tgoop.com/GenPr/5630
Last Update:
Солтүстік Қазақстан облысының прокурорлары сотта бизнес құқығын қорғады
Прокуратура органдары Бас Прокурордың тапсырмасы бойынша бизнес субъектілерінің құқықтары мен мүдделерін қорғау бойынша жүйелі жұмыс жүргізуде.
Қадағалау органы талдау шеңберінде заңсыз сот актісін шығару жолымен кәсіпкердің құқықтарының өрескел бұзылуын анықтады.
Мәселен, СҚО бойынша ішкі мемлекеттік аудит департаменті (бұдан әрі-Департамент) мемлекеттік сатып алу туралы заңнаманы сақтау бойынша аудит жүргізіп, оның барысында тікелей шарт жасасу арқылы бір көзден сатып алу тәсілін негізсіз қолдану анықталды (сатып алу сомасы 700 млн теңге).
Департамент Шал ақын ауданы әкімдігінің сәулет, құрылыс, тұрғын үй-коммуналдық шаруашылық, жолаушылар көлігі және автомобиль жолдары бөлімі мен «SAB BARAKAT» ЖШС арасында жасалған көше жарығын басқару және орнату жүйесі бойынша көрсетілетін қызметтерге арналған шартты жарамсыз деп тану туралы сотқаталап арыз берді.
Мамандандырылған экономикалық соттың 2024 жылғы 18 шілдедегі шешімімен талап қанағаттандырылды, мемлекеттік сатып алу туралы шарт жарамсыз деп танылды.
Бұл ретте, бірінші сатыдағы сот өнім берушінің жұмыстарды 80% - ға ескертусіз орындауын есепке алған жоқ.
Қадағалау органының араласуынан кейін ғана сот актісінің күші жойылды, 2024 жылғы 29 қазанда Солтүстік Қазақстан облыстық сотының азаматтық істер жөніндегі сот алқасы жаңа шешім шығарды, онда мемлекеттік сатып алу туралы шарт күшінде қалды.
Нәтижесінде «SAB BARAKAT» ЖШС кәсіпкерінің құқығы қорғалды.
#ЗАҢменТӘРТІП
#Әділдік
Солтүстік Қазақстан облысы прокуратурасының сайтына сілтеме:
https://www.gov.kz/memleket/entities/prokuratura-sko/press/news/details/919514?lang=kk
Facebook | Instagram | YouTube | Сайт ГП