هلا مدريد :

لا تانس لللعب إحذانا ، ديما دير إحساب شطانه .. !

#ع_الفاهق

مُعتز جوَّاد :

لاني صاحب نيَّه سوده ، لا نقرض واحد في عُوده .. !

#ع_الفاهق

ارحيم الهمالي :

يا و الله نهار سعيد ، البرشا زارد في مدريد .. !

#ع_الفاهق

عبد الهادي الخفيفي :

سمحه حتَّى تطريفتنا ، ع اللي ما يعرف قيمتنا .. !

#ع_الفاهق

موسى حميد :

يا قايله إنسيت قديم ، قوليها لحَد ما يعرفك .. !

#ع_الفاهق

علي الكيلاني :

علي قيس نيتي يا الله عَطيني ،
و قابل اللي مِنَّك اتريد إتجيني .. !

#ع_الفاهق

خيبة الشَّاعر جلال الفقيه :

ظلمتك ع النَّاس إمعلِّيك ،
بعيني ننظر فيك علم .

#ع_الفاهق

شرف الدين :

دايرينا مطمر خزين سوايا ،
بقولة فلان ايحمل و يهلّبها .. !

#ع_الفاهق

رمزي بو برمه :

ياما نا و العين إسمعنا ، لكن ما يوم إدعدعنا .. !

#ع_الفاهق

إشارة لك :

مستوحي زها و ركاح ، للعين مو بعيده جيّته .. !

#ع_الفاهق

فايز امعزَّب :

العازه ما هي عازة مال ، تواروا ع الأنظار أرجال .. !

#ع_الفاهق

مُعتز جوَّاد :

لو كان النيَّه تصّدّر ، ما مِن غالي ما إيتقدَّر .. !

#ع_الفاهق

رمزي بو برمه :

خذيت علي انكران الود ، إنقلبوا ضدي مالاحد .. !

#ع_الفاهق

خالد الدرسي :

تغييرتي سببها ناس ، زرُّوني عليها كثّروا .. !

#ع_الفاهق

لقاء مع الشّتَّاي فايز إمعزَّب و سبب إعتزاله :

#ع_الفاهق

وسام الجوهري :

إنزينو كان إلقينا زين ، عَطينا عينك .. تاخذ عين .. !

#ع_الفاهق

مُنصف التواتي :

إلقيت صاحبي بين الرخا و العازه ،
ثابت ثبات الصقر في مركازه .. !

#ع_الفاهق

عادل الصوصاع :

اللي كبّرنا راجل زين ، بصيته عايشين سلاطين .. !

#ع_الفاهق

شيء من هذا القبيل :

ياما قال حسن خلِّيهن ، طامرهن عارف ما فيهن .. !

#ع_الفاهق

حكيم الصادق :

حال غايتي نهلب خفيف ظريف ،
ما يشيل همِّي مِـ الخلايق والي .

و يحين الرّحيل و نا عفيف شريف ،
طاهر أمنقىٰ مِـ الحرام حلالي .

#ع_الفاهق