الحمدلله حمدًا كثيرًا طيبًا مباركًا فيه .🤍

انها احدى الفترات التي تزفر فيها ناراً بدلاً عن هواء..

‏أيظل المرء مجروحًا طوال عمره؟ ألا توجد تدخلات؟ نهايات؟ بدايات أخرى؟ أي نجاةٍ في هذا الطريق!

لمّا أول ماوصل خبر وفاة زوج اختي و هيّ عندنا وقتها كنت صغيره بس شُفت كل عيلتي في حالة من الفوضى و الصدمة و التوتر كان كُل واحد فيهم يجي يشوفها من بعيد و يرجع لمكانه كُل واحد فيهم مش عارف كيف يقوللها ، كانت مقعمزه بيناتنا تحكي و تضحك و فجأة انقلبت ضحكتها لإنهيار و بكى

لما مرض بابا لفترة من الوقت و كان كل شوي يتعب و يقعد فـ المُستشفى أيام ، مافكرتش ولا ثانيه إن ممكن يفارق الحياة ، يوم اللي توفى كان متمدد في الصاله و فجأة امي طلعت من عنده و ملامح وجهها ماتتفسرش و بدت الحركة فـ حوشنا غريبه لقيت خوتي و عمامي داخلين الصالة و مسكرين الباب و لما فتحت الباب و لقيت وجها مغطي بالشرشاف قعدت الصوره هادي مش مفارقه ذهني حسيت بـقلبي وقف و الدنيا كلها وقفت

لمّا مرضت بنت خوي و اضطرينا نمشو بيها لتونس و قعدت فـ المستشفى اكتر من اسبوعين فـ اخر يوم ليها مشيتلها و قعدت معاها اليوم كله قعدت تحكيلي ع الناس كلها و تقولي نبي نروح لحوشنا ، روحت من عندها فـ الليل للسكن اللي قريب من المصحه مانعرفش كيف رقدت هاديك الليله بس نضت على كلمة البقاء و الدوام لله وحده اول ماسمعت هالجمله لقيت روحي لابسه عبايتي و نجري للمصحه وصلت لقيت صوت امها طالع لبرا خطواتي ثقلو هلبه وصلتها و انى حاطه يدي على قلبي و منهاره ولا نقدر نوصف بشاعة الشعور

لمّا قعدت هاديكا الليله نايضه و مش مطمنه و قلبي حاسه بيه جبل بين ضلوعي و نتصل بصاحباتي نبكي و نقولهم مش متريحه قلبي بيتفجر لما جى الصُبح مقعمزه و شاده هاتفي فتحت الفيسبوك اول منشور يطلعلي فيه صورة خطيبي ماقدرتش نقرا الكلام نزلت لأخر المنشور و لقيت كاتبين الله يرحمك و يغفرلك ، قعدت نرعش عطيت الهاتف لخوي نقوله هذا شنوو !! عطاني بظهره و ماردش عليا بحرف ، الدنيا ظلمت عليا من وقتها و لعند هاللحظه ، عيطت بكيت و درت اللي مايديره غير الجاهل انعمى على قلبي و ركبت فـيا نار ماتنطفاش العمر كله …


مواقف الفقد مشاهد الفقد شُعور الفقد صدمته و ناره و مرارته و غصته و لوعته و حُزنه و ألمه و جرحه ، الفراغ اللي مابعد الفقد الوحدة ، النقصان الانطفاء ، الضياع ، الانكسار ، انعدام الرغبه فالحياة ، فقدان الشغف و الحب و الامل ، كُل هالاشياء مش ممكن يحسها إلا اللي فقد عزيز على قلبه ، كل فقد هين إلا فقد الموت ، ربِ مايبتليكم بالموت ربِ مايفرقكم على احبابكم

لا إله إلّا الله وحدهُ لا شَريك له ، لهُ المُلك و لهُ الحمد يُحيِ و يُميت و هوَ على كل شيءٍ قدير .

اللّهُمّ لا مانِعَ لما عطيت و لا مُعطي لمَا منعتْ و لا ينفعُ ذا الجد منك الجد .

لا حَول و لا قوةَ إلّا بالله لا إله إلّا الله و لا نعبد إلّا إيّاه ، لهُ النعمة و لهُ الفضل و لهُ الثناء الحسن ، لا إله إلّا الله مُخلصين لهُ الدّين و لو كرهَ الكافرون .

سورة الكهّف ، الصْلاة على خير البشر ، الدعاء عند آخر ساعه قبل الغروب إنها نفائس يوم الجُمعة فلا تفرطوا فيها.

الحمدلله أنّ الإنسان مأجور على أحزان قلبه ووحدته وتحمّله للأذى وصبره على الابتلاءات.. الحمد لله.

أعتذر
هذا وجهي
وجهي الوحيد
ليس لي وجه آخر
ليس لي شكل احتياطي،
يا ليت كان لي واحدا آخر ،
كي أعطيه لكم .
| خالد صدقة |

‏"عيدٌ سعيدٌ وأيامٌ مباركةٌ
وموعدٌ يغمرُ الأرواحَ بالفرحِ

تقبّل اللهُ منكم كلَّ صالحةٍ
وخصّكم بعظيمِ الأجرِ والمِنَحِ"

اللي مفارق الروح .. مش ميّت لكن مش حي

على السبورة
مربع
مثلث
دائرة
وقبر
يضحك الاولاد في الدرس
يا احمق ، الرابع مستطيل !

| ايوب الشريفي |

والأرض أرضّه، والأمر أمرُه، ونحن عباده وهو بنا أحنُ وارحمّ


نحن الَّذين لا نملكُ من الأمر شيئاً إلا الدُّعاء، اللهم أبدل خوفهم أمناً وأجعلهُ برداً وسلاماً.

تؤنسني مقولة الرافعي:
"يجعلُ الله الهموم مُقدّماتٍ لنعمٍ مخبوءة”

‏كان من دُعاءِ النبيّ ﷺ:

‏اللهُمَّ بَرِّدْ قَلبي.

“جاءَ جبريلُ إلى النَّبيِّ صلَّى اللَّهُ عليهِ وسلَّمَ، فقالَ: يا مُحمَّدُ، عِش ما شئتَ فإنَّكَ ميِّتٌ، واعمَل ما شئتَ فإنَّكَ مَجزيٌّ بِهِ، وأحبِبْ مَن شئتَ فإنَّكَ مفارقُهُ، واعلَم أنَّ شرَفَ المؤمنِ قيامُ اللَّيلِ، وعزَّهُ استغناؤُهُ عنِ النَّاسِ”.

‏قال الشيخ ابن عثيمين رحمه الله :

إسأل نَفسَك عن الصلاة في وقتها والمُحافظة عليها، خصوصًا صلاة الفجر إن كنت من أهلها وبانتظام،فاعلم أنَّك مُؤمن ليس بَينَك وبينَ الجنَّة إلَّا أن تَموت
وإن كُنتَ ضيَّعتَها، فسَارع إلى إنقاذِ نَفسك.

{📖الشرح الممتع (٢٧،٢٨/٢)}

اللي ف كتفي ده مش تعويرة ،
ده جرح فراقك متغطاش .