مشتاق لك شوق مايشفق ولا يرحم
وانته لخلك متا ياخل با تشتاق

اليل موحش بدونك والنهار اضــلم
متا التلاقي نطفي كامل الاشواق

مشتاق للخد والشفتين والمـــبسم
يامن بدونه زماني والمراحل ضاق

ارحم حبيبك وناره يا الحبيب ارحم
احرقتني من بعدك يا الحبيب احراق

جيتك بشوقي وليتك فـــلهوا تفهم
يامن لحبي وعشقي والمحبه. لاق
غزوان

مشاركه من صديق

سلهم الهاجس على بدعك وذاب
وين صوتك ياغــــلا مازارني

منتضر يابنت ردي للــجـــواب
حط قلبك فاالمكان الاماني

قد صبرنا لجل بعدك والغياب
كن قلبي وسط قلبك أمني

قد تجاوزنا المتاعب والصعاب
جي كذا واقرب صليا حاكني

لاتخلي بيننا ايت عـــــتــاب.
دام انا للود. هذا. صايني.
غزوان

انا ما احب شي غير السنافي
وقلبي يعشق الناس الوفيه

انا للي وفي صادق ووافي
ونفسه به تضلي مكتفيه

وكرهي درب مليانه تجافي
وذي لاجيت تبقا مختفيه.
غزوان

مطنش العالم. علـــى شانك
والكون. ما يسخا يطنشني

وانته مدعمم طابعك خانك
للمه بــــتتعـمد. تفــــلتني.

هو طابعك والا قده شانك
والا فقط تنوي تعـــذبني

الحب لك والحرب ميدانك
يكفي فديتك. لا تفلتني.

صون الذي في عشقتك صانك
ولجل عينك جاك بيغني

وان كان شفته با الهوا خانك.
كلم احاسيسي وصارحني

واحكم كلامك وسط لسانك
وان كان عندي شي. عاتبني

مش هاكذا بــتزيد الحانك
كنك. بتتعمد. تطــــيرني

صارح فوادي واحكي ايمانك
وقول لي. ما عاد تعنيني

مش هاكذا تجرح. لخلانك
مش هاكذا ياسيدي تعني

مسامـــــحك والله لا هــانك
يكفي وجع يكفي وسامحني

والله في درب الهــوا.عانك
وراحتك تكفي. وتغـــنيني

واصل طريقك وسط وديانك
ياحقي الاحساس والنيني
غزوان

@FCCCRR

وايش رايك نلتقي يــكفا جفاء
في وسط بستان وانتي وردته

بين احسك بس لجراحي شفاء
وانت ذي يمحي بقلبي حسرته

نتفق لجل المـــحــــبه والوفاء
والهوا يبتان. داخــل حضرته.
غزوان

من حبك الراقي ينير الضلام
وارتاح. لا شفت. اهتمامك

يامن لها في وسط قلبي مقام
مخفي عليا وش عـــلامك

لو غبت هوجاسي بكله ينام
وان جيت يعجب في هيامك

ياذروات احساس الادب والسنام
راضين حتـــا. با انتقامك

انعش حروفك كلها. بـنتـضام.
والشعر له هيـــبة. وسامك.

صابر علا قسواك من فوق عام
وانته مواصل في صيامك

مارق لي قلبـك ولاهو يلام
واصل. مواصل. بنصدامك

لك وسط قلبي كبر اكبر مقام
يحضا بقدرك واحترامك

احسن ليالي ذي بحرفيك انام
واصحا وانا داخل خيامك.

يامن تفوق ذي وزن بلجرام.
دامك لمن يـــــهواك. دامك.
غزوان

ذي ما يحس من الهوا والتلاميح
بسرار قلبك ياغلي لاتبح له

من قبل ماتزداد كثر التجاريح
والقلب يتعمد ويسعا لذله

خبي بقلبك كل كل التصاريح
والله بايشفي معك كل عله
غزوان

من لي امانه. عقب مارحت من لي؟ 💔🥀🤦

عاد بعد الـحـــريب بايعم الــســــلام
والسلام المشرف لليماني شــريف

دايم النور ياتي بعدطول الــــضــلام
والعلاج المداوي بعد كثر النــزيف

لامـعك قــوم كلن يعلن الاحــــتـــرام
راية النصر دايم ماتحب الضعيف

يكفي.الشعب يكفي ياعيال الـــحرام
ذي جعلتوه ما حصلش حق الرغيف

حان وقت التـصالح حان وقت الوآم
دام بعدا الشتا تقبل فصول الخريف

رايه. النـصر علت. ما عرفنا.انـــهــزام
دايم العز. يعشق كل شـامــخ منيف

نبني المجد من باقي بـقايا الــــركام.
والوطن صار خالي من دنسهم نضيف

لليماني يـــوقــف كــــل شامخ. همام
وقفت اجلال لامرو جوار الــــرصـيف.

نام يا مشعل النارين. طـــــربـل. ونـام
انتهت .خطة السايس وكـيد الوصيف
الشاعر غزوان

يا مرهم اوجاع القلوب الجريحه
ياطب بيطبطب قلوب البشر

عن البشر راقي باأية.صريحه
يتجاوز ايام التعب والخطر

فيه الملامح والصفات المليحه
ياحض من عنده هواه انذكر

بيعجب الهاجس ونضم القريحه
ولا تكلم. كـــل قوله. درر

عايش في ايام الحياه الفسيحه
لاطل طلاته. مثيل المطر.

يمحي سنين البرد ذي هي شحيحه
يشفي فوادك لو كواه الضرر

يمتاز بحرف دون غيره صحيحه
منه السعاده جات لاقد. ضهر
غزوان

امسيت كني ذيب سرا به الجوع
ابحث عليش اوقف بشوفش دموعي

لجل التقي بش يوم في راس الاسبوع
والله ما اخشا فالمهالك وقوعي

موجوع من فرقش ولازلت موجوع
يهزقلبي لاذكرتش ضلوعي

قولي كلامش كيف ماكان مسموع
لاكن طلوع الفجر موعد رجوعي

ياحـــزن يتسابق من العين ينبوع
يــاعاصفه تاهت بمعظم شموعي

يا عش طاير فوق الاغصان مرفوع
فيك اقترب نوحي وغادر هجوعي

ياتاج بالياقوت والدر مرصوع
ياذكريات اتفرقت من جموعي

معادشي لش شوق قد سار لش شوع
ياالقهر ذي كنت انحته في ضلوعي

واليوم قلبي في قفص طير مقطوع
مافادني من سهم عينش دروعي

انا صديقش ليس لش عبد مطبوع
يصعب على كل الخلايق خضوعي

ياقلب حبيتك ولك حب صافي
خط الوفا حبك وفيه. احتريته

حنان قلبك. يجعل. القلب. دافي
ياكنز في دنيا. المواجع لقيته

انت الذي للقلب. دكتــور شافي
وانت الهوا والحب منك طريته

وانت النشيد المنبهر. والقوافي
وانت الشرف ذي يلمع اليوم صيته

وانت الوفا في يوم ماعاد .وافي
وانت الذي وحدك. بقلبي. هويته

وانت الشرف. والطهر وانت العفافي
بك مكتفي قلبي وفيك اكتـــفيته

مهما تـشوف القلب لوا.وطـــافي
يعود لك مادامت. له. كــل بيته

حلق خيالاتك.معي في ضفــافي
ياذي نصع قلبي بطلقه. رميته

ماعاد من دنيا المواجع. نخافي
مادام قلبي وسط قلبك حميته

راحت سنين القهر .راح الجفافي
من مثل حبك فا الهوا. لاسقيته

حبو وعيشو. الحب.دامت عوافي
ومن يحبك فا الخفوق احتريته
الشاعر غزوان

ياشوقني شوق شوقي شوق شق الحيود
عليك يا ابو مباسم حمرواعيان سود

اتذكرك وامست اسبال السواجي قهود
واحن من داخل اعماقي حنين الرعود

موجود لاكن بدونك كن مالي وجود
لنك قفا ما. تواعدنا خلفت الوعود

وقدسهرنا الليالي والخلايق رقود
وانته مندش على اكدافك ثميم الجعود

والصدر بستان للتفاح والعنبرود
وكنت انا وانت واغصان الشجر والورود

نشتاق من حين نتوادع متا بانعود
يوم الهواءكان يتشاور وجرالنهود

وامسح بكفي دموعك يانعيم الخدود
واليوم ماعاد لي غابط ولالي حسود

هايم ومصيود واجراحي بحاجت رقود
قدهي مسافات بين القازحه والعمود

قلبك دليلك وقلبك مايغالط شـي
لاحس بشيا خفيه صدقه واسمع

انكان حساس او لهل الهوا يوشي
ويحذرك من هوا الغدار والبــياع.

في ذيه الوقت ماهمي وهمي شي
من جا هلا به ومن غادر نقل. مقلع
✌️✌️غزوان

بمناسبة عيد الحب
قررت اغني لكم غنيه

هههههههه

عندك حبيب يمك قريب
بس انت ما تدري بحبه

🤣🤣🤣🤣

ودف القلب يعشق شخص حبه عذاب
ذوب النـاس لاكن قلبها. مايذوب

كن حلمي وحبي فلحقيقه سراب
ماتلقيت منها . غير بعض العيوب

كل ماقلت بقرب لوحت للضباب
واصبح القلب تايه في مسار الهبوب

تحسب اني مشيب رغم قلبي شباب
ممتلك قلب يتحدا جميع القلوب

هاكذا الحب لاحبيت تمسي مصاب
مايداويك مرهم. او تفيد الحبوب

محتمل بعد قلبه واحتملت الغياب
ذي حرمني حنانه قاطعي للدروب

فوق عامين وانا منـتضر للجواب
عهد ما امل منه او من الحب اتوب
غزوان

ضننت ان المحبه تغضبك غادرت لجل اسليك
برغم اني احبك والسنين ابكي لياليها

احب انك تصارحني بكلمة حب لجل اوليك
على ماامتلك والروح رب الكون واليها

احب ان انت تعرف قيمتك واملكك تمليك
على الدنياوتطعم مرها عمدأ وحاليها

اخاف الاخره واخشابتفكيرك عذاب اصليك
فبعدي عنك لجلك تسكن الجنه وعاليها

ولاكن الغبا دلك على نسيان من يغليك
فقلبي من فراقك كاره الدنيا واهاليها

يبليك الزمن واجددك واجددك وابليك
اساليهاوتزعل وابتعد واعود اساليها

تاكدانك المزيون ماهذا الحلي تحليك
ولاايضأ اساورها يدينك اوشواليها

لوانته كوب شاهي لا اشربك ثم اشربك وامليك
لك قصه غريبه اعشق اولها وتالها

الكون في كفه وحبك بكفه
والكون ثاني وانت ياحب ثاني

فيك الهوا والحب طاهر. بعفه
ياشهد دوعاني ومشروب شاني

ياليت منك.بس قطره. ورشفه
ياذي غرامك في وجوده اناني

معاك قلبي في غرامك. نزفه
يافاتنت. قلبي وبهجت. لساني

الروح لا غيبت ياروح جفه
وان جيت تحييني وتحيي كياني

لاضاقت الدنيا غرامك. نلفه
وحده يدفيني ويصبح. امااني

يا اجمل سنين العمر ياخير صدفه
ويا اميره اامره في زماني
غزوان

اتمنا منكم تعزيز القناه