قصيده لرجوع السيده زينب عليهاالسلام للديار


يا دار الولي والله عمت عيني
اتخيل صورتـه بيها وتبچيني

رجعـت مكدره والحـرم وياي
مانشفت تهـل ادمــوع عيناي
تره ماينحمل يا خويــه بلواي

((يبن امي اخلافك//مهضومه))

✍️ المله ام مجتبى
┄┅═✧❁★-❁✧═┅┄

بلوه اخلاف عينك هدموا الدار
تدري حسين خويه بهاي الاخبار
لابيت اليلمـــــني وبالگلب نــار

((نغار / و لاواحد عينة ))

✍️ وعد الڪفيل

┄┅═✧❁★-❁✧═┅┄

لاعـندي ولــد لاوالـي يـا نـاس
وداري مضلمه ومــابيــها عباس
بيها بس ادك والطم على الراس

((نـام على الرمضى//وخلاني))

✍العلويه أم نور الميســانيـة

┄┅═✧❁★-❁✧═┅┄

دخلت الدار اصيحن وين اخوتي
مالومه وحزينه وراح صوتــي
تمنيت بفگدهم انــه موتــــــي

((ماواحد منهم //حاجاني ))

الخـ✍️ــادمه ام زيد الشمري

┄┅═✧❁★-❁✧═┅┄

خويه حسين حته البيت مهدوم
ردينه حرم ورواحنه تحوم
متعوبين خويه نطيح ونكوم

((نتعثر طبينه// بلوعه))

✍طالبةالزهراء

┄┅═✧❁★-❁✧═┅┄

رديــت بـحزن ودموعي بالعين
يدار الخاليه من اهلي الطيبين
لا عباس بيــها ولا مـــن حسين

((يادار من اهلي//خلوانه))

أم صـــ✍️ــــادق المنصوري

┄┅═✧❁★-❁✧═┅┄


تمت باقلام شاعـ✍️ــرات
#رابطة أدب الطف
#منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tgoop.com/HOWEIY

أشترك بالقناة عبر الرابط اعلاه☝️

قصيده لاولاد مسلم ع
((الوزن هجري))

______

زينب تنادي وحزينه وينه شــيال اللـوه
خل يدورلي جنيني من الركض جدمي التوه

┄┅═✧❁★-❁✧═┅┄

تنادي والدمعه جريه والگلب بالهم حزين
وين طاهر وين مطهر يااله العالمين
ضاعو من ايدي اليتامه وهوَ عالغبره طعين

وابو فاضل عالشريعه طاح محروم الهوه

الخـ✍️ــادمه ام زيد الشمري

┄┅═✧❁★-❁✧═┅┄
ابو فاضل عالشريعه مادره بمصيبتي
اثنين ضاعولي سويه خله يسمع قصتي
حشمت بالگمر خويه يجيب بيده ضنوتي

بس صحت يمه يطاهر گلبي من هسه خوه

أم صـــ✍️ــــادق المنصوري

┄┅═✧❁★-❁✧═┅┄

بس صحت انهض يكافل مووكت طيحت جفوف
ضاعو اولادي وعموني امشي واعثر بالطفوف
ريته سهمك يلفي عيني تفتح وعينك تشوف

اختك ابياحاله صارت گلبك لحالي انچوه

✍ام اسعد الشمري

┄┅═✧❁★-❁✧═┅┄

اختك تنادي وتعاتب گوم ليها يا كفيل
انهض وشوف شجرالي ضاعو اطفالي دخيل
بالطفوف افتر وادور وحملي ياخويه ثچيل

ضاع طاهر من اديه مدري ياديره نوه

*الحاجه ام احـــ✍ـــمد الحچامي*

❈●••┈❁*❈┈❁●••┈❁

ضاع طاهر وي اخيه من بعد طف كربله
ظهر عاشر يامراري اتشتت هالعايله
منهو ينخالي كفيلي وانه عنده مدلله

خل يدور هاليتامى الضاعوا بطف نينوى

📚🖌️ام زهراء

┄┅═✧❁★-❁✧═┅┄

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tgoop.com/HOWEIY

أشترك بالقناة عبر الرابط اعلاه☝️

يكسر الخاطر طاريه المهدي ماندري شبيه
فگد النبي وكسر ضلوع وباب الودعيه يبچيه

فگد وصبر…. نار وكسر
يادنيه... يادنيه

┄┅═✧❁★-❁✧═┅┄

الله يعينه اعله الصار الموعود يطلب چم ثار
مات النبي ومايدرون مسموم چبده المختار
من ياهظم يالوعات.. مهدينه گلبه يشب نار
ويوم السقيفه المعروف يوم انقلاب الاشرار

أهل الغدر.. نار وكسر
يادنيه.. يادنيه

✍️ وعد الڪفيل

┄┅═✧❁★-❁✧═┅┄

جم ثار يطلب مولاي ثار الذبيح العطشان
وثار الزجيه الزهراء وعبدالله وي الرضعان
الله يعينه كل ساع يبجي والمدمع غدران
يذكر الراحت للشام وعافته فوگ التربان

ام الخدر … نار وكسر
يادنيه…يادنيه

الخـ✍️ــادمه ام زيد الشمري

┄┅═✧❁★-❁✧═┅┄

يايوسف الزهره الجور شسوه ابهلك من اعداك
سم وچتل ياوسفات اليالوعه صدت عيناك
افجع مصيبه التاذيك صدرين هدنّه الواك
صدر انكسر خلف الباب والثاني بالخيل انراك

دامي الصدر…نار وكسر
يادنيه،،، يادنيه

✍️ام حسين المحمداويه

┄┅═✧❁★-❁✧═┅┄

ثار الضلع والبسمار ونار الكضت علخيام
شيداوي مليان جروح وياجرح بعد اليلتام
مهدينه ساكن الاوطان وگلبه حزين ومنظام
مو سهم يطلبها اسهام من آل اميه الظلام

گلبه جمر،،،نار وكسر
يادنيه،،يادنيه

أم صــ✍️ـــــادق المنصوري

┄┅═✧❁★-❁✧═┅┄

ايعينه الله شكد مالوم مو ثار يطلب ثارات
ياخذ بحگ يامسموم ومن ياضلع ياطبرات
طبرت علي داحي الباب اليذكرها ويجر ونات
شعظمه مصاب الغايب و اباله ذيــج الصرخات

ليك الاجر،،، نار وكسر
يادنيه،،، يادنيه

بـ✍🏻 المله ام مجتبى

┄┅═✧❁★-❁✧═┅┄

تمت باقلام شاعـ✍️ــرات
#رابطة أدب الطف
#منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tgoop.com/HOWEIY

أشترك بالقناة عبر الرابط اعلاه☝️

قصيده الرسول الله محمد «ص»


بيت النبـوه امكدر الليله
آيـا محمد صاحت العيله

ضلمه المدينه
تنعى وحزينه
شايل محمد ~~ شايل محمد
┄┅═✧❁ ~ ه ~❁✧═┅┄

الليله يرحـل سيـد الاكـوان
جبريل ويه الوصي حــزنان
وگلب الزجيه اشتعل نيران

يجهر ونيـنه
تنعى وحزينه
شايل محمد ~~ شايل محمد

بـ✍🏻 المله ام مجتبى
┄┅═✧❁ ~ ه ~❁✧═┅┄

گلـب الزجيه اليـوم مــالوم
تنظـر محمد ملقى مسمــوم
وطيـر المـنيه يمه ايحـوم

ويديـر عــينه
تنعى وحزينـه
شايل محمد ~~ شايل محمد

✍🏻 العلويه أم نور الميســانيـة
┄┅═✧❁ ~ ه ~❁✧═┅┄

الليله محـــمد غمض العـين
ويلي انهدم الاسلام والدين
تنعى الملائـك والــسلاطين

تـون الحنـينه
تنعى الحزينه
شايل محمد ~~ شايل محمد

أم صـــ✍️ـــادق المنصوري

┄┅═✧❁ ~ ه ~❁✧═┅┄
مـن غمضت عينـه ولوهـا
ماجنهـا بتـــــه ولارعــوها
ذاك الورث منها اغصبوهـا

عگبك ولينــه
تنعى وحزينه
شايل محمد ~~ شايل محمد

✍🏻ام حسين المحمداويه
┄┅═✧❁ ~ ه ~❁✧═┅┄

گلب الوديعه اليوم محتام
وتگله يا حيدر يضــــــرغام
بعــــده نشوف اهموم والام

ارحل ولينـه
تنعى وحزينه
شايل يامحمد ~~ شايل يامحمد

✍🏻سهام علي المالكي
┄┅═✧❁ ~ ه ~❁✧═┅┄

تمت القصيده باقلام شاعرات رابطه ادب الطف
منتدى القلم الفاطمي

https://www.tgoop.com/HOWEIY

أشترك بالقناة عبر الرابط اعلاه☝️

قصيده لدخول زينب (ع) للشام ولسان حالها:
_____

بلشام من طبينه
الناس تنضر لينه

انا وحـيده بـلا ولي
منهو اليعدل محملي

بلشام من طبينه….
❈●••┈❁*❈┈❁●••┈❁
طبينه بالــشام وتلـــگونه الناس
ضلينه تتفرج عليــنه الارجــاس
واحنه اميرات الصميده وعباس

جا وينه اخوي وكافلي
منهو اليـــعدل محـملي

بلشام من طبينه….
❈●••┈❁*❈┈❁●••┈❁
تلگونه بدفوف وطبول الشمات
نسوان ماترجع زلمـــنه هيــهات
حرمه بقيت بحسرتي وبالآهات

مو گلي خويه ادللي
منهو اليعدل محملي

بالشام من طبينه،،،
❈●••┈❁*❈┈❁●••┈❁
عدوان جــرونه يخويه بحبال
ضربو بناتك شوف ذول الانذال
وتتصارخ النسوان ويه الاطفال

ناديت بويـه ياعـلي
منهو اليعدل محملي

بلشام من طبينه….
❈●••┈❁*❈┈❁●••┈❁
بالشــام تتــفــرج علينــه الاجنــاب
طبونه بالســوگ ويجــرنه السلاب
احنه بنات المرتضى وداحي الباب

كلساع اصيحن ياهلي
منهو اليــعدل محـملي

بالشام من طبينه،،،،
❈●••┈❁*❈┈❁●••┈❁
كلساع اصيحن ياگمر ياضرغام
مشونه بدروب السبي صار ايام
عيني بغـيابك ماغفت لامتــنام

ماترضى خويه انولي
منــهو اليعدل محملي

بالشام من طبينه،،،
❈●••┈❁*❈┈❁●••┈❁
تــمــ بعونه تعالى ــت
بــأقــلام خادمات الامام الحسين ع
أم صــ✍️ــــادق المنصوري
أديــــ✍️ــــــان المنصوري بنت المله ام صادق المنصوري

العمل مهداة الى صاحب العصر والزمان عج وصدقه جاريه الى روح ابي مسبوقه بالصلاة على محمد وآل محمد،،،،
https://www.tgoop.com/HOWEIY

أشترك بالقناة عبر الرابط اعلاه☝️

فزاعيه لأستشهاد الرسول
((الوزن تجليبه))
_____

الجد حسين خل نطلع عراضات
نلاگيها الزجــيه باعله صرخات
___

نــگابلها ونــعلي الونــه وياها
شال الوالي منها وبجت عيناها
عگبك يالنبي يكسرون ضلعاها

وجعانه /اعليك الزهره

✍️أم أحمد الساعدي
❥ــــــ☆ـــــــ●ـــــــ☆ــــــ❥
عــالضــلت يتــيمه نعــلي الونــه.
ابوها شــال عنها وكطعت الضــنه.
تسوى ام الحسن كل هاذ مدمعنه

يضربوها/ وخلاف الهادي

✍🏻آلاء الطائي
❥ــــــ☆ـــــــ●ـــــــ☆ــــــ❥
اليله الطاهرة بنت النبي اتنادي
منها الدمع يجري تصيح يالهادي
تعال وشوف عگبك بوية اشسادي

والدنيا اضلمّت الغيابه

✍️خادمة اهل البيت عليهم السلام العلويه ام سيد مهدي الموسوي
❥ــــــ☆ـــــــ●ـــــــ☆ــــــ❥
وســفه يالزجــيه شال واليها
لبو ابراهيم هاي الونه عليها
عليه اليوم بالدمعه نواسـيها

اعلى اغيابه / محزن الكون

ام✍🏻 زين العابدين لمحمداويه
❥ــــــ☆ـــــــ●ـــــــ☆ــــــ❥
نكــابلها الزجيه نعلي صرختنه
تستاهل بواجي ونوب لطتمنه
ماتهجع ابد للموت ونتنه

وحزنانه /مفكودالوالي

✍️ام زهراءالفاطميه
❥ــــــ☆ـــــــ●ـــــــ☆ــــــ❥
حزنــانه الزجـــيه وتلطـم الهامه
الليله شال ابـوها وراحت ايامه
ودمعتها جــريه اعلــيه محتامه

مهظومه/ بفگده الليله

أم صــ✍️ـــادق المنصوري
❥ــــــ☆ـــــــ●ـــــــ☆ــــــ❥
نگابلها الزچبه بدمعه حراگه
علشال اومشه ماتحمل افراگه
تعلي اونينها ولنوره مشتاگه

نعازيها/ بمصاب الوالي

*الحاجه ام احـــ✍ـــمد الحچامي*
❥ــــــ☆ـــــــ●ـــــــ☆ــــــ❥
(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ/28/صفر 1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة
https://www.tgoop.com/HOWEIY

أشترك بالقناة عبر الرابط اعلاه☝️

فزاعيه للرسول مع هوسات
ــــــــــــــــــــــــــــــ

اليوم المصطفى ظلمه مست داره

شال وغاب وجهه..وغابت انواره
❥❥ـــــــــــ❁❂❁ـــــــــــ❥❥

مفجوع اعله ابوها فاطمه الزهره
وابوالحسنین حیدر كسرته كسره
ناره ما طفت تسعر مثل جمره

ياكنز العلم.. والدين واسراره

(الیوم المصطفی.. ظلمه مست داره)

((مفجوعه الزهره// انواسيها))

✍️ام حيدر العباديه عماره
❥❥ـــــــــــ❁❂❁ـــــــــــ❥❥

ناره ماطفت بلگلب لهابه

تهل اعیونها وتنتحب احبابه

والزهره تون وتصیح یایابه

وگلبها اعله الابو تلهب.. غدت ناره
البیت اخلافک //ضل خالی

✍🏻المیرزه ام ليلي الخاقانی
❥❥ـــــــــــ❁❂❁ـــــــــــ❥❥

البيت اظلم يون اخلاف راعيه

والزهره تدگ والعين مجريه

تصيح اخلاف عینک عالو اعلیه

ماريدان اضل بالدنيا غداره

اليوم المصطفى ظلمه مست داره

وغيابك // حيل امأذيني

✍️. ام احمد المنصوريه
❥❥ـــــــــــ❁❂❁ـــــــــــ❥❥

ويـاها نــون الزهـره مفجـوعــه
كل واحد عليها صـبت دمــوعه
اليوم اعله الابو لوعتها يالوعه
مــدرار الدمع بالعـين يتــجاره
اليوم المصطفى،،،ظلمه مست
داره
عينوها /لمصاب الوالي

أم صـــ✍️ـــــادق المنصوري
❥❥ـــــــــــ❁❂❁ـــــــــــ❥❥

وياها نون والدمعه نجريها

من راح الولي علت بواچيها

بس ادموعها اعله الخد تسلیها

من راح الابو ونگطعت اخباره

واليها //من شال وحمل

✍🏻هدى المطر ام محمد
❥❥ـــــــــــ❁❂❁ـــــــــــ❥❥
حگ اويه الزچيه دموعنه تهمل
ترا فراگ الابو مو بسّهل يكتل
من عگبه يتيمه اولاوحي ينزل

وچان المصطفى جبريل خطاره

انون والزهره. انعازیها

✍️ام مرتضى الحواسي
❥❥ـــــــــــ❁❂❁ـــــــــــ❥❥
تصعب فرگته ماتحمل ام حسين
ظلت عالابو بس تهل دمع العين
شايل ياحسافه سيد الكونين
واليوم الزچيه اعليه محتاره

((والشايل //مايرجع والیها))
(

✍🏻المله نور الساعدي

▪️▪️▪️▪️▪️▪️
تـــمـ بعون الله تعالى ـــت
بقلـ✍️ـم شاعرات اهل البیت ع
في رابطة دموع العقیله ع 
لانجيز حذف الاسماء✋
☘️نسالكم الدعاء☘️
https://www.tgoop.com/HOWEIY
أشترك بالقناة عبر الرابط اعلاه☝️

نخوه للنبي (ص) لطلب الذريه

((الوزن موشح)

نظره منك يارسول الله الامين
للـــذي ماعــنده مــولانه جنين

✿──↻✿...✿↺──✿

نظره مــنك للذي گلبه جـريـح
سنين ماعنده طفل بابا يصيح
نقسم اعليك بابو اليمه الذبيح
تنظر لحاله وجنـميع المسلمين

الخـ✍️ــادمه ام زيد الشمري

✿──↻✿...✿↺──✿
تنـــضر الــحاله وترزقــه بالضــنه
كون بحضينه الولد هـاي الســنه
امـــتك باسمـــك تــنادي ميــقنه
نحلفك بفاطــمه ومقطوع الوتين

أم صــــ✍️ـــادق المنصوري

✿──↻✿...✿↺──✿

نظــره منـــك يانــبي ابجاه العليم
تجــبر اگليبه انــحرم مــن النعــيم
يدعي رحمه اتشمله  من رب كريم
بالسعاده انــذكر مال اويه البــنين

✍ام اسعد الشمري

✿──↻✿...✿↺──✿
لحاله انظر يالنبي وصوته يكول
ياالهـــي اقــسم اعلــيك البــتول
اوليد خادم  اجعله لال الرســول 
فرحه بحق طفل مولاي الحسين

📚🖌️ام زهراء

✿──↻✿...✿↺──✿
يارسول الله ابجاهك ياشفيع
اتفرح المحروم ولگلبه فجيع
تترس حضينه يبو العتره برضيع
وانته رحمه نزلك للعالمين

*الحاجه ام احـــ✍ـــمد الحچامي*

✿──↻✿...✿↺──✿

بمـجلسك يحضر الماعنده طفل
جاي متعني ودمع عينه يهل
إنحلـــفك بفاطمه وشيال الحمل
نريد منك نظره وتقرهه العين

✍️ام علي المالكي

✿──↻✿...✿↺──✿

تمت باقلام شاعـ✍️ــرات رابطة خادمات سيد الشهداء عليه السلام
منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tgoop.com/HOWEIY

أشترك بالقناة عبر الرابط اعلاه☝️

لطميه فزاعيه
لاستشهاد الرسول ((ص))
((الوزن نصف بحر))
__

الليله شال ابو الزهره
واهل الديـن حزنـانـه

❈●••┈❁*❈┈❁●••┈❁

شال وموحشه داره
وسفه تنطفي انواره
مات وشاعت اخباره

الزهره اعليه وجعانه
الليله شال ابو الزهره

*الــ✍ــحاجه ام احمد الحچامي*

❈●••┈❁*❈┈❁●••┈❁

الزهره تنادي يايابه
المدينه ظلمه لغيابه
تنوح بحزن احبابه

داره اصبحت خلوانه
الليله شال ابو الزهره

الخـ✍️ــادمه ام زيد الشمري

❈●••┈❁*❈┈❁●••┈❁

الزهره تلطــم الهــامه
عليه تنحب ومحتامه
ابوها خلــصت ايامـه

تبجــي بروح تعــبانه
الليله شال ابو الزهره

أم صـ✍️ـــادق المنصوري

❈●••┈❁*❈┈❁●••┈❁

تون وتهمل الدمعه
ابد ماهادت البضعه
ماطاب الگلب صدعه

تسعر دوم نيرانه
الليله شال ابو الزهره

✍️ام محمد تقي الموسوي

❈●••┈❁*❈┈❁●••┈❁

تبجي بدمعه هماله
تون بهيده تنعاله
لربنه تشكي الحاله

الدنيا شلون خوانه
الليله شال ابو الزهره

الخـ✍️ــادمه ام زيد الشمري

❈●••┈❁*❈┈❁●••┈❁

تصيح بروح مهمومه
احاه يابوي يايومه
اضل للموت مالومه

من البجي عميانه
الليله شال ابو الزهره

📚🖌️ام زهراء

❈●••┈❁*❈┈❁●••┈❁
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tgoop.com/HOWEIY

أشترك بالقناة عبر الرابط اعلاه☝️

قصيده للسيده رقيه عليها السلام
( وزن الميمر )
◆━━━━◆❃◆━━━━◆

ماتغفة عيني بروحتك لا تهده
وشلون لو طالت يبويه المده
انه رقيه والدموع بعيني
اه يالحنين شويه بس حاچيني

◆━━━━◆❃◆━━━━◆

العگل فارگ بالشجون افكاره
سابيني فكدك بالهظم محتاره
بيه الحزن من روحتك بيه الظيم
مايخمد الگلب اللهيب بناره

طبت دليلي احزان لا ماتنعد
الكون بيه من غبت صار اسود
باب الحزن گلي بعد شيسده
ماتغفه عيني بروحتك لا تهده

✍🏻الشاعره مريم العبوديه اسيرة الاحزان 💔

◆━━━━◆❃◆━━━━◆

باب الحزن يابويه عذب حالي
وجهك ابطول الدرب يتراوالي
يمته تجيني واحضنك يابويه
مدري بعد حسين وشيجرالي

شفت اليسر يابوي لامااحمله
حبك بوسط اگليبي لاماامله

راح العزيز اعلي بعد شيرده

*الحاجه ام احـــ✍ـــمد الحچامي*
◆━━━━◆❃◆━━━━◆
اشلون لو طال الفراگ اعليه
عگبک یوالی الدهر يجرح بيه
منی خذاکم واصبحت محتاره
وینک ينور العين لحگ ليه

اتمنه لو ویاک اجتني امنيتي
ولا اضلن اب إيد النذل تاليتي

گلبي يون وينتحب شيهوده


خادمة اهل البيت عليهم السلام العلويه ام سيد مهدي الموسوي
◆━━━━◆❃◆━━━━◆
تـرفه بعدها الروح مـو مال احزان
كـبـرنـي هـجـرك والـيتـم بيـه بان
فـگـد الابـو چـتـال ياهو ايـعـوضه
يضهد دليل الفاجده ايحط نيشان

ردتـك تـجـي ليل الاسـر عامـينه
جابولي بس الراس جسمك وينه

دمعـي ابغيابـك عالـخدود اتبده
ماتـغـفه عينـي بـروحتك لا تهده

خادمة آل البيت ع
◆━━━━◆❃◆━━━━◆

ماتغفه عيني وليلي كله امساهر
بس صورتك بخيالي ليـها تناضر
بويه البعــد عذبني كل لحظاته
من فرگتك چمدوب گلبي صابـر

فايض شليــلي الدمع وانه زغيــره
من اسمعت شالوك بس بحصيره

تدري بخرابه گضه عـمري حده
ماتغـفه عيني بروحتك لاتهده

أم صـــ✍️ــــادق المنصوري
◆━━━━◆❃◆━━━━◆
تدري بخرابه گعدوني اعدانه
حرمه غريبه فاگده كل الملفانه
فزيت من نومي اريدك يحنين
جاب اللعين الراس بي أذانه

جابه بطشت وامغطه آه بمنديل
شفته تبده وفاح من عندي الحيل


بدمه عزيز الروح غارگ خده
ماتغـفه عيني بروحتك لاتهده


*الحاجه ام احـــ✍ـــمد الحچامي*
◆━━━━◆❃◆━━━━◆
(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ/2 ربيع الاول ..1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة
https://www.tgoop.com/HOWEIY

أشترك بالقناة عبر الرابط اعلاه☝️

فزاعیه لسیده سکینه ع
🍀بقلـ✍️ـم شاعرات دموع العقیله
ــــــــــــــــــــــــ
متوفیه العزیزه الیوم
ليش حسین ماجاها
،ــ❈❥ًً❀)🟢(❀❥❈┉ـ

تعالج والدمع سکته

ابوها حسین رایدته

مــایدري گضـت بته

ویحضرها بمنایاها

✍️العلویه ام ضيغم المحنا
،ــ❈❥ًً❀)🟢(❀❥❈┉ـ
يحضر بالمـنيه اليوم

وياه يحضر الجيدوم

هـالدنيه ابــد مــدوم

مـــر ابكربلا اصـباها

✍️أم حسين الابراهيميه ناصرية

،ــ❈❥ًً❀)🟢(❀❥❈┉ـ

مايدري الجرى عليها

راحـت كــل اهـاليـها

ماتت وسـفه تالــيها

كـون اليــوم ويـاها

أم صــــ✍️ــادق المنصوري
،ــ❈❥ًً❀)🟢(❀❥❈┉ـ

ياويلي عليها اليوم

وعليها الگلب مالوم

نبچي وبگلب ملچوم

كون انحمل ويـاها

✍️العلويه ام علي
،ــ❈❥ًً❀)🟢(❀❥❈┉ـ

غريبه ماتت اسكينه

تنادي عمي چاوینه

يجيب اوياه چفّينه

لاجل عیناي ضحاها

أم علي ✍🏻دمعة لقاء
،ــ❈❥ًً❀)🟢(❀❥❈┉ـ

يا سكنة ويـبلـوتها

تهد الصخر ونـتـها

المنية اليوم من جتها

تشوف حسين منواها

ام علي الرضا الخرسان
،ــ❈❥ًً❀)🟢(❀❥❈┉ـ
►✺┅●✥🧿✥●┅✺◄
تـــمـ بعون الله تعالى ـــت
بقلـ✍️ـم شاعرات اهل البیت ع
((🍀في رابطة دموع العقیله ع🍀))
بتاريخ 5/ربیع اول/144هـ🌙
لانجيز حذف الاسماء✋
☘️نسالكم الدعاء☘️
https://www.tgoop.com/HOWEIY

أشترك بالقناة عبر الرابط اعلاه☝️

موشح


يا ابو الزهراء فگدك يالحبيب
بالگلب للدوم جرحه مايطيب

المدينه تنوح هاليوم بدمع
الكون كله ناح الك هلمنفجع
رحمة الله البيك والما تنگطع

بالسم انته تموت يالهادي عجيب
يا ابو الزهراء فگدك يالحبيب


✍🏻الشاعره مريم العبوديه اسيرة الاحزان 💔

◆━━━━◆❃◆━━━━◆

عجـب ما غـارت بهلها هل ارض
ابگلب كل احبابك افراگك يرض
سمموك اعـداك يالـحبـك فرض

ابزمرت الظلام بس الله الحسيب

خادمة آل البيت

◆━━━━◆❃◆━━━━◆

فــرض حبك لأن بيــك المعجزه
والــلي ســمك خسر كل الجائزه
ويــعرف بـيوم القــيامه مــركزه
ينول كل ظالم وعد الله القريب

أم صــ✍️ـــادق المنصوري

◆━━━━◆❃◆━━━━◆


مركزه الظالم يعرفه بالحشر
العاده ال المصطفى اين المفر
سمموا مولاي ظلام او كفر

ودعانه اليوم مبعوث الرقيب


الــ✍ــحاجه ام احمد الحچاميـــــــــــــــــــــ*

◆━━━━◆❃◆━━━━◆

ودعانـه وكلـف يـوم امـصـيبته
عـافـهـا اتـون امــراره ابـنـيـتـه
يدري بيها اتضيع بعده اوديعته

وابن عمه اخلاف عينه ايضل غريب

خادمة آل البيت ع


◆━━━━◆❃◆━━━━◆


(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاريخ 4 ربيع الاول 1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة
https://www.tgoop.com/HOWEIY

أشترك بالقناة عبر الرابط اعلاه☝️