لسان حال مولاتي السيدة زينب،،ع،،
•••
#قصيدة_صوت_أمي_



•••
يايمه يايمه فاطمه يايمه
•••
أحـومن والجــرح بالباب أشوفنه
وشوف أثر دمـچ لگط چن حـــنه
وطـوفــــن وگعتچ وعيوني تدنه
العتبت بابنه وبيه انه ألــــف ونه
يايمه يايمه أمالمه يايمه
يايمه يايمه فاطمه يايمه
•••
وطب للبيت ولگه البيت مترادي
ثچيل أفراگچ وتوه الألـــــم بادي
وشيلمه الجرح لوطوح الحـــادي
يبضعه وبيچ نشتم ريحة الهادي
يايمه يايمه أبياسمه يايمه
يايمه يايمه فاطمــه يايمه
•••
زغيره والدمــــع مـافارگ أرداني
اوحشة بيتنه اتبين حــــزن ثاني
ادور والوجــــــع يم كل كتر باني
خيم واليل فرهد ضحكت اخواني
يايمه يايمه املثمه يايمه
يايمه يايمه فاطمة يايمه
•••
اوين التفت توگف صــــــورتچ يمي
وجرح فرگاچ إحسه أمحزم أبأسمي
بنفس النعش شالـــو چثتچ وحلمي
غريبه الدنيه اذا مـابيهه صوت أمي
يايمه يايمه أمحزمه يايمه
يايمه يايمه فاطمــة يايمه
•••
كل مـــــاشم بخورچ روحي تتعذب
أشوفـچ والگبر مـــــثل الهوه يگرب
وجيچ أبلهفت ألــــي أيدور ويتعب
ويفز كل ضوه بيچ أيصيح يازينب
يايمه يايمه أميتمه يايمه
يايمه يايمه فاطمة يايمه
•••
خادم أهل البيت،،ع،،
أبوحسين السرگودي...🕊️🕊️🕊️

مجلس عزاء سماحة السيد حسن نصرالله.
بصوت الطيب المخلص ملا حازم الدشتكي
كلمات اخوكم ابوحسين السرگودي...

#رسالة جرح ياصاحب الزمان
•••
دم_دم_هم شفت الباب أشبيه من دم
دم_دم_وبدموعك مـــــــــالحگ زمزم
وين أتنويها  أيطگ جــــرحك
أويغرگ ليلك من دم صبحك
دم_دم_بس الدمعـــــــه العينك مرهم
•••
ماكو  راوي  ينقلنه  أشگاعد  ايصير
بيك  وجروح   الخناجر  خلفن   بير
شلون متنگب ودمعك  صوته  تكبير
والجروح البيگ ركضن حتى الازغير

دم_دم_ تحضــــــنهن أخ  أوتتلچم
دم_دم_وبدموعك مــــالحگ زمزم
وتهز   الغيره   بچف  رمحك
أويغرگ ليلك من دم صبحك
دم_دم_بس الدمعه العينك مرهم
•••
فدوه لعيونك أودمعك عدنه غايه
أنريد نسمع  ونك  الما  بي   نهايه
المحترگ بي باب وچفوف أوعبايه
ولو  نعرف  بيك چنت   أويالسبايه

دم_دم_وياهم   تركض   ومحزم
دم_دم_وبجروحك مالحگ زمزم
و تصبرهم   بس   أيفضحك
أويغرگ ليلك من دم صبحك
دم_دم_بس الدمعه العينك مرهم
•••
أحساس عدنه أمحزم ابطول المصيبه
صوتك  ألــــه وحي  ينزل   بي  يجيبه
عليك  نقــسم   ربي   بالجثته   سليبه
خـــــــــــلي جبرائيل  يفجعنه أبنحيبه

دم_دم_حـتى انشم أنفاسك مأتم
دم_دم_وبجروحك مالحگ زمزم
وتسولــــــف ويطول شرحك
أويغرگ ليلك من دم صبحك
دم_دم_بس الدمعه العينك مرهم
•••
وباب  من  أجذوع  تنعاهه  بحنينك
وچم  ظلع  مكسور نسمع من ونينك
وعينك  أشما  تتعب  أتبچيهه  عينك
من تشوف الزهره بس الله  اليعينك

دم_دم_ يالعـايش عمرك بس بالهم
دم_دم_وبجروحك ما  لحگ  زمزم
ويسولف جرحك  وي ملحك
أويغرگ ليلك من دم صبحك
دم_دم_بس الدمعه العينك مرهم
•••
ومن   تعرج   عالصبر مر   بالعليله
هيه  هم  فاطمه  ودمعتهه  ثچيله
البيهه   نوخ  للألم   طف   أبخليله
والهوه   والباب   عيشهه   أبرحيله

دم_دم_وعــــــيونك سد أو تتثلم
دم_دم_وبجروحك مالحگ زمزم
وادموعــك بالشيب أتسبحك
أويغرگ ليلك من دم صبحك
دم_دم_بس الدمعه العينك مرهم
•••
خادم أهل البيت،،ع،،
أبوحسين السرگودي...🕊🕊🕊

    قراءن السماء...بيان الوفاء

        ينسمع    زينب كربلاء

...

أبميـلاد السـفيرة--النـذيره--الأمـيره

مولدهه أبخيمهه--أســمهه--الـوزيره

والدنيه أبأمـلهه--شملهـــه--العشيره

كبرت ملاحـــم كربله بخيمتهه

وأم الخدر بالخدر هل السمتهه

حـتى أبأذان الغيره هـم خلتهه

حــــي على زينب عـلي نادتهه

عنوان الأباء...بيان الوفاء

       ينسمع   زينب كربلاء

...

خطواة المخاطر--مــشاعر--مــنابر

قاموس العزائم--مـــكارم--مــناير

بيبان الروايــــه--المــــنايه--تسافر

هيــه أنتصار أنولـــدت أبكل كاتـب

هـــــيه القرار المنولد بــس صـائب

هيـه المثل ع العين شيخ الحاجب

هيه الرسالة البيهه رحمة أتخاطب

بيبان الضياء...بيان الوفاء

      ينسمع    زينب كربلاء

...

مولـدهه البـدايه--الــعبايه--بـروايــه

خطوتهه الرئاسه--قياسه--الحـمايه

العنوان أبلطفهه--وصــفهه--الـــنهايه

طلعـت شمـس والكربلـــه تتولم

زينب أمــــيرة انولدة الكل معلم

راية الغـيرة البل الهــــوه تتبسم

لو رفرفت يعني أبوفاضل تسلم

عنوان النداء...بيان الوفاء

    ينسمع    زينب كربلاء

...

ندعيهه بصبرهه--أبأمرهه--بشعرهه

ونقراهه الأصيله--الجليله--بكـبرهه

ونلتم أبصحنهه--بوطنهه--بـخبرهه

لوجــبنه ألهــــــه علگ مـــن الحضره

آمن حسين من شباچه تعرف عطره

بي تشـــــــم عـباس النذر كل عمــره

ننخـــاچ تدعـــين أبفــــــــرج للفقره

أيمان البقاء...بيان الوفاء

    ينسمع    زينب كربلاء

...
خادم أهل البيت،،ع،،

أبوحسين السرگودي...🕊️🕊️🕊️

هوسات مولد مولاتي السيده زينب،،ع،،
•••
من الذر ترى العباس شــد أحـــزامه بحزامه
وهوس ياهله أبزينب وفـــرحته غـلبت أيامه
أبشري يا أختو عباس وذب رباطه صمصامه
هااا..وعباس أبيومچ شد رايه
•••

أبميلادچ ضوه اعله الگاع طاح وترس حاصلها
وزينب رحمــــــــــة الله أبگاع الله الگاع دللها
ومـــــن الذر ترى العـباس دگ سدره وتكفلها
هااا..ومن ذاك اليوم انطه احچايه
•••
أنولدت خيمـــــــه بس ياخيمـــــــه النولدت
بيهـــــــا العفــــــه عفـــــــــه وزينب أتسمت
اعلــــــــــــه كبر الگاع مطــــرة ستر والتمت
هااا..وبالطف نزلت زينب آيه
•••
خادم أهل البيت،،ع،،
أبوحسين السرگودي...

موال لولادة مولاتي السيدة زينب،،ع،،
•••
طلع فيچ لحــــــــد ماوصل لعيوني
وبده يمشي لحـــد ماكسر فيّ لوني
بعد مــــاصوفرت رد الخـضار الراح
وانه أمـــــراد شمعه بطلبه طلبوني
من صينيتچ الأخـــــــر فرح مگيول
أبميلاچ نذر عطـــــــــشان نذروني
فرحت أبمولدچ گاع وحضنها الماي
وأحسنهن مـــــــــناير طگن أمتوني
لحد مااذنت جـــــربه وتريد أجتاف
بتكبيرة أحرام الجــــــــــربه لاگوني
مــا اگدر أذكرچ ألـــــــــــه والعباس
شرط موجـــود كون أيگول أكتبوني
على جرف القصائد چــــم بحر يراد
وانه أبمولدچ حــــــاضر ترى أبدوني
مــــــــــادام أبوفاضل بالقصايد ماي
حتى العطش يرجف صاح أمسحوني
وانه الأجــه أبدونه ايريد صــــم امراد
كل عــــــام وسنه اويالخدم سجلوني

✍️أبوحسين السرگودي...

#قصيدة_راوي_وناعي
#لمولاتي_فاطمه
•••
الحـچي يم بابچ أتهدل..وعلي ضل يسمع المقتل
راوي أوناعي صار الباب-بدمعته كـل عــلـي أتبلل
•••
وگف رجف
الباب أيطيح ساعه وساعــــه يتفرگع
عبر أوعثر
أدموعـــــه بعينه تتكسر علي ويسمع

علي للماله حـيل  أبياعلي أيسنده
علي بالشده هــوه اليحضر الشده
علي أبهاي المصيبه اتشوفه يتبده

علي دمع الحچي اليندل..علي بس دمعه ضل يسئل
أبو أتراب ودمعـته أتراب-وعلــي وبس علــي يتحمل
•••
أنتچه وحچه
ودمعته الضمها يــم البير راداها
ونحب وكتب
عرفت ألمــــن علي يابير ضماها

الهاي الدمعه أدري أتجيبني العازه
وگتلك هــــاي دمعـــة علي لعزازه
المثل فاطـــــــم يبير أبيش تجازه

حزنها أبروحي ضل يحتل..جرح يحضن جرح وذبل
أنه المايكضـــــني أگراب--يصبرني الصــــــبر وأقبل
•••
ألتوه الهــوه
وشكو نسمه أتلثم مــــن تطب ريته
وطفه وغفه

الوجــع شارب أرسومه وماي عافيته
صعـــبه أتگوم بيدك تدفن أبروحك
وعلى أتراب الگبر تتطشر أجروحك
تسولـــف والفراگ أتخوصر أبنوحك

الوجع بجــروحه يدلل..بعلــي كل العگد تنحل
علي مومال فگد أحباب-علي مكـسور وأتخيل
•••
دنه أنحـنه
على گبر الزچيـــه وشاوره أبهمه
ودره وقره
وآيات الجــرح مـن ينچفي أتلمه

وگللها علـــي شحچي آنه عن يومه
عليه صوفرن من الهم ترى أهدومه
تعب وحچايته چــــن خبزه مثلومه

وأفراگچ عليه حــــــــول..وأتمنه يمــــوت أول
لأن جرحچ جرح ماطاب-وحياته أعليچ تتبدل
•••
ورسم سهم
مثل أضلوعچ أيصـوب ترى أضلوعه
وشتل مـثل
اليموت اليوم كون أيعيش موظوعه

وأنتي أول شهـــيده أتعيش لتالي
تعرفين الوفـــــه ألـــه بنحر غالي
رحتي وحـيل ذبلت بعدچ أحوالي

أموت ودمعي ماوشل..عليچ وانه المعدل
بفاتحتچ ألف أنگاب-ألفن ليل حتى أعدل
•••
خادم آهل البيت،،ع،،
أبوحسين السرگودي...

مبارك لنا ولكم جميعآ ولادة مولاتي السيدة زينب،،ع،،

حتى صـوت السمه بي نبرة ونين...والله حيرة
ياعلي نحي الحسن ويه الحـسين...والله حيرة
        أيعينك الله ياعلي أيعينك الله
...
كل سنــه تنعـاد ويـعيش الجـــره
علـي أبكل ذكره ترى أنحل مأزره
الهسه جرحــه أملـثم وينزف ترى
ويلتـــــم الجــرح والنوح..وصدر أم الحسن مجروح
ويتبده الحــزن بالصـوت..الأول نـعـــش بـالـتـابـوت
                 ويهـتـز الـعـرش عالصار
والدمع يركض ركض متكضه عين..والله حيرة
ياعلي نحي الحــسن ويه الحسين..والله حيرة
        أيعينك الله ياعلي أيعينك الله
...
شنهي چـان الحال وتوالـه العذاب
وحـترگ گلب السمه الهذا المصاب
ألموت شايل قيمه لملاگه الأحباب
شعضمهه سـاعـــة الــمــلگه..چبيرة السمــه ومــختنگه
وهتف صوت الحزن جبريل..وعلي من يوگف أبلاحيل
                   أحـــا ياعـمـلت البسمـار
والمنيه أخذت ترى أم فيّ الضخين..والله حيرة
ياعلي نحي الحـسن ويه الحــسين..والله حيرة
            أيعينك الله ياعلي أيعينك الله
...
والبچي ينسمع ضـل آمـن السمه
لـمـن حــاچــوهـه وتئن أمــألمــه
وفتحـت أديهه ألهم أتون فاطمه
وأهـنانـه الـجـــرح يـنعه..وعلـيهـــم لـطمــة الـسبعــه
وأسماء بدمعهه أچفوف..تدعي أبعلي وترجف خوف
                 علي لمـن گعــد مــنهار
علي ولا..چـــنه علي ليث العـريـن..والله حيرة
ياعلي نحي الحسن ويه الحـسين..والله حيرة
       أيعينك الله ياعلي أيعينك الله
...
قلــع خـيبر علـي مــادارلهــــــه بال
الموت الأحمر بالحرب بچه الرجال
علي أباسمــه ننتصر وقـــت القـتال
وعمرهه أثمنطعش ورده..علـي أيـدنگلــهه يتبدهـه
الــوداع الـمـاتلمــه عيون..يخلص عمره عاليمشون
              علي من كل كتر محتار
أبهل المصيبه شيبْ وبچه السنين..والله حيرة
ياعلي نحي الحسن ويه الـحسين..والله حيرة
      أيعينك الله ياعلي أيعينك الله
...
وعلــي ويه الــبير كمـل قـصته
حــتى زينب مـاتشاهـد دمـعته
اليل من يضلم ترى من حسرته
ويعيش وتكبر أهمومه..علي وجــروحـــه ملچومــه
علي وأبابه يلگه الريح..أبمكان العصره كلهه أتطيح
             ودمعهه أيحني وجهّ الدار
وكل صــبر يم فاطمة يوگع يلين..والله حيرة
ياعلي نحي الحسن ويع الحسين..والله حيرة
       أيعينك الله ياعلي أيعينك الله
...
خادم أهل البيت،،ع،،
أبوحسين السرگودي...🕊️🕊️🕊️

أم البنين اليوم عـدهه أقرايه
عالزچيه والدمــــــع شد رايه
•••
أمــوزره والباب گابلهــــــــــــه أويدگ
وهيه مــثل الباب صــــــــارت تحترگ
أيگلهه من طاحت شفت طاح الصدگ
وهيه صـــــارت لستر تچايه°°
•••
شلون مـجلس والسمـــه أتصبر السمه
وأم أبو الغيرة تون أمـــــــــــــــــــألمه
عمت عيني أعليچ صـــــــاحت فاطمه
ياعمت عيني عليــــچ أبهايه°°
•••
شلـــون طحتي وأنتي قراءن وحجاب
وانتي نعمه الله مــو يعصــــــرهه باب
ريت كون أنه ابدالـــــــــــــــچ عالتراب
ودمي لا دمچ يصير أجرايه°°
•••
وحيل شدت كل لطمهـــه وتبچي حيل
وحتى حــــــيدر بالنجف دمعه ويسيل
شكبره قانون الصـــــبر مــالــــــه مثيل
من سمع بالزهره ضـيع رايه°°
•••
وقرة تسهيل أمـــر وتحنه العــــــــــــزاء
والمراد امــــــــراد بي مـــــــــــن كربلاء
أهنانه حتى الباب أمـــــــــــــــن بالدعاء
بصوت فاطم شكرت الوفايه°°
•••
✍️خادم اهل البيت،،ع،،
أذوحسين السرگودي...🕊️🕊️🕊️

يم بابچ الحـــاجات نوخ ضعنهن
وچفوفچ أم عباس هنه الگضنهن
✍️أبوحسين السرگودي...

#نعي لمولاتي السيده لزهراء،،ع،،بلسان حال مولاتي السيدة زينب،،ع،،
•••
ياليل بين جــــرحي ضامي
ومحتامه ودمـــوعي بلثامي
ومچوره آهــاتي اعله هامي
چوارت وجــع شايخ أشوفه
والبيت خـــالي آبلا مشوفه
يمه ابغــــــــيابچ بيه خوفه
كل ساع أفـــــزن ونتخيلچ
يم حــــسن يايمه دخـــيلچ
وياحيلي شوهم چنه حيلچ
مهــــــدوم وجروحي أتبده
وشلون حيـــلي الراح ارده
بــعد أوبــعد مده اعله مده
شماگول يمه أتهب مصيبه
وحگه الجرح شايل حبيبه
لو هوه لوضـــــــايع طبيبه
ردتچ تجـين وشوفي حالي
يم عـــــتبت الباب أنه بالي
والبيت بعـــــدچ يمه خالي


ربچ عاصــــمچ شنهو معاصم
وچفوف هنه صارنلچ معاصم
اويحــــزنچ انه اضنن معاصم
ألم محسن سگط فوگ الوطيه...
•••
خادم آهل البيت ،،ع،،
أبوحسين السرگودي...

قصيدة أنوي
_ _ _ _ _ _ _ _ _ _ _ _ _ _ _ _ _ _ _ _ _ _ _ _
بين المراقد دمع يضوي……
وحلف القاسم وأنت تنوي……
بالزيارة°°°°°°°°°°°°°°بالزيارة
_ _ _ _ _ _ _ _ _ _ _ _ _ _ _ _ _ _ _ _ _ _ _ _

حلفه أنت بدمعتك گوم بحيل أجروحك أتوضه
لأن بين المراقد شوگ وحل وكت العشگ فرضه
أبأذان أدموعك أسمع ماي يأذن والنهر نبضه
تلملم والحچي اليراد تلگه أحروفه تشضه


وبس المكارم بيده يحوي……
وحلف القاسم وأنت تنوي……
بالزيارة°°°°°°°°°°°°°بالزيارة
_ _ _ _ _ _ _ _ _ _ _ _ _ _ _ _ _ _ _ _ _ _ _ _
حتى أتعيش دين أنسان يفخر منهجه أبأسمه
الرضا من گالهه اليشتاگ أليه وروحه چن نسمه
اليزور القاسم وألگاه يطوف أبگبري ضل حلمه
وشمن عطر أخوي الهيل مثل شمت حچي النعمه


وعن الزيارة أشكثر يروي……
وحلف القاسم وأنت تنوي……
بالزيارة°°°°°°°°°°°°°بالزيارة
_ _ _ _ _ _ _ _ _ _ _ _ _ _ _ _ _ _ _ _ _ _ _
من گد ما عصرني الليل وأني بشوگي مدفي
رواية قصتي بيهه أحساس تخضرمفخره أبوصفي
أخوي أوهالبعد چف نار أشبك ناره يله أطفي
الوكت خلاه بعيد أيصير مسافة چم گلب مخفي


وصوت الفراگ أبروحي يچوي……
وحلف القاسم وأنت تنوي……
بالزيارة°°°°°°°°°°°°بالزيارة
_ _ _ _ _ _ _ _ _ _ _ _ _ _ _ _ _ _ _ _ _ _ _ _
أشما أشوفنكم أطوفون گبر القاسم أتمنه
أطوفه أوياكم أتمنيت وتفز أبروحي چم ونه
ولطم وأسمع الرادود آه يبنيتي أسمعنه
وينعه والبنات أهواي چنه أبيا جرح چنه


ونار المخيم بيه تدوي……
وحلف القاسم وأنت تنوي……
بالزيارة°°°°°°°°°°°°°بالزيارة
_ _ _ _ _ _ _ _ _ _ _ _ _ _ _ _ _ _ _ _ _ _ _ _
اليزوره عالسراط أهناك هم أوگفله متحزم
وعالميزان أيبس الريح ما خلي الحچي أيغيم
الكتب لو طايراهه الخوف أخلي الخوف يستسلم
نفس ألي يجيني أهنا روحي أبياعشگ تقسم


أوگفله لو كل حيلي يخوي……
وحلف القاسم وأنت تنوي……
بالزيارة°°°°°°°°°°°بالزيارة
_ _ _ _ _ _ _ _ _ _ _ _ _ _ _ _ _ _ _ _ _ _ _ _
خادم أهل البيت،،ع،،
أبوحسين السرگودي…🕊🕊🕊

يافاطمة

دار الحديث
•••
أنا أنا
دمعي روى
ثم بكى
ورددا
يافاطمــه
•••
بين جــرح دمعي شمس
ولمن حچه عــن ياآمـس
دار الحــــديث المنترس°°وجـع
ومن الوجع دمعي شرب
وبيه الخجل نار بگصب
الهجمو عرب لا موعرب°°سمـع
الباب الهسه من أتفتحه تسمع طگ
أذا تذكر الزهــــــــــره بعتبته يعرگ
الباب أيعــــرف أهل الشر اذا يندگ
مـن دگوني ضل أشكثرجلدي أزرگ
بدا بدا
حزني بدا
ثم بكى
ورددا
يافاطمة
•••
وبده الحديث ألبي جرح
وليل الألــــم مابيه صبح
الباب أذا مـــــــــــاينفتح°°يرد
الدگه اذا شايل شيـــــــم
والغيره بيه رفت علـــــم
والمايعرفلها أنلظـــــــــم°°حقد
الأجو كلهم ترى مـــــــابيهم أشويه
خجل وأدريهـــا گبلي هاي محچيه
الحطب والجابه والأسس مساعيه
النكرو بيعتك ياعـلــــــــــي مرويه
أذا أذا
حان الأذا
ثم بكى
ورددا
يافاطمة
•••
وتأذه دمــــــــعي أبهل الجره
وشفت انچوه أحساس الثره
والگاع لــــــــــــن شهدت تره°°أجو
أمعشعش شفت بيهم أمــر
وبحروفهـــــم مــلتف جمر
الحگ ترى أبلــــــون الضهر°°لگو
بس أبليس كلهـم شلــع شاريهم
وحافظهم وخـاتم كل جناسيهم
خلف الباب هيه وصاح حاديهم
وأن والوأن نكره گمنه طــاريهم
حكى حكى
البابُ حكى
ثم بكى
ورددا
يافاطمة
•••
للباب مـــــافتحت طــرف
الزهره أكبر مــــــــن عرف
هيه الشرف الأهل الشرف°°أذن
بس همه قائدهــــــم حقد
والباب خلفه أم الحمـــــد
رادو يفجعون الولـــــــــــد°°بدن
أول مابدن عصره وضلــــــــــع دامــي
ومن حرگوني شفت أحترگت أحلامي
عاين عالحــــــــــسن يتبده گدامـــــي
يعرف ألي أجـــــــــو شخصهم أيمامي
أسى أسى
عاش الأسى
ثم بكى
ورددا
يافاطمة
•••
يابيت مثلـــــه ماشفت
طفو ضـــــــواه وتألمت
بس الحـــزن بي يلتفت°°ألم
والنـــوح ضـل أبكل كتر
بكل غرفه خاطر منكسر
وليل الوجـــــع ماينسهر°°رسم
كل مايمر يرسم بينه هـــــاالمحنه
ونسير سالفه بحلگ الجرح طحنه
وصـحنه فاطمه ويافاطمه صحنه
رحتي للگبر وأحــــــنه آبألم رحنه
هنا هنا
القبرُ هنا
ثم بكى
وردادا
يافاطمة
•••
خادم أهل البيت،،ع،،
أبوحسين السرگودي...

ياصاحب الزمان.
#قصيدة
وجع_روحي
•••
دنيه وخـيط فجرك بي رمــــــــاد أخيام•
بس بالجمعه أحــسنه الصــــــــباح أولام•
وسچة جــــــرح بيها أشچم گلب ملچوم
وتتكسر أدموعــي شلـــــون كسر الجام•
ودورلك وطـــــــن شايل شموعي أدموع
بصباح الجمعـه أفگن شكو بروحي الثام•
وأدون أعمــــالـــــي ركزه بجمعتك مولاي
وصليلك صــــــــــــلاة الملگه بيها أحلام•
وحرملك لحــــــد مـــــاأطخ وجـــهّ الغيم
وتسلومت شمــس يركض بروحي أحرام•
لحــد أخـــــر محطه الشمس چنها اتغيب
وسولــــــف لشمس قصة الشيب أشضام•
وآهنانه أنكسر كسرة بخــــــــــــور الطيف
وأتبده وبعـــــــــدني بروحـــي أبد ماشام•
وفزن ولأسر تارس الــــــــــــــــروح أقيود
والمچتوفه روحـــــــــه شلون عينه أتنام•
وأسر الفرگه ينطش مــــــــــثل طـش اليل
وجع شارب أجــــــــروحــك والقلق دمام•
تركض وأنت حـــــيلـــــــك رگد بي الحيل
طير آبلا جـــــنـح والحچي أتشيله أسهام•
ولاگيهم مثل طـــــــــــــير ويذبحه الشوگ
وتفرفح روحـــــــــي وتحول الندبه أقلام•
وتكتب روحـــــي كل جمعه أعله بابك ماي
بصلاتي مـــــــــــــانسيتك وبدعائي أحزام•
•••
خادم آهل البيت،،ع،،
أبوحسين السرگودي...

ياأم البنين.
•••
وحـــــــده حايره وماعدها ذريه
وتاخذ مـــــن سفرتچ حنه وميه
ومن تنخاچ حتى أصيحلچ خيه
الماعدها ولد مهضومه وتكابر
•••
دگت بابچ ودمعتهــــــــــا تتولم
ياأم البنين وحيـلهـــــــــــا أتثلم
الماعدها ولــــد كل ساعه تتيتم
تكتلها ترى ياكلمـــــة العاجر
•••
وهــيه يم سفرتچ شيبها أتلاشه
متمنيه أشكثر تشتري خرخاشه
وماردت سفرتچ وحده لا حاشه
وتمشي عليچ الساحگه الحافر
•••
ابوحسين السرگودي...

ياأم البنين.
•••

چـــــم والــد أبوالد منهضــم گلبه
وعلاجه بالأخـص يم سفرتچ تربه
اجاچ ودمــع عينه ايسولف بطلبه
ونخاچ ودمعته يبچيها بعتابچ
***
اجاچ وكله حـــــيره وحيرته تنطش
والمضيع طبيبه أدموعه بس تنحش
ذب أعگاله يمچ والالــــــــم خرخش
وهوه وحاجته هالگعدو أبابچ
***
✍️خادم اهل الببت،،ع،،
أبوحسين السرگودي

ياام البنين،،ع،،
•••
يـم المــــحنه جينه ونهـل أدمــــــــوع يم المحنه
ومــالا يگلـنه العمـــر بس حــسرات مــــالا يگلـنه
ويمچ وصلنه وهالسفـره تنطي أمراد يمچ وصلنه
•••
واحدنه عده  چم حاجه يم عباس واحــــدنه عـده
وتچوه خـده يبچي ويهل ادمـــــوع وتچوه خـــده
ولامــــا ترده سفــرتچ يم الخــــــير لا مـــــــــاترده
•••
خادم أهل البيت،،ع،،
✍️ابوحسين السرگودي

ياام البنين.
•••
فرشنه سفـرتچ ودمــوعنه أيطلبن.
ورفعنه أچفوفنه وچفوفچ أيعزبن.
•••
بس نشتم عطرها السفره كلشي أيهون
يالمضحيه گمــــر والنوب فوگه أعيون
الله أيقدر ادمـــــــــــوعچ البيهن عون
لأن لحسين مـــــــــاهودن ويعزن.
•••
وأجينه والأجاج الكسر بي واصل
طرف گلبه واجــــاج ابهمة السائل
نوه يطلب ولكن بعـــــــده ماگايل
ويشوف أچفوفه مــنچ ترس ينترسن.
•••
ومحد عـــــــــاف هاي السفره والبيها
وخل تسمع الناس اعله الهوه احچيها
اليصفي النيه اصــعب حاجه تگضيها
ندعي أچفوفچ النه كل مسه يدعن
•••
أبوحسين السرگودي...