علياء عواد

دي اخر رساله هكتبهالك محبتش تكون مسدج علي التليفون عشان متمسحهاش بسهوله او يفضل الشات بتاعي ينزل تحت كل الشاتات اللي هتيجي بعدي وتنسي رسالتي الاخيرة، مش هعاتبك ولا هقولك إنك انت الخسران لان كده كده هتعرف مع الوقت انك مش بس خسران لا هتندم علي كل لحظه كنت هضيع فيها ست مش شايفه في الكون غيرك ولا قادره تشوف غيرك هتندم علي ست مكانتش هتبقي مهتمه بمواضيع مين ملزم ومش ملزم كل اللي كان هيبقي فارق معاها تشوفك مرتاح ومبسوط وتشوف الضحكه علي وشك وتحط راسها علي المخده وهي عارفه انها في قلب وعقل راجل حبها وبيحبها وهيفضل يحبها عشان هو حتي لو كل الظروف عارضته مش هيستسلم ليها ويبطل يحبها، وهعترفلك اني برضو غلطت عشان كنت متاحه طول الوقت بس صدقني هتفتقد قلب كان مستنيك دايما مهما اتأخرت، وكنت عايزه بقي افكرك ان القلب اللي انت كنت فاكره هيفضل مستنيك ده خلاص هيمشي ولما ترجع تاني مش هتلاقي مشاعري اللي كانت دايما مشغوله بيك وعليك، هتتبخر النهارده مع اخر حرف هكتبهولك وهنسي انت مين وهنسي الوجع اللي سببتهولي، اصل فهمت وادركت قريب ان الوجع والحزن بيكونوا علي حاجه تستاهل وبصراحه انت متستاهلش، وللأسف فهمت إنك كنت بتحب وجودي مبتحبنيش انا..
الحاجه الوحيده اللي هحاول اتعافي منها الفترة الجايه هي مشاعري اللي بذلتها في طريق نهايته معروفه بس انا كنت بكابر بس خلصت...
حتي لو قطعت الجواب ده هتفضل فاكره وهتفضل ريحتي فيه وعنيك هتفضل فاكره كل كلمه جت عليها وتفتكر ساعتها إن كان في ست أعرفها في يوم من الايام كانت عايزه تديني عنيها بس انا اللي كنت غبي.
علياء_عواد

www.tgoop.com/AliaaAwadd/1494

3.3K viewsAliaa Awad, Feb 8, 2023 at 20:39

دي اخر رساله هكتبهالك محبتش تكون مسدج علي التليفون عشان متمسحهاش بسهوله او يفضل الشات بتاعي ينزل تحت كل الشاتات اللي هتيجي بعدي وتنسي رسالتي الاخيرة، مش هعاتبك ولا هقولك إنك انت الخسران لان كده كده هتعرف مع الوقت انك مش بس خسران لا هتندم علي كل لحظه كنت هضيع فيها ست مش شايفه في الكون غيرك ولا قادره تشوف غيرك هتندم علي ست مكانتش هتبقي مهتمه بمواضيع مين ملزم ومش ملزم كل اللي كان هيبقي فارق معاها تشوفك مرتاح ومبسوط وتشوف الضحكه علي وشك وتحط راسها علي المخده وهي عارفه انها في قلب وعقل راجل حبها وبيحبها وهيفضل يحبها عشان هو حتي لو كل الظروف عارضته مش هيستسلم ليها ويبطل يحبها، وهعترفلك اني برضو غلطت عشان كنت متاحه طول الوقت بس صدقني هتفتقد قلب كان مستنيك دايما مهما اتأخرت، وكنت عايزه بقي افكرك ان القلب اللي انت كنت فاكره هيفضل مستنيك ده خلاص هيمشي ولما ترجع تاني مش هتلاقي مشاعري اللي كانت دايما مشغوله بيك وعليك، هتتبخر النهارده مع اخر حرف هكتبهولك وهنسي انت مين وهنسي الوجع اللي سببتهولي، اصل فهمت وادركت قريب ان الوجع والحزن بيكونوا علي حاجه تستاهل وبصراحه انت متستاهلش، وللأسف فهمت إنك كنت بتحب وجودي مبتحبنيش انا..
الحاجه الوحيده اللي هحاول اتعافي منها الفترة الجايه هي مشاعري اللي بذلتها في طريق نهايته معروفه بس انا كنت بكابر بس خلصت...
حتي لو قطعت الجواب ده هتفضل فاكره وهتفضل ريحتي فيه وعنيك هتفضل فاكره كل كلمه جت عليها وتفتكر ساعتها إن كان في ست أعرفها في يوم من الايام كانت عايزه تديني عنيها بس انا اللي كنت غبي.
علياء_عواد

BY علياء عواد