بعد صلاه العشاء اغلب الي ف الصاله روحوا وبقين شويه صحباتها ومن الجيران الي بيروحوا معهم..


ايه جاوبت مجد : ماعتكفيناش سيارتك واكرم..



مجد : مش وقت السيارات ذلحين قلبلي ماعد بش حد



ايه : ليش ؟


 مجد : اشتي ادخل ابسر الفستان كيف وقع



ايه جلست تضحككك : بغير جنان


مجد : والله



ايه : طيب ولاتجهزت ولاشي ولا هي داريه



مجد : مادخلني والله لادخل ابسر كيف وقعت واشلكن واخطى.



ايه :طيب جي بس انا مالي دخل سد انت وعمه


مجد : تمام بس متأكده ماعد بش حد لاني لاحلقت ولاشي لابس زنه وكوت بس




ايه : ايوه الباقين الجيران واهلك كلهم يعرفوك.


مجد : طز مايهمني الا هي قد عتخرج نفسي ابسر المشغلة هذه كيف عتوقع


ايه ضحكت وبتسمعهن جدتها وعمتها  يحاسبين المصوره : جي ذلحين قبل ماتسير المصوره



مجد انا ف الباب مافعل



ايه : قل للفرقه تقلهم يلبسين النسوان وادخل




مجد عند الفرقة كان قفل وقال لهم يقولوا للنسوان يلبسين عيدخل ابوها...



النسوان كلهن لبسين


ايه مسكت المصوره ع جنب وراشتها تزيد تجلس نص ساعه وتزيد لها ..



الاء فارحه ان ابوها بيدخل متجهزه ومراعيه. .




الفرقه : ابوها عيدخل

معنا زفه  للاب نفتحها له


مجد : مع زفوا زفه عرسان عيدخل العريس كمان



راح  لسيارته خرج المشط ورتب شعره.. غسل وشه بقاروره الماء ونشفه تعطر وصلح دقنته والكوت ، بيربط الجنبيه وصلح الشال ودخل. ..



ايه مراعيه له ف الباب قالت اه لبسين يدخل

وصل لمدخل الصاله شافته جدته وامه ...


مجد ياااي..


الفرقه بدأت الزفه وهو مش عارف كيف يفعل مشي لاعندها بسررعه..

ايه ماعد قدرت تلحقه تفهمه شي

الكل كان بيضحك عليه...

الاء منحرررررجه ومنصددددمه حتى مش مجهز نفسه يدخل...


مجد وصل لجنبها وبيتفررررجها : يابنت اللذينا كيف وقعتتتتتي ماهوووو



الاء بتضحكككك من الاحراج ومن التبداع الي فعله


مجد : اضحكككي بس ذلحين انتي الاء ! ومالش ملثمه بين النسوان .. قرب منها مسك البرقع الذهبي بيده وبيتشاقر وشها..


الجده بتشوفهم وبتلطم وشها  :عيزززززكيه عقله  يو ماله هذا بيخرف !! عشنا وشفنا .. ما عادهي الا لهم..

ماحنا نرحم ماكان يبسرونا الا ف المكان.


ام مجد بتدمع ع فرحه ابنها  وانه وصل للي تمناه



الاء بعدت يده بيدها :يوو منك  قررر اجلس الكل بيضحك علينا يامجنون



مجد مسك يداتها : والله مافلتش قد انتي حقي ..


ايه بعد ماوصلت لاعندهم : هيا اجلس انت وهي الله يسامحكم قد الكل مسينم على جنانكم..



مجد بيتفرج الاء ويتأمل شعرها والتاج وعيونها  يسينمو عرسي ولاعرسهم..


اسكه ابعدي الاسلاك هولا نبسرش شكلش ساع النمر المقنع ..




الاء جلست تكررررركررر..


مجد بيضحك من ضحكها هي وايه



ايه شافت المصوره : خاطركم انا مادخلني.



المصوره : بدأت تصورهم ويعلقوا على حركات بعض ويضحكواا..



كان الكل فارح لفرحتهم..



اكرم بيكلم ياسمين : هيا مالهم ماعد خرجوا ولاحد بيجاوب



ياسمين : يتمو يتصوروا مجد والاء ونخرج


اكرم تلفت جنبه شاف السياره طافيه ومابحدهو : اعوذ بالله ايحين دخل وكيف دخل وهو هكذا مبدع كانه خرج من سجن



ياسمين بتضحكك : خليها ع الله بس كم ضحكنا عليه



اكرم ضحك : سبرت له ..الله يسعدهم ويسعدنا يارب.






بعد ماتموا يتصوروا  وعجز يخليها تبعد اللثمه مارضيت عشان يشوفها ف العرس سوا..


مجد : والله انش حذفتي الصوره الي كانت مطبوعه ف راسي يوم ماشفتش مشعفله



الاء ضحكت ..


مجد : هيا نروح وافعلش احلى زفه


الاء: فين نروح من الجنان



مجد : عندنا اليوم جو كلكم ونمسي ونسهر امانه عيقع جو ضخمم



الاء : منك صدق ولا بتتهيبل



مجد : والله مني صدق


الاء مصدومه فيه وخورت له مقلب: سير حاكي جده لو رضيو والله لاجي.



مجد تمام : يلله شسبق امد ماتلبسي



الاء بتضحككك عليه واخذ الامور عادي..



جدته :مالك خرفت وكانك ماتعرفها ولا قد ابسرت مره



مجد : مالكم والله لو عليا اني دخلت من عصر بس قلت عيب نسوان خيرات



جدته بصياح : عيزكيك عقلك يامدكوم



مجد :خلاص ها ذلحين مارايكم نروح كلنا للبيت



جدته : كان اين عنسير عنرقد هنا


مجد : اقصد بيت عمي والاء وكلهم نخطى للبيت قدهم يمسوا ف بيت واحد مايقتسموا هنا وهانك..



جدته بالقاروره الي في يدها : والله مامعك ذره عقل انقلع من هنا اخرج ...

جدته بالقاروره الي في يدها : والله مامعك ذره عقل انقلع من هنا اخرج ...



مجد انحرج منها : ليش مالكم



جدته : مايسبرش مابلا لوما تجي الخميس


مجد : فرقت قدي مرتي لو اشتي لاشلها ذلحين


جدته قامت له..


مجد ضحككك وهرررب خرج للسياره..

جالس مطنن وساررررح حاضن الفل الي لبسته  الاء من فوقها وهم بيتصوروا شم عطرها كان فيه خباه من داخل الكوت وغلق الزرار عليه..






بعد ماروحوا البيت ..

جلس يراسلها ويتغزل فيها ولابتردددد ضببببح ..

الاء كانت منشغله مع البنات وسامرات كلهن ايه وبنات خالتها وخالها وبيضحكين ويعلقين عليهم ايش فعلوا. .






بيت اكرم..


ياسمين جلست تضحك هي وياه على مجد..


اكرم وهو متأمل فيها : ياريتني وقعت مثله وصممت عليش من البداية ولاضاع عمرنا



ياسمين : وذلحين مالنا ، الحمدلله قدحنا مع بعض من يصدق كيف وقع نصيبنا لبعض ف يوم وليله



اكرم رفع يده وهو مبتسم : لك الحمد والشكر ياررررب.




مجد جالس ف غرفته ماسك الفل بيشمه وضااابح ماردددت تفاصيل لقائهم كان في عيونه طابعه ملامحها وكانها امامه..


امه دخلت : مجد انت هنا وابوك بيدورك



مجد نكز ووقف.. انحرج انه لابس الفل


امه ضحكت : الله يسعدك بس هيا ابعده وانزل جاوب ابوك لايبهذلك

مجد : مايشتو

امه : يسألك من يوم السمره زد لقيت فنان او لا

مجد بعد الفل وطرحه فوق السرير ونزل معها...

الاء بتبعد الخواتم من يدها وذكرت لمسته  وكأن عاد يده ف يدها جلست مبتسمه بتتذكر تعليقاته وبهذله جدتها له..

ايه : اليوم جننتو انتي وياه ..

الاء: هو ولا انا انصدمت ماكنت داريه

ايه : دحسني دحس الا والا يدخل يشوفش بالفستان

الاء : الحمدلله اليوم ماكان في حد الكل روح  بس ياهمتاه ليوم الصاله قدام الناس

ايه شافت عمار بيتصل لها جاوبته وخرجت من عندها. .

الاء فتحت الرسايل حقه وجلست تضحك ع

غزله وكلامه لها ردت عليه ومارد خرجت جاوبت امها..

كانين سامرات يجهزين كسوتها ويرتبين الشنط حقها..

يوم الاثنين الصباح ...

اكرم تم جهز ورقتها وراح لبيتهم وناول اخوها ..


لمياء لما شلتها حست بغيرره شويه وزعل بعدها ذكرت انه طلبها وانها ماتتخيل ترجع له دخلت الواتس فعلت حالتها وكتبت لصحباتها فاعله لكن جلسه بمناسبه طلاقي


اكرم كان منتظر ترسل تقول شي.. شاف بس حالتها تأكد انه ماظلمها وحذف اسمها من عنده ومشي ..

مرت بقيه الاحداث عاديه. كانو منشغلين تجهيزات..


يوم الصاله الثلاثاء ..

كانت الصاله منسقه احلى تنسيق بسبب ياسمين اشرفت عليهم..

يوم الصاله الثلاثاء ..

 كانت الصاله منسقه احلى تنسيق بسبب ياسمين اشرفت عليهم وجهزت الطاولات وزهورها بنفس الوان وزهور الكوشه كان الممر كله اعمده ورد بنفسج مع شيفونات فضيه الوانها زي لون باقة البنفسج الي في يدها..


الكل تفاجئ بجمالها وبساطه التسريحه والمكياج غير توقعاتهم بأنها بتكون متكلفه ليوم فرحة العمر .

 كانت مختلفه تماما عن يوم النقش ، رقيقه جدا ابتسامتها فيها جاذبيه ملفته رغم تسريحتها كانت شعرها مفتوح على جنب لفوق كتفها وتسريحه بسيطه ف الجانب الطرف الثاني مع تاج صغير وطرحه قصيره متناسقه مع طول شعرها
اما فستانها فكانت تطريزته رقيقه جدا مع مجوهرات فضيه بفصوص بنفسجيه أنيقه.

الصباغ والروج بنفس اللون الوردي الفاتح ..


امها شافتها اول ماوقفت قدام الكل ودمعت حست انها نفسها تحضنها مر شريط طفولتها قدامها والان قدامها عروسه. . اما ام مجد بتتذكر مواقفهم هي ومجد وحبه لها وفارررحه وبتقرا المعوذات عليها..

ام ايه بتتحيلا لها ولخزاها

جدتها شافته وضحكت وباستها من بعيد.


الاء كانت نظراتها بتتوزع للكل الي موجودين حاسه بخوووف ورهبه وهي بتنززف عكس يوم النقش والضحك وو


طلعين صحباتها وتصورين مع بعض ورقصين





في البيت الكبير ....


الشباب مجتمعين مع مجد وبيساعدوه يربط الكرفته أكرم وصاحبه  ولاعرفوا يربطوها..



مجد واقف قدام المرايه وهم بيحاولوا بربطوها  بيتفرج نفسه وكأنه بيشوفها قدامه مش بيشوف نفسه جلس يدقق ع الحلاقه تمام او لا ، يبتسم ويرفع حاجب ويشوف كيف بتكون تعابير وجهه قدامها ..بيصلح شعره من قدام ، لفت لهم وشاف الساعه

خلاص : شباب تأخرنا عنربطها ف الطريق عند اي محل ملابس




اكرم : يلله هيا عنتصل لعمي ف الطريق نشوف فين قد هم.



نسيوا نفسهم مع الربشه..


مجد وصل هو وابوه واكرم وعمه

عماد شافه الكرفته مفتوحه :  هيا انت ومن قد تهازرت


مجد شاف نفسه وضحكك : ماقدرنا نربطها ونسينا..



عماد قرب منه وبيصلح له الكرفته وهو بيلفها ربطها قوووي وهزره : والله لو تغثيها يوووم وتجرحها وتجي لي تشكي منك لاقتلك بيدي ..



مجد ضحكك وحب عمه فوق راسه : انتو اديتو لي جوهره ماكرهن وصلت لها باذن الله ماتشوفوا وتسمعوا عننا الا كل خير.



عماد حضنه : الله يبارك لكم ويسعدكم يارب



وبعد اتصالات وتنسيق وو ..


دخل عماد قبلهم مع ابنه علي : شافها تفاجئ بنته الشقيه اللقنه العنيده الدلوعه قدامه عروسه جميله بيزفها لواحد ويودعها وتروح عنهم حس بغصه وبيتماسك قدامها لاتنزل دموع الفرحه والزعل ..


الاء حضنت ابوها


علي مبتسسسم لها بعد ماتويسم وتشيك بلبسه ، نظره لاخته وخمس نظرات بيتشاقر صحباتها

الاء شافته بيوزع نظرات وابتسامات بقصته : ماهناااا مع لاتخرب برستيجي



علي مبتسم وهم بيتصوروا وبيتكلم وهو مبتسم : اي برستيج صدقتي روحش ع غيري هو الا رنج ياسعم ماعرفش غبني عليه مجد .. عينصدم بيفور افتر..



الاء :ضحكككت..

طلعت الجده وتصورت مع عيالها ونجوى والاء



خارج فوق السياره قدام الصاله



اكرم : البدله حقك ضخمممه


مجد : الاء اختارتها مع الفستان ..


اكرم : الله يسعدكم يارب


مجد : واياااكم .. ها ماقلتلي مرتاح



اكرم : اعتقد من عيوني ع تدرى


مجد : ماهذا اكيددددد مبين عليك رجعت اكرم حق زماااان اول ماشبيت وحبيت وو



اكرم : والله رجعت روحي لي



مجد بيشوف للبوابه : هيا مالهم تأخروااا دخلوا يسلموني الحريوه ولا بيتفرطوا



اكرم ضحكك : انزل اشغلهم


مجد صدق فتح الباب ونزل


اكرم بيداعي : ياااي مادكوم بينضحكد


مجد بيمشي..

وعمه مسعد وابوه خرجوا


ابوه مسكه ورجعو للصاله : ياعقي والديك


مجد خاف: خيررر


ابوه : امانه دعممتني وبنقلك نتزوج سوا




مجد ضحك : الله يهديكم قلت مدري مابه



دخلوا للصاله..


ووقف بدايه الممر مع ابوه..

الاء واقفه وابوها بيرد لها الطرحه وبتتفرجه اناقته وسامته وابتسامته وحبه لها الي بيلمع في عيونه اكثر من لمعة الزينه الي حولها ..


كانت نظراتهم لحالها بتوصف مشاعر الحب والمعاناه والانتظار والفراق والحب والشوق...


واخيرااا بدأت خطواتهم لبعض تجمع مصيرهم..

كانت زفتهم زفة مشاعر عاشوها مع بعض بعد صعوبات..

ماحلا فرحتهم بعد يأس انهم يكونوا لبعض..

محلا كل المستحيلات لما تكون سهله

والفروقات الي بتنهي سعاده تتلاشى..

تتوحد القلوب والمشاعر والانفس مع بعضها..

وصلت له..

فتش لها طرحتها بعد ماقري الفاتحه وهو ماسك راسها كان يقراها بخشووووع وحمد وشكر لله انه وصل لها وحب حياته ملكه...


بعد مامشيو عماد وأخوه


مشيو ف الممر  بدأت حياتهم وطريقهم الواحد من هذه اللحظه..


كانت ابتساماتهم لبعض بخوف وتوتر وكان مشاعرهم مراقبه من الكل..



مجد كان ماسك يدها بقووه ويتمنى ان المسافه ماتخلص حاسس بشعور غريب وهو معها



بعد ماوصلوا للكوشه..



جلسوا حسوا ان نظراتهم لبعض مراقبه قدام كثيررر كانت ابتسامات توتر وانذهال وسعاده متبادله بخزا قليل منها ، 


الجده شافتهم غير يوم النقش : مالهم اليوم صرف الله بالشياطين اعوذ بالله من كل عين..



ام ايه ضحككت : هذك اليوم جنن لانه مابش حد بس اليوم ابسرو كيف هو يرحم



الجده : عيس فيه يستاهل خليه الله يرزمه بعقله.



بدأو يتصوروا وشويه. راح الخوف. والتوتر ونسيوا الناس حولهم واندمجوا مع بعض بيتكلموا ويضحكواا

ام ايه ضحككت : هذك اليوم جنن لانه مابش حد بس اليوم ابسرو كيف هو يرحم



الجده : عيس فيه يستاهل خليه الله يرزمه بعقله.



بدأو يتصوروا وشويه. راح الخوف. والتوتر ونسيوا الناس حولهم واندمجوا مع بعض بيتكلموا ويضحكواا


وصلوا للترته..


الاء  : ذلحين مايوصلني للي فوق  خلينا نقطع الطبقه الاخيره بس



مجد ضحك : اتحملش !!




الاء شافته وبعدت من جنبه شويه: ياووويلك قوااا امانه بس تبداع



مجد قرب منها : تعالي مالش




الاء: مااااع




الجده شافته : هيا طار الخزا مالها بتهرب



ام ايه بتضحكك على تعليقات الجده



ايه : مجد خلاص معانده انت وهي اقطعوها يالغج اقطبو





الاء مسكت يده وبدأو يقطعوها..


مجد بعد ما اكلها واكلته : زيدي قطعه


الاء : اكلته



مجد : شربيني ببسي


الاء: ناولته الفاين




مجد : زيدي


الاء ضحككككت : بس الله يسامحني بس من قال لي اقنعك تدخل



مجد : طيب مانفعل ذلحين نتبسرها بكلها وناكل لجع واحد .  جاووووع



ايه وبنات خالتها وياسمين بيضحكين





ايه : ارقصوا




مجد : على الدقه الاولى او الثانيه..



الاء بتضحكك من احراجها قدام البنات قربت تشاوره : بس هباله هيا مه مش اتفقنا عليها لمل اتصلت وقلتلك كيف نرقصها



مجد فجأه مسك يدها وعينه ف عينها  : داررري بس عاجبتني ضحكتشششش  ؟


الاء حاولت ترجع شويه..


ومجد يراقصها ع الموسيقى...


كان الكل بيعيش معهم لحظات حبهم لبعض وفرحتهم


مجد : من حبيبي


الاء : انا


مجد : من اميرتي


الاء : ضحكككت


مجد : من هي سعادتي


الاء : محرررجه وبتضحك :انت سعادتي


مجد : تقولي من اكثر واحد فارح وبيحب الثاني !! يعلم الله من بس حاسس انه انا .. مستحيل حد ف العالم فارح بالفرحه الي انا فيهها



الاء : يووو منك بس والله وانا بينحبك وفارحه ومزقرعه بك من قلبي

 ..



مجد مسك يدها  خلاص اسكتي بس لأني احتمال اوقع مجنون رسمي..



تمت الاغنيه..


الجده بتستغفرررر وتسبح : يعوو ماعادو من رقص هذا متحاجفين


ام الاء بتضحك ع عمتها


ام مجد : ماعليكم احنا نرحم لارقصنا ولابسرنا كنا نتفرط لامغرب ونروح..


بيسمعوا اصوات..


الجده ضحكت وذلحين قومين نروح يكفيهم : اعوووذ بالله قد بينوسوس من كثر الفرحه الي احنا فيها لايقع ضرب الطايره لافوقنا .



ام مجد : يووو اعوذ بالله يمه ع قد والفال والحكى.. يو الله يسامحكم



رجعو يتصوروا ويتجابروا ...


الناس روحت كلها ماعد بقي الا هم..


ايه منعسه فوق الماسه


والجده راقده ..



مجد : بيمشي يروح وحاسس روحه عندها ..

ف البيت..



ابو مجد : له الحمد والشكر ابني احسن من اخترت وسامحني لوما رفضت .

مجد ساااكت..


ابوه : بس رفضي طلع وساوس واوهام وعمك مابش منه ومن قلبه ولا مثل بنتي الاء.

تنتبه لهم ولها وربي يسعدك ويرضى عليك دنيا واخره





يوم الربوع سمرة مجد..


كلهم ف البيت الكبير..

الا الاء مع بنات خالتها وخالها جالس قلبها بيفحررر وكل شويه  تجنن الاء  :  صوري لي الزفه من الطاقه..


سجلي لي اسمع. .

امها : اطرحي التلفون عيخرب النقشششش قري قد عتسيري وتشوفي كله ف الفيديوهات


الاء ضحكت : عشان عادات وتقاليد انحرم من عرس ابن عمي..


امها قلدت لها بلهجه عربيه : قدو ابن عمي مش إبن عمي





مرت الدقايق بسرعه عد تنازززلي...

بأحداث مستعجله وروتينيه ..

كان الغدا والمقيل  والان وقت الزفه ..


عند الكل مر الاسبوع بسرعه الا مجد حس اللحظات الي فاصله بين لقائه بها كانها سنه..



وصلت الاء البيت الكبير وحاسه انها في بيتهم الثاني مكان مش غريب عليها اعز مكان لقلبها وبعد ماحبت مجد فيه تمنت تعيش معه فيه للابد..


دخلت بين اهلها وناسها وجدتها ومرت عمها وعمتها. .

كل الوجوه احب الوجوه لقلبها...

طلعت الشقه حقها كان لها فتره كبيره ماعد طلعت فوق من بعد مارجعو من السفر تغيرت كانت حديثه وبسيطه انيقه...

دخلت الديوان والنسوان طلعين معها..
 
سمعت المحاجر...

واخيرا مجد وصل وشافها قدام عينه اخيرا الاء حلاله مرته حبيبته الي عاشوا احلى لحظات خصام وعداء وبعدها اقوى حب...







الصباح بيت عماد..

حاسين بفرااغ كبير راحت الشقاوه والضحكه والدلع حق البيت.. كان يومهم  ممل ..


امها حست بفراغ كبير بعد ماكانت فيه الاء وجو الفرح والعرس واللمه.. : عماد ايحين عنسافر ..



عماد ضحك : مسرررع شكلش ماصدقتي تخلصي منها



مرته بكيت : بالعكس ماقدرت اجلس ف البيت وهي مش فيه



عماد : الله يسعدها ويستر عليها دنيا واخره مانفعل سنه الحياه .. نتعب ونربي ونكبر ويجي لها جاهززه



مرته : مارايك نرجع البيت الكبير ننزح



عماد بيصلح الشال ويتعطر عشان يروح يبارك لهم : ضحك  ماذلحين عترجعي هانك..




مرته : الله يسعدها دنيا واخره..



البيت الكبير..


الاء بعفويتها الي يعرفوها ماتغيرت انها مرت ابنهم ..وكأنها الاء الي يعرفوها زمان نزلت لاعند جدتها هي ومجد يتصبحوا معهم..


الجده : واحد يجلس يمين جنبي وواحد يسار

ماهو الجنان ف القاعه بدعتوا بنا قبال الناس


مجد ضحك : هاا صدقت وقامت من جنبي



الاء بتحانكه وحاضنه جدتها : ايوووه اجلس هانك..




وصل ابوها واخوها وجلسوا معهم يصتبحوا



بيت نجوى..

ياسمين  شافت عمتها مريضه فعلت لها الليمون والشاهي والصبوح ودخلت لاعندها : سلامتكم فعلتلهم شاهي دافي



نجوى : تسلمي .

نجوى : تسلمي والله اننا تاااعبه شكلي استبردت



ياسمين : قد قيمت اكرم يسير يدي لكم علاج



نجوى: بارك الله فيش


ياسمين : ناولتها قلص الشاهي


نجوى : حست بطيبتها والفرق بينها وبين لمياء




بيت ام عمار..


مرت عامر بتتضابح هي وياه : ناهي وانا مادخلني افعل الصبوح مالي دخل الا منك زوجي انت اما هي تقوم من نفسها

مرت اخوك تخرج تفتهن  وانا مع مايسبرش والله ماجلس الا اخرج انا ولا هي تسير بيت عمار..



ام عمار كانت جنب الباب جايه تقيمهم صبوح سمعتها
واقتهررررت رجعت عرفتها وجلست تبكي..


شافتهم ماخرجوا ولا شي لبست البالطو واتصلت لبنتها اجي تشلها بيت عمار..




بيت ايه..


ايه بعد مافلتت البيت اسبوع وصلت تقشع وتنظف من الغبار والرجال كانوا يجتمعو عند ابوها في بيتها..



سمعت الباب وقفت وراه وفتحت : من ؟


 عمتها واخت عمار دخلين


ايه : اهلا وسهلااا  ادخلوا


ام عمار حاسه بقهر كيف كانت عليهم.. : صباح الخير يابنتي


ايه : صباح الورد والعافيه ادخلوا.. قفلت الباب



ام عمار : لوحدش


ايه : ايوه ابي سارو الصبح


ام عمار: وكيف تفتحي هكذا مانتي داريه من مابلا اوبهي لنفسش


اخت عمار: يوو  بتقشعي لحالش يامرت اخي .. ثقيل عليش تعب



ايه : والله اننا هالكه من العرس بس مافعل ماقدرت اجلس وهو هكذا


اخت زوجها بعدت البالطو وقامت تعاونها .


ايه : اصتبحتوا


ام عمار جالسه فوق المدكى ماسكه دموعها : مع جيت عندش اصتبح واوانسش ماسخيت اخليش لحالش



ايه : حيا بكم الان ادخل افعل صبوح وانتو اجلسوا براحتكم ومدو رجلكم افتهنوا.



ام عمار تمت تصتبح وبكيت : ساااامحيني يابنتي لو غثيتش ولا قهرتش يوم



والله مالقيت ساعش وانش طيبه وحنجه عليا مثل بنتي



ايه : يو الله يهديكم مابش شي .. تقبلت كل شي منكم ساع عمار..انتو امي



ام عمار رفعت الصحن معها وحضنتها..


اتصل عمار وجابرنه وفررح ان امه حن قلبها لمرته....



بعد ثلاثه شهور




بيت اهل لمياء..



لمياء بدأت مشاكلها مع مرت اخوها واصل ومحانبه...

سافروا ابوها وامها يتعالجوا وراحت معهم وطولت فترة علاجهم واخذوا استراحه بعيد عن الحرب تقدم لها اخو صاحب ابوها مرتاح ووضعه المادي والاجتماعي كويس وافقت تنخطب ..وبعد مده عقدوا كانت مرتاحه لدلعه لها وحست


انها بتعيش سعيدة معه...


اما ايه كانت شهرها الاخير وعمتها تروح وتجي عندها...


وسادس يوم ماولدت والكل عندها مجتمعين  جدتها واعمامها وابوها والاء ونسوان عمها ..


تفاجأت بعمار  دخل سكته للغرفه وهي بترقد النونو..


ايه شافته وبكيت ..

ايه شافته وبكيت ..


عمار قرب منهم وحضنها هي والنونو : وحشتيني


ايه بتمسح دموعها: الله يسامحك بس ليش ماقلتلي


عمار : توقع مفاجأه احلى وبعدا شكلش ارتحتي وانا مابحد


ايه ضحكت : والله ماخليك ترجع قلك ارتحت

عمار حضن ابنه بخوف وابتسم له وبيجابره : سامحني انت وامك بعدت عنكم وكان لازم اكون موجود بس مانفعل..!

النونو بكي خاف عليه ورجعه لاعندها: تجابروا وعدت الدقايق بدون مايحسو ع بعض..


بيت اكرم..
ياسمين : بكره اشتي اروح افرح ل ايه خزا ماقد سرت..

اكرم : سهل هي داريه انش تاعبه مع الوحام ..

رن تلفونها ردت : الو

بنتها : ماما وحشتيني

ياسمين : يارووح امش كيف انتي .. كيف اخوش عرفتي رقمي من ادا لش

بنتها : بابا

ياسمين : ادي اكلم اخوش

طليقها : السلام عليكم

ياسمين شافت اكرم وبصوت واطي: ابو الجهال


اكرم اساليه مايشتي قرب جنبها بيسمع

طليقها شاف ساكته  : الو

ياسمين : خير

طليقها بصوت منكسررر : تشتي العيال ! جي لهم

ياسمين مستغرررربه : اجي لهم !

طليقها : انا بدون راتب وصاحب البيت خرجنا الشارع ولاقدرت ادبر غير الي يسد جوعهم انا الان عند صاحب جي شليهم

ياسمين طرحت التلفون و بكيت على عيالها حست بغصصصصه كيف قدرت تصدقه وتفلتهم له ومش عارفه كيف كانوا عايشين جاوعين او شابعين تاعبين او بخير...

اكرم كان بيكلمه  وشل العنوان وقفل ..شافها بتبكي : انتي اجلسي وانا اسير اديهم ايحين اسير

ياسمين : لاااا مابقدرش اراعي ذلحين نسير.. يعلم الله هم جاوعين

اكرم : كان قومي البسي

وصلوا للحاره الي وصف لهم عنوانها واتصل اكرم..

خرجوا من الباب شافت حالتهم كيف متغيررره وهي عايشه مرتاحه وبكككيت اقتهرت وحست انها ظلمتهم مثل مانظلمت جلست توعد نفسها لاتعوضهم وتعيشهم احلى عيشه..

ف الباب اكرم سلم عليه ودخل ف جيبه ظرف : ايحين ماسلموا راتبك اتصل بي وردها..

طليق ياسمين يشتي يخرجه

اكرم ماسك يده: يارجال الله المستعان

طليقها : قل لها العيال امانه ف ذمتها زي ماخرجتهم من عندي بقهر وضعف تحافظ عليهم

اكرم : ولايهمك عندها وعندك واحدي وبيكونوا يجو ويسيرو ومابش شي ..والله يكتب اجرك حين فرحتها بجهالها..

طليقها : حاسس الله عاقبني لاني حرمتها منهم.

اكرم  مش قادر يتحمل يشوف ضعفه قدامه بسبب ظروفه : الله يهديك ياخي هي محلقه ع الكل ومشي.

شلهم المطعم والحديقه والسوق وروحوا البيت..

نجوى كانت متضايقه اول اسبوع بعدها تعودت عليهم وحست البيت حياه بجهال ياسمين...


البيت الكبير..

الجده بتسمع صوت التلفزيون ومجابرتهم وضحكهم خرجت من غرفتها وهم ف الصاله بيتعشوا وبيتفرجوا

ضحك عليهم : ها يابابا حاليه

بنتها : ايوه حاليه قوووي اما حقه شوووعه

ابنها : انا جنب الطاقه وانتي مابش معش شي

نجوى ف الصاله جالسه تتفرجهم وتتعجب من الدنيا كيف هي حقد وقتل وثار وفيها طيبه وكرم وتسامح. .


بعد اسابيع..
لمياء  تزوجت ومبسوطه ان البيت فخممم وشغاله ومعها سواق بس كانت تحاول تقنع نفسها انها مرتااحه لانها الثانيه ولان اهتمام زوجها قوووي بجهاله اكثر منها حست انها وصلت للمظاهر بس مانفعتهاا زي شخص يشاركها تفاصيل ايامها..

تمنت انه يكون ببعض صفات اكرم الي حبتها فيه ، حست انها تسرعت بحكمها عليه وانها ظلمته بعد ماشافت غيره ..

البيت الكبير فوق الغدا .

ابو مجد : ايحين نقسم الورث..


كلهم لفتوا لاعنده..

اخوه مسعد : ليش ؟ محنا مرتاحين هنا وعشنا عمر..

ابو مجد : اشتي اسافر اغير جو واتعالج فوقي ديون..

امه عارفه انه بيتعذر وزعلت  : البيت هذا لم شمل الكل وماعيبتاعش

مجد والاء بيتفرجوا لبعض..

 ابو مجد : واذا مابعناه احنا عيبيعوه جهالنا..

امه : يدي الله العافيه هم يسدوا وانت لانت تشتي تتعالج شادي..

مجد جاوب : انا شاسفركم وافعلكم ماشتيتوا .بس لاتبيعو البيت وتفرقونا ..

الاء خايفه من عمها تعلق بحرف ساكته.

ابو مجد سكت : يجي عماد ونجتمع كلنا ونسد.

امه : خلوني اموت وانا راكنه عليكم ان البيت هذا عيجلس يجمعكم ويجمع جهالكم واحفادكم ولا لو ابتاع عتتفارقوا وكل واحد عيلتهي بروحه..

مجد بيشاور الاء : والله مايبتاع لو أشقى ليل ونهار وادفع لابي سهمه هذا البيت الي جمع احلى ايام عمرنا مع بعض..

الاء لفتت له وبصوت واطي بتشاوره : ايوه بس اهجع لاعد تدور معهم هدار.. ماذلحين لو حنقو منك بيقلبو فوقي والكل واضبح انهم زاعلين مني ومافعلت شي

مجد : انا فدالها الي بتضبح

بعد سنه من الأحداث هذه..

الاء وايه بيشكين لبعض..

الاء : محد يصدق المدعمم الوحيد الي ماكان في حسه من شي مازن : ولو تشوفي كيف بيغنجها ويدلعها



ايه : حلا يطلع واحد منهم رومانسي ما عمار خلاص قدو مايسلى الا مع ابنه شويه ولا معه قرشين



الاء: هي الايام هذه بينحس الكل قدو ضابح حتى مجد اجابر اجابر وهو ف وادددي..



ايه: هذا واحنا له الحمد مرتاحين مانقول للي الدنيا تغيرت عليهم



الاء : الله يعوضهم.




في غرفتهم..

الاء : مجد


مجد : ماهو


الاء : انت ناسي تاريخ مهم


مجد : ايش من تاريخ او حامل ؟


 الاء : ماشي


مجد : يوم مارجعتو وعرفتش فيه


الاء: قرربت


مجد : يوم ماخطبتش


الاء قامت جلست: يوووو منك نسسسسيت عيد زواجنا

الاء قامت جلست: يوووو منك نسسسسيت عيد زواجنا

مجد بسفاط دهف وشها : وليششش عيد وقدحنا مع بعض وليش تدوري هدار ساااعه وفيني نوم

الاء بتضحك : طيب يا اهبل يوم مهم تزوجنا فيه

مجد : اهم يوم ولحظه وسنه وشهر ودقيقه هي وانتي معي ولو عليا لانعيد يوميه

الاء : يوو جبرني بك ياروحي طيب لاتحاولش هذا اليوم برضو مهم

مجد: خلاص نفعل عزومه للاهل كلهم ونفاجئهم بلبس العرس

الاء ضحكت : وليش الاهل كلهم
مجد : امد يذكروا حين جو

الاء ضحكت : مجد بس زبج امانه هيا
مجد ضحكك : مافعل من ذلحين انا طيب !
لايومه له حلات

الاء : اخسسس كنت مفكره انك مدري ماعتفعل

مجد : قد انتي معي يعني ليش عاد الجنان
الاء ضحكككت : كلامك مابش فيه شي غلط بس ماقتنعت

مجد بيفكررر يسافروا الحديده : ان شاءالله اعرفي عرس

الاء : اسسسسمه عيد زواج

جا يوم عيد زواجهم.. والبيت الكبيرر ملان اكثر من قبل.. الشباب ونسوانهم .. كانت لمتهم كل جمعه ومناسبه بتنسيهم الوضع الي هم فيه.. جلستهم مع الجده وابائهم وامهاتهم بتهون عليهم الكبر والضيق والوحده بالذات في الايام الصعبه الي بيعيشوها ف حرب .. صادف عيد زواجهم يوم الجمعه والبيت ملان.. مجد رسل لها رساله :قد انتي جاهزه ؟

الاء : ايوه جي شل الشنطه.

جدتها : انتبهوا لنفسكم هانك وبطلو جنان ف الطريق وسوق سوا
امه : قوا يا مجد انتبه
ابوه : وسلم على عمك

الاء لفتت له : عمي هانك ؟

مجد بهرر لابوه : تمام يوصل.. شاف الاء عمي انا صاحب ابي مادخلش انتي.. سلموا عليهم كلهم ومشيوا.. الاء خرجت من الباب شافت سياره: من هذا
مجد : هذا واحد عيشلنا للحديده هو

الاء : ها عادو احسن وليش جننتهم يقلقوا ان انت عتسوق.. مجد : يووو كم فيش لغاجه لاتربشيني اطلعي سكته

الاء طلعت : بسم الله الرحمن الرحيم مبين من اولها الاعصاب هااادئه

مجد جلس جنبها ومشيو... البيت الكبير.. ايه : ليش كم عيجلسوا

ام مجد بتضحك : شهر
الجده : بدل شهر العسل

مرت مازن بتلاعب ابن ايه : خليه عندنا وسيري

ايه : صددق؟

مرت اخوها بتلاعبه : ياريت محلاااه تسير ماما وتجلس عندي

ايه : قلي لمازن يرحله من زوجي سفريات مابش قد رجع يلمح له مشروع جديد

مرت اخوها : مع خلاص اقتنع قلتله وظيفتي( مدرسه) وعمله مع اكرم ومجد كفايه صرفه والبيت قدحنا هنا مابش ايجار ولاشي.. ف الطريق. .

الاء نكزت من النوم : مجدد قدو عشي اين عنسير بنسافر من عصر!! مجد : ضيع الطريق السواق

الاء بخوف : يووو وفين احنااا كيف عنفعل

مجد مسك يدها وبيسكتها : اووص ماعنفعل يطلع الضوء ونبسر..

الاء : الله يسامحك قرح اليوم ف الطريق


مجد بيشوف الساعه : خلاص ربع ساعه وننزل نتعشى مطعم..

الاء بتتفرج اللافتات مش احنا في الحديده ضحكت كنت تقل لي هكذا..

وصلوا الفندق وثاني يوم خرجوا بالشنط


الاء : ليش هذا ضخم والله


مجد : نغيره ماعجبنيش


الاء : بعدك..


وصلوا المطار..

الاء ضحككت من الفرحه ضربته .ف يده : ليش ماتقلي انحنا مسافرين طيب فين ؟


 مجد بيهز كتفه : لا

الاء : جالسه تهزور جيوبه تدور

مجد بهرر: مش قدام الناس

فوق الطايره..

الاء: رايحين عند ابي؟

مجد : ممكن تخرجي لنا كتاب ولا روايه حلوه ونقراها بهدوء وتعلمي معي الصبر لان انتي عتتعبي مع مجنون مثلي.

بيت عماد..

كان علي وزوجته منسجمين مع بعض.. قدرت تغيره للأحسن بطل المعاكسه واصبح مش مهتم كثير بالبنات ..

زوجته كانت عاقله وطيوبه وتحب عماد اكثر من ام علي بطبعه المرح والعفوي والطيبه.

اما لمياء تقبلت وضع حياتها رغم انها مش مرتاحه معه بس كانت بتنسى ضبحها بخرجاتها وصحباتها وبنتها.


بيت نجوى..

اكرم بيتحيلا لابنه ويقسم ملامحه لمن طلع الشبه اكثر

ياسمين : ياريته يشبهك بالحب والطيبه وبس

اكرم كان يحاول قد مايقدر يتعامل مع عيال ياسمين بأحسن طبع عشان لاتتحسس منه .

نجوى نسيت كل الاحقاد القديمه في براءه وضحكه ومرح الاطفال الي قدامها  تعايشت مع طيبه ياسمين وحنيتها عليها الي كأنها بنت مش زوجه ابن.

ايه وعمار توفقوا بمشروعهم ولقيو ربح واشتروا شقه صغيره وتغير تعامل عمتها لها حتى سليفتها تغيرت وحبتها لطيبتها.

مازن تغير بدل ماكان انطوائي ولحاله ومش مدخل نفسه ف اهله ، زوجته خلته يتقرب من الكل ويتحمل مسئوليه كل شي معهم..

وبعيددد عنهم كلهم..( جزيرة انطاليا )
جالسين على الشاطئ وبيكتبوا لبعض عبارات حب ووعود أبديه على الرمل

الاء : مجد ماعندي لهم هدايا لما نرجع؟

مجد : ندي لهم نتيجه فحص الحمل حقش ..

الحب الحرب الوحيدة
التي نسلك طريقها بكل شجاعة
نهدي لها الروح وقلب دون خط رجعه
ونجند لأجلها المشاعر
ولا نحسب فيه غنائم
ولا نحصد فيه خسائرنا

#البيت_الكبير
ولدت فيه مشاعرهم ومواقفهم واصعب واحلى ذكرياتهم ( وكل واحد فينا معه مكان ذكريات )

يارب يحقق لكل واحد مايتمناه ويسعد في حياته مع كل احبابه .
لو جلسنا نوصف نهايتهم بالتفصيل مابتخلص الروايه لذلك خلصوها بخيالكم

#النهايه



بقناتكم. ( طنافس 🎻وروايات🇾🇪 )

https://www.tgoop.com/FkamhSnanee3

فقره جديده😍بدل الملل هذآ 😍 وبنفس الوقت نغير جو القناه 🙊❣✨
للطرفين 🥰💁‍♀️💁‍♂️✨
كل_شخص_يكمل_الفراغات

1 .. ياريت لو........ 😍

2 .. أتمنى ..........💙😌

3 .. أكره الـ .........🙂

4 .. لا يمكن افرط في ........🙁

5 .. اقلب الدنيا اذا .......🖤

6 .. أموت ولا .........🥺

7 .. بين افكر في ......💁‍♂️💛


للمشاركه لهانا @ALFkamah

والنشر بيكون هانا @FkamhSnaane2

مساكم سيد بريئ لا يوجد أحد يسأل عنه☹️​

​ولا احد يشتاق له💔😢​
​عايش كأنه مشط بغرفة اصلع
ياويلكم من ربي​. المهم 😴
بدل الملل هذا الي معشش في القناه
مدري الخلل مننا او منكم


✿الرجال
لـو انت بنت ماهو الشي الي نفسك تسويه ⁉️

✿ البنات
لـو انتي رجال ماهو الشي الي نفسش تسويه🤭⁉️


للمشاركه لا هااااانا @ALFkamah

والنشر هانا هانا هانا @FkamhSnaane2

وماا كثر الاعضاء. حين تعدهم
ولكن مشاركهتم في فقراتي قليل

مدري ليش ماعاد بتعجبكم فقراتي
حسستوني اني شاي بارد او لقمه من حق امس
حسستوني. اني علاقيه قات بيوت
مااحد يشتيه ولا يبسر صليه

المهم معي. فقره. انتضروني.
الليله الساعه 8.00 الثامنه مساء
بهذه القناة. الرائعه @FkamhSnaane2

مش بعدا ماريته ماابسرته

هل تعلم
ان المرأه تأخذ قلب الرجل اذا أحبها
وتأخذ راتبه اذا تزوجها
وتأخذ معاش التقاعد اذا مات
وفي الاخير تقول مااخذنا منه الاوجع القلب
#ناكرات_الجميل 😂😂😂😂😂😂

المهم. فقرتنا تقول
💢 اكمل الفراغ بما تراه مناسبا
‏اتقِ شر المرأة ‏اذا قالت ........؟

🔻اذا كانت الزوجة الاولى تسمى استقرار
فماذا تسمى الزوجة الثانية ⁉️⁉️

💢لاصحاب الردود القويه
‏إذا كنت بارعا في الرد. كيف سترد على شخص
قال لك: "أنت ما تعجبني"!! 😒😏



💢ونستقبل مشاركتم☜ @ALFkamah

وكذلك الى هذا البوت☜. @ALFkamah_bot

والنشر بيكووووون هانا
https://www.tgoop.com/FkamhSnaane2

• تم انشاء رابط هدية 🎁

💳) الرابط : https://www.tgoop.com/srwry2bot?start=to97e008a799629ff61f957a03ef515995727667

• #ملاحضه_رابط_الدعوة_بـ (200) نقطة ‼️
• يمكن لـ 2000 شخص الدخول ع الرابط 🇾🇪

كلما زادت أموالك زاد إحترام الناس لك
فالأخلاق لم تعد تكفي وسط هذا المجتمع المادي

☜فإاذا كنت فقير مااحد بايدينك حتى لو كنت اوفى شخص حتى لو كان معك مرض بالعنايه المركزه بين الحيله والموت ما احد بيجيب لك دين الا اذا معك فلوس او سياره او سلاح او حتى جنبيه عشان يظمنوا ان دينهم يرجع وبيفزعوا معك
واذا ما معك بايدعوا لمريضك بالشفاء ويقولوا معانا لك الدعاء ماافعل بالدعاء الدعاء قد بتدعي امي وجدتي وعمتي وخالتي
واذا كان مع الغني مرض ومعه فلوس وسيارات وتجاره الكل بايجي يزور مريضه للبيت وللمستشفى وبايساربو بالمستشفى من يدخل الاول. وتلفونه شغال اتصالات يطمنوا على المريض ويمكنوه ماتشتي ما ندي ما نفعل تشتي زلط تشتي سلاح تشتي شي والحالات حقهم شغاله يدعوا للمريض بالشفاء
واذا كان المريض فقير مابش معه يمرض ويعفن بالمستشفى ومااحد بيذكره بزياره ولا بااتصال ولا بيسأل كيف قد حالته بل وان اكثر اهله واقاربه مش عارفين في اي مستشفى هو ولما يخرج يلقوه ويقولوا له والله ان كان احنا نشتي نجي تزورك بس وقع لنا عمل. مااسترنا نجي

☜بمجتمعنا ان كنت معك سياره حاليه وفلوس ومحل تجاري الكل بايقوم منك تجلس علاو المجلس ويفرشوا تحتك بطانيه حمراء ويدوا تحتك 4 وسايد والكل عيسمعوك وينصتوا لك حين تتكلم وزييد يضحكوا لك حتى لو النكت حقك بايخات
واللي مابش معه عيجلسوه بالوسط وبالباب من خطي دعسه ولما يتحاكا الكل يقاطعه ويسكته ومااحد يعبره ولا يلتفت له وايحين ماقام يروح مااحد بيقول له اجلس افتهن عاده حين
☜بمجتمعنا اذا الغني حصلت عليه مشاكل او اعتداء او يمر بضروف قاسيه تلاقي نص القوم يهبوا يساندوه و يفزعوا بالسلاح والزلط وعيفزعوا له حتى نص الليل مااحد. يتأخر
اما المسكين اذا حصلت عليه مشاكل او اعتداء او ضاقت احواله والله مااحد يعبره لو يسير ملح ولا احد يفزع معه ومااحد. بيذكره الا اذا مات.. ويقولو الله يرحمه كان طيب


@ALFkamah

تفعيل تليجرام مميز مجانا 👇🔥

رابط نقاط هديه بقيمة 200نقطه

https://www.tgoop.com/srwry0bot?start=to2823a6366f0db943e6d8408e89898661111634

• تم انشاء رابط هدية 🎁

💳) الرابط : https://www.tgoop.com/srwry2bot?start=toae04a973fab4b3ff59888e26e898e13e415291

• #ملاحضه_رابط_الدعوة_بـ (200) نقطة ‼️
• يمكن لـ 2000 شخص الدخول ع الرابط 🇾🇪