عمار : وانتي مش انتي هنا تبسري ماكان يحصل. شويه يهدء الوضع وبعدا سهل وامي من قال افلتها والان عرس عامر وعتجي من توبه لهم

اخته : وكيف فعلت ف البيت بينبسر الغرفه هنا حقكم

عمار تنهد وقام : خليها لهم ..الله الغني

البيت الكبير ..

ايه : ايوه خرجنا قريب منكم ومن بيتهم..

امها : وليش ماتدعينا نعاونش وانتي واحمه يابنتي

ايه ماتشتي تبين لهم اي شي : عمار فعل كل شي لحاله وباقي يتم وبعدا تجو عندي ان شاءالله

امها : ان شاء الله

ايه شافت مازن مابحد طلعتله الغرفه : عاد الناس يقلو معهم اخت يسالو عليها مالك هامي

مازن : يا اختي ضابح من العيشه هنا اشتي انقلع

ايه : اين تسير ماعد بش حلا ف بقعه

مازن : مدري بس هنا ضبح هولك هم الخبره وودفنا بالتخازين ومابش عمل ولا راتب ولا شي

ايه : وكيف عتفعل

مازن : شادبر نفسي وندور المهم كيف انتي وزوجش

ايه : الحمدلله يسلم وبيسال عليك

مازن : الله يسلمش ويسلمه

ايه : يلله شانزل جي معنا اجلس. شويه

مازن : هيا الان اركع عصر و الحقش

ف بيت اهلها..

لمياء بتجابر بنت عمها : اقلش شي ماتقليش عليا مجنونه

بنت عمها بتشرب الشاهي : ماهو

لمياء : مدري كيف كارهة للزواجه نفسي اتطلق

بنت عمها : يو بغير جنان مالش ! ماحصل بينكم تصايحتو

لمياء : مش قصه صياح احنا واصل مابنسد واحس مابش انسجام كل واحد مخالف لرأي الثانية وماقدرت احبه معرفش ليش

بنت عمها : لاتكوني مسحوره يالمياء

لمياء :وكيف ادرى

بنت عمها : في النت قريت منشور ف مجموعه

اين أعراض مش سحر بس مدري احس مواضيعه وكلامه منرفز شخصيته ماعجبتني خالص .

بنت عمها : اوووص يامجنونه اوص لحد يسمع والله لو بتخرفي تقليلهم هكذا عيقلو غنج ومفراغه

لمياء : كان ايش الحل قليلي !!

بنت عمها : حاولي انتي تجابريه ولوما تحسو باختلاف خلاص لاتكارحي كل واحد حر

لمياء : طيب ماحبيته مابينطيقه

بنت عمها : هو هذا الي بنقلش لاهو عمل

لمياء : اوووف بس ياريت ماتزوجت احسن

بنت عمها شافت ام لمياء جاسه عندهن ابتسمت : امش جت اسكتي وابتسمي

ف المكتب..

اكرم : هيا خاطرك انا ساير لاعند واحد وبرجع ..

مجد : تمام

اكرم رجع من الباب : ايوه ذكرت عيجو من مكتب وايت مدري مه ديزاين المهم يشتو يسسيرو يفعلو تنسيق لعرس بكره اشرف عليهم ولو لحقت ارجع بدري و شفنا عملهم حالي عنتعامل معهم ولهم نسبه ولنا نسبه

مجد : ع طول تمام .

اكرم طلع سيارته شغلها ومشي..

ووصلت سياره فيها 2 مصممه ديكور ومساعدتها ومساعده و2 عمال

مجد حس انها مالوفه واحده منهن ...

دخلوا الصاله وبدأو يشتغلوا..

بيت عماد ف الخارج..

عماد حضنها وبارك لها : مبررروك كيف لما وافقتي !! قلتي ماجستير ودكتورااه وووووو

الاء ضحكت : نصيب

عماد : تمام يانصيب مكنتينا رفض رفض كنتي عتقليلنا السبب وتختصري لنفسش ولنا قلك دراااسه

الاء انحرجت : شكلكم مافقدتوا لنا بتقالعو.

عماد : مقاااالعه ايوه ايوه..

الاء : اسير اتجهز صحباتي عيجين لي بعد نص ساعه

عماد ضحك ع موقفها

الليل بعد ماروحت من بيت اهلها..

لمياء ذكرت تنبي بنت عمها لاقد تكلم حد ورسلت لها رساله : ذكرت اقلش انتبهي تنسي وتتحاكي مع حد
لوما فكر بحل كيف اتخارج من اكرم مانتيش حاسه موقفي وماعتقدش سحر لاني حاولت احبه وماقدرت ابدا

بنت عمها : حاولي تقليله مثلا ايش الي مكرهش فيه

لمياء : تصدقي مابش سبب بس مدري كيف ماقدرت احبه ولا اطيق اهله.

بنت عمها : الله يسخر لش في قلبه

لمياء سمعت مطرررر طرحت التلفون وقامت تدخل الثياب المضحايه

اكرم كان ف الديوان دخل الغرفه يدي الشاحن وشافه موصل ف تلفونها قرب يفصله وقري اسمه شاف محادثتهن.. طرح التلفون وشل الشاحن ورجع الديوان

في الصاله. .

زميلتها : ياسمين ناوليني الشيفون الابيض

مجد سمع الاسم ع طول وذكر ع طوول صحبه الاء لما شافهن الليل وعرف من شبهها

استغرب .. كان بيراسل الاء وقال لها : صحبتش ياسمين بتشتغل في مركز تصاميم كوش

الاء : مدري والله كانت قبل ما اسافر بتدور عمل ايش ذكرك بها

مجد : لان الان واحده شبهت عليها وسمعت اسمها قلت اسال

الاء : اوووف !!! معقوله جت عشان اكرم !

مجد : الله واعلم

الاء : بستفسر منها

في بيت اكرم..

لمياء دخلت وشافت الشاحن مش موجود وتلفونها مفتوح حست بخووووووف راحت لاعنده تتاكد : اكرم انت شليت الشاحن! !

اكرم : ايوه

لمياء:شافته بتتأمل ملامحه طبيعيه : ها

تشتي تخرج رجعت : ماتشتي شي.

اكرم : ليش

لمياء : كيف ليش

اكرم : ليش يهمش

لمياء : مابينفهم كلامك ايش

اكرم ساااكت

لمياء استفزززها بكلامه : خيررر ماقد به مابتدورررر

اكرم ضحكككك ضحكه مستفزه : اجلسي

لمياء : ماجلس افعل معي عمل

اكرم شاف للمكان الي اشر لها فيه بهنجمه : اجلسي

لمياء جلست : خيررر

اكرم : اشتي اسالش سؤال حد غاصبش عليا

لمياء تغيرت ملامحها : وايش هذا السؤال ان شاءالله

اكرم : ماقلتلش حققي معي جاوبي وبس .. حد غصبش تتزوجيني

لمياء : لا طبعا محد يقدر.. مش انت داري كيف طلباتي اوامر

اكرم : وهذا السبب مع الاسف انه مش انتي داريه ماتشتي

لمياء : ماينفع تتكلم بوضوح وبطل لف ودوران

اكرم : بتهنجمي من اول ومحد يقدر يرفض لش طلب ومدري مه وجالسه تشكي وتبكي لخبيرتش .. حد مربط لش هنا ومش انا داري

لمياء سااااكته انصددددمت انه قري

اكرم : اذيتش ؟ جرحتش ! خنتش ؟ قصرت عليش بشي ؟؟؟

لمياء : ساكته

اكرم : مابينراشيش طبعا بس بينقلش امام الله اني له الحمد ماظلمتش والان محد جابرش عليا ولا انا ميت عليش .. ماتشتي فعلتيه

لمياء حست بصدددمه : ايش قصدك

اكرم : قصدي ردا ع كلامش مادام مابتحبيني ولا مرتاحه لي واهلي وتعاملش لايعلى عليه.. ايش غاصبش ع العيشه هذه ؟ خايفه ع نفسش من كلام الناس وبس. صح !! مش خايفه تجرحي شخص امامش ولا شي ونكرتي كله بلحظات

لمياء : الصدق وبكل صراحه احس مابش بيننا توافق

اكرم : يبقى سيري وقلي لاهلش يحلوا لش مشكلتش

لمياء: ليش انت ما عتطلقني ؟

اكرم : يطلبوها وع طووول ارسلها

لمياء جلست محتارررره وحست بخوووف من اهلها ايش عيقلو عليها ايش السبب تافه..

ثاني يوم جالس ف المكتب بيراسلها...

الاء رسلت له : ايوه طلعت ياسمين هي

مجد : هااا عادها مانسيت اكرم

الاء : لا لل قالت انه مش عشان حد ولا ف حسها من اكرم خلاص بتدور لقمه عيشها وبس دلتهم ع القاعه لانها عرفتها

مجد : طيب وحشتيني

الاء : وانت ماوحشتنيش

مجد : ليش هكذا

الاء : بينصبر شوقي بالدبله الي ف يدي

مجد : اممم عن نفسي العكس اشوفها واجنن عليش انتي

الاء : يمكن انشغل عنك شوويه هذه الفتره اعوض الي فاتني واذاكر وأجهز للتخرج

مجد : عقبال ماتجهزي لعرسنا

الاء : اول نتم هذا

مجد : ياريتني كنت معش

الاء : ياررريت تمنيت لحظه تخرجي تكون معي

مجد : لو ماكنت حاضر بنفسي ف انا معش بروحي وعقلي وقلبي وحبي. ..

بكره بكمل لكم..

الصبح.. لمياء بتلفلف ثيابها وتردهن مكانهن متردده

اكرم شافها تأخرت دخل الغرفه : ماقد جهزتي !! معي عمل اتاخرت

لمياء : ينفع تشلني العصر

اكرم : وانا طردتش ولا محدد لش وقت تجلسي او تسيري ! انتي الي طلبتي والي تشتيه افعليه تشتي تجلسي اجلسي تشتي تسيري سيري براحتش ارجع وقد قررتي.. خرج وقفل الباب

لمياء جلست فوق السرير حست بهم لو رجعت ايش عتقلهم ونفس الوقت بتهم كلام الناس.. اكرم خرج ومش عارف يعذرىها انها ماحبته هو نفس الشي ماحبها بس بيعامل الله فيها فقرر يترك القرار لها.. في البيت الكبير.. مازن : انتو ياجده الي عتقدرو تقنعوا ابي وامي اسافر

الجده : انا ماقد اقتنعت بكلي يا ابني

مازن : هيا ناهي لكم .. قلدكم الله عاجبكم العيشه هذه

ابوه : قدك مبهذل بيننا ولا تسير تتبهذل وما انت داري ماعتشتغل

مازن : خبرتي كلهم بيسيرو ويلقو عمل

ابوه : اذا ساير وتدرس انا موافق

مازن : خلاص يعني موافقين

ابوه : نعم

الجده : خليه يسير يخارج روحه

مازن : اشلكم معي ياجده

الجده : ولا بقعه مكاني هنا مفتهنه

في احد الصالات بتجهز مع فريقها ديكور وصلها اتصال ( اخت زوجها )

ياسمين : خير حد من جهالي فيه شي

اخت زوجها : قصدش جهالنا مع الحمدلله بخيرين ولافيهم الا العافيه .. ياسمين : كان ايش اخوش طلق

اخته : لا ، بس منشوراتش شكلها عتعجل بالموضوع ل

ياسمين : ايش من منشورات !! اخته : مافي داعي تلفي وتدوري ومش هو عيب عادي سهل  عادهو زوجش ... حسيت من منشوراتش ان انتي فاقده له وتتمني ترجعي له بس اشتي اقلش لاتغثي ولاشي بس مستحيل يرجع لش قد عقد غلى واحده وعرسهم بعد اسبوعين

ياسمين لكل برود.: ذلحين ماتشتي ؟ انا مش فاهمتش مالش غاثيه من منشوراتي مالهن !  اخت زوجها : بالمختصر لاعد تحاولي لاهو يرجعلش خلاص مابش نصيب

ياسمين. قصدش اكرم !

اخت زوجها : من اكرم ؟

ياسمين : هااا قصدش اخوش

اخت زوجها تنرفزت وزاد فضولها : من اكرم
ياسمين : الي المنشورات له

اخت زوجها : قد.عتتزوجي؟؟ ياسمين بترد ع زميلتها : ايوه بكره
اخت زوجها فهمت الكلام لها :  كيف !!!

اخت زوجها فهمت الكلام لها :  كيف !!! ياسمين رجعت  تكلمها : ماسمعت سؤالش

اخت زوجها : قلتلش عتتزوجي قلتي بكره

ياسمين عصبت ضغط الشغل وفلسفتها وهي ف التلفون نسيت نفسها قدام الكل : كيف اتزوج واخوش مش راضي يدي ورقه طلاقي .. لكن ايوووه لو تزوجت شاخلعه ارتحتي وياريت ماعد تزيدو تدخلو في حياتي ومالش دخل... قفلت التلفون.. زميلتها والشاب الي معهن انصدمو.. ياسمين شافتهم  وقامت تخلص شغلها وتفكر ليش تسرررررعت وقالت لها اسم.. هو كان نفسها تغيضها بس مش تفضح نفسها والهت نفسها انها ماتعرفه وانه اسم من جيز الاسماء مابتشك في شي.

اخت زوجها اتصلت لاخوها :

انت داري ان ياسمين تشتي تخلعك بس معانده ورسلها ورقه طلاقها هجعنا تبداع ف المحاكم

اخوها ضحك : تخلعني من اين لها مليون

اخته : اين انت واين قد هي بتشتغل ومعها الظاهر عريس عتدفع يعني عتدفع ف الاحسن انك ترسلها وطز

اخوها : كيف عرفتي

اخته : اتصلت لها وحاكتني

اخوها : خير ان شاءالله.
بيت عماد فوق الغداء.. ام الاء : علي لقيت لك حريوووه ياحجاب الله وياسين مارايك

علي بفرحه : امانه كيف هي

الاء بهررت له وتاشر بتلفونه
علي بنظره معناها ( ابردي او.. لا)..: ايوه من بيت من هي

امه : ماقلت ياعماد مارايك

عماد : عتخطبيها لي ولا له

الكل ضحكك

مرته : هيا من اللغاجه قلك اخطب له
الاء بتكلمه بصوت واطي وابوها وامها بيتعاتبوا:  وخلود ؟؟ علي بمسخره : بعقلش ! مصدقه اتزوج واحده من هولا الي عرفتهن

الاء : ليش مالهن !

علي : ولاشي بس مش هن جديرات ثقه اخليها زوجه وام عيال شجلس في شك خلي امي تخطب لي هي احسن

عماد كمل كلامه مع مرته وسمع: ايش من شك ؟

علي : تغدو بس الاكل عيبرد.. الاء شافته ومنرفزززه

علي : قربي لي الزحاوق

الاء ناولته الزحاوق المبسبسه (حاره). علي بنرفزه : يوووو مالكم ماتفعلو بدون بسباس.. الاء : خلي امي تزحوق لك هي احسن

علي بهرر لها : خلاص لغاجه

عماد : مالكم من اول مشاوره

علي : بتستضرف انخطبت عتفعل نفسها عاقله ذلحين عليا انا

الاء تنرفزت من رده: ايوه شافعل نفسي اعقل منك في الصح والغلط شاتحاكى واقلك لاوشك وماشتيت اقلبها فلسفه

امه : يوووه صلو ع النبي مالكم

عماد شاف الاء : ماهو الموضوع تحاكي

علي شافها : بتتفلسف من اخطب ومن ماخطبش ع مزاجها

الاء شافت ابوها : معه سبعين واحده ف تلفونه مكنهن شاجي شاخطب وافعل واترك ومعنا موت وسافرنا ونرجع وبيخرط عليهن ويعلقهن ويرجع يقل لي ذلحين يخطبوا له امي

علي : انا حر مادخلش وانتي

عماد : وليش بتضحك ع بنات الناس ؟؟؟

علي : انا حر مادخلش وانتي

عماد : وليش بتضحك ع بنات الناس قلك حر

علي : مابش بنت ناس تحاكي واحد تعرفت عليه
الاء : فعلا للي عينتك بس مش كلهم مثلك انت والي مثلك فئه محدده بس

علي : هن راضيات انتي مادخلش او وكلوش محاميه

عماد : خلاص اهدأو غدا

الاء : الا وكلوني محاميه حرام عليك ماتخاف على مشاعرهن تكذب عليهن

علي : مافتجعين هن ع مشاعرهن تشتي افتجع عليهم هن.. قد بنتعذر بنتهرب ومع صميل عتراعي سنين وتفعل وتترك وووو باقي تدي الدبله وتجي هي

الاء : اسف والله ان اخي بهذا المنطق

امه : يا ابني مايسبرش هكذا

علي : رجاء محد يتدخل شي يخصني وامي اخطبوها لي لو تبسروها انتو وابي مناسبه.

الاء : سبحان الله يمكن تجيلك اخس من الي جابرتهن .. عماد : قفلوا الموضوع خلاص  وانت خلي عندك ذمه
وضمير وبطل تلعب اتقي الله .

في المكتب.. مجد  اكرم لاتنسى مااتتصل بمكتب الديكور  والتصاميم  معنا عرس ويشتو كوشه.. اكرم : تمام انت سير ذلحين بعد المشاوير وعليا انا الي ف الملاحظات.. مجد : يلا خاطرك.. خرج
وشاف الاء واتس اون لاين رسل لها : كيف المذاكره وكيف الاختبارات معش ؟؟ اتصل لامه : الصدق عجلو العرس عتتم تختبر وتتخرج بعد شهرين ومابش معها شي

امه : وكيف تتكسى وتختبر

مجد : زد شهر واحد وبسسس تتكسى ولو تشتي انا شاقرش السوق كله ف يوم والف كل شي هيا من المعاذير

امه ضحكت : ناهي انت الا جمع لروحك بس

في المكتب.. اكرم : ايوه بالضبط

طيب انا  رسلتلكم رقم  موديل الكوشه المطلوبه

السكرتير : بس يا اخي للان ماحسبتونا حق المره الاولى وهذه

اكرم : لانه ماكنت موجود بس اليوم انا هنا ولايهمك الا احاسبهم

السكرتير : مشكورين يلله بتواصل معهم وارسلهم لاعندكم

اكرم : تمام بالانتظار..سلام

في امان الله.

في البيت... ابو عيال ياسمين جهز الورقه وكل شي اتصل لها يسال فين هي.
ياسمين : ماردت شافت رقمه ماردت كنسلت.. كملت التنسيق وترتيب الورود ورجعت جلست تشوف من اتصل. . وانه اتصل 3 مكالمات .... طنشت وجاوبتهم يروحو الصاله الي بعد هذه يكملوا عملهم... مجد وصل المكتب .. اكرم : شاسير اسحب مبلغ نحاسبهم وارجع لك.. مجد : تمام .. اكرم : مارايك نتغدا هنا لاتروحش
مجد : ليش مابش معنا عمل

اكرم : مابش نفس اروح البيت يا اخي

مجد : ع هكذا تمام .

اول ماوصلوا عند مجد ... مجد : ابدأو بالديكور امد مايجي وهو يحاسبكم.. ياسمين شافت تلفونها : ليش ماتردي !!! اشتي اناولش ورقتش لاين اشلها سرت بيتكم قد نقلتو قالو

ياسمين اتصلت له ولقيتها فرصه مايعرفش بيتهم

رسلت له الشارع الي فيه الصاله .. ورجعت معهم تشتغل وتنسق
داخل الصاله

في المكتب بيتغدا هو ومجد.. اكرم : جو يصلحوا الكوشه... مجد : ايوه

اكرم : ع غباء نسيت اشتري ماء .. مجد قام : يلا شاسير بساعتي

اكرم قام ومسكه : لا والله ماتقوم تغدا انا شبعت.. خرج.. داخل الصاله

ياسمين جاوبته وخرجت للشارع.. كان فوق السياره شافها ونزل من السياره ماسك الظرف ف يده ومقزز مد يده بالظرف : مطلقلش من يوم ماخرجتي مش انا فارح بش اخليش ع ذمتي.. شاف واحد وراها واقف سمعهم ماحب يطول الموضوع  ناولها ومشي.. ياسمين شلت الظرف فتحته وقفت تمشي شافت اكرم قدامها التفت ومشي

هي مشيت وراه.. طليقها جالس بيتفرج فين رايحه !! اكرم دخل المكتب واقف ف الباب وباب المكتب جنب باب الصاله مستغرررب ايش جت تفعل هنا وليش دخلت !!! مجد : هيا اين الماء قد طفحت مراعاه

اكرم لفت له  وبيراقب السياره بتمشي: لحظه لحظه هاا شل الماء... ولما مشيت السياره دخل الصاله وعادها واقفه جنب الباب بتقرا الورقه.. اكرم دخل من الباب : السلام عليكم.. ياسمين لفتت له ومتصنمه قدامه كم لهااااا ماتكلمت معه !!! كم لها من صوته ومن نظراته بعينها فيس تو فيس ... اكرم : بس شفتش دخلتي لهنا ليش ضايقش او حد لاحقش

ياسمين زي الي ركزت انه بيكلمها :  لا لا هذا طليقي

اكرم : ماله ضايقش او شي ؟  ياسمين : لا بالعكس له الحمد اداها ( بتأشى لورقتها )  اكرم مافهم ايش تقصد بالورقه هذه : طيب تشتي اطلب لش تكس !

ياسمين : لا ليش؟
اكرم : شفتش دخلتي الصاله قلت يمكن في شي

ياسمين : هاا  لا لا انا كنت بينصلح الكوشه وهو اتصل اخرج اشل ورقتي

اكرم : طلق ؟
ياسمين : نعم .. التفتت وتشتي تدخل خافت تضعف قدامه وتدمع ويفكر انه بسبب طلاقها مش عارف انه دموعها بتكون  دموع شوقها له وحنانه واهتمامه بها.. اكرم شافها تشتي تدخل  دخل بعدها يفهم ايش الي بتفعله ف الصاله.. ياسمين دخلت وطرحتها ف شنطتها واعتذرت منهم وبدأت ترتب الورد والاعمده والاضواء.. اكرم بيتفرجها وفهم انها من ضمن الي بينسقوا الكوشه.. بس كيف بالصدفه وليش جت هنا تحديدا !! طيب ليش بتتباعد عنه مش مديه له فرصه يكلمها !! ياسمين  نفس اللحظه بتفكر فيه وبتتذكر ايام حبهم ولحظة فراقهم وكيف انظلمت لاتوفقت بحب ولا بزواج... كم كان نفسها هذك اللحظه واكرم يكون حبيبها الي واقف جنبها بس ضاع الوقت منهم خلاص مابش نصيب جلست تقنع نفسها بهذه الكلمه.. البنت الي معها لاحظت عليها دموعها قربت منها ومسكتها : ياسمين مالك ؟؟

ياسمين بتمسح دموعها : ولاشي

البنت : جاب الحيوان ورقتك !


ياسمين : الحمدلله ايوه

البنت : طيب ليش تبكي مفروض تفرحي

اكرم كان واقف من بعيد ملاحظ الحزن في عيونها وهموم  مقهور مش قادر يفعل لها شي ...

ياسمين : ع ايش افرح ولا ايش امانه.. خلينا بس نفرح الناس ونجهز لهم فرحتهم...

اكرم رجع وبيمشي يخرج من الصاله وبيكلم نفسه ( مافعلنا شي  والله نتعاقب عليه ونفترق هكذا ويكون نصيبنا انا وانتي عذاب لا انا مرتاح ولا انتي )

 رجع للمكتب

مجد : كملوا ؟

 اكرم سارح ولع سجاره وجالس


مجد : دخلت !


اكرم هز راسه بنعم



مجد : شفتها ؟


 اكرم : وايش عرفك انت


مجد : عارف كلمتني الاء عليها وتاكدت منها وقالت هي



اكرم : ليش ماكلمتني


مجد : ولو كلمتك ايش عتفرق



اكرم : فعلا ايش تفرق



مجد يشتي يغالطه : هيا فين الكشف..



اكرم : مابش نفس يامجد لشي تصرف انت قدك اخبر مني.. انا بخرج. .


شل مفاتيحه وخرج...





ف الصاله..

واحد من العمال : عنشتغل ولا نتفرط !! مالكن اليوم



ياسمين : قومي نخلص هيا ونروح ...




في بيت ايه...



ايه فتحت الباب لعمار...


عمار دخل هو واخته : سلام معنا ظيوف


ايه ابتسمت : حيا ادخلي هولا مش ظيوف من البيت حيا بش




اخت عمار بتتفرج البيت فااااضي بس موكيت..


ايه : تعالي الغرفه


اخت عمار دخلت الغرفه شافتها عااااديه مش مثل غرفتهم خليني اول ابسر البيت وبعدا نجلس

(( حسب توصيا امها ))


ايه : جي فتحت لها الديوان فاضي والحمام بدون غساله..  والمطبخ بوتجاز بسسس وقلصين وصحنين وطاستين..



اخت عمار سااااكته


ايه : هيا جي نجلس



اخته منحرجه وساكته...: كيف الوحام معش


ايه : الحمدلله  وانتي كيفش


اخته : الحمدلله


ايه : كيف عمتي


اخته.: مالها شي غاثيه ليش ماعد بتجيش مع عمار


ايه : كيف اجي وهم مايشتوني



اخته : وانتي ماتقدريش تجي لهم بالحلا وتسايريهم قدش داريه


ايه : قد حاولت والله مابش فايده



اخته : سهل عيتغيرو معهم معهم .. انتي داريه قد عنعرس لعامر بعد شهر


ايه : الله يتمم له بخير


اخته : قلت لو تكوني تخرجي معنا عنكسي مرته



ايه : تمام ايحين ماخرجتي حاكيني



اخته : تمام



ايه قامت للمطبخ فعلت لها شاهي وقربت لها مع بسكوت..: سامحيني ع الحاصل



اخته تجملت منها : تسلمي ، امي تخايلت انكم فرشتو بيت كامل



ايه : من اين ! قد انتي داريه عمار عادو بعد عرس وديون




اخته : ايوه..





اكرم تعب لواي ورجع البيت يحدد موقفه مع لمياء...

دخل الغرفه وشافها ماجهزت ولا شي


غير ملابسه وخرج



لمياء شافته وصل ماتكلم ولا سلم ولا شي ضبحت ..

مياء بينها وبين نفسها : يعني ايش يشتي مراشاه!  مفروض يفرح اني ماسرت..


خارج غرفتها


نجوى : مالك ؟


 اكرم :مالي؟

 نجوى : مدري بينحسك ضابح



اكرم  : مابش شي


نجوى : ومرتك ولاخرجت من الغرفه ماحبيت اتدخل واسال مالها قلت لو متصايحين

اكرم : مدري والله ماعد دري حالي بشي

نجوى موطيه صوتها  : كيف مش داري بشي ! مالكم كل واحد ف وادي ولا كان انتو عرسان

اكرم : ابردولكم

نجوى :  عتشلنا بكره بيت عمك نفرح لهم ؟

 اكرم : ان شاءالله

نجوى : وحاكي مرتك  عيب مايسبرش ولا قد ابسروها سوا ولا شي

اكرم : حاكوها انتو سدو وانا عليا اوصل بس..

نجوى : والله يا ابني مانا عاجبني هذا الوضع افتحه قبالها

اكرم : ماشي لو سمحتو لانه مابش شي.

نجوى : الله يعينكم ويهدي سركم .. شادخل ابسرها


اكرم سكت


نجوى دقت الغرفه ودخلت : مالش با بنتي او تاعبه ؟


 لمياء كانت بتعطف الملابس بعد ماخرجتهن : ماشي بس جالسه ارتب لداتي


نجوى : هااا يلله لوما تتمي وجي نجلس ونتقهوى

لمياء : تمام اكرم خرج ؟

 نجوى : ماشي جالس

بيت اهلها..

ياسمين وصلت لاعند امها وخرجت الظرف جلست بعد التعب حق اليوم..

امها : ادو لكم زلط ؟

ياسمين : لا ادا ورقتي


امها : يو لك الحمد يارب


ياسمين : شادخل افعل لي نعسه


امها : الله يعوضش ويسخرلش يابنتي


ياسمين : ان شاءالله دخلت غرفتها امتدت وفاتحه تلفونها فعلت لفه ف الفيس والواتس كلمت الاء شافتها ماردت...



دخلت صفحته.. لقيته كاتب منشور منذ 12 دقيقه



(( إسألوها من سكنت فؤادي

 هل لشوقنا طب

سيستطيع أن يفتي في شوقنا

  أحد ما عانى من الحب

وقولوا لها وحدها من سكنت  فؤادي


أنا  بعدها والله لاينبض بحب غيرها لي قلب


سترد عليكم وتقول وكيف يشفـى

من الأشواق من أضناه فراق  محب


وإن الموت عند فراق العاشقين فرض


وإن العيش في ذكراهم لـمستحب


أخبروها ان تكون أقوى وتصبر


سيحمي بيت الاحلام والعشاق رب ))


رجمت التلفون وطرحت الوساده فوق وجهها تكتم صوت بكاهااا...






بيت اهل عمار..



ام عمار : يو يو مابش الا ذيه او بتخرطي



بنتها : والله مابه شي ..


امها : محد قال لها تزيد الغنج ماكان يهنجمو الا وهم قد الهنجمة ولايجلسوا هنا




بنتها : بس والله انها مسكينه



امها : والله ما مسكينه الا انتي واخوش ..



بتزيد الغنج هنا وفي بيتهم حماااشه



بنتها : ناهي ليش ماخليتوهم يشلو غرفتهم ع الاقل




امها : ولا شي اعجبهم جلسو هنا ماشي خرجوا والله يفتح عليهم



بنتها : ناهي لو جت لاتعاملوها هكذا خلاص قد تعاقبت .. وزد واحمه حرام

في غرفتها ..


علي : انتي كيف تتكلمي هكذك وتفتحي الموضوع قدامهم !!


الاء : لانه حرام عليك تلعب عليها .. لاتجلس تمكني انهن يستاهلين وانهن تهاونين وانهن يتربين ويتعلمين ع يدك  !!


تخيل نفسي لو انا واحده منهن وحد حبني وعلقني وبيلعب عليا


علي : تستاهلي لانش غبيه تخوني ثقه اهلش فيش وتوثقي ف واحد من الشارع


الاء تنرفزت : يعني انت من الشاررررع !


علي : الاء لاتخليني اغلط عليش ماسك نفسي



الاء : يا اخي روح من قبالي زيدت بها والله ايش العقل الي معك هذا



علي : انا الغلطان الي كلمت واحده مثلش مقفله يعني طلعت اختي مافرقت عنهن شي


عماد خرج من الحمام وبيسمع صياحهم ف الغرفه..






الاء : اكيد وله الحمد الي ماوقعت ف فخ مثلهن بسبب افعالك


علي بعصبيه : الاء لاتجننيني مالش دخل بتفهمي لاتخليني امد يدي عليش..



الاء : ماعد باقي الا هي تمد يدك عليا  الحجه مش عندك عندهم الي دلعوك ايش الفرق بينك وبين عيال عمي



علي قرب لاقدامها وبضبببح ميك يدها  :  لاتفكررري اني شاسكت لش زيدتي بها تكلمي بادب وقلتلش لاتتدخلي..



عماد فتح الباب ودخل الغرفه شافهم..


هزر علي وشافه : تمد يدك ع اختك ؟؟


 علي : كنت شامدها بس ماسك نفسي


عماد شافها ..

الاء بكيت...




عماد لفت لعلي : اخرج راعي لي في غرفتك..


علي خرج ورزع الباب



الاء : هكذاااا بس رده فعلكم بعد ماشفتوه بيمد يده عليا !!  اصلا بتعاملوه بكل برووود كل طلباته اوامررر كل شي بيفعله لانه ولد عادي .. يجابر بنات يضحك ع عقلهن يخرج معاهن.. يبرر لنفسه وانتو تصدقوا له و ساكتين




عماد : رده فعلي معه بيني وبينه والان انا اقلش لاتدخلي وصلي له نصيحتش باسلوب اخوش كبير وبتتعاملي معه هكذا..

شكلي زيدت لكم الدلع كلكم،  كم بينتمناه ووقع ربع مجد..




الاء حست بفرحه وهو بيمدح حبيبها نزلت راسها وسكتت



عماد  : انتي مادخلش منه معش كلام وجهي له باسلوب او لو شفتي غلط كلميني


الاء : كم كلمتكم مرات وانتو بتعاملوه كانه طفل ولاكانه رجال



عماد : قلتيها بنفسش رجال يعني عارف الي بيفعله صح او خطا كل شي راجع له هو وبيتحاسب عليه انا ربيت رغم اني ماعرفت اربيه بس الان هو مسئول من نفسه وانتي خليش ف حالش لا انتي اهاليهن ولا عتخافي عليهن اكثر من نفسش كل واحده عقلها براسها وتتحمل وتتعلم..



الاء : اذا رايكم هكذا فكيف تشتوه يوقع مسئول من نفسه







عماد : غلقنا الموضوع خلاص.. وخرج من غرفته



الاء جلست تبكي وزعلانه من ابوها واخوها..

رفعت كتبها وطفت غرفتها وقفلت ع نفسها وراحت سريرها فتحت تلفونها ودخلت تكلمه..



مجد : لحظه لحظه من معي


الاء : فرمتت تلفونك !

الاء : فرمتت تلفونك ! انا الاء



مجد : تفرمت مخي يا الاء وين انتي مغيبببببه فاقد لشششش



الاء : وانت كمان

مجد : كيف المذاكره معش



الاء : مدري



مجد : كيف مدري ؟


 الاء : مش وقت المذاكره انت كيفك



مجد : الحمدلله بس مال روحي حاسس انها غاثيه


الاء بتمسح دموعها وبترد : مابش فيني شي



مجد اتصل لها. .

الاء ردت : الو


مجد سمع صوتها متغير : في حد عندش !



الاء : ماشي لوحدي


مجد :مريضه ؟

 
الاء : مالك اليوم وقعت محقق


مجد : اليوم شكله المود مش سابر الله يخارجنا



الاء ضحكت


مجد  بيكلمها زي النونو : ايوه هكذا انا فدال الضحكه.. ماله حبيبي هاااه من هو غثاااه



الاء بتضحكككك..: أحبك يامدلوز


مجد تنهد : محلاها لما تجي منش بدون مراشاه..ذلحين مال حبيبي هيا تحاكي



الاء : ورجع !!


مجد : طيب كيف المذاكره


الاء : مجد علقت ! مالك مابش معك غير هولا الكلمتين


مجد ضبح :  ناهي وانا مفعلش عجزت اراشيش رسايل وحسيت فيش شي مضايقش رجعنا نتصل اتصال اسمع صوتش ابسر مافيش ومراشاه ولا تحاكيتي ماقلش !  سالتش احوالش وعادش بتتقارحي



الاء تحسست من كلمته : يعني انا طلبتك تفعل لي شي ؟ راشيتك تراشيني ..



مجد : ياروحي افهميني الله يحفظش



الاء بزعل : خلاص تسلم ماعد بطول عليك واخسرك كثر الله خيرك انك اتصلت.. مع السلامه


مجد عصب وقفل زعلان من اسلوبها ..



الاء فتحت الواتس ودخلت تكلم ايه..





في غرفته...

عماد فتح الباب ودخل وقفل بعده.. شافه جالس ف الكرسي ولاكانه فعل شي جلس فوق السرير  : تعرف أنك قليل ذوق واحترام والمشكله شاخزى ع نفسي افعلك ملطام تجرب كيف الوجع لما تفعل باختك هكذا  انا استحيت منك وانت ماستحيت


علي : يا اباه انتو مابتبسروش اسلوبها معي بتتويقح وتتليقن عليا وبتتدخل ولابتفعل لي احترام


عماد : لانك مافعلت لنفسك الاول انت احترام،  اختك وهي بنت ووقعت أحسن منك وعارفه العيب والصح والغلط.. مفكر  نفسك رجال وانت بتضحك ع كل البنات بقصد تعلمهن ان في شباب مخادعين وانت أولهم كيف ترضى لنفسك !



علي : وانا ماوعدت حد بشي من نفسهن بيتصلين يرسلين شغله واصل..



عماد : لاحول ولاقوه الا بالله..

شاقلك كلمتين واطرحهن ف راسك لاتستهون بضعفها وانها ماتقدر تفعل شي في الي اكبر منك ومنها لو

ظلمت واحده وجلست تضحك ع عقلها وتوهمها بزواج وتخليها مراعيه لك صدقني عيظلمك ارحم الرحمين وماعتلقى توفيق في حياتك.



علي ساكت وموطي راسه بدء يحسب كم بكا بنات وكم هدد وكم وكم حس بندم حس انه نذل فعلا



عماد خرج وقفل الباب ..





في بيتهم ..


ايه نكزت من النوم شافت مابحد عمار جنبها قامت

ايه نكزت من النوم شافت جنبها مافيش حد قامت وفتحت الباب خرجت  للصاله شافت الساعه 3 ونص الفجر..

 عمار...


عمار التفت لها : ها مالش !


ايه : مابتفعل ليش مارقدت ؟


 عمار : معي شويه شغل


ايه : ايش من شغل هذا الساع قدو فجر معك عمل الصبح



عمار : ادخلي ارقدي اكمل ربع ساعه والحقش



ايه : دخلت الغرفه ادت وساده ورجعت طرحتها ورا ظهره ؛ كيف جالس لاعرض الجدر وهو برد هكذا ؟


 عمار : تسلمي ياروحي


ايه بتشوف بيطبع... : ايش بتطبع ماقد تميت !


 عمار : بينطبع بحوث لطلاب


ايه : وليش مايطبعو لنفسهم



عمار : بززلط قلت نشل لنا دفايه عيدخل البرد ونحنب



ايه : ذلحين منهم صدق للان مابش رواتب ف الدوام حقك !


عمار : لو به راتب انني اثثت البيت بالتقسيط من المؤسسة


ايه دخلت المطبخ فعلت له بن


عمار : تسسسلمي جا ف وقته مابش حاجه ناكلها !!



ايه لانه مابش ثلاجه بتفعل نفس اللحظه اللكل ع قدهم : يوو اعجن واخبز هذا الساع.. كان ردني عند عمتي وضحكت



عمار : ضحكككك




ثاني يوم..

بيت اكرم..


لمياء قامت الصبح شافته بيلبس رجعت ف نومها


اكرم : قومي صبحيني



لمياء : يوو سير عند عمتي هذك فعلت صبوح



اكرم : قومي انتي


لمياء : قد طبخت


اكرم : افعلي انتي صبوح بيدش بتفهمي او مع


لمياء  قامت : دوار هدار من صباح الصبح معاند مستفزززز يخ والطبع


اكرم تنرفز من وقاحتها : اعجبش تجلسي باحترامش ماشي الله معش !



لمياء : اخر مره رحمتك واديتلك فررررصه يا اكرم وهذه المره والله



اكرم حس بينتقم فيها صبره عليها وهو مش طايقها : مع السلامه يلله  من بتفجعي !!

 بطلي الهدار والتهديدات وهي كلمه يا وتجلسي باحترامش وتعرفي كيف تتكلمي معي وتحترميني يا اما الله يفتح عليش ..جايه ترحم لحالي .رزع الباب وخرج



امه : لاحول ولاقوه الا بالله من صباح الصبح ويوميه وكم جهدكم مالكم يا بني مالكم



اكرم بضبح فتح باب الحوش : ماعليكم منها وخرج وقفل .


لمياء طنشته ورقدت جلست تفكر تتحمل كمان شهرين وبعدا تتطلق لايضحكو الناس عليها.





البيت الكبير..


نجوى بتشكي لامها : مازد افعل معهم تعبت هي مدعممه ولاكانها مزوجه ولاداريه وين زوجها وهو واصل صياح ويرجع اخر الليل



الجده : لايحرق دمش ولا يحرق دمه ماتخطي المره الي ساعها الا مره فوقها..



نجوى : هيا ناهي قد بيرد الغلط فيني وانه ندم انه صدقني وتزوج. يسدو مانا تعبت..

في البيت..

ياسمين ردت ع تلفونها. : ليش مايشتي مش كملنا امس الكوشه والحسااب !! .. انتو سيرو انا مش رايحه...

زميلتها : ليش مش جايه معنا ! تاعبه او فيش شي

ياسمين ذكرت ان العمل مايعرفش شي اسمه حب وشوق وانك تشوف حلم حياتك قدامك وهو اصبح واقع لغيرك : طيب يلله جايه
اكرم  جالس يفكررر ... حس انه وصل لقرار صعب مش قادر يظلم ويطلق لمياء لغباء تصرفاتها ومن حقه يعيش وليش مايعيش مع البنت الي حبها !!! بدأت ذكريات لحظات حبهم تتسلسل في ذااااكرته حس انه مايقدر يستغني عنها .. تصالح مع اهلها بعد ماضاعوا من يد بعض ومالها ابدا ذنب ولا ابوها... كان ذنب ابوه ف رقبه اعمامها... مجد دخل مقاطع أفكار اكرم : صباح الخير

اكرم : صباح النور

مجد بيسمع اكرم رافع صوت الاغاني : مالك مزقرع من الصبح

اكرم : وهذه اغاني زقرعه يا فلسفه

مجد : يا اخي مالك رجعت نكدي من حين تزوجت مالك !
اكرم : هيا نتزوج انا وانت سوا
مجد ضحك : خلاص قد زوجناك ف يوم أبيض
اكرم : ناسي ان الشرع حلل لي اربع ؟

مجد : ناهي راعي تتم سنه مش كلهن ف سنه

اكرم : هي واحده بي تسوى اربع واكثر والله.

مجد جلس : يهي يهيااااه قد الشيطان عيلعب عليك حين رجعت هنا !
اكرم : سبحان الله ربي قربنا من بعض مره ثانيه تشتي اضيع الفرصه من يدي

مجد : طيب ماذنبها مرتك ليش تزوجتها

اكرم : ماعليك شي ما بسوي شي الا وانا اخبر اني مابظلم حد... مجد : والله انك بتجنن لو منك صدق.. اكرم فاتح الواتس وبيجابره : ومن عاد معه عقل يا أكرم  هذه الايام !
مجد : طيب راعي اتم اتزوج عشان نثني سوا. .

اكرم حب يفعل له مقلب فتح دردشه الاء وبدء يسجل ، لفت له : ماقلت !! مجد : راااعي لي اتزوج وبعدها اقلك لو شاتزوج ثانيه نتزوج جمعه

اكرم مبتسم نص ابتسامه : ليش والاء مش بتحبها ؟  مجد : الاء امس وقعت نفسيه

اكرم وقف التسجيل وارتسل.. حاول يكنسل الارسال وقد وصل ...ضحككككك ورجع يسجل: والله انه مقلب والله لاتصدقي بنمزح انا ومجد ورسل.. مجد قام لاعنده : من بتحاكي ؟؟ البيت الكبير.. ام ايه : حين عيتغدوا الرجال ف العرس ما رأيش نسير نبدي لاعند ايه.. ام مجد: هيا بساعتنا ساعه بس امد نرجع نفعل غدا

الجده : براحتكن لاتعاجلين و سيرين تغدين عند نجوى

ام ايه : عنبسر تمام.

وصلين الحاره ماعرفين البيت اتصلين ل ايه ماردت اتصلين لعمار ووصفه لهن.. ايه تمت تطرح الغدا ع النار  وجالسه تجابر الاء.. استغربت من جا ! شكت ف اخت عمار  وحدها تعرف البيت  فتحت وانها مرت عمها وامها... فرحت ودخلين.. امها استغربت البيت فاضي.. ايه : ادخلو

ام مجد بتتفرج المطبخ فاضي لا دواليب ولا ثلاجه ولا شي دخلين من الصاله .

البنت : طيب انا بمشي

ياسمين حاسه دقاااات قلبها بتسابقها سباق بعدد رمشات عينها وهي قدامه... اكرم تغيرت نبرته من كلامه معه البنت وكلامه معها ..
نبرة شوق وحنان ونظرات غضب نفس الوقت: كيف انتي؟؟ ياسمين اكتفت بهز راسها بس ( الحمدلله)

اكرم : ياسمين... مجد قاطعهم : اتصل الوايت شاسير ابسره رد ع التلفون معي اتصال بعد شويه لزباين يتأكد الحجز
اكرم ضببببح ,: والبيت الكبير يشتو ماء تم وسير عبي عندهم ولايهمك هنا شي
مجد شافه وضحككككك  كان واقف ورا ياسمين والتلفون ف يده بيأشر به.. اكرم تنرفز وقام لاعنده سحبه وخرج لخارج : مالك يا سامج عتحس انحنا بنضحك عليها

مجد : انا بينهددك بالصوره سع ماودفت بي

اكرم بنظرات غيره : صورتها؟ ؟؟ مجد : ماشي من الخباله هذه اخلاقي ؟؟ الله المستعان

اكرم ضحك ودهفه : يلا مقلع  لاترجع اجازه اليوم

مجد مشي : والي يرررجع ..! شاسير اتغدا عند عمتي واقلللللهم

اكرم اشر بيده طزز ودخل

ياسمين : خير اشتي اروح اساعدهم

اكرم تنهدد وجلس : ساعديني انا بالاول قالت تساعدهم.. ياسمين لفتت له ونظرات صمت : كيف انت ؟  اكرم ضحك نص ضحكه هم : انتي الي مفروض تعرفي جوابي  وماتسألي بذمتش كيف انا ؟؟ ياسمين نزلت راسها : مرتاح معها ؟  اكرم : ياسمين

ياسمين لفتت له شافته وساكته
اكرم : ماتحسيش انحنا ضيعنا عمرنا من بعد ما افترقنا

ياسمين : احس !! اصلا هو عمر الي انعاش من بعد... سكتت

اكرم : مالش سكتي

ياسمين  وقفت : خلاص يا اكرم ماينفعش نفتح شي ماضي
اكرم : ليش !!ممكن تجلسي دقيقه بس

ياسمين : انت مش حاسس الدقايق الي جالسه فيها قدامك كيف بالنسبه لي خليني امشي بس

اكرم : مش اكثر مني لذلك اجلسي نتكلم لو سمحتي

ياسمين : بس العمل

اكرم : الله يلعن العمل واليوم الي افترقنا فيه اجلسي.. انا دورت عمل عاني اليوم اكلمش .. ياسمين امتلت عيونها دمووووع وحاسه بخنقه : اكرم انت الان متزوج وانا مطلقه وكلامنا الان مابيزيدنا الا هم ووجع خليني امشي الله يرضى عليك

اكرم  فعلنا الي نقدر عليه وماتوفقنا بس الان ماعد يهمني حد ماعدناش جاهل ولا اسف باعمامي ولا بحد

ياسمين : كيف مايهمك حد !! ومرتك ؟  اكرم : سبحان الله حتى مرتي ربي رزقني بواحده لاتشتيني ولا بتحبني كان الله عاقبني لاني حاولت افرضها ع نفسي واتقبل اختيار اهلي بعد ماحسيت مافيش امل فينا نرجع
ياسمين : والان ايش من امل بتتكلم عنه وعدم حب مرتك لك مش سبب ماينفعش
اكرم : بتحبيني ولا لا !!! ياسمين : وايش الفايدددده من جوابي يا اكرم ايش الي ف راسك

اكرم : اشتي اتزوجش

ياسمين ماعد عرفت بشي ولا ب اي موقف تتخذه !! لانه نفس الكلمه هذه تمنتها عمررر وسبب الرفض كان قاااسي عليها .. ووضعهم الان اغرب من كل شي ..



اكرم : طبعا مش منتظر منش الان اي جواب او اي رد فكررررري وكل سؤال لش عندي جوابه واطرحي ف راسش انه بنتظرش عمري كله لاخر يوم ف عمري.




ياسمين حست نفسها ف موقف لايحسد عليه صعببببب شلت شنطتها وقامت خرجت..






ف بيت ايه



وصل عمار : السلام عليكم


ايه بتشاوره : امي ومرت عمي هنا ف الغرفه


عمار : حيااا بهم حياهم الله .. ابسري لي طريق ادخل هذه واسلم ع عمتي قبل مارجع الدوام



ايه شافت كرتون : ايش داخلها ؟


 عمار : الدفايه ..اقطبي



ايه مشيت للغرفه دعت امها..



ام ايه خرجت وشافت الي ف يده


عمار سلم عليها :حياكم الله ياعمه اهلا وسهلا نورتونا



ام ايه : الله يحييك يا ابني كيف انت



عمار : الحمدلله كيف عمي ومازن



ام ايه : كلهم يسلموا عليك..


عمار : الله يسلمكم .. طيب شاسير بساعتي مشوار وارجع نتغدا سوا



عمته : مع يا ابني الا بديت ابسر ايه ع الطريق وشاخطى


عمار : طيب اتصلو لعمي وحياكم الله كلكم




عمته : مره ثانيه ان شاءالله ولايهمك



عمار : يامنعاه


عمته : تسلم الله يحفظك او شاخزى منكم ان شاءالله مره ثانيه


عمار : ان شاءالله حياكم الله.. استاذنكم ..



شاف ايه : ماتشتي شي


ايه : تسلم


عمار : خرج.



امها : وقعتي خبلا ساعي حانبه ف البيت الكبير ولا خرجت مالش اتحيذقي وخلي امه تفرش له البيت


ايه بهررت لامها : عمه داخل هيا ندخل  بعدا عنتجابر..




داخل الصاله..

زميلتها : خيرررر ليش تاخرتي ! في شي



ياسمين ف عالم اخر مصدومه من طلبه  : هاا



زميلتها : وووو نحن هنا مالش



ياسمين راحت تشوف وقد كملوا  : ايش افعلكم جلست اشرح له كل التصاميم الكوش الي معنا




زميلتها : هااا ...




ف مكتبه ..


اكرم حس بشوويه راحه واخيرا نطق مشاعر كان كابتها ف قلبه ...




بيت نجوى..


نجوى : حياكن الله احلى جيه هيا كونين
افعلين هكذا وجين...


ام ايه : وين مرت ابنش


نجوى بتقسم العجين ف الصحن : ف مكانها


ام مجد : مالها ماتعاونش ؟



نجوى : ابردي لش لو مافهمت ع نفسها مافعلها



ام مجد : اصلا تعبتي فينا اوامررر وتمهار وصلتي لاعندها والدلع كله خرج مرت ابنش الوحيد



ضحكككين


ام ايه : الظاهر واحمه او معيفه


نجوى : والله مالي علم ماعد دري حالي بشي كل يوم وهم بيتصايحو وتجلس حانقه هكذا




ام ايه : لاحول ولاقوه الا بالله لا بها ولا ببنتي كيف هي مجعجعه مامعها الا موكيت.


نجوى : ليش مالها..؟


 جلسين يتجابرين ويقارنين بينهن...




ت.ع خ

بعد شهرين ماحصل فيها اي شي جديد روتين عام..


بيت عماد.. معي لكم موضوع (( فوق الغدا ))



مرته : خير؟ ؟




عماد : معي عمل في صنعاء بعد اسبوعين وبعدها ماقدرش اسافر للعرس لذلك من رأيي نعرس بعد شهر..



الاء : بس قد حجزت الصاله لبعد شهرين




ام الاء : ماعنقدرش نجهز كل شي ف شهر



عماد :ماهو يعني الي ماتقدري تجهزي ؟


 ام الاء : باقي لها الفستان وزنين نشتي نفصلهن من عيرضى ف شهر !!



عماد : وزعنهن ع خياطات عيتم بعض ناس بيتزوج ف اسبوع



الاء بتسمعهم سكته



عماد : ماقلتي !


 الاء : انا عشان تكونوا حاضرين يهمني طبعا سهل الباقي  ولو شليت الزنين بعدا



امها : وكيف عنرجع بعد شهر ع طول للعرس


عماد : تشتو تسبقوا عادي مع علي



مرته : خلاص احجز لنا بعد اسبوع نزيد نتم هنا خطبه علي ونسير ننفض ونجهز..



عماد : انا بكلم اخي محمد ونتفق ع كل شي




في اليمن..


اكرم بيسألهم : فين ياسمين لها فتره مابتجيش معاكم ..



زميلتها : معها مشاكل الله يعينها



اكرم : ايش من مشاكل


زميلتها : عفوا بس اشياء تخصها ماينفع اتكلم



اكرم : عادي تكلمي انا اعرف ياسمين



زميلتها : قتلوا عمها واخوها قبل فتره وامها مرضت على ابنها ودخلت المستشفى  وماتت



اكرم : اووو لاحوووول ولاقوه الا بالله كيف حصل هذا كله ومش انا داري



زميلتها : قدلها شهر ونص... بعدها عمها الكبير ماخلاها تجلس لحالها شلها عنده.




اكرم : ذكر انها تكرررره عمها بقوووه..

حاول يتذكر منى تطلقت كان متعالم هذك اليوم بحجز صديق له ف الصاله راح يشوف الحجز متى كان !!




بيت ايه..


عمار : ادخلي الغرفه ولاتفتحيها ابدا عيجو عندي ناس



ايه : طيب لحظه افرش لكم فيها شي



عمار : لا ولا شي ادخلي بس قدهم ف الطريق



ايه : طيب مايسبرش


عمار : ايه ادخلي وقفلي

ايه دخلت وقفلت كانت حاسه بنوووم رقدت..


عمار بعد انتظار خمس دقايق فتح الباب لهم وبدء يتحمل معهم الثلاجه للمطبخ...

وفراشات الديوان. ..


والغساله...

والتلفزيون



بعد ماخرجوا دخل للغرفه شافها نوم ابتسم وهو بيتخيل فرحتها راح يفتح كراتينهن ويرتبهن ف اماكنهن ويفرش الديوان صلخ المداكي والوسايد خرج الكراتين لخارج ورجع سمع صوت ف الغرفه الدولاب  فتح الباب ومبتسم..



ايه : مابش صوت روحوا ؟


 عمار : ماسمعتيهم


ايه : كنت نووووم



عمار طيب هاتي مقرمه



ايه : ليش


عمار بيمثل انه بيصيح : كله ليشششش هيا قطبه


ايه استغربت وبخوف من رد فعله ناولته


عمار لفها وربطها ع عيونها ومسكها



ايه ماسكه يده بتمشي ببطء: مالك !!



عمار دخلها الديوان وجلسها

ايه خافت تفلت ف الارض مسكته بقوه وجلست : عماررر

حست الفراش بعدت الربطه من عيونها  وصاحت : يوووو



ايشششش هذا ؟؟ وووقفت وبتتلفت وتلفززززيون ؟؟؟؟


من اين اديته


عمار مسك يدها :  جي


فتح باب الحمام والغساله داخل


ايه بتضحككك : مجنووووون من اين اديتهن


عمار ساكت سحبها للمطبخ : وكيف هذه ؟




ايه ماسكه وشها : انت منك صددددددق عتجنني من اين كيف لوما



عمار : افعلي لنا اول قلص شاهي نتفاهم ونخرج نتم بقيه القلافد امد اقلش ..


ايه : لا قوا الان قل لي والله ما اراعي


عمار تغيرت ملامحه : كان جي نفعل شاهي ونجلس نتجابر



ايه : ماعه


عمار : هيا من الغنج الله يعينني لما تعرفي



ايه بدلع: قوا عموري قل لي هيا



عمار : ياساتر منش ماتصبريش


ايه : امانه كيف تشتي اصبر !!



عمار : صلي ع النبي


ايه : عليه الصلاه والسلام خيررر مالك حسستني انك
تسرقت


عمار ماضحكش وبنظره حزينه : انا مسافر مع مازن



ايه : وين ؟؟



 عمار : لقينا عمل في عمان



ايه بنظرات زعل : انت يعني كيف وانا !!


عمار : سنه بس يا ايه امد أجمع لنا قرشين واسدد الي علينا



ايه ودموعها نزلت : ليش عاد شليتهن ماشتيش عندي موكيت وبيت فاضي بس انت فيه احسن من بيت ملان ومش انت معي



عمار : اتحملي فرصه جت والله غيرنا بيحلم بها قواا



ايه : قوا ايش وانت قد قررت بدون ماتقل لي



عمار : لانش لو دريتي ماعتخليني .. والبيت اثثته عشان ولادش


ايه بكيت...

عمار جلس يواسيها : هيا قواا معنا جاهل ف الطريق  وانتي ع مصاريف ولاد مابش رواتب وقد انتي بتبسري الحال مايخارج..






في البيت الكبير..


الجده : قومي افعلي لابنش شاهي وليمه ..


مجد : قد شربت حبه مابش داعي الان شاسير المكتب


امه : كيف تسير وانت تاعب افتهن اليوم ف البيت


مجد : هو الا زكام



محمد نزل لاعندهم للصاله..

اتصل عماد عادو غلق


الجده : خير ماله


محمد شاف مجد : فركشنا الخطوبه


محمد كان ممدد قام جلس  : ليششش ؟


 محمد : يشتو العرس بعد شهر وانت مش جاهز



مجد شاف ملامح ابوه قام وقف : منكم صدق يا اباااه !!!



الجده : بغير جنان


مرته : ماهو هذا الكلام


مجد ضااابح


محمد ضحك وجلس : العرس بعد شهر اقطب امورك وطلب تغير حجز الصاله ابسر يوم مناسب اخر

الشهر هذا..


تغيرت ملامحهم كلهم


مجد ابتسسسسم : الله يسامحكمم


الجده شافت مجد : وقفت قلبه


مجد ضحك ولفت لجدته : محد فاهمني غيركم



ام مجد : يووو وكيف عيفعلين وايحين عيجين والكسوه والتجهيز



محمد : جايين بعد اسبوع تقريبا عيخطبو لعلي ويجهزو نفسهم ويجو.

تغيرت ملامحهم كلهم


مجد ابتسسسسم : الله يسامحكمم


الجده شافت مجد : وقفت قلبه


مجد ضحك ولفت لجدته : محد فاهمني غيركم



ام مجد : يووو وكيف عيفعلين وايحين عيجين والكسوه والتجهيز



محمد : جايين بعد اسبوع تقريبا عيخطبو لعلي ويجهزو نفسهم ويجو.



ام مجد لفتت لابنها : وايحين عتستلم الجمعيه



مجد : شاقلهم هذا الشهر وان ماشي اكرم عيقدم لي سهل. .


الجده : سيرو ابسرو الغرفه..


ام مجد : بينقل افضي لهم الشقه الواسطيه حين مازن مسافر وعماد مابحد واحنا ننزل عندكم..


الجده : ايوه هذا المكان فاضي ومن حين سارت نجوى بينجلس لحالي.




مجد : شاغير المجلس والكل..


جدته : لاقد تزحم روحك اول عرس وبقيه المهر ادوه لهم وشل غرفه وبعدا سهل



مجد : يو صح .. طيب انا شاسير ذلحين نبسر يوم ونحدد امد الحق احجز فنان ونبسر كيف ..






في بيت نجوى..


نجوى  جالسه مع لمياء : الله يوصلني وقد انتي واحمه


لمياء : يووو مع مش ذلحين اشتي اقل شي سنتين


نجوى  : يوووو للمه



لمياء : امد نتأقلم انا واكرم احس انحنا مش متفاهمين قوي للان


نجوى زعلت : ليش هكذا نفسي ادرى مالكم حاكيني !.



لمياء ساكته قامت : اسير ارتب الغرفه قبل مايرجع اكرم..


نجوى زعلت وضبحت من تصرفاتها ...





ف طريقه للمكتب..


مجد : ولا تقليلي ياشوووعه خليتيني اشرب المقلب من ابي..


الاء : اصلا من هذك اللحظه للان وقد خططوا وعرسوا وتمو مادوليش فرصه افكر واقرر



مجد : الله يتمم لنا ع خير ياروحي.



الاء : امين يارب

مجد : انا وصلت الان بقفل ونتواصل بعدا



دخل المكتب..


اكرم ضااابح..


مجد : سلام


اكرم : ليش جيت وانت تاعب؟


مجد بفرحه : تبااااخرت


اكرم : مبين ع وشك. .


مجد : عرسي بعد شهر



اكرم : ماااشاءالله ربنا يتمم لكم بخير وعافيه.



مجد : مالك


اكرم : ملخبط والله مانا داري مافعل..



مجد : في ايش !


 اكرم : ماعليك مني ذلحين كيف عتفعل مانحجز مانجهز




مجد : اولا اشتيك تقدم لي مبلغ


اكرم : الله المستعان لاتهم زلط البنك عندك وتصرف وكانه الي فيه لك.



مجد : الله يحفظك لاتحرجني هكذا شابطل



اكرم : صدقتك.. ايوه ومتى اليوم



مجد : والله نشتي نلغي حجز الاء وابسر يوم اخر الشهر الجاي ولو في بعده بيومين للمقيل


اكرم : والسمره احجزها تكون الاسبوع كله لكم نقش وحفلتها وسمره لك ومقيل هديتي لكم



مجد : بس خباله اخصم من الراتب



اكرم : حرام مايختصم فلس من الخباله بين الاخوه حساب.

ريت ومن هو تزوج معاكم



مجد ضحك : بغير مزاحمه رجاء



اكرم : تطمن خلاص كان في امل الان طارت من يدي مره ثانيه..

اكرم : تطمن خلاص كان في امل الان طارت من يدي مره ثانيه..



مجد : عتتزوج ومرتك ؟



اكرم بيدور لهم تاريخ مناسب : ابردلك الان اهتم بنفسك وبس





بيت عم ياسمين..



مرت عمها : قال عمش مابش عندنا مطلقات عيزوجش ببكيل


ياسمين : مابتزوج حد بكيل معه3 نسوان وانا قانعه الحياه كلها ياخليتوني صدقه عندكم واكسبوا اجر فيني اما شاموت نفسي وافتهن منكم كلكم..




مرت عمها : اعقلي من الجنان مايسبر هذا الكلام. .


ياسمين سرحت وبدأت تفكر وتخطط انها تهرب بس فين وكيف اخوالها ومايشتو مشاكل مع اعمامها...



تذكرت كلام اكرم .....!!
 

قامت توضت وصلت استخاره وجلست تدعي الله يسخرلها الطريق الي تخلص فيه من همومها...



بيت عمار...


عمار : هيا ابسري كيف قلبتي فرحتنا نكد



ايه : غصب عني كيف تفلتني وتسافر



عمار : هيا سعم اننا اول واخر واحد قد نص الناس مهاجره تدور رزقها..



ايه ماسكه يدها بيده : وايش عتشتغل هانك !


 عمار : مع مكتب سفريات وسياحه.



ايه : ومازن ؟


 عمار : هو محافظه وانا بمحافظه وبعد وساطات ويهياااااه والتعب وجايه تقليلي ماشي.. اوعدش والله سنه بس الي نتخاررررج



ايه : وعمتي ماقالو



عمار : ماقد بفتح الموضوع معهم الان لابعد عرس عامر جهزي نفسش نسير هانك بعد اسبوع


ايه : ايوه كلمتني اختك اسير اعاونهم بس مستغربه كيف حددتوا قبل شهرين العرس والغو كل شي كيف لهم عنتي وافقو




عمار : حين معهم موت



ايه : اها خير ان شاءالله خلاص شلني بكره ابسر لو يشتو معاونه


عمار : بس انتبهي لنفسش وابني والا ياويلششش


ايه بزعل : وايحين عتسافر



عمار : ياهمتاااه للسفر من قال لي احاكيش





بيت عماد..


ام الاء قفلت التلفون  : خلاص حددنا الخميس الخطبه


علي: باقي لكم شي نخرج السوق !


 الاء : انا اشتي اسير ادي الفساتين حقي الي حجزتها



امها : خلينا نشلها لخطيبه علي وانتي...


الاء ماخلتها تكمل : ماعه قد دخلين نفسي



علي: السوق ملان ابسري شي ثاني



الاء بمحانكه : ابسروا انتو شي ثاني هذا طلبته طلب وغاليات على خطيبتك




علي : غاليات ع خطيبتي حسستيني ان انتي عتتزوجي مدري م... خاف يكمل الجمله يجرحها سكت



الاء فهمت : شاتزوج انسان مكمل نفسه معتمد ع نفسه صح ع قده بس يسوى الف مرتاح



امها شافت لعلي : ماهو هذا الكلام !!

ياقهر قلبي ابني الرجال الي مفروض يكون حاسب حساب لكلامه وتفكيره يكلم اخته هكذا



علي : مش قصدي شي انا بينعلق على تفكيرها هي كيف تقل غاليات عليها


الاء : مايهمنيش قصدك ولا اثر فيني وانت الله يعينك ع تفكيرك حاول بدل ماتنقص من شخص توقع مثله..

بيت عمها..

دخلت مرت عمها وماسكه وشها : جاااوبي عمش وقليله حاضر تم بعدك اووووبهي تقليله الي قلتيلي اول .. ماتعرفييييش كيف قد هو اخس من ابليس الله يخارجني منه وينتقمه ويخارجش ...

ياسمين خاااافت بعد ماسمعت مرت عمها بتدعي عليه لهذه الدرجه !! خرجت لاعنده..

عمها جالس وملامح الشر والغضب في وشه ماسك لحيته بيمرر أصابعه عليها وكأنه بيهدء نفسه من الغضب بنبررره شديدة من كثر ماتعود القسوه والظلم : ارتزعي هناك

ياسمين جلست ومتمنيه اللحظه هذك الطايره الي بتلف ف السماء تقصف البيت هذا المبني على توارث الدماء والثار وترتاح من اللعنه الي خلتها تكون بنت اخوه وتحت وصايته

عمها : ايش قلتي على الزواج !! انا الان مش سائل عن موافقتش ولا جاي اراشيش..

مابش عندنا بنات يتشرطين ويختارين او قلبتي نفسش من الشارررع !!

ياسمين بدات من داخلها تفوووور حست الظلم الي حصلها من اول حياتها للان داخلها زي البركان وهي قدام وشه.. وكان ثارها معه هووو مش مع القبايل الي تقاتل معها..

هو السبب في حرمانها من ابوها وحبيبها وتيتم حبيبها وطلاقها وفلذات اكبادها الي تتمنى تحضنهم وتمسك شعر راسهم بيدها. ..

كانت متماااسكه مثل الجبل بس داخلها ابليس بيفكرررر..


عمها :الخميس الجاي نقرا الفاتحه ونعقد وتتوكلي معه.

ياسمين وطت راسها وخرجت

عمها : فهم انه موافقه بخزا.

ياسمين : منصدمه من نفسها ماعد في بكاء ولا خوف من شي وكانها ماعد تفرق معها شي ...

قررت تكون انانيه من جيز انانيه العالم هذا.. بررت لنفسها انها تستحق وانه حبها الاول وانه... وقفت عن تفكيرها ومسكت تلفونها ورسلت له..

ممكن نتكلم ورمز كان قديم بينهم يعرفها به...

بيت اكرم

لمياء شافته دخل الغرفه : اكرم اشتي احاكيك

اكرم : خير


لمياء : شفت ايه قد خرجت بيت لحالها وانا !!

بينحس نفسي مقيده هنا

اكرم : ايش نفعل بالبيت اذا غرفه ومش قادرين نتفاهم

لمياء : المفروض تفرررح اني جلست معك وماسرت مفروض ترضيني باي طريقه..


بس انت مش مقدر قيمه الي معك مفروض تحمد الله اني وافقت بك وقد شفت كيف انرفضت من بنت خالك..


بقناتكم. ( طنافس 🎻وروايات🇾🇪 )

https://www.tgoop.com/FkamhSnanee3

• تم انشاء رابط هدية بقيمة 70نقطة 🎁

💳) الرابط : https://www.tgoop.com/srwry2bot?start=tob8734b0b413ed7b7166c194f2791b599594384

• #ملاحضه_رابط_الدعوة_بـ (200) نقطة ‼️
• يمكن لـ 2000 شخص الدخول ع الرابط 🇾🇪

كانت تعد له الفطور، وتقول:
(مربى – زبدة - قهوة) .. ماذا تحب أيضاً؟
رد سريعاً: "أحبكِ أنت"،
فضحكت برقة، وقالت: أنا أقصد الفطور
فجذبها إليه بحنان وقال لها : ومن قال لك أنكِ لستِ فطوري؟ أنت أجمل فطور...

(لا ... هذا لا نعرفه)

كانت تعد له الفطور، وتقول (مربى – زبدة - قهوة) .. ماذا تحب أيضاً؟
رد سريعاً: بيض وبطاطس، وجبنة وزيتون، ولا تنسي الشاي !!
فنظرت إليه بإستغراب، وقالت: هل ستأكل كل هذا
فجذبها إليه بشدّة وقال: هو أنا باكل من بيت أبوكي.... !!

(بالضبط .. هذا الشخص نعرفه)

قالت له وهي تعاتبه: أتهديني وردة ذابلة !
فأجابها : ليست ذابلة، ولكنها انحنت لجمالك...

(بالتأكيد .. هذا لا نعرفه)

قالت له وهي تعاتبه : أتهديني وردة ذابلة !
فأجابها: المفروض تشكرني إني عبرتك !!

(بالضبط .. هذا الشخص نعرفه)

قالت لزوجها : هل ممكن أن تقع في حب فتاة من بعدي ؟
ابتسم وقال: الفتاة التي سوف أحبها بعدك ستكونين أنت أُمّها...

(غالبا .. هذا لا نعرفه)

سألت فتاة حبيبها : هل ممكن أن تقع في حب فتاة من بعدي؟
إبتسم وقال: الشرع حلل أربعة !!

(بالضبط .. هذا الشخص نعرفه)

جاءته باكية تقول: أحرقت النار إصبعي،
فأمسك يدها وقبل إصبعها وقال: هيا امسحي دموعك، ولا تلومي النار يا جميلتي، فقد أرادت أن تتذوق طعم إصبعك ...

(مستحيل أن نكون نعرفه)

جاءته باكية تقول: أحرقت النار إصبعي،
فقال لها : تستاهلي، هذي نار الدنيا فما بالك بنار الآخرة !!

(بالضبط .. هذا نعرفه)

وماذا بعد...
الكلمة الطيبة صدقة
وفن الحديث والكلمة الحلوة هما أول شيء تستطيع أن تجذب وتأسر بهما شريك حياتك
فكُن حريصًا في ردود فعلك البسيطة من كلمات فهي لها أثر كبير وجرحها عميق جدًا.. !

🤏لعشاق الروايات 🩵🩷

✿سيتم انزال الجزء الثاني عشر
من روايه ( البيت الكبير )
للكاتبه والروائيه المتألقه (عبير الكبسي)


اكرم : ايششش !! احلى حاجه فيش تعرفي ماهي؟

 لمياء : لاتتفلسف ولا انا داريه انك مقتنع بالي قلته وبتحاول تغالط



اكرم : ان انتي مصدقه نفسش قوووي .. واصلي بس


خرج وقفل الباب


لمياء تبررررقطت وقررت تحنق عشان يعرف قدرها وقيمتها..



اكرم جلس ف الحوش يشرب سجاره وفتح النت كعادته يتصفح صفحتها من بعد وكأنه بيعرف يقرا افكارها ونفسيتها من خلال المنشور..

لقي رساله منها.. ع طول بدون ماينتظر لحظه اتصل لها..


ياسمين كنسلت الاتصال ورسلت له : عادك منتظر خبر مني؟؟



اكرم : ايوه اكيد بس..


ياسمين حست انها بينكسر كبريائها : بس ايش  على فكره انا ماقد وافقت بس سؤال ؟!!



اكرم : لا لا وافقي يا ياسمين ليش بنضيع عمرنا قليلي ايش خايفه منه



ياسمين : ليش قلت بس كمل كلامك



اكرم : بس كيف اجي لاعند اعمامش ..حبش ف كفه وانني ابتسم امام شخص حرمني ابي ف كفه ثانيه




ياسمين حست كانه حاسس بها ونفس الوقت ماتشتي تبين له ضعفها : ومن قال تجي عند اعمامي ابدا مارضاها لك ولاشي..


اكرم : اذا هكذا انا جاي بكره لو تشتي بس....

نسيت اقلش عظم الله لكم الاجر عادني عرفت



ياسمين :الحمدلله ع كل حال.. اكرم


اكرم حسسس نفسه يجاوبها كلمات كثيره ع اسمه الي دعتها به بس  رد: نعم



ياسمين : تقدر تخطب وتعقد ونتزوج ف يوم..




اكرم : تعرفي انه حلمي هذا الشي. وتساليني لو اقدر نعم اقدر ليش لا..



ياسمين : طيب اللحظه الي اقلك فيها تجي لاعند خالي واديلك عنوانه تجي نفس اللحظه ولو مشغول



اكرم  كانه فهمها لانه عارف انها مغصوبه من جلستها بيت عمها... : تمام



ياسمين : اي تفاصيل تشتي تعرفها بعدا الان ماترسل ولا تتصل ابدا...






بعد اربع ايام ( يوم الربوع ) بيت عماد..


 الاء تمت قفلتها : وهذه شنطه الخطبه جاهزه ...



علي فارح : اهم شي البنت كيفهي متحمس اشوفها



الاء ضحكت  : الي عينه طويله ماعد يعجبه العجب



علي شعفل شعرها : وررررجعت.. قد عتسافري وتتزوجي وتفلتينا وجالسه بتدوري هدار



الاء حست انها اخر ايام يكونو فيها واصل مع بعض بشقاوتهم وصياحهم وحبهم لبعض وخوفه عليها كان صديق اوقات واوقات محارش... حضنته : يارب نرجع اليمن كلنا.



علي رجع يمسح ع شعرها : غبني على مجد الله يعينه بس



الاء ضحكت : مودفين الي عيشلونا انا وانت.




البيت الكبير..


نجوى : ذلحين أبداو بالرناج ماكودكم



ام مجد : ايوه يجهز شقته اول



ام ايه : اين مرت ابنش ياعيبتش عليها كوني اديها معش شكلش بتشتغليها قرعه



نجوى ذكرت قهرها ع ابنها انه ماشافته يوم مرتاح بكيت



امها : يووو مالش


ام ايه : بينمزح معش مالش

نجوى وهي بتبكي : كم كان نفسي ابني يزيد يتعوض مع مره ساع الناس وهذه جننته ف روحه والان حانقه..


ام ايه : الله يعينها مدري كيف بعضهن تيه الأيام لاعد بيصبرين ولاشي



ام مجد : صبرنا ع كله ماحد عيقع اخس من اخوش ولا قد سمعتو. لي خبر



الجده : عيجبرني براسكن كلكن.





بيت عمها..

وصلوا لهم ضيوف من البلاد والبيت ملان رجال نسوان جهال.. قامت بعد الغدا لبست سكته وخرجت مع نسوان الجيران الي بيجين وراحت بيت خالها...


خالها.. : ليش ماقلتيلي انهم شلوش غصب والله


ياسمين مسكت يده وحبتها : قووووا ياخال هولا مايتفاهمو الا برصاص وتعبت قتل اي شي عندهم قتل قوااا حلفتك بالله انك تساعدني يشتو يزوجوني بابنه الكبير مجنون ومعه 3 نسوان ومايكلمهن الا بضرب وتعبت انا تعبت ...بكيت..



خالها : ايش في نفسش يابنتي والله مايعسوش لو يسير راسي



ياسمين : ياسين عليك انكر اني جيت لاعندك


خالها : ولو جو كيف


ياسمين : في واحد متقدم لي من فتره وابن ناس ومحترم وانا موافقه عليه يجي ويتقدم ويعقد ..



خالها : من هو وابن من وكيف



ياسمين جلست تفهمه وتكلمه انها صاحبه بنت خاله ....ووو


بعد ما اقتنع من وصفها لخباثه عمها وموقف اكرم وانه متمسك بها رغم الثار والي حصل ووو



يوم الخميس



اتصل هذك الساع بعده ناس يعرفهم وهم اتصلو لناس يعرفو اكرم ف هذك المنطقه. . انها ترسل موافقتها ل الاء




بيت عمها..


محد لاحظ غيابها الربوع مع الزحمه في البيت والبنات. .


الخميس..

عمها : فين ياسمين الشيخ يشتي يسال عن موافقتها



مرته كانت مخبيه الموضوع خوف منه : مادري فينهي البنات ملان بندور



زوجها بعصبيه وصوته ملان البيت :كيف يعني !! مالقيتوها جاهله تضيع او ايش



مرته بخوووف : الا ابسرها طالع..


زوجها : ولا اطلع لاوسط النسوان ادورها بنفسي ايش قد معكن بتخبيها..



مرته طلعت بسرعه : لا لا ياعيباه تمام الان



في بيت خالها..

خالها : ماناش داري ايش بينسوي لكن انتي ثيب ويحقلش تختاري من تتزوجيه وتتحملي المسئوليه ..



ياسمين : تسلم ياخال انا مقتنعه والله برضايا..



خالها :طيب ارجع لاعندهم داخل..

ياسمين وقفت ورا الباب وهي بتبكي من الفرحه ..كانت فرحتها ناقصه مكسوره انها تزوجته بهذه الطريقه...



خالها واقف ورا الباب : واكرم ومازن والشيخ وابو مجد شهود..

يا ياسمين تقبلي ب اكرم زوج لش على سنه الله ورسوله...الخ



ياسمين وغصه ف حلقها : نعم


اكرم ابتسم وحس الدموع ملان عينه اول ماسمع صوتها..




مازن بيشاور عمه : ماهو هذا في ساعه ابسر نفسي بينعقد له هو بخير ولا فيه شي

ابو مجد : اصبر نروح عنتفاهم معه ماقال لي الا فوق السياره .. الشيخ كمل العقد وبارك لهم.. مازن مطنن في اكرم : الي صادمني انه ممشخر اكثر من يوم عرسه.

ابو مجد ضحككك : شكلها بتوقع الفرحه في الثانيه.

مازن : ضحككك على عمه

اكرم لفت لهم وشاف خالها واشر له يكلمه .. خالها كان مربوش خوفه عليها كانت الشخص الوحيد الي باقي له من اخته بعد ماقهر قلبه ع ابن اخته واخته الي ماتت قهر من اعمام ياسمين خرج عن العادات والتقاليد وبيتصرف لمصلحتها .. دعا اكرم لخارج : ذلحين كيف عتشلها !
اكرم : طبعا انا ياعم مش خايف من شي لا هي زواجه سر ولا حاجه بس ظروفها الي فيها موت امها واخوها مش سهل لذلك تجي معي وبعدا متى ماقررت عنرجع نفعل حفله صغيره لاهلي
خالها : البنت هذه امانه ف رقبتك يا اكرم لاتستغل اني اديتها لك بهذه السهوله بس لانك الشخص الكفؤ وان شاءالله تقدرها وتعوضها

اكرم اشر له في عيونه : بعيوني الثنتين يا عم لو عليا انها كانت زوجتي الاولى والاخيره ولكن الحمدلله على كل حال
خالها هز راسه تمام : يلله شدخل ادعيها تكلمها وتقرروا.. ياسمين كانت منحرجه ومتوتره وخايفه يوصلوا اعمامها ويلقوا اكرم... خالها دخل : ياسمين
ياسمين : ها ياخال

خالها : اخرجي جاوبي زوجش

ياسمين نفسها تقله : قصدك حبيبي حلمي الي تمنيته الي وصلت له بعد انكسار... خالها لاحظها مرتبشه :تعالي

ياسمين مشيت بعده.. خالها وصل للصاله ابتسم لاكرم ودخل الديوان عندهم.

اكرم جلس متأمل في ملامح وشها الي فقد تفاصيله وبراءة نظرات عيونها حس لو بيقول كلام مابيكفيه الوقت لذلك تجنب كل الكلام الي بيقلب عليهم مشاعرهم والوقت مش مناسب الان : جاهزه تجي معي الان

ياسمين نزلت راسها باحراج ومتوتره شابكه ايداتها ف بعض هزت راسها  ب ايوه

اكرم مقدر موقفها : طيب ادخلي البسي البالطو امد ما اخلي خالي وابن عمي يسيرو لهم ونمشي.

ياسمين : طيب

ف الديوان

اكرم شاور مازن : شل خالي وانصرفوا

مازن : الله المستعان ليش الطرد هكذا

اكرم : بجلس معهم شويه

مازن ضحك تمام : ياعم

ابو مجد : ماهو

مازن : ل ايش مراعين تمو يعقدوا احنا نخطى لنا
ابو مجد : هيا اخطى واكرم

مازن : ماعلينا منه نسبق احنا

ابو مجد : ماشخطى الا به افهم ماهو الجنان هذا

مازن : سهل الان هنا مايسبرش لحد يسمع يتم يبسرها وعيجي لاعندنا

ووقف بصوت مرتفع احرج عمه :هيا عم .. بيت اهلها .. لمياء جالسه مع بنت خالها :  هذه المره والله ما ارجع الا ببدله ذهب يتربى ويدرا كيف يعاملني ويقدرني..سكت له خيرات

لمياء جالسه مع بنت خالها  :  هذه المره والله ما ارجع الا ببدله ذهب يتربى ويدرا كيف يعاملني ويقدرني..سكت له خيرات



بنت خالها : ايوه سوا المره الي تفرض قدرها يحترمها زوجها



لمياء : يعني اواصل الحنقه حتى ما اتصل بين اقل اتصل له ؟


 بنت خالها : لا لا خليه يفقدش هو



لمياء : تمام كما هو زناط شايف نفسه وانا ازيد منه ..







البيت الكبير..


جالسات فاتحات الزفه وبيمسحين الشقه ..


وصل ابو مجد سمع الزفه جنن فكر انه عارفات وماقالين له شاف اخته نجوى  :  هكذااا خليتيني مهزززله العب غدا وعشا مع ابنش قدام الناس





نجوى افتجعت : خير مالك يا اخي ماوقع مافعل اكرم



ابو مجد : قد انتين معرسات وزفه وجنان وانا ادرى ف الطريق




نجوى : وانا مادخلني جيت الا اعاونهن




ابو مجد : ومالش ماتكلميني قبلها وتقليلي انتي وابنش




نجوى : مانقلك ماله اكرم مادخله ف العرس



ام مجد مصدومه مش فاهمه ماله بتاشر له يهدء



ابو مجد : وايحين خطبتي له ..


نجوى بتتلفت لهن وهن مصدومات مثلها : يو الله يستر عليك يا اخي اسكه ادين له ماء يمكن السكر مرتفع



ام مجد خافت فكرته جنن : يوووو بسم الله عليك مالك


زوجها لفت لها بعصبيه : ابعدي انتي مالش دخل



الجده قامت لاعنده :صلي ع النبي مالك


ابو مجد : ابسر نفسي ف الطريق يقلي هيا نعقد وتقلولي مالك



مرته : يووو عقدت لابني ؟


 ابو مجد ضببببح ويصيح : مالكن ابتلدتين دامكن خايفات هكذا ليش خبيتيني عليا


امه بصياح : عتتكلم من الجنان مالك وماحصل من الي عقدتو له



ابو مجد : اكرم



فوق السياره..


اكرم حب يخرجها من جو الخوف والفرحه الي خالفت أحلامهم  ..

الحلم الي تمنوه مع بعض موكب كبير وزفه ..


فتح لها الزفه ومعليها للاخير


ياسمين ضحكت ومسحت دموعها  نفسها تسأله اشياء كثيره بس مش وقته لانها مش عارفه ايش تقول وب ايش تبدء..

اكرم نقص صوت المسجله : اليوم بس عادني حسيت هذه الفرحه تعرفي ايش هي



ياسمين : ايش


اكرم : انش لي ..


ياسمين شافته فارح ومتحمس ماحبت تكسفه بس مضطره : ممكن اطلب منك طلب وماترفضه لي



اكرم : اؤمري انتي قلك ارفضه ماعد بش حاجه ف الدنيا تنرفض وانتي معي



ياسمين : لو ع الكلام والحب العالم الله  وحده كم شاقول بس طلبي ممكن يزعلك شويه



اكرم : والله مازعل منش قولي مافي نفسش



ياسمين : اول شي فين عنروح


اكرم : بينقل ادور فندق امد


ياسمين :لا


قوا مشتيش حد يلقاني اعمامي الان اكيد قالبين الدنيا عليا وكيف شفعل يا اكرم.



اكرم تنهد : لاتقلقي ماعيفكرو بي خالص وبعدا انا زوجش من ايش خايفه !

قوا مشتيش حد يلقاني اعمامي الان اكيد قالبين الدنيا عليا وكيف شفعل يا اكرم.



اكرم تنهد : لاتقلقي ماعيفكرو بي خالص ..



ياسمين :  عتقدر تلقى شقه الان  ؟



اكرم : ايوه وليش لا بس اصبري اتصل ..


اتصل لواحد صاحبه يسأله لو باقي معه شقه فاضيه من العمارة الي مأجرها وقال له يراعي يرد له خبر  ..




اكرم بعد ماقفل: طبعا ماعيلحقو الان يجهزوها فلذلك نروح فندق امد اليوم.



ياسمين : طيب عادنا ماطلبت الطلب



اكرم : يلله اطلبي مافي نفسش



ياسمين : ممكن ماتقل لحد غير اهلك انحنا تزوجنا ولا لحد اخاف يوصل لهم الخبر.



اكرم : هذا الطلب !!



ياسمين : لا ...تشتي تتكلم قاطعهم اتصال لتلفونه...

شاف رقم امه توتر ومارد اكيد وصلها الخبر



في البيت الكبير ..


نجوى : مابيرد !! يا اخي منك صدق ! اقسم بالله ماعلم



اخوها : هذا مجنون او بيجنن ماله خرف اكرم ماعرفته هكذا عاقل. .



نجوى بتبكي : حسبها وامرها لله مرته جننت ابني



ابو مجد : ليش بينهم مشاكل



نجوى : واصل من حين تزوجها


ابو مجد جلس : كان رجال ماهكذا ماعتبي عليه الا ليش طرحنا امام الامر الواقع.



مرته شافته بنص عين وقلبت وشها..




نجوى : كان من خطب


اخوها : عقد قلك خطب


نجوى: بنت من



اخوها : فرقت معش بنت من قد تزوج





فوق السياره بيسوق زي المجنون عمها وابنه بكيل : تهررررب ! مكلف وماقدرنا عليها وسافرت من البلاد مع من !!!




بكيل : قسمن لاشرب من دمها واذا ماربطتها وحبستها ف البيت ..



عمها : حاااضر بعيني لاما مسحت بها البلاد هي واخوالها.




في المكتب..


مجد : والله انه عقد عليها اليوم


الاء : يووو ع فرحه انا فيها  الله يسعدهم ولا كلمتني


مجد : طبعا ماقال لي اكرم تصدقي مادريت الا من مازن البيت مقلوب حريقه وهو مابيجاوب حد



الاء : الله يستر بس الان بدخل اكلمها.





مجد : طيب يا اكلمها مراعيه لش ف النت صح.
هذا اذا زد شفت له صوره.


الاء ضحكت.




في السياره ..

 
اكرم قفل تلفونه : ايش طلب الهوا الي بينتنفسه


ياسمين مشاعر فرحه وخوف : انا عارفه انك زوجي بس خايفه عليك منهم



اكرم : لاتخافي ماقد عنتكلم مؤقتا لما نشوف كيف نحل الموضوع هذا



ياسمين : طيب الفندق ماعيعرفو باسمي


اكرم : لا وعمش عادو عيلوي بيت اخوالش..



ياسمين : يارب مايفعل لهم شي كما هو مجنون وانا شكلي ..


اكرم مسك يدها : اوص قوا لاتكملي شي خليها ع الله سهل لنا كل شي عيسهل الباقي..

الان تعالي نسير فندق امد اليوم.



ياسمين : طيب خليني فيه وسير عند مرتك عادي امد ماتتفهم


اكرم : حانقه بيت اهلها وحتى لو موجوده ماشفلتش لوحدش بغير جنان ؟



 

جنبو جنب افخم فندق ونزل معها


حجز لهم جناح وطلب العشاء



في البيت الكبير..


نجوى اتصلت له : واخيرا جاوبت مالك فين انت



اكرم : انا برجع اكلمكم بكل شي تطمنوا



نجوى : لاحول ولاقوه الا بالله يا اكرم كيف تفعل هكذا بدون ماتحاكيني



اكرم : خلوني مره واحده اقرر قرار لنفسي واتحمل مسئوليته




نجوى" الله يسعدك ويسهل لك



اكرم : ايوه هكذا امي نور عيني الله يحفظكم لي يارب




اكرم قفل وبيدورها دخل شافها بتصلي في الغرفه  دخل توضا وخرج الصاله يصلي..


ياسمين كانت بتشوفه من الغرفه وبتتأمله قدامها بيصلي مش عارفه تفهم شعورها وهي معه ..




ياسمين استغربت ركعتين وسلم :اكرم شكلك مربوش عيد الصلاه ركعت 2 بس


اكرم جا لباب الغرفه مبتسم : هذه ركعتين لله حمد وشكر  والان اسير اصلي..


ياسمين ابتسمت له وهزت راسها  ب حاضر.



جلست تتفرج نفسها ف المرايه ولبسها حست بززززعل اول مره يشوفها فيها اكرم وهي بجلبيه باليه سودا وحاطه الطرحه ع شعرها ووشها مرهق ...

ذكرت عمها ويعلم الله ايش بيحصل وهي مش عارفه..



اكرم كمل يصلي وجلس ف الكرسي الي مقابل لها. :هيا نتعشى



ياسمين : شابعه


اكرم هز راسه ب لا وهو بيتأمل عيونها ب ابتسامه وحب



ياسمين ابتسمت وجلست تلعب باظافرها من التوتر



اكرم : جالسه انتي والطبيعه هذه لما تتوتري !! تذكري ايام التسميع


ياسمين لفتت له وضحكت..


اكرم : حتى ضحكتش ماتغيرت. ..


ياسمين : بتعشى لو بس اتطمن ع الاقل ايش بيحصل في بيت عمي



اكرم : وكيف ؟؟

 ياسمين : مدري اشتي اتصل لهم اقل لمرت عمي انني سافرت خارج اليمن.


اكرم : ممممكن بس عيدرى عمش



ياسمين : يدرى بعدا اي شي المهم اشوف ايش الي حصل


اكرم : طيب كيف عتتصلي من تلفونش ؟


 ياسمين : بالواتس اسال بنت عمي كيف الوضع



اكرم : تمام لاتخافي من شي وانتي معي وخليها بكره افضل



ياسمين هزت راسها : طيب.



اكرم : وحشتيني


ياسمين ابتسمت و دمعت..


اكرم  مالش ؟؟ دموع فرح او خوف او وحشتيني..



ياسمين بككككيت : احبك وخايفه من كل شي خايفه عليك اكثر من نفسي يكفي كل الي انت فيه بسببي...



اكرم كان حاسس بقهر عليها

دمع من دموعها وفرحته بها ومن كسرة نفسها


(( لاتدمع عيناكي يا زهرتي

تعالي نحتضن المناديل

نغازل الهموم لعلها تخجل

 نكتب لحظة لقائنا على لوح امنيات ليالي القدر

 تعالي نلحن القصائد التي خبئناها لهذا اليوم معا

 أدفني جذور الآه من قلب يتيم 

  سأسهر اليوم مع قمري تحت النجوم نراقب
 
كيف تلمع حين تنعكس على ارض الوجع..

و لنقطع اخر اوتار الفراق ولنعزف وتين الحياه

((

ياسمين جلست تكلمه كل الي حصل مع عمها وكيف لما قررت توافق وماتدي له فرصه يجهز نفسه..
كيف هربت واقنعت خالها ولما اتصلت له



أكرم كان مش مررركز ف الكلام بقدر ما بيتأمل الملامح الي اشتاقها لها من زمااان



ياسمين لاحظت نظراته مندمج معها بس ماعلق ع شي سكتت



اكرم : انا حاسس بش وكل الي مريتي به وماعد يهمنا شي الان حاولي تنسي الي حصل كله انسيه خلاص ولاتخافي اتطمني وانتي معي..



تعرفي اليوم حاسس كأني الا بدأت اعيش..


 الفرحه الي فرحتها اليوم  حسستني اني كنت ميت انسان عايش بلا قلب ولا مشاعر مش مصدق يا ياسمين انحنا مع بعض كم تمنيت اللحظه هذه ..


ياسمين : ايوه


اكرم ملاحظ بتقاتل النوم تكلمه وعيونها بتتغمض ..


وبسبب القلق حق عمها تفز فجأه من نومها
وتشوفه جالس ف الكنبه الي قدامها ..

مفكره انها بتحلم تدعيه يجاوبها تبتسم وترجع ترقد


اكرم بيتأملها ويتذكر كلامها ف المعاناه الي عانتها من امس بدون نوم وخوف وتفكير كيف تهرب من بيت عمها وعقدها بابن عمها وكيف وصلت..

 تنهد وحمد الله وشكره.




ثاني يوم الصباح..

عماد : صباح الفرحه واحد خطب وواحده عرسها بعد اسبوعين..


ام الاء : خلصت من علي ذلحين اهم الاء..


عماد : قد انتو جاهزين


الاء: مع باقيلي اخرج اليوم وبكره


عماد : بكره اين عنسير المطار الساعه9 الليل


الاء : طيب شخرج من الصبح





في البيت الكبير..

مجد قام الصبح وهن فاتحات الزفه شافته امه وحجرت..


مجد ضحك : امانه انني خاور افلت الدوام واجلس اعاونكم  ما بينحس نفسي عريس الا هنا.




نجوى : اين دوام اسكه سير ابسر لي المخسوف هذا وين هو ولا عد ابسرته



مجد ضحك : تمام


نجوى : قل له يجي لاعندي اشتيه.


مجد : حاضر...خاطركم



امه : ما قال لك صاحب الغرفه



مجد : الاسبوع الجاي عتجهز



امه : ان شاءالله.


ام ايه : نشتي نقطب نتم العمل هنا عادحنا عنسير نعاون بيت اخي عماد لوما يجو



نجوى : ماكودكن تتمين البيت هذا ... وهانك عيعاوننها خواتها والشغالات ماشاءالله





ياسمين نكزت وجلست تتفرج السقف والمكان شافته راقد فوق الكنبه الي قدامها وتذكرت صباح مختلف عن الأيام الي قبلها ، صباح ذكرها بأيام زمان الي تعودت تشوفه كل يوم. .ابتسمت

شافته راقد ماحبت تزعجه فتحت تلفونها ورسلت رساله لبنت عمها ماردت..



دخلت تغسل وشها وخرجت...


اكرم نكز من اتصال لتلفونه وشافها مش فوق السرير خاف قام راح يدور لو ف الصاله..


ياسمين فتحت باب الحمام لاوشه ونكزت : خوفتني



اكرم : قمت مابحد انتي خفت عليش ، صباح النور الي في وشش وصباح احلى ابتسامه وعيون..

ياسمين استحت خرجت وقفلت الباب : شكلي نكزتك  صح !
اكرم : لا وصل لي اتصال من اللغجه مجد لاراحت له عرسه بعد اسابيع انا شاوريه كيف الخبر

ياسمين ضحكت .. اكرم حاول يتهرب من ابتسامتها ونظراتها : طيب ياروحي اطلبي لنا صبوح امد ماغسل وشي

ياسمين كانت ماسكه تلفونها بتشوف لو ردت لنت عمها : ايش اطلب

اكرم شافها : نسيتي
ياسمين : لا وبطلب سندوتش كباب واحد زي زمان ونقسمه بيننا

اكرم ضحككك : الله ع ايااام الحراف ..اطلبي بس خليني اعوضش ع الجعجعه حق زمان

ياسمين بابتسامه ونص عين : جعجعه ! كانت احلى جعجعه واجلس عليه طول اليوم
اكرم : يلله اطلبي انتي من امس بدون أكل وراجع لش

رفعت السماعه لتطلب وهي بتشوف بنت عمها بتطبع رد.. قفلت وبتقرا.. اكرم خرج : ها حبيبي طلبتي! او اتصل لهم

ياسمين لفتت له : اكرم فعلو حادث وماتوا

اكرم بصدمه : من هم ؟  ياسمين : عمي وابنه

اكرم حس برااااحه : عظم الله لش الاجر

ياسمين بكيت ذكرت كل الظلم والي عانوه هي واهلها وابوها قبل مايموت بسببه وغطرسته وظلمه لهم : له الحمد والشكرررر صدق عمي بس يسسير له خلاص عايش يكسب ذنوب.. مش قادره اذكر له شي حالي والله ولا شي هو سبب كل الي انا فيه حرمني اخي وامي وابي وجهالي وانت كل شي كاسر نفسي في الدنيا هذه بسببه
.. اكرم مسك يدها يواسيها : وليش البكاء !! ارحمي روحش كم جهدش ايش ع ينفع من الدموع هذه

ياسمين : غصب عني مقهووووره يا اكرم.

اكرم : ياروحي انتي مؤمنه او ماشي كل شي قدر من الله طيب ليش بتبكي مات .. خلاص افتهنتي من هم كبيرررر له الحمد ربي انتقم لي ولش ولغيرنا .. ياسمين : بكيت لاني مالقيت شي خير منه اتذكره واترحم عليه .. اكرم : موته بحد ذاته راحه لش صدقيني امش واخوش وابي وكل الي ماتوا اجلهم سبحان الله ..ادعيلهم واترحمي عليهم وافتهنوا واختصروا التعب والشقا في هذه الدنيا.. جهالش ويرجعو لش الحياه تشتي صبر.. وانتي معش الله و انا مانكفيش

ياسمين ابتسمت ومسحت دموعها
اكرم مسح دموعها : لو ازيد اشوفش بتبكي صدقيني لاعاقبش ..اخر مره لش

دق الباب

اكرم لفت للباب وشافها : يلله غسلي وشش وتعالي نصتبح.. بيتها.. ايه : يعني متى سفرك ؟  عمار : تقريبا بعد عرس عامر

ايه بزززعل طرحت الخبز
عمار : صبووح

من الغنج هيا قدني بينشقى صبح وليل وايحين بتشوفيني وذلحين مافرقت خلينا نختصر الضبح هذا اروح اجمع قرشين وارجع افعل لي مشروع
ايه بحززن : الله يسهل لك يارب
عمار قسم الخبز وغرف جبن واكلها هيا اسرعي اصتبحي اشلش ع طريقي

ايه :,  قمت الصبح لقيت رساله من اكرم ابن عمتي قال حول باسمي زلط




عمار : زلط مه. وليش !! قلتي له او حكيتي لعمتش انحنا محتاجين


ايه ضحكككت : اصبر افهم اول .. قلك قصه طوويله المهم انه يشتيتي اخرج السوق اتكسى لمرته..


عمار :.هااا ومالهل ماتخرج



ايه : مدري اديلي تلفونك اتصل له افهم مابش معي رصيد



عمار ناولها التلفون..




ايه : صباح الخير اكرم كيف انت عادنا ابسرت رسالتك


اكرم بيتكلم بألغاز لاتفهم : ايوه عتقدري؟


 ايه : ايوه شاقدر لاني بينخرج هذه اليومتين السوق مع اخت زوجي نكسي سليفتي



اكرم : خلاص ابسري كل الي شلوه واشتري مثله ع ذوقش واطلبي من مجد كم ماتشتي..


ايه : طيب

اكرم قفل ورسل لها : حاولي اليوم تشتري الملابس المهمه مابش معها شي تلبسه...



ايه : من هي ؟


اكرم :ياسمين


ايه : مش فاهمه شي


اكرم ذكر انه ماعد بش شي تخاف منه:  ولا اقلش الان شاديها لاعندش تخرج معش


ايه مصدوومه بتتفرج عمار : طيب


ياسمين لما كان بيتصل فكرته بيكلم مرته حست بتأنيب ضمير ولمت بيراسلها حست شويه غيره غصب عنها بس من حبها له وحسد مرته كيف بيعاملها.


مش عارفه انها مش مرته.




اكرم : الان اتصلت ل ايه تعرفيها  طبعا..

عتخرجي معها السوق شلي كل الي تحتاجيه كله تكسي كسوه عروسه كامله ذهب بثياب الي عيشتروه لعروستهم لش مثله وازيد المهم ياروحي شاوصلش لاعندها



ياسمين : طيب بس كيف عتقل لاهلك و...


اكرم : انتي ماعليش من هذا كله الان اعتبريني ابوش اخوش صديقش سندش بعدين باتفاهم انا وانتي كما قد انتي عندي في بيتي زوجتي تجي معززه مكرمه بيتنا عند امي.



ياسمين ابتسمت له بنظرات حب : و..



اكرم : ومرتي برضو تشتي تجلس حياها الله مش عاجبها الله معها  ( حاول مايبين لها باي شي بينهم حفاظا لمشاعر لمياء لايظلمها).




ياسمين : طيب الان بالبس .






في البيت الكبير..


اكرم وصل منحرج مش داري كيف بيستلموه كلهم...



نجوى : اخيرا ابسرتك وين انت ومالك



اكرم : مالي


نجوى اول مره تشوفه هكذا ضحكته من القلب ومبسوط : هكذا تفعل يا ابني الله المستعان



اكرم حبها فوق راسها وحضنها : هيا قالو نبع الحنان مش نبع الفجاع


نجوى : عاد الناس يتحاكوا مش سكته ومن هي وكيف هي وو



اكرم : الاولى كانت ع يدكم وهذه ع يدي ونبسر من احسن



نجوى : وبنت من..


اكرم بيغالط ادا لقب خالها مؤقتا


نجوى : وايحين العرس مرتك داريه


اكرم : قد.هي عندي من امس ومرتي لو هي ف البيت انهي دريت



نجوى تعبت جلست : انا مادخلني سدو



اكرم : تمام اهم شي مابش مانع عندكم اجهز لها مكان امد  ماكمل التشطيب الشقه الي طالع ؟؟

اكرم : تمام اهم شي مابش مانع عندكم اجهز لها مكان امد  ماكمل التشطيب الشقه الي طالع ؟؟ غرفه جنب غرفتكم
نجوى : بتستاذن لي ومرتك عترضى وهذه كيف لها ماتشرطت ماعتفعل بروحك يا ابني ؟

ليش استعجلت مرتك عتعقل مع الايام  اكرم : مايهمني تعقل او لا.. طبعها متعب كم لنا وماقدرنا نتفاهم ولا بظلمها معي تجلس لو تشتي وهي واصل تمكنني تشتي تطلق ووو يعني اوثقو اني مافعلت هكذا الا ومعي حق ومابظلم حد.. امه : الله يسخر لك كل خير ويدحنك كل بلا يارب.

اكرم : الان شابسر الغرفه هذك ل ايش محتاجينها ؟  امه : ولاشي ماعجبتنيش تجلس فاضيه بينخليها للكواي والصلاه شلها

اكرم : تمام .. اين جا مازن.. نجوى : مرت خالك ف الحوش اسالها

اكرم خرج للحوش : اين مازن

حوشين له نسوان خاله : مالك خرفت من يفعل هكذا
اكرم ضحك : هيا مالكم عليا باركوا لي .. اين جا مازن

مرت عمه : مدري هذه الايام واصل مع نسبه بيعاملوا يسافروا.

اكرم : الله يعينهم.. جلس سارررح يتذكر الي حصل كله ف يوم وابتسامتها وحس انه مشتاق لها اتصل لها.. ياسمين : الو

اكرم : وحشتيني هيا تميتين

ياسمين ضحككت: بتمزح عادحنا الا خرجنا

اكرم : طيب وانا ما افعل ذلحين .. حاسس ان ماعد في شي معي غيرش انتي

ياسمين ضحكت وبصوت واطي: لاتحرجني مابقدرش ارد عليك ذلحين

اكرم : الله يصبرني لما تتمي.. ذكرتيني اسير الان اشوف لنا غرفه.. مش عاجباني جلستنا بفندق.

ياسمين : طيب .

فوق السياره ضابح بيسوق بعد ماتصايح مع صاحب الدعوات... دخل يرسلها يسألها كم يطبع.. ولا بترد

رجع يتذكر ان لقائهم هذه المره غيرررر عن كل مره بيتخيل ملامحها وكيف بتكون بالفستان الابيض ذكر لما شاف شعرها مشعفل وضحكك.. الي جنبه موقف ف الاشاره بيشوفه ومستغرب والي جنب السواق :بيضحكو ع موقف مجد مبتشم بدون سبب

مجد خرج راسه من الطاقه : مانفعل يا اخي جننت  الي جنبه : سهل عند الكل هكذا مش انت وحدك الشعب قرحت فيوزاته
مجد ضحكككك ... فتحت الاشاره ومشيوا

ف السوق.. ايه بتكلمها بصوت واطي : يووو ولاحد قال لي

ياسمين : ماتكلمنا لحد ولافعلنا شي هو عقد ومشينا

ايه : يعني ذلحين قدش حقنا

ياسمين : ضحكت

اخت عمار : هيا ندخل هذا المحل

ايه : مالحقتي تتكسي ولا شي

ياسمين : ماشي والله قلتلش وقع الموضوع مفاجئ

ايه : طيب مارأيش هذه عيطلع روعه فوقش يجنن  وقده موضه من الخصر ذيل

ياسمين : بينقل اشل المهم وهولا عادي بعدا لاني عادنا بالاسود ع امي

ايه : الله يرحمهم وانتي عروسه وبعد حب وووو تلبسي له اسود ليش تزيدي تغميهم للقبر البسي وافتهني

ايه : الله يرحمهم وانتي عروسه وبعد حب وووو تلبسي له اسود ليش تزيدي تغميهم للقبر البسي وافتهني وادعيلهم وعيشي حياتش الحزن والالوان ماعترجعهم.. ياسمين : صدقتي بس من داخل مابش نفس

ايه : سهل من داخلش الله كفيل بجبر القلوب مش بالوان الثياب

ياسمين : ساكته.

ايه : خلاص ع هكذا ششتري انا ع ذوقي. .. مالبستي  امس

ياسمين سكتت ماعد وضحت لها ان زواجتهم هربه ووو
ايه التهت بالموديلات : ما رأيش هذا لو في ابيض روووعه عيوقع
ياسمين : ع ذوقش

اكرم اتصل لمجد.. مجد : هيا ناهي لك.يا اكرم مالك بتزاحم حانب بروحي لبيج كل بقعه وانت حانب بروحك

اكرم ضحككك : شكلك حاااسد انني سبقتك

مجد : مابلا يا اخي برقطني صاحب الدعوات .. ذلحين ماتشتي انت

اكرم : هو لو سالت هكذا قبل ماتتقارح انك فهمت

مجد : مافعل ياخي بدل ماتعاوني قلت قدك تشتي منفعه

اكرم ضحكك : ايوه اشتي بس منفعه بسيطه اسالك بس

مجد : والله انك مهيص للاااااخر هنننننيت لعينك ماقد بسرتك يوم من حين تزوجت تضحك هكذا .. اكرم : الله يديمها نعمه.. ذلحين يالغجه قل لي عد القى غرف جاهزه حاليه

مجد : ايوه عد اكتبلك ف رساله عنوان محل ضخم بس يشتي له جيب دسم
اكرم. : تمام.

بيت اهل لمياء.. امها ( مرت عمها الي ربتها ) : ذلحين اشتي ادرى ليش حانقه منه

لمياء : اصلا مافي حسه مني مابينحس انني مش مهمه عنده  ازعل ولا اهدده ولا في حسه

امها : ياخبلا ومن قال لش تهددي عادو عيعاند عشان هكذا ولا في حسه

لمياء : الا زمانكم عن زماننا يفرق

امها : مادخل هذا الحكا ف زماننا وزمانكم.. الرجال له طبيعته واخس شي عنده تعانديه يعاند اعظم

لمياء : خلاص محد احسن من حد .. هو الخسران مفروض يوقع اعقل ويداريني ويدلعني مش يقتلب جاهل ويزيد يعاند

امها : ناهي ماهو السبب

لمياء : في كل شي والصدق مدري ماحبيته ماتقبلته لذلك بينرفزني اي تصرف منه

امها : يمكن ماقد فهمتي طباعه لوما بتتحسسي منه
لمياء :زناط وشايف نفسه وجا عندي

امها : يابنتي مابش رجال يزنط ع مرته.. وانتي والكل زنطش ع صحباتش زمان مايسبر ذلحين معه.. لاتخليني اندم انحنا دلعناش لدرجه عتخليش تضري نفسش وتخربي حياتش

لمياء : طز في غيره مليون ياسعم مابلا هو

امها بضبح : لمياء تكلمي.. في شي بسرتيه منه مش سوااا مخليش بايعه لهذه الدرجه
لمياء جالسه تقلب السؤال ف راسها وتكلم نفسها الصدق ماشافت هزت راسها : لا

امها : لاحول ولاقوه الا بالله .. لمياء : يعني احسه يتأمر يتفلسف واي شي اقله مايعجبه ومابيحبنيش مش هو داري انه يحمد الله رضيت بواحد عادي مثله

امها : انتبهههي يا بنتي تغضبي الله حين نعم عليش تغتري ع غيرش سوا زوجش او غيره.. الدنيا مش دايمه لحد ..الحمد لله وحده لا لش ولا له وكله من فضل الله مش من حد. .

يعني لو كنتي فقيرة كنتي عتحبيه وتحترميه !! انا ماربيتش هكذا ليش تفكيرش مختلف بطلي تصدقي لخبيراتش والنت وابسري روحش بس.

لمياء بدأت تقتنع بكلام امها بس بيستفزها انه انغر منها ماقدرت تكسر غروره بدلعها وجمالها ووو  شافته انغر عليها اكثر.. لذلك مصررره انه يجي لها ويعتذر ووو.... في السوق .