رحاب : كنت حابه تجي معي المدرسه لو شالقى لش عمل هانك

آيه كانت تشتي تدرس بس وافقت اذا فيها شغل لأنها كانت تفكر كيف تدفع لهم الايجار: طيب

رحاب فرحت: و ايش رايش لو مابش اوقات عمل تدخلي حصص من صف ثالث ثانوي يمكن تقرري تختبري وتنجحي

آيه: طيب

رحاب مستغربه ايش سر تغييرها !! : كلمش بلال شي؟؟

آيه: مثل ايش!

رحاب: يعني عن ايش بيجلس يجننش ويكلمش يعني بيزعلش

آيه: ماشي عادي يعني مثل مابيتليقن عليش لاتقلقيش مايقدر حد يزعلني

في بيت ابوها..

مرته : كنت اشتي احاكيك اقدر ؟

فاروق: ماتشتي؟


مرته: اليوم سرت المدرسه حق الجهال قلت اسأل ابسر من هن صحبات آيه يمكن هي عندهن

فاروق طرح الملعقه من يده : ولقيتيها؟

مرته عصبت: كيف لقيتيها اذا لقيتها شادخل هكذا سكته وافتح الموضوع معك فوق الاكل؟

فاروق: تفعليها وتفعلي أخس اتوقع تلقيها وماتتحاكيش اصلا هذا اذا مش انتي الي خبيتيها

مرته : هيا تمام لافتحت فمي ولا زد دورتها خليها طز فيها وسير لاحق بعد بنتك انت والمره الي سارت تسحب شهايدها يعلم الله من هي

فاروق مطنشها كان حاسس بتكذب عليه او حب يختبر صدقها من كذبها مابين اي اهتمام قدامها فعل نفسه انه حنق ولبس وخرج من البيت

مرته بتقرب لجهالها ياكلوا وتكلم نفسها: تغدو ياحبايبي بسبب واحده عيكرهنا حياتنا كلنا ولا يقل معه ثلاثه جالس حانب لي بالمجنونه بنته بس لو فيه خير انه خاف عليها وقلق

ابو آيه وصل المدرسه ..

الحارس :كمل الدوام الكل روح البيت

ابو آيه: اشتي المديره

الحارس : المديره مابحد

خرجت الوكيله اخر واحده من المدرسه وهو واقف ابو آيه : اهلا وسهلا استاذ فاروق خير ؟

فاروق : كنت اشتي أسأل من جا اليوم لاعندش

الوكيله مانتبهت تفكر بيسال عليها : جت زوجتك بس قد مشيت

فاروق ها طيب شكرا وخرج تاكد انها كذابه مرته

بيطلع سيارته

الوكيله لحقته : استاذ فاروق ممكن بس دقيقه من وقتك

فاروق نزل وقفل باب السياره : تفضلي

في بيت رحاب ..

ام رحاب : البنت هذه عزيزه نفس قوي

رحاب شافت بلال وابتسمت له ابتسامة خطيره : ومش هي حق لغاجه ومجابره مع شباب رغم ان عادها صغيره عجبتني قوه شخصيتها ومابتدي لبلال وش (وجه) صح او ماشي يا بلال؟؟

بلال : انتي اخبر في الامور النفسيه هذه ماعرفش انا شي.. خاطركن وطلع

ام رحاب: اين عتسير

بلال: اطلع الغرفه اريح شويه

امه: جي احاكيك في موضوع

بلال نزل ورجع يجلس: خير

امه شافت رحاب وشافته : اهل خطيبك زيدوا الشروط ولارضيو يغيروا رأيهم وتشتي الصدق يابني حقهم صريحين من اولها احسن مادولك شروطهم وقت العقد

بلال: صريحين او مش صريحين مفروض يدروا أسباب رفضي للشروط من اين لي اشتري بيت يلله جمعت حق خطبه وجالس حانب راتبي كله جمعيات للعرس

رحاب: ومن قلك تشتري استأجر بيت

بلال: وبالعقل يعني افلت بيت ابي وامي وحدها ! لو تزوجتي ؟ واعيش خارج طيب حقها البنت ماقلنا شي لكن اسف ماقدرش لشروطهم ومن حقي افسخ

رحاب شافته بنظره: نفسي افهم مافي نفسك ! جننتنا نخطب لك وبعدا ؟؟

بلال ضبح من تلميحاتها فاهمها وفاعل نفسه مش فاهم طلع غرفته وهو بيصيح :يفسخوا قليلهم مايقدرش على هذه الشروط..

في المدرسه..

فاروق ارتبش من سؤالها : ايش بيحصل مع آيه

ساكت !!

الوكيله: يعني اولا كيف لما انسرق ملفها مالها يومين من حين ماسلمناه ؟؟ وبعدا خالتها اخت امها الي جت تشتي شهايد وبعدا زوجتك جت تسأل معلومات من زميلات ايه ؟ ممكن نفهم ايش في؟

فاروق: يا استاذه هذه مسئله عائليه ومابش شي

الوكيله: وآيه طالبه في المدرسه من حقنا نعرف ايش في

فاروق: كانت طالبه في المدرسه والان ماعد للمدرسه دخل بتفاصيل عائليه.

الوكيله : يبقى اسفين واحنا مانقدر نزيد نديلكم اي معلومات توصل لنا عنتعاون مع الطرف المهتم بموضوعها بعد مانعرف

فاروق متردد خايف يفتضح لها بمجرد فضول منها طنش ومشي بسيارته.

وجالس محتار من هي خالتها اخت امها ايه ماتعرفش حد وخالاتها كبار قوي ام ايه اصغر واحده..!!!

آيه بتتفرج الكتب الي أدت لها رحاب اخذتهن وجلست فوق السرير تتفرج !

أزيد بارت ؟

جلست فوق السرير تتصفحهن كثير وكل شي صعب قفلتهن وطرحتهن وبتقنع نفسها تشتغل وبس خايفه ترسب ويبهذلها أكثر بلال

بعد ساعتين

رحاب سوت شاهي وخرجت عند ايه: تصدقي فارحه انش هنا معنا لقيت حد اتجابر معه وانبسط امي تخرج العصر عند نسوان الجيران واخي في غرفته او عند اصحابه

آيه ابتسمت لها

رحاب شافت الكتب جنبها : ياسلام على الي متحمسه من...

آيه قاطعتها : الصدق صعب ومابش وقت اذاكرهن رجعيهن

رحاب سحبت اول كتاب كان القرآن الكريم : تعرفي السوره الي مقرره لكم للان انا حافظتها سهله جدا وتفسيرها جميل قد قرأتي سوره النور ؟؟

آيه هزت راسها لا

رحاب: طيب مش مذاكره خليني اناقشش فيها واحكيلش عن هذه السوره

جلست تكلم آيه وتفسر لها الايات

آيه كانت متأثرة معاها وعن الصلاه واهميتها عشان واحد يتوفق في حياته كيف الصلاه نفع للانسان اكثر من انه واجب ماخذ عليه اجر وبتحاسب نفسها داخل نفسها انها مقصره في الصلاه ومتهاونه فيها بتسأل نفسها معقول الي بيحصلي عشان مابينصليش!؟

رحاب : جلست تجاوبها على اسئلتها لوقت المغرب واستأذنتها تصلي.

آيه قامت من نفسها ﻻول مره تصلي عن حب وخشوع وجلست تدعي الله يغيرها ويغير حالها ويبعدها عن المشاكل..

بيت رحاب بعد صلاة المغرب
بلال: هيا نخرج نفعل لفه ؟

امه : هيا معي مشوار للسوق اشتري فرحه لبنت خالك

بلال شاف رحاب: كلمي ايه لو تشتي تخرج معاكن السوق ؟

رحاب : عتخرج هي تشتي تسير قلتلها بكره

بلال خلاص سيري قليلها تتجهز اطلع البس وانزل

رحاب خرجت لعندها دقت الباب مابتجاوب..

آيه ..؟

بيت فاروق

مرته: ليش رجعت تسأل؟

فاروق: بيقولو لي اليوم في المدرسه جت خاله ايه تشل شهايدها

مرته: ايوه انا دخلت الاداره وواحده خرجت

فاروق: مش هي ايه ملثمه؟؟

مرته: ماشي اعرف ايه

فاروق : كان من الي سارت!!

مرته: مادراني ؟

فاروق : اشتي تسيري المدرسه وتعرفي صحباتها كلهن وتساليهن ؟

مرته: تمام

فاروق: ولايحس حد عليش مدرسات او اداره ان انتي بتسالي عليها

مرته: تمام.ذلحين جهالك يشتو اقلام وصرفه ماعد بش معنا

فاروق : البسي هيا..

بيت رحاب..

آيه خلصت تصلي وفتحت لها الباب وهي عيونها بعد بكاء

رحاب حست عليها بس مابينت لها: كنتي بتصلي؟

آيه بتخبي نظراتها وتتهرب : ايوه

رحاب: البسي بسرعة نخرج السوق

آيه: تمام.

رحاب خرجت فوق السياره وبتكلم بلال : حاول لاتتقرب منها هذه الفتره

بلال: ليش

رحاب : لانها في سن وظروف فيها عتخليها تتعلق بأي حد

شافو امهم خرجت وايه نفس الوقت سكتو

في السوق نزلو سوبر ماركت كبير صادفت العائلتين في نفس المكان توقعاتكم !
ت.ع.خ

رحاب وآيه في قسم الأدوات المنزليه

بلال و أمه بيتمشوا على بقيه الاقسام ويجمعوا اشياء

في قسم القرطاسيات ..

فاروق واقف بعيد عن مرته بيتكلم مع صاحبه في التلفون ومرته بتتكلم مع اخت فاروق في التلفون وهي بتشوف مع عيالها الأشياء وظهرها لفاروق : يعني برأيش هذا الحل امد يهجعنا هدارها؟ اخاف يجنن اكثر ويقلب الدنيا عليها ...

سكتت تسمع رد اخت فاروق..

فاروق كمل وجا وواقف وراها يشوف العيال بيجمعو وبيسمعها

مرته ماحست انه وراها تفتكر مراعي لهم مكانه بعيد عنهم : الله يحفظش كيف اقله ابسرتها مع واحد ماعيصدقش هو يعرف بنته تشتي اكذب عليه كذبه ساع هذه قولي بغيرها..

فاروق سمعها سحب التلفون من وراها

مرته نكزت وخافت متوووتره فلتت ومشيت لايتصايح معها جلست تمشي عشان لايتصايحوا قدام الناس...

ام رحاب : أخيرا لقيناهن هيا سير ادعي رحاب احاكيها

بلال مشي لاعندهن مسك رحاب :جاوبي امي

رحاب: طيب ابسر ايه اوقف معها الرجال بيتفاقد لها الشوله

بلال : تمام سيري امي مراعيه

ايه : يعني عاد يحتاج لها دبه غاز صح؟

بلال واقف وبيشوف الرجال لفت لها بيضحك : مع على الكهرباء عتشتغل

آيه ضحكككت : كون بطل تعلق على كل شي

خالة ايه مرت ابوها مصدومه شافتها وتاكدت لما ايه لفتت وضحكت له وهم واقفين وحدهم

فلتتها ورجعت لاعند زوجها بتدور فين هو ؟

بلال اخذ السله ومشيو للمحاسب بيحاسبوا

رحاب بعد ماشافتهم بيضحكوا جالسه تكلمه : انتبه لتصرفاتك اخر مره احذرك لو حد شافك من الاهل او خطيبتك او اهلها ؟؟

ابن فاروق : اين انتي يا ماما بابا بيدورش في كل مكان

امه : اين ابوك ؟؟

ابنها : قد حاسب وخطي للسياره .

امه سير أدعية الان قل له يجي ايه هنا

ابنها باستغراب : ايه اختي

امه ضربته : هيا سير ادعيه بينقلك بسرعه

ابنها بيجري بسرعه خرج من البوابه ومشي لف يسار للسياره حق ابوه

رجع فاروق بعد ماسمع الخبر بسرررعه للسوبر ماركت

: اين ايه ؟ لقيتيها فين ؟

مرته خايفه ومرتبشه: هانك قسم الادوات المنزليه مع واحد لابس شميز جنز وبنطلون ابيض وهي لابسه حجاب ابيض مخطط بأسود

فاروق سحبها من يدها بعصبية :انتي ناسيه اننا كنت واقف وانتي بتخططي مع اختي! اخرتكن طلعتين متفقات على البنت ؟

مرته بتتفرج الناس كلهم بيشوفوهم وهو معصب : وطي صوتك ولاتضيع وقت والله ان بنتك هنا

فاروق : الان شاخليهم يغلقو كل البوابات واقل مواصفاتهم لكن يمين بالله لو كذبتي لايقع معش تصرف ثاني بتسمعي؟

مرته : تمام انا موافقه افعل ماشتيت ان شاءالله حتى اخرج من راسك اليوم متاااااكده

فاروق راح الاستعلامات يبلغ عليهم..

بلال وامه ورحاب خرجوا من البوابه واتجهوا يمين كانت سيارته واقفه طلعوا السياره..

عند الاستعلامات

ضابط الأمن : كيف بنت عمرها 18 ضايعه وماقلهم بحجاب ابيض واسود

فاروق: يعني اعلمك انا مهرتك ؟؟ انت اخبر تصرف بنتي ماتتكلمش عندها إعاقه وكانت واقفه مع هذا الشخص بهذه المواصفات واللبس

ضابط الأمن: طيب ايش اسمها ندعيها باسمها

فاروق ضابح ويتصايح معه:اقلك عندها إعاقه لو بتسمع وتتكلم ماضاعت

ضابط الأمن طيب شابلغ الموظفين باللاسلكي واحده بهذه المواصفات

فاروق وانا شاسبق ادور..

مرته خارج مكتب الاستعلامات: ها ماقال لك؟

فاروق: اسمعي انتي ادخلي من بوابه الدخول وانا اراعي في بوابه الخروج تمام؟؟

مرته: تمام

فوق السياره ..

بلال بيمزح ويخورهن : ما نفسكن تتعشين ؟

رحاب بتتخور وتراشي ايه ..

ام رحاب : بتسأل ايه ايش يعجبها ؟

آيه انبسطت حست لأول مره انها عايشه مع أسره وبدون تهديدات خالتها وتطنيشها لها شعور اول مره تحسه بالاهتمام..

بعد ساعه وصلوا البيت .

بلال: بكره اشتري دبه الغاز

آيه ناولته المبلغ الي باقي معها كله:اشتري بها ولو ماكفت خلاص مش ضروري

بلال شاف المبلغ كان قليل يشتري دبه غاز بس ذكر معهم زياده مخبايه احتياط يديها لها : يهياااه هذه تكفي بس وشلي الباقي

آيه: تشتري دبه !! مش تعبي

رحاب جت قاطعتهم : ايوه تكفي شراء هو عيتصرف ماتقلقيش ويلا رقده الصبح معش اول يوم دوام في الوظيفه

آيه مبسوطة وفارحه انها عتشتغل: طيب

بلال : يلا خاطركن

رحاب : وانا اجي معك تصبحي على خير يا ايه

آيه: وانتي من اهله وقفلت على نفسها ودخلت ترتب اشيائها الي اشترتهن.

في البيت ..

رحاب دخلت شافت امها قد رقدت : اجلس نتكلم انا وانت

بلال: داري ماتشتي تقلي لي ومراعي امي ترقد نتكلم انا مش داري اين حسش وليش بتفكري هكذا! مافيها يعني لو كلمتها ومزحت معها ؟؟

رحاب : ايوووه مافيها انا دارية انك اخي حبيبي محترم ومخلق ومش قصدك شي بس البنت في سن مش فاهمه هذا الشي هي بعد مشاكل وحاسه بوحده اخاف تتعلق ومش هي ناقصه

بلال باستغراب: تتعلق بي ؟؟؟

ضحكككك : انتي مجنونه؟ مابتبسريش كيف تتكلم معي!

رحاب: ايوه بس بدات تتغير ويتغير كلامها معك وماشتيش تتطور هي اكثر وتتعلق بك

بلال: واذا تعلقت مافيها؟

رحاب : بس خباله يابلال

بلال: قلي لي مافيها خطبه وشكلها مفركشه والبنت ماشاءالله عتتغير طباعها اين المشكله ؟؟

رحاب سكتت

بلال: انا داري ايش بينفعل ولو ماتعلقت بي عتتعلق بغيري وانا موقفي معها وتعاملي مثلش تماما لا ازيد ولا اقل.

رحاب سرحت شويه :طيب

في السوبر ماركت. .
الكل روح وبدأو يغلقوا وفضي المكان ماعدلا العمال

ضابط الاستعلامات: مضيع وقتك هنا يا اخ اخرج دور بنتك خارج يمكن خرجت قبل ماتبلغ ؟

فاروق شاف لمرته وحس انها كذبت عليه : طيب يا اخي شكرا

ضابط الاستعلامات : ادي رقمك بكره نراجع تسجيل كاميرات المراقبه ولو لقيناها نبلغك

فاروق جلس يمليه رقمه..

مرته سبقت للسياره خايفه منه..

فاروق شافها وقدو معصببب خرج وطلع السياره : انا تضحكي عليا هكذا! خليتيني مضحكه قبال الناس كلهم

مرته بتحلف ومنفعله : ليش مس مصدقني؟

فاروق شاف جهاله معهم : نتفاهم في البيت

في غرفته جالس من فوق يتفرج للحوش مطفايه غرفتها دخل وقفل الستاره بيفكر في كلامه مع رحاب

ويتخيل نفسه لو اعجبت به فور جا على باله لقانتها عصبيتها وانها عادها صغيره والمشاكل الي فيها بيقنع نفسه مستحيل يفكر التفكير الي بتحسه رحاب ويسأل نفسه ويبرر : اهتمامي بها لانها صغيره وقصتها مؤثره بس الله يهديش يارحاب..

في غرفتها ممدده بتتفرج السقف وتفكر

لو اشتغلت ايش شاشتغل ؟ بعدين هل عيحترموني؟ مش عارفه ليش الناس كلها لما تتكلم معي تعصب وتتكلم معي بطريقه مستفزه ؟

ماقدرش اوقع مثل رحاب والناس بتعاملني مثل خالتي اصلا هي عاملتني هكذا لاني كنت اسكت لها بس الان ماعد اقدرش امسك نفسي لو حد عصبني

بس مش كلهم بخباثه خالتي اليوم ام رحاب طيبه كانت ولازم اغير طباعي شويه الناس طيبه معي ماتستاهل اعاملهم مثل ماعاملتني خالتي وابي وعمتي والمدرسات وكل الي كنت اعرفهم.

غمضت عيونها وهي بتفكر وتخطط انها تتغير عشان يتغير المحيط الي حولها وماتكرر نفس المشاكل السابقه الي واجهتها ..

في بيت ابوها..

فاروق : من البدايه اشتي اعرف التخطيط الي كان بينش وبين اختي

مرته: ولاشي احنا بنهمك وصحتك لايرتفع لك ضغط او سكر بسببها قلنا تهدأ وتقنع منها

فاروق عصب : وشاهدأ حين تقلي لي بنتي مع واحد ؟ انتي مجنونه ولا ماهو !! قسمن بالله لو لقيت ايه وطلع ان انتي السبب وخططش هذه يمين بالله لارجعش شغاله تحت رجلها

مرته عصبت: هي الحجه عندي طيب وانا والله لو لقيتها او دريت عنها خبر يمين بالله ماقلك شي

فاروق: تمام عنبسر .. شل تلفونها وخرج وقفل الباب عليها

مرته جلست تداعيه وتدق الباب يفتح لها. .

فاروق متوتر معصب يشتي يكشف خطتها فتح محادثتها مع اخته...

مابش شي كله محذوف الكلام بينهن اتصل لها اتصال وساكت

اخته ردت : ها ماوقع ؟؟

الوو...؟؟

فاروق: بيض الله وجهش يابنت ابي وامي هكذا تفعلي انتي القريبه لو هي غريبه وبنت الناس!

اخته صاحت: يوووه فاروق اسمع اول يا اخي

فاروق معصب...!!

فاروق معصب: لا انا اخوش ولا اعرفش وقلي لي ماحصل لما ايه خرجت من البيت

اخته ظنت ان مرته قد كلمته كل شي : ماقالت لك مرتك؟

فاروق : كل شي اتحاكي انتي ادرا منش ليش خرجت ايه؟

اخته قلبت على مرته: هي مرتك ماتشتيهاش وانا كم جلست ادافع عليها واعقلها وهي ولا الظاهر انها يوم ماخرجت هددتها تشل فلوسها وذهب امها

فاروق: اي فلوس واي ذهب؟

اخته:مادري

فاروق: بينقلش تكلمي بتسمعي؟؟

اخته: جلست تكلمه بكل شي وعن تخطيط مرته انها تشل ذهبها تسوي مشروع.

فاروق : يعني انتين السبب الان في هربه بنتي من البيت حرام لو يوقع بها شي وماعد القاها انكن ماتشوفين يوم خير ..

قفل في وجهها التلفون ودخل لاعند مرته

مرته :مش من حقك تفعل هذا الاسلوب معي

فاروق : اششش اصاه ولا اسمع صوتش ! قسمن بالله لو ما انا ماسك اعصابي وضد مده اليد اني قد بردت قلبي فيش بس عيجي لش يوم اول القاها.

ايش من قلب معش انتي وايش من طمع قد قصرت معش بشي !! كل شي نفسش في بتشتريه اغلى لبس وعطور ومكياج وعيالش احسن مدارس ولبس وسفريات !!

ليش ماتقليلي ماشتيش بنتك من البدايه

مرته: عادك ذكرت توقع حنون عليها على الاقل فكر في عيالك ولا بتعبر حد فيهم وتشتي اربيها لك وانت نفسك مش قادر عليها اين ماسرت وجيت وهي تتليقن وترفع صوتها وتتويقح انت ابوها وماتطيق تصرفاتها واكثر من كان يضربها

فاروق: كنت اربي اب بس انتي خبيثه كيف تعاملي يتيمه هكذا قلي لي شل بنتك ماقدرت اربيها

مرته بكيت وبدات تتملعن : ماكنت اشتي تفلتني وتدور غيري تربيها ولا حد كان عيقدر على طباعها واخلاقها من حبي فيك ربيتها وتحملتها وعاملتها بنتي بس هو انت حساس ونكرت كل شي فعلته لك وبنتك

فاروق تاثر من كلامها وصدق هدأ شويه..

ثاني يوم الصبح..

رحاب بتدق الباب لايه : هيا ايه تأخرت

آيه خرجت بشنطه صغيره

رحاب: ليش ماتلبسي الي اشتريناها امس وتطرحي الكتب فيها

آيه: ليش الكتب اشتي ادرا ما ششتغل اول

رحاب دخلت بسرعه جمعتهن لشنطتها ومسكت الشنطه: هيا سريع تاخرنا نتكلم لوما نوصل

بلال في الحوش : اوصلكن؟

رحاب : لا مابش داعي

بلال: وفرتي بترول وتعب

رحاب طنشته وبتمشي هي وياها : شغلش يا ايه عيكون في الفصل مساعده لي يعني عتكوني طالبه في صف ثاني ثانوي وثالث ثانوي

آيه : كيف طالبه وشغل ! بتضحكي عليا عشان ادرس غصب؟

رحاب: ماضحكت عليش هو عتفعلي الثنتين تكوني طالبه تستفيدي من الحصص لانش عتمثلي على البنات انش طالبه ونفس الوقت تقلي لي بيحصل مع البنات

في حارتهم ابوها رجع لشكوكه لما شافها وجا يفعل لفه على طريقه العمل...

كانت باب المدرسه هي وايه دخلين

في حارتهم..

بلال خرج بسيارته واستغرب شاف سيارة ابوها واقفه ! مشي عادي ماوقف

فاروق جلس منتظر ساعتين بدون اي نتيجه قرر يرجع البيت.

وصل له اتصال من ضابط الأمن : ها زد لقيتوها ؟

فاروق : ماشي لقيت انت المواصفات الي بلغتك امس؟

ضابط الأمن : بصراحه انا مشغول جدا ومعي إشراف على الموظفين وانا برأيي انك تجي لانك انت الي عتعرف بنتك بنفسك

فاروق : يلله الان جايي في الطريق لاعندك

في المدرسه ..

آيه دخلت وبتحاول تذكر نفسها انها بتغير طبيعتها واسلوبها .

رحاب بتمشي هي وياها: ايه هذا الصف تعالي اعرفش على البنات

آيه دخلت معها وهي متخوفه شويه من البنات ونظرتهن لها بس كانت متطمنه انها مابتدرس لان اكثر سبب كرهها بالمدرسه كان فشلها الدراسي ورسوبها..

البنات رحبوا بها لأن رحاب كلمتهن من قبل..

بتشوف ابتسامتهن لها وبعضهن يفسحين لها مكان تجلس معاهن

انبسطت شويه وحست براحه بدأين يسألين على اسمها وترد وهن يعرفين بنفسهن

رحاب شافتها انسجمت معهن غمزت لها على الاتفاق الي بينهن وغمزت لأشطر واحده بالصف واشرت على آيه وخرجت.

في غرفة المدرسات

رحاب جالسه بتتكلم مع المدرسات على ايه يحاولين يتفهمين وضعها وسلوكها وانه بسبب معاناتها و ظروفها.

في بيت رحاب..

ام رحاب : اتصلت لش رأسا لا وساطات و لا الناس الي جو لكم مننا يا اختي الصدق صدمتونا بالشروط
يعني مصممين على البيت يديلها بيت وحدها ؟

ام خطيبة بلال: ايوه مافيها شي حقها

ام رحاب : وهذا حقه وبيت ابوه يفلته ويخرج يستأجر بيوت الناس امد حق بنتكم؟

ام خطيبه بلال : وبنتي تشتي تستقل وتاخذ راحتها

ام رحاب : البيت كله لها لا معه اخوه ولا حد ومعه طابق كامل لحاله

ام خطيبه بلال : والله مانا داريه بهذا كله

ام رحاب : وذلحين قد دريتي موافقين نتم بها مش انتو موافقين حقكم ماشتيتو بس لاندخل الناس لانهم بيحوجو الموضوع ويزيدو فيه وينقصو

ام خطيبه بلال: ماعليش من احد احنا وافقنا يهمنا الرجال ونفس الوقت بنتي قدي زواجه حقي اضمن انها عترتاح وماتدخل في مشاكل

ام رحاب : اكيد ماهذا كلامش صح وانا معي بنت ولو يجو يخطبوها شافعل مثل مافعلتي واشرط نفس الشي. ولو تشتي نكسي احنا موافقين تشتو تكسو انتو براحتكم

ام خطيبه بلال: الصدق شهرين قليل نكسي ونجهزها عليكم الكسوه واحنا ماكودنا نلاحق صالات ونحجز هولا الاشياء وانتو عليكم الذهب والكسوه

ام رحاب : ان شاءالله بإذن الله ارجع اتصل لش ونسد ايحين نخرج السوق .

ام خطيبه بلال : تمام سلمي على وجدان ( خطيبة بلال).

في السوبر ماركت جالس بيتفرج الكاميرات والتسجيل وعينه تلف من شاشه لشاشه تعب مالقي حد اوقات كان يعلق ويوقف التسجيل و أوقات يجاوب المكالمات ضبح مالقي شي من الي وصفته زوجته وصل لجزء من التسجيل في قسم المستلزمات وقام وقف : خلاص من هذا الوقت المسجل انا كنت منتظر وواقف يمكن خارج نسير ندور مكان ثاني

الضابط : على راحتك اهم شي تحتاج خدمات شي في قسم الشرطة انا موجود.

فاروق تأكد انه ماكانت موجودة : طيب مشكور خاطرك

خرج وهو بيفكر ويحس انه مغفل كان يسمعها بتكذب نفس الكذبة قدامه ورجعت تقوله كيف صدقها حتى لو حلفت ، اكيد كذبت عليا خافت احاسبها واعاقبها و اكيد هي الي خبت بنتي واتفقت مع اختي والدليل قصه خالتها الي سارت تدور شهايدها وملفها من ايحين مع ايه خاله ومن ايحين تعرف حد

وانا مثل الغبي جالس بعد كذباتها لازم اكشف كذبتها بس كيف أبدا اهدي نفسي وابين لها اننا مش خايف عليها عشان لاتجلس تلعب باعصابي وكل يوم تدي لي قصه هذا اخر حل معها اقلها لقيت البنت واشوف ردة فعلها عتبين اذا معها او لا.

فتح الباب ودخل متطمن

مرته : ها مافعلت؟

فاروق : ولاشي لقيتها وكانت مع واحده مش واحد وعلى فكره تشبه واحده من خبيراتش

مرته: خبيراتي من منهن؟

فاروق: اظن انها هناء ( اكثر واحده من صاحبات مرته تحب ايه وهي تحبها) ومرته تكرها

مرته: كيف عرفت انها هي ابسرتها؟

فاروق: مالش دخل سيري قربي غدا الان.

في بيت رحاب.

بلال كان مراعي لها بدبه الغاز في الحوش

رحاب وآيه دخلين البيت

بلال: ليش تاخرتين.؟؟

رحاب : اشترينا دفاتر لآيه وجهز نفسك اليوم مابش خبره ولاخرجه

بلال: ليش؟

رحاب: عليك المواد العلميه تشرحها لآيه.

بلال: طيب تمام ولايهمش على كل سؤال ماتعرفيه خلع واقلع اذنش

آيه بتضحك على اسلوب كلامه لما يمزح معها يضحك ردود فعله مميزه.


رحاب شافتهم : طيب يلا ابسر لها الشوله وصلحها

بلال بيوصل دبه الغاز بالشوله : ايوه ذكرت يا ايه اشتي اقلش تنتبهي

رحاب: اكيد عتنتبه يعني عتحرق نفسها بالعاني؟

بلال شافها بنظره : انتي يا استاذه ولا كلمه رجاء سيري اوقفي هانك بعيد

ايه ابوش كان في الحاره الصبح بيدورش !

ايه مبورده : طيب

بلال :هكذا طيب بس ؟

آيه: مافعل اخرج افتح له الباب ؟

رحاب ضحكككت : تستاهل بردت قلبي فيك

آيه شافتها وابتسمت

بلال: هيا ناهي ارجع افتح له الباب انا وافرش له سجاده حمراء لغرفتش ولا اقلش أسير اديه انا بنفسي

رحاب شافته خلص يصلح الغاز : قدها سابره ؟؟

بلال: ايووه

رحاب: يلا اخرج من هنا

بلال طيب : وهذا خرجت لفت لآيه : تشتي شي؟

آيه: مع شكرا بس خفف الافلام الهنديه شويه تشتي تفجعني ابطل اخرج صح

بلال بنظرات صادقه وبيبرر: والله العظيم انه جا مالش انتي فارحه بروحش مفكره كل شي مزح معش

آيه انكسفت منه انصدمت وماعد ردت.

فوق الغداء

ام رحاب: ايحين عتستلم الجمعيه

بلال : ليش؟

ام رحاب: عشان البنت نسير نكسيها (شراء جهاز العروسه)للعرس

بلال: ايش من عرس ماعد اشتيش

رحاب :ليش ؟؟

بلال بنرفزه:هكذا انكسرت نفسي منها

امه : مش بكيفك تلعب مع بنات الناس رحنا وادينا كلمه مانقل لهم ليش ماتشتيش

رحاب : قليلهم بيحلم يشل الي في باله

بلال بعصبية : لاتطلعيها راسي وانا ماشتيش

امهم: ايش في مالكم صلوا على النبي

رحاب : عليه الصلاه والسلام مدري ماله بيتقارح

بلال: مابش فيني شي بس قد سديت انا وامي نقلهم خلاص مانشتي شروطهم

امه : تفاهمت انا وامها وسدينا ابني معه بيت ليش يستاجر وياخذ ييت خارج وقالت خلاص

بلال طنش كمل ياكل وطرح الملعقه وراح يغسل يده وخرج الحوش عناد في رحاب

آيه :خلصت تتغدا خرجت بالصحن والملعقه تغسل

بلال شافها وهو جالس في الدرج : مسرع تغديتي

آيه مطنشه مابترد عليه

بلال: ايش تغديتي

آيه: اندومي

بلال: هيا ناهي غدا اندومي ؟

آيه: ليش يعجبك تدور معي محانبه وهدار

بلال: مدري مزاج

آيه طنشته ودخلت الغرفه

بلال : جهزي كتبش واخرجي يلا

آيه: مشتيش( لا اريد)

بلال: مش بكيفش الان مراعي

آيه طنشته وقفلت الباب ع نفسها وجلست فوق السرير بتفكر في تصرفاته المتناقضه وقت طيب معها ووقت يجننها بأسلوبه

بلال بيدق الباب : هيا اخرجي معي بعدا عمل

رحاب خرجت: مش بالصميل مالك وبعدين عادها جت من المدرسه

بلال:عناد فيش تبطلي حقش الأفكار هذه شايفتني جاهل او مراهق !! بتحاولي تمنعيني عنها

آيه سمعت هذا الكلام وفهمته بطريقتها ( انه مهتم بها ومعجب)

جمعت الكتب وخرجت

بلال شاف رحاب وابتسم:انا داري ايش اسوي وانتي ريحي بالش بتسمعي !!

آيه ناولته الكتاب..

بلال جلس فتح الكتاب من اخره : ايش مش فاهمه ؟؟

آيه سحبت الكتاب وفتحت من اول صفحه( من هنا) !!!

في بيت فاروق

هاجر ( مرته) بتتصل بهناء صحبتها : صدق آيه عندش ؟؟

صحبتها ماسمعت سوا مع ازعاج العيال فكرتها قالت صدق نجي انا وايه عندش ردت : ايوه ) اهلا وسهلا حيا بكن

هاجر: كيف ؟

هناء: الله المستعان عادي جي اي وقت حيا بش

فاروق دخل وهي بتتكلم شافته : ايه عند هناء

سحب التلفون ورجمه للارض

ت.ع.خ

فاروق سحب التلفون ورجمه للأرض : انتي بتستغفليني ؟ كل يوم بكذبه

مرته: والله انها عندها حتى اتصل اسأل !!

فاروق: انا كذبت عليش عشان اكتشف كذبش وانتي بتسايريني كل يوم بموضوع

هاجر بصدمه: والله انها عندها مالك بتكذبني؟

فاروق : اتصلي اشوف قدامي ولو ماطلعت عندها والله ياهاجر ماتجلسي لي في البيت يوم من الشارع لبيت اهلش

هاجر بتكابر عشان كذبها اخذت التلفون وتحاول تعيد تشغيله ومارضي: هيا شوف كيف طفيته

فاروق سحبها من يدها :البسي الان وقدامي لبيت هناء تعرفيه؟

هاجر: ايوه هيا نسير ذلحين ولو مابحد هي راضيه شلني بيت أهلي.

راحت تلبس عبايتها وهو منتظرها في السياره..

بيت رحاب جالسين ايه وبلال في الدرج وبينهم في الدرجه الي فوق رحاب ..

آيه بعد ماسمعت شرح المسئله بتحاول تحل التمرين الي اداه لها طبقت الخطوات على القانون وكتبت النتيجه شافته : ها حليتها صح ؟؟

بلال شاف الحل ولفت لرحاب مبتسم

رحاب: يعني مفكرني دارية اذا صح او غلط! ! انا أدبي درست ماعرفش هيا قول

بلال معصب : ياغبيه حرام عليش والله حرام

آيه ضبحت وقامت وقفت : انا كتبت مثل ماقلت لي اوووف ماعد اشتيش

بلال : حرام ماكملتي تدرسي وانتي ذكيه هكذا حليتيها بسرعه وصح

ايه كانت تشتي تنزل وتروح غرفتها وقفت مكانها ابتسمت بفرحه : صدق ؟

رحاب: ماشاءالله وانت مالك بتفعل حركات هنديه قل لها صح

بلال : ايش فهمش انتي امد تنبهر بنفسها مثل ما انبهرت

آيه فارحه ومبتسمه

رحاب: هيا كمل لها باقي درسين وتتم الوحده الأولى

آيه: يهياه او شادرس الكتاب كله ؟

بلال: وتدفعي لي حق الدروس الخصوصية

آيه: من اين ادفع لك ابيع لك الشوله

بلال ضحك : شاخصمه من مهرش ( قصده لما تتزوج)

آيه ابتسمت وسكتت فكرت يقصدها لانه بايفسخ!!!

رحاب : هيا سريع كمل الدرسين عشان تدخل تحل تمارين الوحده الاولى

بلال رجع فتح درس جديد وبدأ يلخص لها الدرس ويشرح لها تمرين...

في بيت هناء. .

هاجر : يو حسبش الله انتي قلتي لي ف التلفون؟

هناء: والله ماقلت غير حيا بش جي انتي وايه خير ليش وينها ؟

هاجر معصبه متوتره: يوووه والله لايجنن جنان قوا تصرفي افعلي اي شي قولي انها عندش يامنعاه!

هناء: اسفه الصدق ماقدرش هذه الكذبه كبيره ي اختي ماينفعش دورو البنت عيركن انها عندي

هاجر : يشلوها الجن هي وابوها جننتني كرهتني عيشتي هي وياه

هناء : لاحول ولاقوه الا بالله الله يعينش

هاجر خرجت وهي خايفه

فاروق شافها وحدها نزل من السياره :هاا !مالها مارضت تجي؟

هاجر شافت في ناس في الحاره : اطلع شاقلك في السياره

فاروق : تكلمي ذلحين وين هي لانزل اكسر

فاروق : تكلمي ذلحين وين هي لانزل اكسر البيت فوق راسهم حين هي عندهم ولايتحاكو

مشي للباب

هاجر خافت يعصب عليهم: ماشي مش هي عندهم ارجع من الجنان طلعت السياره وقفلت الباب

فاروق معصب وبيصيح في الشارع :جنااان هاااه والله ماشفتي الجنان حاضر ياهاجر قلتلش كذابه

هاجر معصبه وبتبكي : طيب ماعتفعل تشتي تشلني بيتنا شلني افتهن من جنانك انت وبنتك المجنونه انا مادخلني ماناش داريه

فاروق معصب بيمشي الطريق. .

شافها بتعانده وتطلب تروح بيتهم بدء يفكر يغير رأيه لو هي كمان راحت من بيبقى مع جهاله في البيت ويخاف يحصل لهم مثل ماحصل ل آيه ..

هاجر طول الطريق وهي تغلط ايه والي سوته وانه مالها ذنب ولا دخل وهو مابش بيده شي يسويه هي الي خرجت وغلطت

فاروق بيسمعها وبيتخزن كلامها في راسه وبدء يتحامل على ايه وانها غلطانه وماعد في قدامه حل غير يقول للناس انها ماتت

هاجر: ماينفعش تقل ماتت قل عند جدتها وهجعنا هدارها تعبتنا وتعبتك ولاعد بتداوم ولاشي ابسر كيف انت مثل المجنون بتلاحقها تشتي تخسر عملك وتخسرنا ؟؟

بيت رحاب..

آيه كملت تذاكر وبتسمع اذان المغرب بتفكر تقوم تصلي ولا ترتاح شويه !!

بتشوف الكتب والمكان الي هي فيه حست انها بدات تتغير وقررت وفكرت مع نفسها تتغير وتهتم بصلاتها قامت تتجهز وفرشت السجاده وخرجت عشان تصلي

بلال في الحوش : ايه تشتي شي من خارج؟؟

آيه : ايوه

بلال : اكتبيهن في ورقة سريع شاسير انفعهم

ايه ذكرت مابش معها فلوس كافيه : لا خلاص ذكرت ماشتيش شي

بلال: احسن وفرتي

وخرج

داخل البيت..

رحاب: بلال مش مصدق لذلحين انه عيتزوج جالس ياخر دفع الجمعيه قد المدرسات ضابحات ماسلمت حق الشهر هذا حاكيه قوا يمه

امها : كيف مايشتيش لايكون الولد معجب بهذه الي اديتوها !! او يشتي يفسخ عشان ايه

رحاب: ماشي ماقال هكذا بس بيقل ماعد يشتي خطيبته

امها : مش هو على مايشتي ولاعد شادخل في شي يسد هو والناس


بعد عشر دقايق وهن في نفس الموضوع سمعين صوت الباب : اسكتي لايسمعش شافتح الموضوع انا

رحاب: ايوه لانه بيعاندني في هذا الموضوع بالذات

في الحوش..

بلال دخل ودق غرفه ايه

آيه فتحت الباب وواقفه وراه : ادخلي

بلال: ادخل ؟

آيه دهفت الباب : مش انت مالك بتجنن انا بينقل انها رحاب

بلال: لاتقليش كوني اسالي اول كم جهدي اجلس اعلمش كل شي

ايه: ايش تشتي ؟

بلال: هكذا ايش تشتي بقزز بدل ماتقلي كثر الله خيرك..

ايه : جاي تحانب لعندي واقل كثر الله خيرك على ايش ؟؟؟

شافت يده امتدت بالكيس

بلال : هيا شليه سريع سريع

ايه : انا ماطلبتك شي

ايه : انا ماطلبتك شي

بلال: شلي هيا وعنتحاسب اخر الشهر

ايه سحبت الكيس منه : هيا بحق عنادك والله لاشلهن لي وماحاسبش فلس

بلال ضحك خاطرش هن اصلا لش وبتفعل نفسها مابتطلبش وهي واصل طلبات

من داخل البيت امه ورحاب بيسمعين الضحك ومجابرته..

بلال فتح الباب ودخل : هيا رحاب يامنعاه العشاء جاوع بسرعه اشتي اخرج

امه بضبح: وين تخرج ؟ ماشاءالله هذا الي ناقص نسمع الجيران بنا ؟ ماقد لقيت عذر اقلهم من هذه

بلال : لاحول ولاقوه الا بالله مابه لهذا كله؟

رحاب: يعني مش انت داري

بلال طرح الاكياس ويشتي يخرج ضابح

امه : جي لهنا بينحاكيك

بلال مشي وواقف وماسك نفسه لايعصب فوق امه

امه : ادفع حق الجمعيه

بلال : قد حاكيت رحاب مابش معي صرفت منها تراعي لوما استلم

امه:محد قلك تقرحها مصاريف على خبرتك انا اعرف الصبح والزلط حق الناس عندي

بلال فتح الباب وخرج ضابح

أمها رجعت تصيح فوق رحاب : كله منش انتي السبب جت تديلي بنت عزبه لوسط البيت

رحاب زعلت ودخلت غرفتها

في الحوش آيه بتكنس غرفتها لخارج وتكنس قدام الباب شافته خرج معصب وشافها وماكلمها وخرج

جلست مستغربه ليش ضابح قفلت الباب وفتحت الكيس بتتفرج داخله جعاله واندومي وببسي وعصير وجبن وتونه ومربى وليز وحليب وقشطه وكاتب لها في ورقه مش ملاحظة اكلش مثل الدمم (القطط)

ضحكت وغيرت ملامحها باستهزاء سامج رجعت تبتسم للاشياء وترتبهن فوق الطاقه ( الشباك)

رجعت جلست بعد ماخلصت تنظف وتذكر مدحه لها انها ذكيه راجعت حل التمارين وفتحت الوحده الثانيه تقرا وتفهم الحل عشان تبان قدامه شاطره

مع أصحابه. .

بلال خرج كيس من جيبه: الي سلفته زلط يفرق لاوسك الكيس هذا

سام : الله كريم

صاحبه : سير جنب اي جامع

بلال : يا انذال حقي مابينطلبش منكم مش هي الف الفين فوقك انت 200$ وانت يامدبر فوقك ميه الف عادهي سلفه من الراتب

سام خرج من جيبه الزلط: ابسر بدون ماتتكلم اديتها من نفسي ماكان في داعي لشغل الشحاته هذا

وزد فوقها مني لك 300$ سلف

بلال ضحك: امانه صدق

صاحبهم الثالث: يا اخي الي فوقي استلفتها منه اقضيك داري انك عتحتاجها هرمتنا رسايل اصلا

بلال ضحك شاف سام: وانت من وين استلفتها ؟

سام : ماعليكم معي حبيبه مزلطه

بلال: اووف هذه حبيبه معها جنسيه كنديه او امريكيه دام الموضوع سلف بالدولار

سام ضحك : والله ماتصدق لو اقلك بس شلها سكته وهجعنا دحسك

بلال : ماتكفيش دبرولي فوقها 500 لاخر الشهر.

في غرفتها

آيه كملت تذاكر و فتحت دفاتر صحبتها وشافت دروس كثيرر رجعت تلخص المهم وتكتبه في دفتر..

رحاب قررت قرار وخرجت ل ايه تكلمها ..

ت.ع.خ

بارت 46

آیه فتحت لها باب الغرفه.

رحاب جلست فوق السرير وشافت الكتب والدفاتر: ذاكرتي؟

آيه: ايوه

رحاب: وايش لقيتي اليوم شفتي شي على البنات او شي

آيه: لا ماقد عرفتهن سوا ولاحفظت اسمائهن وبعدين كلهن طيبات

رحاب: هن طيبات وكلهن ياسلام بس اوقات البنت بتوثق في اي حد وتفتح له قلبها وتديله مشاعرها وهي مش داريه صادق او كاذب

آيه: عتدرا مع الوقت

رحاب: كيف ؟

آيه بتفكر في الي بيسويه معها بلال: من تصرفاته واشياء كثير

رحاب: اي حد لما يلقى ويتعرف على شخص دائما بيكون بأفضل شي عنده ابدا مايبين الجانب السيء فيه

آيه سكتت

رحاب شافتها بنظره ومبتسمه لها :مثلا اسألش سؤال

آيه: ايش؟

رحاب: كيف تشوفي بلال أخي

آيه بسرعه ردت: مستفزززز ويعجبه يبرقط الناس ويعايرهم

رحاب ضحكت : هو طبعه هكذا اوقات قد يكون منه مزح بس لو اقلش كيف تشوفيه طيب؟

آيه انحرجت منها وبالذات لانها اخته لايبين اعجابها به: ماعرفش طيب او مع انتي اخته تعرفيه

رحاب احتارت معها وحست انها مش مهتمه به مثل اهتمام بلال بآيه : المهم اشتي اوصل لش فكره البنات الي في صفش كلهن كويسات محترمات بنات ناس وبعضهن بيتاثر من قصص صحباتهن او من مسلسلات او اي شاب يحاول يلاحقهن ويديلهن كلام حالي وبيصدقين وكثير شباب للأسف مش صادقين بتكون مرحله تعارف وتسليه بس فكره انه يكمل وعده لها بيكذبوا

آيه: وانتي ايش عرفش قد حبيتي ؟؟؟

رحاب انحرجت من سؤالها بس كانت صريحه معها : ايوه ومش انا بس وحدي كثير بنات صحباتي وبعدين طالبات كشفتهن مثل ماقلتلش بيدي كلام ولما تقله اخطبني يتعذر

آيه: و افرضي وافق وخطبها وافرضي في واحد عيخطبها بس يشتي يتاكد !!

رحاب: حلووو إذا من اولها تسأله هذا السؤال اذا اعترف لها بمشاعره ماتبادله شي تقله اخطبني اول عشان تعرف صدقه معها .

آيه سكتت

رحاب: المهم مانصدق المشاعر من اولها اي شي نحسه مش معناه حب على طول قد يكون إعجاب من طرف واحد والثاني معه حد ثاني ترجع تتعذب هي او هو

آيه ضبحت : طيب ماليش دخل منهن انا عليا اقلش لو شفت شي

رحاب ضحكت ورجعت بنظررره ونص عين: وانتي لو حبيتي من عيحارش بش

آيه: مابش معي أهل اول عشان القى حد أحبه .

رحاب اتأثرت من كلامها: واحنا هنا ايش بنفعل مش انا اختش وامي امش وبلال مثل اخوش وعتجي مرته وتوقع لنا اخت ثالثه

آيه ماقتنعت بكلامها صح طيبين بس يبقى داخلها نقص ردت على كلامها بإبتسامه لطف للي فعلوه معها اما على الي قالته هي مش حاسه ان معها حد غير نفسها.

رحاب شافت ابتسامتها وقامت: يلا ارقدي عشان الصبح معنا مدرسه

لمحت كتاب جنبها بتقراه: ياسلام هذا الكتاب جدا روعه يغير الواحد وغيرني وحببني ادخل علم نفس

آيه: حالي بس مبالغ بيتكلم عن السعاده والنجاح ومش كل الناس مثل بعض

رحاب: عشان هكذا طبع الكتاب وخلاه مثل النصائح عشان توصلي للسعاده والنجاح

آيه: وانتي وصلتي للنجاح والسعاده !! هوذا ماتغير فيش شي

رحاب : مثل ايش يتغير قصدش؟

آيه: يعني مش انتي غنيه ولا معش سياره حقش وعاد بلال بيتحكم بش في اشياء كثيره

رحاب ضحكت: ومن قال لش ان السعاده كل الي قلتيه السعاده هي اننا قدرت اتجاوز مشاكل في حياتي مثل ابي لما مات وامي لما مرضت ولما جربت شعور النجاح بعد مارسبت وعدت الثانويه هذه كلها نجاح وسعاده انش تثبتي قوتش لنفسش وتواصلي طريقش السعاده مش ماديات هي شعور تحسيه لما انتي الان هنا وحدش ساكنه في غرفه صغيره وهاربه ايش احساسش مرتاحه ولا ببيتكم كنتي مرتاحه !

آيه: هنا مرتاحه أكثر

رحاب: ليش رغم ان انتي بيتكم على ماوصفتيه كبير وكنتي مدرسه افضل من الي انتي فيها الان

آيه: صح بيت كبير بس مشاكل واصل ومش مرتاحه ومعاقبه في غرفتي لو جو ضيوف عند خالتي تغلق عليا عشان محد يضحك عليها انها بتربي بنت زوجها

والمدرسه كانت افضل مدرسه بس مابش معامله سوا ولا سديت انا وصحباتي

رحاب: يعني السعاده هي شعور مش شي مادي وفلوس .

آيه صح كلامش كنت اقرا الكتاب بدون نفس الان خورت اعيد اقراه من اوله

رحاب: ولو استوعبتي وكتبتي كل نقطه ونصيحه مهمه فيه وطبقتيها اضمن لش تعيشي ناجحه وسعيده بحياتش وانتي قويه وشجاعه ناقصش بس معرفه

آيه انبسطت كثير بكلام رحاب واول ماخرجت من عندها جلست تقرا وتربطه بحياتها ..

رحاب خرجت من عندها وهي مرتاحه ومتطمنه ان مابش في حسها من اخوها يبقى الي عينه عليها هو بلال مش هي.

وصل بلال قفل باب السياره وغلقها وشاف غرفتها مغلقه دخل البيت.

ام رحاب : ليش رجعت كنت ترقد خارج لهذا الساع

بلال شاف يده ضحك: الساعه 10 صلي على النبي ياحجه

رحاب: الي يشوفك كيف خرجت معصب مايصدق كيف رجعت اعوذ بالله منك مثل الجني

بلال خرج الفلوس من جيبه وطرحها في يدها : هااا بالدولار تشلي حق الجمعية بسسسس والباقي فارق الصرف تديها

رحاب: ماعه الباقي نصيبي حق التأخير حين تحملت الاحراجات بسببك

بلال هاتي الفلوس انا بصرفها و ارجعهالش

رحاب بمحانكه : تحلم والله مادي حاجه وبعدين من اين معك دولارات !

بلال قام يهزر الفلوس منها جلس يسافطها واخذ الفلوس. .

رحاب بدلع على اخوها : هيا قوا قوا والله ماعتوقع لي منها الا 3000 بس

بلال بيتحيلا لها رجع لها الزلط : وبعدين انا زعلان منش

رحاب : ليش؟؟

بلال : كيف ليش ! بتتصرفي تصرفاات هذه اليومتين نفسي اكسر راسش عليها.

رحاب : هو انت الي يشتي لك كسر راس لولا ان البنت متمرده وشابعه مشاكل ان قد تعلقت بك

بلال: مافعلت شي محسستني قلت لها احبش بتحسددددي بس يعلم الله ماعتفعلي بمرتي

رحاب ضحكت: شلوك احسدهن على ايش لقانه ومحانبه ويعجبك تقرح قلب واحد من عيعجب بك

بلال بنظره مسك لحيته : تتحديني اوريش انزل صورتي كم واحده عتفعل لايك وتعلق

رحاب: هي مافعلت لك هيبه الا الدقن وجلست تقلده باستهزاء ( تتحديني اوريش انزل صورتي ) اكره الي فارحين بنفسهم مثلك من ايحين بتتحاكا هكذا

انت كنت اول واحد تتلغج على العيال الي فارحين بارواحهم بس عقاب الله الي يتضحك على حد يوقع مثله

بلال ضحكك: والله انه صدق كلامش الله يسامحنا بس ..

رحاب..

رحاب استغرب دعاها بنبره مختلفه : هااه.

بلال : رجاء مره ثانيه تشوفيني اعطف و اعامل المسكينه هذه بنفس طبعي لاتجلسي تفكري افكارش الغبيه غثيتيني عيب مش اختي الي تفكر فيني هكذا مابقيتي للناس ! ماشاغيرش معاملتي معها شاعاملها هكذا واكثر كمان بتسمعي

رحاب : الصدق مالي دخل طز انا بريت ذمتي وقلت لها وقلتلك والان كل واحد حر وأخبر بنفسه

في غرفتها قفلت الكتاب وجالسه تفكر في كلام رحاب ليش قالت على اخوها ان فيه جانب سيء وهي حاسده رحاب على تعامله معها و وقفته وتفهمه لها وقررت أن تطبق السطر الي قرأته في الكتاب ( لاتحكم على الآخرين من خلال الناس )

ثاني يوم الصبح ..

بلال نزل يشغل السياره ويتفاقدها وبيفكر بكلام رحاب : انا شالاحظ اذا حسيتها تغيرت تصرفاتها معي على طول اغير اسلوبي معها بس البنت جنيه مش هي من البنات الي بيعجبين بأي حد.

ام رحاب واقفه في الباب

ورحاب وآيه بيفتحين باب السياره يطلعين شافوها وا و وقفين

ام رحاب : ادي معش الزلط حق الجمعيه واليوم نخرج نشل الذهب مع خطيبه اخوش.

رحاب : تمام

بلال: يعني كذبتوا عليا ان دوري بعدين

رحاب: طبعا عشان تقطب تدي الي فوقك وتستلمها كامله ونسير نشل الذهب قبل مايرتفع قدك داري اعياد وموسم اعراس

بلال : و طبعا من الي يختار الذهب انا صح ؟؟

رحاب : ليش عتلبسه انت ؟؟

آيه ضحكككت

بلال شافها في المرايه: ماكرهن (اخيرا) توقع لش تتشمتي فيني

آيه: يعني ايش دخلك انت في الذهب تختاره

بلال: هي تجي تتحكم وتختار وانا ادفع ؟زلطي اكيد شادلع واختار وبعدين لمن عتلبسه؟ ؟ لي اكيد يعني هي ماعتبسرهش انا الي شابسره لازم اختار أنا


وذلك بقناتكم. ( طنافس 🎻وروايات🇾🇪 )

https://www.tgoop.com/FkamhSnanee3

💢 تعلن قناتنا المتواضعه☺️
قناة فقرات فخامة صنعاني😎🇾🇪
عن مسابقه وجوائزها اكيده ومضمونه
وعلى مسؤليتي انا فخامة صنعاني♨️

♻️الطلوب. من كل متسابق ارسال اجمل صورة للمناضر الطبيعيه والسياحيه من بلادهم
ويرفقها بـ ( الأسم + المنطقه)

💢وبشرط يحصل المتسابق على اكثر من 200 اعجاب❤️ ومن بعد الـ200 اعجاب وبعدها سيتم اختيار 2 فائزين حسب الاكثريه

💢وجائزه المركز الاول 50 ريال سعودي
🔅 وجائزة المركز الثاني 5 الف ريال يمني

❌وممنوع الرشق او مغادرة المصوتين

⭕️وستبدأ المسابقه عصر اليوم الثلاثاء
وستنتهي يوم الاحد الساعه الـ5 مساءً

للمشاركه لاهانا. @ALFkamah

والنشر هانا https://www.tgoop.com/+TGSgUIP9frBlMTU0

تعرفي على شخصية زوجك من اسمك
بس انا مالي دخل في الموضوع 😂😂😂😂😂😂😂😂

كل زوج فاطمة / عصبي
كل زوج بدور/ شلاخ
كل زوج زعكمة/ معكوم
مل زوج حظيه/ نحس
كل زوج غصون/ دبور
كل زوج بثينه / كريم
كل زوج هاجر /هادئ
كل زوج أفراح / طيب
كل زوج زكية/ لئيم
كل زوج سارة / لماح
كل زوج هيفاء / راقي
كل زوج بشرى/ مجعجع
كل زوج تهاني/ مزوح
كل زوج جواهر / طيب
كل زوج مريم / وفي
كل زوج نادية / ملقوف
كل زوج أميرة / بارد
كل زوج أمل / حبيب
كل زوج زينة/ تكانه
كل زوج ساره / جاوع
كل زوج لمياء / بطيني
كل زوج عبير/ خاين
كل زوج هنادي / مصيبة
كل زوج جميلة/ يابخته
كل زوج لطيفة / مملوح
كل زوج لولوة / نحيس
كل زوج إبتسام / رقيق
كل زوج حنان / صريح
كل زوج وئام/ اخجف
كل زوج حليمه/ عشماوي
كل زوج عزيزة / مغرور
كل زوج أريج / خبل
كل زوج آمنة / سيد الرجاجيل
كل زوج منيرة / حبيب
كل زوج فايزة / ونيس
كل زوج غادة /عايش الدنيا
كل زوج نوف / صبور
كل زوج عائشة / سعيد
كل زوج إيمان / الله يصبرها عليه
كل زوج دلال / حبوب
كل زوج سلوى / عيار
كل زوج حصة / دب
كل زوج كريمة / بخيل جلده
كل زوج منال / خفيف دم
كل زوج هدى / حنون
كل زوج حياة /كريه
كل زوج طرفة / زعول
كل زوج فوزية / لاهي عنها
كل زوج وداد / متقلب المزاج
كل زوج شريفة / سارق
كل زوج نجوى / حساس
كل زوج وفاء /نشمي
كل زوج صفية / طيب
كل زوج ملاك / مبذر
كل زوج غدير/ ذو شخصية
كل زوج إلهام / ياعيني عليه
كل زوج بدرية / ماله امان
كل زوج أحلام / عضﻻت
كل زوج مزنة / راعي فزعة
كل زوج منى/ كريم
كل زوج نجاح/ رجولة
كل زوج صباح / وسواسي
كل زوج أمينة / ملسون
كل زوج هند / يالبيه بس
كل زوج هلا/ بشوش
كل زوج شيخة / مزيون
كل زوج خديجة / مقرف
كل زوج هيام / رومانسي
كل زوج موضي / مقدام
كل زوج آمال / نصاب
كل زوج أشواق /ملحوس
كل زوج نورة / صادق
كل زوج الجازي / شامخ
كل زوج مشاعل / ما يهاب
كل زوج نور/ يدور بذيله
كل زوج هيا / مسيكين
كل زوج مي / شقردي
كل زوج نوال / سمح
كل زوج العنود / محد قده
كل زوج سهام / محبوب
كل زوج الهنوف /طايح حظه
كل زوج سلطانة / علة
كل زوج مستورة/فرقاه عيد
كل زوج إسراء / ضحوك
كل زوج حمامه/راعي زواج
كل زوج ريم / دلوع
كل زوج هناء /جدع
كل زوج سلمى / الله يعينه
كل زوج صافية / واصل
كل زوج رحاب / محظوظ
كل زوج خلود / واقعي
كل زوج ثريا / فيه خبث
كل زوج نعيمة / بخيل
كل زوج شعاع/ لعاب
كل زوج دعاء/ متعكر المزاج
كل زوج أسماء / رومانسي
كل زوج انيسه/مطيع حيل
كل زوج ألاء / ماينبلع
كل زوج نجلاء / اجتماعي
كل زوج عايضه/يحب الغبار
كل زوج هديل / خبل
كل زوج البندري / طرقي
كل زوج نجاة/ طيب جداااااا
كل زوج زهرة/ لاتحلم بغيرة
كل زوج تغريد / نفسيه
كل زوج أماني/ ذوق
كل زوج عهود / دفش
كل زوج عاليه / مراوغ
كل زوج ولاء/ ماله امان
كل زوج طرفة / ياسعده
كل زوج ليلى / رشيد
كل زوج بهية / مزعج
كل زوج سمر/ عنيد
كل زوج سميرة / تقي
كل زوج عفاف / كريه
كل زوج سحر / راعي نوم
كل زوج نهلة / ثقيل دم
كل زوج غزيل/ رزه
كل زوج قبول/ صالح
كل زوج شفاء/الله يعينها عليه
كل زوج صالحة / معدد
كل زوج سهى/ عينه زايغة
كل زوج شروق / جدي
كل زوج منيفة / طعس
كل زوج عزة / حكيم
كل زوج رحمه/ مهاجر
كل زوج دانة / شكاي
كل زوج رشا / حبوب ورمنسي
كل زوج فتحية / الله يعوضه بالجنة
كل زوج فاديه / عسل
كل زوج صيته / واثق
كل زوج سميحة/ شيخ دين
كل زوج سعاد / غثيث
كل زوج هنية/ وديع
كل زوج هويدا / حمش
كل زوج مها / هيبه
كل زوج ايناس/ مهفوف
كل زوج ميرفت / مراوغ
كل زوج فرح / جحود
كل زوج نبيلة/ راعي مصلحة
كل زوج سمية / أسعد إنسان
كل زوج طيف / غبي
كل زوج ريهام / قلبه طيب
كل زوج إبتهاج/شيخ شباب
كل زوج ميسون / أسد
كل زوج ندى / مهندس
كل زوج رانيا / كريم نفس
كل زوج مروة/ مافي منه
كل زوج المياسه/عيشته هنية
كل زوج روان / روعه
كل زوج حلا/ مؤدب
كل زوج عفراء/ حبوب
كل زوج اسيا/ قوي
كل زوج زهراء/ نظيف
كل زوج سعيدة/ تعيس
كل زوج خضرة/ راعي كلمه
كل زوج شوق/ ماينعرفله
كل زوج وداد/ ودود
كل زوج شقرة/ غيور
كل زوج بنه/ مبتليه
كل زوج غلا/ غالي
كل زوج ياسمين/ وسخ
كل زوج العنود/ عنيد
كل زوج سعدة/ حاله حال نفسه
كل زوج ليلي/ 💔
كل زوج زينب/ رحوم

اللي مافيش اسمها هذه عتتزوج لخارج اليمن
هذا والله أعلم............... @ALFkamah

😂😂😂

• تم انشاء رابط هدية 🎁

💳) الرابط : https://www.tgoop.com/srwry2bot?start=toda5b9e11e683b31bfc361076506a7e44374325

• #ملاحضه_رابط_الدعوة_بـ (500) نقطة ‼️
• يمكن لـ 2000 شخص الدخول ع الرابط 🇾🇪

🤏لعشاق الروايات 🩵🩷

✿سيتم انزال ( الجــــــزء الثـالـث)
من روايه ( انتقمت لنفسي )

للكاتبه والروائيه المتألقه (عبير الكبسي)



وذلك بقناتكم. ( طنافس 🎻وروايات🇾🇪 )

https://www.tgoop.com/FkamhSnanee3

🤏لعشاق الروايات 🩵🩷

✿سيتم انزال ( الجــــــزء الثـالـث)
من روايه ( انتقمت لنفسي )
للكاتبه والروائيه المتألقه (عبير الكبسي)


بلال: مالكن النسوان مبعسسات لازم جدتها وامها وامه والقبيله تخرج عشان الحريوه تشتري ذهب

وبدأ يقلد كلام النسوان ويقلد اصواتهن

ابسرتي على ذهب اختارو لها من ثقله ووزنه اختنقت الحريوه هذا الي تشتين تخرجين تزنطين وتختارين الثقيل والمدري كيف على كيف الرجال يتكعف امد انتين تهوكين

آيه بتضحكك على تقليده ورحااب

وصلين باب المدرسه

رحاب : الله يجعله يوم خير قد ضحكت لما شبعت. خاطرك.

بلال اشر لهن بيده مع السلامه ومشي رد على التلفون

سام : بارك لي

بلال: على ايش؟

سام : امي استلمت نصيبها من الارض وحق الخطبه عليها

بلال :ما شابارك الا لما تخطب

سام : اليوم نشل الذهب وبقيه الكسوه لو لحقنا وسرنا نخزن عندهم ونسلم الشنطه

بلال: لو انا بهم لادفعك غرامه تأخير حين اديت كلمه للبنت سنتين وعادك الا ذكرت تخطب وبعدا ايش الحظ هذا امس بتدور زلط واليوم عتخطب دنيا ههههه وانا سايرين اليوم نشل ذهب العرس لو الرزم عندك خيرات وثقال عليك ارجم لاعندي اخبيهن لك اشل للمره بهن ذهب لوما تحتاجهن ونبيعهن لك

سام ضحك : الله واكبر عليك وعيونك هي قليل ياجني قلك ذهب

بلال: يلا نرجع نتواصل نلتقي سوا بعد السوق نفهم التفاصيل

سام ضحك : ولا خرجنا السوق سوا نبسر من يحتاج وفى للثاني .

بلال : تم متواصلين ..

بيت فاروق..

هاجر : فاروق..!

زوجها: ماتشتي ؟

هاجر : ام سام اتصلت نخرج السوق انا وياها نشل كسوه ابنها عتخطب له

فاروق: مسرع انتين النسوان لاقد السوق والشراء في الموضوع تتباخرين عادها كانت بتموت في العنايه مسرع !

هاجر : مش لهذه الدرجه هو الا جرح وخيطو لها وتباخرت ذلحين ماقلت

فاروق: المطلوب ماتشتي اخطب لابنها انا ؟؟

هاجر : بينستاذن اسير؟

فاروق: سيري ومن بيحاكيش اصلا واصل بتنفذي مافي راسش

هاجر تأففت وخرجت من عنده تتصل لأم سام.

بعد العصر ..

آيه جالسه في الحوش بتسقي الشجر. .

رحاب : مابتفعلي يا ايه ليش ماتذاكري ؟

آيه: قلت اشم هواء شويه ضبحت واذاكر بعدا

رحاب: عتخرجي معنا السوق؟

آيه: كنت اشتي اقلش بس قلت لاتتضايقو حين عتسيرو مع اهل خطيبه بلال

رحاب: لا عادي مابش شي ، انا ماحاكيتش امد تذاكري بس تشتي تجي؟؟

آيه: ايوه شابيع الاخراص ( حلق الأذن )

رحاب : سريع ادخلي البسي

آيه دخلت غرفتها بعدت الاخراص حقها في فاين وخبته في الشنطه ولبست عبايتها والحجاب والشنطه وخرجت .

في السوق فوق سياره سام..

سام: وصاحبي عيشتري اليوم الذهب مارأيكم نتفق من محل واحد امد يتعاون معنا في السعر

ت.ع.خ

سام: وصاحبي عيشتري اليوم الذهب مارأيكم نتفق من محل واحد امد يتعاون معنا في السعر

امه: مش هو ثياب صلاه بالدرزن يرخصوا هو ذهب كل جرام بقوله مابش داعي للاحراجات يعلم الله كيف هم وكيف الذهب الي عيشتروه

سام: واين المشكله ! عادي يشلو بكم ما كان واحنا نشل على قدرنا

امه: ولو طلعو مرتاحين احسن مننا وانا اشل ذهب عادي على قدر زلطك

سام: ليش تفكري هكذا يا أمي عادي يقع بكم ماوقع كل واحد يعيش على قدره ماعلينا من الناس يقولوا ما قالوا عنعيش لنفسنا ولا نجلس نعيش نهم الناس ؟!

هاجر بتشاور ام سام: هكذا الرجال حسهم في وادي مش داريين كيف النسوان نصهن بيفكرين ويرجعين يتكلمين على واحد ماعليش منه نسير لنا نبسر كل المحلات ونختار

ام سام : تمام

جنب محل الذهب جنب السياره ونزلوا

بلال وامه ورحاب وآيه واقفين جنب محل شافوه صغير المحل رجعوا مشيو شويه شافوا محل كبير ومشهور دخلوه...

بلال دخل الأول وامه معه جنبه ايه ورحاب كانين واقفات وراه في الشارع..

آيه لمحت قدامها السياره حق بيت جيرانهم رجعت بسرعه

رحاب : مالش؟

آيه : اسبقوا وانا شالحقكم شاسير المحل هذا الي هنا

رحاب: مش قلتي تشتي تبيعي ؟ انا داريه انش محرجه تبيعي ! بيعي قبل مايجو اهل العروسه ذلحين هيا ادخلي ( بتسحبها من يدها )

وبلال بيتكلم في التلفون ويضحك رجع خرج من باب المحل وبيناديه : سااام ووو سااام

سام سمعه والتفت بسرعه..

آيه ماعرفت وين تروح بعد ماشافها تخبت بسرعه ورا رحاب وعكست اتجاها ومشيت للخلف عشان لايلمح وجهها

سام بيمشي باتجاههم لمحها : انت هنا واحنا لي هذك المحل

رحاب بتداعيها : آيه ..آيه..؟؟!

سام ماقدر قدام بلال يرفع عينه ويشوف بس سمع رحاب وتأكد انها هي آيه..

بلال: اين البيت ( العائله) ؟؟

سام: في هذك المحل قدك داري بالنسوان يلفين كل بقعه لوما يعجبهن شي

بلال ضحك : يلا خليكم على راحتكم

سام تمام : اي خدمات؟؟

بلال مد يده يسلم عليه يودعه :تسلم

سام سلم عليه ومشي باتجاه آيه...

آيه دخلت سوق تجاري كبير وطلعت الدور الثاني دخلت تضيع الوقت وتختار فساتين وتقايسهن في غرفه القياس..

سام دخل المجمع بيتمشى في المحلات بيدور يتلفت !! مش موجوده خرج يشوف المحلات الي جنب المجمع التجاري مالقيها ..

تلفونه بيرررن( ألوالده, جاوبها: ايوه يلا جيت الآن.

ورجع للمحل الي فيه امه وهاجر.

رحاب دخلت المحل مع امها وملتهيه نسيت آيه..

بلال واقف وبيتلفت يشوف آيه مش موجوده !!

فجأه ذكر ( سام جيران آيه !!! ) ضرب على الماسه اووو لاتكون خافت !!

سام كان واقف لما كانت واقفه معقول شافها؟؟

سام كان واقف لما كانت واقفه معقول شافها؟؟

كيف افعل وفين هذه البنت وبعدا كيف مافكرت اشل رقمها !

رحاب قربت منه وبيدها مسكته وبصوت واطي على الأقل سلم عليهم عيب توقف هكذا

بلال: من هم ؟

رحاب : ام خطيبتك

بلال: قلدش الله كيف أعرفها من بين النسوان كلهن وبعدا مش وقت وين ايه؟؟

رحاب : مدري يمكن سارت المحلات الي جنبنا.

بلال : طيب كملو اشتروا وانا اسير ادورها واتصلي لما تخلصوا

رحاب بهررت له بعيونها : كيف تفلت وتسير

بلال معصب: يعني ايش فايده جلستي !! ايش افعل اسير امسكها من يدها جنب امها والي معها واسلم عليها

رحاب ضحكت : انقلع طز فيك ماتشتي تشوفها ؟

بلال: شفتها بس موقفي بايخ وانا جالس اتفرج سرقة لو شافتني امها عيب

رحاب بمزح : طيب شوفها وارجع وانتبه تجي انت وهي وتشوفك خطيبتك .

بلال لمح خطيبته بسرعه وهو مستحي ومتوتر وخرج

بيدورها مختفيه جالس يدخل من محل لمحل وضابح كيف مافكر ياخذ رقم تلفونها !!!

ايه نفس الوضع تدخل محل وتجلس تقايس عبايات ملابس لمحت الدور الارضي محل ذهب قررت تنزل تبيع اخراصها ( الحلق)

بلال دخل المجمع التجاري ولقي سام مره ثانيه من التوتر : مسرع جيتو هنا بعدا مابش ذهب

سام : في محل ذهب هنا بيتعاملو معه جيراننا

بلال تووتر : تمام بس مش حالي

سام ضحك: ياسعم انه فستان هو ذهب ماتفرقش كله سوا كلهم نفس التشكيله.

بلال متوتر وكعادته لما يتوتر جالس يمسح دقنته

سام: مالك بتقلق ! شكلهم بيختارو ذهب من ابوه ( ضخم او غالي)

بلال مالقي طريقة يخرجه من المجمع :ماشي بس جي نتجابر خارج شويه ونشرب عصير ضبحت هنا لوي من محل لمحل

سام خرج معه وواقفين باب المجمع بيتكلموا

في المحل الذهب الثاني ..

العروسه بتختار الذهب مع امها..

ام رحاب قدامهن بتتكلم : وين بلال و آيه ؟

العروسه سمعت ولفتت لعمتها ( ام رحاب)

رحاب قربت تشاورها: مش وقت قدامهم ذلحين تذكري ايه

ام رحاب ردت بصوت عادي مسموع : يووه نسيت تمام

العروسه شكت في شي ومن ايه وهي تعرفت على اهل خطيبها ومافي معه الا اخت واحده !!

في المجمع التجاري..

آيه بتنزل من السلالم الكهربائيه وقدها في النص بتنزل شافت قدامها بلال و سام خارج المجمع

التفتت بسرعه تشوف على يدها اليمين المحلالي بتهرب فيه 2 نسوان واقفات يتكلمين قدام المحل

وصلت للأرض. .

خالتها تشتي تمشي مع ام سام ..

ام سام لمحت آيه ضغطت على يد هاجر بقوه : هذه بنت زوجش !! آيه ؟؟؟؟

هاجر لفتت وانصدمت شافتها واقفه قدام الكل صاحت : آيه !!

بلال و سام واقفين سمعوها بتدعيها لفتو لها !!!

توقعاتكم !!!

خالتها تشتي تمشي مع ام سام وانصدمت شافتها واقفه : آيه !!

كان في ناس واقفه التفتت لما دعتها

آيه توترت مش لاقيه كيف وفين تهرب قدامها سام وبلال وهن جنبها والكل بيتفرج ..

طنشت وبتمشي..

هاجر مشيت بسرعة مسكتها : وين عتسيري وين كنتي انتي دارية ابوش قد جنن وجنني بسببش؟

آيه سحبت يدها بقوه من يدها وجريت بسرعه قدام الكل

بلال بعد من الطريق لها ..

سام واقف بيتفرجها ويشوف ردة فعل بلال هل كانت معهم او صدفه واقفه !!!

آيه ماكلمت بلال ولا اي حد خرجت في الشارع بسرعه وام سام وهاجر بيلحقنها

هاجر: الحقها يا سام مالك واقف بتتفرج ؟؟!!

في محل الذهب..

ام رحاب شافت بيختارين الذهب الغالي : كيف تشتين سعر الذهب احنا اتفقنا المهر مليونين ومنه كسوة وذهب ؟؟

ام وجدان : اهم شي الذهب والباقي سهل حتى لو قليتو الملابس عليها احنا عنوفي لها ونكسيها احسن كسوة بس بنتي مايقل ذهبها عن مستوانا

رحاب : خير اختاروا الي تشتوه عادي والباقي نكسي به على قدر المهر

ام وجدان التفتت لبنتها وبتشاورها: مبين انهم طماعين من اولها وهم بيتشرطوا

وجدان كانت ضابحه ان خطيبها ما استغل الفرصه يشوفها يقول حتى السلام عليكم او يتواصل معها : انا ايش دخلني انتو الي وافقتو

ام رحاب ورحاب شافين الوضع متوتر شويه وكأنه مش عاجب لأهل خطيبه بلال الموضوع.

رحاب: تصرفي كيف نجلس واقفين هكذا؟

ام رحاب خرجت الفلوس: مايغلى على عروستنا الي نفسها فيه ..

خارج في الشارع..

سام شافهن وسمع مرت جارهم هاجر وشاف ايه بتمشي بسرعه والناس في الشارع..: بتمشي كيف الحقها!

هاجر معصبه: تصرف انت داري مافعلت بنا وبأمك؟

بلال حاول يأخرهم شويه: خير ايش في ؟

سام: تعرف هذك البنت الي كانت واقفه معاكم؟

بلال:ماعرفهاش مالها! هي كانت بتسال اختي على محلات ذهب

هاجر: ايوه تشتي تبيع ذهب امها المجنونه هذه وهاربه من البيت قوا الحقوها

بلال لفت يشوف ايه..

آيه : وقفت تكس بسرعع وطلعت معه..

هاجر بعصبيه : خلاص ماذلحين تموا تفرجوا براحتكم هربت

سام : خلاص انتين تمين السوق وانا شالحقها بسيارتي.. فلتهم ومشي

بلال: تشتي اجي معك اشلك بسيارتي اقرب ؟؟!!

سام بيشوف التكس بيمشي بطيء مع زحمه الشارع والسوق : والبيت اهلك كيف؟سهل سيارتي قدام شويه شاخطى بسرعه؟

ومشي بيسرع..

بلال لحقه وفتح سيارته بالمفتاح الي في يده : اطلع

سام شافها اقرب ماتردد : يلا بسرعة حاول تلحقها

بلال طلع السياره وشغلها: نحاول شوف كم سيارات

وبعدين ايش القصه ؟فهمني؟ من هذه ومالكم عليها تعرفوها ؟

سام: ايوه ، هذه بنت جارنا الي حكيت لك عنها

بلال بيمزح معه ويمشي بطيء: او كان بينكم شي اعترف !

سام : يا اخي جنيه البنت ماكان بيننا الا مضاربه واصل

بلال ضحك له وبغمزه: قلدك الله هذه جنيه ! وجهها طفولي وملامحها بريئه مابلا مادت لك وجه

سام: ما الشكل شكل لكن مصيبه ماخلت لحد حاله كم قد فعلت لاهلها مشاكل

بلال: بيني وبينك هن النسوان يزيدين بها يمكن امها مش قادرة تتعامل معها

سام: هذه خالتها مرت ابوها قد شبعتها دنيا

بلال ضرب على السكان: اهااا كان هذا السبب عشان مرت ابوها قد قلتلك شكل البنت ترحم

سام: قلدك الله خليك في حالك مش انت داري بشي ذلحين وين سارت هذه الجنيه

خرج راسه من الطاقه يشوف : السياره تقول قدام او كيف؟

بلال: يعني اين عتسير شارع لا فيه يمين ولايسار وزحمه اول مانخرج من الزحمه اعرف الا اسابق

سام ضابح: ماكلفني الله الاحق وانا مدري

بلال بيغالطه لفت لوجهه : ارجع؟

سام شافه: بعقلك !! لااا خلينا نرجع البنت لأهلها

بلال بيشوف الطريق خفت الزحمه ومشي بسرعه: انت داري كم رقم التكس!

سام: ماشي طبعا مالحقت المح رقم وانت ياسعم اننا كمبيوتر

بلال بيمشي بسرعه شاف السياره اختفت : كان من نلاحق قلدك الله

سام: مدري والله ضيعناهم خيره الله ارجع بس

بلال فرح: هيا يسدو وانت ماعليك اهلها اخبر بها يدوروها هم

في البيت وصلت ودخلت الحوش فرحت انها وصلت بأمان ومحد شافها جلست شويه تتنفس ودخلت غرفتها وقفلت.

بعد ماخلصو مشاويرهم... فوق السياره

هاجر: يعلم الله البنت هذه مابتفعل ؟ شكلها جالسه في الشوارع كل ماخرجنا بقعه لقيتها

ام سام: يووو لو تقلي لابوها هكذا عيجنن مش انتي ناقصه

هاجر: بيكذبني كل ماقلت له شفتها جنن هذه المره والله ماتحاكا طز خليها تنقلع لاعد رجعت مقلع عيطلقني الرجال بسببها

سام بيسمع سكته ...

امه : وانت كيف ماقدرت تلحقها ! بنيه بتكس وضاعت عليك؟

سام: زحمه واستاجرت تكس في نفس اللحظه شفتوها اين ادورها ومش داري رقم السياره..

فوق السياره..

ام رحاب: ابسرتي كيف هم طماعين ، والله يا ابني لو سكت لها وجلست تمكنك دلع هكذا لاتبيع البيت

بلال: لو معي شادلعها ولو مابش معي ترضى بوضعي مابش عندي غنج وبعدا امانه لاعد تكرهوني في هذه الزواجه قد كسرتو نفسي من اولها شروط وطمع

رحاب: ايوه صدق ماقلت لي اين ايه ؟؟

بلال جلس يحكي لهم الي حصل... ووصلوا البيت

بلال دخل بالسياره

ونزلت رحاب بسرعه شافت جزمتها مش عند الباب ؟

بلال خاف و بعصبيه بيأشر بيده : طيب افتحي الباب ؟؟

رحاب قربت تفتح الباب مقفل..

مابحد هي !!

بلال خاف جلس يدق الباب مابتجاوب ، معش رقمها؟

رحاب: ايوه

بلال: طيب مالش مبورده(بارده) اتصلي !!!

رحاب خرجت تلفونها وهي معصبه من نرفزته: طيب اعصابك مالك انا لما اتوتر ارتبش ماعرفش ايش اسوي

ناولته تلفونها مابش معي رصيد

بلال سحب تلفونها من يدها وخرج تلفونه بيضغط على الأرقام واتصل...

سمعوا الرنه من غرفتها

رحاب: نسيت تلفونها هنا ؟؟؟

بلال قرب من الباب ومازال جاري الاتصال : ايه جاوبي لو موجوده؟ ؟

داخل الغرفه واقفه ورا الباب تسمع لو في اصوات ثانيه بس كلام ام رحاب وكلام رحاب وبلال ماقدرت تميززز لو في اصوات ثانيه

مطنشه وخايفه

ام رحاب: هيا ادخلو البيت كما جت عنعرف هيا جننتونا من يوم ماجت واحنا في هم هذه المواقف الي خايفه منها تحصل

رحاب طلعت مع امها..

بلال رجع السياره ومتردد يخرج او ينتظر !!

بيت ابوها وقت العشاء

فاروق: بيتعشى

مرته بتشوفه

فاروق لمح نظراته لها !

هاجر شافت عينه بعينها بدأت تتكلم (أن..

عيالها بيتضاربوا

فاروق صيح فوقهم : بس اجلسوا والله لاعلقكك انت وهو

هاجر سكتت وجالسه تفكر بينها وبين نفسها : اقله او لا ؟ ماعيصدقني واخاف يفعل مشكله او يرجع يدورها ماكرهن هدأ هذه اليومتين

فاروق بعصبيه : وانتي مالش من حين جيتي بتتفرجيني( تشوفيني) ؟؟

هاجر شافته بخوف: مافي شي

فاروق مستغرب خوفها : والله ان في شي اعرفششش اعرف مصايبش

هاجر : لو قلتلك ايش ماقلت ماعتصدق انت قلت كذابه !! اصلا ف ليش اتكلم؟؟

بيت بلال..

جالس في الدرج بيرسل لها رسايل : طيب طمنيني عليش انتي وين بتقري الرسايل؟

وصلته رساله...

انتو وحدكم في البيت

بلال: ايوه وين انتي وانا شاجي لش بالسياره؟

آيه قرأت رسالته وضحكت فتحت باب الغرفه سحبته مره واحده( خطاف حديد) وطلع صوت خرجت

بلاال نكززز وقف : اعوذ بالله فجعتيني؟ انتي هنا !!!

آيه : ايوه كنت فاكره جو معاكم

وبعصبيه : انت كيف ماتتحاكا وتقل لي ان سام جاي السوق ؟؟

كل مره تمكني انا مثل اخ وانا واقف معش وانت خراط حتى لما هربت فعلت نفسك ماتعرفني واقف معه و تتفرج كانت عتشلني خالتي وانت واقف تتفرج

وهربت مع تكس وانت ولا تشغل سيارتك وتهربني منهم ..

بلال بيسمعها شايف ملامحها جاده ومعصبه بتتكلم بسررررعه ماقدر يمسك نفسه ضحكك : اخرسي ولاصوت ولانفس اهدأي

آيه: وعادك تضحك !! يعني بتتمسخر عليا متآمر معهم اعترف ليش بتلعب بأعصابي ؟؟

بلال ضرب على السياره وعصب: مراعين لش داخل

آيه : شفت انك تشتي تودف بي شفت؟
والله لاهرب من هنا

بلال بيقلدها وهي بتجري : هكذا عتهربي

ويضحككك مابحد انا مجنون اديهم انتي اديتي لي فرصه اجاوب ارد جالسه تسالي وتجاوبي وتعصبي

وبعدين اوقات اقل ذكيه واوقات انصدم من غبائش

آيه : والله انك سامج

بلال : اول شي كيف أدافع عنش واهربش منهم وجنان وانا نكرت لسام اني اعرفش جا يسأل عنش !

تشتي يعني اهربش ولوين بعدين تسيري !

كنت عارف انش ذيبه بتتصرفي من نفسش وبعدا من قلش يا هبلا اننا ماساعدتش تهربي تعرفي اننا لحقناش بالسياره حقي كان عيلحقش بسيارته وانا غالطته عشان اسوق عشان اضيعش وتهربي براحتش

هو هكذا جزاته الي يسوي خير

آيه ابتسمت ومسكت فمها: يووو صدق مافكرتش هكذا كنت زاعله انك معاهم

بلال: ذكيه اصلا

آيه: بس ليش تقله يجي السوق

بلال: وفي هذه الصدق انا حمار كيف مانتبهت نسيت اصلا الموضوع

رحاب خلصت تصلي سمعت مجابره فتحت الباب خرجت: ايه جيتي ؟

بلال بيضحك: اين جت هي هنا من حين ماجينا متخبيه تفتكر انهم جو معنا يدوها

رحاب ضحكت: انتي قصتش قصه لاعد تخرجيش من البيت

آيه: شاخرج واهرب محد يقدر يمسكني بس اخاف يعرفو اننا عندكم

بلال عشان يبعد لها الخوف والزعل وحب انها ضحكت: جلس يقلدها لرحاب وهي بتجري في الحوش

رحاب بتضحك: صدق هكذا كنتي تجري

آيه: لاتصدقيه هذا الضفدع مابينجريش هكذا..

رحاب : سمعت اصواتكم لداخل بس كنت اصلي ماخرجت افرع على ايش تحانبتو

آيه: امانه كيف يعزم سام وهو عارف انه جارنا

رحاب شافته بهررت: صح هو انت قلتلهم يجو؟

بلال: ايووووه انا ماكنت داري مالها هذه الهبلا تفكر بالعاني لو صدق اشتي يعرفو الان اتصل لابوها مش داريه ان معي رقمه ..

كيف انتين النسوان تتهمين الرجال دائما وتظنين فيهم هكذا

رحاب: ناهي يا عريس الغفله شكل معك مره عتوريك النسوان صدق فيها فقعسه

بلال ضبح: قلنا خلاص لاعد تكرهوني فيها

إيه واقفه شافت موضوع يخصهم فلتت واستاذنت تروح غرفتها.

رحاب رجعت شكت في تصرفاتها ليش بتختفي تشوف خطيبته وليش لما يتكلمو عليها تبعد هل بتغير؟ ليس تغيرت فجأه لما ذكروها وانسحبت ومشيت معقولة زعلت

بلال: مالش سرحتي !

رحاب: مالك؟

بلال: ايش عنتعشى؟

رحاب: ولا شي سير اشتريلك اي سندوتشات من خارج معي مسلسل عيبدء بعد شويه

بلال: مودف ابن مودفه هو وامه الي عيتزوجش

رحاب ضحكت ودخلت

في غرفتها جالسه تحسب كم معاها وكيف تبيع الذهب ! ومنحرجه تسأل رحاب على الراتب حق عملها معها في المدرسه.

داخل البيت..

بلال رجع بالسندوتشات وجالس يتعشى بيسمعهن بيتجابرين

ام رحاب : انا احس ماينفعش تديلها زلط

ام رحاب : انا احس ماينفعش تديلها زلط من المعلمات لها وهي راكنه انها هذه وظيفتها قليلها بصراحه

رحاب: اخاف ماتقبلش

بلال: مابش حد مايقبلش راتب يجي له جاهز بدون تعب بس لو صدق ماقبلته فهي قوووه هذه البنت رغم صغر سنها.

رحاب: طيب اخاف تبطل الدراسه والشغل الي ضحكت عليها به

بلال: وليش ماتكوني صادقه معها ؟؟

رحاب: كيف

بلال: اديلها وظيفه صدق

رحاب: من اين وظيفه والبنت ماكملت ثالث ثانوي

بلال: اي شي سكرتيره مشرفه اي حاجه

رحاب : تعرف الخاص مابش فيه عمل تطوعي وبيدورو موظفات خريجات جامعه بشهايد

بلال: طيب هولك مدرسات لكن كلمي المديره تكون مشرفه او تمسك اي شغل وبراتب بسيط يعني حتى ربع راتب يدولها

رحاب: طيب شحاول اقنع المديره ولو نفرق احنا الزلط المدرسات بس اخاف تنشغل عن الحصص

بلال: افضل شي تكوني صادقه معها وبس الباقي عادي نجحت حلو مانجحت تعيد السنه قد الكل بيدرس موازي وخاص، عادي لو ادت مجموع قليل

رحاب: تمام

ام رحاب: انا من رأيي ترجع لأهلها ويتفاهمو مع البنت ويفهموها احسن حل ما هكذا والله مايسبر انت وهي عتدخلوا في مشاكل مع اهلها

بلال:مادخلنا احنا هي الا جت مستأجره

امه : كانت مستأجره اليوم خالتها وام سام وصاحبك شافوها ودوروها وانت موجود وبتدور معهم

بلال كمل يتعشى رفع الصحن: لوقته يحلها الي خلقنا.

رحاب قررت تسوي شي يلهيه عن آيه :بلال لحظه قبل ماتسير

بلال : نعم

رحاب: ما رأيك تطلب تتواصل مع خطيبتك تعرف كيف طباعها وشخصيتها وتعرفك هي كمان!

بلال: ماعنديش مانع بس كيف

رحاب: خليها عليا شاكلمها انا

بلال: طيب

رحاب استغربت موافقته وليش بيتصرف مع ايه هكذا معقول هي فاهمه انه إعجاب وبتتهمهم غلط !!

رسلت لوجدان رساله ..

في غرفتها..

آيه بتذاكر وتكتب المسائل شافت قدها في اخر الوحده الثانيه قدرت تذاكرها نفسها بدون ماتنتظر شرح بلال تشجعت وزادت ثقتها بنفسها اكثر..

وبدأت تخطط جدول وتحسب كم بتذاكر في اليوم من كل مادة وخلال كم عتكمل الكتب ...

كل همها تثبت لبلال انها مش غبيه وتكون شاطره مثل زميلاتها وتسوي شي لنفسها مثل رحاب..

بدأت تشوف الي حولها وتقتدي بهم لقيت تشجيع ودعم ومن اول محاولة حست انها بتنجح وفي أمل تذاكر وتتوفق المشكله ماكانت فيها .. في الاشخاص الي حولها والمشاكل والانتقادات الي خلتها تصدقهم وتقتنع انها مش حق دراسها ودرجاتها هابطه ومستواها متدني السبب في كل هذا هم مش هي.

في غرفته..

رحاب دقت باب غرفته ودخلت: بلال ؟

بلال جالس بيتفرج في الابتوب فيلم : تعالي الان بدات فلم روعه اجلسي نتفرج

رحاب جلست معه: ياسلام !

رحاب جلست معه: ياسلام ليش ماقلت لي

بلال: قلت اخليش تتواصلي مع خطيبتي على راحتش

رحاب ضحكت : هاه شكلي الان شاتفرج الفيلم لوحدي وانت تتجابر معها على راحتك

بلال مبتسم : ماقالت ؟

رحاب: وافقت ومراعيه اكيد الان

بلال: خليها تراعي لوما اتم الفيلم

رحاب ضحكت: منك صدق؟

بلال:الا ادي رقمها حابب اتواصل معها من صدق انتو فجعتوني منها وانتين النسوان تضخمين الامور هاتي رقمها انا شاعرف كيف هي وطباعها واختبرها..

رحاب بتمليه الرقم وهو بيسجله عنده وهي قريبه منه بتشوف ايش سماها ( وجدان )!

بلال لفت لها وهي بتشوف : ايش اقلها ؟

رحاب: مساء الخير

بلال: وبعد مساء الخير

رحاب بتتمسخر عليه وتستهزئ : يعني انت تشتي تفهمني انك مسكين وماتعرفش تفتح مواضيع مع البنات!

بلال بيتمسكن بعيونه: ايوووه

رحاب:انت فعلت الي يفعلوه دكاتره واخصائيين نفسيين يخرجوا حاله واحد معقد من الحياه مع ايه وغيرتها في ايام

بلال: ناهي لش وانتي الحسد محد قلش ماتتعلمي مني الذكاء الدراسة ماتنفع لو واحد مش ذكي

رحاب: تمام يافالح اشوف ايش ردت لك؟

بلال بيمزح معها ويضحك: لحظه شافتها ومطنشه عادها بتقلد عليا حركات انها ثقيله وبتستحي

رحاب ضحككككت: يلعن ابليسك

طبب اكتب لها كيف انتي

بلال: والله ماكتب شي براحتها خليها تثقل امد(على بال) ماكمل الفيلم تجاهل تلفونه وجلس يتفرج معها منسجمين بعد ربع ساعه وصلته رساله ( مساء النور)

رحاب منتظره ايش بيكتب بتشوف ..

بلال تجاهل تلفونه بدون مايرد

رحاب بعدت من جنبه شويه :مالك ماتكتب لها كيف الحال او اي شي

بلال : خليني اثقل ربع ساعه اخليها تتحمص شويه وبعدين ارجع اكلمها عشان ماحب هذا الاسلوب والتقليد احب البنت العفويه المتميزه الي ماتصدق حركات كل الي قبلها.

رحاب: ماعد في بنات هكذا كلنا نقلد بعض

بلال: تكلمي عن نفسش انا شفت في بنات غير ومميزات بصراحة

رحاب: فين في شغلك؟

بلال: لا مثل ايه

رحاب: هااااه هي ايه يعني

بلال باستهزاء: ايوووه هي ايه يعني

رحاب: مثل ايش مميزه ! انت متعاطف لان معها مشاكل الان

بلال: لا أبدا ومش مضطر اقلش ايش التميز الي فيها فكري لوحدش ..واسكتي بفتح الفيلم..

فتح الفيلم وجلسوا يتفرجوا

في غرفتها.

آيه جالسه جنب الباب حق غرفتها بتتفرج السماء والنجوم بتفكر في نفسها وتتخيل كيف بتكون بعد ماتتجاوز كل الي هي فيه

كل ماترجع بها ذكرياتها وحنينها لطفولتها تتضايق بسرعه وتحاول تنسي نفسها وترجع تفكر بنفسها في الوقت الحالي وكيف بتكون بعدين.

مش عارفه ايش موهبتها ! مش عارفه ايش التخصص الي ينفعها بس بتقنع نفسها انها تحاول

ثاني يوم الصباح..

بلال رسل لها: صباح الخير

وجدان ردت عليه بسرعه : صباح النور

بلال ضحك ايوه هكذا العين الحمراء وبدء يتعرف عليها( ايش انطباعش عني الي اخذتيه لما وافقتي)؟؟

قاطعت كلامه رحاب و آيه طلعين السياره

بلال سارح وبيضحك رد عليها: يعني بس صدقتي الي سمعتيه عني !

رحاب : بلال مش وقت التلفون الله يرضى عليك تأخرت

بلال شافها: كل يوم بتمشين رجل اليوم خورتي السياره !!

رحاب: لط اسبوع بتوصلنا ايش دخل اليوم قول تشتي تكلم خطيبتك

محد يعودكن الدلع ودفت : اخر يوم اوصل

رحاب : اصلا خلاص باقي اسبوع يتمو الاختبارات واعطل

بلال شافها ساكته: مالش اليوم؟

آيه: مالي؟

بلال: هادئه ماعد بينعرفش ولقانتش او مريضه ؟

آيه: ما مريض الا انت

بلال حس قصف ضحك منها: والله انها بخير وماحد يقرب منها هذه البنت متوحشه

رحاب: كيف خطيبتك؟

بلال: والله لو هي هكذا في الواقع مثل المجابره واتس انها كيووووت مثل القطه في حالها

رحاب تشتي تعلق على وجدان رجعت سكتت عشان تخليه يعرفها بنفسه.

آيه بتعيد وتتذكر كلام رحاب ان الشباب بيتغيروا وكل فتره يتعرفوا على واحده يعني كان طيب معها بلال وبعدين لانه تواصل مع خطيبته قلب عليها قررت ترجع تعامله كغريب.

بعد ايام واسابيع وفترة اختباراتها

رحاب : كيف اختبارش اليوم؟

آيه: الحمدلله ماله شي

رحاب: ايه ليش ماقبلتي الراتب ؟؟

آيه: لأني ماسويت شي جالسه في الصف ادرس مفروض ادفع كنت رسوم تسجيل

رحاب ضحكت: هي حكومي مش خاص مثل حقش الاولى تطمني بس هذا راتبش انتي ساعدتي المشرفه حق الارشيف في الورق والملفات حق الطلاب وترتيب الشهايد

آيه بتتكلم وهي متغيره وماسكه نفسها: هذك العمل مايستاهل الراتب هذا كله

رحاب: يعني انتي توظفتي عشان تتدلعي خلاص شاخصمه ايجار

آيه بضبح : رحاب انا الصدق مضايقة منش وماحبيت فكره تضغطي ع الإدارة يدو راتب بخصم من مرتبات الأستاذات ايش دخلهن

رحاب: برضاهن

بلال خرج وبيسمع بيتصايحن وواقف ساكت ف الحوش بيسمع

آيه: برضاهن ليش يعني يدفعين هن لإدارة قادره تدفع لي لو تحتاجني

رحاب: يوو يا ايه منش ياسعم بالغصب عيشلو عليهن برضاهن اكيد

آيه: انا مشتيش من راتب حد اشتغلت اشتي راتب على قد الشغل الي اشتغلته للمدرسه يعني من الاداره

رحاب : طيب شلي حقش و آرد الباقي حقهن بس من عنادش كيف عتفعلي في العطله مابش رواتب

آيه: مدري

رحاب: طيب خلاص ركزي في مذاكرتش ولاتهمي شي

ايه: مابينهم شي

رحاب خرجت من عندها ومنحرجه ومستغربه على عناد وكرامه فيها ووضعها هكذا طيب عنادها لوين بيوصلها وكيف عتسوي!

مفاجأه بدري صح😆

بارت 59

شافت بلال

بلال واقف : مارضت تشلها صح؟

رحاب: ايوه

بلال ابتسم: قلتلش ، تذكري لما قلتلش هذه البنت مميزه باشياء

رحاب: يعني تشتي تقنعني انها مميزه عشان ماشلت فلوس

بلال: عشان في سنها في بنات ماهمهن مصدر الفلوس ومتعوب عليها او صدقه او كرامه لا

في بنات بيجلسين يلاحقين بعدنا ملاحقه نديلهن هذه ميزه ، والباقي ارجع اقلش في كل موقف يحصل عشان تعرفي انها مميزه.

في الغرفه بتفكر..

آيه ماسكه كتابها وبتفكر كيف عتدفع الايجار وكيف المصاريف عتلاقي شغل او لا؟

جلست تكلم نفسها انه حياتها عتمشي مثل ماتشتي وخططت لها عادي لو تاخرت هم مش محتاجين وهي اي وقت تشتغل وتجمع مبلغ الايجارات بتدفعه لهم.

في بيته

فاروق معصب : شهر والبنت مش عارف عنها اي شي

مرته: ان شاءالله تكون ماتت ولا ترجع وتفضحك وتفضحنا يعني انت مراعي لها ! ماعيقولو الناس علينا بنتهم اختفت شهر ورجعت

فاروق : هو انتي الي سرتي تكلمي هناء ومرت جارنا واختي وكل من وزع من عنده الخبر انتي السبب

مرته: من ما كان انا او انت السبب الاهم هربت وان شاءالله ماترجعش تعبنا فضايح بنتك يمكن رجعت البلاد تعيش مع جدتها محد عيستحملها اصلا شهر بكله.

في غرفتها بعد صلاة المغرب..

جلست تحاول تحل تمارين فيزياء ولقت صعوبه لبست وخرجت بتدق الباب حقهم. .

بلال فتح وكأنه نكز من النوم : ها ايه ماتشتي مابش حد خرجين السوق

آيه: هاه طيب انت راقد خلاص ارقد

بلال ضحك من الجمله الملخبطه الي قالتها: انت راقد خلاص ارقد ومن فتح لش يعني الشيطان !

نزلت من الدرج و مطنشه ماترد عليه عشان لاتتليقن عليه بكلمتين وتلقى صعوبه في شرح الفيزياء

بلال شافها نزلت وبتمشي رفع صوته تسمعه وهو بيتمطط بعد نوم: يعني كنت راقدد صح بس مش وقت نوم الان مغرب اصلي ولما يرجعين وتجي رحاب اخرج اذاكر لش.

ايه سمعت الي تشتيه التفتت: تمام بجهز كل الاسئله في ورقه

بلال: تمام

ايه رجعت غرفتها خلصت تصلي جهزت الدفتر القلم والكتاب وبتتمرى نفسها في المرايه بتشوف عدة أشياء ملامحها اوقات مثل كلام اخوتها وخالتها وجيرانهم شريرة جنيه ورجعت تشوف نفسها والمكان الي هي فيه بثياب صلاه وبتذاكر وحياتها تغيرت ! حست نفسها بتحلم صح كل شي يجنن مثل مافكرت وتخيلت تعيشه بس فيها خوف و قلق كل ماطولت فتره

غيابها عن بيتهم !!

كل ماحست ان عقابها عيكون شي اكبر من ما تتخيله..

بس رجعت تفكر محد عيقدر يمسكني لو اضطر اغير بيت رحاب كمان لو عرفو مكاني

جلست تدعي الله يدلها على الشي الصح ويختاره لها تكمل فيه كملت تصلي عشاء ورفعت سجادتها

ورجعت في الكتاب تراجع مسائل وتكتب بقلم رصاص الحل ع جنب بخط خفيف

بلال مراعي لهن في الشارع وبيكلم صاحبه

وصلين امه واخته

بلال شاف رحاب لحقها للباب: راعي لي خارج اشرح لايه بسرعة مسائل

رحاب: طيب

بلال استأذن من صاحبه ودخل..

رحاب دقت باب غرفتها : آيه

آيه: ادخلي

رحاب فتحت الباب ودخلت : فتحت الكيس ايش رأيش في هذا الفستان؟

آيه: حالي بس لمن ؟

رحاب فكرتها بتسأل انه عشانها : لي ؟! مش حالي ؟

آيه: حتى لش ماينفعش كنت مفكره للعروسة قلت شكله عادي ولو لش انتي اخت العريس يعني شكله عادي قوي

رحاب : كيف عادي عجبني قوي

آيه: يعني تفصيل بسيط ومافيه اي موديل كانه مستطيل فوقش والاكمام مثلثات وقماشه بطانه وتل فوقه ماينفعش

رحاب كانت فعلا اشترته لآيه بس شافت ماعجبها : اقلش سر الصدق كان لش بس حين ماعجبش نطرحه لمرت بلال لكسوتها

آيه ضحكت

بلال هيا ياهندسه مستطيل و شوعه لمرت بلال بعيني انتي وياها

آيه بصوت مرتفع : هذا عمل الي يجلس يتسمع مجابره نسوان

بلال بصوت اعلى منها : الحجه (الحق) عندي الي جالس الاحق اذاكر لش

رحاب : يلا قومي يشرحلش قبل مايخرج مع أصحابه.

آيه قامت بس اشتي اقلش شي وماتزعليش لو اشتريتي لي الفستان وفكرتيني بروح معاكم اسفه ماقدرش أجي العرس

رحاب: ليش؟

آيه: عشان مالقاش خالتي

رحاب: وايش عيشلها عرس خطيبه أخي

آيه: يمكن تعرفهم هي ماتفلت خرجات وناس وماتروح مكان

بلال: وانا شرسلها دعوه وكرت اذا ماخرجتي ذلحين هياااااا << بيصيح

خرجت ايه هي ورحاب ..

رحاب جلست تفتح الواتس والنت تشوف تسريحات شعر ومكياج وتسال صحباتها ..

و آيه وبلال بيذاكرو.. بعد ماخلصوا ايه دخلت غرفتها وهم طلعو الدرج حق البيت دخلوا وقفلو وواقفين جنب الباب..

ايه رجعت خرجت بسرعه تطلبه لو معه اله حاسبه واقفه في الدرج

سمعت الجمله هذه

بلال: انا مش داري ذلحين ايش اقل لوجدان لو شافت تعاملي مع آيه وعرفت انها واحده لقيناها مانعرفهاش ولاتقرب لنا ايش الحل خايف

رحاب: معك حق تخاف محد عيقبل هذا الشي يا تقلها وتصارحها يا اما تحمل المشاكل وخفف كلام مع ايه

بلال: افضل أخفف كلام مع آيه من الان عشان لاتحس اني تغيرت عليها بعد ماتزوجت

رحاب : افعل الي تشتيه وخليني ادخل اصلي واكل تعبت انا جلسه كل هذا الوقت عشان تذاكروا

ايه انكسفت وحست بثقل وماتوقعت تسمع هكذا من بلال رجعت لغرفتها وماطلبته شي.

وبتفكر افكار كثيره ملخبطه حمدت الله انه آخر ماده وماعد تحتاج تتكلم معه ابدا بخصوص مذاكره.

بس ايش عتسوي هذه الفتره وايام ماتجي وجدان عتقدر تتحمل؟

اخر يوم للاختبار..

رحاب : تعرفي لو عتنجحي ماشفعلش يا ايه

آيه ضحكت وساكته

رحاب: والله لاديلش احلى هديه

آيه: ولو رسبت؟

رحاب: عادي تعيدي السنه

آيه: ابردي ماعد شدرسش

رحاب: بس عتنجحي قلبي حاسس معتكفه في غرفتش فوق الكتب يعني عتنجحي

آيه: ان شاءالله بس محتاره ايش اتخصص

رحاب: ايش يعجبش انتي؟

آيه: ولاشي

رحاب ضحكت : خلاص ان شاءالله تتزوجي

آيه غيرت الموضوع: لما ارجع اشتي نسير السوق

رحاب: ايوه انا شاسير ادي الفساتين من عند الخياط وعيجو اهلنا عندنا يمسو عشان بعد يومين السمره حق بلال..

آيه: وماعتقولوا لهم ؟

رحاب: في ايش!

آيه: لو حد لمحني؟

رحاب: نقول طالبه مستأجره بس لوما تشتي عادي

آيه: انا ماشتيش حد يبسرني بس صعب صح؟

رحاب : براحتش ولو حد ابسرش ماعنقله من انتي

آيه: طيب انا خايفه من سام وامه لو يدرو

رحاب: ماعتجيش عندنا اصلا مابلا غير الاهل

آيه شافت الضوء من الطاقه دخلت الشمس شافت ساعتها: يلا تأخرت باي

رحاب: الله يوفقش يارب انتبهي وراجعي الاسئله

آيه: تمام

بلال وقف ف الباب : جي معي اوصلش انا شاخرج

آيه: شكرا مابش داعي

بلال: اوكي براحتش..

طلع سيارته وخرجها من الباب وهي بتمشي ومشي في الحاره وهي بتمشي بتشوفه مش معطيها اي اهتمام او يحاول يقنعها مثل اول ومتغير عليها.

بيت فاروق..

هاجر : انت داري جت لي فكرة

فاروق بيشرب الشاي قبل مايروح العمل: خير

هاجر: تذكر لما واحده جت المدرسه قالت تشتي شهايدها انها خالتها ؟

فاروق قفل تلفونه ولفت لها: ايوه مالها.

هاجر: يعني ليش تشتي شهايدها ! يمكن يسجلوها في مدرسه

فاروق : تسجل في مدرسه وقد تمت السنه انتي بعقلش ؟؟

هاجر: امتحانات الثانويه هذه الايام

فاروق: وايش دخل الموضوع؟

هاجر: يعني عتختبر نقدر نعررف وين هي

فاروق:ليش هي صف كم ايه !

هاجر عوجت فمها: يعني بنتك ومش داري صف كم !! هيا شفت كيف كنت مهتمه بها اكثر منك ونكرت المعروف انت وهي

فاروق : يا الله رضاك من صباح الصبح دوار مشاكل..

مع السلامه خاطرش..خرج وهو بيفكر في الموضوع..

وصل العمل وجالس على المكتب حقه وجنبه مكاتب 2 زملاءه

ياعلي اشتي اسألك معك معاريف في الوزاره والكنترول؟

علي : ماشي معي اخي وكيل مدرسه بس ماله صله بالتربيه والكنترول تشتي تنجح بنتك هي كم ورقه ابو الف وسير للكنترول مابش داعي الوساطات !

فاروق هز راسه : مع بس كنت اشتي استفسر على شهاده ابن جيراننا لها خيرات مدري يقبلوه جامعه او ماشي

علي مابش معي فكره بس شاسال اخي اتصل له لو تشتي

فاروق قام وقف : لا خلاص مابش داعي انا شاسير بنفسي

فاروق قام وقف : معي مشوار برجع قبل نهايه الدوام

علي : الله معك

وقت الظهر بيت بلال.

آيه وصلت تبشر رحاب بالاختبار : سهل

رحاب واقفه في الباب : ادخلي مابش حد بلال وامي خرجو جي عاونيني بينفرش الشقه حق بلال وارتبها

آيه دخلت معها وطلعين

رحاب : ايش رأيش كيف الغرفه ؟

آيه: حاليه بس السرير بقعته مش سوا وقع الجدر هنا فاضي ..

رحاب : والله صدق فكرتش افضل من بلال عتقدري نسحبه ونغير مكانه!

آيه: ايوه عادي نبعده ونعيد ترتيبه هنا على قطعه قطعه.

رحاب ضحكت: تنفعي ديكور ذوقش قوي حالي مش مصدقين كيف رجعتي غرفتش ماكأنها كانت مخزن.


صوت المسجله واغاني الزفه مرتفعه ماسمعين وقت ماوصل بلال..

طلع بسرعه شاف جنب الغرفه خارج شنطتها دق باب غرفته..

ايه لبست بسرعه البالطو والحجاب

رحاب فتحت الباب : مفاااجأه هيا ابسر كيف الغرفه الان احلى !! فكره ايه ؟