قيّد هدفك بكتابته🎯

في البوست الظريف الفات اتكلمنا عن إنه كيف نحدد أهدافنا. واعتقد إنك أكيد مفروض عرفت أهدافك وحددتها.💙

طيب نجي لنقطة إنّه كيف نكتبها؟🤔
ركز هنا أيوا انتَ ركز معاي 🙃

كونوا تكتب أهدافك دي الخطوة الأولى نحو النجاح كويس معاك؟ فلازم تكون واضح ومحدد أهدافك بدقة، وبتقدر تقدرها في أي وقت وتقيسها، وتحدد مواعيد محددة لتحقيقها.
وأثناء كتابتك استخدم لغة إيجابية ومشجعة، وأحسن تكتبها بخط يدك، وتربطها بشخصيتك البتحبها، وبالحاجات البتحمسك.
وواحدة من التركات المهمة اذا عندك هدف كبير قسّمه لأهداف صغيرة عشان تحس بالإنجاز وتتحمس انك تصله.

في نموذج ظريف اسمو SMART لكتابة الأهداف ممكن يساعدك تحقق كل القلنا فوق دا..
1. *S (Specific):
تحديد ما هو الهدف؟
2. *M (Measurable):
كيف ستقيس النجاح؟
3. *A (Achievable):
هل الهدف واقعي؟
4. *R (Relevant):
هل الهدف مهم؟
5. *T (Time-bound):
متى ستتحقق؟

لو يوم حصلت حاجة وخربت عليك عادي غيرها بس م توقف 💙✅

يلا قوم اكتب أهدافك واتحفنا 🔥
ونتلاقى في بوست جاي 🫡💙



#قيد_هدفك_لا_يطير!
#الأهداف_لا_تنتظر
#قوم_أمشي_أقرأ

صَباح الانجاز..!!
كل يوم هو بمثابة بداية جديدة، مهما كان حصل أمبارح...
أنسى و ابدأ من جديد، فكر، خطط، نفذ
يلا قووم.

#قوم_أمشي_أقرا

أهداف 2024 حققتها؟
#قوم_أمشي_أقرا

إن شاءالله تكون حققت أهداف 2016 يا أبوحميد 😂😂

قوم أنجز اللي عليك وخلي الكسل ينوم بدلك في السرير، ابدأ بكل نشاط وإيجابية...
مستقبلك مستنيك.

#قوم_أمشي_أقرا

بالتوفيق يا الخوارزمي..

شعوركم كيف وده آخر إمتحان؟🤩

خليط من الحماس والتوتر، وكمان من كُتر المشاعر دي بتكون حاسي إنك ما قادر تقرا...

لكن تفتكر إننا حنخليك لنفسك!
لا، ما دريت
مشى الكتير وبقى الأقل من القليل

مفاجأتنا ليكم شنو ل الليلة تفتكروا؟🤞

أضبط منبهك، وجهز كُراسك وقلمك
ع الساعة 9 بتوقيت السعودية، و8 بتوقيت أرض النيل
علشان حنتلاقى لقاء حماسي ورهيب نزبّط فيهُ الأنجليزي مع بعض، ونقول للإنجليزي تاني إلا تطير🤏

مع استاذ محمد يحيى
📌حاليّا معلم في مدارس رواد الخليج في السعودية
📌كان شغال في أم در الإنجليزية
📌وكمان في المورد الجديدة
📌وكان محاضر متعاون في جامعة السودان

في أزبط من كدا؟🤔

على قناة المراجعة النهائية للإنجليزي🤩

📌الرابط⬇️

https://www.tgoop.com/afxfegbjkjjohdzch

نتلاقى بعدين🤞💙


#قوم_أمشي_أقرا
#مدرسة_قوم_الإلكترونية

شايفك يا جورج و انت حايم في الميديا كانك خلصت امتحانات و بكرا م عندك امتحان انجليزي😏

قوم رتب نفسك المراجعة باقي ليها اقل من 20 دقيقة🫣

#مدرسة_قوم_الإلكترونية
#قوم_امشي_أقرا

https://www.tgoop.com/afxfegbjkjjohdzch?livestream=e7dbee982af34925af

📌 لقد بدات المراجعة النهائية الان🤩

السلام عليكم ورحمة الله وبركاته
بوست مؤقت حتى الساعة 12:00 بس

عايزة اتكلم معاكم في قعدة صحاب كدا بس جلسة بوعي
كلنا(اشباهي) او الغالبية العظمى مننا كنا( السنة دي انا وانتو عارفين😂) بنبدأ السنة بحماس شديد ونبداها بقعده مع نفسنا كدا وداك يا الدفتر والقلم والنوتات الملونة دي و..و..
ونبدا نكتب ونفرغ الفي راسنا وبعد شوية نرتبها في شكل أهداف كبيرة واخرى أصغر توصلنا للكبيرة و..الخ (عارفين السيناريو طبعا).
وتبدأ تمر الايام ونبدا بقوة في التحقيق وبعد شوية يحصل لينا انتكاس وتاني بعد شوية نكسر الحنك نهائي ونوصل نهاية السنة يا إما ما حققنا حاجة أو كمان قدرنا جازفنا لينا حِبيبة حاجات غايتو كدا تمشي الحال لقدام عشان ما يموت أملنا في الحياة.
حالياً اكتشفت انو الطريقة دي غلط كبير لينا نحن الكنا بنتخذ الطريقة دي لانو ما بنعمل update لنفسنا ولافكارنا وأهدافنا الكتبناها ديك، فبتجي فترة كدا الرغبة المُلحة الكانت موجودة عشان نحقق بيها دي ذاتها اختفت لاننا ما شايفين انجاز واضح قدامنا(ما نحن ما اتحركنا وأتلفنا البطارية كلها في الأمور الجانبية)، وبعد شوية نلقى الايام، الشهور، السنين مرت ونحن في نفس البؤرة( ناس أنا آخر سنة متذكرها كانت 2018😭).
لو لسه ما عملتو حاجة زيي كدا في السنة دي.. تعالو نغيّر الطريقة شوية..
حنعمل شنو؟؟
أول شي، بعد دا كبرنا وعارفين أنو، مفروض *ذاتنا*(او نفسنا يعني لغير الناطقين بها) تكون اولوية وبعدها تجي باقي الحاجات (لانو ما حتلقى لنفسك غير نفسك عشان كدا أحسن تهتم لأمرها)🙂🤝
يلا حنقسم السنة على 4 كل 3 شهور براها، لانو غالبا انا وانت ناس ممكن نُصاب بالملل اذا كانت الفترة طويلة شديد، ونبدأ ( زكز معاي)بتركيز شديد وبوعي، وأهم أهم شي، بواقعية وتفاؤل( سيب لي الاحباط واليأس والنفسيات دي بعيد لانها لو كانت حتفيدنا في شي ما كنا لحدي هسي في نقطتنا دي)
المهم نكمل نكتب أهداق حقيقية، واقعية، بنقدر نحققها في فترة معينة ، ممكن ترجعوا للبوست دا https://www.tgoop.com/Goma8ra/11294
ونبدأ نتوكل من اللحظة اللي قريت فيها البوست دي في أول خطوة في مستقبلنا بحُلتهِ الجديدة (ما حلة عدس يا زولي قصدي شكلهُ) ،ونتلاقى أن شاء الله بداية شهر 4 كان الله أحيانا والموت خلانا، أتمنى لي ولكم التوفيق والسداد.
تذكير..
لازم تبدأ هسي، كل لحظة انت وعيت فيها لنفسك، هي اللحظة المناسبة للبداية، ح أخلي ليكم بوست في أول تعليق عساه يديكم دفرة.
أختكم ريان.
والسلام.

#قوم_امشي_أقرا
#تعليمك_لحدي_عندك

عزيزي القارئ

طبعا الكلام دا انجليزي لكن عشان انت زول عابر شديد فإنت قادر أنك تقراهو كأنو عربي سوداني 😎

المهم...
بالتوفيق ليك يا خواجة 🫡

و انا بتخيل الرجعة لمدني و الخرطوم و انو الحياة رجعت لطبيعتها خلاص

الله أكبر الله أكبر الله أكبر
ولا إله إلا الله وحده، صدق وعده، ونصر عباده، وهزم الطغاة والجبابرة وحده

هذا يوم من أيام الله .. هذه سنةٌ من سنن الله

ودمدني عادت لنا بحمد الله، عادت حنتوب والعريباب عادت المهيدي والشيخ عبدالله والوراق وماحولها

فاستبشروا يا أهل الخُرطومِ وأستبشروا يا أهل الفاشر، إن وعد الله حقٌ ونهاية الطغاة حقٌ وإن طال البلاء وإن إشتد المُعاناة ويُئس الحال

#قوم_أمشي_صلِّ💚