وضيعتني
ومن ردت كربك ... لكيت الخيط سايب
ليش ؟
يا تالي الحبايب .
ليش ؟
ماكتلي اعله غفله ..
وضيعتني

ومن درت وجهك
درت وجهي ومشيت
وردت اكلك وين رايح ؟ واستحيت
قاومت كدام عينك
بس وراك الله شاهد حتى بالشارع بجيت
وخل اكلك خاف ماعندك خبر
راد يوگف گلبي بس ربك ستر
مامصدك عبرت وهسه أنا زين
والله لو مو الله ماطول شهر

انتَ خليك بمُكاني
الصار بيه يصير بيك
بنُص نهر لازم تعبره
وتلتفت ماتلگه ايديك
انا هذا الصار بيه
بنص نهر عافتني ايديه
وع الجرف بَـس الشماته
وانتَ گلي شلون اصيح

يالخليتني محدب
شايلك خلگ ناعور
وانت تنگط بروحي نگيط الحب

حسبالي الفضل بالفضل ينسام
وبالطيب يتجازة اليعمل الطيب

چان گلبي يريد يحچيلك البية
وعقلي يحاول يبعدك
چنت اظل اكل بروحي
وع البرود البيك احسدك
چنت اخاف اتعود
وترغبني ساعة
وتالي تتغير لوحدك
چنت اخاف من الايام
البيها تجرحني بكثر ما چنت اسعدك
چنت اخاف من الليالي
البيها وحدي اگعد وافگدك .

وأتلگاك وأفرح بِيك
وأفرَشلك گصايب سَود
وأشبگك شَبكة الچيلات للمِصيود

واذا شحّ الوصل متشح الطيوف
نسد عيونه وبأحلامنا نشوفك ..

شَرار على الگطَن حچَيك يأذِيني
واذا گبِيت ياهُو اليطَفِيني ؟.

الوجع هَالمَّرة شِيظُمة
الضوه يخوف الروح
أكثر من الظلمة.

بارده الدنيا وذكرتك وحترك كلبي ودفيت

مو بس للحرب اطلع چنت وياك
چنت وياك
طالع حتى من ديني
اني اذيت كلمن حاول يأذيك
ليش كبال
وادم غربة تاذيني

دَفتر صِف الاوّل بيٌك كُومة اغلاٍط .

تفتهم هالنقطة اريدك
وراح اكمل عمري هذا
مثل ما خططتة بيدك
وكلشي خططناه سوية
اني يعنيلي جوابك
شنو رأيك هسة بية
والالوان الي تحبهن
طلعن يخبلن علية
والنجاح الراح اعيشة
الك لتظِن بس الية.

يكولون التحبه تضمه بل عين
اضمَك ويَن,مَن يَا عِين؟
هوَالمَثلك شينضَم
يَلـ جَنك بخور هنوَد
مَن سَابع سلف يَنشم .

وكون تلگاني بطريقك
لمني بيدك
باردة الدنيا بدونك
وأخر من تموز
الحرورة بوريدك
أنتَ بس أنتَ الصدك
من الله أريدك

طاحَن بالخَريف اوراقَي
گلت تهوّن
تانيّت الرَبيّع
و طاحَت الشَجرة
أجر بيّها بسَناسَل
ما اجَت وياي
وَيّ الغَيّر اجَت بخيّوط بَكرة .

لا يهَمك حَچي العالم
رَكز بيه بَس وَحدي
مَحد مثلي بيك يموت
لا قَبلي ولا بَعدي
أَواجه كُل شي اني وَياك
لَو كُل البشر ضَدي .

مابيّة حَيل اخِذ نِفَس
ماعِندي واهِس للحَچي
مِن برّة تِلكاني ابتسِم
ومِن جوّة اطِك مِن البَچي
مابيّة اڪمِّل هالدَرُب
تعبَان ، خلوني انتِچي.

ماحنيت؟
ماخفت الله من رحت ونهيت؟
نهيتني وياك وكلبي معلك وياك
مو جنت روحي
ليش خربتني وذبلتني
وكرهتني بروحي؟