"بتتجازف والله 💜 بجبر الخواطر والكلام البسيط السمح، وحنيه القلب وبياضه 💟 وبتتجازف والله بالناس الطيبه، وقفه صاحبك جنبك، وضحكه رفيق ف دربك، ونصيحه قريب لقلبك 🌟 وبتتجازف والله لما نبطل نفتش عيوب بعض، ونتكلم في بعض ونقارن نفسنا ببعض ☹️ كلها أرزاق من الله، دي م حاجه بي يد زول، خلونا نعيش أيامنا وم شايلين في قلبنا من زول شي؛ لانو في لحظه ح نمشي منها وح نجي نندم لأنها ما بتستاهل.
اللهم خفاف الظل مظلومين لا ظالمين 💓"

‏و في نهاية المَطَاف ، سَتجِد أن دوائك هُو القُرب مِن الله ❤

هذا الصباح ..
..
الأمان الأمان..واسمح لي كمان ..
في بوابة كبيرة جوانا ..محكمة الإغلاق ..الأمان المفتاح الوحيد اللي يقدر يفتحها..
..
الأمان الشعور الوحيد اللي بكون واضح وضوح الشمس ..ما عنده اي اتنين تلاتة ..ولا يمكن تغالط نفسك بسببه ..ولا يمكن تكون ملخبط بينه وبين شعور تاني..
..
مره واحدة سألتني: هل شعور الحب مرتبط بالاطمئنان..
الحب ..كفيف ..أصم..وأبكم ..ومبتور الأطراف..من غير الأمان..
مافي زول بيحب وهو خائف ..بيحب وجزء جواه بيقول ليه بحزم ..لا ..
لأنه الأمان..هو الصوت الداخلي..والحدس اللي بخليك تستمر من غير ما تاكلك التساؤلات ..وتقتلك الحيرة ..
من غير ما تسمع صدى بيقول ليك : انت في خطر ارجع خطوة لوراء ..
الأمان..حواس الحب الخمسة
..
ولو الحب بلد محتاج سفر ..حتلاقي جواز السفر الأمان..
ولو الحب بيت ..حتلاقى الأمان أساسه.. اركانه وسقفه العالي ..
ولو الحب إنسان ..حتلاقى الأمان موضع حضنه بالضبط
..
الأمان كلمة السر التي لايمكن تخمينها 💛

الوقت اللي استهلكته تلوم الناس على فشلك و اخفاقك .. كان نجحك ألف مرة لو كنت استثمرته صح ..

بس انت اصريت تعاين للإخفاق و تسب الناس و الظروف .. و بعداك

ولا شي ..

زدت سواد .. و الناس مشت فاتتك !

لابد اننا نعرف كل اللي نجحو .. نجحو لأنهم كانو ماشيين زي القطر .. ما اتلفتو يمين ولا شمال

ما قالو فلان سوا لي و فلتكان بيكرهني ..

مشو و بس

ما اتلفتو للصغائر حتى في حياتم هم زاتم .. سيبك من حياة التانيين ..

كل صباح عاين لي نموذج ناجح قدامك في الحياة دي و ادرس حياته ..

من باب انك تتعلم الناس مشت و اتقدمت كيف .!!

اما اللي بنظر بعين الحقد و الحسد و انه يقول والله لأنه ساعدوه . . اتوسطو ليه و يقعد يبخس في حاجات الناس

لا يجتمع سلامة القلب و تبخيس جهود الناس في قلب احدهم أبدا أبدا أبدا ..!

اي زول .. بيبخس الناس انجازاتا .. يراجع نفسه اول و ينضف السواد و ال negative energy المالياه دي ..!

كل ما عجبك سمح الناس و فتحت قلبك و فرحت لي نجاحم .. انت ذاتك حتنجح ..

الوقت هو أغلى ما نملك و العمر دقايق بس .. قضيها في نجاحك و علو شانك ..

سيب الناس تمشي في طريقا .. كلٌ بالغ مقاصده ..!

#سلمى_المصباح

📍"لا يستهيننَّ أحدٌ منكم بنفسه، ولا يترك حِملَ مسؤوليَّة الأمَّة لغيره، وابدؤوا من اليوم بالعناية بأنفسكم، فالأيام تمضي، والمستقبل قریبٌ، والعمر قصيرٌ، والأمَّة تنتظركم”🖤

‏"خليك إنسان بسيط، ما تحمل نفسك فوق طاقتها ، سامح واتغافل وبلاش تشيل في قلبك من زول ، ابتسم في وش الناس وخليك مصدر للطاقه الإيجابيه ، ما تنتظر سؤال من زول وابعد عن العتاب ، حب البحبك وادي علي الباقين السلام ، نقي قلبك من اي حسد او غيره او حقد ، اتمنى الخير للكل ، افرح لفرح غيرك الدنيا قصيره خلونا نمشي ليهو نضاف 💙🤍

انا اضئ والمع !❤️

Shine and brightness .❤️

الجملة دي بشوفها في استوري وحدة مرة كل فترة. لما لاحظت انو اتكرر كتير .. قلت ليها.." والله حفظنا حفظ شوفي لينا حاجة تانية" ردت لي انو كل م تلاقيه بتكتب كدا !❤️

وحدة صحبتي كانت واضح عليها علامة الكآابةة تلقاها حزينة واليوم كلو كلام حزين بالمعنى الحرفي كدهه البت كانت مُنطفية .. " حبت وإتحبت " لما لاقيتها من كم يوم. وحدة تانية خالص.

معانا بت في الداخلية من غير اي مقدمات وقفت في وشي وقالت لي انتي بتحبي ي هاله؟ انا دييي كررر ؟ ضحكت وقلت ليها ليي يعني ؟ قالت لي وشك منور وطوالي بتضحكي .❤️

ومين قال إنو الحاجة دي بنلاحظها على البنات بس؟ ممكن تلاقي واحد كان بيسجر و وقف ! ولما تسالو ليه؟ ولا بتلفت ولا بفتش اجابة ويقول ليك عشانها هي ! ..
و واخد تاني عصبي مع اخواتو وفجأة تلاقيهو اتحول لكائن تاني حنين وطيب وزي ما بقولو سهل التعامل معه.

احكي ليكم حاجة ؟ مرة صحبتي كانت مرتبطة بواحد من النوعية دي. انا وهي الاتنين كنا بنخاف منو. لو هي م ردت ليه بتصل علي أنا يشوفها مالا ؟ بستخير وبستشهد حتى ارد ليه .. في مرة جاتها رسالة من رقم غريب " أنا لو جيت اشكر زول فا حشكرك انتي " طلعت اختو .هوا في احلى من كدا؟

مرة نزلت في استوري الواتس عرفتو كيف انكم اخترتو صح؟ رد لي واحد وقال بعد وفاة امي دخلت في حالة اكتئاب. هي الوحيدة القدرت تطلعني منها وتخليني ارجع لحياتي الطبيعية من تاني! ❤️

هوا حقيقهه الحب لما يكون حقيقي بينور ، بيغير ، وبخليك واحد تاني قادر يتخلص من كل صفة سيئة فيهو عشان الطرف التاني. ناهيك عن احساس انك تحب وتتحب من نفس الشخص اللي اتمنيتو . وتكمل معاه لآخر العُمر ! تخيل بس كم الفرحهه!! "

م ننسى أنو فيي نفس اللحظة اللي قادر يطلع بيك لسابع سما قادر ينزل بيك لتحت الأرض. فشنو؟! اختاروا صاح .

__
كفي بكفك لا عجزٌ يؤرقني ولا آه انحناءاتي .!❤️

_ح نفرح بيك متيين 😃؟!

=والله انا كل يوم بفرح بـ نفسي شوفو انتو فاضييين متيين
وتعالو افرحو معااي
🐸

هلوو

إذا قراراتنا ما بتتغير
روتينا مابتغير ردود أفعالنا تجاه كل شئ بآذينا ما بتغير

نظرتنا للحياة ما بتتغير أصحابنا ما بتغيروا وهنا ختوا مليون خط
أفكارنا ومصادرنا البناخد منها المعلومات ما بتتغير
شكلنا ما بتغير
إذا ماحصلت تغييرات في حياتنا العملية ومصدر دخلنا
واهم من دا كله نظرتنا لذواتتا ما بتتغير
يعني با اختصار عايشين من سنين في نفس النمط
لازم نعرف انه مستحيل يحصل تغيير في حياتنا
مشكلتنا عايزين نتغير وما بنجرب شئ جديد ونغير القديم
شخصية الإنسان مجموعة عادات وسلوكيات
إذا عايزة تغييري شخصيتك للأحسن يبقى راقبي سلوك واتبني عادات جديدة ♥️♥️

⚔ إتحاد أرونيكا لدعم القنوات ⚔

♦️برعاية أرونيكا للدعاية والتسويق

زيادة مضمونة ودعم فردي للقنوات

للقنوات +1k

══🥀══℘══🥀══

🔖F 8 am - T 3 pm 💎 By : Arunika Company ✅

♥══🥀══℘══🥀══♥

الكلام الحلو بيفرق جدًا وقادر يغير نفسيتك من شخص مكتئب لشخص مبهج ويخليك تبتسم من غير سبب
الكلام الحلو بيطبطب على القلب وبيفتح النفس ويخليك تنور من جديد
أوعى تبطل تقول كلام حلو لأى شخص
لأن حقيقى بتفرق لما تشوف شخص لابس حاجة جديدة وتقوله إنها جميلة عليه وقتها هيحب الحاجة دى وهيحب نفسه ويحبك أكتر
لما تشوف شخص عمل حاجة مهما كانت تافهه بالنسبالك بس لمجرد إنك تقوله قد إيه إنها حاجة عظيمه هتفرق معاه وإن كلامك ده كان تقدير لتعبه فيها
لو مش هتقدر تساعد إللى قدامك بأى شئ فـ كفاية إنك تحاول تساعدة معناويًا بكلام لطيف يشحنه طاقه من جديد
فى أشخاص كتير إنتحرت لمجرد إنها متلاقيتش إللى يسمعها أو يحتويها حتى بكلمة
فـ سيب أثرك فكل شخص ولو بكلمة حلوة وهتتفاجئ بشعور السعادة من غير سبب والله وهتبقى مبسوط لوحدك من غير أى موقف حصلك علشان ربنا هيجبر بخاطرك بسبب أثرك إللى سيبته ف قلب كل شخص فرحت قلبه بكلامك وجبرت بخاطره

اللهُم في صباح يوم الجمعة مُعجزة من عندك تُغير الأقدار وتُحقق الأماني .💜

🤲❤️

في التوكل على الله راحه ، بل أن منتهى الراحه النفسيه أن تَكِل أمرك إلى الله تعالى ، أن تخرج من حولك و قوتك إلى حوله و قوته ، أن يُوقن قلبك بأنك مُستسلم تمام الإستسلام له ، مُسَلِم ناصيتك له ليمضي فيك حُكمه و أنت كامل الإطمئنان به ، تجد في قلبك قمة الحب له مع الخوف منه ، إذا مَرَّ بك ما يقلقك تلجأ إليه و أنت مُوقن أنه سيتولاك ، ظنك الدائم به أنه أرحم بك من نفسك ❤️ ..
اللهم إني توكلت عليك و وكلت أمري إليك فبشِّرني بما أريد و بما اخترته لي خيرًا ❤️

انا كإنسانة متأثرة جداً بمصطفى سيد احمد مفترض ارتبط بواحد بشبهو ، يعني مثلاً يكون مسجل رقمي بـ " الرفيقة "💙.
لما  نتلاقى يقول لي : " تجي البت الحديقة فاردا انسام في طريقا و شايلا الوان "💙، و كل ما احس بفتور علاقتنا يرسل لي : " الا باكر  يا حليوة لما اولادنا السمر ، يبقو افراحنا البنمسح بيها احزان الزمن "💙.
يكون مفتون بعيوني و يتغزل فيها بأجمل الاوصاف مثلاً : " غابة الابنوس أو سحابة صيف أو حس اطفال بنادو القمرا للغايب يعود أو عينك مدن "💙.
و كل مرة يذكرني بأهميتي في حياتو و يقول : " لمحتك قلت بر آمن و بديت احلم ، و اقول يا انت يا اغرق ، يا المراكبية البتجبد من فك الموج الغريق "💙.
و يلفت نظري دايماً اني فتفكيرو و يقول : " يا ما شايلك فيني حايم ، لا الليالي المخملية لا العمارات السوامق لا الاسامي الاجنبية ، تمحا من عيني ملامحك "💙.
ابسط حاجة انو  يناديني بـ " يـا ضلنـا "💙
يثبت لي بأنغام مصطفانا انو نحن جمعنا قدر و يقول : " تمشي وين الخطوة عنِّك ما الزمن بالحب بلاكِ و ابتلاني "💙.
و لما ازعل يراضيني بي : " اصلو غير عينيك وحاتك ، ما في للأفراح معاني "💙.
و يقول لي ما تتخوفي دي النسمة بتجيب الأمل.  الأمل بيصبح رفيق💛🌸
يحبني بالنهج المصطفاوي المليلان بالاحاسيس و الشجن💙.
فاااااا بسس يعني💜🐾

اشتغل  وأنت بتبكي! ❤⚡

لو أنت قعدت منتظر الدُنيا تهدى وتتظبط ليك  عشان تنجز الوراك، ف أحب اقول ليك انك ما حاتنجز أي حاجة لأنو وبكل بساطة الدُنيا ما حاتروق وتتظبط ليك، لأنو دي الدُنيا كده

الطبيعي في الحياة التعب والحزن وكل شئ سيئ، لأنها دُنيا! ودورك هنا أنك تتأقلم مع جو الدُنيا دي وتبدأ تعمل الحاجة الوراك ..

لأنو كده كده يا تنجز في كبد الدُنيا، يا ماتنجز نهائي

وعشان تعمل كده لازم تتسلح بي كم مهارة تساعدك تعدي مشاكلك والصعوبات البتمر بيها على خير

زي:

✅ إدارة الوقت، وكيف وسط زحمة الدُنيا دي تقدر تعمل العليك

✅ اتعلم تخطط، وتخت كل مهمة في وقتها الصحيح

✅ ابدا في السنة الجاية تحدي تطوير Soft Skills بتاعتك وفي  كل شهر تطور مهارة، على نهاية السنة حايكون معاك 12 مهارة في جيبك

✅ إختار الناس والصفحات اللي بتتابعهم في مواقع التواصل بعناية، بحيث تكون حسابات وصفحات مفيدة تفيدك في مسيرة تطوير نفسك

كيف بنعرف انو ده الزول الصاح ؟
..
صحبتي قالت عرفت انو الزول الصاح.. لمن خلاني احب نفسي.. وعزز ثقتي في نفسي شديد.. كل ما يشوفني بقول لي انتي ليه سمحه كده.. سماحتك دي كتيره على العالم..
ومن يومها انا بشوف نفسي سمحه شديد.. مهما كانت حالاتي..

واحده تانيه قالت  :كان بعزز لي ثقتي في نفسي بصوره رهيبه.. وبلقاه معاي في كل خطوه بخطيها.. وكل تفاصيلي التافهه عندو مهمه شديد..

عندي صحبتي..  خطيبا كل ما يجيهم في البيت بجيب ليها معاه.. بيبو بنكهة الفراوله عشان كانت بتحبو..

ومره. واحده كان نفسها تتعلم اللغه الفرنسيه بس ابوها  كان رافض انها تتطلع بره البيت عشان تقراها...اول مما اتزوجت راجلها سجل ليها في كلاس لتعليم اللغه الفرنسيه وكان بمشي يتعلمو معاها

صحبتي كانت متوتره من فكرة الزواج.. قبل كم شهر من العرس خطيبها ساقها لورشه بتتكلم عن التهيئه النفسيه للمقبلين عن الزواج.. وحضروها سوا.. وكان بيسعى عشان هي تخطي الخطوات دي وهي مطمنه..

مره مشينا مناسبه لقرايبنا.. ولد من اهلنا قال لينا ما قصرتو.. وعاين لمرتو بكل تقدير.. وقال المدام ذاتها ما قصرت.. طلعت منها ضحكة حلوه كده.. بتشبه ضحكة. الانتصار..
..
انا يمكن ما عشت كل التتفاصيل بالشكل ده.. بس في تجارب كتيره حوليني خلتني اقدر اميز الزول الصاح بكل سلاسه

الحاجه الما بيتغالطو فيها اتنين..
الزول الصاح ما بخليك تسألي ياربي هو صاح اولا؟
ولا بيتحاربو بسببو عقلك وقلبك..

اينشتانين عندو جمله بتقول..
The heart is secret gift.. and the mind is the faithful servant
القلب هو هدية قدسيه.. والعقل هو الخادم المطيع..
معناها تلقائيا كده اي اوامر بتصدر من القلب مفترض العقل يتبعها بدون جدال او اضطراب..
الزول الصاح هو الوحيد القادر انو يخلق اتزان ما بين عقلك وقلبك.. وقادر يحقق ليك السلام النفسي والاتزان الداخلي

سندريلا كانت خادمة رثة الثياب.. ورايدر كان حرامي.. وفي امير اتحول لوحش
الوحش ورايدر ظهرو على حقيقتهم في البدايه.. عشان نفهم انو الزول الصاح.. ما شرط يكون فاحش الثراء او وسيم..
الوحش رجع لطبيعته...لمن لقي تعامل لطيف..كان عشان نعرف انو الزول الصاح مهما اتغير بس معدنه بيفضل ثابت..
رايدر خلى السرقه بفضل روبانزل... عشان نفهم انو الزول الصاح قابل للتغيير.. وبنقدر ننتقدو عادي ونتصرف فيه براحتنا..
سندريلا بمفعول السحر اتحولت لاميره والامير اعجب بيها.. ومفعول السحر زال..
عشان نفهم انو الانبهار مهما كانت درجته.. حيزول في يوم من الايام.. وحقيقتنا حتبان غصب عننا..
بس. الانسان الصاح... وحده. الحيتقبلنا بكل حقائقنا.. وبكل حالاتنا... زي ما الامير اتزوج ساندريلا بعد ما عرف انها خادمة.. وخلا وراه كل اميرات وحسناوات المدينة..

وكونو سندريلا تنسى الجزمه...وكانت هي الوحيده الفي المدينه البتلبس المقاس ده..
دلالة علي انو الزول الصاح.. بحاول يفتش عنك بكل الطرق.. ولو ما لقاك.. فما حيحس انو في واحده غيرك ممكن تكملو او تجي ع مقاسو..

..
الزول الصاح واضح.. لانه بكون حقيقي.. وتصرفاته حقيقيه كمان..
بطمن.. بيدعم.. بطبطب.. بيسعى.. ويبحاول.. وبكرر المحاولات.. بيحترم.. وبيقدر.. وبمنح الامان.. وكل ده بدون شروط
واعرفي انو الزول الصاح.. عمره ما حيجوط افكارك.. ويخليك تفكري مجرد تفكير انك ما بتخصيه.. وحيكون ساعي عشان يكون معاك بالحلال اكتر منك..

ما حيفضل واحده عليك.. وما عنده شي اسمو انتي حبيبتي بس ديك البست..
ما حيخليك تموتي بغيرتك.. او يحسسك انو في واحده بتعرف عن تفاصيله زيك او اكتر منك..

يمكن يخليك تنومي زعلانه.. بس حيعرف دايما يراضيك..
يمكن ما يجيب ليك هدايا.. بس حيهديك بال مرتاح..
حيلومك...ويزعل منك.. ويتشاكل معاك.. بس عمره ما حيهددك او يمشي منك..
لامتردد.. ولا حتى مستعجل.. دايما بقطع الشك باليقين

حيعاملك ككيان منفصل.. وحيفرح لنجاحاتك دايما..
حتحسي معاه بحلاوة الدنيا.. وحتحسي انك خفيفه زي الريشه.. خاليه من الهموم والقلق..
كل ما تقربي تصلي الارض.. حترجعي تطيري لفوق بصوره اقوى..

حيكون استاندر..لكل الحولينك.. حيرفع رسك.. وحتكوني دايما فخوره لانو في حياتك..

حبعمل كل البقدر عليه.. عشان يوصل معاك للنهايات السعيده.. ما حيهون عليه يخليك ف نص الطريق..

..
هي اصلا العلاقات عباره عن شنو..
شغف بدايات.. منتصف مميت.. والنهايه..
الزول الصاح بعد يخلص شغف البدايات.. حيتجاوز معاك المنتصف المميت.. حيفضل. معاك بعد موت الشغف وانتهاء الانبهار.. وحيسمو بيك. لدرجه اعلى من درجات الحب.. نهايته حتكون زي ما كنتي بتتمني..
..
راهنو علي النهايات.. فالبدايات دائما مبهره..💛

حبيييت🥺💜
هبط الملائكه الاربعه:
جبريل
ميكائيل
اسرافيل
عزرائيل

فقال جبريل
يا حبيبي يا محمد قال نعم يا جبريل قال من صل عليك عشرة صباحا ومساء خطفته من على الصراط كالبرق

وقال ميكائيل
يا حبيبي يا محمد قال نعم يا ميكائيل قال من صل عليك عشرة صباحا ومساء اعطيته شربة لايظمأ بعدها ابدا

وقال اسرافيل
يا حبيبي يا محمد قال نعم يا اسرافيل قال من صل عليك عشرة صباحا ومساء سجدت سجدة تحت العرش لم ارفع راسي منها حتى يغفر له

وقال عزرائيل
يا حبيبي يا محمد قال نعم يا عزرائيل قال من صل عليك عشرة صباحا ومساء اخذت روحه كما تأخذ الشعره من العجين 💜💜

أسألك يامولاي أن تختر لي ولا تخيرني أن تفتح لي الممرات المضيئة بذاتها فلا أضطر للتعثر بطول النفق ، أن ترزقني قرة عين لا تنقطع و نورا في قلبي أرى به الناس والأشياء ، أن يحل بحياتي السلام ، و أن تهب خياراتي الصواب. ألا أبكي فواتا و لا ينقطع بي درب و لا أسير خطوات لغير ما يستحق و أن تهدني لخير النوايا و العمل أن تملئني حكمتك و يضيء سبيلي سعي صادق إليك و يفيض علي المحبة و النعيم💜

أولادي و بناتي الحلوين الزعلانين و مضايقين عشان الجامعات و المدارس قفلت ..
حابه أنبهكم انو كل شي لخير و ما تشيلو هم حاجه بتخص الدنيا و حاجه في الدنيا ❤
النبي صلَّ الله عليه وسلم قال انو الدُنيا دي ما بتسوى عند ربنا جناح بعوضه " جناح ناموسه " !!
الدنيا ما بتسوى قُصاد حُضن من أمك و أبوك وقت رجوعك من الداخليه  ..
ما بتسوى قُصاد كلمة بحبك لمن تتقال ليك من زول منتظر عمرك بحالو تحلم يجمعك ربنا بيهو في الحلال ..
ما بتسوى قُصاد شرابك للمويه بدون مُشكله في صحتك ..
ما بتسوى قُصاد إنك تنزل المويه اللي شربتها من جسمك و تقضي حاجتك بدون ما يكون عندك تدمير في المثانه أو إحتباس يخليك تصرخ من الألم ..
الدُنيا ما بتسوى قُصاد سندوتش فول تأكلو أو أكله بتحبها تأكلها بدون مرض يمنعك عنها ..
ما بتسوى قُصاد كابوس مُرعب تصحى و تلاقي انو كان كابوس ما حقيقه فتحمد ربنا ..
ما بتسوى قُصاد طفل صغير يمسك إيدك و يضحك ليك و يقول ليك أنت عبيط يا خالو أو يا خالتو 😂 .. هو شافع قليل أدب ! 😂 .. بس الدُنيا ساعتها ما بتسوى قُصاد ضحكتك و أنت بتسمعها ..
ما بتسوى قُصاد نومك بُسرعه بدون أرق و قلق و تفكير ..
ما بتسوى قُصاد زول بتحبو ما يتغير عليك مع مرور الوقت ..
ما بتسوى قُصاد لحظة روقانك و ضحكك بدون سبب .. بتحس إنك أهبل .. بس ما بتكرر كتير ..
ما بتسوى قُصاد دعوه من حبوبتك .. و لمة بيتكم في العيد و ونسه مع الأصحاب ..
ما بتسوى قُصاد حُضنك لصاحبك يوم عرسو  ..
ما بتسوى قُصاد سجده بكون جسمك كُلو خاشع فيها لله و ندمان و بتقرب شديد من ربنا نادراً لو حسيتها ..
ما بتسوى قُصاد حتة لحمه بتأكلها من المطبخ قبل الأكل و أمك ما تجوط فيك ..
ما بتسوى قُصاد روقان أبوك و أمك مع بعض بدون مشاكل بتحس إنك نفسك الزمن يقيف و ربنا يثبتهم علي كده ..
ما بتسوى قُصاد ثقتك و يقينك في الله و إنك تبتسم حاليا إبتسامتك الحلوه دي 😉😉😉 و أنت بتقرأ و تقول حاتُفرج ..
ما بتسوى قُصاد صاحب يحس بيك و أنت بتضحك و يعرف انو ضحكتك تمثيل و يقول ليك في حاجه ؟! ..
ما بتسوى وقت لمن تزوغ من المحاضره أو الحصه و تتطلع مع أصحابك تأكلو بره 😂 .. ياااااه ع الإبتسامه الحلوه دي بتأكد لي إنك كنت/ي بتعملها و تدك المحاضره أصبر لي أبوك الليله ! 😂 ..
ما بتسوى قُصاد انو ربنا يعوضكم بأحسن من اللي خسرتو من سنين و أيام و شهور و مصاريف و تعب و موصلات و محاضرات و دكتور غشيم محاضراتو طويله 😂 ..
ما بتسوى قُصاد لحظه تحس فيها برضا من الله عليك 😊 !
#الدنيا_ما_بتسوى .. !!
#صدقوني يا أولادي ما بتسوى و ما بتستاهل زعلكم من الحظر الشهر دا ..
انتو اتحملتو الكتير و عوضكم ربنا لمن يجي بنسيكم كل الفات و كلها تبقى زكريات و تتكلمو عنها و تحكو بيها لي أطفالكم بس كلها مسأله زمن و ربنا هو الوحيد البِعلم و يرتب الأمور وهو البختار لينا الأفضل و الأحسن و نظرتو لِـ الأمور أفضل مننا ..
نظره مُقربه و مُتقنه ،، كريم و رحيم بعبادو ❤

#أقسم بربي كل شي لي خير ماف حاجه بتحصل ساي ❤

#منقول

أعني يا الله على أحلامي البعيدة ، و مُدَّ لي يد العون حتى أصل لنهاية الطرق الطويلة التي أسلُكها 🤲🏽
أعني على أفكاري التي تُؤلم رأسي ، و طمئن قلبي من مخاوفه ...
و ذاك المستقبل الذي أنتظره ، لا أظُن أنني شخص مثالي لكن ساعدني لأكون أفضل لنفسي و لمن يُحبني بصدق ، أعني على تحمل الصدمات و الخيبات ، و النهوض سريعًا بعد كل تعثر و هزيمة و خُذلان ، أعني على ظنوني السيئة و ساعدني في تجاوز المواقف و التفاصيل المؤلمة التي تنهك عقلي ، أعني على جمع شتات نفسي و هوَّن على قلبي مأساته و أحزانه ، هوَّن من أثقالي و خفف عني أحمال الدنيا و ساعدني على الصمود أمام الضغوط و الأشياء التي لا تُحتمل ، و انتشلني من لحظات ضعفي و إنهياري و أنقذني من الحزن و الخوف و القلق 🤲🏽 ..
أعني على العالم و على نفسي يا الله 🤲🏽❤️