#قصائد_محرم_
#محرم_الليلة_العاشرة_

مولاي سيد الشهداء(ص) وداع عيالة وأختة زينب (ص) واطفالة….لكن منظر الاطفال كسر گلب الحسين يوگفون جدامة ويگلولة وين نروح بعدك ياحسين💔…


أخر أمل انتة؟ صرت
مانبقة بعدك لو متت
الخيالة متحضرة وإجت..عگبك منو اليحمينة

يذبحونك انتة ونفترگ
هذا الحچي ليهضم صدگ
نخاف الخيم من تحترگ..والخيل تهجم لينة


من رحت بلخيمة صرنة__الخوف هدنة
وتعَبانة…
تشابگينة وگمنة نبچي__بدمع نحچي
من ضِمانة…
فوگ كل هذا عطشنة__تشب خيمنة
تضل ورانة…


أطفال وبس؟ نركض نطيح
والطايح ياااا بوية يصيح
بس ألمن؟ صرختنة بعد
من تبقة بلحومة ذبيح


الوداع ياحسين،،،،

___________

أخر وداعك بي جرح
ندريك؟ رايح تنذبح
وعنةّ بعد طولك يشح…ومحد يضل للخيمة

العطشان ما يحمل تعب
أطفال مااااااا ألنة ذنب
اعلينة الخيم راحت تشب…وتالي نفر بلهيمة


الهيمة ركضتها چبيرة__ولله حيرة
شلون بينة…
الخيل من تسحگ تموّت__ما تفوت
يا هضمنة…
امن العطش كلش تعبنة__نريد اهلنة
حيل متنة…


بس نار وبس دخنة غدِت
والخيل الما ترحم اجت
يم زينب فرينة نخااااف
عمتنة بس كلش گضت


الوداع،،،ياحسين
_______

(اهنا مولاتي زينب(ص)من قدمت المهر لخوها الحسين(ص)…


من جدمت ليك المهر
بية انذبح خوية الصبر
أخر وداعك والعصر..ماتبقة يمنة اعيونك

من گتلي يازينب بعد
رايح يخوية وما ارد
حسيت دلالي انمرد…ماترجع ايذبحونك


إوداع زينب هوة هدك__تدري بعدك
اتضلّ غريبة…
مايضل بعدك خدرها__ايضيع امرها
شگد عجيبة..
الچانت بعينك اميرة__تصير اسيرة
وبس مصيبة…


عطشانة ويا خوية الضهر؟
كلش حار ويلهب جمر
تعبانة ما بية استراح
ما اگدر بلهيمة أفُر


الوداع،،،،ياحسين
_______
اهنا تسولف مولاتي بعد ما ذبحو اخوها الحسين عصر العاشر وتكمل مولاتي…


عجه وعساكر والزلم
الكاروك منهم ماسلم
ماضل أثر من الخيم…حترگت خيمنة وراحت

اطفال؟ ماتت من ضِمة
وطفال بل بر هايمة
وطفال من نزف الدِمة…ذبلت يويلي وماتت


من خلص ياخوية كلشي__گالو امشي
للسباية…
بلذبح خلصو اخوتچ__ما يجونچ
ماكو راية…
والأميرة ماضي صارت__روحي حارت
شلون هاية…


جابوها وحضروها الهزل
ما ترهم جابولي الحبل
مو گدري لا ولله ابد!!!
مسبية وماعندي أهل


الوداع،،،ياحسين
_______
#محرم_١٤٤٧هـ_

محسن الباوي

اللهم عجّل لوليك الفرج
_______

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

#قصائد_محرم_
#محرم_الليلة_السادسة_

سادتي الانصار(صلوات الله عليهم) كل واحد يسولف حبة وفنائة بمولاي الحسين(صلوات الله عليه) ورحمة وعطفة وحنانة….


(حبيب بن مضاهر الاسدي)

من بداية عمري شفتك
أستوطنت گلبي أنتماء__
وحددت يمك مصيري
وياك اضلن للفناء__
الما يعيش بفيّ رحمتك
يگضي كل عمرة هباء__
ألحب طهاره بتضحياتة
وراح اضحي بكربلاء__


ماريدة عمري بدونك حسين
انة برحمتك عشتّ السنين
عاشر محرم موعد! وفااااء
يطلبني؟ حبك أوفيلة دِين


افدي لعيونك روحي
وخلها تزيد جروحي
حلوة الجروح بحبك
يامن غرامك يوحي



ياحسين فداكَ نفسي…
ياحسين فداكَ نفسي…
١__________

(زهير بن القين)

شائت الاقدار اشوفك
وبأول حچايه رضيت___
شفت عطفك ماكو مثلة
ومثل گلبك مالگيت___
وقررت كلشي اعوفن
وبربح حبك اجيت___
مو خسارة موتي يمك
انة بعيونك حييت___


عمري خساره وحبك ربح
أحية بغرامك من انذبح
ما الگة مثلك موطن حنان
ولا من رئفتك محد يصح



هنيالي موتي بگربك
وشكبرة حضي بحبك
من العدم لعيونك
موتي يصير بركبك


ياحسين فداكَ نفسي…
ياحسين فداكَ نفسي…
٢_________

(وهب النصراني)

اعتنقت بگلبي دينك
وسلمت روحي لهواك__
جيت من ضِلمة حياتي
فتحت عيني بضواك__
وصار ديني مو كنائس
ديني مقرون برضاك__
معتقد خليتة حبك
وگلبي هنيالة لگاك__


طهرتة ذاتي بسمك حچيت
دين الكنائس عفتة وجيت
يارحمة الله وباب العطاء
موطن حياتي يمك لگيت


هنيالي اجيتك ناصر
وأحمي خيامك باچر
واختم حياتي بموتي
ياخذني يوم العاشر


ياحسين فداكَ نفسي…
ياحسين فداكَ نفسي…
٣________

(الحر بن يزيد الرياحي)


بخطوةّ الندمان اجيتك
وخطوتي كلها انكسار__
اعتذر جيت لحضرتك
وَقبلت مني اعتذار__
بلنهاية وگلبي قرر؟
وشحلاتة من قرار__
تندمت چي تالي جيتك
حبك انطاني شعار__


هارب اجيتك وطلب وصال
ودري بحميتك ماكو محال
تمنيتة عمري كلة بهواك
لمن اجيتك شفت الدلال


نادم اجيت اتوسل
وأدري بحنانك يقبل
عطفك چبير وگلبك
وجيت بهواك اتأمل


ياحسين فداكَ نفسي…
ياحسين فداكَ نفسي…

٤________

(مولاي جون )


من لطفك ايدك حياتي
انة عبدك انة جون__
ميزت لوني بمحبتك
وصرت للحب انة لون__
ياوسع گلبك رحمتة
مثلك انتة ما يكون__
ما يفرقّ لون حبك
نيةّ الحب بلعيون__


انة بخدمتك شفتّ الحيات
أللحضة بدونك يعني ممات
ميزني حبك ونطاني لوون
انتة سفينة حب ونجاااااات



عبدك عشتّ ايامي
شفتك وطن لحلامي
رغم انة عبدك لكن؟
خيرك يصب جدامي


ياحسين فداكَ نفسي…
ياحسين فداكَ نفسي…

٥_________
#محرم_١٤٤٧هـ_

محسن الباوي

اللهم عجل لوليك الفرج
__________

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

#قصائد_محرم_
#محرم_الليلة_السادسة_
ورحلو الانصار وأمسى الحُسين(صلوات الله عليه) غريباً وحيداً



كَم تَدَّعي حُزناً وَأَنتَ مُرَفَّهٌ
إِن كُنتَ مَحزوناً فَما لَكَ تَرقُدُ
هَلّا بَكَيتَ عَلى الحُسَينِ وَأَهلِهِ
هَلّا بَكَيتَ لِمَن بَكاهُ مُحَمَّدُ


لا ما يبرد جرح العاشر
شلون حسين بصحره ينام…
جمره وتلهب لا ما تطفة
عل ضامي وحرگولة خيام…
شما نبچيها چبيرة الغربه
بشمس الحومة تلث ايام…


خل نبچي هواي__للضامي الماي
نايم عطشان__ماعندة فياي


ويلاه حسين…
ويلاه حسين…

__________

أَنَسيتَ إِذ صارَت إِلَيهِ كَتائِبٌ
فيها اِبنُ سَعدٍ وَالطُغاةُ الجُحَّدُ
قَتَلوا الحُسَينَ وَأَثكَلوهُ بِسِبطِهِ
فَالثُكلُ مِن بَعدِ الحُسَينِ مُبَدَّدُ


جيش وعسكر وهوّة لوحدة
وسط الگوم يدير العين…
والخيالة تحضرت كلها
وكلهم گالو ذبحو حسين…
صوب اخيامة يدير الناضر
وجروحة اندارت صوبين…


لخيامة يدير__وهواي يحير
ماتبقة خيام__محروگة تصير


ويلاه حسين…
ويلاه حسين…

_______

يا جَدُّ قَد مُنَعوا الفُراتَ وَقُتِّلوا
عَطَشاً فَلَيسَ لَهُم هُنالِكَ مَورِدُ
يا جدّ ذا نحر الحسين مضرّج
بالدم والجسمُ الشريف مجردُ


يم الماي وعطشو كلهم
وحتى اليرضع هم عطشان…
عبدلله بچم گطرة ويروة؟
ما شربوهـ وضل ذبلان…
ماي الله ليش يگطعونة
ويعطش كلمن بلصيوان…


ماصارت هاي!__يعطشون الماي
لليروي الكون؟__مامش سگاي


ويلاه حسين…
ويلاه حسين…

_______

كَيفَ القَرارُ وَفي السَبايا زَينَبٌ
تَدعو بِفَرطِ حَرارَةٍ يا أَحمَدُ
هَذا حُسَينٌ بِالسُيوفِ مُبَضَّعٌ
وَمُلَطَّخٌ بِدِمائِهِ مُستَشهَدُ


ما ترهم؟ يسبوها الغربه
وما ترهم؟ زينب عالنوگ…
يم العفة أحبال! وهزلة!
هاية لزينب لا متلوگ…
تنعى حسين العافت جسمه
وگلب الحره ضلّ محروگ…


موتها الشام__مشوها أيام
تعبها وصار__كل خطوة بعام


ويلاه حسين…
ويلاه حسين…

_______
#محرم_١٤٤٧هـ_

الفصيح: دعبل الخزاعي
الشعبي: محسن الباوي

اللهم عجل لوليك الفرج
_______

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

#قصائد_محرم_
#محرم_الليلة_السابعة_


مولاتي زينب(ع) من سمعت طاح اخوها ابوالفضل العباس(ص)….


الخيالة هدتّ من طحت…والخيمة طاحت
ما تسوة وگفتها بعد…محروگة صارت
لحضات وحسين الذبح…يوصل وريدة
حسبوها زينبكم گضت…وحسبوها ماتت


يبو فاضل
مو عطش تدري
فرگتك موتي…
زينبك اااانة
طلعوو صوتي…


حسين راح الجسمك وانة إطلعت
والعدة؟ للخيمة تريد الحرگ__
وين نمشي اخلافك خوية حرت
رگضتي بلحومة صارت صدگ__


وداعاً ياخوية وكفيلي…

________

عباس يانعم الأخو…موتك مصيبة
معناها من هسة بدت…چلمة غريبة
خمسين عمري والخدر…ما فارگيتة
يردوني اركض بلفلة…هاية العجيبة


يبو فاضل
چلمة الخوة
الها عطشانة…
لطيحتك خوية
انة تعبانة…


خوية الحّگ الزيّنب كلش گضت
والخيم حرگوها وضاع الخدر__
ميتة احسب اختك خوية متت
منّ الخيم اطفالي لاح الجمر___


وداعاً ياخوية وكفيلي…

_______

( من رجع مولاي الحسين(ع) الى المخيم وشافتة السيدة زينب(ع) وتگلة وين اخوي ابو فاضل،،،


ياخوية راجع وحدك…ومهبط الراس
من كسرتك انة اعرفت…مذبوح عباس
رديت ضهرك منكسر…وتصيح زينب
ألخوة ياخوية انتهت…ذبحوني ياناس


يبو فاضل
عسكري انتة
واكسرت ضهري…
انذبح دونك
طيحتك كسري…


خوية بعد اشوية يصير الذبح
ياهو يبقة لزينب هذا العذاب…
راسي خوية خلافك يبقة برمح
وجسمي جوة لحافر فوگ التراب…


وداعاً ياخوية وكفيلي…

________

حضروهن احبال السبي…وحضرو هزيلة
وصاحولي زينب علهزل…صعدي العقيلة
گوة اصعدت بيدي الحبل…معقولة زينب
للشام تاليها بسبي…ورحله طويلة


يبو فاضل
امشي مسبية
مو گدر زينب…
مدللة اااانة
والسبي يتعب…


ألشام ما يرحمني يتعبني حيل
وزينب المسبية كلها تصيح___
بعيد درب الشام وكلش طويل
لحضهْ خوية خلافك ما استريح__


وداعاً ياخوية وكفيلي…

________

هضموها زينب من متت…للشام تالي
من كربلة انة رحل …خدري ودلالي
متعلمة خوية عللخدر…ما اعرف الشام
شلون امشي وانة الماشفت…حتى خيالي


يبو فاضل
تعبوو زينب
وتعبت إجدامي…
امشي مچتوفة
وروّس جدامي…


شلون أمشي وراسك خوية أشوف
بعيني انضر راسك فوگ الرماح__
بسوگ ادخل خوية بين الألوف
كلها تعرف أسمي ياخدري راح__


وداعاً ياخوية وكفيلي…

________
#محرم_١٤٤٧هـ_

محسن الباوي

اللهم عجّل لوليك الفرج
________

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

#قصائد_محرم_
#محرم_الليلة_السابعة_

مولاتي زينب(ص) تتكلم حيرة الحسين(ص) من يرجع من مصرع ابا الفضل العباس(ص)…


رجع مكسور
وكف؟ويدور…وداع الخوه ضياع

يخويه ام عون
بدونه شلون…كتلني يخويه لوداع

لكسر؟ ضهري
وخذ عمري…بترابة عفتلة ذراع


ويلي…رد اعلة الخيم
ويلي…بس؟حيله انهدم
ويلي…رد ابلا علم


صاحزينب صاحگطعو چفة لتلزم ايدچ
راحعفتة؟ وراحسهم بعينة صار عضيدچ


خووويه….

_______

يصد للگوم
أجتة تحوم…ويدير الخيامة وحيد

لرقيه يروح
ويموت جروح…اشبگني تگله اريد

تجرحه اهواي
تگله الماي…ضِمانة برحيلك يِزيد


ويلي…بس وحدك صرت
ويلي…ألمن؟ تلتفت
ويلي…لذبحك گربت


دارلمن دارصاحت زينب خويه ارجعلي
نارخاف النارتحرگ خيمه ويطلع ضلي


خووويه….

________

تصيح زغار
يعمه شصار…عطشهن ذبحله دلال

سكينة تصيح
تگوم؟اطيح…شجاوب؟ كتلني لسؤال

يخويه حسين
أفرن وين…وحيده اضلن محال


ويلي…رااايح تنذبح
ويلي…يضل طولك جرح
ويلي…وراسك علرمح


موتخويه الموتزينبْ گرب خويه وداعچ
صوتاخر صوترايد مهري من اذراعچ


خوووويه….

________

(أخر اللحضات توگف اباب الخيمة وتشوف اخوها الحسين يبقة لوحدة لا ناصر ولا معين)


بعد لحضات
وأصيحن مات…يخويه جرحنة يطول

رحت عطشان
تصد حيران…بوداعك تجينه لخيول

حرگ؟ والنار
يخويه احتار….وعليك الحوافر تجول


ويلي…يحتار الخدر
ويلي…نروح بكل كتر
ويلي…وبحرّ الضهر


وينيمشن وينكلها انذبحت محد عدهن
حسينراح حسينوسط الهيمه فرن كلهن


خوووويه…..

________
#محرم_١٤٤٧هـ_

محسن الباوي

اللهم عجّل لوليك الفرج
________

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

#قصائد_محرم_
#محرم_الليلة_الثامنة_

مولاتي رملة(ص) برحيل ولدها القاسم(ص)


گلبي عليك ملچوم
وحيلي يبني مهدوم
لذبحك ماشفت نوم…يا يُمه

ما ترجعلي هيهات
يوليدي حرامات
أوّن عليك شوغات…يا يُمه


شگد تگبر ردتّ ورسملك احلام
وي طولك حلم خلصتّ الايام
رايح للحرب بس ماخذ الروح
ادري ماترد گلبي يحس گام


مني رحت لا ماترد
هذا الفگد__لدموعي نيشان
دمك صبحّ هوة العرس
جوه الشمس__يايُمه ذبلان
طولك ابد مو للذبح
لا مايصح__فوگها عطشان


يا يمُه يجسام يوليدي وحبيبي…

________

عمري بعدك دموع
لعرسك ردّت الشموع
مو الطم علضلوع…يا يُمه

چبير بروحي إلصواب
گلبي لموتتك ذاب
بعدك يلولد شاب…يا يُمه


ذكره أمن الحسن حسبتك وياي
ما ردت الحرب تذبح ألي ارباي
بعيونك عطش والموت مفضوح
رايح للحرب ما شارب الماي


يذبحونك بعمر اهدعش
گلبي ارتعش__يوليدي للموت
ماحسبت هذا الوداع
يصبح ضياع__ماأستمع صوت
فوگ الرمل ماحسبت
يبني متت__ودموعي بسكوت


يا يمُه يجسام يوليدي وحبيبي…

_______

أون راح الولد راح
فز بروحي الصياح
طولك مو للجراح…يا يُمه

إگعدت يمك احاچيك
أمسحت دمك وناديك
يبني ميتة اعليك…يا يُمه


من جابوك ألي چا طلعت الروح
أبني وما عرفتك من الجروح
غير الميت يعوفونة!! بلموت
متت لكن وراها يبني مذبوح


ما رحمو بطولك أبد
اا يلولد__ماضلت اعيون
ابچيلك وگلبي جمر
بروحي كسر__يذبحونك شلون
طفيتة يوليدي الشمع
لطمتّ الضلع__خابتلي الضنون


يا يمُه يجسام يوليدي وحبيبي…

________

من گالولي مذبوح
احسّن طلعت الروح
شفتك كلك جروح…يا يُمه

بعدك امشي للشام
وراسك يبني جدام
امشي بلسبي ايام…يا يُمه


يسموني الغريبة بعدك شلون
اباوع علرمح وبچيلك عيون
ذخر ردتك ييُمه واحسب ايام
من گد العطش ماباقي كل لون


بلشام اناا تالي اصير
بعدك احير__وبچفوفي الحبال
درب اليسر كلش صعب
واااه الغرب___حاديها چتال
كلش صعب سوگ الهضم
اصعب ألم__مو چلمه تنگال


يا يمُه يجسام يوليدي وحبيبي…


________
#محرم_١٤٤٧هـ_

محسن الباوي

اللهم عجّل لوليك الفرج
________

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

(( تكتله المحنه))


بيـه ونه
بيه حنه
واليظـــل الوَحَده تكتله المحنه
بيه حيره
للعشــيره
والملامح صارت بروحي چبيره

ياهـــــــــلي راحت محاملكم حزينه
حتـــى باب البيت گمت اسمع ونينه
يمته اسمع صوت ابوي يگول اجينه

يا دمعتي .. الخلــــــت آثـار بوجنتي
الرافگت نفـخت حسرتي
يا دمعتي .. كافي من حيلي واخذتي
كافي مو زادت غــــربتي

بويه حسين ...

""""""""""""""""""""""""""""""""""""""""""""""""'''""""

يــــالعفتني
بويه أجتني
كمت اشوفنها المنيه فوگ متني
تــدري بيه
هـــم سبيه
آنه هم دست الجـمر اشبه رقيه

والدموع بعيـــني بويه تصيح وينه
مـــــن البچي والنوح علمت المدينه
يمته اسمع صوت ابوي يگول اجينه

يافرگتك .. شابت من الفرگه بنتك
گـاعده بعتبت غرفتك
يافرگتك .. يسولف الليل بحسرتك
وتغفه العـيون بدمعتك

بويه حسين ...

""""""""""""""""""""""""""""""""""""""""""""""""'''""""

بــيا نـويه
الغاضـريه
يعني ما تاني بصباح ولا مسيه
من حناني
بويه اتاني
آنه اولكم غــريبه وتدري اعاني

شبيدي مكتــــــوب العمر كله حزينه
بيا درب ضليـــــت منتضره الضعينه
يمته اسمع صوت ابوي يگول اجينه

عني شلتوّ .. ويــــــن واليـــاغربه رحتوّ
شگد صحت بس ماسمعتوّ
عني شلتو .. وهــــم ذكـــرتوني وصفتوّ
بويه هم بــ اسـمي صحتوّ

بويه حسين ...

""""""""""""""""""""""""""""""""""""""""""""""""'''""""

دمعي جاري
بالانتضــاري
والغريبه يصيحــــلي يابويه جاري
وياجـروحي
وهاي روحي
ومن فرگتك يالحنين بجمره نوحي

آنـــــه ودموعي نذكــــــرك مانسينه
آنـــه ويّ روحـــي عليــــــك تعلمينه
يمته اسمع صوت ابوي يكول اجينه

تبده صبري .. بــــويه ياريعان عمري
الفرگه ما اعرفها تدري
تبده صبري ..وصارت الدمعات تجري
ويــاحزن بالروح يسري

بويه حسين ...

عبد زينب
محمد الإبراهيمي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

((سبعين))


وگفــو والعـــــشگ متعدي العيــون
وّيَــــمّ حســـين محّنـيه الگـــوايــم

سبعين وعليـــــهم خَـــضر الليــــــل
فرســــان الـــــوغى الضهرك حزايم

دمعهم يسبگ الچلـــــــمات بالشوگـ
هايـــــــم ايده فوگ اچـــتاف هـايم

سجـــــدو عالتراب وصاحـــوّ اخيام
ونتـــــوذر وذر دون الحـــــــــرايــــم

اجينـــــالك عــليـــنه اغــــبار السنين
يـــالمطلعنه مــــن كــــــومةّ ذمــــايم

اشترينه احنه العبيد العدنه بس روح
اخـــذها .. اتنفــــس اعلــيها النـسايم

وگعـــدو والـــزمن ظــــل يدفع الليل
وظــــــل حســـين يحـــسب بالغنايم

باچــــــر عــــالمناحر يـــــوگف الكون
باچــــــر بــــــس عمايمكم عمــــــايم

باچــــــر والچفـــــوف اتذل السيوف
وحبــيب يصيــــــــح اجينالك غلايم

باچــــــــر يــــــوگف الماعنده رجلين
حــــــــرام الگعــده يا بيض الشـمايل

باچـــــــــر كــــــربله نترسها طيحات
مـــــــــــن شيب الرمش حد الجدايل

لا يحسين باچـــــــر نفــــــزع جروح
ونوگف منحر الكـــل سيــــف عــايل

ونشگ السكته . باچر . نرفع الصوت
باچـــر مـــــــــايظل الـــــــدين مايل

باچر تنــــــذكر جيــــل وبعـــد جيل
الخــــــــرايب تنبني باچــــر مواكب

باچر واليـــخدمك راســــــه مرفوع
ويقــــــدسون بجـــــــدامه الترايب

كله الخـــــاطرك لعيــــــونك اتـصير
بس امصــــايبك هـــــــيه المصايب

عبد زينب
محمد الابراهيمي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

٣٠ | اصحاب الحسين |

——— أَلْمُسْتَهَلْ ———

عشگ يمـهـم .. مشة ابدمهم .. حچي ألهم .. يگـوة
أهـل غيـــرة .. هــوة الديرة .. حِسِن سيرة .. الخوة

——— ١ ———

زلم لفـت عمايـم .. الحرب بالحومه دايم
يحدون الصوارم .. ســاعة وتصير المعارك

حبيب ابنُ مظاهر .. المــــرجف العساكر
وبرير اعليها ثائر .. كل حلگ بچفوفه فارك


يشدون البيارغ عالگصـص غيره ٠٠ غطوها العساكر
بوكت كل الزلــم ظلت فرد حيره ٠٠ مَطروها مناحر

صدگ صحبة .. وطعم خوة .. وبخت شارة .. البيهم
زلم عالحــگ .. أذا هـدّو .. أمر كـــلـــه .. ابديهم

——— ٢ ———

نزع روحه ونطاهه .. حبيب و قدّماهه
لبو اليمه هــــداهه .. وگصّته اتنگــــــط مراجل

الحنان ابدمة يمشي .. حبيب اموفّي كلشي
لخلي الحومه نعشي .. واسحگ بروس الجحافل

واحد وتسعين عمرة مــــرجف الگـاع .. بي هيبــة غياره
بالحومة لو ينكته خاجيته الشمر ضاع .. والكون كله دارة


صفت سكته .. ولا واحد .. تره البيهم .. يحچي
حبيب وطب .. ترة اگباله.. الحرس كله .. يبچي

——— ٣ ———

وگف شيخ الشجاعه .. انحنى لحسينه طاعه
وعي عنده وقناعه .. والحسين اختاره صاحب

يشگ اهدومه عابس .. اله محّد ينافس
مثل لـــون النوارس .. نيّته وهــــــد عالكتايب

عابس عطره عنبر من يشمه حسين .. والشيمه ابصفاته
فدوه للوفاء الشـــــايله مــــن وين .. عابــس واشغلاته


الوفه ابدمي .. ترا يمشي .. العيون انته .. ضواهه
ادگ صدري .. واگول ابشر .. ترى الطبها .. محاهه

——— ٤ ———

دوه صوت الحرايب .. وگف بالحومه شايب
الذي يسال يجاوب .. سيفه والمنبر مهرته

انكشف بيهه العلامه .. عمــر بدل كلامه
يحس يوم القيامه ٠٠ بصارم الشيخ وطبرته

نفخ بالحومة ابن ظاهر لهيب ونار .. رجفهه المنايه
والسبعين زلمة امطشره طشـــــار .. ماظلت الحايه

ترة الفكـر .. يجي يمنه .. وعــــلي نمـحي .. وجودة
اسمعو همه .. الذي گاله .. الشمر يسحب.. جنودة

——— ٥ ———

وهب نصراني ناده .. تحزم للقياده
انه ابدم الشهاده ٠٠ لازم اتحنيني امي

غيور وكله هيبه .. شباب وكله طيبه
تفنن عالكتيبه ٠٠ وصاح لحسين افدي دمي


زهير اتعلم الخوة مــن ابو فاضل .. مدرسة الهواشم
ترة ساس الوفه وكل الوفه شايل .. كفال الفواطم


تره الخـــوة .. اذا تعـــرف .. تـــرة بعـــازة .. شدة
تــره ابيـــن .. ابو الغيـــرة .. انعرف وكـت.. الهدة
———————————
اللهم عجَّل الوليك الفـرج

#عبدالرحمن_الموسوي✍🏻

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

٣١ | المن اجيتوني |

———( گعديـه شور ) ———

المـــن اجيتــوني ؟
انـــــتَ ماعنــــدك نحر
جســـــمك مــــوذر وذر ٠٠٠ خويـة ياحسيـن


ها يــبو فاضـــل
بالعين مظــروب ابسهم
بعامــــود راسك منهشم ٠٠٠ ومگطوعة اليدين


شلون تبچي خوية عباس
ونتَ بعيونك سهم
ابدال دمعك تجري عينك
من جفنها اتسيل دم
ونعشي من اتشوفة غربة
ينتـــرس گلبك ألم


والله اتعبـكم يخــوتي بحمل نعـشي
ونتَ من السحكَ ماضل بيك كلشي
ضلعك مكســرينة بية شلون تمشي

وازينباه وازينباه

——— ١ ———



الــــخوة جــابتني
اجيتــج وماعنـــدي حيل
عذريني جي سحگتني خيل .. خوية زينب


بس روحي اجت تمشي
راســي هــــاذة علــة رمح
وطــــولي باقــــي منطرح .. حسينج مسلب

انة اختـــكم يهـــل زينب
واللة مشتاگــة اشكثر
روحو دفنــــوني ســوية
ورشو بدمــــوع الگبر
الموت أهون خــوتي بية
المـوت شفتة باليسر


والله اختكم تعبت ومـاباقي بيهه
وباقي أثر مال الحبل طابع بديهه
وبالطبل بالسوگ انتمــوا عليهه

وازينباه وازينباه

——— ٢ ———



خــــوية ورقيــة
ألهه مشتـــاكَ اشكثر
أسوه ببنيتي الـــــيسر .. عنـــهه حجيلي



ياحسين احجيلك
العــين كـــــل الشافتة
ماتت وراســــك شبگتة .. حنت كل حيلي


عن رقــية شـــردَ اسولف
مارحــــم بيهه الدهر
عمة گالـــت ويــن ابوية
من حجت گلبي انعصر
راسي شيـــــب عن رقية
محــني ظهري ونكسر


چنت مشتاگ الــرقية انة اشكثر
اصغيرة هية ابنيتي مومالت گبر
حقهه هية اتموت موتهه اليسر

وازينباه وازينباه

——— ٣ ———


يم الگبر انحب
احــــچي وياها ابدفو
ينكـــسر طبــــع الأبو .. عن بنتة لو راحت


بدموعي ارشنة
ارقية كاتلهه العطش
عطشانة من يوم اهدعش .. أرقيتي ماتت

من تراب الطف اجيتج
گوه حيلي شايلة
خوتي من صحتي تعالوا
الصيحة وصلت كربلة
جنازتج ضلت وحيدة
وماكو يمج عايلة

گلبج الله يســــاعدة يا ام الــخدر
بس مصايب گاضي بيچ انتي العمر
الوادم البالـــشام أذوج اشـــــكثر

وازينباه وازينباه

——— ٤ ———



ماتت بعد هية
وضل نعشهه بلا أهل
يتشمـت العنهه سأل .. لــو درو زينـــــب


الموت راحه الهه
تعـــذبت مـــن الغرب
الصار بيهه شگد صعب .. من الحزن تنحب

خوية ماتت بعد زينب
من مصايب كربلة
والنعش عالگاع باقي
أيريد واحد يحملة
يوجعني اكثر شفتة أنه
أوليدي يتنطر هلة

أيصيح عينوني نعش خلـ نحملة
امصايب اثگيلة الجــــنازة شايلة
عمتي شالت كـــل مصايب كربلة

وازينباه وازينباه

——— ١ ———

اللهم عجَّل الوليِك الفـرج

كُــــتبـــت
السيد عبدالرحمن الموسوي ✍🏻

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

٣٢| درب الشام |

——— أَلْمُسْتَهَلْ ———

,, تنــظر عيونـــي ,,
,, بحبل جـــتفوني ,,.
,, الغرب شـتموني ,,
على.. لهزل .. درب .. صعب

——— ١ ———

امشي ماعندي ضـهر •• عالنهـر جـف الـگـمـر
والـدرب كـله حـچــر •• وعثراته بكد نوحي

فراگم مــاينــحمــل •• تالي اصعــد عالهــزل
مجروحه اديه من الحبـل •• اه يا كبر جـروحي

إنه زينــب جـــنت مـــدللة عبــاس
هسه أبين شمات وعــدة وارجــاس

,, اطــب الــديـــره ,,
,, انضرب وجبــيره ,,
,, الغــرب ياحيــره ,,
على.. لهزل .. درب .. صعب

——— ٢ ———

سوالفك بيه تمـر •• تهبني ريح من العطـر
دمعي صب بين اليسر •• عل هزّل ومجتفة

خيالي ماشافه بشــر •• بت علي وخت الكـمـر
وهسه انطك بالحجـر •• ياحيف و ياوسفة

بسلاسل كيــدوني وصعد انه النـــــوك
وادم تضحــك وشمات نص الســـــوك

,, النبض اليعرفه ,,
,, الغرب مو كلفة ,,
,, الجرح مايشـفة ,,
على.. لهزل .. درب .. صعب

——— ٣ ———

نمشي خطوات السبي •• والجمر طرف العبي
يصير هيج أبت نبي •• والله ما معقولة

وحيدة ماعــنــدي أهل •• بالغـــرب ماكو أمــل
بالدرب دمعــي نــزل •• عل متوذر طولة

هضيمة الوكت هيج يسوي بحوالي
واخذ مني شكو بنص الكلب غالي

,, اذكرت حز نحره ,,
,, اعثرت عل غبره ,,
,, تعبت بالصحره ,,
على.. لهزل .. درب .. صعب

——— ٤ ———

بالدرب نمشي شكثر •• خويه ياحامي الخدر
انته بجفوفك ستر •• انظر انه وحيده

انه مسبيه بقهر •• صعبه حرمه بلا ضهر
منيتي موجود الكمر •• ويحاميلي بيده

عطشــانه رقــيه اتشــوفك انته ويــن
نــمشي بجزع صــاحت يبويه حسيـن

,, الخيم من شــبت ,,
,, الحرم من طلعت ,,
,, الشام من طبـت ,,
على.. لهزل .. درب .. صعب

——— ٥ ———

الشام طبينه بجزع •• جم طفل بينه وكع
شامت بسوك وطلع •• وادم تضرب بينه

يرتل القرآن اشوف •• عالرمح راسك يطوف
شامت بسوك وألوف •• ياخويه نادينه

صحنه يابو فاضــل حالي بجه الطـــيــر
ترضـــاها يخـــويه بآمري هيج يصــيــر

,, بسـكــته ونــاتي ,,
,, تنــزل دمعـــاتي ,,
,, وجرحي واهـاتي ,,
على.. لهزل .. درب .. صعب
———————————-
اللهم عجَّل الوليِك الفـرج

السيد عبد الرحمن الموسوي✍🏻

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصيدة ،، طحت ونتَ شلتني )
——-

طحت ونتـه شلتني
وبخدمــتك جبتني
جوه خيمة حانانك
من رحمتك صغتني

شمسوي وفاتــحلي گلـبك
آنسان آني اهــواي امتعبك
اوگع تسند ظهري اچفوفك
گايدني ومشــي انه ابدربك

اشگــد ترفه اچفوفك
رحمتنه انشـــــوفك
من احچي بأســــمك
تظــــــويلي احروفك

———-
حسيني ماعندي غيره
ابو الخيــمه الچبيره
أيلمنه داخـل رحمته
كبرنه صرنه عـشيره

رافع بالخدمه انتَ صيتي
بس الخدمه صارت بيتي
أفخر وانه أسمي الخادم
بس تعبـك يروي عافيتي

جنــــني حُبــــك
تيهـــــني ابدربك
عيشني اخيـــامك
وعيوني اتنـــدبك
———-
على الفطـــره عرفتك
يبو ارقيـــــه عشگتك
سمعت اسمك ودورك
على گلـــــبي كتبتــك

شكرا منــــك يبنَ فاطم
يالقابلني عنـــدك خادم
تايهه انه بهـــاي الدنيه
ابدونك مولاي ابقه نادم

الدنيه مضيـعتني
عنك بعــــــدتني
ونتَ اتمــد أيدك
يمك تاخـــــذني

———-
كلشي منــــطي أليه
تارس انتـــــــه أديه
ناسي فضلك لمنطي
انه الغرتـــــني دنيه

لأجلي ماشــارب گطرت ماي
وانه الماستـــــــاهل مولاي
ممقدملك كلشي ووفــــيك
الماخجل من اجروحك هاي

كلشي منطــيني
وماتغـــزر عيني
واني من اطـلب
ابد لا ماناسيـني
———————-
اللهم عجَّل الوليكَ الفرج

كُتبت ،، عبدالرحمن الموسوي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

حينَما سَمِعَ الإمامُ الحُسَينْ صَوتَ أخيه أبالفَضلِ العَباسْ (عَلَيهِما السَلامْ) وَهوَ يُناديْ أخي يا حُسَينْ!! ذَهَبَ لَهُ مُسرِعاً
وَعِندَما إقتَرَبَ مِنْ مَصرَعِهْ وَهوَ مُتَحيّر
تأتيه أفكار وَموقِفْ وَهوَ يَقول

٣٦| كسرة الخوه |

——— أَلْمُسْتَهَلْ ———

گوم ما أحمـــل وگعتك ٠٠ يالله خوية أنطيني اديك
اتغوشت عيني بدمـعتي ٠٠ الخــوة جابتـــني عليك

ياخــــويــة   ياخـــــويــة

——— ١ ———

گوم لاتوگـــــــــع اگبالي
انـتَ عندي اهـواي غالي
امنيتي كون اتشوف حالي
بــس سهم بعيـونك

الشامت شيــحمل ضحكته
كيفو مــــن طحـــــت انته
گوم لا تنطيـــــني سكتـــه
اشيسوه العمري ابدونك

حلــوة عينك خوية طفاها السهــم
گوم خوية ابطيحتــــك حيلي انهدم

من تموت الخوة ماتت ٠٠ بعازتك لالا تمــوت
بعد خويـة گلي مره ٠٠ احچي لا تنطي السكوت

ياخويـة                   ياخويـة

——— ٢ ———

طاحت الخيمة علينـه
گوم أنهـــض ياوليـنه
شبگتك كلش حنيـنه
وين ذيج متونـك

راسي شيب من اجيتك
مو هذاك انت لگيتك
مخضبة بالدم الحيتك
وحيل غير لونك

اشطعمهه الخوية منــك من صحت
اجيتك اركض ماشفت دربي وطحت

الگاع لا تشبگها خوية .. گــــوم اشبگ متني حيـل
هية أخر شبگة هاية .. ابدون اخو تسحگني خيل

ياخويـة                   ياخويـة

——— ٣ ———

ياكلــــب يــــاروح بيـه
بدونك ارجــع يم رقيــه
گوم انهض هــاك اديــه
وخل نـرد للخيمــة

ماريد المـــاي اريــدك
اروة من تلـزمني بيـدك
كوم لا تترك عضيـــدك
منكســـر بالهيمـة

روحي گبل اجدامــي اجتك للنهر
من السمة طايح على الگاع الگمر

احزام ظهر الخــــوة طايح .. بعــد شيفيد البچي
الخطوة صارت عندي گـوة .. جنـت بسمك انتچي

ياخــــويــة    ياخـــــويــة

——— ٤ ———

بالخيم وگفــــت رقيـــه
من بعُـــد تنظــر عليـــه
خاليــــــة منــك اديـــه
وتعبتــــني هوايه

يابو فاضـل عمي صــاحت
محني شافت ضهري ناحت
للخيم ركضــت وطــاحت
وين راعي الــــراية

لاتخلي اتعـــــــثر بنكل الجدم
انهض ولاتوگع اگبــــال الخيم

من الخيم رايتنة طاحت ٠٠ وچنت خيمة اعلة الخدر
گمـت اميل انه بمشيتي٠٠ نـــاس شمـــات اشكثــر

ياخــــويــة    ياخـــــويــة

——— ٥ ———

ساعة وخــــيول اعـوجية
تسحك اعلى ضلوعي هية
هــــــذا المفـــارك اخية
وكلشــي غربة ابدونك

گوم ياحــــامل لــــوانه
المحد يعوض مچــــانه
كلهة تتنطـــرك وانــــه
مالي غيــــر اعيونك


ابطيحــتك يابالفضـــل ماضلي حيل
وراح اطيحن مثلكَ وتسحــگني خيل

ماكو ناصر خوية عندي ٠٠ وكلها تفرح من اطيح
الخيل ماترحـم حبيبك ٠٠ حــتى من يوكع ذبيح

أللهم عجل الوليك الفرج
—————
كُتبت ... السيد عبدالرحمن الموسوي ✍️

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

٢٥ | ضوى دربك |

——— أَلْمُسْتَهَلْ ———

ألخدمّـة علمة أجيالّ ٠٠ راح انه اوظَّحلك زيـن
الله خَْلق هاي انــاسَّ ٠٠ اتصَّير خِّـدام حسـين
هل النعمة يامـحلاهه
من نـدخل أبرجواهه
الـخدمــة .. الـخدمــة

——— ١ ———

حسين عالفطرة عشگتك
انــتَ دستـــــور العشكَ
خلي خيمة أبــنصَّ دليلّي
بـــس عليك أنـه احتركَ
بيك ماينقـــــاس حــبي
احجي ويــــاك الصـدكَ
البداخلي اتشوفة وتعرفة
عليك لو صـــــدري يدكَ

أدبني ويـــاك حسين ٠٠ ورزقني دمعـه ابجيهه
خليني اعيشن عاشور ٠٠ كل خـــدمتي تظويهه
أسمك يغركَ روحي
اتشافي كل جروحي
الـخدمــة .. الـخدمــة

——— ٢ ———

ماماشي المـــــايعـــرفك
هاذ مـــو دربــــــة عدل
عنده عـــادي لو سـمعهه
أركبت زينـــب عالـــهزل
أبصـــديق أرزقـــــني انتَ
طاهــــر ونطــــفت أصل
ينصّحني عالصح مايجامل
صاحـــب عليه الفـــضل

انتَ التدليني النــــاس ٠٠ أيعلــموني عن دمعة
اشمحلة جلست خدام ٠٠ لمصيبتك لـــو ننعه
نبچي سـويلــــة اليلّة
الحسين دمعي أسيلّة
الـخدمــة .. الـخدمــة

——— ٣ ———

حسيـن باب الجنـــة بيدة
للخــــدم حي الله صــاح
وينه لليـــسمع مــــصيبة
ويـــترس المجـلس صياح
مسجل بـسجل أمي فاطم
العـــدد دمعــــات النياح
وينه من گــد الطمة فاقد
وبنص عــــزاء الهيئة طاح

الله خــلق جنـــه هناك ٠٠ مخصصـه للـــــخدام
يومية مجلس ننـــصَّب ٠٠ وكلها تشد بيهه احزام
حمزة الصغير اليقرة
تحظر عـــزية الزهرة
الـخدمــة .. الـخدمــة

——— ٤ ———

يلي بالــــصورة من انّظرك
ليـــش اعشـــكَ ظحكتك
خيال رســام الـــــرسمهه
بـــس احبــن صـــــورتك
تدري ياحـــسين ارد اگلك
نسمــة الحُبَّ شــــوفتك
العافية بالصـــورة انظرك
لو البســـت عمامـــــتك

گلبك جبير انتَ حسين ٠٠ عــايش الهسه بعدي
الذنـــوبي الـــمسويها ٠٠ جارح إمامي المهدي
اغلط وجيـــك اتعذر
ناسي السبي والمنحر
الـخدمــة .. الـخدمــة

——— ٥ ———

اصغار جنــه بالـــمواكب
أنخدمك احنه من الگلب
لو سمعـنه ناعي يقــــرة
الزينب ادمــــوعي تصب
والدي علمني اخدمــــك
بيـــــدة دلانــــي الدرب
خله أسمــك بيـــن گلبي
جـــادر وبـــي منـــصب

بحر الحنان انتَ حسين ٠٠ أشما ابتعد تندهلي
وتمدلي أيـــدك مولاي ٠٠ وسمــع تعال ادگلي
يالماعفتـــني ابوحدي
تركض الدمعـه بخدي
الـخدمــة .. الـخدمــة
—————————
#اللهم_عجَّل_الوليِك_الفرج

#عبدالرحمن_الموسوي ✍🏻

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

٢٦ | على رمالِ كربلاء |

——— أَلْمُسْتَهَلْ ———

من شفتك اعله الأرض ٠٠٠ فارشها طول بعرض
روحك الترفة زهگت ٠٠٠ و زهگت روحي وياها

——— ١ ———

لونك تغيـر بالشمـس •• وبصدرك اسهام
جسمـــك ترف مايحتمل ••عالگاع لتنام
چثتــك تغطــت عالرمل ••برماد الاخيام
و لزينبك مــن الركض •• ما ظلت اجدام

شما انظرك تنگــلب ٠٠٠ ينذبح مــــني الگلب
روحك الترفة زهگت ٠٠٠ و زهگت روحي وياها


——— ٢ ———

امن الخيمة ياخوية اطلعت •• والصدمة صعبة
يابس وريدك و النحر •• يا ماي اشربه
چم مرة گتله للشمر •• لا لا تضربه
و الحافر ينثر وذر •• من يمشي دربـه

بصدرك كسر چم سهم ٠٠٠ و كل حيلي خويه انهدم
روحك الترفة زهگــــت ٠٠٠ و زهگت روحي وياها

——— ٣ ———

راسگ صعد فوگ الرمح ••و اتغير اهـــواي
جابوا الماي و بس بعد •• شنـسوي بالماي
خوفي عليك امن الشمس •• ما يمك افياي
خويه استراح و عالرمح•• مــاشينه بهداي

هذا الأثر للسحگ ٠٠٠ بشفايفك لو حرگ
روحك الترفة زهگت ٠٠٠ و زهگت روحي وياها


——— ٤ ———

برمحك تطوف اعله الضعن •• و تلـم يتاماك
و انه عله اظهـــور الــــهزل•• اتماشـه وياك
كون الله لا ينطي العطش٠٠ شمسوي بشفاك
و الحجر خاسف جبهتـــك ٠٠٠ و هــوايه أذاك

متحني شيبـك دمـه •• و دم بچت عين السمة
روحك الترفة زهگت ٠٠٠ و زهگت روحي وياها


——— ٥ ———

من عفتك تـــــرافس هضم •• بالغاضريه
عشــــــت بحيـــاة الأخــــرة ٠٠و انه سبية
المفروض چان ويـــــاك اظل ٠٠٠ للاعوجيه
و ضلوعي و ضلوعك طــــحن تندگ سويه

من كل كتر منطعِن.... و ابخيلهم مندفِن
روحك الترفة زهگت ٠٠٠ و زهگت روحي وياها
—————-
#اللهم_عجَّل_الوليِك_الفرج
السيد عبدالرحمن الموسوي ✍️

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

٢٨ | ظهر اخوك انكسر |

——— أَلْمُسْتَهَلْ ———

ماضل صبر صبري خلص چن دمعة
و عمري كضه مثل الشعلّه شمعه
من عيني شافت يمنتك و اليسرة
من عدها و انه بكلبي نار موجــره


——— ١ ———

اليفكَد أخيه مو سهل تصعب عليه كل ليلة
وياابا الفضل لمن رحت ياهو البعد اشكيلة
وحسين متخوصر رجــع عالنهر عايف حيلة
انظر علة طوله وكَـع ما عنده اخوه يتچيلة

فكَد الاخــو يكسر ظهر بالغربـــة
و حسين بعـدك خويه تيَّه دربــة
من شفته يشهكَ حسرة بعد الحسرة
من عدها و انــــه بكلــبي نار موجره

——— ٢ ———

هجمة كتيبة امن العده حركوا عـــلينه الخيمة
وطفال تتراكض رعــب مذعـــورة وسط الهيمة
مروتك صحـت يابا الفضل الحگلي يابو الشيمة
خانگني دخـــان الخيـــم فوگاي صـــاير غيمة

عمامة اخوك و صــايته مسلوبة
و الجثة ويلي اعله الصدر مگلوبة
لمن لحيته خويه صـــارت حمرة
من عدها و انه ابكلبي نار موجـره

——— ٣ ———

مكيـديني باحبال العده و روس اخـوتي كـــدامي
و ما ادري چم طفلة البقت محروكَة جوة اخيامي
حفـاي نمـــشي و الـــرمل ياخــوي چوَّه اجدامي
راسك اشــوفه يلتفت كلـــما صحـــت يالضامي

من السياط الــدم نشف باچتافي
و عالگاع خويه سال جدم الحافي
بلا خيمة خويه نمنه وسط الصحرة
من عدها و انه ابكلبي نار موجــــره

——— ٤ ———

أصبح سبية ابلا خدر من بعــد عينك تدري
و باچر عله اظهور الهزل بالشام احير بامري
راسك ينام اعلى رمــح عبــاس ياهو بظهري
زينبكم الطاحت تعب والشام ماخذ عمري

محنية مـن گـد المــــشي وتعبانة
مثل الـــــورد مـن العـطش ذبلانة
مگطوع راسة أثنعش طبرة بنحرة
من عدها وانه بگـــلبي نار موجرة

——— ٥ ———

مــــن دارنه لبـ الكوفة امر يتشمت اليعرفني
شوفــوه هـــاي بـــت علي وحجايتة تلجمني
وسمع يضحكون شكثر موقف شكد يهضمني
اليعرفنه ضل يشمر حجر وحــجارته جرحتني

كون يم عــــباس مـــوش هنانة
الينولي بالــــغـربة يمـة اخوانـة
وگفوني يـم وادم حقد بالنظرة
من عدها وانه بگلبي نار موجرة
——————————————
#اللهم_عچل_الوليك_الفرج

السيد عبدالرحمن الموسوي ✍️

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

٢٩ | بنتُ الشجاع |

——— أَلْمُسْتَهَلْ ———

يازينب يم عون يازينب
يازينب يم عون يازينب

——— ١ ———

مشيتهه جنهه حـــيدر ٠٠ نضــرتها عباس
أم خورسه الناس
الگاع ترجف من مشتهه ٠٠ اطيح بيهه الجبال
ماتضل بيهه رجال

بس اشرت بيــــديهه
انكلبت بمرها الارض
والجيش لو شافاهه
يرد الخيامه ركــض
چن ابو فاضـل هيه
چلمتهه ماتنرفض

يازينب يم عون يازينب
يازينب يمعون يازينب

——— ٢ ———

عاصفه ورعيده صارت ٠٠٠ من تطب عالديوان
رجفتهه العدوان
ترجف الچلمه ابلـسانه ٠٠٠ جبيرهم لو يحجي
من خوفه يبجي

ابصدر القصر لو توگف
فرت بديهـــه الزلـــــم
هيبتهه مثل الكافل
بالوگفه كسرت خشم
نزلت روس القـــــادة
من اخت الگـمر ونعم

يازينب يم عون يازينب
يازينب يم عون يازينب

——— ٣ ———

انه اخت ريشاتة خضرة ٠٠ وطر العساكر
   وضّهرهه كاسر
ارد اكلك عن شمركم ٠٠ وره الخيمه لابد
من خــوفه شارد

انطيني فارس منكم
متواجه وي الاکـــمر
كلّ لجــــــوك هنانه
طاحو جذب عالنهـــر
اليتگرب اعله الكافـل
راسة اعله گاع انشمر

يازينب يم عون يازينب
يازينب يم عون يازينب

——— ٤ ———

چنهه ابو فاضل تسولف .. كلهه صارت خرسان
الزلم بالديوان
بنت شيخ السادة هيه ٠٠ وزينـب أميره
عّالمة وچبيره

بنت المضــــايف هية
والدهه شيــخ الحرب
اهتز المضــيف ابكبرة
زينب عليه مــن تطب
هيبة وشجاعة وغيرة
تمشي ابوريد الگـــلب

يازينب يم عون يازينب
يازينب يم عون يازينب

——— ٥ ———

الزمن يتحكم يزينب ٠٠ گلبج أشما ينبض
حساس كله ينمض
مو خرز سبحة البيدج ٠٠ نجم طاف ابيمناج
ابــدعَ اليســواج

نسمـة هــــوى العذيبي
مريتـــي للمــخـتـــــنكَ
عالم ســــــراب الشفتة
وعالم خدمتج صدكَ
حنية اترسي احساسي
ودلالـــي الج مـــحتركَ

يازينب يم عون يازينب
يازينب يم عون يازينب
———————————
اللهم عجل الوليك الفرج

السيد عبدالرحمن الموسوي ✍️

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

لطم سريع او شور


(يحسين يااميري.. يحسين يااميري)


---

يـا سور الحماية... يـا ساس البداية
يـا طيف الرعاية... يـا صـوت البطولة
•يحسين يا أميري•
يحسين يااميري... ياعيني وعيوني
ياجرحي وطبيبي... ياشمعة وجودي
•يحسين يااميري•

---
يـا نور الولاية... يـا سـر الهداية
يـا بحـر القضاية... يـا نبـض الرجولة
•يحسين يا أميري•
يادمعي ودموعي.. ياجرحي وجروحي
افديلك روحي.. يا قمر دروبي
•يحسين يااميري•
---

يـا شمعة يتيمه... يـا وردة سليمه
يـا دمعة كريمه... يانغمة قديمه
•يحسين يا أميري•
ياسري وسروري... يانبضي وشعوري
ياساكن صدوري... ياحب روحي
•يحسين يااميري•


---

يـا نبع الحنـانه... يـا نـبض الأمانه
يـا صـرخة مكانه...للروح الساكنه
•يحسين يااميري•
يا نوري وظلالي... يا سري وبالي
يا فرحة ليالي... يا سندي العالي
•يحسين يااميري•
---

يا أول بدايه... يا آخر نهاية
يا سر القضايا... وسيف المدينه
•يحسين يا أميري•
يا ضوه عمري... ويا سر عمري
يا نور بحري... ويا نبض قلبي
•يحسين يااميري•
............

يا دمك علامه... تمحي الظلامه
يا صرخة شهامه... تمشي بجبينه
•يحسين يااميري•
يحسين ياحياتي.. يدنيتي ومماتي
ياضوه طريقي... ياكلبي الغالي
•يحسين يااميري•

••••••••••••••••••••••••••••••
خادم الحسين: رضا عدي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

أحملوا أشواقنا ، دموعنا ، حنيننا أمانـــة ﺎلـى الحُســين💔🌿.•

هالقناة ڪولها اقتباسات اشتياق ࢦـ ڪربلاء تجنن شوفوها👇💔😔🏴
https://www.tgoop.com/addlist/fxWufx8Ra8AzYzQy
شوية واحذف 🔥👆🏴

الليلة هي ليلة استشهاد ابا الفضل العباس(عليه السلام) 😔💔 و أڪـَيد تـࢪدون ﺳتۉࢪيَِـاتـہ و اقتباسات ؏ــטּ هذه المُناسبة المؤلمة 😭😭💔وكثرة القـنوات في المحتوى المتشابه تـ؏ـﭑلو جـبتلكم هذه القناة تختلف عن كل القـنوات تنشر ﺳتۉࢪيَِـاتـہ و اقتباسات ؏ــטּ هذه المناسبة 🖤🏴🏴👇👇
https://www.tgoop.com/H313AR/50429
https://www.tgoop.com/H313AR/50415
انضموا قناة تجنن تفوتڪم 🏴☝️☝️☝️
#لااحلل_اخذ_الاعلان