نعي
مرني الهوی بي ریحة حسین
ذکرت کعداتهم وهملت العین
صحت صوت شبیدي عله البین
ــــــــــــــــــــــــــــــــــ
آثاري الهوی بي ریحت احباب
کلبي انجوه بدیارالاجناب
سلمني یاهوی علی الغیاب
ـــــــــــــــــــــــــــــــــ
ذکرني الهوی من جاني منهم
اوذاري التراب الجان عدهم
طیب ووفه وعنبراشمهم
ـــــــــــــــــــــــــــــــــ
حملي ثجیل ومن یشیله
اطفال عندي وعندي عیله
ظلمه الدرب یاهودلیله
ـــــــــــــــــــــــــــــــــ
یامنیدلیني الدرب وین
انه اخت عباس وحسین
اهل الفخرذوله وشیاهین
ــــــــــــــــــــــــــــــــ
التفتیت مامش واحداحذالي
تالي صفیت الشمریبرالي
واشکف بدیه واحمي حالي
ــــــــــــــــــــــــــــــــ
ماضل بعدبالروح حیل
راح الولي والدنیه لیل
والجثه صارت ملعب الخیل
ــــــــــــــــــــــــــــــــــــــــــ
#ثمت بعون الله بقلم ام یاس الساعدیه

قناة الشاعره أم ياس الساعديه

نتشرف بنضمامكم الينا رابط القناة 👇👇👇

https://www.tgoop.com/Alsaidyh

بصوت. مسلم المطيري


كلمات الشاعرة
ام ياس الساعديه

قصیده للعباس ع
سمعت حسین یاناس یکلي طاح عباس
یزینب سِنِديني علیه اتهدم الساس
ـــــــــــــــــــــــــــــــــــــــــــــــــ
اجاني مخوصرحسین بس یجهرونینه
کلبه مشتعل نارعله الکطعوادینه
صکطت دمعت العین للصابوجبینه
یکلي باصریني مکطوع انه الانفاس
ـــــــــــــــــــــــــــــــــــــــــــــــــ
صحت یانارکلبي خبرمیشوم اجاني
راح الحیدمني وغدربیّه زماني
الاخورایح یربي مشه عني ونساني
ضاعت کل سنیني ابقه امهبطه الراس
ــــــــــــــــــــــــــــــــــــــــــــ
شجاوب ام البنین لوسئلتني هیه
عله اجفوفه شکلهه لنکطعت سویه
اکلهه انصاب بالعین والجربه هویه
عکبه امیسریني اروح ابولیت ارجاس
ــــــــــــــــــــــــــــــــــــــــــ
حسین انکسرظهره وعیونه علیه
جاني امدنک الراس عکب عباس اخیه
بین الکوم کثره یاسوده علیه
یکلي اعذریني منه کطعي الیاس
ـــــــــــــــــــــــــــــــــــــــــــ
حسین ایکول زینب شدي معصب الراس
راح الجان ایخوف ابخزراته الرجاس
غاب الکمریاحیف عکبه الخدرینداس
یختي دعینیني راح البطل عباس
ــــــــــــــــــــــــــــــــــــــــــ
#تمت بعون الله بقلم ام یاس الساعدیه بتاریخ6/11/2024

من رادقرآت القصیده یصعب علیه اسمي یکول ابویاس الساعدي

قناة الشاعره أم ياس الساعديه

نتشرف بنضمامكم الينا رابط القناة 👇👇👇

https://www.tgoop.com/Alsaidyh

قصیده للخدمه
ماریددنیه ابلیاك احسبني خادم ارجاك
یبن الزجیه یبن الزجیه
ــــــــــــــــــــــــــــــــــ
اقبلني یابوالمعرفه اقبلني خادم
کضیت عمري ابمجلسك لاماني نادم
مشایه اروح ازیارتك اي والله عازم
خلیني اخربالخدم موالّه قادم
سیدي کلبي ناداك یبن الزجیه
ـــــــــــــــــــــــــــــــــــــ
اخراضلن مایهم المهم مقبول
بس لااضل الوَحَدِي من الخدم معزول
واسمي یضل عندك بعدسیدي مجهول
ابدونك اضل ابلایه روح الجسدمحمول
رجعلي روحي التهواك یبن الزجیه
ــــــــــــــــــــــــــــــــــ
لوماخدمتك سیدي عمري مایسوه
والکلب غیرك یاحسین ابداًمایهوه
بالخدمه هاي انه اریدحفرتي تضوه
اشفعلي یابن حیدره حتی الله یرضه
الله شفاعه انطاك یبن الزجیه
ـــــــــــــــــــــــــــــــــــ
لمن اطب المجلسك مرفوع راسي
مهیوب بسمك من اطب عدهلي وناسي
بالخدمه اتباهه انه واعبراحساسي
عطرالجنان ایمرعلي اشمه بنفاسي
سیدي الجنه ابیمناك یبن الزجیه
ـــــــــــــــــــــــــــــــــــــــ
یاریت اصیرلك حرف ابوسط القصیده
اتعَبَرانه ابمنبرك ابکلمه جدیده
رادودیقراني ابحزن یلزمني بیده
یذکرمصایب کربله ولوعت حمیده
یذکررقیه التنخاك یبن الزجیه
ـــــــــــــــــــــــــــــــــــ
#تمت بعون الله بقلم ام یاس الساعدیه بتاریخ29/10/2024
من رادیقرأ القصیده ویصعب علیه اسمي یقول ابویاس الساعدي

قناة الشاعره أم ياس الساعديه

نتشرف بنضمامكم الينا رابط القناة 👇👇👇

https://www.tgoop.com/Alsaidyh

قصیده للحسین ع وایضاتقرابیوم الانصار

مالوم عابس لاجون من صار، والله مجنون
بحبك یبوالیمه بحبك یبوالیمه
ــــــــــــــــــــــــــــــــ
مالومه من شک الثوب
ویصیح منك ماتوب
ویاك اضل یامهیوب
ترخصلك اثنین اعیون
اقبل یبوالیمه
ــــــــــــــــــــــــــــ
یاریت اصیرن عابس
نفس الثیاب اللابس
شکهن ولاهوحاسس
ایسموني مثله مجنون
هایم یبوالیمه
ـــــــــــــــــــــــــــــــ
لحدیلوم الانصار
ضحومن اجله اعمار
عافوولدهم والدار
ماخاب منهم مضنون
والله یبوالیمه
ــــــــــــــــــــــــــــ
جنت انه الوم التطبیر
واکول مابي تدبیر
بس الیعرفك ایصیر
خادم یضل وممنون
الکم یبوالیمه
ــــــــــــــــــــــــــ
حکه الي یمشي مشاي
من اخرالدنیه جاي
لجلك ولجل الرواي
والعمرهمینه ایهون
فدوه یبوالیمه
ـــــــــــــــــــــــــــ
#تمت بعون الله بقلم ام یاس الساعدیه بتاریخ 28/10/2024
من رادیذکرالاسم وصعب قوله یقول ابویاس الساعدي

قناة الشاعره أم ياس الساعديه

نتشرف بنضمامكم الينا رابط القناة 👇👇👇

https://www.tgoop.com/Alsaidyh

فزاعیه المولاتي الزهراء علیه السلام
من صابوامي بالضلع
هشموا مني اضلوعي
ـــــــــــــــــــــــــــــــــــــ
اضلوعي کلهه اتهشمن
وحده اعله وحده اترادمن
وهموم کلبي اتکاثرن
خدي انجرح بدموعي
ـــــــــــــــــــــــــــــــــــــ
بعیني نظرت اصوابج
نیران شعلوا بابج
بسماروسفه صابج
ضلیت وحدي ابلوعي
ــــــــــــــــــــــــــــــــــ
احایفعل الناصبي
لامارعو بیت الوصي
جنهم نسوبنت النبي
هیه الفجرواطلوعي
ـــــــــــــــــــــــــــــــــ
یایمه یازهراصحت
یاریت انه الي انصبت
فدوه الج یمه رحت
جن صابوآنه اضلوعي
ـــــــــــــــــــــــــــــــــــ
یاوسفه صدرج ینصدع
البسمارکوه ینشلع
اشلون بابج یندفع
مصنوع من اجذوعي
ــــــــــــــــــــــــــــــــــــ
#تمت بعون الله بقلم ام یاس الساعدیه

قناة الشاعره أم ياس الساعديه

نتشرف بنضمامكم الينا رابط القناة 👇👇👇

https://www.tgoop.com/Alsaidyh

أبوذیه الرقیه علیه السلام

رقیه تصیح یابویه علي مر
الحلوحنضل الي صایرو علي مر
مشه جدمي عله الشوك و(عل یمر) علي مر
یبویه حسین متلحک علیه
#ام یاس الساعدیه

قناة الشاعره أم ياس الساعديه

نتشرف بنضمامكم الينا رابط القناة 👇👇👇

https://www.tgoop.com/Alsaidyh

قصیدة للزهرا ع عله لحن یاراکضات من الخیم ذاك الحسین اکبالجن....

یالشایلین ام الحسن روحي ترید اویاها
ـــــــــــــــــــــــــ
شیعهه بالیل الوصي بالظلمه عني اخذاها
يالشايلين الزاجيه اتمهلوا بممشاها
امي العزیزه ام الوفه امنيتي اضل احذاها
من ايست كلبي انجوه ما اكدر ابلياها
✍ام یاس الساعدیه
ــــــــــــــــــــــ
يلي بضعنه حملت اليا كتر منواها
ملعون المصوب الضلع امي تون خلها
وشلون يتراب الگبر الطاهره غطاها
ازغار الحسين وحسن ما شبعوا من ارباها
✍️العلويه الاء
___
ضليت افتر بالنزل وعيني تهل مبجاها
والوالدي انظر ألم ابيا جفن لفاها
راحات ابوي اعلى الجفن دم مو دمع جواها
خد امي متبلل دمع يوم الذي دفناها
✍طالبةالزهراء القريشي
__
الكسر ضلع امي غصب والثايه من طباها
بعد الحرك سوط بمتن بالحقد من ظرباها
اسبابهم حيدر تره شجعانهم لاواها
كل بيت بيه جم نايحه وكلوبهم فجعاها
✍طالبةالزهراء القريشي
_
يكسر ظلع لام الحسن والدار هم حرگاها
محسن وگع فوگ الترب والعين هم سطراها
خصمه النبي يوم الحشر عن فعلته السواها
هاي الزچيه ام الحسن خسران من عاداها

✍ الحاجه ام احمد الحچام
___
اهتزت عروش السمه لمن علي شالاها
امي برضاها الله رضه ويوالي الوالاها
ابياذنب حرگ النزل وحدوده اتعداها
ملعون كلمن فاطمه بضلوعها اذاها
✍️العلويه الاء
__
تمت القصيده باقلام شاعرات رابطه
الطفوف
منتدى القلم الفاطمي
اللهم عجل لوليك الفرج

قناة الشاعره أم ياس الساعديه

نتشرف بنضمامكم الينا رابط القناة 👇👇👇

https://www.tgoop.com/Alsaidyh

جدید ۲٠۲۴/۱٠/۱٠
قصیده المولاتي الزهراء (س)
ــ ــ ــ ــ ــ ــ ــ ــ ــ ــ ــ ــ
شلون خلف الباب کسرولج ضلع
یتموا الحسین وایهل الدمع
ـــــــــــــــــــــــــــــــــــــــ
آه خلف الباب اهمامن دروج
حیل دفعوه وعله الحایط رموج
عمده بالبسمار ویلی عوروج
وسفه یابت الرسول ایروعوچ
آه یاام الحجاب//وش عظم هذاالمصاب
آه یاهاي الرزیه آه یاکسرالضلع
ــــــــــــــــــــــــــــــــــــــــ
روعوج وروعه اطفالج بعد
حیف وحدج جنتي مايمج احد
سكطوا محسن ولاشاف المهد
من سكط محسن دليلج انمرد
منج انکطعت نفس//ساکته ومامن همس
ریت ابوالحسنین جان ابهل وضع
ـــــــــــــــــــــــــــــــــــــ
عمرج ابعمرالورد يافاطمه
من مشيتي دنيه صبحت مظلمه
عفتي اولادج عليج امعلمه
عفتي زينب بالهضايم هايمه
اه يم كلب الحنين//عفتي بتج بالونين
حيدرابدونج بكه هل منفجع
ـــــــــــــــــــــــــــــــــــــــــــــ
عفتي حیدروحده وایهل الدموع
راح شخصج مابعدمنه رجوع
انتي یابنت الرساله و الفروع
یلي دایم کل صلاتج بل خشوع
بقه قرآنج حزین//آ یبت طه الامین
لیش یازهرا کلبج ینصدع
ــــــــــــــــــــــــــــــــــــــــــــــــ
باب دارج ویلي محروک ابحقد
خلص عمرج رحتي ابعمرالورد
ازغيره رحتي واليروح ما ايرد
دارظلمه اشلون اولادج تصد
الدارحزنانه صفت//بيهه اولادج بجت
عیون زینب عکب عینج تنشلع
ـــــــــــــــــــــــــــــــــــــــــ
#تمت بعون الله بقلم ام یاس الساعدیه 2024/10/10
لمن یصعب علیه الاسم یکول ابویاس الساعدي

https://www.tgoop.com/Alsaidyh

سلام علیکم انشالله یوم الثلاثاء عازمه للنجف الاشرف الي یحب یقلدني الدعاء والزیاره

نعي للزهراعلیه السلام
یاریت روحي تروح ویاج
زغیره ولااکدرالفرکاج
یم المحنه حلوملکاج
ــــــــــــــــــــــــــ
زغیره عله الیتم بعدني
فرکاج من هسه ضهدني
طکني الدهرمنج فردني
ــــــــــــــــــــــــــ
الداروحشه تعمي العیون
احمل افراکج یمه اشلون
ونیت انه ویه الیونون
ــــــــــــــــــــــــــــــــ
یبجون خواني الثنین
وبجي الثلاثه ایودرالعین
اخلافج تره احنه محزنین
ــــــــــــــــــــــــــــ
جلثوم خیه کابلیني
عله فکدامنه ساعدیني
تنعین یمي وتبجیني
ــــــــــــــــــــــــــــــ
#تمت بعون الله بقلم ام یاس الساعدیه

قناة الشاعره أم ياس الساعديه

نتشرف بنضمامكم الينا رابط القناة 👇👇👇

https://www.tgoop.com/Alsaidyh