فزاعي سريع
مع هوسات
العباس
عليه السلام
🪬

گومي وسعي الميدان
للعباس هليله
🪬
البو فاضل اللطمه اليوم شدنهه
وتتنازف دمه. المتون. خلنهه
يستاهل عراضه الحيد المجنهه
يستاهل هوسه تهوسيله
🪬
عراضه الحيد يستاهل اليله
نعازي ابفگده اخوه حسين والعيله
وياشيعیه حيل اليوم ونیله

ونيله.. عباس اليلة
🪬

نساعد بالبجي زينب واهلهه
شال ابو فاضل و طايح حملهه
كلنه نهل دمعنه ونون ونه الهه

نعازيها... بمصاب الحید
🪬
نعم منه کفیل اخته ابو الغيره
نريدك تفزع النه فزعه اجبيره
دخيلك لاتخلي الخادم ابحيره
الكافل .. يحضرنه انريده
🪬
جينه يم بابك نون ونسجب العبره
معروفه الك كل خاطر اتجبره
نمشي اعليك اخوك الي اسحگو صدره

تكضيهه.. کل حاجة ابابك
🪬
تُــــمِـــ✍ـــتُ بّــــقـــلَمِـــي آلَشــآعـرة
آلعــــلوُيــــهِ بتُـــوُلَ آلهِآ شـــمي
https://www.tgoop.com/Batool1998Batool

هوسات الإمام العباس ع السلام

➖➖➖➖➖➖➖

اريد اناشده المگطوعه ازنوده

اخته تصيح عالعباس ممروده

الشمر يضربني روحي حيل مهدوده

*((اكعد يالكافل // اختك ضربوها))*

*العلويه بتـــــــــ✍️ـــــــــول الهاشمي*

➖➖➖➖➖➖➖

اجيت بمجلسك مهموم يامولاي

يالتسگي العطاشه بيوم شح الماي

اشدلاه السهم بالجود بده الماي

*((مهضومه // يالحره تنادي))*

*ميساء ام حســــــــ✍️ــــــن*
➖➖➖➖➖➖➖➖
تره اليخدم صدك ماينكره العباس

صگار الشدايد تدري بي هالناس

اشمحله خوته وجفوفه التنباس

*((الرايه اهتزت // ترعب گامت يالعباس))*

*ميساء ام حســــ✍️ــــن*

➖➖➖➖➖➖➖➖
يشل بيه الگلب للطفه السهم عينه

واسمع صوت فوك التل يوالينه

بخيل ونار والسلابه تحدينه

*((اعليك اتلوك الونه//دوم انون بيها))*

*ميساء ام حســــ✍️ــــــن*

➖➖➖➖➖➖➖➖
انا العباس صاح بصوت منهو اليلزم الشاطي

خواتي اليوم عطشانه وزامط وانه بزماطي

من زغري يلفوني برايه وموش بگماطي


*((تكتر عنه تكتر// لوهد العباس))*

*شاعــــــــره ام روكـــــــــــ✍️ـــــــان الشمريه*

➖➖➖➖➖➖➖

الك صوله عاللميدان خل رجالها ترجف

يابن الصميده اليوم جبرائيل الك يهتف

هله بزلزالها الحومه وريشاته تضل تهف

*((اهلن يصال عليهم //وبجه رجال وخيل))*

*شاعــــــــره ام روكـــــــــ✍️ـــــــــان الشمريه*

➖➖➖➖➖➖➖


اشد احزامي للعباس وانخه بگطعت اجفوفه

واگله بخدر اخيتك ذاك اريد الحالي اتشوفه

حاشه ترد الك طلاب ياعباس وتعوفه

جفينه //تترس من فضلك

*ام منــــــ✍️ــذرالحجار*

➖➖➖➖➖➖➖
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكمالدعاء*

✍️✍️✍️✍️✍️

https://www.tgoop.com/Batool1998Batool

طور الفراق
(❁´◡❁)*✲ﾟ* (❁´◡❁)*

اه ياعضيدي .. بمصيبتك دهري عماني

اه ياعضيدي.. وبجمرت افراگك جواني

اه ياعضيدي.. ودهري من بعدك ولاني

(❁´◡❁)*✲ﾟ* (❁´◡❁)*

يبو فاضل.. انادي عليك وماتجيه

يبو فاضل.. عالنهر نايم ياولينه

يبو فاضل.. بالهضم من بعدك بقينه


(❁´◡❁)*✲ﾟ* (❁´◡❁)*
يا مصيبه.. السهم نابت ابعينك
يا مصيبه.. ومن بعد اسمع ونينك
يا مصيبه.. عالصار خويه الله يعينك

(❁´◡❁)*✲ﾟ* (❁´◡❁)*
ياخويه.. عباس ياعزي ودلالي

ياخويه.. بعدك صفت وحشه اليالي
ياخويه.. يالصورتك دوم اعله بالي


(❁´◡❁)*✲ﾟ* (❁´◡❁)*


بالضيم حالي.. ويتمرجل اعليه الشمر
بالضيم حالي.. والگلب يتلاهب جمر
بالضيم حالي.. بالحزن گضيت العمر

(❁´◡❁)*✲ﾟ* (❁´◡❁)*
تُــــمِــ✍🏼ـتُ بقـــلَمي آلشـــآعــــرة
آلَعــــــــلَوُيــــهِ بّـــتُــوُلَ آلَهِآشـــمِي
https://www.tgoop.com/Batool1998Batool

طلب خاص لمن تطلب الذريه
النص
وزن تجليبه
الهوسه
وزن عگيلي

هوسات لابو فاضل العباس ع

✤┈┅✦❂✦┅┈✤

تعبني الـــــوكت والحمل كلش مال

وگالـــــــو حاچتج يم الطبيب وگال

ضاع ادواج ايسي ودمع عيني سال

*((صوب الكافل وجهي انطيته))*

*العلويه ام مرتــــ✍ــــضى الموسوي*

✤┈┅✦❂✦┅┈✤

تعنيـت الكفيـــــل وصافيه النيه

مــــو صعبه عليك التصعب عليه

يخــــو زينب ردت منك الذريه

*((يالكافل بيديك امرادي))*

*العلويه ام مرتـــ✍ــضى الموسوي*

✤┈┅✦❂✦┅┈✤

مـــــن ايدك نريد امــــــراد هالليله

والطالب ولــــد مــــــــولاي تنطيله

بجاه الله اورسوله اوحامي ادخيله

*((واليطلب منكم تنطونه))*

*ام احـــ✍ـــمد المنصوريه*

✤┈┅✦❂✦┅┈✤

متعنيه الگمـــر هاشم واريدنه

يسره الخاطري بالطلب واتمنه

اريدن حاجتـــــي منه واعتبنه

*((سهله عليه الحاجه التصعب))*

*ام محــ✍ـــمد الساري*

✤┈┅✦❂✦┅┈✤

منــــك رايده امــــرادي يبو الهدات

امشي عليك طفل حسين واللوعات

البيها اتلــــــــوعت زينب بالمسنات

*((بجاه امك يابو الغيره))*

*ام منـــ✍ــــذر الحجار*

✤┈┅✦❂✦┅┈✤

يبــو فاضل نخيتك تدري بحالي

اجيت الحضرتك شجايه يالوالي

متقصـــر اويـــــانه دوم يالغالي


*((والهم العدنه انته اشيله))*

*الشاعره كر✍ــيمه البو حلوه*

✤┈┅✦❂✦┅┈✤

ياعباس تدري بالمرض هدنه

وانته باب الله وهاي طلبتنه

ندري بيك ماتتركنه وحدنه

*((تشيلونه هم الي بگلبي))*

*ام مـــ✍ـــازن*

✤┈┅✦❂✦┅┈✤

اجيتك يـــــاعجيد الراي عنايه

نخيتك يبو فاضل بيك الكفايه

احلفك بالخوات الراحن اسبايه

*(( تگضيها مولاي دخيلك))*

*العلويه بتــــ✍ـــول الهاشمي*

✤┈┅✦❂✦┅┈✤

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

https://www.tgoop.com/Batool1998Batool

هوسات الئ القاسم
...
القاسـم بدمه هليله يتحنه
تون امه عليه وتزيـد الونه
نايم يا حسافه الولد لمجنه

((يشلونه.. عريس اليله))
...
اجينه للعزيه انواسي الزهره
ندگ صدورنه عالقاسم ابعبره
اسف جسام ويلي طاح عالغبره

((محنينه.. من دم الهامه))

محنينه وسافه من دمه الراس
عنه وين عمه الحيد عباس
ابن الحسن طاح أبين الارجاس

((عالهامه. اعداه ایصوبونه))

عالهامه یصوبونه العده وسفه
واسهام المنايا. ويلي. اتزفه
وعنه ابعيد وسفه راعي الکلفه

((تتخضب من دمه اجفوفه))

تتخضب اجفوفه من دمه الهامه
والعريس خلصت وسفه أيامه
دهر النايبه صوبهن اسهامه

((عريس ابراسه امصوبينه))
➖➖➖➖➖➖
تمت بقلمي الشاعره العلويه بتول الهاشمي
https://www.tgoop.com/Batool1998Batool

هوسات للوداع

..
اوداع الاخوه ايهدم الحيل
يكضي العمر بالنوح والويل
وين الله مايخلص اليل
اوداع ابن امي .. يعميني
..
افراگ ابن امي يحزن ياخلگ كلبي
بعدك يالولي ماانظره دربي
اتمنه اوياك يخلص يالاخو عمري
هد حيلي اوداعك.. يالوالي
..
يخويه حسين لا تتركها العيال
افراگك صعب يهضملي الدلال
لو عنه رحت شلون خويه الحال

يبن امي اعداك ايهضموني
..
يبن امي تدري اهواي ياذيني الفراك
الكم يبعد الروح تدريني اشتاك
محمل حزن يحسين والبعد حراك

اعداك ابموتك توليني
..

مانحمل حزن خويه يالحنين
وسافه شلون أظل بين الملاعين
ويضربوها العده هاي النساوين

ضربونه.. ياخويه اخلافك
..
تمت بقلمي الشاعره العلويه بتول الهاشمي
https://www.tgoop.com/Batool1998Batool

القصيده للوداع

وزن الخدري
✿┈┈•••✦•••┈┈✿

خــلــي انـودع حسين گـومن ياخواته

نعوفه غصب ونروح ويه اهل الشماته

✿┈┈•••✦•••┈┈✿

ودعــتــك يخــــويه ودموعي جريه

ذبيح و دامي مطروح مرمي عالوطيه

نمشي حــــرم واطفال بيد ابن الدعيه

عفــت البطــــل نايــم يالحلوه صفاته

*ام حسيـــــــ✍️ـــــن رنا*

✿┈┈•••✦•••┈┈✿

غصب يحسين خويه لمن رحت عنك

ماخلــــــــوني اعداك يبن امي ادفنك

عالهزل خذونـــــي وسفه انحرم منك

بعجـــــل نادو علينه اوركبوهن بناته

*ام منـــ✍️ـــــذر الحجار*

✿┈┈•••✦•••┈┈✿

مشدودات اديه وعيني تنــظــر الكم

بــس الروس وياي منها يسيل دمكم

تصد من فوكَ الرماح وتباري حرمكم

صعبه بـيــن شمات ليلي شلون اباته

*ام مرتــــ✍️ـــضى الخفاجيه*

✿┈┈•••✦•••┈┈✿

مـدري اشلون أعــــوفك نايم عالترابه

والكافل خدرنه دم ينــــــزف أصوابه

وأختك مــــــن بعدكم تگعـد بالخرابه

وأنـتـه حسين اعـرفك يالطيبه أذاته

*ام طاهــــ✍️ــــر نجف*

✿┈┈•••✦•••┈┈✿

جثتك بــــقـــت بالگاع ياخويه رهينه

الكافل ضعن اخيته بسهم مطفيه عينه

بــس راسه بگه وياي ومشمرات ادينه

وينـه اعضيدي عباس يغطينه بعباته

*العلويه بتـــ✍️ــــول الهاشمي*

✿┈┈•••✦•••┈┈✿

ياابن امي الشمر عال وظل يزمخ علينة

يــحــدي بحرم واطفال ويبره للضعينة

وعليـلـك علي السجاد مجتوفات ادينه

مــذبـــوح وعالـــــرمـال يالماكو بغلاته

*ام. بهــــ✍️ـــــاء الكربلائية*

✿┈┈•••✦•••┈┈✿

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

https://www.tgoop.com/Batool1998Batool

فزاعي للسجاد
مع هوسات
..
شايل خامس العترة
هليله يشيعونه
..
مسوم الولي ومنهدم حيله
يشيعه كلساع اونه ونيله
ابد مانام يلوچ وحده بليله

مسموم.. العبره ويجريها
...
علي السجاد ونيله يمحزونه
بتابوت الولي وسفه يخلونه
وين اهله وعمامه خل يشيعونه

يشيعونه ابهيبه الحيد
...
شلون الحيد ابوسط اللحد نايم
مارحم بحاله ياوسفه الظالم
ابحالة الباري الوحده عالم

الشيعه.. الفگده محزونه
..
اجينه نساعد ابفگده ام عون
ابن حسين شال وتجري العیون
يريت أحبابه هليله یحضرون

وين أهلهه اليوم يدفنونه
..
يالحنين انعاك وشكي همي
اكعد يعمه ارد سولف حزني
وا كثر عليك يالعباد وني

يالبيك اعداك ايغجعونه
..

تمِــــ✍ـــت بقلمي الشاعرة العلوية بتول الهاشمي

https://www.tgoop.com/Batool1998Batool

قصيدة الئ ستشهاد
الامام زين العابدين
عليه السلام
...

على السجاد جينه ندك صدورنه
ومن دمه تجري عليه. عيونه
..
للسجاد دكي وسعي الميدان
هذا الحيد جده داحي البيبان
وابوه المنذبح متوسد التربان

انوح لجله والعده ايسمعونه
..
تلطم الشيعه وتهل دم العين
لمصيبته هليوم زايد الونين
الله ايساعدج زينب بالحنين

بمصيبته وسفه العده ايفجعونه
..
يالحنين انعاك وشكي الهموم
كلبي اعليك صبح مالوم
تصرخ والدموع تصب دموم

وفايه نبقى وانتم اتعرفونه
..
مصابك والدمع يجري مسفوح
نون عليك كلنه لمن تطلع الروح
كلبنه المحنتك مولاي مجروح

الگوم عنك. ابد. ميمنعونه

..
نساعدها اجينه ندك على راس
تموت انته عمتك. بلاحراس
حرمه غريبه ابين كوم الارجاس

وسفه منك سيدي ايحرمونه
...
تمِـــــ✍ــت بقلمي الشاعرة العلوية بتول الهاشمي
https://www.tgoop.com/Batool1998Batool

نعي الاستشهاد الامام السجاد
عليه السلام
...😭
مسموم الامام وحيله خلصان
السم مرد چبده اووجعان
ماحضرو وسفه أهل عدنان
...😭
ودع عمته زينب والنساوين
يكلها عمه رايح اليوم لحسين
وضلت تون عليه والدمعة بالعين
...😭
السجاد شال من المدينه
مايرجع بعد هيهات لينه
كلنه نون لجله ولينه
... 😭
نعازي المرتضئ والنبي الهادي
والزهره تصرخ راحو أولادي
ياهضم هذا البينه سادي
... 😭
نعازي ابهل مسية فاطمه الزهره
ونلطم عالصدور ونسچب العبره
نون لمصيبته وبگلوبنه الحسره
...😭

تمِـــ✍ــــت بعون الله تعالى
بقلمي الشاعرة العلوية بتول الهاشمي
https://www.tgoop.com/Batool1998Batool

هوسات الئ كريم أهل البيت عليه السلام الحسن المجتبى
°{عليه السلام} °

باب الحسن مفتوح ينطيك المراد
بس كله امشي عليك اخيك ابو السجاد
كريم وبالكرم معروف هيبه يابن الجواد

(يكضيهه / بس حلفه بعوده )
◾◾◾◾◾◾◾◾
هذا المجتبى واسمه ابن حيدر
بس تنخاه و مايعوفك ابد تنظر
كفو نعمين منه براية جده اموزر

(امن جفوفه / ينطينه مراد)
◾◾◾◾◾◾◾◾
ينطينه مراد هليله بن ام الحسين
يكشف كربنا وكرب كل المحبين
تشافي كل مريض تمسح عالعين

(يشافيها / المرضه اليله )
◾◾◾◾◾◾◾◾
يشافي كل المرض مايرد طلاب
اجتينه اليوم كلنه وعتنينه الباب
احلفه بخدر زينب هسه اريد جواب

(ينطينه / مراد بايدي )
◾◾◾◾◾◾◾◾◾
ضليت عليك انحب وون اجر حسرات
يا مولاي فرحني وانطيني علامات
تلوك عليك مو ونه لا والله الف ونات

( شافيني / مولاي دخيلك )
◾◾◾◾◾◾◾◾
اكتب يالحسن الحد ما تنكطع أنفاسي
وا ذكر اخوك حسين ويه عباسي
خادمكم اضل وبهلخدمه مرفوع راسي
(خادم سجلني /ياهيبة )

°تمت بعون الله تعالى °
بقلمي الشاعره العلويه
بتـوُلُ الهاشمي
https://www.tgoop.com/Batool1998Batool

فزاعي الامام الحسن
المجتبى عليه السلام
سريع مع هوسات

..

مسموم الحسن
والزهره نعازيها
..
مسموم الامام وخلص كل حيله
السم مرد چبده كعدي ونيله
ميدان العزه الليله نسويله

يستاهل هوسه اتهوسيله
..
اجينه نهل دمعنه لجله ونسيله
الله ايساعد امه الفكده هليله
كثري الون عليه وحيل ونعيله

شال وعايف ديرانه
..
شال الحسن والدمع بالعين
حسافه ينكتل ابن الميامين
نساعد هلمسه زينب والحنين

والعترة الليلة انعازيها
..
نساعد كلنه فاطمه الزهره
لا بنها الي خلص بالحزن عمره
شاف الضيم واهات من دهره

للشال اليله ونيله
..
نون للمجتبى ونسجب العبره
ياوسفه ولينه نايم ابحفره
ولموتت عضيده انكسر ضهره

يبن امي افراكك هد حيلي
..

نعازي الزجية ونهمل الدمعة
لمصاب الحسن هليوم منفجعة
ابد ماهاد ونها وسفة البضعة

انعازيها الزهره الليله
..

تمت بحمد الله تعالى
بقلمي الشاعره العلويه
بتول الهاشمي
https://www.tgoop.com/Batool1998Batool

نعي لستشهاد الامام الحسن عليه السلام

➖➖➖➖➖
مسموم الحسن يشيعه
امشونه نحضر التدويعه
وسفه يشيل و يافجيعه
➖➖➖➖➖➖
حسافه شال ابن الميامين
انگابل زينب والدمع بالعين
ونعازي اخوها اجينه للحسين
➖➖➖➖➖➖
فكدك كلف وحيل چتال
بعدك يضل الدمع همال
تبجي عليك اليوم الاعيال
➖➖➖➖➖➖
للبقيع اجينه نسوي عزانه
ونطلم نصيح يمولانه
فراگك يالحسن حيل اذانه
➖➖➖➖➖➖
شايل و عايف الديران
وحسين ظل لفراگه حزنان
وگلبه عليه هلصبح وجعان
➖➖➖➖➖➖
الله يساعد امك الزهره
اجت تنحب يمولانه ابعبره
ابنج خلص بالحزن عمره
➖➖➖➖➖➖
تمت بحمد الله تعالى
بقلمي الشاعره العلويه
بتول الهاشمي
https://www.tgoop.com/Batool1998Batool

الذكرى السنوية لوفاة خادم المنبر الحسيني سماحة السيد جاسم الطويرجاوي قدس الله روحه الجنة

✏️هوسات للرسول الاعظم (ص) ✏️

شال اليوم عنه رحمة الرحمن

والكون المصابه اليوم ضل حزنان

كلهه تنوح لفكاده ومكدره الاكوان

نهدم حيله ويون ياداحي البيبان

(لمصابه //والكون مكدر)

✍️ ام حسين العامري
💫💫💫💫💫💫💫
شال اليوم مفسر القرآن 

ومخلي المدينه عليه بحزان

والحسن يبجي عليه وجعان 

ابوقاسم مشه وفرحت العدوان

((خانوها //وصيتك طه))  
✍خادمة اهل البيت أم اسعد

💫💫💫💫💫💫
اظلم كونها والدنيه حزنانه
لجلك يانبينه امغيم اسمانه
والدين انثلم من غاب مولانه
جمرة فگده تبقی وتضل أحزانه

((والساده اتون// لجل الهيبه))

✍🏻 ام زينب الأسدي

💫💫💫💫💫💫💫
شال اليوم شال اليعدل الميله
اوخله فاطمه ابياحال تبجيله
تكول منين اجيبه الناوي علشيله
يجد اولادي بويه اوخيمه العيله

افراكه ايهد///  جد اولادي
ام علي السماوي

💫💫💫💫💫💫💫
نصبت عزها وكلها الساده اليوم
للنبي الهادي  وكلبها عليه مالوم
يصرخون دموعهم تصب من  دموم
تون  الشيعه  عليك وحيل مهدوم

((شلون تشيل.. يمفسر القرائين))

الشاعره العلويه بتول الهاشمي

💫💫💫💫💫💫💫
شال المصطفى والكون اله حزنان
عليه تنعى الخلك يمفسر القرأن 
والمسجد حزين وساد البيبان 
لأجله المرتضى حيله ركد نحلان

((لفراكك الهادي نهد حيله))
✍️ ام علي الموسوي

💫💫💫💫💫💫💫💫

تمت بأقلام شاعرات رابطة قتيل العبرات

غير مبري الذمه من يحذف اويغير اويتلاعب بالكلمات اويحذف اسماء الشاعرات وينسب الكلام له

نون اعليك ياسيد الاكوان

تخط اقلامنه والكلب حزنان

✍️ ام حسين العامري



https://www.tgoop.com/Batool1998Batool

نعي لرسول الله ص
~

اضلمت الدنيا يانبينه
متكدره الزهره وحزينه
مهظومه هاليله الحنينه

~~

مهظومه لفراكك وتنعاك
وتشيل رادت كون وياك
ماينحمل يالهادي فركاك

~
فركتك يابويه ثكيله
وروحي بعد عينك نحيله
وحيدر عليك نهدم حيله

~~
اويلاه يالهادي ونبينه
بعدك يبويه شصار بينه
اهل السقيفه هجمو لينه


ام ✍️ علي الموسوي
🖤🖤🖤🖤

الشيعه مكدره اليله
تواسي حيدر بوالي العيله
وي فاطمه الزهره ونيله

~

ماتكدر الفركاه الزهره
تون اله وتجري العبره
الكلب يالهادي شيجبره

_الشاعره العلويه بتول الهاشمي_
🖤🖤🖤🖤🖤

تصيح الكلب يابوي مالوم
حيلي صبح هاليوم مهدوم
سهرانه وون ماشايفه النوم

~~~

سهرانه وون الليل الكله
كلبي خلص للبيه محنه
محمل يبويه وين عنه

✍️ ام حسين العامري
🖤🖤🖤🖤🖤

من حملييت وعفت من دارك
روحي طلعت من كبل روحك
حيلي يبويه مات بعدك

~~

فيت الابو ولله جبيره
وعكب تظل بنته بحيره
وخلافك بويه الروح اسيره

✍خادمة اهل البيت أم اسعد
🖤🖤🖤🖤🖤🖤
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له
https://www.tgoop.com/Batool1998Batool

قصيده وفاة الرسول
{الله يساعد العتره}
🔹🔹🔹🔹
من شال النبي هليوم
الله يساعد العتره
🔹🔹🔹🔹
تبجي اعليه وتجر ونه
شايل راعي المحنه
اتگول اليوم اريدنه
انعازي فاطمه الزهره

🔹🔹🔹🔹

تبجي وتهله الدمع
فاطم گلبها منفجع
ويزيد هاليوم الوجع
نايم يالابو ابغبره
🔹🔹🔹🔹
گوم اگعد يواليها
عليك العين تعميها
وبس الضيم غاطيها
گلبه اليوم شيجبره
🔹🔹🔹🔹
شايل ياعزيز الدار
وخليت الفكر محتار
ويصب الدمع مدرار
حملي بويه اشكبره
🔹🔹🔹🔹
ثگل حملي وكثر وني
گلبي اعليك يوجعني
بموتك بويه تهظمني
دمع اعليك ضل يجره
🔹🔹🔹🔹
اون اعليك بويه ابليل
وبايم مني حتى الحيل
والدمعات دم اتسيل
نار افراكك اموجره
🔹🔹🔹🔹
تمت
✍️الشاعره العلويه بتول الهاشمي
✍️الشاعره ام رقيه الحسناوي

نسالكم الدعاء ولايجوز حذف اسماء الشاعرات
https://www.tgoop.com/Batool1998Batool

نعي لوفاة للرسول
..🕯️
حسافه تروح بويه من اديه
ثجيله روحتك بويه عليه
فلت عشرتك لن هاي هيه
.. 🕯️
فلت ونتهت ضحكه الحنان
يااطهر بشر يا اغله انسان
بعد شيعود بويه ذاك الزمان
..🕯️
تصب عليك ليليه العيون
الحسن وحسين للوحشه يونون
على امصلاك ولعطرك يحنون

..🕯️
عايفني اون دمعي اسيله
يفجه غيبتك صارت ثجيله
لا جاره الي بطولي نحيله

.. 🕯️
حزني اعليك منعوني الصحابه
وكصو شجره الضل للطلابه
وصلت المرحله محمل غيابه
.. 🕯️


تمت بعون الله تعالى
بقلمي الشاعره العلويه بتول الهاشمي

https://www.tgoop.com/Batool1998Batool

قصيده الى الامام المهدي
عجل الله تعالى فرجه

وزن موشح

🌻__🌻_🌻

نفدي لظهورك يمهدينه العمــر

بالعجل اظهر تره مر الصبــــــر

🌻🌻🌻

يمتئ یا مولاي تـــظهر لـــــينه

اننادي بالفرحه حظــر مهـــدينه

اشگـــد نتاني سيدي ملـــــينه

الشوفتك يالحجه اشتاگینـــــه


ترى ملینه الصبر....ترى ملینه الصبر

*العلويه بتـــــــ✍️ـــول الهاشمي*

🌻🌻__🌻

اظهر وشيل الظلم عن شيعـتك

يابو صالح طوليت ابغيبـــــتك

عجلنه بساع نتنه طلعـــــــــتك

الشيعه مشتاگه وتريد الشوفتك


تره ملينه الصبر...... تره ملينه الصبر.....

*الشاعره كريــــــ✍️ــمه البو حلوه*

🌻🌻__🌻

ابگبر فاطم گوم دلينه بعجـل

موكفايه. ماتت بكثر العلــــــل

حتى مدفنها غريب. ابآي محـل

لاتحير سيدي للي ســـــــــــــال

تره ملينه الصبر....تره ملينه الصبر....

*ام مــــــــ✍️ــــــازن*

🌻🌻__🌻

شوكت نحضه بشوفتك يبن البتول

عجل اظهورك يبن طه الرســــــــول

من كرم جفك يمولانه ننـــــــــــــول

وصير شوكه سيدي بعين العـــــذول

تره ملينه الصبر.... تره ملينه الصبر....

ا*م منـــــ✍️ـــــذرالحجار*

🌻🌻__🌻

اظهر اظهر واخذ ثارات الضـلع

اوخلي عدوان الزجيه تنفجــع

اعدل ابساعة ظهورك هالوضــع

وخلي نورك سيدي اعلينه يشع

تره ملينه الصبر.... تره ملينه الصبر....

*ام احـــــ✍️ــمد المنصوريه*

🌻🌻__🌻

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

https://www.tgoop.com/Batool1998Batool

قصيده المولاتنا زينب عليها السلام
وزن موشح

🖊️🖊️🖊️

اه يم الخدر
اه يم الخدر

لجلج الدمعه تهل

اه يم الخدر
اه يم الخدر

┈┉┅━━━━┉┉┈

نصبت اعـــزاها يــزينب شيعتج

اوتلطم اعالراس لاجل امصيبتج

وابــد ماننسه المصاب اولوعتج

حگنه باسمج نفتخر
اه يم الخدر
اه يم الخدر

*ام ازهـــ✍ـــــر مناذره*

┈┉┅━━━━┉┉┈

ابــد ماننسه المصايــــب والمحن

الشيعه تبجي عليج بآهات وحزن

بالغـــــــرب ياويـل نعشج مندفن

ماحضر ليج الگمر
اه يم الخدر
اه يم الخدر

مريــــــ✍ـــــم الحجيمي

┈┉┅━━━━┉┉┈

الج دوم انصب عزه يخت الحسين

والضريحج اعتني واهمـــــل العين

مصيبتج ماتنسه طـــــــول السنين

موتتج ضيم وقهر
اه يم الخدر
اه يم الخدر

*الشاعرة ام روكـــ✍ـــان الشمري*

┈┉┅━━━━┉┉┈

ما نبطل النوح كــــل احنه نصيح

مانسينه مصيبتج ياخـــت الذبيح

حگي من ابجي دمه وگلبي جريح

نصيح كلنه يم طهر
اه يم الخدر
اه يم الخدر

*ام حســــــ✍ـــين رنا*

┈┉┅━━━━┉┉┈

للابــــــد ماننسه زينب هالمصاب

وسفه يم الخدر ماصلـــوا احباب

كثري على العباس مولاتي لعتاب

عفتي نايم على نهر
اه يم الخدر
اه يم الخدر

*العلويه بــــ✍ـــتول الهاشمي*

┈┉┅━━━━┉┉┈

اه يازينب يــــــــبت حيدر علي

كلها صاحت صوت جاوين لولي

هــاي زينب بالغرب تندب هلي

اه يا ام الصبر
اه يم الخدر
اه يم الخدر

*ام حــــ✍ــــسن عبير*

┈┉┅━━━━┉┉┈

تمت بعون الله باقلام شاعرات رابطة ذبيح الغاضريه لانجيز حذف الاسماء ونسألكم الدعاء

https://www.tgoop.com/Batool1998Batool