــــــــــــــــــــــــــــــــــــ
یا فرحة الزهراء أبهاي المسیه
عیدالزهره اللیله..یاشیعه فرحوا
هلیله لیلة عید نفرح سویه
عیدالزهره اللیله..یاشیعه فرحوا
ما نـنتمي للـغیر
حیدرنه هوّه الخیر

أبعینک الکحله والحنه بیدک
عیدالزهره اللیله..یاشیعه فرحوا
ــــــــــــــــــــــــــــــــــــــــ
أعلن ولائک گوم و أترک حچیهم
عیدالزهره اللیله..یاشیعه فرحوا
بس حیدر المریود غصـبن علیهم
عیدالزهره اللیله..یاشیعه فرحوا
و الینکر المضمون
ملعون ابـن ملعون

أبعینک الکحله والحنه بیدک
عیدالزهره اللیله..یاشیعه فرحوا
ــــــــــــــــــــــــــــــــــــــــــــ
بالیزله و الهوسات یا شیعه یالله
عیدالزهره اللیله..یاشیعه فرحوا
أنسویها فزعة ثار گولوا ماشاالله
عیدالزهره اللیله..یاشیعه فرحوا
خـِ أنطش دربنه أورود
هـذه الفـرح مـریـود

أبعینک الکحله والحنه بیدک
عیدالزهره اللیله..یاشیعه فرحوا
ـــــــــــــــــــــــــــــــــــــ موالی العتره الشاعر عبدالامیرالناصري
@abdolamiralnaseri

💞مؤسسة منبريون للالحان رقم 1
@ahmed_alziwar1

💞مؤسسة منبريون لنشر القصائد 2
@ahmed_alziwar2

💞مؤسسة منبريون للمقامات3
@ahmed_alziwar3

💞مؤسسة منبريون للنعي4
@ahmed_alziwar5

💞اكبر كروب لتلحين القصائد

https://www.tgoop.com/joinchat-AAAAAD9pmsoMub22NRYqtA

#قصائد_المولد_النبوي_الشريف

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

‏
🕊🔖🕊🔖🕊🔖🕊🔖🕊
ــــــــــــــــــــــــــــــــــــــــــــــــــــــــ


لولادة النبي الاكرم محمد صلى الله عليه وآله وسلم

شافع الامه. يانبي الرحمه
صفحة للحق تبتدي. بمولدك ياسيدي
يانبي الرحمه

معبد الأصنام ساعتها تضعضع
بهلولاده كسرى ايوانه. تصدع
ونار فارس خمدت وما الها مطلع
بأرض مكه نورك المهيوب من شع
ربك اختارك. نزل انوارك
الناس بيها تهتدي. بمولدك ياسيدي
يانبي الرحمه

هاي اسفار وصحاح الكتب تشهد
عيسى بشر گال من بعدي محمد
بمولدك باب الجهل للدوم ينسد
ولاتظل دمعات للمظلوم علخد
الظالم ابحسره. ينتهي امره
خاب كل ظالم ردي. . بمولدك ياسيدي
يانبي الرحمه

بهليالي الليله ماصاير مثلها
چن الف ليلة قدر وأكثر فضلها
بالكرم رب السمه الوادم شملها
بنور طه غير الدنيا بأهلها
الساعة محلاها روحي تهواها
اليوم احس بمولدي. بمولدك ياسيدي
يانبي الرحمه

نزل ضيك شاغل الوادم جماله
رحمه انته ارسلك رب الجلاله
لاظلام ولاعبوديه. وظلاله
الأرض عگب الجور تمليها عداله
بوجهك البسمه. زاحت الظلمه
بالفرح تحدي حدي. بمولدك ياسيدي
يانبي الرحمه

ياعطوف بزود حنيه ولطافه
بعطفك المعلول من جرحه تشافه
لا بعد موئوده. بچفوف الصلافه
ولابلال بسوط. تتجرح اچتافه
الدنيا مختلفه. ابفرح وبلهفه
ثوب الابيض ترتدي. بمولدك ياسيدي
يانبي الرحمه

الشاعر حسن لعيبي الحريشاوي

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://www.tgoop.com/joinchat-Dw92Dj9pmspR5uHfACGjlA
▪️كروب الالحان رقم 2
https://www.tgoop.com/joinchat-Dw92DkJZ4tvb4YIzJWBWrg