ميمر // شجاعة اباالفضل العباس عليه السلام

زينب اجت للعباس. جابتله جربه ورايه
..........

يابالفضل جيتك يروحي ورجواي
اطلب طلب وعرف بطبعك وفاي
اطفال اخوك حسين محتاجه الماي

شده وصعب حلهه يكون إلا عله ايدك هايه
........

گاللهه امري ادلّلي ودگ صدره
ألماي اجيبه لخيمتج والزهره
ياويله واليمنعني اكسر ظهره

امن العلگمي املي الجود. ورَوي الطفل من مايه
.......

گالتله گدها والنعم يا عباس
انت الكفيل وبالشدد رفعة راس
ساقي العطاشة سقينه يابوالنوماس

راية علي ترفرف دوم بچفوفك امعلّايه
........

سل سيفه عباس وهجم عالعدوان
شردت زلمهه وخيلهه امن الميدان
شي ماتت وشي نامت عله التربان

طب للنهر يملي الجود دگ عالشريعه الثايه
..........

ماي النهر بچفوفه لمن شاله
عطشان وجه حسين يتراواله
ماشرب رد بالجود يروي اطفاله

مو غايته يشرب ماي. يرضي الامام الغايه
.........

رد للخيم عباس والماي وياه
لعبدالله راح الضامي شاله وروّاه
وروّه اليتامه العطشت بچف يمناه

وخته العقيله تحيّيـه ما يخلف الهه حچايه
.........

گال ومثل ما گال سوه الكفّال
بالجربه جاب الماي روّه الاطفال
ذل آل امية عله النهر لمن صال
روس وجثث سوه الجيش عالمشرعه مدمّايه

سيد زيد الفحام
_''''________

مولاتي العقيلة

                       *---------------*---------------*

اعلـه متنچ كـــون نــاس اتخلي وردات
وحـــدايـــق تنزرع تحت الـجـدم  كـون

يــــم گـلـب الحنين وام الإحــــســــاس
المثلچ تنضرب لــــيــــش اعـلــه المتون

زينب زيـنــه معنى اسمچ  عــــرفــنــــاه
وچــــنــــتـــي ابين وادم عميه العيــون

الطرشه اگلوبهم مــدري اشعدهم ويـاچ
وعليچ اصعب جـــرح  گامــوا  يأشرون

جـــرحـــوچ بجــرح كلش صعب چـــان
بحيث امـــن الجــرح صــار اصفر اللون

بحچي يصعب عليچ ومگــدر احــچـــي
المهم تــــرس الأذن گــامــــوا يشــتمون

وانتــي احـــســــاس ورده بـهدوة الليل
وحچي اشگد وشماته احملتي يم عـون

الــــدمــــع شگگ جفنهن بـــــس حملتي
إمْخدّر حتــــى دمــــعــــچ مثلچ ايكون

عجيبه اشلون جــــرأوا شـالوا الســـوط
يــزيــنــب ويـــــن راح اليحمي الظعون

إختصاراً للحچي راح اخــــتــــم  بــهاي
رغــــم كــــثــــرت كـلام  بگلبي مرهون

بــــس هــــذا الســــؤال وأختم ويــــاج
اذا مــــوجــــود يــمـكـن يگلب الكـــون

                     *---------------*---------------*
✍ بقلم خادم الحسين ع
     الشاعر رعد الچريخي

عاهدنه بالدم لحسين نبقه خدم وفايه
وشما تمر بينه سنين مرفوعه دوم الرايه
وخل يسمع الناشدنه
غير الحسين شعدنه
نبقه خدم وفايه
*****************************
ملتمه هاي الخدام
وشمحله هاي اللمه
قسمو قسم لزهراء.
مانترك احنه الخدمه
جن عابس احنه بعاشور
خذنه عزم من عزمه
ويبقه اسمنه الخدام
نتفاخر بهل جلمه
وهل جلمه فخر النه
ويهنياله اليحصله
ولزهره يهنياله
اليعاهدها ويگللها
*************************
من تكضي هاي الايام
من الله نطلب تنعاد
بدنيه نخدم يحسين
وموتانه تخدملك غاد
يومك ابد ما ننساه
بكل عاشر نصير رماد
ما ننسه حرك الخيمات
وما ننسه حزن السجاد
خدم الكم خلقنه الله
ونضل طول العمر خدام
لهاي الخدمه يا مولاي
الها نحضر من العام
*************************
جي ضامي ميت يحسين
وزعنه بل موكب ماي
وشما كثر حجي الناس
خدامك تزيد هواي
اول خدم مهيوبين
وكم عالم احتار بهاي
لو ما نخدمك يحسين
جا صرنه ناس بلا راي
لون نترك خدمته حسين
جا كلي شيضل بينه
احنه اول خدم بل كون
الله منعم علينه
*************************
مذلوله كل الخدام
بس عدنه مرفوع الراس
احنه العلينه يگولون
انطو عهد للعباس
عاهدنه نخدم لحسين
وعدنه الوفه ماينقاس
وكسرنه الضلوع علي
جي صدره بل خيل انداس
من ابو فاضل تعلمنه
لحبيبه انطاها جفينه
وعلمنه الوفه عباس
مات لخاطر احسينه
*************************
الشاعر علي عبد الحسن الغالبي

بدموعي رويت الدرب
والموقف ايفوق الصعب
يالكافل امشي ويالغرب
وينك يعباس وينك يعباس
.....................
حال زينب ياهلي الما ترهملهه
امخدره وعنهه غفل يمشون اهلهه
يا مصيبه البالخلگ ماصح مثلهه
ليل وعيال وسبي ابلايا الكفلهه
بالطف ولا يحصل رحم
والناس مبيعوة ذمم
لااخوه عدهه ولاخيم
وينك يعباس وينك يعباس
.....................
الفارگ اخوانه يحس مبيوگ حيله
ويلچم اجروحه اذا يلفيه ليله
يهل زينب شدتي كلش ثجيله
امحيره وياهو الاگصده واشتكيله
لا اخوه عندي ولا خدر
وهمومي ياخويه شكثر
حال الفواطم مايسر
وينك يعباس وينك يعباس
...................

ياهلي والمات حاجوني اشيرجعه
بليل افز والگلب بالياريت اقنعهه
ترس ذاني الصوت من حسين اسمعه
جن يحاجيني لمن عالناگه اودعه
يحسين كتله وجنه رد
ويرد عليه من الجسد
والنظر يم كفالي صد
وينك يعباس وينك يعباس
....................
هاي ماجانت علي البال المصيبه
يا مصيبه ومنهه محتاره العجيبه
بت رسول الله مشت تبجي وغريبه
والله عازه الكافلي وشنهو اليجيبه
طبينه للسوگ وشفت
بيكم الوادم شتمت
گالت خوارج مادرت
وينك يعباس وينك يعباس
......................
واكو اليعرف حيدر وعني سئلني
وگتله هاي آنه وخواتي هم هذني
طبت الديوان صعبه اوموتتني
وگتله يبره ويالضعن راس الكفلني
لاما اذل من الجره
بيه الفخر من حيدره
انه اخت سبع الگنطره
وينك يعباس وينك وينك
....................
واكو اليعرف حيدر وعني سئلني
وگتله هاي آنه وخواتي هم هذني
طبت الديوان صعبه اوموتتني
وگتله يبره ويالضعن راس الكفلني
لاما اذل من الجره
بيه الفخر من حيدره
انه اخت سبع الگنطره
وينك يعباس وينك وينك
.......................
يا هلي وام الخدر اسمي السبيه
وبالخرايب گعدونه ابلا حميه
والاشد من الحبل ميتات اديه
والله ما اگدر امد ايدي الرقيه
ما تنوصف يا حالتي
محتاره الم ابعيلتي
يا هلي تكتل غربتي
وينك يعباس وينك يعباس


خادم اهل البيت علي الزرگاني

( شور )


جـرح وعـيـونـي عـشـگـنّـه
يـلـچـم روحــي مـــا چـنّــه

رغـم عـيّـشـنـي بـالـدمـعــه
أحـبـنـه وأحــــب طــبــعــه

الـيـلـوم بــحــالــتــي خـلــه
مــــــاعـاشـر بـشـر مــثــلــه

تـــرف ويــشــابــه الــــورده
يـهـنـيـالـه الــعــبــد عــنــده

مــو يــمــي واحــس يــمــي
بـعـيـد وعـــــايــش بــدمــي

مـلـك ســـوانــي بـالـخـدمــه
چـبـيـره اعـلـيّــه هـالـكـلـمــه

يــــردد بــســمــه وجــدانــي
أحـبــه ومــــا أحــب ثــانــي

مـــالـك گــلــبــي بـحـسـاسـه
خـيــمـه وجـــامـع لـنــاســــه

كـــريـــم ويــكــرم بــخــيــره
مــــــــاحــبـن بــشــر غــيــره

الــوادم بـــي يــحــســدونــي
خــــادم بــســمــه ســمــونــي

أســــولـــف وألــهــج بــذكــره
أشــكــره وفـضـلـه مــانــكــره

مـــن الله الــعــشـــگ بــيـــــه
وأهــيــم بــعــشــگـه يــومـيـه

شــگــولـن عــاجــز بــوصــفــه
بــــس الـعـاشــك ايــعــرفـــــه

حـنــيـن وصـحـبـتـه صـحـبــه
ويـحـب الــخـــــدم گـــلـــبــــه

أحـضــر مــجـلــســه اتــشــرف
چــبــيــر وأكــبــر إمـن الـطــف

أروحــــن فــــدوه لــعــيـــونـــه
أخــــدمــه وآنـــــه مــمــنــونــه

                                         *---------------*---------------*

✍خادم الحسين ع
الشاعر رعد الجريخي

((انذبح ضامي))


أكره روحي من اسمع على مودي انذبح ضامي
ابـــــو أخيام الكلتها النار خاطر توگف اخيامي
شســــوي الروحي وتوافيك يريت وأذبح أيامي
لا منــــي انگطع خنـصر ولاجسمي صبح دامي

لامنـــــهوب صيواني
ولا مّــــذَبحه أخواني
ولا بالهيمه أشاهدهن
بناتي وجمره بلسـاني

عمت عيني يبو اليمه
عليك الخيـــل ملتمه
وانته اتعـالج بروحك
الهوى ماتكدر اتشمه

يبو اليمه عمت عيني ...

"""""""""""""""""""""""""""""""""""''''''''''


عگبك مــــاتلمنه بيوت يابوّ بيوت مهدومه
من گالو شمس وتراب عاري مسلبه هدومه
شمسوي وتدوسك خيل وانته الروح مالومه
غريب ولا ألك عَـوآن وحيد وضال بالحومه

غـــريب ولا ألك ناصر
گــــــوه بروحك اتكابر
مره اتصد على اعيالك
مره تشگف الحـــــــافر

جثيره جروحك بحالك
واجاك بسيفه چتـــالك
يالتزحف على خدودك
تـــــريد تروح لعيـــالك

يبو اليمه عمت عيني ...

"""""""""""""""""""""""""""""""""""''''''''''

زينب نادتك يحسين صعبه (الــها) تطلعها
دمعتك گلــــتلها الخيل نــار يگول مدمعها
يبن امــــــي لفتنه الگـــوم مانگدر نرجعها
على خدود اليتامه شلون مطبوعه أصابعها

تعال ألحـگ يبو الاكبر
تعال الضعـنك أطــشر
على التله بگلب شايـط
وشفت السيف والمنحر

يبن امي عمـت عيني
تهت ياهــــو اليدليني
اليطگني ما أگولن آخ
فلـــــــت بينك وبيني

يبو اليمه عمت عيني ...

"""""""""""""""""""""""""""""""""""''''''''''

من ذاك الجمر والنار وسياط العده البيهن
أجلك بالثغيب الحــار يهلبت لن تحاچيهن
لاذن بالركــــض يحسين ياچويات رجليهن
وعَمتهن تصــيح أعليك يخويه وين أوديهن

يـــــريدنك وگــــوملهن
بصدرك ريتك تلمـــهن
لو بس كلمه من عندك
يخويه وفـــدوه كلمــهن

يســــالب منهن الفكره
زهــــره وگادت بزهـره
البـــــويه شيبت عدهن
فدوه الچويه بس نضره

يبو اليمه عمت عيني ...

"""""""""""""""""""""""""""""""""""''''''''''

جزه بيك الجرح يحسين وجروحك غدن حنه
عطــــــشان وتعب واليك وأبــد مابيك عالونه
ماخلــــونه نوصــــل ليــك وأحــــنه نريد نـدَنه
دلينه عــــلى العبــــاس وأحنــــه نــروح نتعنه

نريد نروح للكــــــافل
عجيد الگوم ابوفاضل
ونگله الـــــسده علينه
نركض والجرح كاهل

نريد نگــــــله كـافلنه
ترى من الركض متنه
ومن نار الخيم تدري
يبو الغيره تطَـــشرنه

يبو اليمه عمت عيني ...

عبد زينب
محمد الابراهيمي

مولاتي زينب

ابــد مــا بـيـه راحــم  ..  يرحم أنـه
الـشـام الـبـقـى يـنـزف ..  يرحي منه
الـشمـر بالسـوگ عـمـداً ..  ير حمنه

وخـفـت لاتـوگـع اسـكينـه ورقـيـه

*-------------------------*---------------------*

✍خادم الحسين (ع)
الشاعر رعد الجريخي

((اجيت امشي))

بدنــائَتّ نفسي متعني
بذنبي بجرمي وبقبحي
بعصياني بجـذب حالي
آنـــــه المصطنع جرحي

اجيت امشي ..
نوح وبالسفينه صَعَدت كلشي
اجيت امشي ..
فك بابك احبك ياحلم رمشي
اجيت امشي ..
يا اشياء روحي وياغــلاة الشي

تگصر خطوةّ المحتاج .. بس محتاج
ياشيخ العرب والتـــاج .. وأبن التــاج
ضلمه وحبــك الوهاج .. يـــــالـوهاج

يــثآر الله
امس باچي أعله عبدالله
يوجه الله
أنــه الگـلبي بعشگ صلى

اجيت امشي ...
"""""""""""""""""""""""""""""""""""'''''''''''

اجيـــــت وعايف الدنيا
اجيــــت بدمعه اعيوني
ندم كل خطوه بالممشه
المثلك چــــان عافـوني

بدمع عيني ..
اريد اغسل اذنوبي واغسل اسنيني
بدمع عيني ..
أنه شمنطيك وانته اهواي منطيني
بدمع عيني ..
بحبل ياريت اجيك وعاصـر ايديني

يگلبي كافي هذا حسين .. رايـــح وين
شدلك بالنبض چم عيـن .. اسمــع زين
واضح والدرب صـــوبين .. ذاك حسين

يگلبي اسمع
اريدك من ترد تركع
يكلبي اخضع
موش انته اذا ترجع

اجيت امشي ...

"""""""""""""""""""""""""""""""""""''''''''''

نواسي الصـعدت الناگه
بس ماصحت النه النوگـ
وياكثر الهـــــلا التجــرح
دربك بل هلا مسحــوگ

الهلا بدربك ..
أحسها باربعينــــك عـورت گلبك
الهلا بدربك ..
تماشــــيني وتذكرني بطـعم حبك
الهلا بدربك ..
رغم مو عل هزيله وگاصد القربك

تبچيني الهــــلا چـندوب .. نــــار تلوب
ودَلالك يحدي وبياصوب .. ذاك صوب
وضعنك والشماته دروب .. يالمــسلوب

سبي وهزله
ودّموع أصـــيح نوصله
الاسر سهله
افراگ حسين شيحمله

اجيت امشي ...

""""""""""""""""""""""""""""""""""""""""

اوصلك يبو جـروحي
بس اسنيـــني تطـشر
وادنگ راسي وعيوني
وصلت عمةّ الاكـــــبر

اجت زينب ..
واضن ضهر الهزيله من الهضم شيب
اجت زينب ..
تصيح حسين خـــــويه والعمر حدب
اجت زينب ..
ضعن من الهوى يــــاناس ظل يتعب

دمع الشوگ يحرگ روح .. للمــذبوح
طاحت والگلب مطروح .. روح بروح
ومدمعها غده مسفـــوح .. حيل تنوح

هوت طاحت
من كبر الكبر ناحت
بهضم صاحت
زينب عجبه ماماتت

اجيت امشي ...

عبد زينب
محمد الابراهيمي

.


.    عباس جبت العايّله      رديت خويه الكربله
     عباس جبت العايّله      رديت خويه الكربله

                              *---------------*---------------*

جيت اليـــوم   ريت ادكوم   خـويـه وتنظر لـحـالـي
شـاب الـراس   يا عـبـــاس   هـاي الـروس تـبـرالـي
عنـدي اعتاب   وي اجـنـاب   جيـت وانـت كـفـالــي

ويــاك چـنـت امـخَـدّره    وأدريـك سـبـع الگنطره

                              *---------------*---------------*

فـوگ النـوگ   عيب اتلـوگ   اخـتـك تـمشـي مسبيه
عكبك ليــش   بين الجيش   وادم تــنـظــر اعـلــيــه
زحمه وعيب   تالـي الشيب   يـلّــي اتـكـفـلـت بـيــه

للمـوت دمعات الـجـفـن    ويـاك خـلـيـنـي انـدفـن

                              *---------------*---------------* 

دم ابچيـت   يمك جيت   وانـتـه بـنـومـتـك غــافـي
گـوم ويـاي   يـا رجـواي   عــگـبـك ورّم اچــتــافــي
هـذا الصـار   بين النـــار   اركـض والـجـدم حــافــي

شـدگـول يـا وارث علي    رديـت وادموعي اتهلي

                              *---------------*---------------*
 
  مدري شلون   عنـدي عيون   ظلت والـنـظــر بيهـه
  كلهـه اتصيح   خــاف اطيح   حـرمه وين اهاليهـه
   تصعب هـاي   وي اعــــداي   كلمه ويمك احچيهه

عالنـوگ شافتني الـزلـم    والـحـيـل راح ومـنهـدم

                              *---------------*---------------*

دمعي السال   يحچي الحال   اگعد يا ضـوه عيوني
احچي وياك   نخوه انخالك   وانت الكافل اظعوني
كـلـي اجراح   جيـت ارتــاح   خويه بكلمه حاچوني

عباس شـنـهـي سكتتك    يا خوي احچي امروّتك

                              *---------------*---------------*

چـفـك ويـــن   وعــدك ديـن   يوفي الينطي الحچايه
خدري انشاف   جيـش آلاف   امـشـي ويمشي ويـايـه
عـوف الـنــوم   هسـه وگـوم   بـيـدك رفرف الــرايــــه

هالـيـوم جـيـتـك ياگمر    هالـيـوم هم عندك خبر

                              *---------------*---------------* 

العدهه أحيود   تمشي بـزود   وآنـه الوادم اتسبنـي
وي  ظــــــلام   لـرض الشام   دهري هـواي دولبني
شفت الويـــل   راح الحيـــل   بفراكك يخــال ابني

ياريت موتي بـمـوتـتـك    انـشـاف تقبل غـيـرتـك

                              *---------------*---------------* 

دربي ابعـيـد   وانت الحيد   صـيتـك واصـل السبعه
خدري بساع   راح اضـيـاع   وانـت بـزودك اتـرجعـه
اخـذ الــروح   وسفه تـروح   واختـك تبقه منفجعـه

يا خـوي يـحـزام الظهر    ظـلـيـت بأحـزان الدهر 

                              *---------------*---------------*

✍خادم زينب (ع)
الشاعر رعد الجريخي