РАМАЗОН ОЙИДА КАСАЛЛИК ХУРУЖ ҚИЛИБ ҚОЛСА
#рўза

❓888-CАВОЛ: Ҳар йили Рамазон ойида рўза тутаман деб ният қиламан, аммо ҳеч тутолмайман. Касаллигим хуруж қилиб қолаверади. Қандай тутишни тавсия қиласиз, бу йил ҳам тутаман деб ният қилганман лекин яна дори ичмоқдаман. Нима қилсам бўлади?

💬 ЖАВОБ: Бисмиллаҳир Роҳманир Роҳим.
Ҳамма касалликлар ҳам рўза тутмасликка узр бўлмайди. Бу мавзуда "Фатовои ҳиндия" китобида шундай дейилади:

( وَمِنْهَا الْمَرَضُ ) الْمَرِيضُ إذَا خَافَ عَلَى نَفْسِهِ التَّلَفَ أَوْ ذَهَابَ عُضْوٍ يُفْطِرُ بِالْإِجْمَاعِ ، وَإِنْ خَافَ زِيَادَةَ الْعِلَّةِ وَامْتِدَادَهَا فَكَذَلِكَ عِنْدَنَا ، وَعَلَيْهِ الْقَضَاءُ إذَا أَفْطَرَ كَذَا فِي الْمُحِيطِ .
ثُمَّ مَعْرِفَةُ ذَلِكَ بِاجْتِهَادِ الْمَرِيضِ وَالِاجْتِهَادُ غَيْرُ مُجَرَّدِ الْوَهْمِ بَلْ هُوَ غَلَبَةُ ظَنٍّ عَنْ أَمَارَةٍ أَوْ تَجْرِبَةٍ أَوْ بِإِخْبَارِ طَبِيبٍ مُسْلِمٍ غَيْرِ ظَاهِرِ الْفِسْقِ كَذَا فِي فَتْحِ الْقَدِيرِ .

"Рўза тутмасликка узр бўладиган ҳолатлардан бири касалликдир. Касал киши жонига ёки бирор аъзосига талофат етишидан хавф қилса, уламолар ижмосига кўра, оғзини очади. Агар касаллик зиёда бўлиши ёки (тузалиши) чўзилиб кетадиган бўлса ҳам, бизни мазҳабимизда масала юқоридаги каби. (Мана шундай рўзадор касаллар) оғиз очса, қазо вожиб бўлади (каффорат эмас).

Рўзани очишни мубоҳ қиладиган касалликлар беморнинг ўз фикри билан бўлади. Беморнинг фикри эса фақат тахмин-гумонлардан иборат бўлмайди. Балки у аломатлар, тажрибалар ёки фисқи зоҳир бўлмаган мусулмон табибнинг хабар беришига таянган устун гумон (ғалабатуз-зон) бўлади" ("Фатово ҳиндия" китоби).

У киши тузалганидан кейин рўзанинг қазосини тутиб беради. Тузалишидан умид бўлмаса, рўзанинг фидясини беради. Бемор киши рўза тутиш масаласида дину диёнатдан хабари бор, моҳир шифокор ёки табиб билан маслаҳат қилиб, унинг кўрсатмасига амал қилишлари керак.

Рамазонгача яхши даволаниб олинг. Кейин рамазонда яхши ният билан Аллоҳ таолодан мадад сўраб рўзани тутиб кўринг. Дориларни саҳарлик ва ифторлик пайтларида ичиб туринг. Шу йўсинда тута олсангиз жуда яхши. Агар яна касалингиз хуруж қилса, рўза тута олмасангиз. Тузалганингиздан кейин қолиб кетган кунларни тутиб берасиз.

Лекин шуни билиш керакки, рўза тутишга халал бермайдиган касалликларни сабаб қилиб рўза тутишдан қочмаслик керак. Ҳар бир ақлли, балоғатга етган мусулмон учун Рамазон рўзасини тутиш – фарзи айндир. Чунки Аллоҳ таоло Қуръони каримда: “Эй, имон келтирганлар! Сизлардан олдинги (уммат)ларга фарз қилингани каби сизларга ҳам рўза тутиш фарз қилинди, шояд (у сабабли) тақволи бўлсангиз”, дейди (Бақара сураси 183-оят).
Бошқа оятда эса: “Бас, сизлардан ким бу ойда (ўз яшаш жойида) ҳозир бўлса, рўзасини тутсин”, деб буюради (Бақара сураси 185-оят).

Албатта, рўза – ислом динининг арконларидан бири, улуғ ибодат. Пайғамбаримиз соллаллоҳу алайҳи васаллам: “Ислом беш нарса устига қурилган: Аллоҳдан ўзга илоҳ йўқ, деб гувоҳлик бериш, намозни қоим қилиш, закотни бериш, байтни ҳаж қилиш ва Рамазон рўзасини тутиш”, деганлар. (Муттафақун алайҳ, Абдуллоҳ ибн Умардан ривоят қилинган). Бошқа ҳадисда эса: “Рамазон ойингизда рўза тутинглар”, деб буюрганлар. (Имом Термизий Абу Умомадан ривоят қилганлар).

Рамазон ойи – нафсни поклаш, тавба қилиш, катта-катта савобларга эга бўлиш мавсумидир. Бу ойда сабабсиз тутилмаган бир кунлик рўзани бошқа ойларда ҳар қанча тутилса у савобни топа олмайди. Абу Ҳурайра разияллоҳу анҳудан ривоят қилинади: Пайғамбаримиз алайҳиссалом шундай дедилар: “Ким рухсатсиз ва касал бўлмай туриб, Рамазонда бирон кун рўза тутмаса, гарчи бир умр рўза тутса ҳам, ўша бир куннинг қазосини ўтай олмайди” (Имом Термизий ривоятлари).
Валлоҳу аълам.

Ўзбекистон мусулмонлари идораси
Фатво ҳайъати.

Telegram | Instagram | Facebook | Tiktok

• Илмсиз бажарилган ибодатда,
• Фойда бермаган илмда,
• Тафаккурга бошламайдиган Қуръон ўқишда хайр йўқдир...

Ҳазрати Алий Муртазо карромаллоҳу важҳаҳу

Aqida.uz 𝚜𝚊𝚢𝚝𝚒𝚗𝚒𝚗𝚐 𝚛𝚊𝚜𝚖𝚒𝚢 𝚜𝚊𝚑𝚒𝚏𝚊𝚕𝚊𝚛𝚒👇
Telegram | Instagram | Youtube

📢 РАМАЗОН ҲАЙИТИ НАМОЗИНИНГ ЎҚИЛИШ ВАҚТЛАРИ БИЛАН ТАНИШИНГ!

😄Юртимиз масжидларида 2025 йил 30 март – якшанба куни Рамазон ҳайити намозининг ўқилиш вақтлари қуйидагича белгиланди:

1. Андижон вилояти 06:20
2. Наманган вилояти 06:20
3. Фарғона вилояти 06:20
4. Тошкент вилояти 06:30
5. Тошкент шаҳар 06:30
6. Самарқанд вилояти 06:40
7. Сирдарё вилояти 06:40
8. Жиззах вилояти 06:40
9. Қашқадарё вилояти 06:45
10. Сурхондарё вилояти 06:45
11. Бухоро вилояти 06:50
12. Навоий вилояти 06:50
13. Хоразм вилояти 07:05
14. Қорақалпоғистон Рес. 07:15

#namoz #vaqt #ramazon_hayiti

✅ Ўзбекистон мусулмонлари идораси
Матбуот хизмати

⏺MUSLIM.UZ GA 😎 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

Ҳайит кунининг одоблари!

•Намозга чиқишдан олдин ғусл қилиш (ювиниш);
•Рамазон ҳайитида намоздан олдин егулик еб олиш;
•Ҳайит кунида такбир айтиш;
•Табриклаш;
•Ҳайит учун безаниш, янги ва тоза кийимларни кийиш;
• Ҳайит намозига бир йўлдан бориб, уйга бошқа йўлдан қайтиш.

Aqida.uz 𝚜𝚊𝚢𝚝𝚒𝚗𝚒𝚗𝚐 𝚛𝚊𝚜𝚖𝚒𝚢 𝚜𝚊𝚑𝚒𝚏𝚊𝚕𝚊𝚛𝚒👇
Telegram | Instagram | Youtube

Assalomu alaykum va rohmatullohi va barokatuh!

Ramazon hayiti barcha musulmon ummatiga muborak bo‘lsin!

Yaratga Zot Alloh Ramazoni sharif hurmati va barokatidan gunohlardan poklab duolarimizni ijobatiga yetkizsin.

Siz va xonadon ahillaringizga fayz va barakalar yog‘dirsin!

Karmana tumani “Jaloir” jome masjidi imom-xatibi. A.Hakimov

Aqida.uz 𝚜𝚊𝚢𝚝𝚒𝚗𝚒𝚗𝚐 𝚛𝚊𝚜𝚖𝚒𝚢 𝚜𝚊𝚑𝚒𝚏𝚊𝚕𝚊𝚛𝚒👇
Telegram | Instagram | Youtube

Ўзбекистон халқига Рамазон ҳайити табриги

Манба: https://www.tgoop.com/shmirziyoyev/26393

✅ Ўзбекистон мусулмонлари идораси
Матбуот хизмати

⏺MUSLIM.UZ GA 😎 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

🌙РАМАЗОН ҲАЙИТИНГИЗ МУБОРАК БЎЛСИН!

Шайх Нуриддин Холиқназар ҳазратлари
Ўзбекистон мусулмонлари идораси раиси, муфтий

🎬YouTube |🚀Telegram |📷Instagram |🔵Facebook

#muftiy_minbari@muslimuzportal

✅ Ўзбекистон мусулмонлари идораси Матбуот хизмати

🌐 MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

#Ҳадис

ҚИЁМАТДА ТОШ БОСАДИГАН АМАЛ!

Абу Дардодан ривоят қилинади: “Набий соллаллоҳу алайҳи васаллам шундай дедилар: “Кимга мулойимликдан насиба берилган бўлса, ўшанга яхшиликдан насиба берилибди. Ким мулойимлик насибасидан маҳрум бўлса, у яхшилик насибасидан ҳам маҳрум бўлибди. Қиёмат куни мўминнинг мезонида энг оғир тош босадиган нарса ҳусни хулқдир. Албатта, Аллоҳ фаҳш гап гапирадиган ва сўконғич кимсани ёмон кўради”.
Имом Бухорий ривояти.

•┈•┈•┈•┈•❁✿❁•┈•┈•┈•┈•

Бизни ижтимоий тармоқларда
кузатиб боринг:
Aqida.uz 𝚜𝚊𝚢𝚝𝚒𝚗𝚒𝚗𝚐 𝚛𝚊𝚜𝚖𝚒𝚢 𝚜𝚊𝚑𝚒𝚏𝚊𝚕𝚊𝚛𝚒👇
Telegram | Instagram | Youtube

ТАҲОРАТ БИЛАН УХЛАСА.

Расулуллоҳ соллаллоҳу алайҳи васаллам шундай дедилар: «Ким ухлашдан олдин таҳорат олса, бир фаришта у билан бирга тунайди, у ҳар қимирлаганда «Аллоҳим, бунинг гуноҳларини кечир», деб туради».

Ибн Ҳиббон ривоятида: «Ким таҳорат олган ҳолда тунаса, ёнида бир фаришта бўлади. У уни уйғотмайди, агар уйғотса ҳам бир фаришта: «Аллоҳим, фалончи бандангни мағфират қил, чунки у таҳорат билан ухлаган», дейди.

«Ўзингга раво кўрганингни
биродарингга ҳам раво кўр» деган ҳадисга мувофиқ, бу сўзлар сизга маъқул бўлса, бошқаларга ҳам АЛБАТТА ТАРҚАТИНГ!!!

✨ТУНИНГИЗ ОСУДА ЎТСИН✨

•┈•┈•┈•┈•❁✿❁•┈•┈•┈•┈•

Aqida.uz 𝚜𝚊𝚢𝚝𝚒𝚗𝚒𝚗𝚐 𝚛𝚊𝚜𝚖𝚒𝚢 𝚜𝚊𝚑𝚒𝚏𝚊𝚕𝚊𝚛𝚒👇
Telegram | Instagram | Youtube