💮جاتوه سويسرول رائع :-

المقادير:

١/٢كيلو دقيق اسبونج
٦بيض
١/٢كوب ماء دافئ جدا
للتزيين:
٢باكيت كريم شانتيه بودر
مربى فراوله أو اى نوع
سكر بودره وفراوله للتزيين
الطريقه:
نضع البيض فى المضرب على اعلى سرعه منغير منوقف وبعديه الدقيق وبعديه
الماء لحين تغير لونها الى كريمى
وتحضر صينيه او صاج بها ورقه زبده بحيث يكون سمكها قبل السوا حوالى ٢
صانتى ونضع فى فرن ساخن على درجة حرارة ١٨٠
وبعد ماتستوى نطلعها تهدى شويه بس مش تبرد ونقلبها على فوطه نضيفه مرشوش عليها سكر بودره ونتركها على الاقل ٥ساعات بعد مانلفها بالفوطه لو مفيش فوطه
ممكن ورق استرتش نجيب كوب شربات من بتاع الحلويات بس خفيف ونمشيه عليها بالفرشه ونجيبها نفرد عليها الكريم شانتيه والمربى ونلفها تانى براحه بردو بالاسترتش ونزوقها وبالف هنا

مولتن كيك🥧

المكونات..

ملعقة زبدة سايحة

1/2كوب شكولاتة خام مبشورة

1/2كوب سكر

2بيضة

فانيليا

رشة ملح

2ملعقة دقيق

ملعقة كبيرة كاكاو خام

الطريقة:

يتم خلط الزبدة والبيض والفانيليا والسكر بمضرب البيض جيدا ثم يضاف الدقيق والشوكولاتة والكاكاو.

ثم يوزع الخليط فى قالب الكب كيك إن وجد , وإذا لم يتوفر فلا مانع من قالب كبير .

تدخل الفرن في درجة حرارة هادئة لمدة 15 دقيقة فقط .

التزين صوص شوكلاته بيضه وغمقة
وايس كريم ع حسب الرغبه

جاتوه شاتوه تووووووحفه 😋😋👍كوباية دقيق تعمل دستة جاتوه 💪💪

المكونـات:-
كوب دقيق
كوب سكر
كوب حليب
كوب زيت
نص كوب كاكاو خام اسباني او دريم
2بيضة
معلقة كبيره بيكنج بودر
معلقة صغيرة فانيليا
ذرة ملح
للحشو 👇👇
كوب كريم شانتيه خام
نص كوب سكر بودرة
كوب لبن ساقع
معلقتين كبار كاكاو

طريقة التحضـر:-

يتم خلط كوب لبن والسكر مع الكاكاو ف الخلاط ثم اضافه الزيت تتريجيا ثم قسم كوب من الخليط ونتركه للتزين ثم نضع ع باقي الخليط الدقيق والبيض والفانيليا مع بينج بودر ونضربهم حتي يتجانس الخليط. ونضع ف القالب وندخله الفرن ع درجه حراره ١٣٠ لمده ٣٠دقيقه
ونخرجه من الفرن نقسم الكيك نصين ونصيف ع كل نصف قطرات من اللبن ونضع كريم شانتية بين الطبقتين وع الوش نضع صوص الشوكلاته وبالهنا

فطاير بالعجوة
المقادير
2 كوب دقيق
نص كوب ماء
ربع كوب زيت
بيضة
ملعقة سكر
3 ملاعق لبن بودرة
نصف ملعقة كبيرة خميرة
رشة ملح
للحشو
عجوة ممزوجة بالزيت
للوجه
بيض فانيليا
الطريقة
ضعى الماء والخميرة اللبن البودرة السكر والبيضة وامزجى الخليط بالملعقة اضيفى الدقيق تتكون عجينة ملتصقة باليد اضيفى الزيت واعجنى عشر دقائق اتركيها تتخمر ثم شكليها محشية عجوة اتركيها تخمر وادهنى الوجه بيض بالفانيليا تدخل الفرن حرارة متوسطة على الشبكة

كيكة الزبادى الهششششة جدااااا والبسيطة جدا
المقادير
4 بيضات صغيرة الحجم او 3 كبيرة
فانيليا
كوب الا ربع سكر
نص كوب زبادى ال هنقيس بيه جميع المكونات
نص كوب زيت
كوب ونص دقيق منخول مضاف له ملعقة صغيرة ونص بيكنج بودر
الطريقة بمضرب سلك او خلاط او حتى شوكة
هتضيفى المكونات بالترتيب زى ما مكتوبين فالمقادير المهم لو هتستخدمى مضرب سلك او شوكة السكر يدوب كويس
ادهنى صنية صغيرة مقاس 20 ×25 زيت وترشيها بدقيق
الخليط بيكون ارتفاع تلت الصنية تدخل فرن على الشبكة ساخن مسبقا على حرارة مرتفعة مدة عشر دقايق وبعدين خلى النار متوسطة ومتفتحيش قبل تلت ساعة واختبرى النضج بخلة او سكينة رفيعة من نص الكيك تدخليها تطلع من غير اى عجين تبرد وقطعيها وقدمى كيك هشة جدا

ملف كامل عن طرق مختلفه للمكرونه او المعكرونه كما تعرف ف بعض البلاد ، كل صوره تحتها الطريقه

طاجن مكرونه بالفراخ
بتقطعي بصله شرايح و معاها فصين تلاته توم (البصل و التوم علي حسب كميه الفراخ) و تشوحي في شويه زيت لحد ما يدبل بس و تضيفي قطع الفراخ وبتحطي عليهم فلفل و ملح بس
و بعد كده بتعملي صلصه
بتفرمي توم و بصل و تدبليهم في شويه زيت و بتحطي عليهم الصلصه و تكون الصلصه المايه فيها زياده شويه و برضه تحطي عليهم ملح و فلفل اسود و تسيبيها تاخد غلوتين عالنار و تحطي عليها معلقه كبيره من الدقه
هاتخدي شويه صلصه علي حسب كميه الفراخ إللي آنتي عملاها و تحطيهم علي الفراخ و تقلبي كويس
و تحطي الفراخ في ال طاجن و عليها مكرونه قلم نيه بس متمليش الطاجن ب المكرونه لأخره و تسقيه الصلصه دي و تزودي مستوي الصلصه فوق مستوي المكرونه بشويه و تغطي بورق فويل و تدخلي الفرن بتاخد نص ساعة تقريبا

طريقه الدقه
لمون و ملح و كمون و توم مفروم و خل و شويه مايه و تديهم غلوه عالنار

الشطه الزيت
معلقتين كبار زيت يتسخن و تحطي عليه معلقه شطه كبيرة و بعد كده تنزلي ب مغرفه من الصلصه إللي عملتيها و تشيلي بسرعه من عالنار

"الطريقه "
بسلق المكرونه الفرن وبعدين بنعمل الوايت صوص يستخدم ٣ كوبايات لبن و عليهم ٣ معالق كبيره دقيق وممعلقتين كبيره زبده ومكعب مرقه دجاج ورشه ملح ورشه فلفل وجوز الطيب واقلبهم ع البارد قبل ما احطهم ع النار وبعدين ارفعهم ع النار لغايه ما يغلي والقوام يتقل بعد كده اجيب طاجن وأحط فيه ملعقتين بشاميل وانزل عليه المكرونه وباقي البشاميل وتكوني مجهزه بانيه ويتقلي بفيجتار خشن عشان يطلع كريسبي ونضيفه ع الوايت صوص وبعدين نضيف جبنه موتزاريلا وندهلها الفرن علي حراره متوسطة لمده نص ساعه وشكرا
مكرونه بشاميل بالتشيكن كرسبي❤❤

مكرونه وايت صوص بالبسطرمه
مكرونه هتسلقيها عادى جدا و ف حله تانيه تجيبى معلقة زبدة ومعلقة دقيق قلبيهم ف بعض لحد م يبقو كتله واحدة كدا وبعدين تنزلى بكيلو لبن سنه سنه مع التقليب وملح وفلفل وشطه و ف الاخر تحطى حبة جبنة مودزريلا وبسطرمه وتغطى الحله شويه وبعدين تحطى الصوص ع المكرونه وبالهنا

طاجن مكرونه بالسجق
الطريقه
بصله متوسطه تشوح في حله ويضاف السجق ويقلب معه ويضاف فص ثوم مفروم معهم ويتم اضافه فلفل الوان معهم ثم يضاف معلقتين صلصه طماطم و ٣ طماطم مبشورة ويضاف قليل من الملح والفلفل الأسود نتركها تغلي غلوه ثم تضاف المكرونه بدون سلق وماء مغلي حتي يغطى المكرونه وتقلب كل دقيقتين لمده عشرة دقائق
ثم تقلب في طاجن ويضاف على وجهها جبنه رومي وجبنه شيدر وتدخل الفرن حتي ذوبان الأجبان وبالف صحه وهنا علي قلبكم❤️❤️❤️❤️❤️❤️

مكرونه وايت صوص

المكونات

٤٠٠ جرام مكرونه
٢٠٠ جرام مشروم
بصله صغيره مقطعه مكعبات صغيره
٤ فصوص ثوم مفروم
٢مكعب زبده
ملعقه ونص دقيق

تتبيله صدور فراخ

٢ صدور فراخ ٢٥٠ جرام
ملح
نص ملعقه صغيره فلفل اسود
ربع ملعقه صغيره بهارات فراخ
نص ملعقه صغيره بودر ثوم
ملعقه كبيره خل
ملعقه كبيره زيت

الطريقه بقي

أول حاجه هنعملها نتبل صدور فراخ واسيبها حوالى بس ساعه بعد كده اجيب طاسه سخنه جدا وانزل عليها بالفراخ لما تستوي وتاخد لون اكون رفعتاها من علي النار
اكون سلقت مكرونه واجهز كل مكونات الصوص جمبي
اجيب بقي طاسه غويطه انزل بالزبده وبصله واقلب لما تتبل بس مش عاوزها تاخد لون أبدا وانزل الثوم اول لما اشم ريحته الثوم انزل بالمشروم اول لاقي المشروم غير لونه بني فاتح انزل بالدقيق واقلب لحد ما الدقيق يستوي انزل بالكريمه ومياه مكرونه واول لما تغلي انزل بالمكرونه وبعد كده اوطي نار وسط علشان مكرونه تتشرب صوص كويس و الصوص يتقل

طاجن اسباجتي بالفراخ

كيس مكرونه اسباجتي يتلسق
ونجيب طاسه نحط فيها اي بهارات عندك مع شويه زيت وعلي النار وبعدين نحط عليهم ملعقتين صلصله
وننزل بالمكرونه بس نصفيها كويس من الميه الاول
ونسيبهم ع جنب
وفي طاسه تانيه نحط شويه زيت وننزل بقطع الفرح واول ما الفراخ تقرب تستوي ننزل بالفلفل الالوان ( أحمر . اخضر .أصفر ) وبهارت
وبعدين نحط نص المكرونه ف الطاجن وننزل بقطع الفراخ وبعدين باقي المكرونه ونحط ع الوش فلفل أحمر مقطع صغير وزيتون وجبنه موتزرايلا وندخله الفرن ❤