آنه بأصعب ضرف مَريت
وأنتَ تگلي متغير.

إلتمَّت وچنها مطولة والجاي أكثر
وتتغير تگول وفَلا تتغير
وتنفجر بأصغر مُشكلة، تعرُف ليش؟
چي ضام بگلبك مَشاكل أكبر
والقلق والتفكير يفتَر بالراس
مِثل الكُرة الأرضية لمَّن تفتر
ويعينك اللّٰه الما تنفعَك چارة
شمدولب المگرود غير أفكاره
ومحد يسير إعليك غير الوسواس
والموت مَا يعرُف يرد خطاره.

لا تخليني احسب رموشي واغيبك
وانه گلب أمك عليك
والله اطيح وياك اذا ما بيه اطيبك
كون چف فزاعة چفي بلا اصابع
تگودني معول عليك
جرس ثاري
وي ما باب انفتحلك شلت اديك.

اجدامي مثل الكذلة ثگلها المطر
الدنيا تمطر
" واشتهي ترد المحنة بالرسايل والصور "

غابت شموسك والفياي انهب
وانه وصيت وگلت
ذب الگلايد لا تجيس اثار بوسات الذهب
من درت وجهك وامانك شح عليه
خوفة الكاتل خفت حتى امن اديه.

جاي أحس بـ أسوء أيام الناس كلها
دفعِة وحدة أنچفت بيه.

عَيوني تستحي بَس الدَّموع وكاح.

ما مَرتاح مِنك مني من العدل
مِن المات من الجَاي من الراح مَا مرتاح.

مَثل ماخذت گلشي چا خذت لوني
ماريد البشر بعدك يعرفوني
جسر يم نهر يابس والشمَس تحجي
أول مره آصفن ماعرف شبچي
چني آعله الدمع ما ماخذة عيوني.

وديتلك گلبي برسالة
مايرضه يبرد چا شمالة.

مشتاگلك والليل وحشة
ودمعتي التنزل ثكيلة
وصَوتها من اطيح عالي
وحتى محّد يدري بيها
ارگض اتلگاها بيدي لمَن تمر علبالي
انت وين.

ضيعت آخبارك وسنيني بنفس التوقيت.

وديلي كلشي الچان مِن ريحتك
مشتاگلك مَرسة وشراع وبحر.

مرورة الفركه اعلى صدري اطيح نجمة
واعثر بصوتك ضوّه واتبده ظلمة
يوكف بصدري هوّى يگفيله دنيا وخلگي نسمة.

لعبت نفسي.

كِلشي بالدنيا فَراغ بلاية چفك.

نِذرنالك تِجي وندعيلك تعوُد
وعِمت سچينه وشيب نِذرنا.

البارحه تذگرت گل لِحضه بيها سُوه
وگبران چني سُنه من البارحه لِهسه.

مَشهد غيابَك خرابة
وصوتَي مَبحوح شيَصيح
والشوارع كُلها مسكُونه
وصَفير وصُوت رِيح
والهَياكل والجَماجِم ملحَمه
والناس كل الناس ميتَه
ووحدَي أعثر وأطيح
ولو خَبر منك يجيني
الناس تِعدَل من جديد
ضوه يبين من بعَيد
مطر ينزل
شمَس تضحك.

شگد ايام مرت وانته ماموجود