إن شاء الله اكمل الكُـم كيسات الگحه اليوم لأن البارحه مگدرت اكملهن
بإذن الله بال 10 ابلش اليحب يستفاد ويانا خل يستعد لأن جايتكُـم كيسات قوية ، 💙🔥.

حجيه جتي للصيدليه گلتلك بيبي عندي گحه قويه بيها بلغم خانگتني 😣

و گلتلك بيبي اريد إلا من سامرا😢

شتنطيها !؟

اجالك بيشنت وگلك من اشرب شي بارد تصير عندي گحه يابسه وتخنگني
وگلك اخذت ديكستروميثورفان وخلصته وما فادني 💔😷


شتنطيه هنا؟

آخر كيس ☄️

طفله عمرها 9 سنين
بلاعيمها توجعها كُلش
وعدها گحه بيها بلغم
وخشمها مسدود 😷💔


شتنطوها !؟ 👀

معلومه حلوه ❤️
انت كاعد بالصيدليه دخل عليك رجال كالك عندي كحه بس من انام تصير عندي
🧑‍⚕انت كتله ماعندك اعراض ثانيه ؟
🙎‍♂ لا بس كحه
🧑‍⚕يمعود منا منا ماعدك سخونه ،تعرق ، ازيز بصدرك ؟
🙎‍♂لا والله ماكو

انت صفنت زين شنو رح تفكر بهذه الصفنه ؟

اذا كنت فاهم مش حافظ ❤️🥹وانت تعرف cough هي عرض وليس مرض يعني اكو سبب اله فهنا حتفكر بواحد من هذه الاسباب

1. تكول ممكن هذا الرجال عنده gerd لان من ينام (يستلقي /يتمدد) خاصة إذا كانت وضعية الجسم غلط بحيث الراس بمستوى الجسم او اقل
هنا حيصير ارتجاع للحامض من المعده لل esophageal و pharynx وخاصة إذا كان اكو خلل بالعصاره upper sphincter of the stomach وبالتالي هذا الحامض حيسبب irritation بالمريء والبلعوم ف تصير cough ك رد فعل

2. تكول ممكن عنده chronic sinusitisعادة الي عدهم التهاب جيوب انفيه مزمن يكون ماعدهم اعراض asymptomatic بحيث ميدري بنفسه
بس الاغلب يكون عدهم post nasal drip يعني افرازات الأنف mucus حتنزل من التجويف الخلفي للانف إلى البلعوم خاصة عند النوم (وضعية الاستلقاء) وهم حيسوي irritation وبالتالي يحفز cough ك رد فعل

3. ممكن عنده CHF 😔(فشل القلب الاحتقاني)لان هنا المرضى حيصير عدهم edema (سوائل تترشح من الاوعيه وتتراكم بالانسجه) لذلك حتتراكم على الرئه ومن ينام حتنزل ع alveoli وتسبب كحه cough

زين شلون تفرق بينهم؟🤔

من خلال الهستري نكدر نشخص الحاله ☑️
اسال البيشنت تم تشخيصه مسبقا بأحد أمراض الجهاز الهضمي او القلب او ياخذ علاجات معينه ؟
بالاضافه لهالشي اللي عنده gerd يصير عنده اعراض حرقه و epigastric pain وبعض الأشخاص يصير عدهم رائحة فم كريهه والتهاب بلاعيم مزمن

اما اللي عنده CHF اكيد عنده edema وخاصة ب رجليه فباوع لرجليه اذا اكو ورم او ياخذ ادويه وخاصة مدررات loop diuretic
بالاضافه انه الكحه هنا تصير مميزه بيها بلغم يخنك البيشنت يفز من النوم لان حينقطع تنفسه يسموها apnea
وبالنسبة لل sinusitis اذا مايعرف نفسه عنده او لا سويله رفيرل
طبعا هو بكل الحالات علاجه مو يمنه ماعدا اذا عنده gerd انطيه ppi 🤗

مستعدين نهكـر القلب!؟ 🔥🔥

اتخيل معاي انهُ القلب عباره عن بيت طابقين اوك؟؟

القلب متكون من اربع غرف ..☄️

غرفتين بالطابق الفوگ وغرفتين بالطابق الثاني

الغرف الي بالطابق الفوگ اسمهن Atrium
وحده تكون بجهه اليمين ف يسموها
Right Atrium
و وحده بجهه اليسار اسمها
Left Atrium




والطابق التحت اسمهن ventricles

هم وحده باليمين اسمها
Right ventricle

و وحده باليسار اسمها
Left ventricle

لهنا تمام مو؟؟؟ ☄️

زين ذني الطابقين اكو بينهن فاصل ؟

اي طبعا اكو فاصل أو نسميه باب
هذا الفاصل اليفصل بين الطابقين اسمه
Valves

اول باب يفصل بين الغرف الي باليمين
يعني يفصل بين ال
Right ventricle $ Right Atrium

هذا الباب من ينفتح يسمح للدم يمر من فوگ لتحت يعني من ال Right Atrium
لل Right ventricle
ومستحيل يسمح للدم يرجع ليفوگ ..☄️

هذا الباب اسمه ؟ 👀
tricuspid valve

أما الباب الثاني يفصل الجهه اليسار يعني يفصل الغرف الي باليسار يعني يفصل بين ال

Left Atrium & Left ventricle
وهم كذلك يفتح بإتجاه واحد ويخلي الدم يعبر من فوگ لي تحت يعني يعبر من ال
Left Atrium
لل Left ventricle
هذا الباب اسمه؟ 👀
bicuspid valve

اكو شيء خل نتفق عليه
اي وعاء يأخذ الدم من الجسم ويدزه للقلب اسمه وريد ( Vein)

و الوعاء الي يأخذ الدم من القلب ويوزعه للجسم اسمه شريان (Artery)


اول ما انت تتنفس الرئتين راح ياخذن الأوكسجين للدم .. هَسه الرئتين صار عندهن دم مُحمل بالاكسجين يردن يدزنه للقلب حتى القلب يوزعه للجسم

عن طريق شنو الرئتين تدز هذا الدم للقلب؟؟؟

راح تدزه عن طريق veins
اسمهن ... Polmunary veins

ذني الاورده يأخذن الدم من الرئتين للقلب بالاخص يصبنه بمنطقه ال Left Atrium

هذا الدم شيسوي راح يلگه باب اسمه bicuspid valve
هذا الباب ميگول لا راح ينفتح رأسا
والدم يروح لل Left Ventricular
ومن بعدها انغلق الباب غلق محكم بعد ميفتح لو مدري شيصير
الدم هنا يبقى محصور بال Left Ventricular
ف هاي ال Left Ventricular
راح تنقبض كُلششش بمساعده عضلات
هنا الدم ينحصر يحاول يروح للباب يلگاه مسدود😥💔

ف هنا ماعنده غير خيار واحد أنهُ يروح
ل وعاء دموي چبير كُلش الي هو شريان
اسمه aorta
طبعا هذا اكـبرر شريان الجسم
هذا الشريان راح يوزع الدم لكل الجسم عن طريق الافرع ملاته ..

هنا الجسم استلم دم بي اوكسجين والأمور تمام

راح يرجع الجسم يدز دم للقلب حتى ينشحن بالاكسجين

ف راح يدز الدم للقلب عن طريق أورده
ذني الاورده مجتمعات ومسويات وريد چبير اسمه vena cava☄️

هذا الوريد الچبير راح يصب الدم بال
Right Atrium
هنا راح ينفتح الباب وينزل الدم لل
Right ventricle
ونوب الباب ينسددد والدم ينحصر ☄️
ف ال Right ventricle راح تنقبضضض
وماعنده غير خياره واحد بأنهُ يروح لشريان اسمه polmunary artery

وراح يروح للرئتين كذلك حتى تشحنه بالاكسجين وترجع تدزه للقلب حتى يضخه للجسم وهكذا

⚜️ القلب من الداخل مبطن بخلايا اسمها
Endocardium
هـاي الخلايا تخلي الدم يمشي بسلاسه بالقلب ...

ومن الخارج محوط ب pericardium
هاي الخلايا مكونه من الكولاجين وال ايلاستين مهمتها تحمي القلب ومتخليه يتمدد زياده عن اللزوم

اما ال Myocardium
هاي كُلنا نعرفها هي عضلات القلب الي تساعده ع الانقباض ..


شوكت نسمع صوت القلب أو منين جاي هل صوت!؟ 💕💗💜💜

من ينسدن البوب الي هن
bicuspid valve & trcaspid valve
هذا الانغلاق مالتهن يطلع صوت هو هذا صوت نبضات القلب🥺💕💕💕💕

اقروه ع راحتكُم شوي شوي وإن شاء الله راح تتجهزلكُم ڤويز 💙

اسمعوهن ع راحتكُم ومتأكده راح تصير الأمور لوز عندكُم .. واي سؤال انا موجوده ،💙💕.

لهنا أتوقف لأن هل موضوع مُهم ونريد نفهمه اقروه زين لأن كُلش تستفادون منه ..

وباچر إن شاء الله نكمل سلسله الشرح عن القلب 💙💕.

واليوم ريست ميشرح دكتور كـرار ف حاولوا تضبطون الي شرحه نصيحه من اختكُم لتخلوه يتراكم عليكُم ابدا

وبالتوفيق ، 💕.

https://www.instagram.com/ph.mary.beauty?igsh=MXJuOWpqeHkzZGpwdw==

صيدلانية توفر جميع منتجات العناية الخاصة بالبشرة والشعر ومستحضرات الكوزمتك واستشارة مجاني ويتوفر توصيل ايضاً
البيج بأدرة الصيدلانية مريم ظافر 🤍✨

بما انهُ شفت اغلبكُم يدور ويريد كيسات ...

حالياً دا احضرلكُم طنون مِن الكيسات في مختلف الحالات وإن شاء الله بحدود الشهر ينزللكُم ملف خونفشاري😂🙏🏻💙