السلام عليكم. يااحلا حبايب على قلبي💝😍🙊

بمناسبة الطفش هذا قررت انزل لكم
(فقرة_جبر _الخواطر_رسالة_لقلبك)🥹☺️😍
ولازم الكل يشااااارك وتوصله رساله لقلبك

(إختار رقم من 1 للرقم 5 وشوف رسالتك)
✪ وباارسل لك رساله تناسب شعورك)


واستقبل مشاركاتكم لاهانا
@ALFkamah

والنشر هانا
@FkamhSnaane2

السلام عليكم ورحمة الله وبركاته
الاخوه المتابعين الكرام🌻🤏🩵🩷
سيتم روايه ( بين ♥️قلبين ♥️)
للراويه والكاتبه ( عبير الكبسي)

بقناتكم. ( طنافس 🎻وروايات🇾🇪 )

https://www.tgoop.com/FkamhSnanee3

السلام عليكم ورحمة الله وبركاته
الاخوه المتابعين الكرام🌻🤏🩵🩷
سيتم روايه ( بين ♥️قلبين ♥️)
الجزء الثاني عشر للكاتبه ( عبير الكبسي)

الاشعار من فوق ماسنجر
(خالد ممكن نتكلم، ممكن ترد عليا، وحشتني)

رنا ارتبشت ناولت بنت صفيه بسرعه

سندس: صفيه كل ماتذكر البنت الي لابسه ساع فستانش وكانت ترقص هكذك افتجع لحلمش

صفيه بتضحك: بس عيب الله يهديش لاتحشي.. وتتذكر وتضحكك

رفيده: كانت تشرح الاغنيه كلها بالرقصه

وصوت ضحككك الا صوتين خالد و رنا كل واحد في وادي

سندس شافت رنا: وانتي مالش عقلتي وهانك طفحتي ضحك

رنا لفتت لهن: ها ، ماقلتين

صفيه: يهياااه تأثرت من تخديره خالد

سندس: خالد خزنت لرنا

خالد ضااابح من القات لانه اول مره وعشان رنا قالت ماعتتزوج وعشان كلام كرم

صفيه رحعت تمزح على سندس: لازم ترقصي رقصتش هذه في العقد

سندس: واوقع ساع احلام

ام خالد ذكرت: انتين داريات ماوقع باحلام قلك زوجها تزوج عليها

بدأين يتناقشين و رنا مستغربه بس ماعلقت على الموضوع بشي

في بيتها..
احلام بتبكي لامها: تخيلي قدله شهر من حين ماهو متزوج ولا كلمني وانا اقل ماله تغير كيف له توظف، بطل القات واللبس والحلاقه واصل

امها: قلتلش بطلي التفتريط والحنوقه وقالت قلتي وتدخلي في مشاكل الناس مابتسمعيش كنتي عتغيريه بدل الفرغه

احلام بكيت: ذلحين حتى لما الواحد يشتكي لكم هو غلطان
قفلت وطلعت اخته

اخت رزق: ابسرتي طبينتش

احلام بعصبيه: جايه تحانكي

اخت رزق: ماشي والله انتي عندش كل شي محانكه جيت اقلش تشتحطي على روحش وتبطلي شكويه وتبسري ماناقصش وعند غيرش

احلام: ماناقصني ! اسكه قليلي

اخت رزق: ابسري في رجاال بيتزوجو على نسوانهم ومابش فيهن شي، لكن انتي الصدق يامرت اخي فيش عتسمعي بدون صياح ومشاكل شاقلش تتغيري عتناكري ويتخايلش انحنا فارحين فيش شاخطى

احلام: ماشي شاسمع اسكه قلي لي في ايش هي احسن مني!

وصل على كلامها زوجها : خليها وانا شاقلها انا
أحلام: اخيرا ذكرت ان معك بيت

رزق: هذا اول طبع فيها ماتسمعش تقاطع بمشاكل

اخته قامت وعلى خرجتها: سدو مادخلني

رزق قفل الغرفه وجلس

احلام: ماعتعتذرش؟

رزق: على ايش؟

احلام: حين تزوجت عليا؟
رزق هز راسه: لا من حقي اتزوج

احلام: الله يعني بايع قل انك بايع يلا

رزق: ياشيخه ولامره قدرت اناقشش بعقل واصل اسلوبش مستفز ، مشاكل في البيت مع امي مع اختي مع سلايفش وعاد انتي ترجعي من بيتكم اسمع مشاكل اخوش ومرته واهلها ونسوان حارتكم مليت، كم مره اقلش اشتي حد يتفهمني انغير وانش سمعتيني نفس كلام اهلي ، انت فاشل انت مش حق عيشه انت، خليتوني فعلا هكذا

احلام ماسكه خصرها وباستهزاء: وياسعم هي ايش فعلت؟

رزق: تفهمتني شجعتني، قالت سهل خذ وقتك والتغيير حبه حبه، انت ماشاءالله ذكي ومتعلم جرب ادي لنفسك فرصه، رتبت حياتي

ت.ع.خ

احلام : طلقها

رزق: مابينلعبش عشان اطلق اعجبش جلستي ماعجبش الله معش
احلام: مابش تفتح لي بيت ومصاريف جهال وانا الله معي

رزق: مابش معي عجبش جلستي هنا.

احلام بتسمعه وهي عارفه ان ابوها قلها ماعد بش لش رجعه للبيت يكفي المشاكل الي فعلتيها، وابوها واقف مع زوجها انه من حقه يتزوج مافعل شي كبير عشان ترجع وتتطلق( رجع لها كل عملها ووقفتها مع اخوها)

وصلوا البيت ..
خالد طلع غرفته وجلس فتح التلفون وبيشوف الرسايل وبينزل حالات تهنئه لسام شاف رسائل احلام ،تجاهلها وغير ملابسه ونزل

البنات كملين يفعلين عشاء ومنتظرات الكل يجلس عشان يقربين..

صفيه: انا شاسير ابدل لبنتي ترقد
سندس: طيب وانا ورنا عنخطط للعقد
رنا شافت خالد واقف في باب البيت : اولا شوفي عاد باقي عيوني كحل؟

سندس: مش قوي ماعد عيبعد، شويه بين رموشش مش باين
رنا: طيب شوفي نحتاج بكره نسير صنعاء نشتري الاشياء الي نحتاجها

سندس: تمام شاحاكي خالد او فؤاد يشلونا
رنا: شفعلش هكذا سلاسل ورد مع الاضاءه ونغير لون الستاره قفاه و
خالد جا: سندس افعلي لي شاهي او قهوه اي شي

سندس ورنا كانين باب المطبخ بيتجابرين

رنا واقفه محرجه هكذا صمت بينهم: بينحس القات ضايقك لاعد تخزن

خالد: انا عشان صاحبي، بعدا مش هو من القات في شي ثاني

رنا فكرت في بالها لايكون زعل منها عشان تدخلت مع امه وقالت يخطبين له ويمكن هو يشتي يرجع لامل : انا اسفه لو تفيضلت اليوم وكان مضايق من موضوع الخطبه عشان نبسرلك واحده

خالد ضحك وين راح حسها: مع مش عشان هذا ، بس تذكري الي حاكيتش عليها امل

رنا: خطيبتك؟
خالد: كانت عتقع لكن.. ماعلينا، رسلت لي وغثيت اننا ساع اللعبه بسهوله فلتتني وذلحين ذكرت هكذا ترسل وتسال عليا وتقلي وحشتني
رنا: وانت ماقلت لها

خالد: ولا قلت لها شي ، قلت لش انتي

رنا مافهمت: ماقلتلي؟

خالد ضحك: الموضوع حاكيتش انتي

ام رنا : ما لونركن عليكن لانموت جوع يا مجابره ياتلفون في ايديكن

خالد: والله ان رنا مظلومه قلي سندس واصل تلفون رفيده ، رنا ها ولا في يدها شي

امها بهررت لها واشرت تدخل المطبخ : و رنا من حين فعلت لها صفحه الصور ماعد بيشغلهن غير التلفون
رنا عشان لاتكسف خالد: يلا عنقرب ذلحين قد كل شي جاهز
سندس: ياعمه والله ان رنا الي فعلت العشاء بقي الشاهي مراعيات له يفور

خالد: ايش من صور؟
سندس ناولته الشاهي وبتشرح له صفحه رنا.

وهم بيتعشو
رنا تلفونها رن قامت جلست و ردت عليها : حيا وانتي كمان وحشتيني ،هاا لا مش في مصر ، رجعت اليمن ،، ايوه من قلش؟ اها عشان الشقه يمكن.. لاتصدقيش ماحصلش هذا كله ، انتي اكثر واحده كانت عارفه كل شي وسامعه وشايفه بأذنها... قامت وخرجت

انتي اكثر واحده كانت عارفه كل شي شايفه وسامعه بأذنها... قامت وخرجت طلعت للغرفه تتكلم على راحتها

الكل مستغرب من بتكلم

سندس : يعلم الله من هذه ،الصدق فيني فضول شاسير ابسر

فؤاد: بس قله عقل خليها لو تشتي تسمعيها كانت جلست

سندس بمحانكه: مابش بيني وبينها خباي.. وطلعت

الجد شاف خالد حالق وجالس بياكل مبصم ضابح : وانت ايحين شافرح بك ، وافعل لك زفه ملان الحاره هذه كلها

خالد ضحك: لوما افهم الي بيحصل

الجد استغرب: ايش بيحصل؟ قصدك المطار ، او عادك ناوي ترجع

خالد ضحك: انا فدالك ياجد ، والله لوما يترتب مخي قسما بالله انت ثاني من يعرف
الجد: وليش احد قبلي؟ ليش مش انا الاول او تحاكي الحجه.. أشر على جدته

خالد: الاولى الحريوه ، الثانيه انت
الجد: ها لو هكذا مابش مانع موافق

في غرفتها..

رنا بتكلم جارتها الي في السعوديه: وهذا كل الي حصل، لاهربت مع ابن عمي ولا حين دريت انه مابيخلف لاتصدقيه شرحت لش الموقف كله

جارتها: كم كان نفسي اقلش وانتي هنا ، ليش متحمله عصبيته وجنانه وحرمانه لش و مزاجيته كله الا الاحترام يا رنا ، و زد فوق هذا كله تقلي فعل هكذا في مصر

رنا: ماكنت شاتكلم والله لانه عيب ، بس مش راضي يسكت اعظم من النسوان بيكلم الناس كلهم هذا الشي،وانا مضطره ومن حقي ابرر وادافع على نفسي.

رنا: والله فقدت لش قوي

جارتها : وانا والله صدقيني ولا عيلقى مثلش بنت ساع الورده مؤدبه في حالها قمر حميش صابره على جنانه كنت اعصب بدلش انا،، خيره الله غثيتيني والله

رنا: لاتغثيش انا مبسوطه وارتحت و رجعت لي روحي كنت حاسه اننا طافيه مش حاسه بطعم شي والان مرتاحه قوي

سندس بعد ماقفلت: جالس بيتحاكى مش وقع ورقه

رنا: قالت حاكاهم قبل بس قالت تخليني شويه وتتصل

سندس: اها
رنا: خلاص مشتيش افتح سيرته جي ادي ورقه وقلم وجي نخطط كيف نفعل الديوان

سندس ادت ورقه وقلم وجلسين

دخلت رفيده بعد ماغسولت وجلست معهن ينسقين

ثاني يوم الصبح

فوق الصبوح
سندس بتتدلع على جدها: مابش لك صبوح
رنا بتشوفها وتضحك لفتت خالد بيشوفها بعفوية وهي مبتسمه: اسمع الشحت ذلحين

خالد نظراته العميقه لها بصعوبه بعدها وشاف جده وسندس

ام رنا: عيب خلي جدش يجلس يابنت

سندس: يدي زلط واسمح له
الجد ضحك خرج خمسميه من جيبه: ناولها

سندس ضحكككت وردتها لجيبه وسحبت الباقي كلها وبتعد

الجد بيلاحقها بالعصيه وهي تهرب منه وتكمل تعدها

ابوها: وليش يعني جدش وانا مابينفعل

سندس بفرحه : حقه مبروووكه بتكفي والله، سحبت مبلغ لفه ألوف

سندس بفرحه : حقه مبروووكه بتكفي والله، سحبت مبلغ لفه ألوف

جدها: ها السلبطه، سهل شاشل ضعفهن المهر حقش عيوصل ليدي

الكل بيضحك عليهم

سندس بدلع وثقه غمضت عينها : ماشي عادك عتوفي انت وياه( اشرت لابوها)
اشتي عرس مايقل عن عرس بناات صنعاء

خالد : يوووه قرحت ميزانيه صاحبي، هو كريم وانتي استغلاليه
رفيده: ايوه حارش له
رنا: حرام عليكم والله ماهي هكذا

سندس: هي رنا الي تشتيها والله ماهو انا تشتي تسير السوق

خالد: عادها بتدافع لش مانبعتي الا فوقها

رناضحكت: هي قصدها نشتيها للتجهيزات حق حفله العقد ، بس من الفرحه ماعرفت تعبر

فؤاد: هي حفله عقد مش عيدميلاد تتبدعين ، شادي لكن كرسي جاهز مزين من عند صاحب حق تزيين سيارات

سندس ضحكككت: وادخلك انت نزفك بدلي

فؤاد عصب : بس خباله والله ل

خالد بصوت مرتفع صاح: فؤاد ، مززح

فؤاد بصياح: بتسمع ماقاالت تزفني انا وسط النسوان
خالد ضحكككك ويشتي يتكلم يرجع يضحك

رنا بتشوفه وتضحك
الكل رجع يضحك من ضحك خالد
خالد : انا مقدر ياخي هذه ردة الفعل الرجوليه، بس لو نجي للموضوع مافيها شي اضحك، في عرسك عتدخل ويزفوك وسك نسوان، عادي خذ الموضوع بروح رياضيه ليش العصبيه والعيفطه هذه

سندس: والله انه هكذا الرجوله ياخالد ساعك متفهم داري مافي عقل الواحد

خالد ضحك: انتي اسكتي ماكان قصدش هكذا، انا بيننصحه لنفسه مش اي شي يستفز رجولتك ،

رنا داخل نفسها ايش العقل هذا ياخالد كم كنت اكره فلسفتك وانت صغير وعنادك وقفالتك .

الجد جالس مركز لنظرات خالد و خجل وهروب نظرات رنا :ذلحين يارنا زلطي عتسير لشي سوا عتبيضي وجهنا

رنا : ايوووه متأكده وشاجهزه قبل بيوم لو ماعجبها نخلي حد يجي يسبر لها الكوشه

سندس مسكت يدها: ماااشي على اتفاقنا وتخطيطنا عجبتني قوووي فكرتش متحمسه

خالد: اوصلكن ؟ مابش معي شي
الجد : انا احتاجك ياخالد، خلي فؤاد يشلهن

خالد كان نفسه هو يروح بس : حاضر ياجد.


ام رنا: خليهن يسيرين هن وانتي افعلي الغدا

ام خالد: يو مع انا شاطبخ وهن يسيرين مادراهن ماتشتي رنا

ام رنا: وانتي يارنا من ايحين ، ياسعم تعرفي؟ خلينا يابنتي بدل اللعب بالزلط ندي واحده تجي تسبر الكوشه

خالد شافها انكسفت: ياعمه لو خرب شي عليا انا متأكد انها حاجه فخمه

ام خالد: هيا سيرين بساعتكن تجهزين مشتيش تتاخرو للعشي.

خالد سحب فؤاد: جي اتفاقد معي السياره قبل ماتسير

فؤاد لحقه للحوش

خالد بصوت واطي: اسمع شاكمل انفع جدي واجي لصنعاء وانت ترجع

فؤاد عصب: ياخي بطل مش هو السوق الي قفا راسي مشوووارر بعقلك انت!

خالد مسك دقنته وباسه راسه: استمعني هيا قوا عشان اخوك

فؤاد: تمام ناهي

في السوق..
سندس: يوووه هذا ال

امفي السوق..
سندس: يوووه هذا الورد بكله رناااا

رنا: اسكتي اصه فضحتينا ناهي احتاجهن

سندس: مارايش هذا ؟؟ نفس لون فستاني

رنا: لا هذا عيعكس مع مكياجش احسن والاكسسوار وبعدا ماينفعش نفس اللون بس شي يمشي معه يكسر شي غامق وفاتح

سندس : يوه يارنا ياويلش لو يوقع شي شوعه قدنا متحمسه


بعد ماكملين مشاويرهن

سندس: قدنا ميته جوع وعطش وكل شي

رنا: وانا.. سكتت شافت خالد ماسك التلفون بيتصل هو وفؤاد بيسأله وينك

سندس شافتها بتتفرج للباب لفتت خالد

خالد: ها خليك بس نخطى سوا ماجيت بسياره

فؤاد: تمام

مشيو للسياره.
سندس: خالد قدحنا جاوعات

خالد: ماتشتين؟

سندس: مارأيش يارنا؟

رنا: اي شي انا مش جاوعه ، عاطشه

خالد : طيب نشتري الان ماء وقف يا فؤاد بقاله

فؤاد: ياجلده جاوعات تشتري ماء، على حسابي وانا خورت نسير مطعم

رنا خافت من امها: مش ضروري
سندس: الا ضروري

خالد: رنا ايش الي اشتريتيه؟ الخانه ملان هذا عنتعرس كلنا على الزينه هذه

رنا:ايوه اليوم مش انت مخدر، مارأيك, في الي ابسرناها لك..

خالد قاطعها: بقاله شانزل الان ونتكلم بعدا عتوصفين لي الحريوه قدام اخي!


رنا سكتت انحرجت..


خالد طلع وقبل ماتتكلم وتفتح الموضوع فتح اغنيه ورفعها للأخير ( ياتاعبني، تامر حسني)

فؤاد: هذه قديمه
خالد: كانت تعجبنا زمان

رنا: ايووه صح اول ماتعلمت السواقه ياخالد تذكر؟

خالد ضحك: وانتين تجننين من الطاقه وامسك بريك وكلكم فوق بعض

رنا: الله ، ايام كانت تجنن

خالد: والان احلى
سندس: من تعبتك؟
رنا تشتي تلفت تتليقن عليه
خالد شافها في المرايه: واحده مش راضيه تحس بي
ربشتها نظراته وكلامه...! يقصدها او من يقصد

وبعد مشاويرهم واكلوا ورجعوا ، بدأين تنظيف البيت وتجهيز قبل حفلتها بيوم
الكل واقف في الديوان بيتفرج

خالد: راعي ثقيل عليش شاتحملها انا
سندس: يوه يارنا باقي عمل خيرات ماقد تميتي
رنا: لو تطلعو كلكم وتنزلو الصبح ياسلام احب اشتغل وحدي
خالد حس انها مقيده بحكم لبسها مسك فؤاد: هيا عنطلع نرقد
سندس : وانا اطلع اكمل اكوي الفستان الخياطه ردته ملعوز

يوم الحفله الظهر..
الكل دخل اندهش : واوو هذا بيتنا؟ انتي يارنا
سندس بتانيب ضمير: ماقد رقدت للان
رنا : سهل اهم شي عجبش
سندس: كيف تعلمتي هذا كله
رنا:رحت عرس مرتين وشفت وحبيت التنظيمات هذه

ام خالد: عتجلسين تتجابرين هيا واحده تجي تعاوني في المطبخ رفيده وعمتش بيفعلين غدا، نشتي نتم الكيك
رنا: حاضر ياعمه سندس عتسير الكوافير

وقت العصر كملين جهزين كل شي لبسين تصلحين
ام خالد شافت رنا قدها منعسه: سيري يابنتي ارقدي لش ساعتين تعب عليش

رنا:والله اننا مصدعه بس الغرفه عيدخلين ويخرجين النسوان
ام خالد: سيري غرفه خالد مابحدهم ولاعد عيدخل فيها وهدوء
رنا: حاضر قيميني لما يجين النسوان
ام خالد: حاضر
رنا طلعت طرحت راسها ونوووم
خالد كان عند ابوها رجع غرفته يشل تلفونه والمفتاح شاف
واحده ممدده شعرها طووويل اسود ،حتى وهي مغمضه رموشها مغطيه جفونها ويدها تحت خدها.
بسرعه قفى وجهه ومشي يشتي يخرج دخلين نسوان في الصاله بيبعدين البالطو رجع وهو مقفي: رناااا ...رناا

رنا نكزت خافت شافته مقفي: يووو مااداك قالو مابحد
خالد: انا حانب النسوان في الصاله شاغمض ومقفي اخرجي وغلقي عليا

رنا بتشوف نفسها مابش جنبها غير الشال حقه سحبته طرحته فوق راسها واكتافها وخرجت ورجمت الشال للغرفه وقفلت الباب واقفه وماسكه الباب بتصلح شعرها قلبها بيدددددق خاااايفه شافها او لا ولو حد يعرف انو في الغرفه النسوان الي في الصاله هن نفسهن الي بيتناقلين خبر هربتها مع خالد

هو قفل على نفسه بالمفتاح رفع الشال من الارض شم عطرها، حس وجهه احمر راح فتح الطاقه وبينه وبين نفسه: الصدق هكذا ماينفعش انا شاتكلم اصارحها ولو رفضت اخرج من البيت ، جلس فوق السرير تلفونها وفص من فستانها

خالد لقطها بيده الافصاص طرح راسه على الوساده وسارح في سقف الغرفه بيفكر كيف يبدأ يلمح لها ، كيف يقلها ، طيب كيف نفسيتها هل متقبله، ليش كل ماوقع لها عرض زواج بترفض مش عشاني اكيد، لأن للان مش حاسس منها انها فاهمه اعجابي بها ، يعني اصبر عليها مشتيش انكسف، يكفي الي حصل لي قبل بس والله ماقدر اعيش بدونها ايش يعني هذا، يعني حب اكيد

خارج واقفه باب الغرفه خايفه حد يدخل ويعرف انه داخل وهي كانت نوم ،

النسوان شايفات واحده بفستان احمر شعرها مفتوح طويل مموج اسود ، لابسه اكسسوار رقيق ومكياج بسيط خفيف بارز جمال عيونها ونعومة ملامحها
: هذه رنا ؟؟
واحده: يوه البنت هذه كيف تغيرت لما كبرت وقعت ثانيه قمريه، كيف سخي عليها

واحده ردت: الصدق تشتين الصدق، والله ان البنت واهلها اخلاق ماقد ابسرنا منهم شي ولاسمعنا كلمه على حد في الحاره

واحده ردت: والخبابير كلها هذه والمقالعه مع ام امير

ردت عليها: هو حين انتي صاحبتها انتي وبنتش صاحبه احلام اذانكن مفتوحه لاي حد مانا الصدق مصدقه عيوني واذني ماعد ازيد افتحها لمخلوق

متكيه على الباب سارحه بتفكر

ام خالد طلعت شافتها واقفه والنسوان وحدهن: رنا قمتي يابنتي

النسوان: هي رنا؟ ماعرفناهاش ،ماشاءالله قمر سبحان الله صدق كيف كبرت واحلوت

من داخل الغرفه بيسمع ،

رنا: ايوه قمت
ام خالد شافتها مطننه قربت بتفتح باب الغرفه: ادخلي ارتاحي شويه ماقد بش نسوان خيرات شكلش نوم

رنا بربشه وارتباك: لا ياعمه خلاص.
ام خالد: قفلتي الباب؟
رنا: ايوه داخل اشياء ..سكتت

رفيده: ياعمه جاوبي بسرعه نازل

ام خالد نزلت هي والنسوان
رنا بتشاوره من الباب وتدق: ياخالد
خالد سمعها فز نطتين من فوق سريره للباب فتح الباب ومد يده : ها تشتي التلفون
رنا مدت يدها سحبت التلفون شخطته بظفرها: اسفه
خالد ضحك نفسه يخلي يده مايردها
رنا شايفه يده: خلاص شليت التلفون شكرا ، ذلحين كيف عنفعل

خالد: ينفع انزل
رنا:راعي شابسر لما مابش حد وبسرعه تهرب
خالد داخله: نفسي اهرب لقلبش وتغلقي عليا
رنا: خالد سمعتني؟
خاالد: سامعش والله بس بينتخيل
رنا: ايش تطمن انا شبسر الطريق واقلك ؟
خالد: متطمن والله ما متعبني الا لاني متطمن
رنا: ياخاللللد بتسمعني

خالد رفع صوته:صيحي جعل مايصيح غيرش

رنا ضحكت: اصلا مابتجاوب وانا قلبي في ارجلي كيف جيت قالو انك خارج

خالد: كنت عند عمي اديله العلاج وركعت العصر وتجابرنا شويه وجيت غرفتي

رنا شافت سندس وصلت من الكوافير سحبتها : تعالي انقذينا


سندس: انقذ من؟ كيف مكياجي ؟
فتحت الباب ودخلت :خالد هنا
خالد : حانب
سندس: ايش انقذكم؟
خالد: مش وقت اقطبي الرجال مراعيين لي وانا متعذر لهم عنحكي لش بعدا

سندس بتبعد المقرمه والبالطو : كيف انا ؟
رنا من خارج ورا الباب: سندسسس قوااا مش وقت قليلي مانفعل النسوان بيجين..سمعت خالد بيقول

خالد: لو اخترتي فستان احمر ، احلى من الوردي ، ولو خليتي شعرش مفتوح عيقع احسن وضحكك

رنا بهررت: يوه على وقاحه يعني شافني !!انا صحيت وهو مقفي يوو والفعله شافني ..دقت الباب بسررررعه بعد بعض : هيا تصرفوووا بعيني ياخالد والله ماراحت لك

خالد ضحك: هي غرفتي من قلش تجي

سندس خرجت لاعند رنا: مالكم حد يفهمني
رنا : اسمعي الان شانزل اقول طريق يدخلين المكان وانتي تنزلي معه لما يخرج من الحوش لديوان الرجال ( ديوان خاص للرجال في الحوش)

خالد مايشتي يبعد عطرها من الشال ماتعطر لفه حول رقبته وطرح الكوت من فوقه : يلا شانزل

رنا مسكت الفستان ونزلت بسرعه مابش حد ، داعت رنا وخرج للحوش طلعت هي و رنا للغرفه وحكت لها الي حصل

سندس بردة فعل بارده : بسس هذا الي حصل على سماجه فيكم ياسعم مايعرفش عادي

رنا: كنت راقده بتفهمي بشعري والفستان

سندس متوتره : رنا سهل عادي يعرفش. انا ماشفعل الي مايعرفني تخيلي يبسرني هكذا بشعري والفستان

رنا :على الاقل احلى من اول شوفه مشعفله بتكنسي

سندس: يو والفعله شكله اهبل حين خطبني..وضحكت

رنا: يلا شانزل ابسرهم ولو تشتي شي رنيلي

في الديوان الكل بيتلفت ويأشر عليها : هذه هي الي فعلت الكوشه والتنظيم كامل

رنا بتسمع وتشوف نظرات ودهشه والي تشكرها والي تقول روعه والي تقول افخم تنظيم قد حصل ، والي تطلب منها تسوي لها تنظيم عرسها، حست معنوياتها ارتفعت انبسطت الارهاق والتعب كله راح

بعد ماعقدوا الرجاال ..
كرم: طيب جي معي شويه هكذا وانسني لنص الديوان واخرج
خالد: ولا ربعه ولاشبر بغير جنان انا اعرفها ، ماتشتي مش هو غصب
كرم: ياخي قد كركبت نفسي كركبه امد اعقد اشوفها تقلي مشتيش والله لادخل

خالد رحمه: يلا شاوانسك لباب الديوان والباقي الله يعينك ياصاحبي
كرم ضحك وقوى قلبه
دخل كرم يتصور معها..
كرم ماسك يد خالد بقوه سحبه معه لداخل وبابتسامه من تحتها كلام بالهمس : والله ماتفلتني تصور معها ذكريات

خالد قدو محرج كلهن ملثمات مش شايف حد قدامه غير سندس ، كانت بتصور رنا ويدها ترجف من الخجل رغم انها مغطيه عيونها بس متوتره لاحظ يدها وخاتمها والفستان باين من البالطو
شاف كرم مسك يد سندس ووقف جنبها

خالد قرب يشاوره: الصدق مش مستوعب ان صاحبي خطب وعقد على اختي وهكذا قبال عيني يدك في يدها خليني اخرج قبل مانتضارب .

كرم ابتسم وضحككك ماقدر يمسك نفسه
سندس لفتت له شويه ونزلت نظرها

كرم قرب يكلمها الي حصل وقاله خالد وهي ضحكت

رنا خرجت بنات صفيه عشان ازعجين سندس

بنت صفيه الصغيره جالسه تفتش لها وتطير اللثمه وتضحك

لفتت لخالد واقف باب البيت من خارج في الحوش : الد الد

سارت واحده لاعنده وواحده تشتي رنا

خالد بيمازحها: ماجابش عندي يلا عند امش

بنت صفيه: لا ماما مع ،بس رنا هنا

خالد: رنا حاليه صح

البنت هربت من حضنه وراحت : خالو قال رنا حاليه

رنا انحرجت : وهو شوعه

البنت هربت تحارش قالت له

خالد دخل واقف باب البيت وهي باب الديوان من خارج : مابتعلميهن
رنا شاورتها: هو شوعه صح
البنت بتضحك عليه : قالت انك شووعه
خالد بيشوفها عينه عليها وبيشاور بنت اخته الي جنبه بصوت عالي تسمعه رنا: بس هي حاليه قوووي

رنا انحرجت لما كررها : خالد خليهن عندك وانا ارجع

خالد: حاضر

داخل في الديوان بيتصوروا يشوفها بسرعه وتستحي تنزل عينها

كرم مبتسم ماسك الضحكه: انا خجول بس قويت قلبي، لاتفعليش هكذا شاهرب بعدا
سندس : تمام بس مدري مستحيه هكذا واحد اول مره اشوفه ويشوفني

كرم ضحكك ماسك فمه: مش هي اول مره هذه نتيجه بسره اول مره
سندس بتضحكك وشويه وتمسك نفسها لان امها بتبهرر لها

كرم: بس ماطلعتيش شبه خالد ابدا
سندس: اهم شي احسن؟
كرم رفع عينه وشافها ابتسم:قوي احسن، وطلعتي فرفوشه
سندس بابتسامه وعينها على النسوان: هو انا لما اتوتر اضحك

كرم: وايش الي يوترش
سندس : لما اخزا
كرم شافها : انتي داريه انش حاليه قوي
سندس ضحكت
كرم: وضحكتش تجنن
سندس: بتضحككك
صفيه قربت تشاورها: بسسس كركره من حين طلع وانتي ممشخره ماعيقلو الناس

سندس بتشاورها: الي ماعجبه يختي يروح انا اليوم اسعد واحده في الدنيا ومايهمني حد

صفيه ضحكت وبعدت من جنبها

النسوان بيتشاورين هيا ايحين عيخرج نشتي نجلس نتفرط

واحده من النسوان بتشاور الي جنبها : جين نسير بيت ام امير اكيد ذلحين سابكه جوها ومداعه وفهنه.

الجده : سلمين عليها

خالد بيداعي

الجده: جاوبي يارنا ياصفيه جاوبين

رنا خرجت : ها خالد

خالد كأنه بيوازن رسمه عينها بنظراته

رنا: ماهوو ؟

خالد : مدري والله العظيم نسيت

رنا شافته ونظراته ضحكت: صلي على النبي

خالد: عليه افضل الصلاه والسلام ،سبحان الله العظيم

رنا مستغربه لفتت وراها تشوف لمن بيقول سبحان الله : خالد ؟؟ مالك

خالد شاف نسوان خارجات مشي بسرعه ونزل من الدرج حق الحوش وتخبى تحت الدرج لايحصل عليها كلام

خرجين وهي واقفه قربت من الدرابزين حق الدرج وطت راسها تشوف وين

خالد رفع راسه ضحك

رنا: هن لابسات مالك تخبيت؟

خالد: مشتيش يبسرونا واقفين يطلع.

يطلعوا عليش كلام مشتيش تغثي ولاحد يزيد يقول فيش الا كل خير.

رنا : هااه عشان هكذا، طيب والله ماعد في حسي من حد طز يقولو ماشتو

الجد خرج من الديوان يشتي يطلع يتصور مع سندس شاف خالد بيجابر واحده مره ملثمه مصدوووم

بيتأمله وهو يمشي لاعندهم بيضحك ويجابر بحماس وهي واقفه منهي هذه !! هذا الساع بتجابره وسط البيت ولاتستحي قرب منهم

الجد: اخطبهالك بدل اللغاجه لاعد حيا ولاشي مجابره وسط البيت

خالد افتجع اول ماسمع اخطبهالك شاف جده وتصنم

رنا: يوه ياجد ماعرفتنيش

الجد طلع وهو: بيكركر يضحك هذه رنا ، ومالش اين عتسيري، انتي داريه ماستضيش في الليل

رنا مسكت يده: ياجد عاد باقي نسوان داخل

الجد: وانا مفعلهن، الحريو داخل؟

رنا: ايوه

الجد : خلاص بعدي ادخل اتصور معهم

خالد بيضحك

الجد: وانت مامعك هنا مفلتين الناس وجالسين هنا

رنا انحرجت ودخلت معه

خالد رجع عند ابوه واعمامه للديوان

في الديوان..
الكل التفت للباب شاف جدها دخل
الجده شافته قامت: يوه صرفوا ماداك ياحج

الجد : واحنا مالحقناش من حقهم البعاسس هذه جي نلحق لنا صورتين معهم

النسوان ضحكين
الجد وقف بينهم الاثنين حضن سندس : هيا صوري يابنت

بعد الحفله والناس روحوا والكل بيتعشى..
رنا: وين سندس

رفيده غمزت لها واشرت لها (طالع بتتصل)

خالد حب يشاغله جالس يتصله وهو انتظار كنسل الاتصاال

خالد عاد الاتصال مرتين
كرم: ها خالد ماتشتي
خالد: ماذلحين ايش اشتي ها نذاله بتكنسل وعادك قبل اسبوع بتلاحقني

كرم ضحك: الله يسخرلك ياصاحبي بالي لي نفسك تشغلك وتخلي لي حالي.

خالد ضحك: بس اقلك لاتاخذ راحتك زياده
كرم بيضحك: قفل حرمتني في الخطوبه ماذلحين مرتك لاتخليني احظرك

خالد قام من فوق العشاء ياخذ راحته بالكلام: هنجم هنجم بعيني عادها عندي لاتخليني اطلع ادعيها واخليها تنشغل للصبح ترفع

كرم: مالك على مرتي شاجي اشلها

خالد ضحك: قلها قلش خالد انزلي تعشي لايسحبش بشعرش

كرم: والله اننا سجلت مكالمتك شاسمعها.


الجده شافت رنا: ماشاءالله يابنتي ماقد تميتي العده حقش واليوم بيسألو عليش واحده من الي جت مع اهل العريس

خالد رفع راسه شاف الجده ورنا

رنا مطنشه

الجده:والثانيه قريبه بنت عمي تشتيش لابنها

صفيه:, لو هم ناس سوا ليش ماتقلي عاد انتي في العده

خالد قاطع: صفيه ادي الشاهي من قفاش

رنا ناولتها الشاهي الي جنبها هي وصفيه

صفيه: واقهريهم امير وامه

امها: ماتفعلش شي امد تقهر حد ، تشتي تتزوج تتزوج لنفسها ماعلينا منهم

خالد: ياريتش توقعي ربع تفكير امي، ماهو حقكن الكلام هذا

الجد لاحظ ردود فعل خالد الايام هذه: وانت ايحين عتسافر؟

خالد: ماعد شسافرش

الجد: طيب والعمل؟

خالد: لما اخطب

امه ضحكت: ليش الناس يابني العكس مايخطبوا الا بعد العمل

خالد: لو اشتغلت في العمل ماعد شفضاش اخطب

الجد مركززز عليه ونظراته و رنا : في نفسك حد اخطبهالك؟

خالد اول نظره جت على رنا ولفت لاعنده: ايوه

الكل صاح: يهااااي يهي
رنا ساكته ليش بينحسه معي قوي هذه الفتره وهو معه واحده يخطبها ، يعني عشان وضعي بيعطف عليا

الجد: وانتي يارنا موافقه على اي واحد من الي جو اليوم

رنا : ولا واحد ماعد اشتيش اتزوج

خالد لفت لها وبيشوفها

الجد الوحيد بين الكل ملاحظ للي بيحصل: مش هو على ماتشتي

رنا لفتت له : ماقصدك؟

الجد : عتوافقي وبرضاش

ام خالد: الله يعوضها ويفرحنا بهم

سندس نزلت وهي مستحيه وفارحه

الجد : وين انتي تمينا نتعشى

سندس خافت من جدها : هاا كنت بينصلي( بهررت لرنا ورفيده يسكتين)

خالد شافها ضحك : ماشاءالله مؤمنه

الجد: صليتو جماعه ولا كل واحد وحده

الكل ضحكك عليها

سندس استحت وتخبت ورا رنا

الجد: ياسعم شيبت وخرفت مش انا داري بحركاتكم حق اليومين تيه

ثاني يوم تجهزين صفيه وبناتها و رنا وسندس يسيرين مع خالد صنعاء يبدأين يتكسين

رنا: نسير شارع جمال اول
صفيه: ماشي نخليه بعدا نسير اول اي مول اشتي لبناتي فساتين فخمه
خالد:اسمعي انتي وهي مابش بترول والدنيا طوابيررر وعيقرح المهر مساربه ياسندس، انا شاشلكن بقعه واحده عتكتسين لها ولكن وتجهزين عرس كامل من هذا المكان.

رنا بضحكه: خالد عادو يتخايله انه مسافر بيحلم قلك مكان واحد مش داري كيف بنتعب دوار من محل لمحل

خالد: هيا انا اوريش ونبسر بعدا من بيحلم انا ولا انتي

صفيه: من هي ياخالد الي تشتيها اعزمها عرس سندس نبسرها

خالد شاف رنا: اعزمش انتي، هي بدون عزومه بيتها ومملكتها

سندس صاحت:الله من هذه

رنا ضبحت من مدحه لها بعدين بتسال نفسها انا ليش بينغير ؟! اهدأي يكفي وانا صغيره تبهذلت هذه المره نظراته لي هي اكيد صعبت عليه بطلاقي و الي حصل معي ماعيحب واحده مثلي.

خالد قاطعها: وااا رنا مالش ساكته ، بنحاكيش

رنا: ماسمعت

سندس ضحكت: قد تلفتين السيارات الي جنبنا لهنا يجاوبين بدلش

رنا ضحكت: ناهي سرحت طننت

خالد عصب من السياره الي قدامه ضرب دلا على السكان

رنا غمضت عينها وماسكه وجهها

خالد بيشوفها في المرايه مافهم مالها

صفيه: مالش

رنا فتحت شافت خالد هادئ ( تذكرت امير لما كان يعصب ويشتم ويلاعن وينزل يضارب ) : توقعت خالد عيعصب ويندع صوت

خالد ضحك: ايحين قد ابسرتيني هكذا فعلت

رنا: داخل نفسها ماقد شفت منك الا كل خير ، انت غير الناس

صفيه: ياخالد انا معك شلنا المكان الي قلت عليه

خالد: قصدش معرض (شو عرسي؟

بقناتكم. ( طنافس 🎻وروايات🇾🇪 )

https://www.tgoop.com/FkamhSnanee3

السلام عليكم ورحمة الله وبركاته
الاخوه المتابعين الكرام🌻🤏🩵🩷
سيتم روايه ( بين ♥️قلبين ♥️)
الجزء الثالث عشر للكاتبه ( عبير الكبسي)


اول ماوصلين..
رنا شافتهم مشيو: جي نقي
سندس: اين
رنا اشرت لها ال بوث رقم٧٨
سندس: يووه على عبايات عرايسيه تجنن
صفيه لفتت لهن هي وخالد و رجعوا واقفين
الي بتعرض لهم: معنا خصم خاص للعرايس
سندس: طيب اشتي العبايه هذه شكلها حق عروسه يابنات صح
رنا: ايوه عجبتني
صفيه: عجبتني الجلابيه هذه قوي شليها ياسندس مطرزه تجنن
رنا : وانا عجبتني بس مكتوب خصم خاص للعرايس يعني لسندس بس
خالد حب يشاغب ويلمح لها يمكن تفهم : ممكن نشوف هذه لو سمحتي عجبت مرتي
كلهن لفتين لاعنده رافعات حواجبهن والبرقع مرفوعه نفس الشكل

خالد ماسك نفسه من الضحك مواصل الكلام: ها عجبتش ياروحي

رنا مبهرره
صاحبه المعرض: وعشان ثنتين عرايس خصم لكل واحده عشرين في الميه و والله قطع نادره مش مكرره حبه من كل شكل ونوع.

خالد شاف رنا مبهرره بيبرر: عشانكن النسوان اختي ومرتي ودحس وبعسسه لبست مثلي اشترت مثلي

كملين يشترين منها عبايات وجلابيات ومشين

رنا: ليش قلت مرتي حسستني ان به عسكري
خالد بيضحك :عشان تكسبي الخصم
رنا: بس حرام الكذب
خالد: الكذاب يعاقبه الله، وحاشا لله نكذب، مادراش ويجي يوم ون..

صفيه جت : مالك انت فضحتنا بخرطك

خالد ضحك: بينتكسى لمرتي انا حر ماعليكن.

سندس بهررت وشافت رنا: جنن ؟؟! ولا انا جننت !
رنا شافته مبهرره بضبح: هو جنن
صفيه مسكت يده: تعال حاكيني انا اختك، حبيبتك صاحبتك زمان تذكر حين كنت تكلمني بكل شي، مامعك بينحس الفتره هذه جلستك هنا مش طبيعيه ماعد رجعت ليش

خالد بضحكه و راها اشياء مبهمه : بيتنا وكملت دراستي اين اسير!

صفيه : خالد والله اننا حاسه في شي بس ماعدحناش جهال اغلط في توقعي

خالد شاف رنا جايه: مش وقت اصبري

في مكان ثاني..

احلام وصلت جالسه تشكي لامها من طبينتها و زوجها

أمير جالس ماسك التلفون وبيسمعهن يجابر ويتعرف على بنات جديدات

امها: مش وقت عادنا شاجننش لو تبسري رنا قالو فعلت ديكور مدري كيف على كيف قد النسوان الحاره كلهن بيتحاكين قالين ساع حق المسلسلات

احلام بقزازه: منهي والله ماتعرف تفرش ماسه عيد ساع الناس عادها عتفعل لاتصدقيش

امها: هيا ناهي ماصدق كلهن قالين ، واللبس لو تبسري قالين قمريه وانها قدها مدري كيف على كيف

احلام : مانفعلها واحنا ، شبعت عيشه مع اخي وجت تزنط على. النسوان

أمير ضابح

ام احلام: ومازد اقلش جو لها ناس بيسألو عليها امس قالو ملان الديوان يشتوها وقلك عيراعين تتم العده

احلام بعصبيه: تستاهلوا فارحين بها قمتو تخطبوها

امير عصب: خلاص وانتي من اللغاجه مالكن عتجلسين تعجنين الدنيا بهداركن.

احلام: وهو مابيفعل بيشتغل؟

رنا: كلمها كيف تحس بدون ماتقلها

خالد: خايف من ردة فعلها لاني ماعد اقدر انرفض مرتين

رنا: لو بتحبها صدق ماعترفضك ،و زد ماشاءالله عليك

خالد فرررح تشجع شويه

رجعين سندس وصفيه

وروحوا بعد ماوصلوا البيت..

رنا جاوبت التلفون وهم بينزلوا من السياره وبتتكلم معها والكل بيسمعها وهم بينزلو الاكياس

( مش عشان شي بس مدري احس مش جاهزه اتزوج ولو بعد العدة ،
جارتها الي كانت في السعوديه: انتي قليلهم اخو جارتي ارمل ومعه ثلاثه اطفال وعادو شاب ثلاثيني وموظف ومعه بيت وطيب والله يارنا لايسعدش)

رنا مستحيه ومش عارفه ترد :مش على الطيبه ،يلا تمام شاكلم اهلي لانش حلفتيني)

خالد قفل باب السياره بسرعه ودخل لاعند جده..

ياجد.. وينو جدي .. يا اهل البيت

جده مالك؟

خالد مسك يده : جي ما احاكيك

الجد خاف لايكون حصل شي: مالك

خالد: اسمع انا ..

شاف رنا بتمشي

الجد شافه: انت واصل عينك عليها، ولاقد تجمعتوا ساع الكناري هدره ولا تنجح

خالد ضحككك مسك قلبه وحب راس جده: انت حسيت وهي مارضيت تحس تعبتني

الجد: مابش داعي تحس الي في بالك مرفوض

خالد بدهشه وخوف: ياجد ليش

الجد: ابوها فيه ثلاسيميا وانا يابني ماعد قدرت يوجعني قلبي على حد ولا انتو ترضو لجهالكم التعب لو حصل

خالد: الله ياجد قل الكلمه بدون فال شوعه صدقني ماعيقع شي

الجد: سوي فحوصات ولها ولاتقلها السبب وبعدا شبسر انت ولا الي تقدموا لها لانه ماتجوز خطبه على خطبه تختار هي الي عتوافق عليه..

خالد مانتظر يكمل كلامه جده: خاطرك
.

رنا واقفه هي وسندس بالبالطو: هن الاكياس هولا كلهن تاكدي

خالد: جين تأكدين

خرجين بعده

خالد: اطلعين السياره الان بسرعه مشوار ضروري جدي قال

سندس: ياخالد تلفوني عيطفى

خالد مستعجل: مش وقت تلفونش اطلعي قلت

طلعين مشي

الجد واقف في الطاقه بيضحك عليه: الملعون هذا والله انه كان بيحبها كنت اتخايل حين طلب يخطبها انه غاوي وحب جهال، الله يسامحني بس حين وافقت لها تتزوج بامير وكسرت قلب خالد وقلبها مع واحد مايستاهل


في المستوصف..

رنا: ليش ابي فيه شي؟

خالد: قسما بالله مافيه شي ، بس لسبب

سندس: او عنفعل فحص كورونا

خالد: انزلي سكته وانتي

رنا' ليش احنا الثلاثه بس

خالد: بعدين عتعرفين سكته يلا ادخلي واجلسي يارنا

وانا شادخل بعد ماتتمي..

واقف خارج..


في البيت..

الجده: انت هكذا عتخلي الناس تصدق الكلام عليهم

الجد: الناس وهو مابش شي تكلموا ، وذلحين عيتكلموا وينسوا، اذا بيحبها وهي موافقه ليش لا خليهم

الجده: البنت ماقد تمت العده

الجد: واحنا ماقد عنوافق ذلحين بس على الاقل نعرف ، لو به شي شاحجز لخاالد يسافر على طول

توقعاتكم؟؟

بيت امير

مواصلات يتكلمين وشافنه جالس بالساعات يضحك ويجابر بالالغاز يدخل غرفته ويخرج..
امها بصوت واطي والله العظيم انها ماكذبت رنا فرغه واصل ومدري من معه مجابره قد ابوش قليه عيقرح منه دري انه باع ارض وسدد بدله وانه راكن رقده اكل شرب سمره وعيضيع عمره لا عمل ولا مره

احلام: طز فيه

امير بالسماعات مش داري ايش بيقولين.

في البيت بعد مارجعوا..
سندس: ذلحين ليش فعلت لنا فحص

خالد: ابسري هو احنا في بلادنا مابنهتم بهذه الاشياء ولا ضروريه اي اثنين يفحصوا قبل الزواج عشان فصيله الدم والثلاسيميا وفيروسات الكبد..الخ

رنا: وياسعم هو شرط كرم او كيف؟

خالد : انتين ليش يعجبكن تفعلين تحقيق

رنا: دغزوني بالأبر وانا مالي دخل وماتشتي نحقق معك

سندس: والله انحنا هبل انا وانتي قد كنا عنحمل مع صفيه لداخل مع جينا معه

خالد: هيا من الدلع هي الا ابره

سندس: قلك دلع

رنا: شكله مابيحس

خالد ضحك: والله انو انتي الي مابتحسي ، ارحميني بس

رنا ضبحت: من ايش ارحمك مالك معلق هذه اليومتين محد بيرحمك

خالد بيضحك : هانت يارب تمها على خير

سندس شافته بنص عين وشافتها وسحبتها من يدها: ادخلي والله انه ناوي يلحق فاتح المجنون الي في حارتنا

رنا مشيت معها وبيضحكين عليه

خالد دخل لاعند جده: فعلنا فحص ذلحين كيف

جده باستغراب: طلعت النتيجه؟
خالد: مع
جده : راعي وارجع لي

خالد: طيب فرضا مابش شي مافعل

جده: تجي تتقدم لها ساعك ساع غيرك وبعدا تراعي لوما توافق ونوافق كلنا


خالد بضبح: ياجد ليش الحركات هذه واحنا اهل

جده: هكذا عندي بناتي يجو لهن ويتشرطين ويدلعين على مايشتين

خالد: خيره الله ، طلع غرفته..

وهي في الغرفه..
امها: تجهزي والبسي يلا

رنا: اين؟

امها: عتسيري عند جدتش ( ام امها)تاعبه اجلسي عندها الفتره هذه اوبهي لها

رنا: طيب يمه والكسوه اشتي اخرج مع سندس

امها: مش ضروري كما فؤاد الي عيشلكن سرتي

رنا :يعني ذلحين الموضوع عشان خالد

امها: ايوه ، يتخايلش مابينبسر خرجه دخله مجابره واصل ونظرات وحركات

رنا بصدمه: يمه ايش من حركات مابش شي والله

امها: بغير جنان لاتحلفيش، اسمعيني وبس يلا شاراعيلش نازل نسير نبسرها انتي تمسي وانا ارجع


الليل ضبح بدونها لي البيت وافتقد لها..

دخل صفحتها في الفيس لقيها اونلاين بدا يختلق اعذار يكلمها: صفحتش حاليه قوي

رنا فرحت شافت رسالته ردت

خاالد: البيت طافي بدونش

رنا: يلا سهل افتهن شويه

خالد: قلتلش مشكلتش مابتحسي

رنا: ضحكت جالس انت والاحساس

خالد:ايوه جالس لوما تحس وتفهم

رنا: وين هي اسكه قلي رقمها ولا بيتنا اسير ادكمها في راسها جننتك وجننتنا معك هرمتنا عليها

خالد ضحك: اقلش

خالد: اقلش شي ، هل لو قلتلها اننا بينحبها واموت فيها لدرجه غصب عني في كل مرحله من عمري حبيتها وتمنيتها ، فكرت في الطفوله انه حب وقلت غوا ، حاكيت جدي عليها وانا في الاعداديه قال عادك جاهل ومابش عندنا بنات يراعين لوما تتم مدرسه وجامعة وتتوظف

رنا بتقرأ وهي حاسه قلبها بيدق ليششش نكر حبهم وذكر حبها من هذه الي كان يحبها وفضلها عليها وكيف ماحست هذك الفتره انه كان بيحب واحده

مصدومه وضابحه من هذه البنت

خالد: ايس افعل يارنا اسكه قليلي

رنا بضبح: قلها تحمد الله وتشكره عادهل بتزنط عليك وانت زيدت بها ، ذليت نفسك قوي ياخي ماتشتيك طز فيها

خالد ورا الشاشه بيضحكككك

صفيه دخلت: خالد عتسير تشتري حليب لبنتي

خالد بحماس: والله ماهووو ووووقت يا صفيه ابدا

صفيه: خالد قوا عاد البقاله فاتحه بينبسرها من الطاقه

خالد: فؤاد حاكيه، جدي قلي لجدي يخرج بحجر الله ياصفيه مش وقت

صفيه: جدي يخرج قسما انك قد انت بتخرف الله يعينك

رنا بزعل وضبح وغيره شويه بس مستعده تساعده : ياخالد تشتي احاكيها؟

خالد: ياريت ، وقليلها انتي مابتحسيش
رنا :مع شاحاكيها والله بعقل وانت لاتزيدش الجنان هكذا فيها عتزنط عليك

خالد بيضحككك ومتحمس حاسس انه قرب يعترف لها : شوفي تزنط تفعل الي تشتيه قد ملكت قلبي و روحي والله لاجنن فيها جنان

رنا ضبحت: ناهي هيا ادي الرقم طز فيك اجنن ولا ماشتيت

خالد: مالش ضبحتي

رنا : الصدق لانك صدمتني كيف حبيتها في الطفوله، مش كنت بتحبني ليش تخرط وعادك جاهل

خالد طنن قدام الكلمه وبيضحك كتب: ايوه حبيتش

رنا: وكيف حبيتها

خالد: ماتساليني كيف حبيتها
رنا: هات رقمها هيا

خالد : طبع لها رقمها وبتوتر ماسك وجهه ودقنته بيمسح لحيته وعينه على الشاشه مركززز

رنا شلت الرقم وبتلصقه في خانه الاتصال وداخل نفسها: نبسر من هذه التافهه الي زيدت الزنط خالد الشخصيه الي راكز وعاقل وو وقع هكذا ابسر مالها..

اتصلت مكتوب انا ( ماكانت حافظه رقمها بس مسجلته)
انا ، كيف انا؟ شكله غلط

رنا تطبع: خالد شكلك غلطت رسلت رقمي

خالد: قلتلش مابش معش احساس وفيسات ضحك، حبيتش وقد تلفونش بيقلش انا مازيد افعل تحسي وتفهمي

رنا باستغراب مش فاهمه عليه: قصدك انا؟

خالد: ايوووه انتي يارنا افهمي تعبتيني مابتقرأيش احبشششش طيب اسمعي
( سجلها صوت : .احبش يارنا ياحب طفولتي ومراهقتي وسبب ضياعي في شبابي وذلحين حين رجعتيلي شاقلش احبش واشتيششش حلالي)

رنا بتسمع مبهرره ماسكه وجهها ابتسمت لما عادت تسجيل الصوت مره مرتين بتتفرج حولها: هي بتحلم؟ يعني نظراته كانت اعجاب مثل ماحست..

خالد مراعي لها بيرسل قلوب ويشوف بيوصلين لها تمت المشاهده.

خالد مابش صبر لطنانتها ورسايلها اتصل اتصال

رنا تكنسل حاسه قلبها بيدددق ومصدومه

خالد اتصل مره ثانيه

رنا جاوبت ضحكت اول ماسمعته قال

خاالد: اخيرا قلتها وافتهنت

رنا: خالد انا حاسه انك تاعب صدق حين فعلت فحوصات

خالد: والله مانا مريض ، بس عتمرضيني وتجلطيني انتي

رنا : طيب كيف ذلحين حبيتني، احسك متسرع ياخالد يمكن حين

خالد: لاتقليش يمكن ولامتسرع حب طفوله اقلش

رنا: بس حبيت لما كبرت

خالد: مانكرش وشاكون صريح معش حبيت لانه ماعد كان بيدي شي وقتها غير ارتبط وعرفتها فعلا حبينا بعض بس مابش نصيب وانكسرت منها ولما شفتش اول مره واحنا راجعين بغض النظر انش بنت عمي معرفش ليش دخلتي قلبي يعني احساسي لاعندش شي ثاني انتي احسش حاجه اعرفها قووووي قريبه من قلبي قوي ضيعتش مره ومستحيل اضيعش هذه المره

رنا: كيف ضيعتني
خالد: تعرفي يارنا حين قالو عيخطبوش وجلست اقلش هو وهو سرت كلمت جدي بهذلني قال عادك جاهل بطل قله عقل اخطبلك قلتله كان لاتخليها تنخطب قال ماعتعنس البنيه وهي مراعيه لك، ثانيا حلفت يمين ماواحد فيكم يتزوج الثاني اخوه كلكم غثيت اقتهرت مابينت خفت من ابي وامي وعمي وعمتي يضربوش او يصيحو فوقش


رنا تنهدت: يو ياخالد ماصنف لك تنبش الكلام هذا كله الان

خالد: ليش مضايقش؟

رنا: مش مضايقني بس انا كنت احس يمكن استبعدت نفسي لان قد اخذت تجربتي وتعقدت منها مافكرت تفكر فيني والصدق انت تستاهل احسن

خالد: هاتي احسن منش وانا موافق اسكه اديلي واحده تدخل قلبي ....شاف جده بيمشي
رنا: مالك سكتت

خالد: اهلا ياجد حياك الله انت بكلك في غرفتي ماشاءالله اول مره تجي لهنا من حظي اليوم الغرفه حقي زوار ومحد بيعبرني

رنا بتضحك في الخط

جده: ايحين عتغلق اشتي احاكيك

رنا: هيا ابسره وانا اسير ادي العلاج لجدتي قبل ماترقد..قفلت وهي ملخبطه مش عارفه ايش بتسوي شافت العلاجات وبتكلم نفسها


الجد: قبل مارقد اشتي اقلك لاقد تحاكي حد ولاتحاكيها انك تشتيها، لما نبسر الفحص حرام تكسر قلبها

خالد انصدم انه قد استعجل هز راسه: تمام

مسك نفسه لاعد يتصلها وجلس للصبح منتظر النتيجه اول ماطلع الضوء راح وجالس يلوي قدام الباب لما فتحوا

بعد ساعات وقريب الظهر اخذ النتيجه
كل شي سليم هو وياها وسندس..


وصل لاعند جده كان واقف بيقصقص الشجر اليابسات ناوله الفحص وهو مبتسم : ها كل شي سليم

الجد شاف اللهفه في عيونه: ذلحين جهز مبلغ حق شنطه خطبه لو وافقت ،تدي مثل الناس كلهم وتتقدم رسمياً لي وعمك..

خالد حاضر من عيني وايش ياحج مافي نفسك

الجد بفرحه: ماشوصيك لاني بينبسرها من ذلحين في عيونك

الجد: ماشوصيك لأنني شايفها من ذلحين في عيونك

خالد حضن جده وحبه فوق راسه: هي اصلا عيوني بكلها

الجد: سير ادي المفرس وجي نوضع البقعه هذه ننقل الشجر

خالد تمام بدأ يشتغل معه في الحوش

في غرفتهن ..
سندس بتوريهن الي اشترين : وهذا والكل ذوق رنا

امها : روعه ليش ماشليتي اثنين
صفيه: قلتلها قالت مع تشتي تنوع

ام رنا: هذا حالي يابنتي نوعي بس شلي اثنين

صفيه : تمام اليوم نسير لاني اشتي ارجع بيتي

سندس بضبح : ياعمه خلي الفارغه هذه رفيده تسير بدل رنا، احتاجها والله انها ضخمه ذوقها حالي

صفيه : وانا اشهد الصدق ، ماقدرش انسق ابدا ، هي امس ساعدتنا

ام رنا عشانهن :٠ يلا تمام وحين ترجع رجعنها لبيت جدتها و رفيده ترجع

سندس: حاضر

في بيت جدتها تمت رفعت ونظفت وطبخت وهي مراعيه تتأكد امس كان مريض او خزن؟
اتصلت لسندس

سندس: تجهزي عنتعدا ونجي لاعندش امش رضيت تجي معنا

رنا فرحت وذكرت انها عتخرج معه مسكت قلبها بيدددق: يا سندس اشتي اسألش خالد امس خزن؟

سندس بتداعي: ياااخالد

رنا: خلاص اسكتي لاتصيحيش وتسأليه انا سالتش انتي
خالد دخل قدو تاعب من الشمس والزراعه: اديلي ماء

سندس : ماشصيحش قدجا شاسأله، خالد انت خزنت امس؟

خالد: هذا كرم؟
سندس: هيا ناهي ماذلحين لو مسكت تلفون قدو كرم، والله انها رنا

خالد ضحك: قليلها ماخزنش
رنا سمعت صوته ومستغربه كيف اعترف لها الليل و ذلحين مش باين عليه

سندس: هيا تجهزي انتي وياه عنخطى بعد الغدا نشتي نوصل بدري قبل الزحمه

رنا تمام
خالد بيكلم نفسه: ايووه فرصه وانا اطلع ابسر كم معي زلط.

في غرفة الجد..
الجده معصبه: ياحج ماضرتنا الا تيه الكلمه ابن عمها اولى من الغريب، سمعت ماقال الدكاتره يكفي كيف طلعت عيني مع ابني ماعد اشتي حد يجرب الجعجعه ووجع القلب على ابنه،

الجد: بنقلش فحصوا بخيرين بتفهمي او ماشي

الجده: ناهي بخيرين والبقيه عيقلدهم وجهالهم بعدهم

الجد: يهي يهي عاد الحجه حقي بتهم الذريه كلها ،بعقلش يامره

الجده: والله انه انت الي بتجنن انت وياهم

الجد ابتسم بابتسامه شيطنه والتجاعيد حول عينه: مافعل مجرب له ،تذكري حين كنت ابدي للحوش لو اشتي ابسرش ارجم الحجار لاعرض الخزان وانتي تبدي من الشاقوص مابسر الا عيونش

الجده ضحكت وخزيت غطت طرف فمها باللثمه

الجد: بخيرين مافيهم شي خليهم ،والجيل هذا قد. واعي ماعيسخوش هم على عيالهم.

الجده: مابينبسرش الي انت بتبسره وبعدا ابو رنا عيرفض قد انت داري كيف كان يجنن حين نقل وهم جهال خالد لرنا و رنا لخالد

بعد الغداء تجهزين وخرجين بالسياره
خالد متحمس بيتمرى في المرايه وبيرتب اطراف الشنب بعد ماحلق لحيته

سندس شافت لصفيه: يوه ماله

بعد الغداء تجهزين وخرجين بالسياره.
خالد متحمس بيتمرى في المرايه وبيرتب اطراف الشنب بعد ماحلق لحيته

سندس شافت لصفيه: بسم الله وهذا ماله قدو بيلمع هكذا وشم العطر لخارج

صفيه:قد انتي داريه ابسر امس البناات اشكال وانواع

خالد لفت لها بإحباط من جملتها : وانا حق هذه الاشياء؟ قد عمري لفتت لبنت وتبسرتها وقعيت ولاحقتها

سندس ذكرت ايام طفولته برنا : ايوه

خالد لفت للمرايه : ايحين ياكذابه قد ابسرت بنت عيب والله ماهو طبعي الي ارضاه لكن بينرضا على بنات الناس

سندس :اعصابك، انا مقصدي رنا..

خالد حس قلبه امتسك معقول قد سندس ملاحظه

سندس بتكمل كلامها: رنا وانتو جهال كنت تجلس تتبسرها
...ضحكت فجاه ياخالد كنت تحبها وتتبسرها بس ليش اوقات تقوم تضربها او تحانكها

خالد ضحكك وبيسوق وقف جنب بيت جده رنا وطرقلها: كانت تقرح قلبي معانده ومحارشه

رنا كانت واقفه فتحت الباب وخرجت وهي بتشوف للارض وطلعت متوتره كيف تقابله بعد اعترافه لها بتفتح الباب

خالد لفت من الطاقه وشافها

رنا وهي بتطلع : ايش فيه متغير منور مبتسم يمكن عشان كلمني مبتسم لي يعني ذاكر

سندس: اهلا بالمحارشه بختي قد بنعامل لش معامله تعب ماهو هذا

رنا ضحكت:ليش محارشه
صفيه: خالد بيتذكر ايام المجهاله
رنا يعني كلمهن مافعل

كأنه قرأ افكارها خالد بيبرر لها لاتفهم غلط: قالين ليش كنت اتبسرش واحنا صغار ...شرح لها الموقف

رنا ضحكت :كنت تستاهل المحارشه

خالد: وذلحين عتحارشي بي
رنا بتشوفه ويشوفها في المرايه وبتهز راسها ايووه
سندس: مافعلت تحارش بك

خالد ضحككك بيكركر : قلك مخزن

رنا ضحككككت من ضحك خالد ومن وضعهم

صفيه: ابسري على تفاهه فيهم بيتساررو سكته واحنا ولا داريات بشي

سندس: يعلم الله مامخططين ، مقلب؟

خالد ضحككك
رنا وهي بتضحك: ماشي والله

خالد رفع صوت المسجله

رنا متحمسه تسمع ايش هذه المره عيسمعها ،بتتفرج من الطاقه وبتشوف لأول مره نظرتها غير عيونها مركزه على تفاصيل مرحه في الشارع مثل ضحك شباب بيتكلمو واقفين ولمبات عرس في حاره ، سياره مزينه، بنات صغار بيرقصين. داخل السياره بتتحيلى لهن وبدات شدتها الكلمات سمعتها ولفتت له لقيته بيشوفها من نفسه

خالد شافها من الطاقه سارحه بيركز نظره قدامه ونظره للمرايه الي جنبه وبيلمحها فيها

اول ماوصلوا المعرض
خالد بيمشي مع صفيه متحمل بنتها

ورنا وراه هي وسندس

رنا شافت ثنتين بنات جايات وبيتفرجين له ويتشاورين سمعت اخر كلمه منهن: واووو وسيم

سندس :ضحكت سمعتي ماقالين الله يقلعهن لو سمعهن.؟


رنا كانت مابتضحك ليش حاسه ان الشعور مستفز لها،
بتغير عليه بتحبه ،
معقول من اعتراف في يوم وليله ولا كيف !!

سندس فلتت رنا وبتمشي لاعند المحل

خالد لفت لهن و رجع هو وصفيه

صفيه: يا بنتي اول اخطي عند الثيابات المهم

سندس: تعرفي اهم شي عندي ايش
رنا: الشنط والجزمات قد الدواليب حقش ملان

سندس بتتحيلا للشنطه: روعه هذه تحسي بفخامه وهي في يدش وشكل مختلف عن الي في السوق اديها لو سمحتي

خالد لفت لرنا: وانتي ماتخوريش شي ؟

رنا بهررت له: ماشي
خالد مشي من جنب صفيه و راح لناحيتها: انا قد حاكيتش او مع؟

رنا حست الموضوع مهم من جديه ملامح خالد ونبرة صوته: ماهو؟

خالد لفت شويه على جنب ومقابل لها وحدها عينه بعينها : بينحبش يامخزن، كتبتها وسجلتها وذلحين وعيني في عينش

رنا شافته وتلفتت لكل الي موجودين حاسه بتوتر واحراج وكأن الكل سمع معها اخذت نفس عميق وهو مبتسم بصوت واطي : خالد بس جنان مش خارج

سندس جت لاعندها: هيا مالكم ماتختارو معي

خالد: شالبسهن انا او ماشي؟

رنا شافت صندل: واوو هذا يجنن الموديل ادوه في كسوه صحبتي عجبني قوي

خالد انتظر لما خرجين واشتراه ولحق بعدهن

في البيت..
الجد والجده بيتكلموا مع كل واحد فيهم يشوفو رد ام خالد و ابوه وامها وابوها بس ماقالو انهم لبعض

ام رنا: ذلحين والله ماخلي بنتي هكذا تفرح فيها كل ماشافتها ام امير شازوجها وافرح بجهالها

الجد: ايوه اكيد
ام رنا: بس هي تبطل العناد ماعديش راضيه من مره حسبهم وامرهم لله

في البيت الثاني بيت امير

امير بيتكلم مع واحده في التلفون: ليش انتي هكذا شايفه نفسش ، انا مابش واحده قدرت عليا ،كلمتي بتمشي على الكل خلاص لاتحاكينيش غلقي يلا... اتصل لصاحبه وجالس يضحك معه: ياخي بنات مريضات يصدقين اي حد قلهن احبك، وبعدا هذه غيرهن جنيه شتمتني قالت بطل تتصل وو اول شي تخايلت بتقلد عليا حركات الادب بس بعدها منها صدق البنت ولا حركه هنجمه.. بس يا اما اكسر راسها ولا اشلها الصدق يكفينا بنات بيبيعين عشره ويهربين مع اي حد

دخلت امه بعد ماكنت بتتسمعه : غلق
امير بضبح: بينتحاكى اصه ويغظي الميكرفون
امه صيحت: قلتلك غلق ذلحين لاسمع بك الي بيتحاكى معك واربيك انت وهو

امير شافها ماسكتت قفل وقام وقف معصب: ليشششش ترفعي صوتش وانا بينتحاكى في التلفون مع الرجال

امه: ومافيها لو سمع صوتي؟؟ هاااا بتصيح مافيها يا وقح ياضايع

امير معصببب : استغفر الله العظيم من هذه الليله شكلها دبور

امه: على راسك ياعاصي والديك مافيها لو سمع صاحبك صوتي حاكيني

امه: لانك وقح وبتساير وقحين مثلك لو انت محترم و داري ايش الام والصاحبه والمره، انا كذبت بنت الناس وظلمتها. و ربي خرج الظلم عقاب عاقبني بك واختك ، تشتي الصدق هذك انت ماعتتغير

امير: ظلمتيها هذه البياعه الخاين

امه: والله مابياع وخاين الا انت، ماهي بنت ناس صبرت عليك رفعت يدها الله يسخرلها ويعوضها ويفرح قلبها يمكن ربي يرجع يهديكم مادريت كيف اكفر عن ذنبي وظلمي لها

امير معصب: يسخرلها صاروخ يسخرلها البايعه الي فلتتني

امه بعصبيه وضبح بتدكمه في راسه: فوووق من الكذبه الي كذبتها انت واختك وصدقت، اعقله هربت منك سمعتك في المستشفى بتكلم البنت وحاكت البنت وبيعت ذهبها

امير: هو امد تتعالج

امه: ياريت يتعالج مخك يابني ،العيب في من للمه تتعالج هي حاكيني كذبت وصدقت نفسك او جننت، الله يعوضش يارنا بحق كل كلمه جرحناش فيها
امير:ولاعيعوضها ولا حد عيرضى يشل واحده مثلها بايعه ناكره العشره مش هي حق عيشه، كيف ضعت بسببها ها

امه شافته: مابش فايده فيك قلت اصلح الغلط بالغلط وانه وقع غلط اكبر منه ، ضايع من يومك.

في صنعاء في المعرض
صفيه: والله ماروح الا وقد شليت حاجتي وحاجه بناتي زوجي عيغثى مني كل يوم خرجه

رنا رجعت من محل كانت فيه: قوا ياصفيه جي قوا اشتري هذا لبنتش للعرس قوا جي ابسري محلاه..سحبتها ومشيت

سندس شافت خالد :مسكينه كيف روحها في الجهال الله يسخرلها
خالد بضبح بيسافط رجع الطرحه حق البرقع على عيونها : والله مامسكينه الا انتي...شاف المحل والله انها ذواقه المحل فخم بقوه

سندس: موديلات الفساتين تركيه

خالد: كما كرم ذوقه اوروبي مايعجبه حقكن المطرز والمنفش والمطنفس خيرات

سندس ضحكت: والله مامسكين الا انت، قد عرفت ذوقه وبعدين بينستشيره في اشياء وهو صورلي فستان من محل عجبه سألني مقاسي

خالد ضحك: الله يوفقكم ويسعدكم ياعين اخوش انتي.

بعد مارجعوا

خالد: ماعد تشتين تسيرين بقعه
صفيه: مع هيا روحني بسرعه قد زوجي اتصل ورسل خيرات خزا منه
خالد: سندس

سندس: قدنا تاااعبه والله
رنا: يكفي اليوم كل يوم شويه
سندس: اليوم البنات بيتفرجين لك كلهن لو دريت اننا قلت لك تحلق

خالد: وانا ماحلقت الا لواحده تبسر وسامتي في حضرة عشقها كيف

صفيه: يهي يهي ومن هي هذه ان شاءااله

خالد رفع عينه: عتقلكن بنفسها لوما تقرر

رنا متوتره ومبتسمه

سندس شافتهم: خالد ..رنااا لاتخلونيش الخفج حد يتحاكى
صفيه لفتت لها: انتي داريه منهي؟

خالد: هي بتفعل نفسها مش داريه وهي داريه بالذات بعد تخزينه امس
سندس تحمست قربت طرف الكرسي: والله لوماتتحاكو الاثنين لافضحكم واقل انكم بتحبوا بعض

صفيه صاحت:رجعت بتحب رنا؟
سندس صاحت حضنتها: رنا

صفيه قدها جنب بيتها: يعني الله يقلعكم صدق ماشروحش ولاشنزل خطيني عندكم ابسر ماقصتكم

خالد ضحك: انزلي هيا عيب زوجش مايسبرش
صفيه: والله ماروح لومادرا، شاتصل له الان استأذن

بعد ماوصلوا البيت
خالد انا الصدق شاطلع وماشنزلش الا حين يرقدو
سندس: يو نسيت نطرحش بيت جدتش
ام خالد: سهل قد ابسرتكم تاخرت جلست هي هانك..ومشيت للديوان
رنا فرحت عشان تجلس مع البنات وبتسال نفسها البنات وعشانه فقدت له امس وهو يوم

صفيه: هيا اطلعين نصلي ونبسر ماقصه خالد حاكينا يارنا وهن بيطلعين الدرج وهو قدامهن: يحاكيكن هو مادراني انا ماعيقول

خالد من راس الدرج: بينحبش ماشقول.. وطلع بسرعه غرفته يتجهز للصلاه

صفيه وسندس سحبينها للغرفه: تحاكي كل شي من البدايه يلا الان ذلحين

رنا: طيب اصلي
سندس: الحمام مشغول تحاكي
رنا بتكلمهن ايش قلها
صفيه : وايش رايش انتي
رنا: انا اخذت تجربتي يا صفيه وخالد ايش ذنبه يشل واحده قدي معقده

سندس: اسكتي قلك معقده ، انسيه ولاعتجلسي تفكري فيه عمرش كله مايستاهلش ، احرقي قلبه ووافقي خالد طيب

رنا: هو عشان طيب مش ساخيه عليه
صفيه: بس خباله مادخلش انتي اختارش هو خلاص بطلي رحامه وحركات هنديه

رنا ضحكككت
صفيه سارت لاعند خالد بيرتب الاشياء الي اشتراها: جي لهنا عادو بيجهز الشنطه

صفيه: ماقصتك

خالد: احبها واشتيها مابش قصه
صفيه: عادك ذكرت
خالد: مانسيت بس ماكان وضعنا مناسب وقتها الان مابش مانع مراعي تتم عدتها بعد عرس سندس على طول شاشلها واخبيها في قلبي

خالد: حاكيت جدي ورفض بالبدايه بعدين وافق

صفيه فرحت: يو يارب يفرحني بكم يعني الاكياس الي كنت تناولني كلها حق شنطه خطبه لرنا

خالد:ايوه

صفيه ضحكت: بس بينحسها مش موافقه متحسسه انك تستاهل واحده مش مطلقه

خالد: ايوه ماعليش منها شاشلها غصب عنها

صفيه ضحكت ..دخلت سندس

خالد هرب خرج لقيها وهي بتنزل : وين عتسيري جي عاونيني فيهن

رنا ضحكت: قد كمل دوري وانت دبر روحك.. نزلت

وهن لحقين بعدها

ام خالد: هيا عشاء يابنات انزلين

قربين وام رنا وصلت : اتصلت جارتش والرجال حاكى ابوش ودامهم ناس محترمين موافقين

خالد قام طلع غرفته شل شنطه الخطبه ونزل: والله مايسبر ياعمه ان قد تحاكيت قبل الكل

الجد بيضحككك: مابتفعل؟

خالد: اخطب ذلحين اجلسو مكنوني جا خاطب سألو عليها

رنا منصدمه بتتفرج البناات كاتمه ضحكتها وماسكه فمها

ام رنا: لمن تحاكيت؟

خالد: اخطب رنا، عادنا كنت شاقلكم كلمت جدي

ام خالد: وانا بينمكنك يابني اخطب لك ابسرتلك بنت وانكم متفقين جاهزين ماشاءالله

ابو رنا لفت للاب: وكيف توافق يابه؟ وانت داري اننا رافض زواج من الاسره ، ضبح قام من فوق العشاء

ابو رنا بيمشي للديوان
ابو خالد: اجلس تعشا

ابو رنا طنش ومشي

الجد: خلوه لحد يحاكيه انا شاتفاهم معه

ابو خالد لفت لابنه: ايش صنف لك انت وهكذا هذا الساع تفعل!

ام رنا: ماعد انتو جهال ، ذلحين تصرفاتكم قدي صدق

خالد:ايوه صدق ياعمه مالش او حد عيلعب في موضوع ساع هذا

الجد شاف السفره رجعت صياح وكل من بيتشارع مع الثاني: للشباب هيا كل واحد غرفته ، وانتين قومين رفعين وغسولين والكبار الحقوني للديوان

سندس بفصله والجو حامي: ريت والله وجدي غلط وقال الشباب يرفعو ويغسلو

رنا قلبها بيوقف من الي حصل انصدمت بكلام سندس الي كلهم سمعوه وماضحك غير جدها وفؤاد

خالد ضابح من رده فعلهم وخايف

رنا متوتره من ضبح خالد بترفع كل الصحون للصحن الكبير وقفت تشتي توطي تتحمله

خالد رفعه ولفت لها: ثقيل عليكن

الجد اشر لابو خالد ومرته وام رنا وصفيه :هيا هاا

ام رنا ضبحت وسارت الديوان وهي بتتصل لاخوها يجي يشل رنا عند امها
صفيه ضحكت: هيا امي وابي وجدي سيرو بعدهم نقوم نكنس البقعه

في الحوش مراعيه خالد يخرج من المطبخ تدخل هي وسندس يغسولين

سندس: ذلحين مارأيش انتي ماعيحصل

رنا: كنت متأكده عيرفضوا عيقلو ليش يشلني ليش مايتزوج واحده

سندس: انتي بطلي افلام هنديه مادخلهم اذا صاحب الشأن اختارش
رنا: يمكن عمتي
سندس: على فكره امي ولاقالت شي ساكته واثناء الكلام هزت راسها حسيت موافقه

رنا: ماله خالد تأخر
سندس مدري .مشيت بديت تشوفه وضحكت،: بيغسول والله عشنا وشفنا يارنا

رنا شافته: خالدد؟؟؟ مراعياات لك تخرج واحنا عنغسول

خالد : عادي كنت متعود في الغربه لما أضبح اقوم ارفع واغسول انسى الضبح

سندس ضحككككت : ساعش يارنا ،يعني لو تصايحتوا الاثنين عنجي والبيت بيلمع

خالد ضحك شافها: لحالش ياسندس مامفتهن الا انتي

سندس شافتهم: وانتو يومين وسبر الوضع خلوهم يهدأو

خالد شاف رنا يدها في فمها نفس الوقفه الي توقفه وهي متوتره لما كانت صغيره رجل قدام رجل وسانده نفسها وكتفها للباب : وانتي اهم شي عندي موافقه

رنا ضحكت خبت وجهها للجهه الثانيه

خالد ضحك رجع يغسل الصحن وطرحه : جي كملي ياسندس راح الضبح

سندس ضربتها : جحفه هيا ادخلي بدله انتي ساع مافلت الغسوله بسببش

رنا ضحكت هربت من وقفه خالد جنبها و رجعت تغسول بدله

سندس: يوه محلا مرت اخي وهي طيبه تستمع الكلام
خالد: اصلا قد اخوش غسول لها نص الغسوله

رنا مبتسمه وهي بتغسول

خالد فلتهن ومشي طلع غرفته

سندس: مقدره احساسش تخزي والله يجي كرم يسألني هكذا مارايش فيني حين تقدمت وافقتي وو واستحي ماعرفش ماقله

رن التلفون اسمه صاحت: يوه كل ماذكره يتصل

رنا ضحكت: القلوب عند بعضها
سندس اشرت لها تسكت

سندس اشرت لها تسكت وفتحت: الو
سندس بخزا وعينها على الارض :مساء النور ، صدق مابسرتش الرساله ، ها تطمن مابش شي وخالد ماجاوب كان بيتعشى معنا،

كرم :ايوه اتصلت له الان قفل قال عيتصلي بعدا صوته ضابح ماله

سندس ضحكت: اصلا صاحبك فعل لنا جو اكشن قبل شويه طرح شنطه الخطبه وسطنا واحنا بنتعشى خطب بنت عمي هكذا فجأه لما حنب اللجع في فم الكل

كرم: اخيرا تشجع فعلها يعني قلها

سندس شافت رنا وبهررت وبتأشر لها باليد الثانيه وتتكلم بحركه الفم بس

رنا مافهمت بتاشر لها: ايش..قربت تسمع معها
سندس فتحت الصوت

كرم: كم اهرمنا اخر فتره من بعد مارجع وحين هي موجوده خلاص ولاعد بسرناه

رنا استحت وبتضحك ماسكه فمها
سندس: ايوه هو من حين رجع ذكر يحب وهي قباله من صغرهم

كرم: الله عارف اخوش اكثر منش، انتي داريه حين سافر كان يجلس يخط اسمها يرسمه رسم بعدة انواع خط يبدأ يرسم عيون وبعدا يخبي ونقله ليش يقلنا حب الطفوله ويرفض يتم يرسمها لانبسرها.. وضحك

سندس ماسكه وجهها وشافت رنا
رنا مقوسه فمها باستغراب ومنسجمه بتسمع

كرم:ولما احاول اعرف منه ماحصل كان ينكسر ويقل خلاص الله يسعدها ويهنيها وين ماكانت ماينفعش اذكرها

سندس:جعلي مكسر عليك ياخالد انت و رنا

كرم: وانتي مالش تتكسري وانا لمن،بطلي الدعاء هذا كم مره حاكيتش

سندس: حاضر
كرم: حضرلش الخير ياقمر وحشني صوتش

سندش شافت رنا ارتبشت غلقت مكبر الصوت وهربت للحوش تكلمه

رنا ضحكت عليها تمت غسلت يدها ومش عارفه تطلع او تجلس خايفه من امها

حست تلفونها في جيبها وضع هزاز خرجته تشوف مافي اتصال ، بس اتصل وهو في يدها بتقلب في النت

خالد: مالش جالسه في المطبخ قد غسولت انا

رنا: مش قادره ادخل انت قرحت الموضوع وهربت
خالد: طيب ومافيها ، كل يوم والثاني قبال عيني يتحاكو على خطيب وناس جو وناس سارو ليحين اراعي لما يشلوش عليا

رنا: بس ابسرت ابي كيف غثي

خالد: اي والله كنت راكن جدي وافق وانه خوفني عمي بس ولاعليش الا اجلس بعده بعده لما يضبح

رنا شافت صفيه: بينكلم

خالد: قليلها خالد مالش مفتجعه
رنا بتضحك ساكته

خالد من الطاقه شاف صفيه بيداعيها: بتحاكيني

رنا بتضحك : انت مجنون والله انك زيدت بها لو يسمعو

خالد: ايوه اشتي يسمعو ولا اقلش راعي شانزل الديوان ةيش متخبيين منهم شانزل اناقشهم ابسر ليش لا، يا اقتنع او اقنعهم.

رنا غلقت وماسكه وجهها بتشرح لصفيه.

في الديوان

خالد دخل : مساء الخير
امه بفرحه: ذلحين راعي للعده حقها تتم وبعدا تخطب
خالد: يعني عتبطلين جو لها وسارو
ام رنا ضحكت: زكاكم عقولكم بس

خالد: يعني موافقين

جده مبتسم
ابو رنا: انا يابني من التعب الي فيني هذا كرهت زواج الأقارب

ابو رنا: انا يابني من التعب الي فيني هذا كرهت زواج الأقارب لو عليا لافعل قانون امنعه لكن دام فحصتوا خلاص

خالد انحرج كلهم بيشوفوه حاول يتهرب، طيب تمو تجابرو..وخرج دلا بعدين مشي بسرعه اول ماخرج من باب الديوان

سندس ماشيه للمطبخ تمت تكلم كرم وهن جالسات بيتجابرين

خالد مشي من جنبها بسرعه وقف وملامح جاده فيها ابتسامه بهدوء: وافقو وخرج طلع لغرفته اتصل لكرم

سندس:سمعتي ماقال كرم ابسرتي

صفيه: ماقال

سندس: تخيلي ياصفيه اخوش المعرص هذا كان يحبها ولا قلنا ولاقلها ولافعل شي جلس مدعمم كاتمها داخل قلبه

صفيه شافت رنا ساكته: بس بينحس رنا قد ماجننت به قد ماذلحين مابش في حسها منه صح

رنا شافتهن ضحكت: المشكله انكن خواته ، الصدق انكسفت منه وانا صغيره وذلحين مش عارفه اعبر عن مشاعري له ، اما الحب والله اني احبه من صغري و زد ذلحين كيف بيسعدني ويسندني ونساني همي، شعور ان حد شاريش هكذا ومسيمخ للكل بعد ماكنتي واحده مهمشه عند مش مقدرش ماعد باقي بعده!! ماتشتين اقول حتى لو ما كنت احبه شاحبه صميل على هذا كله

بعد اسبوع..
ام احلام وهي رجعين من بيت ناس يشوفو بنت لأمير

احلام: طرحنا لهم خبر وعلى الله

امير بيجابر في التلفون مبتسم: كيف شكلها

امه: ماشاءالله حاليه

امير: وطبعها

احلام : كلهن بيمثلين المسكنه والاخلاق في البدايه لوما يرجع يبان كل شي على اصوله

امها: ريحيلش من الناس كم حذرتش ، ابسري على حريق دم انتي فيه وطبينتش

احلام: قد انتي بتعايريني يمه اكثر من الناس

امها: قلتلش بطلي الحكا في الناس خلاص كل شي سار بخيره وشره

امير: المره الجايه مشتيش يا احلام تتدخلي رجاء

احلام: ايوه اجلس بديهن علينا لو مايقلبين فوقك انت الاول

امير شاف امه: اشهدي عليها انا والله ماعد اسكت لها لاتخليني اقوم الطمش تتادبي

احلام انصدمت من امير اول مره يكلمها هكذا !! ايش حصل له ، حنقت منه واتصلت لزوجها يجي لها

امير : تسير الله معها، ذلحين كيف عنفعل بشنطه الخطبه

امه: شابيع لك جنيهاات معي بس بشرط تسير تشتغل ترجع للسعوديه تشتغل وترجع تتزوج وتشلها.

امير: قد وعدتش قلت حاضر ضروري تذلوا الواحد وشارجع لش الجنيهات

احلام: ها على وقاحه كيف بتحاكي امي

امير قام يشتي يضربها

امه مسكته : سيري غرفتش ذلحين

في التلفون..
خالد: يعني مقصدهم عيعاقبوني حين قلت اشتيش بيت جدش

رنا: امي قالت اجلس هنا لو مانتزوج

خالد ضحك: جبر كلمه نتزوج تذكري يارنا حين كنتي تقليها وانتي صغار واحنا بنلعب

رنا ضحكت

خالد: اوعدش اسعدش العمر كله ماغثي لش قلب واعيشش ملكه


في المطبخ
ام خالد: تصدقي يا اختي كم كان نفسي رنا لخالد من زمان

ام رنا: واحنا مامنعنا الا مرض ابوها

ام خالد: ذلحين مابش فيهم شي الله يسعدنا بسعادتهم ويفرحنا بهم

ام رنا: امين الله يتمم لهم على خير

بعد ايام واسابيع..

تجهيزات عرس سندس اول اسبوع عرسها

سندس: يو ريت والله وقد تمت عدتش نتزوج سوا، ولا درينا قبل مانحدد يعني تخيلي بعد عرسنا بأسبوع عتكمل قهر

رنا : سهل هذه فرحتش عيشيها واحنا بعدش يفعل خالد عرس انا مابش داعي

سندس: ليش ماعتفرحيش بخالد؟
رنا : بالعكس مش انتي متخيله كيف انا حاسه بجبر خاطر بس من القيل والقال

سندس: طز يقلو ماشتو اصلا قد خطبو له ماعلينا منهم عيشي حياتش وافعلي كل شي وذلحين لقيت لش فستان يجنن ابسري

رنا: قصدش لعرسش قد شليت

سندس: مع لخطوبتش

رنا:هيا ناهي شازيد افعل خطبه

سندس ضحكت: عتفعلي كلهن

رنا: بعدا انتي اصلا مابحد

سندس: شاجي ياسعم شافوت مناسبتين انتي وخالد

رنا ضحكت: مدري بينحس ماعدوش من حقي افرح بينهم نظرات الناس

سندس: خبلا اصلا مادخلهم ماعاشو الي عشتيه انتي وحدش يحق لش تقرري وتسعدي نفسش وتخلي الناس اخر همش ، ذلحين ابسري هذه لانا شوب بتدي اشياء تجنن هيا اخترت لش هذا الفستان

صفيه وصلت: عتبطلين مجابره وقومين جهزين مكان لبنات خالي وخالتي عيوصلين من صنعاء

سندس: انا حريوه لحد يحاكيني ماكرهن طولين اظافري

صفيه: ناهي لش اول واخر من عتتزوج،

رنا: قد كل شي جاهز بخرنا وجهزنا انا ورفيده

صفيه: يو لكن القوا، شانزل اجهز معهن عشان نكعك

سندس: وين خالد؟ اشتي ينفعني

رنا: في صنعاء مع كرم

سندس:ابسري على وقاحه مفلت عرس اخته وجالس مع صاحبه

صفيه ضحكت: بتغيري على اخوش من زوجش ماشاءالله

خالد رسل لرنا: قد حجزت ثياب للعرس والدعوات

رنا انصدمت: ايحين؟

خالد: بعد شهر

رنا: شالحق اتجهز بعد شهر

خالد: ماتحتاجيش شي شاخرجش الف بش السوق كله جمعيه وحجزنا وشليتش لو عليا لاشلش بعد اسبوع على طول بس اشتي افعل عرس حنان طنان شاتزوج حبيبه قلبي

رنا : بعد عرس رنا شارجع بيت جدتي عشان احس اننا حريوه وتفقد لي

خاالد: طيب يعني شاخلي زواجنا بعد عرسهم مباشره

رنا ضحكت: هذا وانا كنت عايشه عندك العمر كله

خالد: تشتي تحرميني من بسرتش تحملي..

بيت امير.

ام احلام بتتكلم في التليفون: بينقل اسير العرس عيب احنا جيران وكل شي في بابه

مرت جارهم: انتي في نفسش تسيري امد توريهم خطيبه امير

ام احلام ضحكت: ومافيها لابسروها ، تشتي الصدق والله ماعد في حسي المطابزه قد كل واحد شل قسمه ماذلحين نعيش ونهجع المشاكل والهدار الله يوفق ابني وهي يسخرلها

مرت جارهم: انتي داريه قد خطبها خالد طرح كلمه. مراعيين تتم عدتها وتتزوج قالو عيعرسوا على طول


بقناتكم. ( طنافس 🎻وروايات🇾🇪 )

https://www.tgoop.com/FkamhSnanee3

السلام عليكم. يااحلا حبايب قلبي💝😍🙊

💢ﻗﻤﻪ اﻟﺘﺤﺪي ان ﺗﻀﺤﻚ..
ﺑﯿﻨﻤﺎ ﯾﻨﺘﻈﺮ ﻣﻨﻚ اﻻﺧﺮون اﻟﺒﻜﺎء💔

#وتحدي الليله اعددنا لكم اسئله قويه
تحتاج لأشخاص واثقين من أنفسهم❤️👇👇

ارسلوا كلمة ( تم ) لاهانا @ALFkamah

والنشر هانا @FkamhSnaane2

السلام عليكم ورحمة الله وبركاته
الاخوه المتابعين الكرام🌻🤏🩵🩷
سيتم روايه ( بين ♥️قلبين ♥️)
للراويه والكاتبه ( عبير الكبسي)

بقناتكم. ( طنافس 🎻وروايات🇾🇪 )

https://www.tgoop.com/FkamhSnanee3