📋 O‘zbekiston futbol assotsiatsiyasida FIFAning “skauting” – iqtidorli futbolchilarni aniqlash bo‘yicha mutaxassisi Richard Allen bilan uchrashuv bo‘lib o‘tdi.

Uchrashuvda, FIFAning TDS (Iste’dodlarni rivojlantirish) dasturi orqali mamlakatimizda davom etayotgan iste’dodli futbolchilarni aniqlash va ularni aniq tizim asosida professional futbolga yo‘naltirish jarayonini takomillashtirish bo‘yicha fikr-mulohazalar ilgari surildi.

Shuningdek, Richard Allen “Do‘stlik” Milliy futbol farkazi va Toshkent shahar futbol akademiyasiga tashrif buyurdi. Mutaxassis O‘zbekistonda futbol infratuzilmasini yaxshilash bo‘yicha amalga oshirilayotgan ishlarni e'tirof etdi.

⚡️ www.tgoop.com/FAUzbekistan

📋 O‘zbekiston Respublikasi Prezidentining “Ommaviy va professional futbolni har tomonlama rivojlantirishning qo‘shimcha chora-tadbirlari to‘g‘risida”gi Qaroriga muvofiq III bosqichli “Talabalar ligasi” musobaqalarining 2025-yilgi Toshkent shahar bosqichiga start berildi.

Mazkur bosqichda poytaxtimizdagi 50 ta oliy ta’lim muassasalari jamoalari 8 ta guruhga bo‘lingan holda bahslarda ishtirok etmoqda. Joriy yilning aprel-may oylari davomida “Talabalar ligasi”ning Respublika bosqichi bo‘lib o‘tadi.

Musobaqa natijalari bilan ushbu sahifa orqali tanishib borishingiz mumkin.

⚡️ www.tgoop.com/FAUzbekistan

📸 Oʻzbekiston U-20 terma jamoasi 13-fevral kuni Osiyo kubogidagi yurishlarini boshlaydi. Yoshlarimiz ayni kunlarda Xitoyda musobaqaga tayyorgarlikni davom ettirishmoqda.

Bugun musobaqa oldidan jamoamiz uchun hakamlikdagi yangi va zamonaviy qoidalar yuzasidan tajribali mutaxassis Valentin Kovalenko tomonidan tushuntirishlar berib oʻtildi. Avvalgi turnirlar davomida yuzaga kelgan vaziyatlar videorolik orqali tahlil qilinib, futbolchilarga kerakli ma'lumotlar taqdim etildi.

⚡️ www.tgoop.com/FAUzbekistan