‏مَبحبش حَد يلومني علىٰ حَاجة عملتها وأنا ندمان عليها عَشان أنا أصلاً متخانق مع نفسي قَبلك .

‏مبدئياً أنا لازم أرجع أتعلم أزايّ أتصور صور عادية مُش فيديو مُدته ثانيتين .

بَحترم جداً العلاقات المُريحة إللّي لا بيبقىٰ فيها رسايل ولا مُكالمات ولا نعرف بَعض أصلاً .

‏أنا هَعتزل ما يؤذيني وما لا يؤذيني ، إحتياط كده قبل ما يؤذيني .

مُخ للبيع ، والله ولا بَستخدمه ولا ليّه لازمة بِيسهرني وياخد قَرارات زيّ وشه بَس .

مَفيش حَاجة بِتيجي بالساهل ، لازم تتعب الأول و بَعدين مَتجيش .

—-

صراحتَك هتخسرَك ناس كتير أصل الناس بتحب إللّي يطَبلها .

مَفيش حاجة هتعديّ ، في حاجة إسمها حنتعَود .

مَتوعدش حَد بحاجة مُش هتعملها عشان في ناس بترتبّ حَياتها علىٰ كدب حضرتك .

كويّس أن في حَاجة إسمها خِيرة ، عَشان نرمي عليها الخَيبات و إحنا راضييّن .

حَتحسي إنك وردة بلاستيكية ، لو فَوتي عُمرك كله وإنتِ بتتصَنعي .

طول ما ألبك أبيض عيشتك هَتبئى سودة .

— لمَا تسيب مَكانك متِرجعش تدَور مين أخده .

أخاف ينتهي العَالم ولِسه مَشربناش قهوة زيّ ما مكتوب في الزفت الروايات .

العلاقات بِتستمر لمّا بنقدر ظروف بعض .

ما تعَيطيش على حَد المسكارا أغلى منه .

فاضل إتنيّن تَلاته في حَياتي مِحيريني هَيضحكوا عليه إمتى .

مُش شايفة أيّ مُشكلة حَد يعترف بِغلطه ، أنا مثلاً كُنت هَعترف بِغلطي عادي جداً ده لو كُنت بِغلط يعني .

عَلمتهُم السواقة ولَما أخذوا الرُخصة دَهسوني .