(((حقيقه مره)))


يشهد الكون بسجودك****والدمع جرح خدودك
الله خالقنه اعله مودك**** يا علي


/////////////////////////////////
الف لوله ولوله بينه**وبالخراب احنه التهينه
من دمع لوظن بچينه*الله ما ينغر علينه
لوله شخصك والرسول*وفاطمه الحره البتول
الله يرحمني امن اگول*** يا علي


/////////////////////////////////


ناكل اموال اليتامه. وچذب نهتم بالقيامه
چم شخص لف العمامه*وحارب حسين بكلامه
واحنه نصغيله ونصيح-**يال ثارات الذبيح
واحنه نعرف مو صريح**** ياعلي


////////////////////////////////


نطبر الهامه ويسيل****دمنه والمدمع يهيل
اهواي كلش مو قليل***للرياء نصبت عويل
عدهه شيطان الانه**تربع بكل السنه
اي وحق مكه ومنئ** يا علي


///////////////////////////////


نظحك اهواي ونجامل***للغني ونرظي المقابل
انشرع اشكال المسائل**بالجدل ما بينه عاقل
كلمن ايدني الگرصته****ناره والياخذ فرصته
امن السجود ايعلي گصته**** يا علي


/////////////////////////////////


نطغي علناس الضعيفه**انحارب الجده ابرغيفه
انشوه السمعه النظيفه*انكرم الشيخ ابمظيفه
بلا خجل من الجليل*نگطع انواع السبيل
هواي من هذا القبيل*** يا علي


////////////////////////////////


ادري صح مره الحقيقه**كل نفس يخلص شهيقه
كلمن ايعدل رفيقه-****حته من نمشي بطريقه
انتوب لله من الذنب**نستحق كلمه محب
الموت حق ومو لعب**** ياعلي


////////////////////////////////



فاضل الغريباوي🚩🚩🚩🚩🚩
ملا عمار
٠٧٧٠٨٩٤٨٦٤٤
https://www.tgoop.com/Fal4wQQAAAAAFFZbS

كاني بمولاتي زينب ع عندما رئت امير المؤمنين يلفض انفاسه الاخيره//////
///////////////////////////////
بويه بداعت امي فتح اعيونك
وين انطي الوجه يلوالي من دونك
ليش ساكت ما ترد****شنهو اعز مني اللحد
زينب يابو زينب تهز بمتونك
//////;/////////////////////////
ادري بگليبك نده وكلش حنين
بويه موش الخاطري وام البنين
بس اخاف ايروح من ايدي الحسين
يلطم اعله الراس وينادي ابونين
لا فتئ الا علي***يا ولي ونعم الولي
يا اساس الكل مجد***شنهو اعز مني اللحد
///;;;;;;;;;/;/;;;;;;;;;;///////;;;;;;;;;///
افتح اعيونك ولو ساعه انتضر
ارد اطلبك طلب اخر بالعمر
وانته مو طبعك يحيدر تعتذر
بويه اخذني وياك يكفينه الگبر
بلكي الله وتهتدي* * *شنو ظلتي الوحدي
والله مگدر علبعد****شنهو اعز مني اللخد
///;;;;;/////;;;;;/////;;;;////;;;///
بويه لو شالوك شلي بدنيتي
ياعمود البيت انته وخيمتي
كون هسه وياك تمشي اجنازتي
وين ربي وين ينظر حالتي
وياك اغمظهه العيون**حته اشوف امي الحنون
تصبر اشويه استعد***شنهو اعز مني اللحد
/////**//*/*/*/*/*/*/*/*/*/*/*
خويه فدوه حسين حاچيلي الحسن
خل اروح اوياه مو گلبي انطعن
رد عليه اجواب ما يقبل تجن
هيچ وصانه علي لمن غفن
عيونه واخر كلمته****ما تحظرن دفنته
اتكفه بينه احنه النسد**شنهو اعز مني اللحد
/*/*/*/*/*/*/*/*/*/*/*/*/*/*/
شالوك واحسن سعرت امتوني
چني بكربله ابلا ولي ايظربوني
القالع خيبره يا ناس فهموني
شلون اعله الجتاف اشاهده اعيوني
علي المثلك ينحمل*لو اصدك ينچتل
تروح بويه وما ترد***شنهو اعز مني اللحد
/*/*/*/*/*/*/*/*/*/*/*/*/*/*
حملوهه الجنازه وظلت ابحيره
ششرح يا موالي وصعب تفسيره
الموقف والوجود اتلاشه تفكيره
بس ربك اراد واهذه تقديره
ايروح ميظل للطفوف**السبي زينب ما يشوف
هذا تقدير الفرد*&شنهو اعز مني اللحد
/*/*/*/*/*/*/*/*/*/*/*/*/*/*/*
فاضل الغريباوي
ملا عمار
٠٧٧٠٨٩٤٨٦٤٤
https://www.tgoop.com/Fal4wQQAAAAAFFZbS

نعي لسان حال مولاتنا زينب ع عند فقد امير المؤمنين ع




بح صوتي عليك بساعة الشالوك
اشوفك بالحلم تگعد تحاچيني
افتحهه العيون وتنزل الدمعات
وانته دموع عينك جاوبن عيني
يحرگني البعد يا ماي يطفي النار
بس رشفه رضاب اشفاك تطفيني
اشم دشداشتك واتخيل المكتوب
كل لحظة غروب اتگب چوانيني
بعدك ما اميز ليل من انهار
ولا صحتي بغيابك غدت تعنيني
تدري اشگد نذرت انذور يابو انذور
بس كونك يابويه ما تجافيني
يا وسفه النذر ما فاد ذاك اليوم
وعليه بساع ردت كل قرابيني



لون نبچي بدمع صافي. من اللام
عليك.وفگدك بشهره. من اللام
تطشر كل كتر مني. من اللام
تعبت وما يصح اضماد اليه




فاضل الغريباوي😭😭😭😭😭😭
ملا عمار
٠٧٧٠٨٩٤٨٦٤٤
https://www.tgoop.com/Fal4wQQAAAAAFFZbS

"
لا تتعاملوا مع هذه الليله
كسائر الليالي
احزنوا واندبوا حتى يبين
على وجوهكم الفقـد .. 😔

#فهذا_علي 💔

بسم الله الرحمن الرحيم

هذا ما أوصى به على بن أبى طالب أنه يشهد أن لا إله إلا الله وحده لا شريك له وأن محمدا عبده ورسوله، أرسله بالهدى ودين الحق ليظهره على الدين كله ولو كره المشركون، إن صلاتى ونسكى ومحياى ومماتى لله رب العالمين لا شريك له وبذلك أمرت وأنا أول المسلمين.

أوصيك يا حسن وجميع ولدى ومن بلغه كتابى بتقوى الله ربكم ولا تموتن إلا وأنتم مسلمون، واعتصموا بحبل الله جميعا ولا تفرقوا فإنى سمعت أبا القاسم ﷺ يقول: "إن صلاح ذات البين أفضل من عامة الصلاة والصيام" انظروا إلى ذوى أرحامكم فصلوا ليهوِّن الله عليكم الحساب، الله الله فى الأيتام فلا تعفو أفواهم ولا يضيعن بحضرتكم، والله الله فى جيرانكم فإنهم وصية نبيكم، ما زال يوصى بهم حتى ظننا أنه سيورثهم.

والله الله فى القرآن فلا يسبقنكم إلى العمل به غيركم، والله الله فى الصلاة فإنها عمود دينكم، والله الله فى بيت ربكم فلا يخلون منكم ما بقيتم فإنه إن ترك لم تناظروا، والله الله فى شهر رمضان فإن صيامه جنة من النار.

والله الله فى الجهاد فى سبيل الله بأموالكم وأنفسكم، والله الله فى الزكاة فإنها تطفئ غضب الرب، والله الله فى ذمة نبيكم لا تظلمن بين ظهرانيكم.

والله الله فى أصحاب نبيكم فإن رسول الله ﷺ أوصى بهم، والله الله فى الفقراء والمساكين فأشركوهم فى معاشكم، والله الله فيما ملكت أيمانكم فإن آخر ما تكلم به رسول الله ﷺ أن قال: " أوصيكم بالضعيفين نسائكم وما ملكت أيمانكم"

الصلاة الصلاة لا تخافن فى الله لومة لائم يكفكم من أرادكم وبغى عليكم، وقولوا للناس حسنا كما أمركم الله.

ولا تتركوا الأمر بالمعروف والنهى عن المنكر، فيولى الأمر شراركم ثم تدعون فلا يستجاب لكم، وعليكم بالتواصل والتباذل، وإياكم والتدابر والتقاطع والتفرق، وتعاونوا على البر والتقوى ولا تعاونوا على الآثم والعدوان واتقوا الله إن الله شديد العقاب.

حفظكم الله من أهل بيت، وحفظ عليكم نبيكم، أستودعكم الله وأقرأ عليكم السلام ورحمة الله.

ياعلي ياعلي ياعلي ياعلي ياعلي
😭😭😭😭😭😭😭😭😭