اللهـم صـل على محمـد وال محمـد
نـزلـــه حسينيـه للعاشر مــن محرم

✶∶∶∶∶✶ـ{(❁ᄌ❁)}ـ✶∶∶∶∶✶

يخـتي زينب جايـــر أعـليــج الزمان
يختي زينب ينطاف بيج أبكل مكان

تمشـين مـن كربلـــه للشام بالعايلــه

✶∶∶∶∶✶ـ{(❁ᄌ❁)}ـ✶∶∶∶∶✶

يختــي يازينــب راســــــــــچ يشـيب
مــن تشــوفينـي على الغبـــره سليب
انـــه بالمـصـــــرع مـرضـرض أمـوزع
سـهــــــــــم المثلـــث أبكلبي يصـيـب
بعينـــچ تشـوفيــــن مايضــل امعيــن
نـادي لحــبابي بدمـــــــــوع ونحيــب
لـوجــــــره أمـصـابي أفـكـــد أحــبابي
حـتى أصحـابي أبــن ضاهـــر حبيـب

بيد هل الظالم... ترحين لديار الغرب
بيد هل الظالم.. أدري بحالــج صعب

هامـت بـهـل الفلــــه للشـام بالعايلــه
تمشـين مـن كربلــه للـشام بالعايلــــه

✶∶∶∶∶✶ـ{(❁ᄌ❁)}ـ✶∶∶∶∶✶

والعـــــده جـالـت علخيــــــــم دارت
أصعـب أمصيبــــه علـيــه اللي جرت
الــدربچ أتـيهيــن بـهيـمــه وتركضين
طاحت أعلـــه الكاع تبچي من هوت
مابكـت حيـلـــه ادمـوعها أتسيلـــــــه
للــسـوط أيتـام وأرامـــــــل شاكـفت
جـروحـــچ التـنــزف دمعتــچ تــذرف
لليســـــر للشـــــام هلحــــــره مـشـت

يلغـريبـــه.... تبچـيــن أوبيــــدچ حبل
يلغـريبــــه... محـــــد الظيمــــچ حمل

سـارت القافـلـــــه للـشـام بالعايلـــــه
تمشـين مـن كربلـــه للشـام بالعايلـــه

✶∶∶∶∶✶ـ{(❁ᄌ❁)}ـ✶∶∶∶∶✶

تكله خويــه حسين هلمصيبه أمنين
أشلــون أصبــــرها روحـــي ماتهيـد
أجمــع أطفـالك خويــــــــــه وكبالك
لـورحل ضعنــك أورحنـــــــه بعيـــد
جايـر أعليـنـــــــــــه الشـمـر ماذيـنـا
أبـنـــــــك السجــاد بكيـود وحديــد
بلــدان فرينـــه وديــوان طبيـــنــــه
تـــسعر أبكـلـبي نـيـــران وتـزيـــــــد

كـدام أيتامي... دمعـچ أيكت ويسيل
كـدام أيتامي... الكـوم أعليـج وتعيل

ويتـامــنه معــوله للــشام بالعايلــــه
تمشيــن مـن كربلـــه للشام بالعايلــه

✶∶∶∶∶✶ـ{(❁ᄌ❁)}ـ✶∶∶∶∶✶

تـمــت بعـون اللــــه تـعـالى (•◐♡◐•)

✍بقلم خادمة أهل البيت عليهم السلام

المـلا  الشاعره ام زينــب الـــواســطي💔

نـسـألكـــــــــم الــدعـــــاء ***((🤲))

بتعجيل الفرج لصاحب الزمان ((عج))
غير مبـري الـذمـــه مـن يحـذف أسم
الشـاعـــره ويــنـسب الـكــــلام لـــــه
https://www.tgoop.com/joinchat-AAAAAFVSvcvJa-4fEoM3kQ

اللهـم صـل على محـمد وال محـمـد
قصيده رجاليه للعباس عليه السلام
عـن لســان حـال زينــب "**"((ع))
✵ـ•┈┈┈✵❀✵•┈┈┈•ـ✵

انه اخت العباس ابغربه
وعيـــوني تتـنطر دربـــه

سلبـو خـــدري
دمعي اليجري

وعيـــوني تتـنطر دربـــه

✵ـ•┈┈┈✵❀✵•┈┈┈•ـ✵

شــــوف اطفـــالي ياعبـاس تتـــلـوه
العــــطش اذاهه شوف اشبيهه اسوه
اطفــال وتبچي مـن اضماهه تتـجـوه
وكـــلهــه أتـانـي جــودك بي تتـــروه

نــاري تـــــســري
دمـعـي اليـجري

وعيـــوني تتـنطر دربـــه

✵ـ•┈┈┈✵❀✵•┈┈┈•ـ✵

ودعني ومشه الخيمة عضيده حسين
يكله ارخصلي اجيب الماي ينور العين
تبچي اعيالي خويه وكلهم امتـانيـــن
يكله اشلون اودعك وانته أليه امعين

بـــحــالي تــــدري
دمـعـي يـجــــري

وعيـــوني تتـنطر دربـــه

✵ـ•┈┈┈✵❀✵•┈┈┈•ـ✵

وصل للمـشرعه الكـافل مـلـه جوده
مـن العـدوان كـل الطـرق مـسدوده
ولــن سيـف الغـدر كطـعهن ازنــوده
صـاح بصـوت خـويه ينادي ألعـوده

خــويــه وضـخـري
دمــعـي اليـجـــري

وعيـــوني تتـنطر دربـــه

✵ـ•┈┈┈✵❀✵•┈┈┈•ـ✵

اجـاه حسين كـعد يمه ومسح دمه
يكـله اعليـه صارت دنـيتي ضـلمـه
يقـبله بجـبهتـه والصـدره ايضـمــه
ينحب يمه اخوه حسين ابو اليمــه

مــودعــه ابـصـبري
ودمـعـــي اليجـري

وعيـــوني تتـنطر دربـــه

✵ـ•┈┈┈✵❀✵•┈┈┈•ـ✵

وتلـكـــــت اخــــوهــه زينب الحره
تسئله ويــن اخــوك وخنكـته العـبره
يكلهه اهناك اخينه ضل على الغبره
انكــسر كلبي يخـويه وماألـه جـبره

غايـــــب بـــــدري
دمــعـي اليجـــري

وعيـــوني تتـنطر دربـــه

✵ـ•┈┈┈✵❀✵•┈┈┈•ـ✵

تمت بعون الله تعالى

✍بقلم خادمة اهل البيت عليهم السلام

الملا ام زينب الواسطي💔

نسألكم الدعاء

بتعجيل الفرج لصاحب الزمان(عج)

غيري مبري الذمه من يحذف الاسم
ويــــــنـسب الــــــكـــلام لـــــــــه
https://www.tgoop.com/joinchat-AAAAAFVSvcvJa-4fEoM3kQ

انه اخت العباس ابغربه
وعيـــوني تتـنطر دربـــه

سلبـو خـــدري
دمعي اليجري

وعيـــوني تتـنطر دربـــه

الشاعرة أم زينب الواسطي
صوت خادمكم قيصر أبو منتظر الإمارة

#جديد_2025

ديوان دموع الفاطميات — الجزء الأول

خاص بالعشرة الأولى من محرم

لخادمة اهل البيت ع

الشاعرة زهراء الحربي

اصدار مكتبة حسن الطريحي للطباعه والنشر والتوزيع

#النجف_الاشرف_سوق_الحويش
للطلب او الاستفسار

                                        07832535076
                                     

https://www.tgoop.com/hrmrm7

اللهـم صل على محمد وال محمد
فزاعي جنوبي للسبي *((○❊○))

أبـدرب اليســر// أفـكـدت أيتامي
وراسـك يلـولي مرفــوع كــدامي

❖✧✩•‏​‏​ـ(○❊○)ـ•‏​‏​✩✧❖

مـن درب اليـسر كـل حيل مابـيه
مكسـورة ضهر ياخويـه محنيـــه
مهضومـه وأون من هاي الرزيــه

أمورم هلجدم يحسين يالضامي

❖✧✩•‏​‏​ـ(○❊○)ـ•‏​‏​✩✧❖

أنـاديك ابدمــع أكـعـد يوالينـــه
من بعدك يغالي العده أمكيدينه
وبدفوف وطبل للشـام طبيـنــه

ضلـمـــه دنيتي وســودت أيامي

❖✧✩•‏​‏​ـ(○❊○)ـ•‏​‏​✩✧❖

حرمكم بالخرابـه اليوم كعدوهه
مچتوفه الفواطم بيهه هضموهه
وزينب ينشامـه وسف شتموهــه

چاويـنه أخويه أچفيلي المحامي

❖✧✩•‏​‏​ـ(○❊○)ـ•‏​‏​✩✧❖

رحـت عني أوبكه أخيالك أكبالي
ياريـتـك دريـت أشلــون أحـوالي
وراسـك عالرمـح ياخويــه يبرالي

فاجعني الـدهـر وخيـب أحـلامي

❖✧✩•‏​‏​ـ(○❊○)ـ•‏​‏​✩✧❖

مانـشفت دمعتـي ودوم همـالـــه
حسرتـك بالكلب يحسيـن چتالـه
ووليدك علي شنـوصف احوالـــه

ألـمـن يالأخـــو أشكيلــــــه آلامي

❖✧✩•‏​‏​ـ(○❊○)ـ•‏​‏​✩✧❖

تــــﻣـــت بـــ؏ــــون الله تـــعــالـــئ

بـــقـ✍🏻ــلم خــادمـة أهـل البـيـت ؏

✍🏻#الـــمــــلا ام زيـنـب الــواســطي

نـســألــكــمــ الــدعـــاء 🙏🏻 (•●■●•)

بتعجيل الفرج لصاحب الزمان (عج)

غير مبـري الـذمـه مـن يحـذف أسم
الشـاعــره ويــنـسب الـكــــلام لــــه
https://www.tgoop.com/joinchat-AAAAAFVSvcvJa-4fEoM3kQ

اللهـم صـل على محمـد وال محمـد
نعـي مجـرد للسبي بمقدمة أبوذيــه
عن لسان مولاتي زينب عليها السلام

   ✦▬❖•ـ•◐♡◐••ـ❖ ▬✦

صعبـه أيــامي بــدونـــك ..يمرهن
وحرك أخيامكـــم يچوي... يمرهن
أنهضم لوشامت أحدودي..يمرهن

وعگبـك شامتــي  زاتــوت بـيـــه

   ✦▬❖•ـ•◐♡◐••ـ❖ ▬✦

بـدفــوف أوطبـل طبينـــه الـشام
وبعـيـون الشماتـــه تنظـر الظـلام
والسـوط يلعـب علمتـــون الأيتام

   ✦▬❖•ـ•◐♡◐••ـ❖ ▬✦

بالشـام خويــــه حيرتي حيــــره
وجهي حـــــرت ويــن أديـــــــره
وعتبي عالچفلني صاحب الغيره

   ✦▬❖•ـ•◐♡◐••ـ❖ ▬✦

جارت ضيمـهــه الدنيـه عليــــــه
وحيرتني وبــس أصفـك بديــــه
ومشتني ويـه أعداكم سبيـــــــه

   ✦▬❖•ـ•◐♡◐••ـ❖ ▬✦

راح أخويه وراحت روحي وياه
ماأحمـل فركتــه وشلـون أنـساه
وجـر ونــــــه مـــن يـمـر ذكـــراه

   ✦▬❖•ـ•◐♡◐••ـ❖ ▬✦


تــــﻣـــت بـــ؏ــــون الله تـــعــالـــئ

بـــقـ✍🏻ــلم خــادمـة أهـل البـيـت ؏

✍🏻#الـــمــــلا ام زيـنـب الــواســطي

نـســألــكــمــ الــدعـــاء 🙏🏻 (•●■●•)

بتعجيل الفرج لصاحب الزمان (عج)

غير مبـري الـذمـه مـن يحـذف أسم
الشـاعــره ويــنـسب الـكــــلام لــــه
https://www.tgoop.com/joinchat-AAAAAFVSvcvJa-4fEoM3kQ

اللهـم صـل على محمـد وال محمد
نـزلــــــه للعباس عليـــــــه الـسـلام

ـ✵•┈┈✵(❊ᄌ❊)✵┈┈•ـ✵

راح البطل عباس للنهـر ماجانــــــــه
خلاها تبچي أتنوح وطفاله عطشانه

ـ✵•┈┈✵(❊ᄌ❊)✵┈┈•ـ✵

تعنه النهر عباس والحومه طب ليها
بجوده يجيب الماي وطفاله يسكيها
شاف الــدرب ملــزوم بان الغدر بيها

راسـه بعمد ضربـو وكطعو ذرعانـــه

  ✵ـ•┈┈✵(❊ᄌ❊)✵┈┈•ـ✵

راح الغربـب حسيـن للحومـــه أيشوفه
شاف العلـم ملفـوف ومكطعـه أچفوفه
وبعينه شاف الراس والهامـه مخسوفه

شال ومــشه الوالي بالغربـــه خلانـــه

  ✵ـ•┈┈✵(❊ᄌ❊)✵┈┈•ـ✵

زينـب حزينــــه اليــــوم لـوداع واليها
مابطـلت ام عـــــون لحظـــه بـواجيها
مفجوعه أخت حسين منهو اليحاميها

ماضل بعـد كل حيـل والروح خلصانه

  ✵ـ•┈┈✵(❊ᄌ❊)✵┈┈•ـ✵

وبـو اليمــه المظلـوم زينـب يحاجيها
راعي الكلافــــه مـات أوشـال راعيها
روحي يختي الساع والسكنه خبريها

لمصابــه خله أتنـوح تلطم وحزنانــه

✵ـ•┈┈✵(❊ᄌ❊)✵┈┈•ـ✵

وام الخـدر صاحت شلتـم فرد شيلـه
چاوينه ابو الحمله عنه حامي أدخيله
وينـــــه الدفـن سلمـان أنريـدك الليله

تحرس حرم وياي خافن أمنعـدانــه

✵ـ•┈┈✵(❊ᄌ❊)✵┈┈•ـ✵

عافـوني بالغربــــه وكلبي دوت ناره
كلي يخويه حسين جاشنهي الچاره
وجدمو لينـه النوك يردونـــه أيساره

وكيد اليسر بيدي تچويني نيرانـــه

✵ـ•┈┈✵(❊ᄌ❊)✵┈┈•ـ✵

طبينه سوك الشام يرمونـه بحجاره
ومـن كيــــده الـسجاد أدماه تتجاره
مايــدري الكـرار بـوليـــده وخبــــاره

جابــونــه لبـن زياد معكـوده ديوانه

✵ـ•┈┈✵(❊ᄌ❊)✵┈┈•ـ✵

تـمــت بعـون اللــــه تـعـالى (•◐♡◐•)

✍بقلم خادمة أهل البيت عليهم السلام

المـلا  الشاعره ام زينــب الـــواســطي💔

نـسـألكـــــــــم الــدعـــــاء ***((🤲))

بتعجيل الفرج لصاحب الزمان ((عج))
غير مبـري الـذمـــه مـن يحـذف أسم
الشـاعـــره ويــنـسب الـكــــلام لـــــه
https://www.tgoop.com/joinchat-AAAAAFVSvcvJa-4fEoM3kQ

اللهـــــم صــل على محمــد وال محمد
قصيــده ثكيلـــــه للامام الحسين (ع)

      ✩◇❖ □✧ـ••‏​‏​​•‏​‏​​•‏​‏​​‏ـ✧□❖✩◇

مــن مصـابــك...... جـارت الدنيا عليـــه
مــن مصـابك ...... وانه أخذوني سبيه

وحتركت أخيامي........يالمنذبح ضامي

              مــن مصابـــــــك

     ✩◇❖ □✧ـ••‏​‏​​•‏​‏​​•‏​‏​​‏ـ✧□❖✩◇

مـن يـــــوم الطحـت وانـــــه بدمع جاري
وبـذبحـــــــك ماتـطفـــــــــه أبـــــــد ناري
وهــاك أسمـــــع يخويــــــه أنقلك أخباري
مهظومـــــه أصبحت وبلوعـــــــة أقداري

أشلون أعوفك .....وانت أغله من حياتي
أشلون أعوفك .....مابقت بــس ذكرياتي

ماعدنــه أمحامي ....... يالمنذبح ضامي

                مــن مصابـــــــك

   ✩◇❖ □✧ـ••‏​‏​​•‏​‏​​•‏​‏​​‏ـ✧□❖✩◇

يخويـــــــه ومــن بـعــد ماكطـو النحرك
اجـت أخيــول عشـره وسحكت الصدرك
وحـوافــر خيلـهــم بـيها أنكســــر ضهرك
وحسافــه البين أشوفه اليوم أخذ عمرك

بعيني شفتـه .....عالرمح مرفوعه راسه
بعيني شفتــه..... والعطش فطـر شفافـه

وتتراجف أعضامي.......يالمنذبح ضامي
       
                مــن مصابـــــــك

     ✩◇❖ □✧ـ••‏​‏​​•‏​‏​​•‏​‏​​‏ـ✧□❖✩◇

أصــد للحومـــــــــه يخواني واديـر العين
صفيـت أبــلاولي وماعنـــدي كـــل أمعين
والعبـاس نايــم علشريعــه مكطع الجفين
عالتـل أوجبــت ونّـــده يخويـــــه حسين

الله يعلــم .ـ.......الروحي متمنيـه المنيــه
الله يعلــم  ........ماردت.أمـشي سبيــــه

ويتامي كدامي ..........يالمنذبح ضامي
  
              مــن مصابـــــــك

       ✩◇❖ □✧ـ••‏​‏​​•‏​‏​​•‏​‏​​‏ـ✧□❖✩◇

مــن يــسري الضعــن جبتـــه وألك رديت
أشــرحلك يـوالي الحالـــــــه مــن مشيت
بشتـــم وحجــــار للـشــام أبطــبل طبيت
ورقيــــه هنـاك يبـــن أمي أدفنتها وجيت

باربعيـنك...... والضعـن رد بالضعينــــــــه
باربعينـك....... الكبره مشايـــه عتنينــــــه

ومورمـــه أجدامي.......يالمنذبــح ضامي

                مــن مصابـــــــك

       ✩◇❖ □✧ـ••‏​‏​​•‏​‏​​•‏​‏​​‏ـ✧□❖✩◇

وبعيني رسمت الصار وتسعر بالكلب جمره
صـعـب يـومــك عليــــــه وساعتـــــه مــره
وشــــــــم بـتـراب كـبـرك بـلصــــدر عبــره
ومـكســـــور الكــلـب يلغــــــالي شـيجبـره

ردت أشوفــه.... شخصـه والصدري أضمه
ردت أشوفــه......بنحره أقبله وارد أشمــه

ونعكسـت أيامي............يالمنذبح ضامي

                مــن مصابـــــــك

      ✩◇❖ □✧ـ••‏​‏​​•‏​‏​​•‏​‏​​‏ـ✧□❖✩◇

تـمــت بعـون اللــــه تـعـالى (•◐♡◐•)

✍بقلم خادمة أهل البيت عليهم السلام

المـلا  الشاعره ام زينــب الـــواســطي💔

نـسـألكـــــــــم الــدعـــــاء ***((🤲))

بتعجيل الفرج لصاحب الزمان ((عج))
غير مبـري الـذمـــه مـن يحـذف أسم
الشـاعـــره ويــنـسب الـكــــلام لـــــه
https://www.tgoop.com/joinchat-AAAAAFVSvcvJa-4fEoM3kQ

اللهـم صل على محمد وال محمـد
فـزاعي جنـوبي للسيده رقيه* (ع)

☆ـ●✹•┈┈☆✿☆ •┈┈✹●ـ☆

ماتت عالنحـر هلطفلــه الزغيره
وحسرتهـه بگلبهـه ضلت أچبـيره

☆ـ●✹•┈┈☆✿☆ •┈┈✹●ـ☆

رقيـه تنـتحـب وتريــــد واليهــــه
ومن درب السبي كل حيل مابيهـه
ويضربهـه النذل أبسـوطه ياذيهـه

چـاوينــه البطل عمهـه أبـوالغـيره

☆ـ●✹•┈┈☆✿☆ •┈┈✹●ـ☆

تگول حسين وينه اليوم أريدنـه
أشكيلـه الجـره وبحالي أخبـرنـه
مـشتـاگـه لـبـويـه وارد أشوفـنـه

چـاويـن الوجـه ننطيهه ونديـره

☆ـ●✹•┈┈☆✿☆ •┈┈✹●ـ☆

شافت بالمنام أحسين أبو اليمه
محـزور النحر ومخضب أبـدمـه
فزت صارخــه وتصيـح ياعمـــه

مكسورة گلب عالطفله الزغيره

☆ـ●✹•┈┈☆✿☆ •┈┈✹●ـ☆

ماتت عـالنحـر أرقيـــه هليلــــه
نهل أدموعنه والـمدمع أنسيلــه
خلتني المصايب روحي أنحيله

تمحنـت أبـرقـيه محنه أچبيره

☆ـ●✹•┈┈☆✿☆ •┈┈✹●ـ☆

أنعازي أم الخـدر كـلنـه نعـازيهـه
ودمـوع الحـزن ويـاهـه نجـريهه
ولطـمـه الـرقـيـه حــيـل شـديـهه

يسبوهه العده من ديـره الـديره

☆ـ●✹•┈┈☆✿☆ •┈┈✹●ـ☆

تــﻣــت بـــ؏ـــون الله تــعـــالــئ

بـ✍🏻ــقلم خـادمـة أهـل البيت ؏

✍🏻#الـمـــلا ام زينـب الـواسـطي💔

نســـألـكمــ الـدعـاء 🙏 (☆✿☆)

بتعجيل الفرج لصاحب الزمان (عج)

غير مبـري الذمـه مـن يحذف أسم
الـشـاعــره ويـنــســب الـكـــلام لـــه
https://www.tgoop.com/joinchat-AAAAAFVSvcvJa-4fEoM3kQ

اللـهـم صـل علـى محمـد وآل محمـد ﷺ
نعي مجرد للسيده رقيه عليها السـلام

❖●ـ•<>✹<>✹<>✹<>●ـ•❖

أحجي ويـالگبـر وٲشتـم بـالتراب
وٲشـتم بـالـتـرب ياعـطر الحـباب
وگـلبـي يـعـمـه أمصـوب أصواب

❖●ـ•<>✹<>✹<>✹<>●ـ•❖

وتـمـنـيـت روحـي ويــاج راحـت
من ضيم السده وهمهه أستراحت
وبـنـص الـدليـل ٲسـهـامـه لاحـت

❖●ـ•<>✹<>✹<>✹<>●ـ•❖

لـديـار الـوطـن أهـلـچ أمحمـلـين
مـن يمسه المـسه أدري تخـافيـن
ريـتــچ يعـمـه أويــانـه تمـشيـن

❖●ـ•<>✹<>✹<>✹<>●ـ•❖

يـضـعـن الأهـــل ريـض أشــويـه
ويــاكـم يـاهـلي عـنــدي وصـيـه
سلمـيلي يـعـمــه أعـلـه الشـفـيـه

❖●ـ•<>✹<>✹<>✹<>●ـ•❖

أبـگبـري ونـيت وصحت يـاويـل
يـاريت ضعـنـي ويـاكـم يـشيـل
وخـافـن تـره من وحـشـة اللـيل

❖●ـ•<>✹<>✹<>✹<>●ـ•❖

آنـه تمنـيت گـبــري يـم الحـسين
وسـولـفـله أشعمل بـبنيـته البـين
لاچــن يـاهـلي صـرتـو بعـيـديـن

❖●ـ•<>✹<>✹<>✹<>●ـ•❖

يـعـمــه حــسيـن لــو نــشـدكــم
رقـيـه ليـش مـاهـيه أبـضعـنكـم
گـليـلـه أبـغـربــه عـفناهه بـتكـم

❖●ـ•<>✹<>✹<>✹<>●ـ•❖

تـــﻣـت بــ؏ــون الله تــعـالـئ

بـ✍🏻ــاقــ✍🏻ــلام خـادمـات أهـل البيت ؏

✍🏻#الــمــلا ام زينـب الـواسـطي💔

✍🏻#خــادمــة الـزهــراء ام عـهـد

نســـألـكمــ الـدعـاء 🙏🏻 ( (✹<>✹))

بتعجيل الفرج لصاحب الزمان (عج)

غير مبـري الذمـه مـن يحذف أسماء
الشاعــرات ويــنسب الـكــــلام لـــه
https://www.tgoop.com/joinchat-AAAAAFVSvcvJa-4fEoM3kQ

اللهـــم صــل على محمــد وال محمـد
لطميه للسبي او تقرأ نـزلّــه ( ○❊○ )

    ✧♡✧ـ•╌─○❊○╌─ـ•✧♡✧

سبايه سبايه سبايه//لشام تمشي سبايه

    ✧♡✧ـ•╌─○❊○╌─ـ•✧♡✧

زينب مشت لرض الشام روس الاهل وياها
والشمر يضحك شمتان وسالت دمع عيناها
ويكلها ويــن العبـاس وبسوطه اجـه تعناها
علـمتـن يضـرب بالـسـوط وام الخـدر اذاها

ومن بعد الكافل عباس صار الشمر حدايه

    ✧♡✧ـ•╌─○❊○╌─ـ•✧♡✧

درب اليـسر اذاهم وخيالــــــه أعليهم تفتر
مرفوعـه روس الوليان حسين وابنه الاكبر
وتحشــم زينب بيهم كلسـاع أطيح أوتعثر
وسياط تشكـف عنهـم وتباري أيتام وخدر

ولياها ضلت بالطف وتموت كلها ضمايـــه

✧♡✧ـ•╌─○❊○╌─ـ•✧♡✧

والحـــره مشــوها بكيـد تلهب لهـب ياناره
ماتنـدل الدرب أمنين عكب النامو محتاره
لوصدت عينها الروس دمـع الخدر يتجاره
مــــن طبـــو بـيهــم للســوك أعلـيهـــــــم
يـــرمــــــــــــــــــــــــــــــــــــون احـجــاره

والشمر أتحكم بيهم صارو يمشون برايه

✧♡✧ـ•╌─○❊○╌─ـ•✧♡✧

ورقيه تفز من النوم تبجي وتصرخ مذهوله
ويسمع يزيد الصرخات تريد حسين يكلوله
زيـنب تـشكي الواليها مال الحمل بحمولــه
بالطشت جابله الراس ماتت فوكه المدلوله

من مصيبة ذيج وهاي التمن عليها هوايه

✧♡✧ـ•╌─○❊○╌─ـ•✧♡✧

من المصايب نحلت حرمـه بأيتام تمحنت
أرقيه الطفله ماتت عالراس اليوم وغمضت
منشافت راسه وسكتت طفلـــــــــــــــــــه
زغيــــــــــــــــــــــــــــــــــره ومــاحـمـلـــت
حمل ضعنها وغربت بالغربه أهناك ندفنت

غربه وهظم برض الشام وشكد شافت رزايــــــــــــــــــــــــــــــــــــــــــــــــــــــه

✧♡✧ـ•╌─○❊○╌─ـ•✧♡✧

تـمــت بعـون اللــــه تـعـالى (•◐♡◐•)

✍بقلم خادمة أهل البيت عليهم السلام

المـلا  الشاعره ام زينــب الـــواســطي💔

نـسـألكـــــــــم الــدعـــــاء ***((🤲))

بتعجيل الفرج لصاحب الزمان ((عج))
غير مبـري الـذمـــه مـن يحـذف أسم
الشـاعـــره ويــنـسب الـكــــلام لـــــه
https://www.tgoop.com/joinchat-AAAAAFVSvcvJa-4fEoM3kQ