قاعدة أتفرج في فيلم وثائقي عن تجارب الطيران
وطبيعي وبديهي إنو يعرضو تجربة عباس بن فرناس ومحاولته
كان مخترع عندو تجارب كتيرة نجحت من قبل التجربة دي ..
المهم يومًا ما قرر يطير
عمل ليهو جناحين ونط من فوووق
طار شوية وسقط ..
لأنو نسى الذيل!
التفصيلة البسيطة دي بتفرق سبحان الخالق المبدع
يمكن جهل عنو لحماسه😂
أو هو أصلًا ما مدرك القاعدة المهمة في الطيران إنو الهبوط أصعب من الطيران
والذيل مهم في الهبوط دا والتوازن ..
وبنلاحظ إنو الطيار البنزل بأمان في نظر الناس أشطر من الطيرها وحلق بيها🤣
ودي حقيقة
نرجع لقصتنا ..
عقلي : هل يمر المشهد دا من غير نظرة فلسفية يا عائشة؟
أنا : مستحييل😂
المهم
اتخيلو معاي إنو الجناحين ديل هم "توقعاتنا" في الحياة
علاقات مشاريع أحلام
بنخوض فيها وقلوبنا مليانة جناحات ضخمة من التوقعات
ونسرح بخيالاتنا ونطيييييييير
وفجأة نكتشف إنو مافي ذيل واللي بيمثل في حالتنا دي الحذر والمرونة والواقعية ..
ومن دونهم أقل محاولة للهبوط حترمينا
والوجعة بتكون على قدر الارتفاع ..
كلما علِّينا سقف التوقعات
وأدينا الأشياء أكبر من حجمها الحقيقي
كلما كان السقوط أو الصدمة أقوى وأقسى ..
كتير بندي الحاجة وزن طن وهي ما بتستاهل حجم ريشة😂😭
فقبل ما نتوقع أي شي
نتأكد من جناحاتنا
ونتأكد من أمان هبوطنا إذا الأمور ما مشت زي ما اتوقعنا
ونسقط بسلام إذا فشلنا
بدون أي ألم ..
ذيل الحكمة والتريث مهم لكل حاجة نحن بنتمناها
فما تشيلنا الهاشمية وننسى الفرامل والرجعة تبقى لينا حارة بعد مشوار طوييييل في الاسترسال مع الأماني ..
طبعًا أنا ما بقول إننا ما نتفاءل أو نتوقع الجميل
أبدًا الفأل الحسن كان يعجب خير الخلق صلى الله عليه وسلم
لكن ما نبالغ في التوقع ونحن ما عاملين حذر للفشل
ما نبالغ في إننا ندي كل البيعجبنا حجم ما بستحقو
نعقل الأمور ونوزنها
وقبل ما نطير ونحلق
لازم نضبط عندنا المكابح
عشان لمن نقع ما نتكسر وتغلبنا القومة تاني ..

#عائشة_تاج_السر

صراحة من أكثر الناس العالقين في ذاكرتي صديقة حبيبة لي جدًّا
رغم إني في عمر بنتها أو أصغر
شاءت الأقدار وقامت الحرب ونزحنا وجات منظمة قرآنية لمنطقتنا وكان عندهم مشروع محو أمية وتعليم قرآن
كنت أنا ضمن المتطوعين ولله الحمد والمنة
واحدة من النساء كانت كبيرة في العمر لكن حبها للقرآن أكاد أجزم إني ما رأيت تعلق قلب بالقرآن زي قلب خالتو دي ..
كانت بتعاني جدًّا في سبيل إنها تقرأ لكن سعادتها لمن تظبط الكلمة لا توصف والله لمن عيونها تبرق
فكنت اقترحت عليها إنو ممكن الأيام المابنكون شغالين فيها أنا أجيها في البيت
فرحت واستبشرت بشكل عجيب وقالت لي أنا البجيك ونقعد في جنينتكم دي الهوا يضربنا وضحكت ..
بقت تجي تصلي معاي الظهر ونمشي بعيد من الناس نخت سريرنا ونقرأ لحدي صلاة المغرب
9 أشهر تقريبا وما رأيت منها ملل ولا حصل يوم اعتذرت ولا يوم ما جات هي ما حافظة النصاب وما مراجعاه ..
العبارة الكانت بترددها لي دايما : يا بتي أنا حية بالقرآن دا
حرفيا صباح مسا كل الوقت هي شايلة قلم الرصاص والمصحف ..
جا يوم الوداع عشان أسافر
والله كان أصعب يوم على قلبي
قعدت تدعي لي وقالت لي مهما الدنيا بعدتنا أنا وين ما كنتي بعد الحرب دي بجيك وتلفوني معاك بنتواصل ..
شاء الله وقدر إنه توافيها المنية
ويغيبها الموت
بس ما غابت
أسأل الله لها الرحمة والمغفرة وأن يجعل حبها للقرآن نجاة لها ..
لسه بذكر همتها وروحها الحلوة
ضحكتها بعد ما تقول لي : ظبطت
رغم كل الصعوبة ما وقفت
حفظت كثيير وختمت كثييير وعمرها ما ملت التكرار ..
كنت بتعلم منها المثابرة والعزيمة والإصرار
ضافت لشخصيتي الكثييييييير
الحب والكلام الطيب والسعي للخير
عائشة أرح نعزي فلانة
عائشة ديل متخاصمين نصلحهم
عائشة نعيد فلانة مريضة
وكل أيامها خير
وأنا من شهود الخير لها والله خيرًا شاهدًا على سعيها الجميل ليه ..
اتعلمت إنو الصحبة في الخير بتتجاوز الأعمار وبتذيب أي فواصل
ما كنت بشعر بفرق عمري منها بقدر ما كنت بحس رفيقة قريبة مني جدًّا أبثها همومي وأحكي ليها كل شي وأشاركها تفاصيلي وآنس بيها ..
ادعوا لخالتو سعاد بالرحمة
واسألوا الله لعائشة الصبر والسلوان ..

#عائشة_تاج_السر

كلّما رأيتُ الغيمَ ينسجُ من البياضِ وشاحًا للسماء، وكلّما لمحَ بصري نجمًا يتيهُ في أفقٍ موغلٍ في البُعد، وكلّما انثنت أغصانُ الشجرِ على نسمةٍ خفيفة، أو تبسّمت زهراتُ الروضِ في حضنِ الضياء،
تمنيتُك هنا!
وكأنّ الوجودَ لا يكتملُ إلا بحضورك.
وكلّما طلبتُ كوبَ شايٍ في مساءٍ هادئ،
تمنّيتُه كوبين، و كلما أخذت فنجان قهوة آملتُ أن يكونا فنجانين !
أحدُهما لي، والآخرُ لدفءِ صوتك!
لحديثكِ الذي يُنعشُ الروحَ أكثرَ من نكهةِ النعناع!
وكلّما عزمتُ على مشاهدةِ فيلمٍ، أو حضورِ مباراةٍ كما حدثَ بالأمس
هتفَ قلبي: أين التذكرةُ الثانية؟
أينُ المرافقةُ التي تُضحكني في منتصفِ المَشاهِد؟
وتتنهّدُ معي عند كلّ هدفٍ ضائع؟ و تفرحُ عند نصري و تحزنُ لحزني عند هزيمتِي!
أنا لستُ وحيداً لكنّ كلّ مشهدٍ جميلٍ
يصرخُ في داخلي: ليتَكِ هنا!
#عبدالسلام_يس

وما تدري
لعلكَ من صخورِ العُسر
تقطف زهرةَ اليُسرِ.. 🤍🪻

«الدعاء ليس ترفًا ولا تفريغًا سلبيًا للحزن والغضب

الدعاء واجب شرعي وأخلاقي ونصرةٌ حقيقيةٌ نؤدي بها واجبنا تجاه إخواننا في ‎غزة.. الدعاء عوض للعاجز عن القتال.

قال ابن تيمية:
المأثور عن النبي ﷺ القنوت إذا لم يمكنه النصرة بالقتال، وكذلك عمر يقنت لجنوده، عوضا عن مباشرته القتال بنفسه.

اللهم إنا نستودعك أهلنا في غزة، حسبنا أنت ونعم الوكيل، نعم المولى ونعم النصير»

وامنُن عليَّ براحةٍ تكفيني شرَّ القلق، ودبِّر لي قادِم الأيام و اشرح صدري لها ، إجعلني مطمئنة..
قلبي و ما حوى، بَشَّرْهُ بما تحبه وترضاه..
أخرجني من ضيق التفكير لسعةِ التدبير، و من ظلِ الخوف إلى شروقِ الرجاء
سخّر لي الرزق الواسع، الدعوات المستجابة، الصحبة الطيبة، الأحلام الميسرة، راحةَ البالِ والرضا..
-آمين آمين.💙

"«أعيذك من الشعور بالوحدة أي ما كنت..
سواء كانت تلك التي تخلو من رفيق تكون
معه نفسك ظاهرك كباطنك، لا تخشى أن تكون معه على سجيتك برغم وجود كثير من الناس حولك، أو تلك التي أدت ظروف الحياة لبُعد كل رفيق بجوارك فانشغل كل بحاله».