وزارة التعليم العالي تقرر تخفيض معدلات القبول للدراسة المسائية عدا التمريض والكليات التقنية الطبية والصحية والزراعة :-

- الهندسة من 70% الى 65%
- العلوم من 65% الى 60%
- القانون من 65% الى 60%
.

#تذكير

تبدء يوم غدا امتحانات الدور الثالث للسادس الإعدادي للعام الدراسي 2020

✅ تكون الامتحانات الساعة ١٢ ظهرًا .

هلووو☺️
باجر راح يكون امتحان التاريخ لطلاب الدور الثالث🙄 اكيد هسه انتم تعانون خوف وتوتر وقلق🤦‍♀😬 وهل شي حقكم بس لاتنسون ان كل شخص يحصل ثمره تعبه وعلى كد تعبكم وجهودكم ربنا راح يوفقكم 🤗✌️ لهيج انتم سوو الي عليكم وادرسوا زين وبتركيز وان شاء الله التوفيق والنجاح 🙏😌 #ديانا

اي شي تحتاجوا تكدرون تراسلونه
@deana123
@ATYAF_KAREEM

جماعة دور الثالث ممكن تبشروني 😒😒
@mera996

منو ممطلع نتيجة مالتة

الرابط دام شغال يمي دزولي معلوماتك
@mera996

••
‏"ثم يُرِيكَ اللهُ بعد سنواتِ الصبرِ عجائِبَ قدرتِه في تحقيقِ ما صَبرتَ لأجلِه" ♥️😌

#ديانا

هلوو طلابنا الحلوين ✋❤️ شلونكم ان شاء الله بخير ✌️ اكيد البعض منكم هسه حالتهم تعبانه ونفسيه تحت الصفر🤦‍♀ بعد قرار وزارتنا المحترمة 😒 والي بلغت الطلاب بالامتحان قبل 3 ايام 🙂 يعني حسبوها فاتحه 😂 وطبعا نحن مو اقل منكم نفس الوضعيه بس لتخافون او تخلون القلق والخوف يسيطر عليكم صيروا اقوى من كولشي 💪وخلي حلمكم كدام عينكم واعرفو ان بعد تعبكم هذا راح تحصلون ثمرته وتحققون الي تتمنوا وترتاحون☺️ لهيج حاولو تجهدون اكثر من طاقتكم واكيد ربنا وياكم ومايضيع هل تعب والجهد❤️ ونحن دعواتنا الكم وان شاء الله التوفيق والنجاح الكم والنا☹️
اي شي تحتاجوا لا تراسلوني 😂 اشاقه اني موجوده باي وقت واي مشكله حتى لو نفسيه لعيونكم اصير باحثه اجتماعية واسمعها المهم مايضيع تعبنا❤️☺️

@deana123
#ديانا

كن قويًا مهما كانت الظروف
" 𝘣𝘦 𝘴𝘵𝘳𝘰𝘯𝘨 𝘯𝘰 𝘮𝘢𝘵𝘵𝘦𝘳 𝘸𝘩𝘢𝘵 ♡
#ديانا

بالتوفيق ❤️💪

مرحبا طلاب👋❤️ ان شاء الله تكونون بخير وصحة ☺️ نعتذر عن انقطاعنا عنكم بهل فتره بسبب الامتحانات والكل يعرف معاناتها ☹️ وان شاء الله التوفيق والنجاح للجميع 💪 اليوم حبه ان نحجي موضوع كوولش مهم وحلو والي غالبا الكل يعاني منه واني طبعا أولكم🙂 بس الحمدلله بعد تجربتي تغيرت مو 100٪ وانما نكدر نكول سيطرنا على هل حالة ✌️ وردت انتم هم تستفادون مثلي شنو هي الحالة نعرف ان هوايه نعاني بحياتنا من ضغوطات تعب إرهاق ملل انعزال والمعنى الاصح الطاقه السلبية الي دائما هي مدمره حياتنا وتأثر عليها من ناحيه النفسيه والجسديه 🤭 بس الي مانعرفه ان الانسان هو الي يجلب الطاقه السلبيه لنفسه😏 هسه اكيد دا تكول شلون يعاني اني عايش بالعراق وكل هل معانات ومايصير عندي طاقه سلبيه هل كلام هو بحد ذاته الي جذبها الك 🤦‍♀ ابسط مثال ويطبق عليكم( تخيل عندك امتحان ماده كولش هوايه راح تشوف الماده تضل تحجي بعقلك اني مستحيل اكملها الماده صعبة هوايه وقت قليل راح تتكون صورة بداخل عقلك الباطني هي ان ماراح تجاوب بالامتحان لان ماقريت الماده والاسئله اجت صعبه رغم انت لهسه لاقريت ولا فتحت الماده هل صوره راح تنتقل للعقل الظاهري وتنطي ايعازات لجسمك بالتعب إرهاق وبالتالي ماتكدر تدرس ويضيع الوقت بالتفكير هنا انت جذبت الطاقه السلبيه الك 😑😒 بينما لو تتخيل انت قريت الماده ودرست على كدرت عليه والباقي تاخذ المهمات راح تجي أسئله سهله وانت جاوبت واخذت درجه النجاح هل شي كون طاقه ايجابيه ساعدت جسمك على النشاط ✌️💪) وهوايه شغلات بحياتنا تحتاج منه الطاقه الايجابية زين راح تسأل هنا اني شلون احول طاقتي السلبيه لايجابيه 🤔 وهل شي كولش بسيط وسهل مجرد ان تسترخي خمس دقايق بهدوء و تركز على الهدف او الموضوع الي انت تريد تحققه وتتخيل ان الموضوع تحقق ودا تعيشه حاليا ❤️ لا اراديا الطاقه السلبيه راح تختفي مثلا ( حلمك تخلص دراسه ادخل جامعه اتخيل نفسي داخلها وشلون ادرس وبعدها حفله تخرجي وبوجود الناس الي ساعدتني واهتمت بيه وانت تشوف سعادتهم وهما يشوفوك محقق حلمك بعدها وانت تشتغل بالوظيفة الي باختصاصك او ممكن ماتكون من ضمن اختصاصك بس المهم اشتغلت وهوايه شغلات نكدر نتخيلها) تره مو عيب ان نتخيل شي بس الاصح ان نتخيل شي واقعي نكدر نحققه ومامجبور تحجي لشخص عن تخيلك اذا شفت ان راح يستهزء بيك او ينتقدك هذولي الأشخاص ابتعد عنهم ونصيحه لاتحجي الهم عن مخططاتك المستقبليه لان دائما راح يحبطوك ويجذبون الك طاقه سلبيه 🙂حاول دائما تصادق الناس الي من تحجيله عن حلمك يشجعك يكولك انت كدها تكدر تحققه واني وياك موجود يا اخي هل الإنسان عشق☺️ هوايه من عدنا جان يتخيل بطفولته احلام واكو كدر يحققها واني اقل مثال الكم( دائما بطفولتي جنت اتخيل نفسي ادخل كليه القانون والبس روب المحاماه واوكف كدام القاضي وادافع وجنت من احجيلهم عن حلمي يستهزءون بيه ويكولون انتي وين والمحاماه وين لدرجه خلوني اتندم لان احجيلهم حلمي بس رغم كل كلامهم وطاقتهم السلبيه حولتها إيجابية وسويت العكس درست وتعبت ودخلت الجامعة الي أتمناها من الطفوله ورغم اعتراضهم وانتقادهم كملت وان مابقى غير القليل واكمل باقي حلمي 💪❤️ وتعرفون ان نفسهم الأشخاص الي البارحه ينتقدوني اليوم يفتخرون بيه ودائما يسألوني اشياء تخص القانون ويناقشوني😂 لدرجه مرات اصفن عليهم انتم البارحه مليتوني طاقه سلبيه واليوم تردون مساعدتي 🙄 لهيج لاتخون اي شي يأثر على حياتكم واحلامكم لا طاقه سلبيه ولا انتقاد الناس اذا الشي مقتنع بيه ان صح ومابيه غلط كمل بيه وحققه واكيد ربنا ماراح يتركك وراح يكون وياك خطوه بخطوه ❤️ ونصيحة دائما قبل لاتنامون تخيلو شغلات حلوه لان راح تتكون صوره وتحفظ بعقلك الباطن وحتى اول ماتفتح عيونك الصبح ابتسم وتخيل ان يومك راح يكون راحه وماكو اي شي يضوجك او تعيس وردد انت كد💪✌️ كل الظروف الي تواجهك وتكدر تتجاوزها ☺️عيش حياتك ويومك مهما كان ودائما اخلق من الفوضى هدوء واذا ردت شغله ومصارت لاتكعد تلوم نفسك وحظك وتبقى معبس طول اليوم ☹️ خلاص شغله راحت صارت ماضي واكيد ربي راح يعوضك احسن منها اركز على باقي الشغلات لان مستحيل ربنا يبعد عنه شي اذا ماكان بيه أذية النا نحن مانعرفها( وعسى أن تحبوا شيء وهو شر لكم) دائما رددها واذا بيوم حسيت بالتعب والضعف وان انت وحيد اوكف كدام المرايه وردد انت قوي انت ماتحتاج شخص بحياتك وتكدر تجاوز كولشي احجي الشغلات الي أذتك اليوم شخص قهرني وغثني بكلامه ما اهتم اله واعتبره طنين الذباب 🦗😂 لا تخلون حياتكم بيد كلام الناس حياتكم ومستقبلكم احلامكم بايدكم انتم بس المسؤلين عليها ☺️❤️
اتمنى استفاديتو من كلامي وكدرت اغير ولو القليل من الي بداخلكم❤️☺️

#ديانا

هلوو ياحلوين 👋❤️ ان شاء الله تكونون بخير ✌️ رجعت وياكم بموضوع جديد ولان غالبا الكل يعاني منه ومستحيل اكو شخص ماتعرض لهل شعور وهو (ضعف الشخصية انتقاص من النفس الاستصغار☹️) شنو يعني يقصد بيه شعور ان مستحيل اكدر احقق الشي الي اريده لان ممكن يكون أكبر من مسؤوليتي او صعب اواني ما استاهل هل شي وان هوايه عليا واكو اشخاص افضل مني يستاهلو🤷‍♀ حتى من شخص يمدحني احس بالمبالغة بكلامه وما اتقبله هلكلام غلط ودمار لان مجرد حجيت هل شي فقدت ثقتك بنفسك واي شي تحصل عليه حتى لو كان من حقك وتستاهله ماراح يرضيك 🤭 زين هنا السؤال ضعف الشخصية منين يعني مامعقوله نمت وكعدت وشفت نفسي هيج 🤔🙄 لا ضعف الشخصية غالبا ماينولد من الطفوله وهو بسبب تعرضنا لكلام الي يقلل من ثقتنا بنفسنا تعرضنا لاهانات وكلام جارح من أشخاص الهم تاثير قوي بحياتنا مثلا الاب الام الصديق ولان هل اشخاص الهم مكانه كبيره بحياتنا واقل كلمه منهم تاثر بينا لهيج كل كلماتهم تضل محفوره بعقلنا الباطن ومستحيل بيوم ننساها ممكن هما ماكان يقصدون بس الي مايعرفوا ان هل شي غلط وخصوصا بالنسبه للطفل اذا ضلينا من صغره نستحقره ونستصغره راح يبقى طول عمره يشوف نفسه مستصغر بعيون الناس وبالتالي يفقد ثقته بنفسه وتضعف شخصيته 🤦‍♀ وماراح يكدر يواجه اي موقف صعب بحياته ودائما يشعر بالخوف والتردد وقراراته حتى لو كانت صح راح يعتبرها غلط لان يحس ان مو كد مسؤليه💪 هيج قرار 🤷‍♀ زين اني شلون اقوي شخصيتي واخلص من هل ضعف 🤔 كلنا نكدر نغير من نفسنا اذا جان عدنا الاراده وفعلا رايدين التغير ولازم يكون التغير لنفسك بلاول مو لخاطر شخص 🤷‍♀ واول طريقه هي إثبات النفس اني اليوم من شخص استهزء بيه مثلا ( احلم ان اشتري سياره من حجيت هل حلم هوايه واجهت استهزاء وانتقاص شلون تشتري ومستحيل تكدرين وانتي شلون تسوقين هل كلام ممكن يدمر حلمي اذا جنت شخصيتي ضعيفه وما واثقه بنفسي) زين ليش ما احول كلامهم السلبي لطاقه وايجابيه بعقلي كلمه مستحيل معناها اكدر ادرس اتخرج اشتغل اشتري السياره 🥺❤️ واضل افرفر بيها كدامهم على عناد المضغوطين😂😂💪 وماصعدهم ويايه لهيج نحن المسؤلين عن ضعف شخصيتنا او تقويتها دائما ردد بعقلك انت قوي انت تكدر تواجه هل مشكله انت ماتحتاج مساعده من شخص ولا عطف او شفقه ركز على كولشي يكدر يساعدك بتحقق حلمك✌️❤️ الطريقه الثانيه وهي كتابه الأحلام والتخيل وهي افضل طريقه ان تخلي حلمك ومقابله الصعوبات الي تواجهك بتحقيقه وبعدها استرخي وتخيل ان هل المشكله الي واجهتك تخلصت منها وحليتها وحلمك حققته ودا تعيش هل شي ❤️🥺☹️ شي روعه لهيج ارجع واكرر قوة شخصيتك ثقتك بنفسك تعتمد عليك مو على كلام الناس المحبطين😒 دائما سد اذانك عن كلامهم 🤐🙉 ولا تسمع الهم واثبتلهم عكس الي متوقعي لان مرات يكون هذا قصدهم من ينتقصون منك حتى تثبت العكس مو تثبت كلامهم( وبصراحه هل طريقة والدي يتبعها ويايه 😂 دائما من جنت بالسادس يهددني ان اذا ماطلعت معدل عالي راح يجبرني اترك دراستي ولان اني البنت الوحيده الي كدرت اوصل لهل مرحلة من الدراسه صار عندي خوف وقلق من ان ينفذ كلامه لهيج فكرت اني ليش اخلي كلامه يحبطني وليش ما اثبتله العكس وان استاهل اكمل دراستي وسويت هل شي وكل شخص جان ينتقدني اسد اذاني عنه 🙉😑 وكل كلمه يحجوها اسوي عكسها لحد مابالنهايه طلعت معدل يحققلي حلمي وقتها والدي اعترفلي بهل شي كال اني لان جنت اعرفج شخصيتج قويه وماتهتمين وتحولين تثبتين عكس الي نحجي ضليت انتقدج حتى تحققين الي تردي لان مو دائما التشجيع والمدح هو الي يساعدنا مرات يكون العكس 🤷‍♀) المختصر من كلامي كل شخص بداخله بذره وهو وحده المسؤل عنها يكدر يكبرها بشخصية قويه وثقه ومسؤوليه وعدم الخوف من مواجهه اي شي ويكدر يكبرها بضعف الشخصيه والخوف والتردد ويكون مثلا حاله الطفل الي دائما يبحث عن شخص يختبئ وره ظهرة 🤷‍♀🙂 وتره هل نوع دائما يحملون غيرهم اسباب فشلهم لان حتى بينهم وبين نفسهم يخافون 🙁 لهيج نحن لازم نكون اقوياء 💪 لان هل دنيا والمجتمع يحتاج شخصية ثقه قوه ذكاء 😎

اتمنى عجبكم الموضوع وكدرتوا تستفادون ❤️
#ديانا

مرحبآ طلابنا ❤️ اتمنى تكونون بخير وصحه وسلامه ☺️ اليوم نتناول موضوع كووولش مهم ويمكن أصعب موضوع راح احجي بيه😣 لان الكل يمر بيه وهو (الخذلان فقدان الثقه بأشخاص) الخذلان من أصعب الشعور الي نواجه ممكن يكون من صديق اهل حبيب من تثق بشخص وتتأمل منه شي ان يساعدك بموقف وتتفاجئ 😳ان يدير ظهره الك ويخليك تواجه هل موقف وحدك☹️ هنا راح تحس بالانكسار راح تشوف الدنيا بلون الاسود راح تفقد ثقتك بكل الناس وتحس ان الكل راح يخذلك وان كلهم نفس صفات هل شخص ممكن يتركوك بنص الطريق وتبتعد عن الكل وتعيش وحدك😔 راح تكول خلاص حياتي انتهت المن عايش واني راح اموت لان هل شخص تركني او خذلني وكأن هو اوكسجين حياتك تره ماكو هيج مقوله ومحد يموت وره احد لو فعلآ نحن نموت من هيج مواقف او نموت من يفارقنا شخص فيكون الموت وره الاب او الام هو الي يستاهل ❤️مو والله صديقي طعني بظهري او حبيبي او حبيبتي تركتني اروح اموت نفسي او انتحر او اعيش بطاقه سلبيه وابتعد عن حياتي وانقهر😭☹️ واضوج ماطول ربنا ما كاتبلك تموت بهيج يوم ماراح تموت 🤷‍♀ ("وسامحني حين أبكي على قضائك
رغم إيماني به، واغفر لي إذا نفذ صبري يا الله.") وليش منو هو برأيكم هيج اشخاص نستاهل نوقف حياتنا علمودهم وندمرها ليش هو يكمل حياته ويعيش براحه واني الي تدمر حياتي ليش ما اثبتله العكس واستمر بحياتي واحقق الي اريده واكون اقوه اثبتله ان هو شخص عابر مو بطل خارق وان مجرد ابتعد خلاص حياتي انتهت 😒😏يستاهلون نغضب ربنا ونعترض على حكمه تره ماكو شخص ربنا يحطه بطريقنا اذا ماله بيه حكمه او حتى ناخذ درس ونتقوه منه ودائما نشوف الأشخاص الاقوياء هم اكثر ناس مرو بتجارب انخذلو من الاهل اصدقاء ومرات مجتمع بكبره يخذلهم🙁 لهيج بطل كلمه ان ربنا اذا يعرف هل شخص مو زين النا ليش ربنا خلانه نتعلق بيه وبعده عنه زين ليش ماتفكر تكول ان اكيد ربنا من خلانا نتعرف على هل شخص حتى نشوف صفاته ومانكررها ونعرف نختار الشخص الصح 👍 وممكن هل شخص الي انت تشوفه ملاك هو اسوء شخص ومن تبتعد عنه راح تشوف مساوئه لهيج دائما خلي ثقتك بربنا وكل شخص يبتعد عنك كول الحمدلله اكيد ربنا راح يعوضنا بالاحسن منه انطي لنفسك فرصه تعرف على اشخاص عاشر ناس حتى يكون عندك تجربه نحن عايشين بنص مجتمع بيه الزين والشين بيه الي يستاهل الثقه مايصير تحكم على باقي الاشخاص من شخص واحد لان ربنا ماخلق الاصابع بنفس الطول🖐 والناس هيج مامتساوين بالصفات لهيج من يبتعد عنك شخص لا تعاتب نقطة رأس سطر الشخص يلي يحبك راح يواجه الكل علمودك لا يوكف بوجه ظروف ولا اهل ولا مجتمع واقل مثال عدنا ( قصه رهام وزيد البنيه الي من ذوي الاحتياجات الخاصه رغم ان زيد انسان ذو ثقافه وكامل ماديا وممكن ياخذ وحده نفسه ورغم الكل رفض علاقتهم اهل رهام وأهل زيد حتى المجتمع تنمر عليه بس هو واجه الكل علمودها وما اهتم) لهيج الي يريدك راح يحارب الكل علمودك مو اول موقف او رفض يدير ظهره بحجه الظروف هيج شخص ما تأمل منه خير واشكر ربي لان عرفته من البدايه وبعده عني ما انكسر من هيج موقف ودائما هل مواقف خليها تكون مصدر قوه الكم نحن اقوه مانحتاج اشخاص تقوينا بحياتنا(“أحياناً يكون أقوى إنجازاتك بالحياة هو أنك مَازلت بِقواك العقلية، ومَازلت تتعامل بأخلاق، مع أنك مُحاط بكمية لاتُحصى مِن الحَمقى.”

دائما شبهو بنفسك باشياء صعبه واحد يحصل عليها بسهوله ولازم الواحد يتعب حتى بس يتقرب منها ماطول ربنا وياكم هذا كافي إِحداهُنَّ تَقول
عِندما رَفعتُ صَوتي وقُلت:
ليسَ لي أحدٌ يا الله
رُفِعَ الأذانُ قائِلاً
“اللهُ أَكبر”.
اتمنى تحبون هل موضوع وتستفادون منه❤️☺️
#ديانا

#عاجل وزارة التربية تعلن مواعيد امتحانات المراحل المنتهية للعام الدراسي 2020 – 2021
⭕️تشمل (الابتدائية ، المتوسطة ، الإعدادية)
وقالت الوزارة في بيان اصدرهُ المكتب الاعلامي ان ، موعد امتحانات السادس الابتدائي ستكون يوم الاحد الموافق 13 / 6 / 2021 ، وامتحانات مرحلة الثالث المتوسط ستبدأ يوم الاحد 4 / 7 / 2021 ، اما بالنسبة لامتحانات مرحلة السادس الاعدادي بفروعه كافة ستنطلق يوم الثلاثاء 27 / 7 / 2021 .

ونوه البيان في حالة صادفت عطلة رسمية خلال ايام الامتحانات فينقل امتحان ذلك اليوم الى اليوم الذي يليه ، وفي الختام اعربت الوزارة عن حرصها ومساندتها لجميع التلاميذ والطلبة ليتمكنوا من تحقيق اعلى مراتب النجاح وتجاوز ظروف هذه المرحلة الاستثنائية التي مروا بها
...........................................................

سلام عليكم اي احد عنده سؤال اني موجد @mustafallami

طلاب هاي الرساله مثبته بيه شرح كل الافصل مجرد تضغط على الفصل الي تريد يطلعلك شرح كامل صوره وصوت @mustafallami

كل عام وانتم بخير ويارب تحقيق الاماني والنجاح


@mustafallami