عليك المشاعر صايرٍ قلبها حساس
‏لو تشوفها عيون المخاليق بكتها

‏احبك واعرف اني بدونك بدون احساس
‏من بداية دروب الغلا لا نهايتها

‏

‏"عظم الله أجر الكلمة و الحرف في رحيل البدر".

ليته لا رحل " مثلك " حفرنا فالسحاب قبور
‏وعشنا في رجا وسمٍ نشوفك في مخاييله !
😢😢😢😢

عاتبيني لين أحس إني من " الأعذار " عاري
‏ولين أحس الصمت يغلبني وأنا أعذاري سمينه

‏وإجرحيني دام أنا راضي وجرحك بإختياري
‏" الجروح " أحيان ينبت في طرفها ياسمينه

و اتركيني للسهر ، لكن تعالي لي طواري
وغيبي غياب يصحي الشاعر ويحيي حنينه

وافقديني، واسألي عني، وحبيني، وغاري
ودوريني في ليالي نجد .. و ازعاج المدينه

ولاتخبين الحزن بيديك ، خلي له موارّي
ودمعك اللي مزدحم في محجرك لا تذخرينه

وازعلي، بحس لو مره بقيمه لأعتذاري
لا أعتذرت وبان لي غايه على وجهك ثمينه

مايقلل عذري لحضرة جنابك من "وقاري"
العذر، اقل ما اسويه لاااا تستكثرينه

يارضى من دوّر لضيقك على مخرج طواري
يا اجمل من الضحك لا بدد ملامحك الحزينه

ليه اخلي وقت في عمرك تعيشه في انتظاري
والعمر ما يعرف الفرقى وهي تسرق سنينه

اتشفق جمعة اصحابي واذا طراك الطاري
كل من سولف علي بسالفه، بتقاطعينه

و اليا ضوّت ذكراك قالو وين ساري
ليلةٍ منتي بقمرّها " مافيها سكينه "

‏" مايعتذر بالظروف إلا عدِيم القرار "

‏ على ماقال سلطان الحويقل
‏لا تقول الوقت قاسي والفرص فوّاته / العزوم تشد حيلك والدروب تودي "

وعلى ماقالوا الأولين:
«اللييّ ودّه والله إن الكون كله مايقدر يرده» من عبث هذي حقيقة وخالد الفيصل يقول:

‏ لا تقول ان الليالي فرقتنا
‏لا تقول ظروفنا عيّت علينا
‏
‏الليالي يوم ودك جمعتنا
‏يوم ودك كل شيٍ في يدينا

‏ثلاث أرباع المحبَّة «حشيمَة»
‏إنك تحشمه مِن الكلام
‏مِن الظن، مِن الجرح، مِن بعض الهّجران
‏إنك تِحشم ذكرياته حتى فِي غيابه

أنت أخر شخص حسّيته يخذلني

:(

يحبّوني وانا ما احب "غيرك "

" كيف أحبّك وأنت مستسهل غيابي وإنتظاري
‏كيف أعافك والهوى غلّاب وعيونك غنيمة "

"من تركني حاير البال مهزوز الثبات
‏لا صمل يجهز على روحي .. ولا بلّها"

‏وانت تجاهلني وانا وضعي من اسبابك خطير
‏والحب ذنبٍ مايكفره التجاهل والسكات

‏لكن الوضع هو هو ماتغير و الزمان يشين
‏و حبك كل يوم يزيد في العين الشقاويّه !

وش العيد لولا طلّتك يا رهيف القدّ
‏عادي ولا هو بيفرق غير - لا شفتك -

‏وإذا إنها أيامي بدونك: ماهي بتنعدّ
‏أنا وشلون أعيّد قبل تاتي معايدتك؟

‏يا وجهٍ لا بدى لي.. قلت وآنا أتوجدّ
‏حسافة يا عمرٍ ضاع من قبل معرفتك
‏❤️

‏أسوء شعور لما تحس مكانتك
‏تغيرت والشعور تغير
‏واللهفة قلّت ، ماتدري
‏تمشي ولا تحاول

هُناك نص يقول: "لا يوجد علاج للحقيقة البسيطة التي تقول إن أحدنا يجب أن يترك الآخر"

وأكد ذلك ناصر بن مناحي قائلًا:
"لابدّ ما نفقد بعض ونتفارق
‏أما من الأيام..ولّا من الموت"

‏صحيح أتلهّف من الشوق وأنكوي لكن مُحال أخطي خطوة لشخص ما يبيني، أو مثل ما قيل

‏«غالي بس ترى ماء وجهي أغلى»

بكيت حتى أُستنزفت..هلّ الدمع حتى ركد الألم، حتى هدأ القلب، حتى ودت نفسي لو أنها تتلاشى للحظة ما لترتاح لتطمئن لتعيد ترميم كل كسرٍ سببه ذاك الصخب

البارحة ما بين يأسك و رجواك
‏لا يأسٍ منك ولاني براجيك

‏اكذب عليك إن قلت لك روح ما ابغاك
‏و اكذب على نفسي إذا قلت باغيك

"ذبحني شعور الخوف والظن والتخمين
‏وشعور إنّي أهوى شي.. وأبطيت ما نلته"