#ابوذيات للخدام


شيعي بغير ال البيت ....   منهج
وطريق الهم تبعته وصار....منهج
وحق البل براري بليل.......من هج
عهد ماعوفهم حد المنيه

╌────═❁═────╌

سفينه الدنيا بيها حسين.....ربان
وهويته وحبه من الصغر.....ربان
اصيح هناك يوم الحشر.  .. ربان
گضيت العمر انعى أبن الزجيه

╌────═❁═────╌

✍نور الولايه الفاطميه

https://www.tgoop.com/+63HK-Y3_SrQzZTEy

يمن تسالني حي الگلب....لاله

شفت شهر الحزن بالسمه.لاله

انوح المن حرت لحسين...لاله

وانه المتت بارض الغاضريه

✍نور الولايه الفاطميه


https://www.tgoop.com/+63HK-Y3_SrQzZTEy رابط قناة الشاعرة نور الولاية قصائد حسينية مكتوبة

١٠٩٢- خير الدنيا والآخرة

بنوايـانه وعمــلنه داري الحسين
وعلينه الخـير كله داره الحسين
عله الخدمه جمعنه دار الحسين
وصحفنه امــوقعه بچف الزچیه

✍ فراس المحمداوي

١١٥٢- واحسيناه

عَله كل عـــــالي بالدنيا عِله حسين
ولوجــــود البشر اصبح علّه حسين
شجاهه الخيل تتراكض عله حسين
وداست نعمة الله اعـــــــله الوطيه

✍ فراس المحمداوي

١١٥١- مصرع الحسين (ع)

عجاج اتراب يسفي ظل عله حسين
وعباتي هناك سوت ظل عله حسين
طحـــن الهيل طحنت ضلع الحسين
الحوافر والسحــــگ بي روحه جيه

✍ فراس المحمداوي

١١٥٥- الغوث يا ابا الفضل

غده بظهر اليتامه السوط لشّاط
ومحتاره ابره للّـــي طاح لشّاط
وين اليوديني بعجـــــــل لشّاط
وانده كافــــــــلي وينتهض ليه

✍ فراس المحمداوي

چثيره همومها اعله الگلب.   كفان؟
بس يدموعها لو ساع..............كفان

بعدها اعله الحزن طفله
بدمعها ليش تتسله
اصبحت من المحن هزله
عليها يزمخ اخوله

والها ورمن بالحبل .....كفان
وسوط اعله الضهر حاني رقيه


✍نور الولايه الفاطميه


https://www.tgoop.com/+63HK-Y3_SrQzZTEy

١١٧٦- سيدي يارسول الله

اسنينك من اذه اهـل الكفر خوّان
وچم صاحب بصاحب طلع خوّان
مــــــالك يارســـــــول الله خوّان
عله اجنازتك بس حــامي الحميه

✍ فراس المحمداوي

١١٧٧- جراح محمدية

كظيم وچــم جرح گلبي ترابي
وعيوني اعله اهل بيتي ترابي
تره ياناس بعــده اخضر ترابي
وانصبتو السقيفه وخــنتو بيه

✍ فراس المحمداوي

نعي
السيده الزهراء اتخاطب دار المصطفى


يـادار الـوحـي وين الـوحـي صار
اوّويـن الـصـورتـه بالعـين تـذكـار
ظـلـت دمـــعــتّــي يـا دار مــدرار
راح الـچـان وجـهـه اليزهـر انـوار


فـارگـتـي الرسـول وگـرت الـعـيـن
يــا دار الـوحــي بـيـمـن تـزهـريـن
اصـدلّـچ مـوحـشـه ومكدرچ البين
عگـب راعي الرساله الـثـبـت الدين


يـالـبـابــچ گـبـل لـلـنـاس مــفــتـوح
والمحـتـاج مـنـه بـحـاجـتـه ايـروح
سـلـوتـنــه يــدار الـهـادي بـالــنــوح
وعگب المصطفى عاشـرنـه الجروح

                                         *---------------*---------------*

✍ خادم الحسين ع
الشاعر رعد الجريخي

لسان حال الزهراء بعد فقد رسول لله


عـلـى بـابـي لـيـالـي الـسـود.. وچان
وبــعــد مـــا تـبـرد الـنـيـران.. وچان
مـشــه عـنـي عــزيــز الـروح.. وچان

أبــوي وخــيــمــتـي وفــيــاي الـيــه

                                       *---------------*---------------*

✍خادم رسول لله ع
الشاعر رعد الجريخي