البحر يم علمك حبر من قلمك

علم ما يخلص ما يخلص من ابقه احسب

الشعر ظل حاير يااشعر شاعر

تهت بخيالي وابالي اي فكره اكتب


تركت افكار حكم واسرار

*************************

شكتب نقطه في بحر شعري امامك
ابفكري يا صوره انه تلائم ولامك
اصفى انته من الذهب والدر كلامك
اعله انته من العرش حيدر مقامك

بصفه معروفه حكمت الكوفه
عشت متواضع متواضع ياسيد الكون

صديج لقنبر فلا تتكبر
عشت متواضع متواضع ياسيد الكون

اخو المختار حكم واسرار


*****************

سبحان ربك خله بيك انته خصاله
المعبود كضيت العمر تهوى وصاله
قران ناطق تمشي بحروفه وكماله
خسران اليعوف العثك ويدور اسلاله

نذرت احلامك واعز ايامك
نذر للباري للباري وبشوكه هايم

اثر محرابك وضلع يم بابك
نذر للباري للباري وبشوكه هايم

عدوك حار حكم واسرار

*****************

هنيال كلمن بيك اصبح عقله مجنون
ممنون التقبل عنه خادم هو ممنون
مكنون شكو عند الله سر بيك انته مدفون
العيون كون الما تشوفك تعمه العيون


تظل الاول خليفه معدل
غشيم الاول والثاني خلوك رابع

يعالي صيتك وصريفه بيتك
غشيم الاول والثاني خلوك رابع

يبو الفقار حكم واسرار

*****************

لولاك جا ماظل بشر يسمه انسان
حيدر تماشيها بسلامه كل الاديان
منك ما تبدر يحيدر زلت لسان
معروف ما تمشي السفينه بدون سفان

اليمدلك جفه تردهه كلفه
خبز تشبعها تشبعها الجف التمدلك

يافقر حاكم تشبع الوادم
خبز تشبعها تشبعها الجف التمدلك

تشبع الجار حكم وسرار

*****************


الشجره لتفي لهلهه كل عمرهه
بحجار تجازه التي انطت ثمرهه
لوشح بنادم لا يهزها ولا يمرهه
انته الشجره الله بس يعرف گدره

يباب التوبه الك مكتوبه
قسيم الجنه الجنه المفتاح بيدك

فقط ليحبك يفوت بكلبك
قسيم الجنه الجنه المفتاح بيدك

وقسيم النار حكم واسرار

*****************


اليتام بعدك ياعلي ظلوا يتامه
بعدك عليهم من يمر برد وسلامه
اليتيم بس انته فقط تفهم كلامه
لو طاح عشها حيدر اتيه الحمامه

منو اليضمهم ومنو يشبعهم
علي من غيرك من غيرك ساعه يمرهم

منو يدللهم وعلي يصير لهم
علي من غيرك من غيرك ساعه يمرهم

اليجي خطار حكم واسرار

*****************

بابك احنه اندگه من تمرنه شده
حاشاك انته الماترد خالي اليگصده
مشهود حيدر ما خلف وي شيعي وعده
بحساس تنطي الحاجه جنك منطي ورده

اليجيك بحاجه توقع افراجه
يرد الاهله الاهله والحاجه بيده

اليطيح ابشده تفكله العكده
يرد الاهله الاهله والحاجه بيده

يفرح الدار حكم واسرار


نسألكم الدعاء
علي حسين المياحي

طالت يروح الزهراء
اداء احمد الحمايلي _محمد الدلفي
#كلمات_علي_حسين_المياحي

https://youtu.be/CufsVzFbVNo
المشاهده الكامله اظغط على الرابط ⬆️⬆️⬆️⬆️⬆️⬆️

#هيئة_عشاق_العزاء
العراق واسط ناحية شيخ سعد

https://youtube.com/watch?v=CufsVzFbVNo&feature=share

الليلة الاولى

حسين. حسين. حسين

جانه محرم مستعد ياخذك رايد مني
يعني اطلع اني مجتفه لو درت وجهك عني
كلما اصداً للسمه گلبي احس يوجعني
ما جنه لهلال اليهل. رايح يهل جن ظعني

حسين. حسين. حسين

**********

ما اكدر اتصور ابد اكدر اعيش بدونك
كدامي باجر تنذبح وتسحك الخيل العيونك
ينباك باجر خنصرك ومن ثوبك يسلبونك
تلهم تريد بصايتك والوادم يطشرونك


حسين. حسين. حسين

**********

تعبانه من طاري السبي تلجمني حيل جروحي
كون انه ما اطلع سبي. اتمنه اتطلع روحي
من زغري مكسوره عشت. وانه عله هذه نوحي
يذبحني باجر جم شمر. لو صبحت مذبوحي

حسين. حسين. حسين

**********

ضعفان وجهي من القلق شيصير باجر بيه
بين الشماته والزلم بالسوك اطب محنيه
علناكه اموتن محتمل لو صاحوا المسبيه
ينشاف طولي الما جنت اسمي يمر طاريه

حسين. حسين حسين

**********

من طبع اليوادع اخو يبرد وجدمه يثگل
من كلمن يروح درب علعشره يقره المقتل
مو سهله تاليت العمر عليه الشمر يتمرجل
كلساعه من فوك الهزل اوكع انه من المحمل

حسين. حسين. حسين

**********

الدنيه والطف والشمر متحب تره تجمعنه
وشما يفر بينه الزمن. يم كبرك يرجعنه
يرجعنه بس من التعب. يسولف عتب مدمعنه
الشام ما قصر ابد. سب وشتم سمعنه

حسين. حسين. حسين

علي حسين المياحي

الليلة الاولى

القصيدة الاولى ( القصيدة بحق الخدام )

يلتخدمون....لالا تهمون
كلشي هين والاهم ترضه الزجيه
***********
بهيجي دنيه العيشه يالخدام صعبه
لايهزكم حجي المامأمون دربه
اليكلكم انتو بالمجتمع غربه
هذا حب حسين ماداخل بكلبه

هو خاسر.....وانتو الأكابر
كلشي هين والاهم ترضه الزجيه
*********
هو منهو اليسوه ونقدمله خدمه
الخدمه ثوب امفصل لشخص ابو اليمه
هواي اكو لمات بس ياهيه أسمى
تره بس لمة المجلس خوش لمه

يشهد الله ....أم زينب هنااا
كلشي هين والاهم ترضه الزجيه
*******
صيحو ننحب حته لو عدهم مننحب
خل يكرهوكم اليكره مو مهذب
الوادم يشوفونكم من غير كوكب
لان كضيتوهه تبجون اعله زينب

يالنشامه....الدمعه كرامه
كلشي هين والاهم ترضه الزجيه
*********
فاطمه اتحب الذي صاين لسانه
والتحبه فاطمه سيد زمانه
الخادم بكلب الزجيه اصبح مكانه
والحسيني عدل ميت عالي شانه

والميقبل....أدعوله يعقل
كلشي هين والاهم ترضه الزجيه
**********
سدو أذنكم من تسمعون الملامه
والإساءه قابلوهه بإبتسامه
الملتقى وياهم بيوم القيامه
هناكه راح ايدنكون الكم الهامه

والموازين....بيد ام الحسين
كلشي هين والاهم ترضه الزجيه
********
الناجح يريدونه يفشل شوف بالعين
الطيب يأذونه وانتم ناس طيبين
أي وحك الوينهه ووين الدواوين
كلشي يتحمل اليمشي بدرب الحسين

صيحو لبعيد.....فل يسقط ايزيد
كلشي هين والاهم ترضه الزجيه
******

علي حسين المياحي

الليلة الثانيه

(القصيدة بحق الامام الحسن ع)

ماتت ذيج الضحكه الحلوه. رايح وين
وبلا خوه الدنيه شتسوه. تعوف حسين

عالاخو صعبه يظل مكسور خاطر
فراكك اصعب عندي من دوس الحوافر

*********

ليش مغمض عيونك اكعد ياخوي الزين
صعبه من علي ينكال خالي ظهره ظل حسين
تقبلهه اظل وحدي ما كتلي اني اروحن وين
تدري بطيحتي بجفاك طيحت دمعه من العين

جناز امشي راح بهمي. ياخويه
ورجع وحدي بدون ابن امي. ياخويه

شلون ادفنك بيدي والله شلون حاير
فراكك اصعب عندي من دوس الحوافر

*********

ظهري وخاطري مكسور فكدك مو سهل عندي
بس انته الجنت وياي دنيه واكفه ضدي
الايد الوحده متلاوي عسكر من اظل وحدي
موتك تستغله الناس ويدوس الحافر بخدي

لطف طلعن هسه جروحي ما مرتاح
وي روحك لو تطلع روحي. ما مرتاح

يوم فكدك خويه جنه يوم عاشر
فراكك اصعب عندي من دوس الحوافر

*********

طاحت خيمة الخوان وذيج السالفه الحلوه
راح ادفن حلاتي وياك وبقى اذكر الخوه
ليسلم گلبه للدفان عنده الوادم شتسوه
يرجع والجروح هواي يدور للكسر تجوه


اليفكد غالي يظل اباله. هذا احساس
كلما صد يشوفه اكباله. هذا احساس

يشوفه بگلبه حتى لو تعمه النواظر
فراكك اصعب عندي من دوس الحوافر

*********

اول مره بالديوان ادلالك والكرم بارد
نارك تطفه ما معقول بطبعك هذا ما وارد
مضيفك من تجيه ضيوف واحد يسأل بواحد
اليتلكه بهلا اعله الباب شعجب بمضيفه ماكاعد

تقبل ديوانك علوادم. ينسد راح
بي واكف جنت ومتحزم. ينسد راح

بحجيك الدافي وعزوتك جان عامر
فراكك اصعب عندي من دوس الحوافر

*********

عمامه وصايه من عندك. يظلن راح للذكره
ويوميه انكعهن بدمعة عيني الحمره
للطف ردت اخذهن. يضنوة فاطمه الزهره
بس خافن يسلبوهن. لو ينداسن بعشره

باجر تتسلب احبابك بيد اعداك
وما اريد يسلبون ثيابك. بيد اعداك

فرق خمسه تجتمع فوكي العساكر
فراكك اصعب عندي من دوس الحوافر

*********

من انته جنت وياي بخير وكلشي ما بيه
تدري الشيب من يوصل ياخذ عمر راعيه
الذبح باجر يتانيني وروحي حيل مكضيه
ما يسلم اخوك حسين والشيبات مدميه


اليوكع ممكن يرجع يوكف. تشيله الناس
بس اني من اوكع بالطف. بلا عباس

وحدي اظلن تطعن بجسمي الخناجر
فراكك اصعب عندي من دوس الحوافر

علي حسين المياحي

الليلة الثانية

( القصيدة بحق صاحب الزمان عج )


الك مشتاك انه هوايه
اريدن منك حجايه

بدونك روحي صحره. اشوفك ولو مره

*********************

يبن الحسن طال البعد وبينت تجاعيد الزمن
مني الامل ياخذ عمر بيه لحك شيبي وفطن
اني بوطن ما مستقر جني اعيش ابلا وطن
يمته ترد ياموطني بس جني ما اشوفك اظن

انه امنيتي تفك قيدك
وكبل موتي ابوس ايدك

تطفه بكلبي جمره. اشوفك ولو مره

*********************

شاعر واسولفلك جرح. شوكي الك بين شعر
مشتاك الك ابكد علي ما ينحمل مر الهجر
كلبي يون من السفر. ونبضاته بيدك تستقر
غبش عله جروحي دوه غبشت ندى وكت الفجر

الهجر غيم انه بروحي
ملح تمطر عله جروحي

بغيابك دنيه مره. اشوفك ولو مره

*********************

ضايع انه بوادي الحزن رغم الشمس ماكو صبح
هجرك جرح فوك كلب مثل ملح فوك الجرح
الطير اليعاين علسمه منه الزمن كاسر جنح
شما اذبل عمر الورد يفرح تره بشوف الفلح

منو اليفهم انه قصدي
وانه هجرك عبر حدي

النفس كوه اجره. اشوفك ولو مره

*********************

بين العوالم سافرت وشفت بخيالي اشكد صور
حتى انه لطف رحت وحتى سألت عنك نحر
كتله شفت غايب الي كلي شفت محني ظهر
شايل طفل ينزف حلم صد بي عله صوب النهر

طفل شايل ذبل لونه
وندي غافي عله عيونه

ودمعته حسره حسره. اشوفك ولو مره

*********************

بيك اسمعت يم النهر. انه ويه يكلبي اتسابكت
ردت اوصلك كبل الزمن لجن تعثرت وطحت
شنهو الذنب يبن الحسن. بس شوفه منك هالردت
كمت وصلت اني النهر كلي النهر عنه رحت


الهوه شمات انه بريتي
متى ترجع يعافيتي

عليك العين حمره. اشوفك ولو مره

*********************

من الخيال اني ارجعت خايب امل ماينوصف
اسمك لون يمي انذكر اتلوع اني ابكل حرف
ماي الفرج شو ماجره مو يابس بروحي الجرف
يمته اشوفك سيدي واستجدي من كلبك عطف

يرد بيه العمر غالي
وانه بجيتك دمع خالي

وتصبح روحي خضره. اشوفك ولو مره



علي حسين المياحي

الليلة الثالثة

طالت وگفتي بعتبتك ياباب
ايدي اعله خدي انتظر لحباب
تغيب الشمس وحبابي هم غياب

*************************

من سافروا عني الاهل وحدي بقيت ابداري
خطار ما سير علي. بس الدمع خطاري
النار تاكل بالحطب وبكلبي تاكل ناري
كل جار ما ظل من مشو بس الحزن ظل جاري

خوف ودمع وحشه وظلام البيت
التمن عليه ابوحدي من ظليت
كل هذه ما شاغلني من حنيت

*********************

ياليل هذه الما يمر. وبدمعي ما مسبيه
حيل اني اموت من البجي وماماتت الحنيه
كل حيل ما ظل بالجسم. حتى اعين البيه
علكومه اني بيا علي. انخه اشكثر رجليه

حيلي مشه وماظل بعد كل حيل
وشنطي بعد لمن يمرني اليل
بضلوعي رفسه جن احس للخيل

*********************

جرح الهجر ما ينسي. كل لحظه ذكره تلجمه
اهناا كعد شفت الابو وهنا مجان العمه
اعمه يعيش الينتظر ظلمه تدفعه اظلمه
اتلاگه يمته بوالدي. وصدري اعله صدره يضمه

كلمن يوديني اشوف حسين
ابشاره انطي عيوني اله لثنين
شوف الكلب لا ما تحجبه العين

*********************

احلامي كلها امطشره. سنين العمر مهجوره
وامتانيه خيط الامل. ومكابله القاروره
دم اصبحت يعني الخبر بالطف دمه مهدوره
ابالي حسبه من اجت. مذبوحه اجمل صوره

صورة حياتي بيها ما ظل روح
راسه ابويه من الكفه مذبوح
جسمه صبح فوك الجروح اجروح

*********************

الطفله التعيش ابلا ابو شنهو الحلو بعيشتهه
من تشوف طفله بحضن ابو وحضن الابو بحسرتهه
مهضومه تنزل علوجن دمعت فكد دمعتهه
من تفكد الطفله ابو تفكد تره ضحكته

كل طفله تلكه عدها هذه احساس
من يموت ابو يموت الورد والياس
متعوضه عدهه كلها هاي الناس

*********************

كل العشتهن فدوه اله. بس فدوه مو لغيابه
ودعني لحسين ومشه. ردّت حزن رد بابه
يوجعني كلبي من يدك. بالنبض صار صوابه
من شتاك ادخل حجرته. وعطره اشم بثيابه


الدرب الخذا لا ما يرده اردود
وعله الشريعه هم اظن مفكود
بجفا لبست هدومي اني الاسود


علي حسين المياحي

الليلة الثالثة

غريب وداعه وياي
حسسني اليتم جاي
ودعته بسلامه. بحساس اليتامه

وكتله اشتاكك اهواي

****************************

ابويه سافر ابعيد واحس ما يرد اليه
يعصر كلبي الفراك عصرت مغربيه
بين اربع حياطين اكعد بالزويه
انعه وابجي واشتاك ونشغ للمنيه

ذكره اتظل بالعيون. صوره من اليروحون

اخلص ليلي بيها. ابجي بس عليها

لحد ما تغفه الجفون

****************************

باول خطوت افراك ودعت السلامه
حسسني اليتم جاي بحساس اليتامه
بين دموعي والراح متمر البتسامه
مشاعر فكد الحسين مثل يوم القيامه

يفرحني خبر سار. ابويه يرد لدار

وما تبقى بوجنتي. اثار الدمعتي

يحله ابوجنتي صار

****************************

عليله وكلبي مجلوم كسر جنحي زماني
باول لحظت اوداع ودعت الاماني
راح الفرح من راح وبس الحزن اجاني
حمامه وعشي مفكود. وبحيره رماني

بين دموعي والناس. صعبه يعيش الاحساس

مثل كلب الحمامه. تجرحه البتسامه

طفله وشيب الراس

****************************

غريبه وحدي بالدار تاخذني اديه
ترسم صوره علباب تشبه جن رقيه
اشكي الها الفراك سفرهه اسوه بيه
الصورة تبجي وابجي من الحزن العليه

امسح دمعة العين. وكلها اشلون الحسين

مشتاكتله اني ويريده حناني

غيايه يدوم ليوين

****************************

عليلة بغير ابويه وتزيد العله عله
عمري بلايه الحسين ولا اشوفنه يحله
الخله بسمه بالروح دمعتي بعيني خله
الفارك المن ايعيش لو سافروا اهله

انسه مكاود الايد. دلالي سافر ابعيد

شلون اكضي حياتي. ومو يمي خواتي

دمعي ادري شيفيد

****************************

مريضه وكلبي مشتاك وهمومي ثكيله
الكسرني مرضي وحسين ولا عندي وسيله
ثوب بروح ضليت مثل ورده نحيله
حتى اسمي مرضان صار اسمي العليله

عليله وحدي ظليت. اني ومرضي بالبيت

رهم جنه عليه. المرض لازم اديه

اني هواي حنيت



علي حسين المياحي

الليلة الرابعة
( القصيدة بحق مع ام البنين ع)

ييمه شوفي. كطعت اجفوفي

نذر للغالي. للغالي. والماي يشهد

وصحت للبين. يعيش حسين

*******************

معروف. الاخو لو لزم ظهره يريد اخيه
من صاح. بجفوفي اخسفت سابع وطيه
لحسين. وافيته ييمه بدم اديه
احمي. من جنت بظهر حامي الحميه

جبيره جروحي وفيت بروحي

العمر. مو غالي. ما بالي لحسين فدوه

وشنو الجفين. يعيش حسين

***************


ورباج. انه مخلي جنت حسين بالعين
حراس. حتى رموشي خاف يمره اي بين
دمعي. ماي حسين صار جفوفي جرفين
ماعاش. حي انه وشمر يدنه للحسين

انه تربيته. وحك خاجيته

الهوه. لو غثه. لوغثه. بنفاسي اخنگه

اخوي الزين يعيش حسين

***************

فدوه. اني الصار بيه والجرالي
بلاماي. ارد شلون اني الراده غالي
ذبيت. جفي اعله النهر من شفته خالي
رايد. يم حسين يبقه راسي عالي

انه تعرفيني. هديته عيني

المهم محبوبي. محبوبي. العينه تسلم

فداهه العين. يعيش حسين

***************

عباس. انه الما ضكت طعم الخساره
للان. كبل لا فوت وكلب اي معاره
لحيدر. اقره الفاتحه وانوي الزياره
ما زال . يشتبهون بيه وبفقاره

اظنه حيدر. يصيح العسكر

علي من سيفي. من سيفي. ما ثني ضربه

تعد سيفين. يعيش حسين

***************

بالجود . كبل لا طيح انه وللخيم جاي
الحسين . شفته من بعيد يريد ملكاي
وفجئه . طاح اعله الارض من طاح يمناي
بفركاي . مشه الشيب بلحيته مشيت الماي

صحتله اعذرني. السهم صوبني


بعد. ياخويه. ياخويه. هذه ختامي

اثبتت للشين. يعيش حسين

***************

صعبه . يذبح ابن اخيته من الكفه الخال
يتركه. عاري اعله الارض بي تجوي الرمال
واصعب. من هذه الحصل يايمه بلحال
يامر. اريد اتمزكوا العباس اوصال

فلا خلوني. اجو كطعوني

الجسد. ما همني. ما همني. لحسين انادي

وفيت الدين. يعيش حسين

علي حسين المياحيى

الليلة الرابعة
( القصيدة بحق ام البنين ع )

مشتاكه اشوفك بيه يدري اليل
وانه اعله هجرك بيه ماضل حيل
يالذكرياتك شوفني الويل

*****************************

من سافرت حيلي انحنه وجفي كصر يلعالي
عمري انه ما فاركت هيج اليفارك الغالي
مو بيتك الخالي فقط كلبي من عندك خالي
من ودعت وجهك تره كل وجه ما يحلالي

يابوكلب ما صبحت مصباح
اله اعله وجهك والكلب يرتاح
عني رحت وكلشي بعدك راح

*****************************

امك انه وام الكمر يبني شكبر منزلتي
ام وامشو عنها الولد شتتصور بعاطفتي
جنت من اسولف بس الك تحله احس سالفتي
سأل انه روحي تره. بغيابه هم كابرتي

منهو اليكابر وانته ذاك احسين
فركاك علي امبين من العين
يابو رقيه الكه مثلك وين

*****************************

جلماتك الحلوه بعد بيهن اسمع اذني
كل ظني ليسافر يرد بس ما ترد شو ظني
يكسر الخاطر والكلب بجفاك صاير وني
اخر ولد من فاطمة واخذتك دنيه مني

يمه اسمعت ثاني الشمر فوكاك
جا ما خذتني حتى اموت وياك
بين الحوافر حتى تضيع هناك

*****************************

بيك اسمعت باخر نفس من عسى لا ظل عمري
جم حافر بصدرك رفس. ويشتم هوه شو صدري
بظهرك جوي من الرمل. واني علي في ظهري
بمنشاره من حز منحرك. الشمر ما حز نحري


كل هذه بيك ويمه ما عافوك
جا همه حتى من الهدم سلبوك
طبره اعله طبره علارض وذروك

*****************************

يابو رقيه وداعتك. من المرض مكضيه
طفلة حياتك والعمر. من الاذن مدميه
هاي العزيزه اعله الكلب. منها اسلبو ترجيه
روحي انسبت من اسمعت طفله مشيت مسبيه

لا ما تجي بيقضه ولا احلام
زينب مشيت ابلا اخو لشام
بسوك المزاد انباعو الايتام

*****************************

وصيته كتله انه الكمر بالك احسين اتعوفه
ما قصر وياك الكمر علنهر ذب اجفوفه
كلك اخي بهايه فقط من رحت انته تشوفه
جرح الكمر صاحب وفه من الصعب اخ ايروفه


مثل الكمر لا ما يجي بالكون
انطاك ادين وجبهته وعيون
فدوه الكمر لعيونك وممنون

علي حسين المياحي

الليلة السابعه

اخوي لكيته اعله النهر متبدي كل عطره
اخوي الما عنده اخو بيمن يشد ظهره


****************

الماعنده اخو مبين تره يتلفت وظهره خلي
ميأمن بمكفاه بعد خاف اعله غفله ينولي
مبين علي فاكد اخو كسر الظهر ما ينجلي
علسيف اتجه كمت مو ذاكه حيلي الاولي


اموت. كلما اني اصدله اوكع بعثره
اخوي. الما عنده اخو بيمن يشد ظهره

************

من شفته طايح عالنهر. كلت الكمر لا ما سلم
ذاك الوجه صاير جرح وعيونه تنزف كلهه دم
هوه يفز واني افز. كلما اكض بيدي السهم
كلما اجر بيدي السهم. اسمع صريخ من الخيم


اخاف. اني من احضنه يلجم نحره
اخوي. الما عنده اخو بيمن يشد ظهره

************

الشمس والحر والعطش بينن عله وجه التعب
مو ذاكه لونه الاولي صاير مثل لون الذهب
ولساني جمره من الضمه. مايكدر يسولف عتب
واعذرني خويه لن شفت. عالرايه من دمه كتب

قريت اعذرني يخويه جفوفي منبتره
اخوي. الما عنده اخو بيمن يشد ظهره

************

افرشت جوا صايتي ودنكت بسته بمنحره
كمت وعله وجهي طحت خدوده شفتهه معفره
الحاجب عله عيونه نزل والهامه كلهه مطبره
وهنا شفت شيب ودمه وهنا ضلوع امطشره

شلم الشكبره كمرنه صاير ازغره
اخوي. الما عنده اخو بيمن يشد ظهره

************

رديت شايب للخيم خليت عمري اعله النهر
تلكتني زينب بالدمع شافت اديه اعله الظهر
كتلهه جايب دم الج بردني بقه من الكمر
ايسي يزيب ما يرد عباس لميته وذر

يعود. ايسي يالوديعه اعظامه متكسره
اخوي. الما عنده اخو بيمن يشد ظهره

************

من هجمت خيول العده كصدت الي مستعجله
زينب من الخيمه طلعت رادت تلم العايله
صاحت يبوفاضل عدل لحك تره حسين انوله
يحتار المن يلتفت. وبعيونه ضاكت كربله

تصيح. الحك خويه داست خيلهم صدره
اخوي. الما عنده اخو بيمن يشد ظهره


علي حسين المياحي

الليلة الثامنة

قصيدة الامام القاسم ع

حني يمه جف اديه. حتى اروحن للمنيه

عرسي يصير بالطف احلى لعراس
وخلي بعرسي كلها تسولف الناس

**********************

ييمه اليوم يومي انتي فرحيلي
دمعج من اشوفه ينهدم حيلي
لدمعج انطي ظهري شلون ياويلي
ابوس ايدج ييمه بداعتي دعيلي

حتى الله يسهل امري. دون الحسين انطي نحري

ويمشي الرمح بيه رافع الراس
وخلي بعرسي كلها تسولف الناس


******************

ييمه رفعي راسج ونج اذاني
فرحي وخلي حرگه تموت عدواني
بخيمة گمر هاشم ناسنه تاني
تنطرني المنيه لعقد قراني

الحاضر الموت المسيه الغايب تضمني الزجيه

بيده للمنيه يزفني عباس
وخلي بعرسي كلها تسولف الناس


******************

قسمتي يمه هايه وعشك دلالي
اليريد الغالي لازم ينطي شي غالي
ترضين الرمح لو مني ظل خالي
وبين الرووس راسي اني موعالي

ادري ترديلي الشهامه. يلا ودعيني بسلامه

وماخذ منج امشي زود واحساس
وخلي بعرسي كلها تسولف الناس


******************

ييمه دموع ابو السجاد اذتني
وانه من انصاره هيج الزهره حسبتني
على زفتي اذا فاطمه سالتني
اكلهه وي عمامي امي زفتني

ومن تمر زفه بغيابي. يمه ذكريني بشبابي

واذكريني بصواني الشمع والياس
وخلي بعرسي كلها تسولف الناس


******************

ييمه رايد اني رضاج وي حلمي
راسج ينرفع بيه اني يا امي
هدم العرس لونه يصير من دمي
وكل عريس اخلي يسولف باسمي

الرايد الله يرفع اسمه. ترضه عنه كون امه

مثلي شلون عندي رضاج نوماس
وخلي بعرسي كلها تسولف الناس


******************

بقت بلساني جلمه بخت يابختي
واذا ضمهه احس ماتنبري ذمتي
الوكت مابي امان وانت خو شفتي
ييمه خلي بالج فدوه ويه عمتي

مدري شنهو اللي تشوفه. بس وجهه اصفر اشوفه

واحنه اعله الرماح نصير حراس
وخلي بعرسي كلها تسولف الناس


علي حسين المياحي

الليلة الثامنة

( القصيدة بحق الامام القاسم ع )

يجسام بالرؤيه جن..شفت الحسن..للطف حضر يجسام
جاب الك حنه ونشد****آنه عندي جم ولد...يجسام

************************

ارد اسولف حلمي يمه شفته والحال ابتسم
جن ابوك ويانه حاضر يوم البعرسك عِلم
جنه ملتمين كلنه والفرح مالي الخيم
وأغله ماعنده ابوفاضل جابه ونطاك العلم

يكلك...تستاهله...ظل شايله...وزادك فخر...يجسام
وجفي بالرايه عكد****آنه عندي جم ولد...يجسام

*****************

جان مالي العشك عينك مستحه بيك اشكثر
وجن هديه انطاك عمك إغله من ذاك الامر
حسين كلك عكب عمك انته حماي الخدر
ابن اخوي انت واعرفك تكرم لزينب عمر

ابن من...واستغربك...شو والدك...أكرم نهر..يجسام
عالحسن طالع بعد...آنه عندي جم ولد...يجسام

********************

هوسه هوس شفت الاكبر ابن عمك مبتسم
هذا يمه حزام ظهرك حين للحومه تهم
رسّه مابيهـ لخواله شوفه ألمن بالعزم
بي ثلت لحسين اشوفه وثلث عباس الشهم

للحسين...أسمي اريد...أم الشهيد...انطي النحر...يجسام
فدوه للواحد أحد...آنه عندي جم ولد...يجسام

********************

يمه يابستان تعبي مشيتك تنكط ورود
ابوفاضل روح يمه وكله عمي انطيني جود
وتره ابوك يكلي رمله مو أوليدي المايجود
كون اسمع خبر عنك كطع الزينب زنود

أسميك...شيخ الورد...يلا استعد...تترك أثر...يجسام
ياحمامه ويااسد...آنه عندي جم ولد...يجسام

********************

من نزل جبريل يمنه علجنح شايل امل
من طرف خيمتنه شفنه يبارك لعمك نزل
ال هاشم صيت عدهم للعرش صيته وصل
الوحي ما شايف مثلكم وانتوا اصغركم فحل

علي وياك...لو نازلت...لو هوست..ليك النظر...يجسام
أويالحسين إعله العهد...آنه عندي جم ولد

********************

يمه حلمي بشاره صار وانته هذه الي تريد
من هداك الرايه عمك يعني تكطع ليهه ايد
وهوسه الاكبر بعرسك يعني أزفنك شهيد
الحسن من باسك بنحرك يعني ينحزلك وريد

أشارات...وضحن الي...بس وعلي...جفي انعصر...يجسام
يامه هزالك مهد....آنه عندي جم ولد...يجسام


علي حسين المياحي

اليله الثامنه

قصيدة الامام القاسم ع

وياك ما خذت الگلب
وياك جاسم للحرب

رايح شبابك

******************************

من رحت جسام عني عمرك الظل اعله بالي
ما شفت شي من شبابك بعدك بعازة دلالي
جفك الينكط محنه بعده من الحنه خالي
وانه ادري الزمن ياخذ شكو انسان بكلبي غالي

الشموع طفاهه الهوه
وحسيت. ما نرجع سوه

رايح شبابك

**************************

يبني ياجسام رادت روحي تطلع وي طلعتك
جفوفي ما قبلت تحلك بيها من اني حضنتك
ما ردت سيف اني بيدك ردت بيدك كون حنتك
جانت امنيت حياتي تفرح امك يوم زفتك

ما صار. بخيمنه الفرح
واسمع. عريس انذبح

رايح شبابك

**************************

من اجاني خبر موتك يبني هد حيلي شبابك
حنتك محضرتهه امك شرد اكله اني بمصابك
شلون افهمها يجاسم صبح حنتك دم خضابك
يبست الحنه اعله ديها متانيه ترد من غيابك

عرفت. من عيني الدمع
كالت. ميموت السبع

رايح شبابك

**************************

روحي مختنكه اجيتك من شفت ما بيك جيه
يبن اخوي اني اجيتك ردت اشم ريح الخويه
هذه حكي من الخوه الجنت عايش جوه فيه
من الحسن بس انته ردتك والله مو مالت منيه

بس كوم. انطيك العمر
وخلي. يذبحني الشمر

رايح شبابك

**************************

احسب ابعمرك ثواني وجنت اشوف ابعيني تكبر
جنت اشربك ماي عيني مثل ما شربت الاكبر
اني ربيتك بديه وصعبه اعيش بدونك اكدر
يعني من اتموت ارجع محني ظهري وجدمي يعثر


ذابل. جن غصن الورد
وياي. ما جنك ترد

رايح شبابك

**************************

انه اخر واحد ابقه لا معين ولا مناصر
لا اخو يحميلي ظهري ولا ابن اخ اليناطر
وحدي اظل ابمهري افتر تجتمع ضدي العساكر
الشمر يكسرلي ظهري لجن يكسر لختي خاطر


ينحز. راسي من الكفه
وزينب. تمشي مجتفه

رايح شبابك


علي حسين المياحي

الليلة التاسعة
الامام علي الاكبر ع

ممكن يرجع طير لعشه من يودعه
بس موادع ابني الاكبر ما بي رجعه

بين كلشي من عيونه. نظرات افراك

*******************

من عيونه كلشي تفهمت وانكسر حيلي وكلبي
مدري الكبر بين علي لو من تعب كمت احبي
تعبانه جبت انه العمر. وشلون انطي تعبي
كبل السبي اني اعرفت فراك الابن هم يسبي

لوما شوفه كل صبحيه ما عيش اكدر
كل مصباح براسي وجفي يحبني الاكبر

لا ما حبهه العيشه بدونه. نظرات فراك

*******************

اكره شكو فكرة سفر. وما حب ابد طاريه
الياخذ من عيوني علي. ما عنده كل حنيه
الشمر ما عنده گلب. ما رحم كلش بيه
الطف كضاني من القهر ودموعي ما مكضيه

الطف ياخذ من عيوني غالي بغالي
انه شبيدي غير الدمعه والجف خالي

راح ابني ومتغير لونه. نظرات افراك

*******************

اتمنيت اموت ولا يجي. ميت اشوف الغالي
من سرج مهره للحرب. خوفي سرج بخيالي
بين الخيول ازاحمن جم حسبه داست بالي
شمتوقع يردلي علي يردلي المهر بس خالي

بين الخيل وزحمت بالي ضاع من ايدي
روحي تفرفح ياهو يجيبه لحضني اوليدي

الرايح الهم ميردونه. نظرات فراك

*******************

كاتب عله جبيني الوكت مكسوره اعيش ابدونه
العيوني صارتله مهد حسره اشوف عيونه
ليش الالوليله عمر ما ادري هسه شلونه
ابني انه مو للتعب والوادم يتعبونه


محد يعرف ابني الاكبر واحد يكدر
الاكثر مني يعرف روحه بس الاكبر

بس ما ادري هسه شلونه نظرات افراك

*******************

احسين اجاني لخيمتي بجفوفه لازم ظهره
كلي اجه ابنج علي واني كمت مبتشره
كمت وعله وجهي طحت لمن شفت دم نحره
ضلوعه شفت متشابكه والخيل ساحك صدره

ما ميزته هواي تغير من ارسومه
بس عرفته من شتميته عطر هدومه

الكبرته لشيبي يموتونه نظرات افراك

*******************

من اكعدت يمه شيبت كلساعه افتح عينه
بلكت يشوف امه ويفز ظليت احب جفينه
العمرك بعد يمه وكت ما واصل لعشرينه
عاوني خليني ارد ابجيتك افرح اسكينه

ما تتحمل اختك سكنه حيل اتحبك
صاحت گلبي من الخياله داست گلبك

لجموا گلبك بس لجمونه. نظرات فراك

علي حسين المياحي

الليلة التاسعة
القصيدة( بحق الامام علي الاكبر ع )

ربي ادعيك بصلاتي. عن ابويه انطي حياتي

حتى من اموتن بالي مرتاح
ابويه الهن خواتي يعوض الراح

***************************

يربي ادعيك اني بصدق وجداني
اني ارجيك موتي بطلبت لساني
حتى لو اموت وبعدي شاب اني
لجن احفظ ابويه خيمه لخواني

من عسى عمري اعله عمره. ونحري ينحز يبقى نحره

بصدري الخيل خل يدوس دورين
ولا اشوفن يدوس بصدر الحسين

***************************

انه اجواء الحسين اكبالي مرسومه
انكشف ليه الغطاء اوضحت علومه
اشوف حسين طايح سلبوا هدومه
ورقيه من ابوها تبقى محرومه

وبالهوه سهم المثلث. شفته عن عبدالله يبحث

يضحك لسهم وبنحره لاكا
اجه ابطوله السهم وتحاضن ويا

***************************

صوره جاي اشوفن اقسى من صوره
انه كبالي اشوف اجفوف مبتوره
وجربه تبجي ماي بشمس مشموره
وماتت ما سكَت عبدالله مقهوره

تنقذ اتمنت حياته. ويوصل الماي لهاته

كبل موته وصلها الموت عناي
وطاحت من جفوف الما شرب ماي

***************************

انه شفت الكفيل اجروحه مزدحمه
وجم جرح بجرح من الهوه يلجمه
عمه عينه السهم وابلايه كل رحمه
وما هم اعله روحه لخته كل همه

جانت امنيه الوحيده. يترس الماي العضيده

يرجع جان ظنه يفرح الايتام
لجن عطلت رجعته طبرت الهام

***************************

كضت روحي حياتي وماهي مكضيه
بدمعي جاي اشوفن تركض ارقيه
طاحت بيد واحد جنها مسبيه
جرها من اذنها وسلب ترجيه

زينب ادور عليها. ضاعت ارقيه من اديها

الشمر ما خله طفله لها اثار
ادور عن رقيه ابين الزغار

***************************

القاسم والعرس وشموعه والحنه
ظلن من مشه يتانن فرح منه
تسأل زينب امه بعرسه اتهنه
دكلها هناكه عرسه يصير بالجنه

احلي عرس يصير عدنه. هناكه ملتمين كلنه

الحسن بيده يزفه رفعت الراس
ونزين الجنه احنه بورد وبياس




علي حسين المياحي

الليلة العاشره

( القصيدة بحق الطفل الرضيع ع )


نحرك الدامي وكلبك الضامي
هيج اللامي يبني ا يبني


******************

دللول الولد يبني دللول
ذباحك هضم امك يمدللول
هسه انته الذبيح الساكن الجول
وذباحك ييمه يصول ويجول

عاريه جثتك عل رمل عفتك

ذابله شفتك يبني أ يبني

**********

ياهو بالمهد عكبك اهزبي
وياطفل الاشيله العندي اناغي
احسه يروح همي من احاجي
ينام بحضني بعدك منهو اخلي

طفت بعيوني شعمة اضنوني

بيك لوعوني يبني أ يبني


**********

يمه بأيد ترفه من يغسلوك
خافن من يغسلولك يلجموك
تبجي تريد امك ما يسمعوك
وحيد الكبر اظلم ليش دفنوك

كون دفنوني وياك خلوني

وما يردوني يبني أ يبني


**********

عليك العين جانت والله تربي
واشوفك تكبر اضويلي دربي
من تضحك ييمه يروح تعبي
وشكر بيك يبني الغالي ربي

امنياتي وياك ضاعت بلياك

البقى ذكراك يبني ا يبني


**********

اثاري بالهوى من حرك الباب
حسبالي اجيت بجيت احباب
علي ثاري الهوى والباب جذاب
وانه مصدگه زماني يرجع الغاب

وحدي خلاني دهري اذاني
صاح وجداني يبني ا يبني


**********

ياعمر الورد ياريحه الياس
اصبح من غيابك ابيض الراس
وين حسين يمه وين عباس
ظل البيت خالي بلايه حراس

منهو حامينه لو دنوا لينه

انه وسكينه يبني ا يبني



علي حسين المياحي

الليلة العاشرة
( القصيدة بحق الامام الحسين ع )

بين جروحي ظلت حايره روحي
من يا جرح اتطلع ترفض اجروحي
بيه ما ظلت مسافه ابلايه طبره

****************************

انه حسين. شوف العين
مو كل الوصلكم هذه بالمقتل
كدما صار. بيه الصار
فديوم ابشر والله ما يحصل
عشره خيول. ما معقول
من ادوس اعله صدري شلون يتحمل
ما ظل حيل. داست حيل
من كثر الحوافر صدري اتهدل


ما راحت الخيل امن اجت سحكتني
من صوب اعله صوب انوب جرتني
جسمي يطشر مثل سبحة الزهره

****************************

جروحي هواي. وابلا ماي
مثل طير انكسر جنحه بوسط صحره
عاري ظال. علرمال
تجويني شمس وتكلب ابحسره
مني السيف. ياخذ حيف
كل طعنه اعله طعنه وطبره علطبره
لا ما اشوف. معمي الشوف
من الحر طفت بعيوني جن جمره

من كد الحراره خشب لساني
واني من الحوافر صرت مو اني
ما رحم بيه ولا سلاب مره

****************************

جم سلاب. خنجر جاب
سلبوني لحد ما عاري خلوني
فوك الكاع. خنصر ضاع
كطعو خنصر ايدي ومنه سلبوني
صحت ال اه. والويلاه
بخنجر من كفاي انوب ذبحوني
موتي هان. والعدوان
عله كاع الشريعه اعضاء وذروني

طحن الرحه بيه. ينطحن عظمي
تالي بالحصيره. لملمو جسمي
شيبقه بيه ثلث تيام اعله صحره

****************************

تهيج الروح. بيه جروح.
الجرح ما يلجم احد غير راعيه
حسبو حساب. مو بكتاب
بس بصدري ذني الف وسبعميه
حيلي باد. ما ينعاد
من كد الضرب روحي اني مكضيه
رمحي لاح. راسي طاح
من كثر الدمه شيباتي مدميه

ما همتني روحي وشجره ابحالي
من الشمر همي يروح لطفالي
ويحرك الخيمه اعله زينب الحره

****************************

كلبي ايحوم. بيه هموم
من خوفي اعله زينب كصرت ايامي
شكد بالهيم. شبعت ضيم
زينب من على التل هيجت الامي
راح الزين مات الحسين
نعيهه من اسمعه اتكزبر اسهامي
يابس ريج. دمعي يهيج
ما ظل عظم صاحي مكسره عظامي

زينب من عله تل خويه من صاحت
من كد الهضيمه عثرت وطاحت
ولتصدلهه تره العيون عثره

****************************

تطفي نار. شبت نار
محتركه اديها بحرك المخيم
العله تزيد. ايد ابيد
مربوطه بحبل وبحركه تتألم
كلبي ناح. دمها ساح
من دمها العبايه كله صارت دم
بهذه الحال. شدهت بال
متنها زينب من السوط ما يسلم


مو سهله اعله زينب سال مدمعها
وبرمحه حسافه الشمر يدفعها
وتمشي مكيوده اسيره والله حسره


علي حسين المياحي

https://youtu.be/kuMLBlqpsuw

سهلة طيحتي

🔊الرادود ميرزا علي فرحان
📜الشاعر علي حسين المياحي

مكساج🎛️
ميرزا علي فرحان

توزيع🎹
علي عمار

في هيئة صوت الزهراء عليها السلام

قصيدة الامام علي الاكبر

كضه عمري سهر. لحدما شب وكبر
اخذ حيلي بدلاله

من ايدي ضاع من ايدي. وليدي راح وليدي

راح الحيد ذاكه اليسوه معموره
مو واحد بعيني اولايه مهجوره

تعب رباه. ضاع وياه
بس امه وحليب امه عليّ شاهد
شكد عانيت وتمنيت
ادكول الناس عنه يشبه الوالد

ما ادري بالوعد. اخذ مني الولد
مشه بحيله وخياله

من ايدي ضاع من ايدي. وليدي راح وليدي

******

الله يعين گلبه اليفكد اوليده
من يجيبه الخواته يوسده بهيده.


بيه شلون رايد عون
كمت اوكع وكوم وهم ارد اوكع
ذاك الطول شو مشيول
ابني راح سالم شو اجه مكطع

بحصيره ابني شفت. وكف گلبي وطحت
مو لولي جماله

من ايدي ضاع من ايدي. وليدي راح وليدي

**

اول مره احس بروحي المحير.
الاكبر مره اكول ومره مو لكبر.

رايح جاي وبلا ماي
ما عرفه كمت من ظهره لو صدره

ااا ياويل. من الخيل
داست فوك گلبه وطلع من ظهره


عظم يدفع عظم. شبع دوس وهضم
مو هذا ابني جاله

من ايدي ضاع من ايدي. وليدي راح وليدي

**

لمه شرد اكول وحيرتي حيره
مو زينه اكلهه طلعت الخيره

لطمي زين. راح الزين
موتي من النواعي كون عالاكبر

بگلبح داي. نواحي هواي
الام بفكد ابنها هواي تتغير

نعاويج دوه. علي نلطم سوه
شبيدي علجراله

من ايدي ضاع من ايدي. وليدي راح وليدي

**

الله يساعدج ادري انتي تعبانه
هي ام الولد بس هي خسرانه


الام هواي. في وماي
ملهوفه اعله ابنها دوم برباها

يروح بساع. تعب وضاع
من يموت ابنها تعمه عيناها

تعب وشكه العمر. تاليته للگبر
يصير الگبر حلاله ؟

من ايدي ضاع من ايدي. وليدي راح وليدي


علي حسين المياحي