بفرح اوي لما حد من اللي بيخدوا معايا كورسات بالذات online يبعتلي يقوللي بدأت اتغير / اول مرة اتصرف كدة ومبسوطة بنفسي / بقيت بحس بكذا وده ريحني ..

بفرح مرتين الاولى لانها اتغيرت
و التانية لانها لاحظت انها اتغيرت ..
وده بيكون معناه انها بدأت ترضى عن نفسها كمان مع التغيير ..
لان اوقات يحصل ان الشخص يدرس حاجة ترفع وعيه ويتغير ايجابيا .. بس ميكونش ملاحظ انه اتغير ..
سواء مستقل بالتغيير او مش شايف انجازه ده شيء يذكر او من كتر ما نظرته سلبية مش ملاحظ الايجابي .. وكلها انعكاسات انه مش حابب نفسه كفاية مش راضي عنها مش مقدرها يعني المحصلة مش مرتاح نفسيا ..
مهم اوي لما تكون ماشي في طريق انك تكون واعي قطعت منه مسافة اد ايه .. و تشجع نفسك عشان تكمل ..
اي طريق محتاج وقت ..
لو فضلت تتلفت كل شوية و تلوم في نفسك و تقولها يوووه انا موصلتش لسة / انا متأخر / ايه اللي مأخرني كدة /انا طولت اوي ..
مش هتعرف تمشي و هتحبط نفسك ومش هتكمل ..
اجمد و اثبت وقدر نفسك على اي خطوة وكل خطوة .. وسامحها على الوقعات بس قوم من تاني ..
شوية شوية ويوم ورا يوم هتلاقي الوقعات بتقل ورجليك بتثبت وخطوتك بتكبر وسرعتك بتزيد .. وبعد ما كنت يدوب بتخطي بقيت بتمشي بثبات وبعدها بتجري كمان .. بس انت قدر نفسك ولاحظ التغيير ..
#اسراءهارون

ودلوقتي كل كورسات التغيير متاحة اونلاين .. اول ما تحجز بتبدأ مش هتستنى مواعيد .. و الكورس كله تحت ايدك تعيد وتزيد وتراجعه اي وقت
ده غير ان بيكون ليك الحق تتواصل مع استاذة اسراء شخصيا كمان لاي استفسار اثناء مدة الكورس

للتواصل واتساب من اي مكان في العالم
+201016447440

للي بيسألوا عن التأمل او ال meditation
عبارة عن تكنيك بيهدي موجات المخ العصبية
بيعمل mind fullness
بيستخدم للاسترخاء .. للتأمل .. للتركيز .. للانفصال شعوريا عن شيء سلبي .. للتدريب على عيش اللحظة .. لتغيير العادات .. للتشافي من الصدمات
هو وسيلة لما بتفهمها وتتعلمها صح تقدر تستخدمها لحاجات كتير اوي اكتر من اللي وضحتها ..
عامل كدة زي علاج نفسي .. ايوة علاج متكامل مش مجرد مهديء نفسي .. واستخداماته نتايجها مذهلة على النفسية .. سواء كتفريغ للضغط النفسي او ظبط للتفكير او تحكم في المشاعر ..
هو منتشر عاليوتيوب ولكن للاسف بعضه بدون وعي نوعا ما .. ومش بفضل استخدامه بدون وعي كدة ..
افهم الاول الموضوع صح ..
يعني ضروري نفهم ايه سر الاسترخاء وفايدته وبيعمل ايه بالظبط التكنيك ده في الجسم والعقل وليه بيعمل كدة وازاي عشان تقدر تستفيد منه فعلا ..
اما انتشاره مع جهل الناس بيه بيخليه فارغ من محتواه زي ما حاصل في امور كتير انتشرت بشكل سطحي افقدها عمقها و قيمتها وخلاها مثار سخرية واستهزاء ونقد وهي في الاصل شيء مهم و ممكن يعمل فرق كبير في حياة الناس .. ولكن من جهل شيئا عاداه ..
وعلى فكرة مع بعض الناس بيحتاج تدريب .. يعني مش كل الناس بتعرف تدخل في استرخاء علطول .. عشان في ناس كتير بتيجي تقولي مبعرفش استرخي بتعصب منه وكلام كدة .. دي اكتر ناس بنصحها انها لازم تفهمه صح مينفعش تعمل حاجة وانت مش فاهمها وبعد ما نفهمها نتدرب عليها واحدة واحدة على قد كل شخص و قدراته .. وكل ما هتلاقي نفسك رافض تسترخي كل ما ده كان دليل اكبر انك محتاج تسترخي .. زي بظبط اللي عنده قلق وهو محتاج للنوم بس رافض ينام وبيتعصب كل ما يحاول ينام ومينمش ..

انا شخصيا لما حد بيسألني ايه اكتر حاجة في اللي اتعلمتيه فرقت معاكي في حياتك والصعوبات اللي مريت بيها بقول بدون تفكير ال meditation و ال positive talk من ضمن كللللل اللي اتعلمته هم افيد تطبيقات .. والاسرع اثرا ..
والاتنين ليهم برامج تدريبية ..
و لاني عامة مش بقتنع غير بالدراسة العميقة والفهم من الجذور لاي شيء واي موضوع محبش اخده بشكل سطحي .. فده بيخلي برامجي طويلة نوعا ما .. بس اللي بيحب يتعلم بيستحملني ⁦ الحمد لله ☺️⁩

دي قناة التليجرام للمتابعة
🌸 اطمئن .. مع اسراء هارون🌸
https://www.tgoop.com/EsraaHarounLifecoaching

وده رقم الحجز للي يحب يشترك في البرامج او يحجز مواعيد جلسات خاصة online من اي مكان في العالم
+201016447440

( اللي عايز فعلا وناوي من جواه بجدية انه يتعلم ويتغير لكن ظروفه المادية مش سامحه يقدر يوضح ده لمسؤولة الحجز بدون اي حرج وياخد البرنامج باي مقابل حسب مقدرته بكل حب مني )

#اسراءهارون

شكرا لكل الناس اللي شاركت وفي انتظار المزيد من المستفيدين ⁦❤️⁩⁦❤️⁩

لاي مريض فيبروميالجيا
السلسلة دي من اروع ما سمعت وقريت عنه ملخصة الموضوع وشارحاه في نفس الوقت بشكل مبسط و منظم ومتكامل
هتلاقوها من اولها عاليوتيوب

https://youtu.be/pqDUBTYZvlc

اصرف من نفسيتك بحساب وحدود ضيقة اوي .. متستهلكهاش عمال على بطال ..
زي ما بتاخد بالك من فلوسك بتتصرف في ايه خد بالك نفسيتك بتتصرف في ايه ؟!!
الفلوس بتتعوض النفسية مبتتعوضش ..
بطل اي تفاعل سلبي وقفه مهما كان التمن .. حتى لو التمن ان يتقال عليك :.... او يفتكروك : ........ سيب اللي يقول يقول واللي يفتكر يفتكر .. سيبلهم الهري النفسي ده ياكلهم ويموتهم بالبطيء .. انجو بنفسك ..
الرد على اي حاجة سلبية او التعامل مع المواقف والناس السلبية بيستهلك من نفسيتك واعصابك وسلامك النفسي ما لا يُمكن يتعوض ابدا ..
ادفع فلوس بس اشتري نفسيتك .. سيب اي حاجة.. مش مهم.. واحتفظ بسلامك النفسي اهم .. وزي ما قال علي بن ابي طالب ( اعتزل ما يؤذيك ) .. ومتتعاملش مع اللي بيضايقك دور وشك و اشغل نفسك باهدافك ..
متصرفش من نفسيتك .. #اسراءهارون

كنت بتكلم مع واخدة صحبتي بتقولي عن نفسها ( انا فاشلة .. معملتش اي انجاز في حياتي )
فقلتلها حتى لو شايفة كدة مع انها مش حقيقة بس حتى لو فرضنا صحتها .. طيب ابدأي .. غيري .. وابدأي من جديد ..
قالتلي ابدأ دلوقتي في السن ده .. السن ده اللي خلف خلف واللي هاجر زيك كدة هاجر
انتي بتقولي كدة عشان وصلتي لحاجة
الناس وصلت لمراحل قدام وانا لسة هبدأ من جديد ؟! انا تعبت ..
قلتلها ثانية واحدة ..
هو انتي فاكرة ان اللي هاجر ده وصل ؟
وصل فين ولا وصل لايه ؟
كلنا كل شوية بنبدأ من جديد ..
انتي بالعقلية دي مش هتتحملي الهجرة ولا التغيير عموما.. هتنهاري اساسا من اول يوم تحطي رجلك فيه برة الطيارة او برة الوضع السابق ..
اللي هاجر ده اقوى مثال للي بيبدأ من جديد .. من الصفر واحيانا من تحته ..
اللي هاجر ساب كل انجازاته وسنين حياته في بلده وراح مكان تاني صفر تماما يعيد من تاني ..
يعيد الجهد ويعيد الصبر ويعيد التجربة ويعيد طولة البال ويعيد الدموع .. وفي الاخر يعيد الفرحة بكل خطوة ناجحة ..
الهجرة هزة شديدة ما يعلم قوتها وصعوبتها غير اللي جربها ..
لما بقولك ابدأي بقولهالك مش لاني ايدي في مية باردة لا .. ده انا ايدي في نفس اللي بقوله وبنصح باللي بعمله ..
( وعلى فكرة مش الهجرة بس اللي كدة .. الطلاق كدة .. وتغيير الكارير كدة ودول مجرد امثلة وفي غيرهم )
ومش بسميه نار بالعكس .. التغيير جنة ( بشرطين بس ١- يكون مدروس و ٢- تتوكلي على الله بشجاعة وحسن ظن ويقييييييييين يقين يقين يقين ) ..
والبدء من جديد حياة .. بس ليها تمن او ضريبة .. والشاطر اللي يدفعها برضا ويتحملها .. و اللي عايز العسل يتحمل لدغات النحل .. وعلى رأي دكتور ابراهيم الفقي كان دايما يقولنا مفيش حاجة تستاهل بتيجي بالساهل .. والتغيير يستاهل تتحملي عشانه الصعوبات والمرار و هزات الفقد لانجازاتك و اشيائك وعالمك اللي اتعودتي عليه ..
كلنا كل شوية بنبدأ من جديد ..
مفيش حد هيحقق اهدافه وهو بيخاف او عمال يكوم العقبات والسلبيات قدام عينه تسد عين الشمس وتسد نفسه .. ولا وهو قاعد يقول لنفسه انا فاشل ويشوف غيره انجز ايه ويلوم في نفسه ويبكتها .. ارحموا نفسكم ..
يا تستمتع باللي انت فيه يا تقوم تغيره وتستحمل لحد ما توصل .. وربك بيعين اللي به بيستعين
ومش عيب انك تستمتع باللي انت فيه ابدا بالعكس ده نضج وهنا ..
انا لما كنت تخنانة كنت بقول وماله انا بحبني كدة لاني بحب اكل اللي انا عايزاه ومبحبش الرياضة .. و لا كنت ببص لحد رفيع ولا بقارن واحس بفشل .. و لما ابقا اقرر اخس واتغير هبقا استحمل بعد الاكل الحبيب عني ⁦☺️⁩.. لما اقرر هدفع التمن انما دلوقتي مش مستعدة ادفعه عادي وبستمتع ..
وخسيت برضو بس دفعت تمن تاني هبقا اقولكم عليه بعدين عشان مش موضوعنا ..
المهم ركز كويس يا تستمتع باللي انت عليه مهما كان تسبح كدة في الوحل بسعادة وتتخيله عسل ومتلومش نفسك وتبكتبها .. يا تقوم تشد حيلك و تستعد للوكميات اللي هتخدها وانت بتغير واقعك .. وتضحك وتقول لصعوبات التغيير كمان زيديني عشقا زيديني و انت بترقص كدة كدهو
#مسمعش_انا_فاشلة_دي_تاني_هاه ..
#اسراءهارون

🌸 اطمئن .. مع اسراء هارون🌸
https://www.tgoop.com/EsraaHarounLifecoaching

" مفيش واحدة بتلاقي الحنية في بيت ابوها .. وتدور عليها برة "
كلمة بسيطة في سيناريو مسلسل سمعتها وانا بقلب .. بس رنت في ودني واستوقفتني !!
فعلا حقيقة اوي .. و باستعراض شريط ذاكرتي ادركت اد ايه الحنية مهمة اوي سواء في #تربيةالبنات او #تربية_الاولاد .. فعلا..
مفيش انثى عندي في السنتر سواء في الاستشارات وللا الدورات ولا تعديل السلوك وتنمية المهارات سواء كبار او اطفال مفيش واحدة عندها مشكلة الا وسببها يرجع في الاخر وفي العمق لانها مفتقدة الحنية ..
يا ملقتش حنية في بيت ابوها .. يا مش لقياها في بيت جوزها ..
يا كانت عنده وراحت منها .. فاسودت الدنيا واتقلبت الموازين ..
كمية الستات اللي اتجوزت جوازات مش عايزاها هربا من البيت .. افتقادا للحينة ..
كمية الستات المتجوزة اللي مخنوقة او منهارة او نفسيتها متدمرة وخلاص عايزة تطلق والسبب في العمق وباختصار : نقص الحنية ..
كمية الستات اللي بتعامل جوزها غلط عشان متكررش مثال امها مع ابوها .. فتكتشف انها بتعمل سيناريو اسوأ لحياة اصعب .. وبرضو بحثاً عن الحنية ..
كمية البنات الصغيرين اللي مفيش حاجة شاغلة ذهنهم اد الشباب و احلام الحب والغرام والصحوبية .. ظنا منهم انهم هيلاقوا الحنية ..
وكذلك الحال بالنسبة للرجالة برضو .. اغلب مشاكلهم في العمق بسبب الحنية يا عانوا من نقصها في نشأتهم فاصبح في طبعهم جفاف و قسوة .. يا خدوها بشكل غلط بوّظ تحملهم للمسؤولية وقدراتهم على المواجهة ..
للدرجادي الحنية صعبة ؟؟ ومفقودة !!!!
للدرجادي هي نعمة .. مطلب .. قيمة .. وللدرجادي محدش واخد باله ..
للدرجادي انعدمت الرحمة من القلوب وبقينا محتاجين نتعلمها ؟؟
المصيبة اني لما اقول للام حني على جوزك و ولادك .. تقولي منا بحن .. واكتشف انها فاهمة الحنية اساساً غلط .. مهو طبيعي طبعا لانها هي اصلاً متعرفهاش ..
فين الحنية لما بتحاسبي جوزك ولا حتى ابنك بالواحدة وتعلقيله المشانق ؟؟
فين الحنية لما صوتك مسمع الجيران ليل نهار ؟
فين الحنية من تحقيقات النيابة والسلخ والجلد وتأنيب الضمير و التحسيس بالذنب اللي مالي 90% من حواراتك مع ولادك ؟
فين الحنية لما اسلوبك معاهم لو تخيلتي كدة بتكلمي بيه خادم او سايس مش هيكون مقبول ولا انساني اساسا ..
انا مش بلومكم لاننا متعلمناش الصح ولا عيشنا في مجتمع حنين للاسف ..
لفت نظري مرة واحدة سورية بنتها بتناولها حاجة قالتلها بتلقائية شديدة ( تكرم عينك قلب الماما انتي ) .. بينما الام المصرية ممكن تنسى تقولها شكرا ان مكنش تمصمص شفايفها تقولها كتر خيرك اخيرا اتحركتي 😆 ..
بس دورنا نغير ..
محتاجين نفوووووق كتيييير ونقف مع نفسنا وقفة حقيقية ونغير اسلوبنا ..
وفروا الحنية لبناتكو واولادكو وازواجكو في البيوت عشان يقدروا يبادلوكوا بيها .. و يدوها في بيوتهم .. #اسراءهارون
#يمكن #نقدر نغيّر
#تربية #تنمية_بشرية #التربيةالصح_مع_اسراءهارون #الرجال_من_الذهب_والنساءمن_الماس
للجلسات الخاصة اونلاين من اي مكان في العالم تواصل وانساب مع الرقم
+201016447440
اعادة نشر بوست من 2017

اقرأ هذه الاسطر .. وستدرك انك تقلق اكثر مما ينبغي ..
هذه بعض من اسماء ربك الذي تعبد ⁦❤️⁩
- الواسع .. يوسع عليك
- الوهاب .. يعطي بلا سبب
- الكريم .. يعطي بلا طلب
- الغني المغني .. يغنيك عن كل الناس والاشياء
- المعطي .. يعطي بوفرة وكل حين
- الفتاح .. يفتح المغاليق والابواب
- الرازق الرزاق تكفل بالرزق يرزق بلا حساب ومن حيث لا تحتسب
- القدير القادر المقتدر يهيء الاسباب و بقدرته يجعلها تعمل
- الجبار .. يجبر كل كسر او نقص او تعثر
- القهار .. يقهر لك الاسباب والكون والعباد لتدبير شأنك
- الوكيل ..خير من توكل له كل امرك فيتولاه عنك
- الحافظ .. يحفظك من كل ما تعلم ولا تعلم
- القوي .. لا يعجزه شيء في الكون
- المقيت .. يوصل لكل كائن ما يقتات به في الوقت المناسب فهو يعرف و يملك قوت قلبك وروحك وبدنك الانسب لك في كل وقت

فكيف لمن يعرف ربه ان يقلق
فقط ردد
ان معي ربي سيهدين
يدبر الامر .. اطمئن .. لانه الله ⁦❤️⁩
#اسراءهارون

بعد تحسن حالة الرجل البالغ من العمر 93 عامًا في إيطاليا في المستشفى ، طُلب منه دفع ثمن جهاز التنفس الصناعى ليوم واحد ، وبكى الرجل العجوز.
نصحه الطبيب بعدم البكاء بسبب الفاتورة.

ما قاله الرجل العجوز جعل كل الأطباء يبكون.

قال الرجل العجوز:
"أنا لا أبكي بسبب المال الذي يجب أن أدفعه. يمكنني دفع كل هذا."

* أبكي لأني كنت أتنفس هواء الله منذ 93 سنة ، لكني لم أدفع ثمنه أبداً. يستغرق الأمر 500 يورو لاستخدام جهاز التنفس الصناعي في المستشفى لمدة يوم واحد. هل تعرف كم أنا مدين لله؟ لم اشكر الله على ذلك من قبل *
أن كلمات الرجل العجوز تستحق تفكيرنا.

عندما نتنفس الهواء بحرية دون ألم أو مرض ، لا أحد يأخذ الهواء على محمل الجد. فقط عندما ندخل إلى المستشفى يمكننا أن نعرف أن حتى تنفس الأكسجين باستخدام جهاز التنفس الصناعي يكلف المال!
* اشكر الله علي الوقت الذي مضي في عمرك كله لانك تستطيع فيه التنفس بحرية ..!
الحمد لله الحمد لله
🌹منقول🌹

أمى كانت بتنشر مرة الغسيل فوق السطح

وأنا وأختى الصغيرة والعيال جيراننا بنلعب قدام البيت
كان قدام بيتنا كده عمود وبنقعد نمسكه وندور كده هى دى اللعبة

وإحنا بلف وبنلعب أختى اتكعبلت ووقعت وعيطت
أنا وقفت ثوانى كده أستوعب يعنى هى وقعت إزاى
و كان قريب منها بنت من اللى بتلعب معانا قومتها من الارض
وأختى بطلت عياط وكملنا لعب

ساعتها أمى نادت عليا بصوت غضبان جدا وقالتلى اطلعى هنا
طلعت
أمى سابت الغسيل وقالت لى بلهجة شديدة هى أختك لما وقعت ماقومتيهاش ليه ؟؟

قولتلها ماهى فلانة قومتها
قالت لى هى فلانة دى أختها ؟؟؟
قالت لى تعالى وخدتنى فى جمب السطح كده بحيث اشوف العيال بوضوح
وقالت لى بصى على فستان أختك كده
قولت لها آه ده اتوسخ من الوقعة بس ده تراب عادى هينضف

قالت لى بس بصوت أهدى كتير لما الغريبة قومت أختك كتر خيرها .. بس الغريبة مانضفتش هدومها
ولا حسست عليها تشوفها اتعورت ولا لأ
ولا طبطبت عليها وحضنتها وراضتها
قومتها وسابتها ومشيت تكمل لعبها
اللى بيقع بيحتاج أخوه يقومه ..
عشان أخوه يشوف إيه اللى كعبله ويشيله
عشان أخوه ينضفله هدومه مايسبش الناس تشوفه متهان
عشان أخوه يطبطب عليه ويراضيه
اللى بيقع لما بيقف مابيقفش سليم
بيحتاج أخوه يخليه يقف سليم

علمتنى أمى مالم أتعلمه فى المدارس والجامعات 👌👌
منقول

مش عايزة ازعلكم
بس لازم اقولكم عشان تدعولي
طلع عندي كانسر في الرئة
اكيد خير ليا من ربنا انا راضية
بس يارب يهونها ويخفف عني و يرزقني الشفاء والطمأنينة والقوة
هبدأ رحلة العلاج قريبا
دعواتكم
واعذروني على تقصيري
وجزاكم الله خيرا

مش عايزة ازعلكم او اخضكم ..
بس لازم اقولكم عشان تدعولي
الالام اللي كنا فاكرينها التهاب عضلات طلعت سرطان في الرئة .. عافاني الله منه واعاذكم .. والحمد لله على كل حال
اكيد خير ليا من رب الخير ..
بس يارب يهونها ويخفف عني و يرزقني الشفاء والطمأنينة والقوة والثبات واليقين
طالبة منكم حاجتين
الدعاء
و انكم تنشروا البوست ده ..
دي لينكات كورساتي وبرامجي عالتليجرام انشروها مجانا لاي حد يحب يستفيد منها صدقة لشفائي ومعافاتي و زكاة عن صحتي ..
اي حد يقدر يدخل يسمع ويدعيلي وينشرها لمعارفه واصحابه مجانا .. وكل اللي يدخل مشكورا لو يدخل غيره وغيره ..
وجزاكم الله كل خير
#اسراءهارون

كورس التربية
المستوى الاول Level 1
🌸التربية الهادئة 🌸مع اسراء هارون
https://www.tgoop.com/eltarbeya_elhadeah_esraaharoun

كورس الترببة
المستوى الثاني Level 2
التعامل مع سن المراهقة
https://www.tgoop.com/elmorahaka_esraaharoun

كورس انواع الشخصيات
للكبار و الصغار
( يعتبر المستوى الثالث Level 3 في كورس التربية )
https://www.tgoop.com/anwa3_elshakhsyat_esraaharoun


كورس العلاقات الزوجية

الرجال من الذهب والنساء من الماس
دورة في العلاقة بين الرجل والمرأة
https://www.tgoop.com/elregal_men_elzahab_esraaharoun


كورس التغيير
لتغيير الذات / الحياة / التفكير / لمن يمر بتغير الظروف
Mind formatting 🌼برنامج التغيير
https://www.tgoop.com/mind_formatting_esraaharoun