ياحبيبي الدنيا ضاگت والوسيعة عيونك
علمني هسة شلون اعيش بدونك
شكثر ضليت انة ادور من وراك
ومالگيت اليشبهونك
انت نجمة وتضوي مابين النجوم
وانة اميزك من ضوة البسنونك
رايد انة امن الخذاك اليوم اخطفك
ماردت ينخطف لونك
لو مشيت وصدفة فد يوم وشفتني
راح تسألني وتگلي شلونك
لو تمشي عادي وماتحسب
چن شفت واحد غريب
بالمظاهر هيج عادي
وبالگلب واحد حبيب
انت صح وياه ساكن
لكن انة الي سكن بگليبك
الليالي والحزن والذكريات
كلها تلتم من تجي ومتجيبك
زين كل هاي التواصل والمواقع
والتطور والشوارع والمواقف والصدف
بس ما اشوفك
هاي هسة افتهمنها
زين كلي شبيهن انت طيوفك
ما اريدك بس اريدك
وين الله وترد تجمعنا الليال
حتى بس اكمشها ايدك
وگمت افكر للبعيد
ما اريد بيوم اشوفك
لا توازيني ترى تخليني احبك من جديد
مااريد ابيوم اشوفك ماريد
حتى لا ارجع واعوفك
انت لو فد جرح عادي
جان سهلة وبيدي اروفك
هسة مو يمي الگلب يم بابك
ترجعة لية تعوفة
هسة ما ضلك وكت و تشوفة
عمي گلي بدربي انت شجابك
مدري انت بدربي شنهو الجابك
انة ماعندي كلب لفراگة
وحتى ما عندي گلب نتلاگة
كلها تاهت دوريتك
شگد لگيت وما لگيتك
ما اريد الگاك اصلا بس بجيت
انة جذاب بمشيتك
عيوني شامرهن شمر يم بيتك
هي حيل هواية الك مشتاگة
والمصيبة
والله ماعندي گلب نتلاگة

حساسي احساس الوحد
ميت عندة ومابي حيل

اي يغايب مادريت اخبارنا
ضعنا بعدك والزمن مو مالنا

ماكو بالدنيا طعم وين انت وين
متنا بعدك مادريت احولنا

اهواي ننتظرك تجي بس ما اجيت
شنهي ناسي لو عشگت ابدالنا

لو خذوك وبعد ما عدنا حبيب
لو ظروفك صعبة يا دلالنا

شني بالدنيا شكو شغيرك عزيز
كلشي بعدك ابد ما يحلالنا

مانريد نعيش بعدك مستحيل
بس نريدك لوصرت چتالنا

الضحكة راحت والامل والامنيات
ارجعلنا وخل ترد ايامنا

جرحي يكبر والگلب يسأل عليك
ها شكو شصاير ولك اسرارنا


من خذوك انت القيم والكبرياء
العجزفة العز الاباء احلامنا

وهم وادم ماتقدر من لگوك
باگو العفة وخذوها گبالنا


هم وادم ابد مو من مستواك
ومن سمعنا تروح متنا بحالنا


وگمنا نذكر من جنت انت الحبيب
نحسد انفسنا عليك انيالنا

تدري بعدك زحمة كمنا احنة نعيش
وتدري بعدك بس جرح خلالنا


تدري احنة نموت بعدك ع البطيء
ونگعد اكبال الشمس بخيالنا

هيج خلصنا عمرنا اعلة اليجون
نسأل اخبارك شنو شگلالنا

نعيش بيها ونصفن وهم نستريح
عبالك اغنية قديمة ابالنا

ماي طحنا بروحتك مامش رجوع
امن العالي طحنا ومايرد شلالنا

ע تضحك جذب وبصدرك هموم
ترى بكلبك نعرفة انسان مهدوم

من يروح منك اغلى انسان
جنت امن الهوا ساعتها محروم

من تريدة انت وغيرك يگود
ايدة وياخذة ونلگاك مصدوم

تضل الوحدك محد يواسيك
ولا واحد يگلك ليش مهموم

تخيل لو صرت رمضان للناس
وثواني مو شهر هم محد يصوم

التعب يبدي عليك امن الحجي البيك
تخيل بالحلم ما تگدر تگوم

ويضل بخاطرك عندك حجي هواي
وماتحجي البشر وبروحك تلوم

اصابعهم ثلج من مرن عليك
بس ما ادري كلبك ليش ملجوم


تهد ايدك تروح تريد الفراك
تهد ابايد لكن بايد ملزوم


تلم بذكرياتك لو تأذيت
بس جرحك ابد ما جان ملوم


ماحاجة اليعاتب يحجي وياك
ترى حجي العيون هواي مفهوم

تكضي الليل صافن مادري شبيك
ترى يتعب الضل يحسب بالنجوم

حساسك ميت امنولها وياه
مثل البسجن ماجان محكوم

محد زايرة بكل هاي الاسنين
لاهو الفراج ولا هو معدوم

من تدفى بحظن ע تنطي بية
محبوبي واعرفك مو الية

تدري شگد الك بالگلب حسرات
بگد شوگك الي بكل مغربية

بگد ما عفتك انة اتلوة مرات
وبگدهن ندم اصفگ بدية

شخليت انت بية وحشى بالبيت
صرت اتخايلك وأبكل مسية

وحجيلك علية شصار بجفاك
تنزل دمعتي ومتحس علية

حيل افتقدك انة وحيل اشتاك
تدري الدنيا من دونك أذية

ساعة ولجلك اركض كل الايام
امن اوكف ولا اچنك تدري بية

صح انت حرت واليمي اشكال
عنهم تختلف صادق النية

صح انت رحت بس جرحك يضل
وياية يعيش وانت ويا سوية

مايسوة الخذاك وتعرف شلون
من ردتك صعب وانطو هدية

تدري انت ورد مو مال عاگول
طريقك لازم اعلة المزهرية

اكعد وحسبلهن ترجع تعود
ومابدلك لون ينطوني مية

ميت انة بعدك ميت عليك
ماريدك بعد بس رد الية

وانة ادري بعد متردك ايام
بس بيهن جنت اضحك علية

تعال شبيك اريدك تسمع صياح
هاي اصوات گلبي المو قوية

عفتني وما عفتني ودونك احتار
عفتني بجسمك وگلبك خطية

يحن واحن يشتاگ واشتاگ
واعيشن بيك وانت تعيش بية

حلوة وانيقة وهادية بمشيتها
العين تذبح والحلا رقتها
الكلية توگف لو تمر بستعداد
تاخذ تحية الجامعة الطلتها
بالانكليزي تداوم وكلها اعناد
وكل الاقسام ابتك رجل وكفتها
مو بس شباب الجامعة تروح هناك
حتى البنات هناك هم لحگتها
يابة الضوة لو تطلع يصير ارماد
مو هي اقوة من الشمس طلعتها
ندعي احنة هاي السنة بلكت تنعاد
ونگضي الدرس بعيونها وكحلتها
جنها الگمر وتضوي تشبه بغداد
تكتل كتل يالعالم بنظرتها