tgoop.com/Biqiltuuu/511
Create:
Last Update:
Last Update:
Dhaga'i siifan dhaamaa
================+++
"kan kootu caala" jettee
Hin faca'in yaa tiruu
Namni qaamasaa hiree
Milkaa'ee beekun jiruu
Ilaallachaa adeemi
Akkan kufne boollatti
Dafiitoo of deebisi
Duudha oromoo jalatti
Warra sabbata jettutu
Bofa ta'eetoo si hidda
Gadi taa'ii mari'adhu
Kan si caalu maaf didda
Gogaa harreen ijaartee
Dallaa jettee eeggattaa
Yuusa warabeessaatin
Jiguusaa maaf dagattaa
Walitti dhoqqee dibaa
Gaarii ormaan faarsinaa
Sareen ofii guddiste
Deebi'ee si ciniinaa
Maalif gatii dhabsiistu
Seenaa qabsoo ganamaa
Waliin malee hin bareednu
Dhaga'i siifan dhaamaa!!
@Biqiltuuu @Biqiltuuu
BY 💥🅓🅗Ã🅛ØØ🅣ÃÃ🅕
Share with your friend now:
tgoop.com/Biqiltuuu/511