İki dəfə Sovet İttifaqı Qəhrəmanı Həzi Aslanovun anadan olmasının 115 illiyinə həsr olunmuş tədbir keçirilib

Azərbaycan Hərb Tarixi Muzeyində iki dəfə Sovet İttifaqı Qəhrəmanı, tank qoşunları qvardiya general-mayoru Həzi Aslanovun anadan olmasının 115 illiyinə həsr olunmuş tədbir keçirilib.
Tədbirdə Müdafiə Nazirliyinin hərbi qulluqçuları, Milli Müdafiə Universitetinin Bakı Hərbi Kollecinin müəllim və kursant heyəti, veteranlar və digər qonaqlar iştirak ediblər.
Əvvəlcə Azərbaycan xalqının Ümummilli Lideri Heydər Əliyevin və İkinci Dünya müharibəsində həlak olanların, respublikamızın müstəqilliyi, suverenliyi və ərazi bütövlüyü uğrunda şəhid olanların əziz xatirəsi dərin ehtiramla yad edilib, Dövlət Himni səsləndirilib.
Tədbirdə iki dəfə Sovet İttifaqı Qəhrəmanı, tank qoşunları general-mayoru Həzi Aslanovun İkinci Dünya müharibəsi cəbhələrində keçdiyi şanlı döyüş və həyat yolundan geniş danışılıb.
Bildirilib ki, xalqımızın qəhrəman oğlunun Böyük Vətən müharibəsində keçdiyi şərəfli döyüş yolu heç vaxt unudulmur, əziz xatirəsi ölkəmizdə hörmətlə anılır.
Daha sonra Həzi Aslanov irsinin araşdırmaçısı, Əməkdar incəsənət xadimi, Prezidentin fərdi təqaüdçüsü polkovnik Abdulla Qurbani Həzi Aslanovun 115 illik yubileyinə həsr etdiyi “Nəsillərə nümunə” kitabını eksponat olaraq Azərbaycan Hərb Tarixi Muzeyinin rəisi ehtiyatda olan polkovnik Elşad Pənahova təqdim edib.
Sonda Həzi Aslanov adına Ordu İdeoloji və Mədəniyyət Mərkəzinin solistlərinin ifasında hərbi vətənpərvərlik mahnıları səsləndirilib.

https://mod.gov.az/az/news/iki-defe-sovet-ittifaqi-qehremani-hezi-aslanovun-anadan-olmasinin-115-illiyine-hesr-olunmus-tedbir-kecirilib-53829.html

Azərbaycan Quru Qoşunların komandanının Türkiyədə səfəri davam edir

Türkiyədə səfərdə olan Azərbaycan Respublikası müdafiə nazirinin müavini – Quru Qoşunların komandanı general-polkovnik Hikmət Mirzəyev bu ölkənin Silahlı Qüvvələrinin Baş qərargah rəisi ordu generalı Metin Gürak ilə görüşüb.
Ordu generalı Metin Gürak görüşdə Azərbaycan-Türkiyə arasında mövcud olan dostluq və qardaşlıq münasibətlərinin hərbi əməkdaşlığımızın inkişafına göstərdiyi müsbət təsiri xüsusi qeyd edib, icra olunan birgə fəaliyyətlərin bundan sonra da genişləndiriləcəyinə əmin olduğunu bildirib.
Göstərilən yüksək qonaqpərvərliyə görə minnətdarlıq bildirən müdafiə nazirinin müavini səfər çərçivəsində keçirdiyi görüşlərlə bağlı xoş təəssüratlarını çatdırıb.
Görüşdə tərəflər hərbi, hərbi-texniki, hərbi-təhsil və digər sahələrdə əməkdaşlığın perspektivləri, eləcə də qarşılıqlı maraq doğuran mövzulara dair geniş fikir mübadiləsi aparıblar.

https://mod.gov.az/az/news/azerbaycan-quru-qosunlari-komandaninin-turkiyede-seferi-davam-edir-53830.html
____

Продолжается визит командующего Сухопутными войсками Азербайджана в Турцию

Находящийся с визитом в Турции заместитель министра обороны Азербайджанской Республики – командующий Сухопутными войсками генерал-полковник Хикмет Мирзоев встретился с начальником Генерального штаба Вооруженных Сил Турецкой Республики генералом армии Метином Гюраком.
На встрече генерал армии Метин Гюрак подчеркнул положительное влияние дружеских и братских отношений между Азербайджаном и Турцией на развитие военного сотрудничества, выразив уверенность в дальнейшем расширении совместных действий.
Заместитель министра обороны выразил благодарность за оказанное гостеприимство и поделился положительными впечатлениями от встреч, проведенных в ходе визита.
На встрече стороны провели обстоятельный обмен мнениями о перспективах сотрудничества в военной, военно-технической, военно-образовательной и других сферах, а также по темам, представляющим взаимный интерес.

https://mod.gov.az/ru/news/prodolzhaetsya-vizit-komanduyushego-suhoputnymi-vojskami-azerbajdzhana-v-turciyu-53831.html

Şəhidlərimizin xatirəsi daima uca tutulur

44 günlük Vətən müharibəsində şəhidlik zirvəsinə yüksələn Nağıyev Elfaq Azad oğlunun xatirəsinə həsr olunmuş anım mərasimi keçirilib.
Müdafiə Nazirliyinin nümayəndələri, şəhidin ailə üzvləri, yaxınları, döyüş yoldaşları, digər qonaqların iştirak etdiyi mərasimdə xalqımızın Ümummilli Lideri Heydər Əliyevin, ölkəmizin müstəqilliyi, ərazi bütövlüyü və suverenliyi uğrunda şəhid olanların xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.
Çıxış edənlər şəhidimizin şərəfli həyat və döyüş yolundan danışıb, Müzəffər Ali Baş Komandanın rəhbərliyi ilə Ordumuzun Vətən müharibəsində qazandığı tarixi qələbədən, bu şanlı Zəfərin qazanılmasında igid oğullarımızın göstərdiyi qəhrəmanlıq və şücaət nümunələrindən söz açıblar.
Şəhid E.Nağıyevin ailə üzvləri və yaxınları göstərilən diqqət və qayğıya, eləcə də şəhidlərimizin xatirəsinin daim uca tutulduğuna görə Azərbaycan Respublikasının Prezidenti cənab İlham Əliyevə və Müdafiə Nazirliyinin rəhbərliyinə minnətdarlıqlarını bildiriblər.
Anım mərasimində Həzi Aslanov adına Ordu İdeoloji və Mədəniyyət Mərkəzinin yaradıcı heyəti tərəfindən şəhidlərimizin xatirəsinə həsr olunmuş şeirlər, vətənpərvərliyi və qəhrəmanlığı tərənnüm edən musiqilər səsləndirilib.

https://mod.gov.az/az/news/sehidlerimizin-xatiresi-daima-uca-tutulur-53834.html

Çətin şəraitə meydan oxuyuruq, çünki vətən bizim iradəmizdir!

#MüdafiəNazirliyi
#AzərbaycanOrdusu